"ముఖ్యమంత్రి గారికి పాలాభిషేకం"
"ముఖ్యమంత్రి గారికి పాలాభిషేకం"
సర్వేపల్లి నియోజకవర్గాన్ని నెల్లూరు జిల్లాలో కొనసాగించిన ముఖ్యమంత్రి జగన్మోహన్ రెడ్డి గారికి ధన్యవాదాలు తెలియజేస్తూ చిత్రపటానికి పాలాభిషేకం నిర్వహించిన నాయకులు, మహిళలు.
కాకాణి చేతులు మీదుగా 50 కుటుంబాలకు ఇళ్ల పట్టాల పంపిణీ
కాకాణి చేతులు మీదుగా 89 గిరిజన మత్స్యకార కుటుంబాలకు సభ్యత్వ కార్డుల పంపిణీ.
కాకాణి చేతులు మీదుగా జగనన్న సంపూర్ణ గృహ హక్కు పత్రాలను పంపిణీ చేసిన ఎమ్మెల్యే కాకాణి.
శ్రీ పొట్టి శ్రీరాములు నెల్లూరు జిల్లా, సర్వేపల్లి నియోజకవర్గం, మనుబోలు మండల కేంద్రంలో వివిధ కార్యక్రమాలలో పాల్గొని, ప్రజలను ఉద్దేశించి ప్రసంగించిన వై.యస్.ఆర్.కాంగ్రెస్ పార్టీ జిల్లా అధ్యక్షులు, సర్వేపల్లి శాసనసభ్యులు కాకాణి గోవర్ధన్ రెడ్డి గారు.
సభా ప్రారంభానికి ముందు మహనీయుడు డాక్టర్ బాబు జగజ్జీవన్ రామ్ జయంతి సందర్భంగా ఆయన చిత్రపటానికి ఘనంగా నివాళులర్పించిన ఎమ్మెల్యే కాకాణి, స్థానిక నాయకులు.
మహనీయుడు బాబు జగజ్జీవన్ రామ్ జయంతి సందర్భంగా ఆయనకు ఘనమైన నివాళులర్పిస్తున్నాం. సర్వేపల్లి నియోజకవర్గాన్ని, నెల్లూరు జిల్లాలో కొనసాగించిన ముఖ్యమంత్రి జగన్మోహన్ రెడ్డి గారికి హృదయపూర్వక ధన్యవాదాలు తెలియజేస్తున్నాం. అనేక సంవత్సరాలుగా పెండింగ్ లో ఉన్న గిరిజన మత్స్యకారుల సమస్య, పరిష్కారానికి నోచుకోవడం అత్యంత ఆనందాన్ని కలిగిస్తుంది. ఎన్నో సంవత్సరాలుగా ఎదురు చూస్తున్న, అర్హత కలిగిన మత్స్యకార కుటుంబాలకు నైపుణ్య పరీక్షలు నిర్వహించి, నా చేతులు మీదుగా అందజేయడం అదృష్టంగా భావిస్తున్నా. అనేక సంవత్సరాలుగా ఇళ్ల స్థలాలు లేక ఇబ్బందులు పడుతున్న కుటుంబాలు ఇళ్ల స్థలాలు మంజూరు చేసి, పట్టాలు అందిస్తున్నాం. సర్వేపల్లి నియోజకవర్గంలో అర్హత కలిగిన ప్రతి కుటుంబానికి ఇళ్ల పట్టా అందించే బాధ్యత నాది. ధాన్యం కొనుగోళ్లు విషయంలో ప్రతిపక్షాల డ్రామాలు హాస్యాస్పదం. రైతాంగానికి సమృద్ధిగా సాగునీరు అందించి, అవసరమైన ఎరువులు సరఫరా చేసి, రైతు భరోసా పేరిట నగదు జమ చేసి, అన్ని విధాలా అండగా నిలిచాం. ధాన్యం కొనుగోళ్ల విషయంలో ఎవరికీ, ఎప్పుడైనా ఇబ్బంది వచ్చినా, ఏ వేళలోనైనా నిరభ్యంతరంగా నన్ను సంప్రదించవచ్చు.
రైతులు ధాన్యం అమ్మకాలలో నష్టపోకుండా గిట్టుబాటు ధర కల్పించేందుకు కట్టుబడి ఉన్నాం. రైతులు తాము పండించిన ధాన్యాన్ని ధాన్యం కొనుగోలు కేంద్రాలకు తరలిస్తే, ప్రతి గింజ ధాన్యాన్ని కొనుగోలు చేసేందుకు సిద్ధంగా ఉన్నాం. తెలుగుదేశం పార్టీ హయాంలో రైతులను అడ్డుపెట్టుకొని విచ్చలవిడిగా అవినీతికి పాల్పడ్డారు. వై.యస్.ఆర్.కాంగ్రెస్ పార్టీ ప్రభుత్వంలో రైతాంగానికి అండగా నిలిచిన సంపూర్ణ సహాయ సహకారాలు అందిస్తాం. సర్వేపల్లి నియోజకవర్గ ప్రజల రుణం తీర్చుకోవడానికి ఎల్లవేళలా నా సంపూర్ణ సహాయ సహకారాలు అందించడానికి సిద్ధంగా ఉంటా.