Ravikiranalu TV

 పోలీసు పరేడ్ గ్రౌండ్స్ లో స్వాతంత్ర్య దినోత్సవ ఏర్పాట్లు

నెల్లూరు, ఆగస్టు 13 : 78వ స్వాతంత్య్ర దినోత్సవం సందర్భంగా నెల్లూరు పోలీసు పరేడ్‌ గ్రౌండ్‌లో రాష్ట్ర పురపాలక, పట్టణాభివృద్ధిశాఖ మంత్రి పొంగూరు నారాయణ ఆగస్టు 15వ తేదీ ఉదయం 9 గంటలకు జాతీయ జెండా ఎగరవేసి వందన స్వీకరణ చేస్తారని జిల్లా కలెక్టర్‌ ఒ.ఆనంద్‌ తెలిపారు. అనంతరం మంత్రివర్యుల సందేశం, ప్రజాప్రతినిధులు, సమరయోధులు, వివిధ రంగాలలో సేవలందించిన ప్రముఖుల పరిచయ కార్యక్రమం జరుగుతుందని తెలిపారు. ఉదయం 9.30 గంటలకు ప్రచార శకటాల ప్రదర్శన, 10 గంటలకు విద్యార్థినీ, విద్యార్థులచే సాంస్కృతిక కార్యక్రమాలు, 11 గంటలకు విశిష్ట సేవలందించిన అధికారులు, ఉద్యోగులు, సేవాసంస్థలకు ప్రశంసాపత్రాలు ప్రదానం చేస్తారాన్నారు.వివిధ శాఖలు ఏర్పాటుచేసిన స్టాల్స్‌ను సందర్శిస్తారని కలెక్టర్ తెలిపారు. పోలీసుపరేడు మైదానంలో జరిగే పతాకావిష్కరణ కార్యక్రమానికి  ప్రభుత్వ ఉద్యోగులు హాజరుకావాలని కలెక్టర్‌ కోరారు. అలాగే ఉదయం 7.30 గంటలకు కలెక్టరు కార్యాలయంలో జరిగే పతాకావిష్కరణ కార్యక్రమానికి కలెక్టర్‌ కార్యాలయ, కలెక్టరేట్‌లోని కాంపౌండ్‌ 

కార్యాలయ అధికారులు, సిబ్బంది హాజరుకావాలని తెలిపారు. 

జిల్లా సమాచార పౌర సంబంధాల శాఖ అధికారి, నెల్లూరు వారిచే జారీ