ఉత్తమ ఉపాధ్యాయులకు ఘన సన్మానం
ఉత్తమ ఉపాధ్యాయులకు ఘన సన్మానం
తోటపల్లి గూడూరు మేజర్ న్యూస్ మండలంలోని మండల పరిషత్ కార్యాలయం నందు గురువారం భారతరత్నం డాక్టర్ సర్వేపల్లి రాధాకృష్ణన్ జన్మదినము సందర్భంగా ఉపాధ్యాయ కార్యక్రమం ఘనంగా నిర్వహించారు. పై కార్యక్రమానికి ముఖ్య అతిథిగా విచ్చేసిన మండల ఎంపీడీవో ఆర్. కౌసల్య హాజరు కావడం చేయడం జరిగింది. ఈ సందర్భంగా వారు మాట్లాడుతూ ఒక పిల్లవాడి పట్ల తల్లిదండ్రులతరువాత సమాజం లో మంచి పౌరుడిగా ఎదగడానికి ఉపాధ్యాయుల పాత్ర చాలా ముఖ్యమని వివరించారు. మండల విద్యాశాఖ అధికారి యస్. వేణుగోపాల్ రెడ్డి మాట్లాడుతూ మండలం నుండి ఇద్దరు జిల్లా ఉత్తమ ఉపాధ్యాయులు గాను, మండలంలో ఐదుగురు ఉత్తమ ఉపాధ్యాయులను ఎంపిక చేయడం జరిగిందని తోటపల్లి గూడూరు మండలంలోని ప్రతి పాఠశాలలోని ఉపాధ్యాయులు ఎంతో బాధ్యతాయుతంగా పని చేస్తూ మండలానికి మంచి పేరు తెచ్చే విధంగా పని చేయాలని కోరారు. అదే విధంగా ఎంఈఓ-2, డి. జయరామనాయుడు మాట్లాడుతు ఒక డాక్టర్, ఒక ఇంజనీర్ ఇలా చెప్పుకుంటూ పోతే అనేక వృత్తుల వారిని తయారు చేసేది ఉపాధ్యాయులేనని వివరించారు. అనంతరం మండలంలో ఉత్తమ ఉపాధ్యాయులను ఘనంగా సన్మానించడం జరిగింది. పై కార్యక్రమానికి మండలంలోని వివిధ పాఠశాలల ప్రధానోపాధ్యాయులు, ఉపాధ్యాయులు పాల్గొనడం జరిగింది.