Ravikiranalu TV

 రెవెన్యూ సమస్యలను తక్షణం పరిష్కరించాలి జిల్లా కలెక్టర్ ఆనంద్

నెల్లూరు, రవికిరణాలు ఏప్రిల్ 10 :

క్షేత్రస్థాయిలో రెవెన్యూ అధికారులకు తలెత్తుతున్న  రెవెన్యూ సమస్యలను ప్రభుత్వం దృష్టికి తీసుకెళ్లి పరిష్కరించేందుకు  కృషి చేస్తామని జిల్లా కలెక్టర్‌ ఆనంద్‌  అన్నారు. గురువారం నెల్లూరు కలెక్టరేట్‌లోని తిక్కన ప్రాంగణంలో  జాయింట్‌  కలెక్టర్‌  కె కార్తీక్‌, కందుకూరు సబ్‌ కలెక్టర్‌ శ్రీపూజ, డిఆర్‌వో ఉదయభాస్కర్‌రావు, ఆర్డీవోలతో కలిసి రెవెన్యూ సమస్యలపై కలెక్టర్ అవగాహన సదస్సు నిర్వహించారు. ఈ సదస్సులో  తహశీల్దార్లు, రెవెన్యూ సిబ్బందికి క్షేత్రస్థాయిలో తలెత్తుతున్న రెవెన్యూ సమస్యలపై కూలంకషంగా చర్చించారు. పలు పరిశ్రమలు, విద్యాసంస్థల ఏర్పాటుకు భూముల కేటాయింపు, ప్రైవేటు పట్టా భూములను నిషేధిత 22ఎ నుంచి తొలగించుట, రీసర్వే సమస్యలు, అభ్యంతరం లేని ప్రభుత్వ భూముల్లో నిర్మించుకున్న ఇళ్ల  క్రమబద్దీకరణ, వెబ్‌ల్యాండ్‌లో ఎదువుతున్న సాంకేతిక సమస్యలు, అసైన్‌మెంటు భూముల కేటాయింపు, మ్యూటేషన్లు, పివోటి, ఇనాం యాక్ట్‌ల వర్తింపు, భూముల రిజిస్ట్రేషన్‌లో తలెత్తుతున్న సమస్యలు, చట్టపరంగా భూసమస్యల పరిష్కారంలో ఎదురవుతున్న పలు అంశాలను తహశీల్దార్లు, రెవెన్యూ అధికారులు కలెక్టర్‌ దృష్టికి తీసుకొచ్చారు. రెవెన్యూ అధికారులు సూచించిన ప్రతి సమస్యపై కలెక్టర్‌ ఆనంద్‌, జేసీ కార్తీక్‌ సుదీర్ఘంగా చర్చించి పరిష్కారానికి తగు సూచనలు చేశారు. చట్టపరంగా, సాంకేతికంగా ఎదురవుతున్న సమస్యలను ప్రభుత్వం దృష్టికి తీసుకెళ్లి పరిష్కరించేందుకు కృషి చేస్తామన్నారు. ఈ సందర్భంగా కలెక్టర్‌ మాట్లాడుతూ క్షేత్రస్థాయిలో రెవెన్యూసమస్యలను రెవెన్యూ చట్టాలకు లోబడి పరిష్కరించాలని ఆదేశించారు. రెవెన్యూలో మ్యూటేషన్లు సక్రమంగా జరిగితే 99శాతం రెవెన్యూ సమస్యలు వచ్చే అవకాశం ఉండదన్నారు. తహశీల్దార్లు, రెవెన్యూ అధికారులందరూ రెవెన్యూ చట్టాలపై పూర్తిగా అవగాహన కలిగి ఉండాలన్నారు. ప్రతి సమస్యను సక్రమమైన పద్దతిలో పరిష్కరించేందుకు దృష్టిపెట్టాలన్నారు. రెవెన్యూ సమస్యల పరిష్కారంలో చట్టపరంగా ఎదురయ్యే సమస్యలను తన దృష్టికి గాని, జేసీ దృష్టికి గాని తీసుకురావాలని సూచించారు. 

ఈ సమావేశంలో జిల్లా సర్వేల్యాండ్‌ రికార్డుల ఎడి నాగశేఖర్‌, నెల్లూరు, కావలి, ఆత్మకూరు ఆర్డీవోలు అనూష, వంశీకృష్ణ, పావని, తహశీల్దార్లు, డిటిలు, ఆర్‌ఐలు, విఆర్‌వోలు పాల్గొన్నారు.

ఫైలేరియా వ్యాధి గ్రస్తులకు కిట్లు పంపిణీ

నెల్లూరు [చేజర్ల] రవికిరణాలు ఏప్రిల్ 10 : 

చేజర్ల మండలంలోని చేజర్ల ప్రాథమిక ఆరోగ్య కేంద్రంలో వైద్యాధికారి డాక్టర్ షేక్ మెహతాబ్ వారి ఆధ్వర్యంలో గురువారం ఫైలేరియా వ్యాధిగ్రస్తులకు కిడ్స్ పంపిణీ చేశారు.వైద్యాధికారి మాట్లాడుతూ ఫైలేరియా వ్యాధి  క్యూలెక్స్ దోమ ద్వారా వ్యాపిస్తుందని ఈ వ్యాధి నివారణకు దోమలు కుట్టకుండా పుట్టకుండా ప్రజలు చూసుకోవాలని,ఫైలేరియా వ్యాధిగ్రస్తులు కిట్లు ఉపయోగించి శరీరంలో వ్యాధి సోకిన ప్రాంతాలను శుభ్రం చేసుకొని జాగ్రత్త వహించాలన్నారు.ఈ వ్యాధి సోకిన వారు సరైన చికిత్స తీసుకుంటే వ్యాధి ఉధృతం కాకుండా తగ్గుతుంది అని ప్రతి మూడు నెలలకు12రోజుల చొప్పున ఒక సంవత్సరంలో నాలుగు పర్యాయములు చికిత్స తీసుకోవాలని తెలియజేసి ఈ వ్యాధి నివారణకు ఇంటి ముందు మురుకు కాలువలలో మడ్డి ఆయిల్ స్ప్రే చెయ్యాలని తెలియజేశారు.అలాగే సిహెచ్ఓ కే.చంద్రయ్య మాట్లాడుతూ ప్రభుత్వం వారు అందజేసిన కిట్లును ఫెలేరియా వ్యాధిగ్రస్తులు ఉపయోగించుకోవాలని వ్యాధి తీవ్రతను తగ్గించుకోవాలన్నారు.ఈ కార్యక్రమంలో ఏఎన్ఎమ్స్,ఆశ వర్కర్లు, పాల్గొన్నారు.

 పోలీసుల సంక్షేమం పై పాలకులు దృష్టిపెట్టాలి 

నెల్లూరు, రవికిరణాలు ఏప్రిల్ 10 : 

చట్టపరంగా వారికి చెల్లించాల్సిన బకాయిలు ప్రభుత్వం విడుదల చేయాలని ఎక్స్ ద్వారా రాష్ట్ర ముఖ్యమంత్రి చంద్రబాబు నాయుడుకు రాష్ట్ర హోం మంత్రి అనితకు బిజెపి నేత మిడతల రమేష్ విజ్ఞప్తి చేశారు.

నెల్లూరులో బుధవారం నాడు కలెక్టర్ కార్యాలయంలో పెండింగ్ బకాయిలపై ఇరిగేషన్ పంచాయతీ రాజ్ డి ఆర్ డి ఏ డ్రామా శాఖలపై సమీక్ష జరిగింది. 

కానీ రోజుకు 24 గంటల పాటు అందుబాటులో ఉండే పోలీసు శాఖ బకాయిలు పెండింగ్ పై పాలకులు దృష్టి పెట్టకపోవడం ఆశ్చర్యాన్ని కలిగించింది.

పోలీసులకు రావలసిన బకాయిలు మూడు సంవత్సరాలుగా విడుదల డి ఎ టి ఎ సరెండర్ లీవ్ లో ఫైనల్ క్లీన్ ఎన్కాష్మెంటు బకాయిలు దీర్ఘకాలంగా పెండింగ్లో రాష్ట్రంలో సాధారణ మధ్యతరగతి పోలీస్ కుటుంబాలు ఆర్థిక సమస్యలను సకాలంలో వారి అవసరాలు తీరే విధంగా చట్ట ప్రకారం వారికి రావలసిన బకాలు విడుదల చేయాలని రాష్ట్ర ప్రభుత్వానికి రమేష్ విజ్ఞప్తి చేశారు

ఎండలో నిలబడి ఎండ తీవ్రతను ఎదుర్కొంటూ విధులు నిర్వహిస్తున్న ట్రాఫిక్ కానిస్టేబుళ్లు ఆరోగ్య సంక్షేమం దృష్ట్యా వేసవికాలంలో పనిగంటలు తగ్గించాలని రాష్ట్ర ప్రభుత్వానికి బిజెపి నేత రమేష్ విజ్ఞప్తి చేశారు

 గండికోటకు సంస్కార భారతి పురస్కారం

నెల్లూరు [బుచ్చిరెడ్డిపాలెం] రవికిరణాలు ఏప్రిల్ 10 :  

విద్యార్థులకు కథలు, కవితలు, పద్యాలతోసంస్కారం,సహనం, పరోపకారం,దాతృత్వం, ధార్మిక జీవనం వంటి సద్గుణాలకు బాటలు వేస్తున్న బుచ్చిరెడ్డిపాలెం నగర పంచాయతీ రామచంద్రాపురం ప్రాథమికోన్నత పాఠశాల ఉపాధ్యాయులు, సాహితీవేత్త గండికోట సుధీర్ కుమార్ కు సంస్కార భారతి పురస్కారం గురువారం అందజేశారు. ఉగాది, శ్రీరామనవమి సందర్భంగా విజయవాడ సంస్కార భారతి, డాక్టర్ రామన్ ఫౌండేషన్ సంయుక్తంగా విద్యార్థులలో వ్యక్తిత్వ వికాసం, విలువలు చిన్నప్పటినుండే పెంపొందిస్తున్న ప్రముఖులకు ఈ పురస్కారాలు అందించినట్లు సంస్కార భారతి అధ్యక్ష,కార్యదర్శులు భాస్కర శర్మ, శ్రీనివాస్ తెలిపారు. సంస్కార భారతీ పురస్కారం అందుకున్న గండికోటను ఉపాధ్యాయులు, సాహితీవేత్తలు అభినందించారు.

 ధరల పెంపు పైన సీపీఎం ధర్నా

నెల్లూరు, రవికిరణాలు ఏప్రిల్ 10 : 

పెంచిన వంట గ్యాస్ ధరను వెంటనే తగ్గించాలి అని, పెట్రోల్ డీజిల్ ధరలు తగ్గింపు పై కూటమి ప్రభుత్వం ఎన్నికల మేనిఫెస్టోలో ఇచ్చిన హామీని వెంటనే అమలు చేయాలి అని సిపిఎం ఆధ్వర్యంలో నెల్లూరు నగరం గాంధీ బొమ్మ సెంటర్ నుండి వి ఆర్ సి సెంటర్ వరకు గురువారం ఉదయం నిరసన ర్యాలీ నిర్వహించి అనంతరం అంబేద్కర్ విగ్రహం వద్ద సిపిఎం నిరసన ధర్నా నిర్వహించినది.వంటగ్యాస్ పై పెంచిన 50 రూపాయల పెంపుదలను ప్రభుత్వమే భరించాలని, ఇప్పటికే వివిధ రకాల భారాలతో అల్లాడుతున్న ప్రజలపై అదనపు భారాలు మోపడం తగదని భారత కమ్యూనిస్టు పార్టీ (మార్క్సిస్ట్)  నెల్లూరు నగర, రూరల్ కమిటీల ఆధ్వర్యంలో నిరసన ధర్నా కార్యక్రమాన్ని నిర్వహించడం జరిగింది.

ఈ సందర్భంగా సిపిఎం నెల్లూరు జిల్లా కార్యదర్శి మూలం రమేష్ మాట్లాడుతూ ఆంధ్రప్రదేశ్లో ఉన్న అత్యధిక  పెట్రోల్ డీజిల్ గ్యాస్ ధరలు దేశంలో మరే రాష్ట్రంలో లేవని అన్నారు. మన రాష్ట్రం కన్నా కర్ణాటకలో పది రూపాయలు తక్కువ ఉన్నదని, తమిళనాడులో మన రాష్ట్రం కన్నా 5 రూపాయల తక్కువ, కేరళ తెలంగాణ మొదలగు రాష్ట్రాలలో మన రాష్ట్రం కన్నా తక్కువ ధరలు ఉన్నాయని అన్నారు. ఇప్పటికే కరెంటు చార్జీలలో అదనపు బారాల పేరుతో భారీగా విధిస్తున్నారని,ఇంటి పన్నులు పెంచారని, నిత్యావసర వస్తువుల ధరలు పెరిగి ప్రజలు అల్లాడుతున్నారని అన్నారు. వచ్చే జీతాలు వేతనాలతో కుటుంబ అవసరాలు తీరక ప్రజలు అల్లాడుతుంటే ఇప్పుడు అదనంగా గ్యాస్ పై 50 రూపాయల పెంచడం సరియైన చర్య కాదని అన్నారు తక్షణమే 50 రూపాయల పెంపుదలను రద్దుచేసి ప్రభుత్వమే భరించాలని డిమాండ్ చేశారు. ఎన్నికల మేనిఫెస్టోలో ఇచ్చిన హామీ ప్రకారం పెట్రోల్ డీజిల్ గ్యాస్ ధరలు ఇతర రాష్ట్రాల కన్నా తక్కువగా ఉండే విధంగా అమలు చేయాలని కోరారు. ప్రభుత్వ విధానాల తీరుమారకపోతే ప్రజా ఉద్యమాలు పోరాటాలు తప్పవని హెచ్చరించారు.అనంతరం సిపిఎం నెల్లూరు నగర కార్యదర్శి కత్తి శ్రీనివాసులు, జిల్లా కార్యదర్శి వర్గ సభ్యులు మాదాల వెంకటేశ్వర్లు, జిల్లా కమిటీ సభ్యులు షేక్ మస్తాన్ బి, రూరల్ కార్యదర్శి కొండా ప్రసాద్ మాట్లాడారు.

ఈ కార్యక్రమంలో సిపిఎం జిల్లా కమిటీ సభ్యులు జి నాగేశ్వరరావు, కే పెంచల నరసయ్య, అబ్దుల్ అజీజ్, నాయకులు పి సూర్యనారాయణ, బీపీ నరసింహ,మూలం ప్రసాద్, షేక్ షంషాద్, టి శివకుమారి, కత్తి పద్మ,షేక్ షాహినబేగం, మాలకొండయ్య, షేక్ జాఫర్ చెంగయ్య, షేక్ ఫయాజ్, కే సురేష్, కే.ఏమేలు,చిరంజీవి తదితరులు పాల్గొన్నారు.

 ఆంధ్రప్రదేశ్ బీజేపీ రాష్ట్ర పార్టీ పిలుపు మేరకు పల్లెకి పోదాం కార్యక్రమంలో ఆంధ్రప్రదేశ్ రాష్ట్ర స్ట్రైకర్ డైరెక్టర్ కూడా కృష్ణారావు 

అల్లూరి సీతారామరాజు జిల్లా జీకే వీధి మండలం వంచుల పంచాయతీ మురగపల్లి గ్రామంలో జీకే వీధి మండలం బీజేపీ పార్టీ ప్రధానకార్యదర్శి సల్లంగి.అచ్చుత్ ఆధ్వర్యంలో నిర్వహించిన సమావేశంలో కేంద్ర ప్రభుత్వం రాష్ట్రపతి ద్రౌపతి మూర్ము ప్రతిష్టత్మాకంగా ఆదివాసీ పి.వి.టీ.జి.ప్రజల కోసం ప్రవేశపెట్టిన జన్ మాన్ గృహలను సందర్శించి స్థానిక ప్రజలతో ముఖముకి మాట్లాడి ప్రజా సమస్యలను అడిగితెలుచుకొన్న ఆంధ్రప్రదేశ్ రాష్ట్ర స్ట్రైకర్ డైరెక్టర్ కూడా కృష్ణారావు లబ్ధిదారులతో మాట్లాడుతూ కేంద్ర ప్రభుత్వం పథకాలను సద్వినియోగం చేసుకోవాలని అన్నారు,అంతే కాకా భారతదేశం కేంద్ర ప్రభుత్వ ప్రధానమంత్రి నరేంద్ర మోడీ గిరిజన ప్రజలకు మారుమూల ప్రాంతాలకు సౌకర్యం వంతమైన రహదారి నిర్మాణాలు గ్రామ సడక్ యోజన పథకం,త్రాగునిరు కోసం జల్ జీవన్ మిషన్ పథకం,పనికి ఉపాధి పథకం ఎన్.ఆర్.ఈ.జి.ఎస్.పథకం,పేద ప్రజలకు ఉచిత రేషన్ బియ్యం,ఉజ్వలా పథకం ఉచిత గ్యాస్,ఉజలా పథకం ఉచిత కరెంట్,ఇలా పేద మధ్యతరగతి ప్రజలకోసం నిరంతరం ఎన్నో పథకాలు ప్రవేశ పెట్టారు కనుక లబ్ధిదారులందరు ఈ పథకాలను సద్వినియోగం చేసుకోవాలని కోరారు ఈ కార్యక్రమంలో బీజేపీ పార్టీ అరకు పార్లమెంట్ కిషన్ మోర్చా ప్రధానకార్యదర్శి ఏ ఎస్ ఆర్ జిల్లా సోషల్ మీడియా కన్వీనర్ దుక్కేరి.ప్రభాకరరావు పాడేరు నియోజకవర్గం సోషల్ మీడియా కన్వీనర్ పండా ఈశ్వరావు, బూడిద పెద్దబాయి పాంగి రంగా తదితర బీజేపీ పార్టీ కార్యాకర్తలు నాయకులు ప్రజలు పాల్గొవటం జరిగింది.

దుర్భరమైన రోడ్లతో అవస్థలు పడుతున్న ప్రజలు 

నెల్లూరు, రవికిరణాలు ఏప్రిల్ 10 : 

నగరంలో ని పొదలకూరు రోడ్డు ప్రాంతంలో రోడ్లు దెబ్బతిని దుమ్ము దుళితో దుర్భరంగా మారింది. నిత్యం ఈ రోడ్డు గుండా ప్రయాణాలు సాగించేవారు దుర్భరమైన రోడ్డుతో తీవ్ర అవస్థలు పడుతున్నారు. నగరంలోని బట్వాడి పాలెం వద్ద ఉన్న రోడ్డు గుంటలమంగా మారింది. ఇక్కడ నిత్యం ట్రాఫిక్ సమస్య ఉండగా దీనికి తోడు ఈ దుర్భరమైన రోడ్డుతో ప్రజలు పడే అవస్థలు వర్ణాతీతం. ఈ ప్రాంతంలో వాహనాల జోరు కూడా అధికంగా ఉంది. బట్వాడి పాలెం, పొట్టెపాలెం రోడ్డు వరకు నిత్యం వాహనాలతో రద్దీగా ఉంటుంది. ఈ ప్రాంతంలో ఇసుక వాహనాలతో పాటు ఇతర వాహనాల జోరు కూడా ఎక్కువగా ఉంది. దెబ్బతిన్న ఈ రోడ్డు  దుమ్ముదుళితో నిండిపోయింది. బట్వాడి పాలెం నుంచి పొదలకూరు రోడ్డు సర్కిల్ వరకు రోడ్డు  అక్కడక్కడ దెబ్బతిని అధ్వానంగా మారాయి. దెబ్బతిన్న రోడ్లతో నిత్యం ప్రజలు అవస్థలు పడుతూనే ఉన్నారు. రోడ్ల  పక్కనే మట్టి దిబ్బలు నిండిపోయి వాహనాల జోరుతో దుమ్ము దూళి ఎక్కువయ్యి ప్రజలు అనారోగ్యాల బారిన పడే విధంగా ఉంది.  రోడ్ల ను శుభ్రపరిచే వాహనం ఉన్నప్పటికీ ఇక్కడ మాత్రం రోడ్లపై మట్టి, దుమ్ము దుళితో ప్రజలు తీవ్ర అవస్థలు పడుతున్నారు. ఈ ప్రాంతంలో జరుగుతున్న పనులు వేగవంతం కాకపోవడంతో ప్రజలకు ఈ అవస్థలు తప్పడం లేదు. ఇకనైనా అధికారులు దెబ్బతిన్న రోడ్లు, దుమ్ము ధూళితో నిండిపోయి రోడ్లపై ప్రత్యేక దృష్టి పెట్టవలసిన అవసరం ఎంతైనా ఉంది.

పాఠశాల ఆకస్మిక చేసిన ఛైర్ పర్సన్ మోర్ల సుప్రజ మురళి 

విద్యా ప్రమాణాలు చాలా బావున్నాయి మిడ్ డే మిల్స్ నిర్వహణ బావుంది

నెల్లూరు [బుచ్చిరెడ్డిపాలెం], రవికిరణాలు ఏప్రిల్ 10 :  బుచ్చిరెడ్డి పాళెంపట్టణ పరిధిలోని రామచంద్రాపురం ప్రాధమికొన్నత పాఠశాలను ఛైర్ పర్సన్ మోర్ల సుప్రజమురళిఆకస్మిక తనిఖీ చేశారు.విద్యార్థుల హాజరు, బోధన సంబంధ విషయాలపై అధ్యాపకులతో మాట్లాడారు. మిడ్ డే మిల్స్ నిర్వహణ పై ఆమె సంతృప్తి వ్యక్తం చేశారు. రానున్న విద్యా సంవత్సరలో హైస్కూల్ గా అప్ గ్రేడ్ కానున్న రామచంద్రాపురం అప్పర్ ప్రైమరి స్కూల్ కావాల్సిన అదనపు వసతుల గురించి ఉపాధ్యాయులతోచర్చించారు. విద్యా బోధనలో ఉన్నత ప్రమాణాలు పాటించాలని ఉపాధ్యాయులకు సూచించారు. అనంతరం రామచంద్రాపురం లో స్థానిక కౌన్సిలర్ కత్తి శ్రీదేవితో కలిసి తెలుగుదేశం పార్టీ సభ్యత్వ కార్డుల పంపిణి చేశారు.ఈ కార్యక్రమలో తెలుగుదేశం పార్టీ నాయకులు పెంచలయ్య,సునీల్, రామచంద్రయ్య తదితరులు పాల్గొన్నారు.

 మైపాడు పంచాయతీలో పౌష్టికాహార పక్షోత్సవాలు 

నెల్లూరు [ఇందుకూరుపేట], రవికిరణాలు ఏప్రిల్ 10 : 

ఇందుకూరుపేట ప్రాజెక్ట్ మైపాడు పంచాయతీలో పౌష్టికాహార పక్షోత్సవాలు కార్యక్రమం నిర్వహించడం జరిగినది.ఈ సందర్భంగా సిడిపిఓ రాజ్యలక్ష్మి మాట్లాడుతూ1000 రోజుల సంరక్షణ లో భాగంగా గర్భం ధరించిన నాటి నుండి బిడ్డ పుట్టి రెండేళ్లు నిండే వరకుగల రోజులను వెయ్యి రోజులుగాలెక్కకట్టి గోల్డెన్ డేస్ అని పిలుస్తారని , ఈవెయ్యిరోజులు తల్లి బిడ్డలకు ముఖ్యమైన రోజులు కనుక సంరక్షణను సంపూర్ణంగా అందించి మంచి పౌష్టికాహారం అందించి వారి పెరుగుదలకు ఆరోగ్యాభివృద్ధికి తోడ్పడాలని అలాగే అంగన్వాడీలో అందించే పౌష్టికాహారాన్ని సక్రమంగా వినియోగించుకోవాలని తెలిపారు.ఈపౌష్టికాహార పక్షోత్సవాలు15 రోజులు పాటు 08/04/25 నుండి 22/04/25  వరకు ప్రతి అంగన్వాడి కేంద్రంలో నిర్వహించి తల్లులకు అవగాహన కల్పిస్తారని వివరించారు.ఈ కార్యక్రమంలో సూపర్వైజర్ మంజుల టీచర్లు  మరియు హెల్పర్లు, గర్భవతులు, బాలింతలు, గ్రామస్తులు పాల్గొన్నారు.

వైభవంగా ధజారోహణ కార్యక్రమం 

రవికిరణాలు, ఏప్రిల్ 09 : 

వింజమూరు ఎర్రబల్లి పాలెం లో వెలసియున్న శ్రీదేవి భూదేవి సమేత శ్రీ చెన్నకేశవ స్వామి వారి బ్రహ్మోత్సవాలలో భాగంగా రెండవ రోజు ధోజారోహణ కార్యక్రమాన్ని వైభవంగా నిర్వహించారు రాతికోట తిరుమలయ్య సుజాత దంపతులు వారి కుటుంబ సభ్యులు ఉభయకర్తలుగా కార్యక్రమాన్ని జరిపించారు యాగ్నిక స్వామి సునీల్ స్వామీజీ ఆలయ అర్చకులు రంగనాథ ఆచార్యుల ఆధ్వర్యంలో ముందుగా ధ్వజస్తంభాన్ని శుద్ధి చేశారు ధ్వజస్తంభాన్ని అలంకరించి గరుడ చిత్రాన్ని సమాయత్తం చేశారు అంటే స్వామివారి బ్రహ్మోత్సవ కార్యక్రమాలకు ముక్కోటి దేవతలను ఆహ్వానించేందుకు గరుత్మంతుని పంపుతున్నట్లుగా ఆ గరుడని జెండాను ధ్వజస్తంభం పైకి పంపారు అంటే దేవతలు అందరికీ ఆహ్వానం అందించి ఆయన స్వామివారి కార్యక్రమాలకు హాజరవుతారని నమ్మకం ప్రజారోహణ సమయంలో గరుత్మంతునికి ఏర్పాటు చేసే గరుడ ముద్దలను నైవేద్యంగా సమర్పించి ఆ నైవేద్యాన్ని సంతానం లేని మహిళలకు ప్రసాదంగా పంచిపెడతారు ఆ ప్రసాదాన్ని స్వీకరించిన మహిళలు సంతానవంతులై స్వామి వారి కృపకు పాత్రులు అవుతారని భక్తుల విశ్వాసం ఈ బ్రహ్మోత్సవాలు జరిగే కాలమంతా ఎలాంటి విజ్ఞాలు లేకుండా సజావుగా జరిగేందుకు దేవతలందరూ బ్రహ్మోత్సవాలను పరిశీలిస్తుంటారని నమ్మకం భక్తులు ఉదయాన్నే ఆలయానికి చేరి ధ్వజారోహణ కార్యక్రమాన్ని భక్తి ప్రపత్తులతో కనులారా దర్శించి సంతానం లేని మహిళలు గరుడ ప్రసాదాన్ని స్వీకరించారు ఈ కార్యక్రమాలను ఆలయ ధర్మకర్త గణపం సుదర్శన్ రెడ్డి పర్యవేక్షించారు ఈ కార్యక్రమంలో ఉభయ దాతల కుటుంబ సభ్యులు రాతికోట కళ్యాణ్ సతీమణి హేమలత ఆలయ కమిటీ సభ్యులు భక్త బృందం గ్రామ ప్రముఖులు తదితరులు ఉన్నారు.

 ఆమంచర్ల గ్రామంలో వ్యవసాయ పరికరాలు పంపిణీ కార్యక్రమం 

నెల్లూరు, రవికిరణాలు ఏప్రిల్ 09 : 

నెల్లూరు రూరల్ మండలం లోని

ఆమంచర్ల గ్రామంలో వ్యవసాయ పరికరాలు పంపిణీ కార్యక్రమం జరిగినది. ఈ కార్యక్రమానికి ముఖ్యఅతిథిగా విచ్చేసిన జిల్లా వ్యవసాయ అధికారిని పి. సత్యవాణి  సహాయ వ్యవసాయ సంచాలకులు శేషగిరిరావు, సహాయ వ్యవసాయ సంచాలకులు నందం శ్రీనివాసులు మండల వ్యవసాయ అధికారి నాగమోహన్ నెల్లూరు మండల వ్యవసాయ విస్తరణ అధికారులు హాజరైనారు జిల్లా వ్యవసాయ అధికారిని ద్వారా వ్యవసాయ పనిముట్లు మండలంలోని అందరి లబ్ధిదారులకు అందించడం జరిగినది.ఈ కార్యక్రమంలో ఆమంచర్ల టిడిపి నాయకుడు వేణు నాయుడు గొల్ల కందుకూరు నుండి శివకుమార్ రెడ్డి మరియు అన్ని గ్రామాల రైతు సోదరులు పాల్గొన్నారు. ఈ కార్యక్రమంలో 15 తైవాన్ స్ప్రేయర్లు మరియు ఒక రోటవేటరు, కల్టివేటర్లు లబ్ధిదారులకు అందజేయడం జరిగినది.

నిరుపేదలకు వి.ఆర్. స్కూల్లో కార్పొరేట్ స్థాయి విద్య కమిషనర్ సూర్య తేజ

నెల్లూరు, రవికిరణాలు ఏప్రిల్ 09 : 

పట్టణ పురపాలక శాఖ మంత్రివర్యులు డాక్టర్. పి. నారాయణ ఆలోచనల మేరకు నగరంలోని వి.ఆర్. స్కూలు ను పునః ప్రారంభించి నిరుపేదలైన చిన్నారులకు కార్పొరేట్ స్థాయిలో ఉచితంగా విద్యా వసతులను కల్పించనున్నామని కమిషనర్ సూర్య తేజ తెలియజేశారు.నగరపాలక సంస్థ ఆధ్వర్యంలో వి.ఆర్. తరగతి గదుల నిర్మాణం పనులు పూర్తికావస్తున్నాయని, ఇప్పటివరకు  ఏడు తరగతి గదులను డిజిటల్ క్లాస్ రూములుగా సిద్ధం చేశామని తెలిపారు.నర్సరీ నుంచి తొమ్మిదవ తరగతి వరకు ఈ ఏడాది విద్యా సంవత్సరం ప్రారంభిస్తున్నట్లు తెలిపారు. అత్యున్నత ప్రమాణాలతో విద్యార్థులకు విద్యాబోధన తో పాటు అల్పాహారం,స్నాక్స్, భోజన వసతి,దుస్తులు, పుస్తకాలు అన్ని ఉచితంగా అందించనున్నట్లు కమిషనర్ తెలిపారు.ఇంటి వద్ద నుంచి విద్యార్థులను ఉచిత బస్సు ద్వారా స్కూలుకు తరలించేలా ప్రణాళికలు సిద్ధం చేశామని వివరించారు.నెల్లూరు నగరపాలక సంస్థ పరిధిలో అత్యంత నిరుపేదలుగా ఉన్న కుటుంబాల చిన్నారులు, అనాధలుగా ఉన్నవారు,తల్లి లేదా తండ్రిని కోల్పోయిన వారు,దారిద్ర రేఖకు దిగువన ఉన్న వారిని గుర్తించి అడ్మిషన్లలో వారికి ప్రాధాన్యత కల్పిస్తున్నట్లు కమిషనర్ తెలిపారు.విద్యతోనే ఉన్నతమైన భవిష్యత్తు అన్న ఆలోచనతో చేస్తున్న ప్రయత్నంలో ఈ విద్యా సంవత్సరంలో 840 మంది చిన్నారులకు అడ్మిషన్ కల్పించనున్నామని, వచ్చే ఏడాది నుంచి పదవ తరగతి విద్యాబోధన కూడా జరిగేలా చర్యలు తీసుకుంటామని కమిషనర్ తెలియజేశారు.

మహిళాబివృద్ధి శిశు సంక్షేమ శాఖ ఐ సి డి ఎస్ ప్రాజెక్టు ఆధ్వర్యంలో పౌష్టికాహార పక్షోత్సవం

నెల్లూరు, రవికిరణాలు ఏప్రిల్ 09 :

మహిళాబివృద్ధి శిశు సంక్షేమ శాఖ ఐ సి డి ఎస్ ప్రాజెక్టు, నెల్లూరు వారు పౌష్టికాహార పక్షోత్సవం లో భాగంగా  బాలాజీ నగర్ సెక్టార్ లోని రాయపు హెచ్ డబ్ల్యు  1 మరియు 2 అంగన్వాడి సెంటర్ లో నిర్వహించటం జరిగింది. ఈ కార్యక్రమంలో సీడీపీఓ  కే. లక్ష్మీ దేవి  మాట్లాడుతూ....  గర్భవతులు బాలింతలు మరియు సంరక్షకులకు  మొదటి 1000 రోజులలో తీసుకోవలసిన పోషకాహారం యొక్క ప్రాముఖ్యత ను వివరించటం జరిగింది గర్భస్త సమయం లో తల్లి తీసుకునే ఆహారమే బిడ్డ ఆరోగ్యానికి రక్ష అని ఆ బిడ్డ పెరిగి పెద్ద అయ్యాక కుడా అదే ప్రభావితం చేస్తుంది కనుక పోషకాహారం తీసుకోవటం అత్యంత ప్రధానం అని తెలియ చేయడం జరిగింది అలాగే గర్భధారణ సమయం లో కనీసం 4 సార్లు వైద్య పరీక్షలు చేయించుకోవాలి  ఐరన్, పోలిక్ యాసిడ్ మాత్రలు తప్పని సరగా వేసుకోవాలి తగినంత విశ్రాంతి తీసుకోవాలి మానసికం గా ఉల్లాసం గా ఉత్సాహం గా ఉండాలి తల్లి మానసిక ఆరోగ్యం బిడ్డ ఆరోగ్యం పై ప్రభావం చూపుతుందని తెలియ చేయడం జరిగింది. అలాగే సెక్టార్ సూపర్వైజర్  ఎమ్. స్వరూప మాట్లాడుతూ.... బిడ్డ పుట్టిన తర్వాత గంట లోపు తల్లి పాలు ఇవ్వాలి మొదటి ఆరు నెలలు తల్లి పాలు మాత్రమె పట్టించాలి అని మరియు తల్లి పాలు పుష్కలంగా రావటానికి తల్లి సరియైన పోషకాహారం తీసుకోవాలని వ్యక్తి గత పరిశుభ్రత పాటించాలని 6 నెలల తర్వాత తల్లి పాలతో పాటు అనుబంధ పోషకాహారం బిడ్డకు తినిపించాలి తెలియచేశారు. అదేవిధంగా గర్భవతులు , బాలింతలు మరియు 0 నుండి 2 సంవత్సరముల పిల్లల గృహ సందర్శన చేసి తల్లి పాలు మరియు అనుబంధ పోషకాహారం ప్రాముఖ్యత గురించి వివరించటం జరిగింది అలాగే వ్యాధి నిరోధక టీకాల షెడ్యూల్ లను ( ఎమ్ సి పి   కార్డు) పరిశీలించటం జరిగింది.ఈ కార్యక్రమంలో  అంగన్వాడి కార్యకర్తలు అరుణమ్మ జయలక్ష్మి, ముకుంద, వాణి, పద్మ, కామాక్షి తదితరులు పాల్గొనడం జరిగింది.

 నెల్లూరు బ్యారేజ్ ను పర్యాటకంగా అభివృద్ధి చేసేందుకు ప్రణాళికలు కమిషనర్ సూర్యతేజ

నెల్లూరు, రవికిరణాలు ఏప్రిల్ 09 :

పెన్నా నదిపై నిర్మించిన నెల్లూరు బ్యారేజ్ పరిసర ప్రాంతాలలో సుందరమైన పచ్చదనాన్ని పెంపొందించి, ఆహ్లాదకరమైన వాతావరణంతో పర్యాటకులను ఆకర్షించే కేంద్రంగా తీర్చిదిద్దేందుకు కృషి చేస్తున్నామని నెల్లూరు నగరపాలక సంస్థ కమిషనర్ సూర్య తేజ తెలియజేశారు.పారిశుద్ధ్య పనుల పర్యవేక్షణలో భాగంగా స్థానిక 52వ డివిజన్ రంగనాయకులపేట  రైలు వీధి, పెద్ద తోట, గోపురం వీధి, యాదవ వీధి, ఆనకట్ట వీధి, తిక్కన పార్కు,నెల్లూరు బ్యారేజ్ తదితర ప్రాంతాలలో కమిషనర్ బుధవారం పర్యటించారు.ఈ సందర్భంగా కమిషనర్ మాట్లాడుతూ నెల్లూరు బ్యారేజ్ ను సందర్శించేందుకు పెద్ద ఎత్తున ప్రజలు ఆసక్తి చూపుతున్నారని,బ్యారేజ్ పరిసర ప్రాంతాలను అత్యంత సుందరంగా తీర్చిదిద్ది మౌలిక వసతులను కల్పించనున్నామని వెల్లడించారు.డివిజన్ వ్యాప్తంగా డ్రైను కాలువల పూడికతీత, సిల్ట్ ఎత్తివేత పనులను ప్రణాళిక బద్దంగా నిర్వహించేందుకు పారిశుద్ధ కార్మికులను వీధుల వారీగా కేటాయించి పనులను పర్యవేక్షిస్తున్నామని తెలిపారు.అవసరమైన అన్ని ప్రాంతాలలో డ్రైను కాలువల నిర్మాణం ఇతర ఇంజనీరింగ్ వేగవంతంగా పూర్తి చేసి ప్రజలకు అసౌకర్యం కలగకుండా చర్యలు తీసుకుంటున్నామని తెలిపారు.పెన్నా బ్యారేజ్ సమీపంలోని చారిత్రాత్మకమైన తిక్కన పార్కును అభివృద్ధి పరచి ఆసక్తికరమైన చరిత్ర విషయాలను సందర్శకులు తెలుసుకునేలా ఆధునికరించేలా పనులను పూర్తి చేయనున్నామని తెలిపారు.అనంతరం స్థానిక పాత మున్సిపల్ కార్యాలయం సమీపంలోని అన్నా క్యాంటీన్ ను కమిషనర్ సందర్శించి ప్రజలకు అందుతున్న ఆహార నాణ్యతను, క్యాంటిన్ నిర్వాహకుల సేవలను పరిశీలించారు. టోకెన్ విధానం ద్వారా ప్రతి ఒక్కరికి ఆహారాన్ని అందించాలని కమిషనర్ సూచించారు.ఈ కార్యక్రమంలో స్థానిక ప్రజాప్రతినిధులు, నగరపాలక సంస్థ డిప్యూటీ కమిషనర్ చెన్నుడు,ఇంజనీరింగ్, పబ్లిక్ హెల్త్ విభాగం అధికారులు రహంతూజానీ,ఉద్యాన శాఖ అసిస్టెంట్ డైరెక్టర్ ప్రదీప్ కుమార్, రెవిన్యూ ఆఫీసర్ ఇనాయతుల్లా,వార్డు సచివాలయం కార్యదర్శులు, సిబ్బంది పాల్గొన్నారు.

దంత సంరక్షణపై అవగాహన సదస్సు

నెల్లూరు, రవికిరణాలు ఏప్రిల్ 09  

కోవూరు కమ్యునిటీ హెల్త్ సెంటర్ మెడికల్ ఆఫీసర్ డాక్టర్ ఎన్. వెంకటచలపతి, వైద్యాధికారుల అధ్వర్యంలో ప్రపంచ ఓరల్ హెల్త్ (మార్చి20 - ఏప్రిల్ 20) మాసోత్సవాల సందర్భంగా బుధవారం  కోవూరు దంత వైద్య నిపుణురాలు డాక్టర్ వి.జ్యోతి ప్రభ దంత సంరక్షణపై పలు సూచనలు, సలహాలు చేస్తూ - అవగాహన సదస్సును నిర్వహించారు. నోటి ఆరోగ్యమే దేహ ఆరోగ్యమని, నోరు పరిశుభ్రంగా ఉంచుకోవాలని, పొగాకు, పాన్, జర్దా, కైని లాంటి వాటి జోలి కి పోకుండా ఉండాలని, వాటివల్ల వివిద రకాల నోటి క్యాన్సర్లు వస్తున్నాయి. అని, ప్రతిఒక్కరు దంతవ్యాదుల విషయంలో అప్రమతంగా ఉండాలని కోరారు. ఈ కార్యక్రమంతో సిహెచ్ సి వైద్యాదికారులు, సిబ్బంది పాల్లాన్నారు.

సూళ్లూరుపేట డంపింగ్ యార్డ్ లో చెలరేగిన మంటలను అదుపులోకి తీసుకొచ్చిన మున్సిపల్ మరియు ఫైర్ సిబ్బంది

రవి కిరణాలు తిరుపతి జిల్లా సూళ్లూరుపేట:-

సూళ్లూరుపేట సమీపం లోని జాతీయ రహదారి పక్కనే ఉన్న పురపాలక  చెత్త నిల్వ కేంద్రంలో ప్రమాదవశాత్తు మంగళవారం భారీ ఎత్తున మంటలు చెలరేగాయి. విషయం తెలుసుకున్న  

సూళ్లూరుపేట మున్సిపల్ కమిషనర్ కె.చిన్నయ్య  మున్సిపల్ సిబ్బందితో హుటాహుటిన సంఘటన స్థలానికి చేరుకొని 

ఫైర్ సిబ్బందికి, హైవే సిబ్బందికి మరియు షార్ సిబ్బంది కి తెలిపి వారి యొక్క ఫైర్ ఇంజన్ తో మరియు మున్సిపల్ వాటర్ ట్యాంకర్ కి మోటార్లు అమర్చి నీరు చల్లడం ద్వారా మంటలను అదుపులోకి తీసుకొచ్చారు. పొగను కూడా ఒకటి రొండు రోజులలో పూర్తిగా అదుపులోకి వస్తుందని మరియు జెసిబి సహాయంతో కాలిన చెత్తను వేరు చేసి ఫైర్, హైవే మరియు షార్ సిబ్బంది  సహాయ సహకారంతో త్వరితగతిన మంటలు అదుపులోకి వచ్చిందని వారికి  మున్సిపల్ కమిషనర్ కె.చిన్నయ్య ధన్యవాదాలు తెలిపారు. అదేవిధంగా ఈ డంపింగ్ యార్డ్ సమస్యను ప్రభుత్వానికి మరియు పై అధికారుల దృష్టికి తెలపడంతో డంపింగ్ యార్డ్ కు ప్రభుత్వ భూమిని కేటాయించి వెంటనే డంపింగ్ యార్డ్ సమస్య శాశ్వత పరిష్కారం జరుగుతుందని మున్సిపల్ కమిషనర్ కె.చిన్నయ్య  తెలిపారు.

హోమియోపతి దినోత్సవ శుభాకాంక్షలు బీజేపీ నేత డాక్టర్ మహేంద్ర యాదవ్ 

 నెల్లూరు, రవికిరణాలు  ఏప్రిల్ 09 :

హోమియోపతి వైద్య పితామహుడు డాక్టర్ శామ్యూల్ హనిమన్ జన్మదినం సందర్భంగా (ఏప్రిల్ 10) న ప్రపంచ హోమియోపతి దినోత్సవాన్ని పురస్కరించుకొని డాక్టర్ మహేంద్ర యాదవ్ శుభాకాంక్షలు తెలియచేసారు.. ఈ సందర్భంగా డాక్టర్ గారు మాట్లాడుతూ ప్రపంచంలో రెండవ అతి పెద్ద వైద్య విధానం హోమియోపతి అని, దీర్ఘకాలిక వ్యాధులలో సైడ్ ఎఫెక్ట్స్ లేని హోమియో వైద్యం మంచి ఫలితాలను ఇస్తుంది అని, రాష్టం లో 6 కళాశాలల ద్వారా హోమియో వైద్య విద్యను అభ్యసిస్తున్నారు అని, కరోనా మహమ్మారి సమయంలో ప్రివెంటివ్ మెడిసిన్ గా కేంద్ర రాష్ట ప్రభుత్వలు హోమియోపతి మందులు యుద్ధ ప్రాతిపదికన పంపిణీ చేయడం ద్వారా కరోనా ని అరికట్టడం లో హోమియో వైద్య విధానం ఎంతగానో దోహదపడిందని తెలిపారు. కేంద్ర , రాష్ట ప్రభుత్వలు గ్రామీణ ప్రాంతాలలో కూడా ఈ వైద్య సేవలను అందుబాటులోకి తీసుకురావాలని అన్ని ఆయుష్మాన్ ఆరోగ్య కేంద్రాలలో హోమియోపతి వైద్యులు నియామకం చేయాలని సూచించారు..ఎన్నో ఏళ్లుగా పెండింగ్ ఉన్న ఆంధ్ర ప్రదేశ్ హోమియోపతి కౌన్సిల్ బోర్డు మంత్రి సత్యకుమార్ యాదవ్ గారి కృషి తో ఏర్పాటుకు మార్గం సుగమమైంది అని అన్నారు..అన్ని ఆర్టీసీ మరియు కార్పొరేషన్స్ లో హోమియో వైద్య సేవలను అందుబాటులోకి తీసుకురావాలని కోరారు..నేషననల్ ఆయుష్ మిషన్ (NAM), స్టేట్ అన్యువల్ యాక్షన్ ప్లాన్ (SAAP) ద్వారా రాష్ట్రంలో అన్ని హోమియో వైద్య కళాశాలలను మరియు ఆసుపత్రులను అభివృద్ధి చేయాలని కోరారు.. 2014 నుంచి మోదీ సర్కారు ఆయుష్ కృషి కోసం ప్రత్యేక కార్యక్రమాలు చేపట్టిందని తెలిపారు. ఎన్టీఆర్ ఆరోగ్య శ్రీ- EHS ,ఆయుష్మాన్ భారత్ వంటి పథకాల ద్వారా కూడా ఆయుష్ సేవలను అందుబాటులోకి తీస్కొని రావాలని ఆయన సూచించారు.తన సొంత హోమియో క్లినిక్ (నమో హోమియో క్లినిక్-నెల్లూరు) ద్వారా ఎన్నో ఉచిత వైద్య శిభిరాలు ఏర్పాటు చేసి రోగులకు ఉచితంగా మందులు అందిస్తున్నామని డాక్టర్ గారు తెలిపారు..

 రవి కిరణాలు ఏప్రిల్ 6 [  జీకే వీధి మండలం, అల్లూరి సీతారామరాజు జిల్లా]

ఏప్రిల్ 6 భారతీయ జనతా పార్టీ ఆవిర్భావ దినోత్సవంన్ని పురస్కరించుకొని బిజెపి సీనియర్ నాయకులు దుక్కేరి.జ్ఞానేశ్వరరావు మరియు బిజెపి పార్టీ అరకు పార్లమెంట్ కిషన్ మోర్చా ప్రధాన కార్యదర్శి& ఏ.ఎస్.ఆర్.జిల్లా సోషల్ మీడియా కన్వినర్ దుక్కేరి.ప్రభాకరరావు భారతీయ జనతా పార్టీ కమలం పువ్వు జెండాను ఆవిష్కరించారు,

అల్లూరి సీతారామరాజు జిల్లా జీకే వీధి మండలం దానపల్లి పంచాయతీ సిగినాపల్లి రామనగర్ కాలనీ గ్రామంలో భారతీయ జనతా పార్టీ కమలం పువ్వు జెండా ఆవిష్కరణ జరిగింది,ఈ కార్యక్రమంలో దుక్కేరి.ప్రభాకరరావు మాట్లాడుతూ జన సాంగ్ గా 1980 సంవత్సరంలో బిజెపి పార్టీ ఆవిర్భావం అయినప్పటినుండి బీజేపీ పార్టీ పితామహుడు శ్యాం ప్రకాష్ ముఖర్జీ,పండిట్ దీన్ దయాల్ ఉపాధ్యాయ,అటల్ బీహార్ వాజ్పేయి ,ఎల్కే అద్వానీ మొదలైన మహానీయులు బీజేపీ పార్టీ కి జీవం పోసి భారతదేశ శ్రేయస్సు కోసం భారతదేశ ప్రజలు కాంగ్రెస్ పార్టీ యొక్క కుటుంబ పాలన నుండి విముక్తి కోసం ఏర్పడినటువంటి బిజెపి పార్టీ  ఎన్నో బలిదానాలు,ఈరోజు వరకు భారతదేశంలో సామాన్య కార్యకర్తగా ప్రతి నాయకుడు కమలం జెండాని బుజస్కందాలపై మూసి ప్రపంచంలోనే అతి పెద్ద రాజకీయ పార్టీగా అవతరించి ప్రస్తుతం భారతదేశ ప్రధానమంత్రి నరేంద్ర మోడీ నాయకత్వంలో వరసగా 2014 నుండి 30 వరకు కూడా అధికారంలో ఉన్న బిజెపి పార్టీలో సామాన్యుడు కూడా ఒక దేశ ప్రధానమంత్రిగా ఒక సామాన్యురాలు ద్రౌపతి మూర్ము భారతదేశ రాష్ట్రపతిగా ఇలా సామాన్యులు ఒక ఎమ్మెల్యే ఒక ఎంపీ ఒక మంత్రిగా కూడా బిజెపి పార్టీలో  అధికారంలో రావటం సర్వసాధారణం,ఢిల్లీ నుంచి గల్లి వరకు సామాన్యుడి నుంచి ఆ సామాన్యుడి వరకు దేశాన్ని అభివృద్ధి పదంలో నడిపిస్తూ ప్రపంచ ఆర్థిక శక్తిలో ఐదో స్థానంలో ఉంచిన ఘనత బీజేపీ కేంద్ర ప్రభుత్వానిదే,భారతదేశాన్ని ప్రపంచందేశాలలో ఒక శక్తివంతమైన దేశంగా చేసి దేశ ప్రజలకు సూపరిపాలనను అందిస్తున్న ఏకైక రాజకీయ పార్టీ భారతీయ జనతా పార్టీ,మునుముందు కూడా భారతీయ జనతా పార్టీనీ పాలనను ప్రజా ఆశీస్సులు ఆదరణతో మళ్ళీ మళ్ళీ అధికారంలోనే ఉంటుందని అన్నారు,బీజేపీ పార్టీలో మా తండ్రి దుక్కేరి.జ్ఞానేశ్వరరావు 1987 నుంచి ఇప్పటికి కొనసాగుతున్నరు,నేను మా తండ్రి నడిచిన బాటలో బీజేపీ   పార్టీలో క్రియ శీలక నాయకుడిగా ప్రజా సేవకుడిగా జిల్లా స్థాయి కిసాన్ మోర్చా నాయకుడిగా, ఏ.ఎస్.ఆర్.జిల్లా సోషల్ మీడియా కన్వినర్ గా కొనసాగుతూ ఉండడం నాకెంతో ఆనందగా ఉంది బీజేపీ పార్టీ అధిష్టానం మమ్మల్ని గుర్తించి మాకు మంచి బాధ్యతలు ఇస్తుందని ఆశిస్తూ మా సేవలను మరింత ఉపయోగించుకుంటుందని,ప్రజలకు మరింత సేవ చేస్తామని ప్రజా నాయకుడుగా మా జీవితం అంకితం చేస్తామని నా మనస్ఫూర్తిగా కోరుకుంటూనాను,భారత్ మాతాకీ జై,జై బిజెపి, ఈ కార్యక్రమంలో పార్టీ నాయకులు కార్యకర్తలు గ్రామస్తులు పాల్గొన్నారు.

ఆంధ్ర విద్యార్థి సంఘం రాష్ట్ర ప్రధాన కార్యదర్శిగా.

వాసిపల్లి శంకర్ రెడ్డి నియామకం

జలదంకి, మేజర్ న్యూస్ :-

ఆంధ్ర విద్యార్థి సంఘం రాష్ట్ర ప్రధాన కార్యదర్శిగా జలదంకి మండలం అన్నవరం పంచాయతీ గడ్డవారిపాలెం గ్రామానికి చెందిన వాసిపల్లి శంకర్ రెడ్డిని నియమించారు. ఇటీవల విశాఖపట్నంలోని అంబేద్కర్ భవన్ లో ఆంధ్ర విద్యార్థి సంఘం (ఏవీఎస్) రాష్ట్ర మహాసభలు జరిగాయి. ఈ రాష్ట్ర మహాసభలకు రాష్ట్ర నలుమూలల నుండి విద్యార్థి నాయకులు పెద్ద ఎత్తున తరలివచ్చారు. రాష్ట్ర మహాసభలకు ముఖ్య అతిథులుగా బ్లైండ్ క్రికెట్ టీం ఫార్మర్ కెప్టెన్ అజయ్ కుమార్ రెడ్డి, ప్రముఖ అనలిస్ట్ కే ఎస్ ప్రసాద్, ఆంధ్ర విద్యార్థి సంఘం అడ్వైజర్ రిటైర్డ్ సీనియర్ సివిల్ జడ్జ్ బాలకృష్ణ లు ముఖ్య అతిథులుగా పాల్గొన్నారు. ఆంధ్ర విద్యార్ధి సంఘం రాష్ట్ర మహాసభల్లో ఆంధ్రప్రదేశ్ రాష్ట్ర నూతన కార్యవర్గాన్ని ఎన్నుకున్నారు. రాష్ట్ర అధ్యక్షుడిగా మల్లవరపు అశోక్ రెడ్డి, రాష్ట్ర ప్రధాన కార్యదర్శిగా వాసుపల్లి శంకర్ రెడ్డి లు నియమాకమయ్యారు. వీరితో పాటు మొత్తం 52 మంది రాష్ట్ర కమిటీ నియామకం జరిగింది. రాష్ట్ర మహాసభల్లో విద్యారంగ సమస్యలు, రాష్ట్ర స్థితి, ఆంధ్రప్రదేశ్ అభివృద్ధిలో విద్యార్థుల పాత్ర, స్వచ్ఛందంగా సమాజంలో సేవ చేస్తున్న యువకులను ప్రోత్సహించడం కోసం మహాసభల్లో  శ్రీ పొట్టి శ్రీరాములు యువసేవ పురస్కార్ అవార్డు ను స్వచ్ఛంద సేవ సమస్థ వింగ్స్ ఆఫ్ ఓల్డ్ స్టూడెంట్ అసోసియేషన్ వ్యవస్థాపకులు సాయి మహంతీర్ కి ఇవ్వడం జరిగింది. ఈ సందర్భంగా నూతనంగా ఎన్నికైన ఆంధ్రప్రదేశ్ రాష్ట్ర ప్రధాన కార్యదర్శి వాసుపల్లి శంకర్ రెడ్డి మాట్లాడుతూ విద్యార్థుల సమస్యల పరిష్కరించడంతో పాటు ఆంధ్రప్రదేశ్ రాష్ట్ర అభివృద్ధిలో విద్యార్థుల పాత్ర ఏమిటి, ఆంధ్రప్రదేశ్ రాష్ట్ర అభివృద్ధిలో ఎలా భాగస్వామ్యం అవ్వాలని, ప్రస్తుత ఆంధ్రప్రదేశ్ రాష్ట్ర స్థితిగతుల పైన, రాష్ట్రంలో పీజీ విద్యార్థులకు గుది బండగా మారిన మారిన జీవో నెంబర్ 77, పెండింగ్ ఎలా ఉన్న ఫ్రీజర్ అయంబర్స్మెంట్, ప్రభుత్వ వసతి గృహాల మౌలిక సదుపాయాలు, గ్రాడ్యుయేట్ కంప్లీట్ ఐపోయేలోపు ఉద్యోగానికి సంబంధించినటువంటి స్కిల్స్ నేర్పించే అంశం తో పాటు, ఆంధ్రప్రదేశ్ రాష్ట్ర యొక్క ప్రాముఖ్యత గురించి ప్రపంచానికి వెలుగెత్తి చాటేలా, రాష్ట్రంలో ఉన్నటువంటి మహా పురుషులను గుర్తు చేసుకుంటూ ఆంధ్రప్రదేశ్ రాష్ట్రంలో ఆంధ్ర విద్యార్థి సంఘం ఒక బలమైన శక్తిగా తయారయ్యే విధంగా రాష్ట్ర మహాసభల్లో చర్చలు జరిగాయని తెలియజేశారు. ఈ కార్యక్రమంలో ఆంధ్ర విద్యార్థి సంఘం ఆంధ్రప్రదేశ్ రాష్ట్ర ఆర్గనైజింగ్ సెక్రటరీ తురకా ప్రసాద్, రాష్ట్ర కార్యదర్శులు శివ, మనోజ్, కార్తీక్, కావ్య, రాష్ట్ర ఉపాధ్యక్షులు అఖిల్, వంశీ, నాగరాజు, శివ, హనుక్ విద్యార్థి నాయకులు పాల్గొన్నారు.

మంచు ముసుగు ఉదయం వేళల్లో మంచు పరదాతో  ప్రజలకు ఇబ్బందులు

జలదంకి, మేజర్ న్యూస్ :-

జలదంకి మండలం మంగళవారం ఎకువాజాము నుంచి  ఉదయం 8 గంటల వరకు మంచు దుప్పట్లోనే ఉంది బారెడు పొద్దెక్కిన మంచు విడకపోవడం విశేషం ఉదయం  9 గంటల తర్వాత పూర్తిగా మంచు తెరలు తొలగి మండలంలో స్పష్టమైన వాతావరణం కనిపించింది. రోజు ఉదయాన్నే ఉన్నప్పటికీ మంగళవారం ఉదయం మాత్రం దట్టమైన మంచు పొగలు మండలాన్ని చుట్టేశాయి . తెల్లవారుజామున ప్రయాణిస్తున్న వాహనాలకు, మంచు పరద కారణంగా రోడ్డు కనిపించక కొంత ఇబ్బందులు పడ్డారు. అలాగే ఉదయం వేళల్లో పొలాలకు వెళ్లే రైతులు, వ్యాయామం కోసం నడక సాగించే ప్రజలకు కూడా ఇబ్బంది కలిగింది. అయితే మంచు పరద కారణంగా ఉదయం 8 గంటల వరకు కూడా సూర్యుడు కనిపించకపోవడం విశేషం.