Ravikiranalu TV

మొగళ్లపాలెం స్పోర్ట్స్ కాంప్లెక్స్ ని సందర్శించిన  ఆంధ్రప్రదేశ్ రాష్ట్ర క్రీడా ప్రాధికార సంస్థ (శాప్ ) చైర్మన్

నెల్లూరు రూరల్ (మేజర్ న్యూస్ )

 నెల్లూరు రూరల్ మండలం లోని సౌత్ మోపూర్ గ్రామపంచాయతీ పరిధిలో మొగళ్లపాలెం స్పోర్ట్స్ కాంప్లెక్స్ మరియు నెల్లూరు రూరల్ నియోజకవర్గంలోని ఏ.సీ. సుబ్బారెడ్డి స్టేడియంలను సందర్శించేందుకు విచ్చేసిన ఆంధ్రప్రదేశ్ రాష్ట్ర క్రీడా ప్రాధికార సంస్థ (శాప్ ) చైర్మన్ అనిమిని రవి నాయుడు ని  శాలువాతో సత్కరించి, ఘన స్వాగతం పలికిన టిడిపి నాయకులు కోటంరెడ్డి  గిరిధర్ రెడ్డి.మొగళ్లపాలెం స్పోర్ట్స్ కాంప్లెక్స్ మరియు ఎ.సి. సుబ్బారెడ్డి స్టేడియం లను సందర్శించడం జరిగింది. సమస్యలన్నీ ప్రత్యక్షంగా చూసాం, వీలైనంత త్వరలో సమస్యలన్నిటిని పరిష్కరించేందుకు నా శక్తి వంచన లేకుండా కృషి చేస్తానని  ఆంధ్రప్రదేశ్ రాష్ట్ర శాప్ చైర్మన్ అనిమిని రవి నాయుడు పేర్కొన్నారు.క్రీడాకారులకు అందరికీ ఎంతో ఉపయోగపడే మొగళ్లపాలెం స్పోర్ట్స్ కాంప్లెక్స్ ను పూర్తిస్థాయిలో క్రీడాకారులకు అందుబాటులోకి తీసుకువచ్చేందుకు, ఏ.సీ. సుబ్బారెడ్డి స్టేడియం నందు ఉన్న సమస్యలను పరిష్కరించేందుకు, శాప్ చైర్మన్ అనిమిని రవి నాయుడు ప్రత్యక్షంగా వచ్చి  సందర్శించినందుకు టిడిపి నాయకులు కోటంరెడ్డి గిరిధర్ రెడ్డి ధన్యవాదాలు తెలియజేశారు.

ఈ కార్యక్రమంలో టిడిపి జాతీయ ప్రధాన కార్యదర్శి బీదా రవిచంద్ర, టిడిపి సీనియర్ నాయకులు చేజర్ల వెంకటేశ్వర్లు రెడ్డి, టిడిపి రాష్ట్ర కార్యదర్శి జెన్ని రమణయ్య, 27వ డివిజన్ కార్పొరేటర్ భీమినేని మురహరి, టిడిపి నాయకులు, కార్యకర్తలు తదితరులు పాల్గొన్నారు.