Ravikiranalu TV

 సూళ్లూరుపేట నగర శివారులో భారీగా ఇసుక డంపింగ్. 

రాష్ట్ర ప్రభుత్వ ఆదేశాలకు గండి కొడుతున్న అధికారులు, ఇసుక మాఫియా.

 నగర శివారులో సుమారు 70 ట్రాక్టర్ల పైనే ఇసుక డంపింగ్ చేసి ఉంచిన స్మగ్లర్లు.

ఇసుక డంపింగ్ ను గమనించిన గ్రామాధికారి

పై అధికారులకు సమాచారాన్ని అందించినా దానిపై ఎలాంటి చర్యలు తీసుకోకపోవడం గమనార్హం.

 విలేకరులు వెళ్లి ఆ అధికారికి సమాచారం అందించిన వెంటనే హడవాడి చేసిన అధికారి.

రాష్ట్ర ప్రభుత్వం ప్రతిష్టాత్మక చేపట్టిన ఇసుకపాలసీని తుంగలో తొక్కుతున్న సూళ్లూరుపేట ప్రభుత్వ అధికారులు.

ప్రతిరోజు రాత్రి పగలు తేడా లేకుండా కాల్లంగి నది నుండి ఇసుకను అక్రమంగా తరలిస్తున్న ఇసుక మాఫియా.

ఇసుక మాఫియా కు అనుకూలంగా ఉన్నచోట డంప్ చేసి రాత్రి సమయంలో లారీలకు ఎత్తి ఇతర రాష్ట్రాలకు తరలిస్తున్న ఇసుక మాఫియా.

రవి కిరణాలు 

తిరుపతి జిల్లా సూళ్లూరుపేట:-

పట్టణంలోని కె ఆర్ పి  కాలనీ పక్కన ఉన్న ఓ లేఔట్ లో భారీగా నిల్వ ఉంచిన అక్రమ ఇసుక డంపింగ్ బయట పడింది, ఇసుక మాఫియా  పట్టణ శివారు ప్రాంతాన్ని ఎంచుకొని అక్కడ ఇసుకను డంప్ చేసి రాత్రి సమయంలో లారీలలో పక్క రాష్ట్రానికి తరలిస్తున్నారు. ఈ లేఔట్ లో అక్రమార్కులు సుమారు 70 ట్రాక్టర్ ల ఇసుక డంపింగ్ చేసి ఉన్నారు, అక్రమ ఇసుక రవాణాకు ప్రభుత్వం కొరడా జులిపిస్తున్న క్షేత్రస్థాయిలో అందుకు విరుద్ధంగా ఉంది. సూళ్లూరుపేట ప్రాంతంలో ఇసుక, మట్టి, గ్రావెల్, మద్యం అక్రమంగా తరలించేందుకు అధికారులు అండదండలు తోనే మాఫియా చెలరేగుతుందని విమర్శలు వెలుగుతున్నాయి. ప్రధానంగా ఇసుక సూరులు అధికారులు అండను ఆసరాగా చేసుకొని అక్రమంగా నీటి వనరులను కొల్లగొడుతూ ఇసుక రవాణా చేపడుతున్నారు విమర్శలు ఉన్నాయి. పార్టీలకి అతీతంగా కూడా కొంతమంది టిడిపి చోటా నాయకుల కనుసన్నాల్లో అక్రమ ఇసుక రవాణా చేస్తున్నారని సమాచారం. ప్రభుత్వ అధికారులు అక్రమార్కులపై నిఘా ఉంచి వారిపై కఠిన చర్యలు తీసుకోవాల్సిన బాధ్యతలను మరచి చోద్యం చూస్తున్నారని ప్రజలు మండిపడుతున్నారు.  ఇకనైనా అధికారులు నిద్ర మత్తును వీడి ఇసుక అక్రమార్కులపై  కఠిన చర్యలు తీసుకోవాలని ప్రజలు కోరుతున్నారు..

అల్లూరి సీతారామరాజు జిల్లా జీకే వీధి మండలం దామనపల్లి పంచాయితీ బొర్రామామిడి గ్రామములో ఆంధ్రప్రదేశ్ రాష్ట్ర ముఖ్యమంత్రి నారా.

 అల్లూరి సీతారామరాజు జిల్లా జీకే వీధి మండలం దామనపల్లి పంచాయితీ బొర్రామామిడి గ్రామములో ఆంధ్రప్రదేశ్ రాష్ట్ర ముఖ్యమంత్రి నారా.చంద్రబాబునాయుడు మరియు డిప్యూటీ సీఎం కొణిదెల.పవన్ కళ్యాణ్ అదేశాలు మేరకు దామనపల్లి పంచాయితీ సర్పంచ్ కుందేరి రామకృష్ణ పంచాయితీ సెక్రటరీ కళ్యాణ్ ఆధ్వర్యంలో"వనం మహోత్సవం" కార్యక్రమం నిర్వహించడం జరిగింది,ఈ కార్యక్రమంలో సర్పంచ్ రామకృష్ణ మరియు బీజేపీ పార్టీ అరకు పార్లమెంట్ కిసాన్ మోర్చా ప్రధానకార్యదర్శి మరియు ఎ.ఎస్.ఆర్.జిల్లా బీజేపీ పార్టీ సోషల్ మీడియా కన్వినర్,దుక్కేరి.ప్రభాకరరావు,మాట్లాడుతూ పర్యావరణన్ని పరిరక్షించే బాధ్యత ప్రతి ఒక్కరిపై ఉందని కనుక అందరం తుచతప్పకుండ మన వంతుగా మొక్కలను నాటించి మన భవిష్యత్తు తరాలకు స్వచ్ఛమైన గాలి నీరు వాతావరణంన్ని సమాకూర్చాలని ఇప్పటికే మానవుడి స్వార్ధంతో ప్రకృతినీ కాకవికాలం చేస్తూ వినాశం చేస్తూ తన జీవితకాల రేటును గణనియంగా తగ్గిపోయిందని ఇకనైనా మానవుల్లో అడవులను వృక్ష సంపదను కాపాడాలని కోరారు ఈ కార్యక్రమంలో వంతల.చంటిబాబు,సచివాలయం సిబ్బంది,ఎన్.జి.ఎన్.ఆర్.ఈ.జి.ఎస్. సభ్యులు మరియు స్థానిక గ్రామస్తులు తదితరులు పాల్గొన్నారు,

 చెంగాళ్లమ్మ ఆలయంలో పుష్పయాగం.

రవి కిరణాలు తిరుపతి జిల్లా సూళ్లూరుపేట :-

కాళ్లంగి నది ఒడ్డున వెలసి ఉన్న తెలుగు, తమిళ ఆరాధ్యదైవం  శ్రీ చెంగాళమ్మ పరమేశ్వరి దేవస్థానము నందు “శ్రావణమాసం చివరి శుక్రవారం’’ సందర్భముగా శ్రీ అమ్మవారికి “పుష్పయాగం’’ ఆలయ కార్యనిర్వహణాధికారి, సిహెచ్.శ్రీనివాసబాబు పర్యవేక్షలో అత్యంత వైభవముగా నిర్వహించుట జరిగినది. చెన్నై కి చెందిన నంబూరు మోహన్ రావు శ్రీమతి సులోచనమ్మ మరియు  నంబూరు మనోజ్ సాయి శ్రీమతి లత ఉభయకర్తలుగా  వ్యవహరించారు. ఈ కార్యక్రమమములో శాసన సభ్యులు, డాక్టర్ నెలవల విజయశ్రీ , మాజీ ఛైర్మన్ దువ్వూరు బాలచంద్రా రెడ్డి, మాజీ ధర్మకర్తల మండలి సభ్యులు  మన్నెముద్దు పద్మజ, ఓలేటి బాల సత్యనారాయణ, మద్దూరు శారద మరియు కళత్తూరు రామ్మోహన్ రెడ్డి, టిడిపి పట్టణ అధ్యక్షుడు ఆకుతోట రమేష్,  భక్తులు పాల్గొన్నారు.

చెట్లు నాటడం వల్ల మనిషి యొక్క జీవనశైలి మారుతుంది:- ఎమ్మెల్యే డాక్టర్ నెలవల విజయశ్రీ.

రవి కిరణాలు తిరుపతి జిల్లా సూళ్లూరుపేట:-

 సూళ్లూరుపేట పట్టణంలోని గవర్నమెంట్ డిగ్రీ కళాశాల నందు శుక్రవారం అటవీశాఖ అధికారుల సమక్షంలో వన మహోత్సవం కార్యక్రమాన్ని నిర్వహించారు. ఈ కార్యక్రమానికి ముఖ్య అతిథిగా  సూళ్లూరుపేట శాసన సభ్యురాలు డా" నెలవల విజయశ్రీ పాల్గొన్నారు.అనంతరం ఎమ్మెల్యే మాట్లాడుతూ చెట్లు నాటడం లో ప్రతి ఒక్కరూ జీవిత భాగం కావాలని,ఈ చెట్లు నాటడం వల్ల ప్రతి ఒక్క మనిషి యొక్క జీవనశైలి మారుతుందని, పట్ట ణాల్లో గ్రామాల్లో ప్రతి ఇంటి చుట్టూ చెట్లను నాటాలని, ఇళ్ల చుట్టూ పరిసరాలను శుభ్రపరుచుకుని ప్రతి ఒక్కరు చెట్లు నాటి పచ్చదనంగా ఉంచుకోవాలని తెలియజేశారు. ఈ కార్యక్రమంలో అటవీశాఖ అధికారులు, ప్రభుత్వ అధికారులు, తెలుగుదేశం పార్టీ  జిల్లా అధికార ప్రతినిధి తిరుమూరు సుధాకర్ రెడ్డి, సులూరుపేట పట్టణ తెలుగుదేశం పార్టీ అధ్యక్షులు ఆకుతోట రమేష్ , రాష్ట్ర యువత ఉపాధ్యక్షులు పచ్చ మాధవ నాయుడు,సులూరుపేట పట్టణ ప్రధాన కార్యదర్శి ఏజీ కిషోర్ పాల్గొన్నారు. వీరితోపాటు తెలుగుదేశం పార్టీ నాయకులు కార్యకర్తలు, అధికారులు పాల్గొన్నారు.

రవి కిరణాలు తిరుపతి జిల్లా సూళ్లూరుపేట:-

 సూళ్లూరుపేట పట్టణంలోని గవర్నమెంట్ డిగ్రీ కళాశాల నందు శుక్రవారం అటవీశాఖ అధికారుల సమక్షంలో వన మహోత్సవం కార్యక్రమాన్ని నిర్వహించారు. ఈ కార్యక్రమానికి ముఖ్య అతిథిగా  సూళ్లూరుపేట శాసన సభ్యురాలు డా" నెలవల విజయశ్రీ పాల్గొన్నారు.అనంతరం ఎమ్మెల్యే మాట్లాడుతూ చెట్లు నాటడం లో ప్రతి ఒక్కరూ జీవిత భాగం కావాలని,ఈ చెట్లు నాటడం వల్ల ప్రతి ఒక్క మనిషి యొక్క జీవనశైలి మారుతుందని, పట్ట ణాల్లో గ్రామాల్లో ప్రతి ఇంటి చుట్టూ చెట్లను నాటాలని, ఇళ్ల చుట్టూ పరిసరాలను శుభ్రపరుచుకుని ప్రతి ఒక్కరు చెట్లు నాటి పచ్చదనంగా ఉంచుకోవాలని తెలియజేశారు. ఈ కార్యక్రమంలో అటవీశాఖ అధికారులు, ప్రభుత్వ అధికారులు, తెలుగుదేశం పార్టీ  జిల్లా అధికార ప్రతినిధి తిరుమూరు సుధాకర్ రెడ్డి, సులూరుపేట పట్టణ తెలుగుదేశం పార్టీ అధ్యక్షులు ఆకుతోట రమేష్ , రాష్ట్ర యువత ఉపాధ్యక్షులు పచ్చ మాధవ నాయుడు,సులూరుపేట పట్టణ ప్రధాన కార్యదర్శి ఏజీ కిషోర్ పాల్గొన్నారు. వీరితోపాటు తెలుగుదేశం పార్టీ నాయకులు కార్యకర్తలు, అధికారులు పాల్గొన్నారు.

 నెల్లూరు నగరవనంలో ఘనంగా వన మహోత్సవం

 కొత్తూరులోని నగరవనంలో  ఆహ్లాదకరమైన వాతావరణంలో వన మహోత్సవం... భారీగా హాజరైన విద్యార్థినీ, విద్యార్థులు

 వన మహోత్సవంలో భాగంగా నగరవనంలో మొక్కలు నాటిన రాష్ట్ర పురపాలక, పట్టణాభివృద్ధి శాఖ మంత్రి పొంగూరు నారాయణ గారు

 వనమహోత్సవ కార్యక్రమానికి హాజరైన జిల్లా పరిషత్ చైర్ పర్సన్ ఆనం అరుణమ్మ, నెల్లూరు రూరల్, సర్వేపల్లి,ఉదయగిరి శాసనసభ్యులు కోటంరెడ్డి శ్రీధర్ రెడ్డి, సోమిరెడ్డి చంద్రమోహన్ రెడ్డి,  కాకర్ల సురేష్, కలెక్టర్ ఆనంద్, ఎస్పీ కృష్ణకాంత్, డిఎఫ్ వో చంద్రశేఖర్ ప్రముఖులు

 నెల్లూరు రూరల్ లోని వన మహోత్సవం కార్యక్రమం లో రాష్ట్రమంత్రి, జిల్లా పరిషత్ చైర్ పర్సన్ 

నెల్లూరు రూరల్ (మేజర్ న్యూస్ )

జిల్లా ప్రజా పరిషత్ చైర్ పర్సన్  ఆనం అరుణమ్మ  కొత్తూరు లోని నగరవనం నందు వన మహోత్సవం కార్యక్రమంలో రాష్ట్ర పురపాలక మరియు పట్టణభివృద్ధి శాఖామాత్యులు  పొంగూరు నారాయణ  మరియు శాసనసభ్యులు, జిల్లా కలెక్టర్,ఎ.స్పీ, డీ.ఎఫ్.ఓ మరియ ఇతర జిల్లా అధికారులు, ఇతర ప్రజాప్రతినిధులతో కలిసి పాల్గొనడం జరిగింది.

 ఖలీల్ అహ్మద్ ను పరామర్శించిన మాజీ మంత్రి కాకాని

ఇటీవల గుండెపోటుకు గురై చికిత్స అనంతరం మెడికవర్ ఆసుపత్రి నుంచి డిశ్చార్జి అయిన వైసిపి సిటీ ఎమ్మెల్యే అభ్యర్థి ఖలీల్ అహ్మద్ ను ఆయన నివాసంలో పరామర్శిస్తున్న మాజీమంత్రి, కాకాని గోవర్ధన్ రెడ్డి..

 వి ఎస్ యు లో తెలుగు భాషా వైభవం ముగింపు రోజు ... 

 వెంకటాచలం మేజర్ న్యూస్....

విక్రమ సింహపురి విశ్వవిద్యాలయం, తిక్కనసాహితీ పీఠం తెలుగు శాఖ వారు గిడుగు వెంకట రామమూర్తి పంతులు 161 వ జన్మదిన సందర్భంగా నిర్వహించిన తెలుగు భాషా దినోత్సవ కార్యక్రమంలో "తెలుగు భాష వైభవం" అనే రెండు రోజుల జాతీయ సదస్సులో ముగింపు కార్యక్రమం జరిగింది. 

ఈ సందర్భంగా నిర్వహించిన కార్యక్రమంలో విక్రమ సింహపురి విశ్వవిద్యాలయ ఉపకులపతి  గిడుగు రామమూర్తి పంతులు గారి చిత్ర పటానికి పూలమాల అలంకరించిన పిదప మాట్లాడుతూ తెలుగు వారి సంస్క్రతి, ప్రాచీన సాహిత్య విశిష్టత, పుస్తక పఠనం ఆవశ్యకత గురించి తెలిపారు.తెలుగు భాష. కాపాడుకోవాల్సిన బాధ్యత అందరిపై ఉందని తెలియజేశారు. విశ్వవిద్యాలయ రిజిస్ట్రార్ డాక్టర్ కె సునీత గిడుగు వారు వ్యావహారిక భాషా సేవ ను కొనియాడుతూ, మాతృ భాషలో మన భావ ప్రకటన స్వేచ్ఛగా చేయగలిగినపుడే ఇతర భాషలు సులభంగా నేర్చుకో గలం అన్నారు. 

ఈ కార్యక్రమంలో గిడుగు రామ మూర్తి గారి జీవిత విశేషాలు,రచనలు అనే అంశంపై డాక్టర్ కరి మద్దెల నరసింహారెడ్డి ప్రసంగిస్తూ  ఆయన జీవితాన్ని ఆదర్శంగా తీసుకోవాలని చెప్పారు. డాక్టర్ గంగిసెట్టి శివకుమార్ గిడుగు వారి వ్యావహారిక భాషా సేవ గురించి వివరించారు.

అనంతరం సాంస్కృతిక కార్యక్రమాలను నిర్వహించారు.

ఈ కార్యక్రమంలో కళాశాల ప్రిన్సిపల్ ఆచార్య సిహెచ్ విజయ తెలుగు శాఖ అధిపతి డాక్టర్ ఎం. త్యాగరాజు విశ్వవిద్యాలయ ఆచార్యులు విద్యార్థినీ విద్యార్థులు పాల్గొన్నారు.

 వి ఎస్ యూ లో జాతీయ క్రీడా దినోత్సవం...

 వెంకటాచలం మేజర్ న్యూస్...

విక్రమ సింహపురి విశ్వవిద్యాలయ ప్రాంగణంలో క్రీడా దినోత్సవం మేజర్ ధ్యాన్‌చంద్ జయంతి సంద ర్భంగా ఆయన చిత్రపటానికి విశ్వవిద్యాలయ ఉపకులపతి ఆచార్య ఎస్.విజయభాస్కర రావు  మరియు రిజిస్ట్రార్ డాక్టర్ కె.సునీత  పూలమాలలు వేసి ఘన నివాళులు అర్పించారు.

ఈ సందర్భంగా విశ్వవిద్యాలయం ఉపకులపతి మాట్లాడుతూ1905 ఆగస్టు 29న ధ్యాన్‌చంద్ జన్మించారని హకీ ఆటలు మెరుపువేగంతో గోల్స్ చేయగల మాంత్రికుడిగా ఆయన క్రీడా చరిత్రలో సుస్థిర స్థానం సాధించారు. మైదానంలో పాదరసంలా కదిలిపోతూ బంతిని పూర్తిగా తన నియంత్రణలో ఉంచుకోవడంలో ఆయనకు ఎవరూ సాటిరారని తెలిపారు.

1928 ఆమ్‌స్టర్‌డామ్,1932 లాస్ ఏంజిలెస్,1936 బెర్లిన్ ఒలింపిక్ గేమ్స్‌లో భారత్‌కు బంగారు పతకాలు అందించిన ఘనత  మేజర్ ధ్యాన్‌చంద్‌‌కే దక్కింది. ధ్యాన్‌చంద్ నేతృత్వంలో భారత పురుషుల హాకీ జట్టు  మూడు సార్లు ప్రతిష్టాత్మక ఒలింపిక్స్ పతకాలు గెలిచారు.

స్పోర్ట్స్ డే సందర్భంగా విద్యార్థినీ విద్యార్థులకు ఆటల పోటీలు నిర్వహించి పోటీలలో గెలుపొందిన విద్యార్థిని విద్యార్థులకు విశ్వవిద్యాలయ ఉపకులపతి చేతుల మీదుగా బహుమతులు ప్రధానం చేశారు.

ఈ కార్యక్రమంలో కళాశాల ప్రిన్సిపాల్ ఆచార్య సిహెచ్ విజయ, స్టూడెంట్ అఫైర్స్ డాక్టర్ ఎం.హనుమారెడ్డి, ఫిజికల్ ఎడ్యుకేషన్ డిపార్ట్మెంట్ అధ్యాపకులు ఇతర అధ్యాపకులు, అధ్యాపకేతర సిబ్బంది మరియు విద్యార్థిని విద్యార్థులు పాల్గొన్నారు.

 తెలుగు వ్యవహారిక భాషకు గిడుగు సేవలు మరువలేనివి

- నివాళులర్పించిన కలెక్టర్‌ ఆనంద్‌

- ఘనంగా తెలుగు భాషా దినోత్సవం

నెల్లూరు, ఆగస్టు 28 :  తెలుగును వాడుక భాషగా తీసుకురావడానికి గిడుగు వెంకటరామమూర్తి ఎంతో కృషి చేశారని జిల్లా కలెక్టర్‌ ఒ.ఆనంద్‌ అన్నారు. గురువారం ఉదయం కలెక్టరేట్‌లో గిడుగు వెంకటరామమూర్తి జయంతి వేడుకలను ఘనంగా నిర్వహించారు. ఈ సందర్భంగా  కలెక్టర్‌ మాట్లాడుతూ తెలుగుభాషకు గిడుగు వెంకటరామమూర్తి చేసిన సేవలను స్మరించుకుంటూ ఆయన జయంతిని తెలుగుభాషా దినోత్సవంగా జరుపుకుంటున్నట్లు కలెక్టర్‌ చెప్పారు. గ్రాంధిక భాషలో వున్న తెలుగు వచనాన్ని ప్రజల వాడుకభాషలోకి తీసుకుని భాషను అందరికి సులభతరం చేసిన గొప్ప చరిత్రకారుడు, బహుభాషా శాస్త్రవేత్త గిడుగు వెంకటరామమూర్తి అని కొనియాడారు. గిడుగు భాషోద్యమం వలన ఏ కొందరికో పరిమితమైన చదువు వ్యావహారిక భాషలో సాగి, అందరికీ అందుబాటులోకి వచ్చిందన్నారు. తెలుగుభాషకు ఎనలేని సేవ చేసిన గిడుగు రామమ్మూర్తి స్ఫూర్తితో ప్రతిఒక్కరూ తెలుగు భాషాభివృద్ధికి కృషి చేయాలని ఈ సందర్భంగా కలెక్టర్‌ పిలుపునిచ్చారు.

తొలుత గిడుగు చిత్రపటానికి కలెక్టర్‌ ఆనంద్‌, జాయింట్‌ కలెక్టర్‌ కె.కార్తీక్‌, డిఆర్‌వో లవన్న తదితరులు పుష్పాంజలి ఘటించి నివాళులర్పించారు.

సమాచార పౌర సంబంధాల కార్యాలయంలో

గిడుగు రామమూర్తి జయంతిని పురస్కరించుకొని తెలుగు భాషా దినోత్సవ వేడుకలను జిల్లా సమాచార, పౌర సంబంధాల అధికారి వారి కార్యాలయంలో ఘనంగా నిర్వహించారు. ఆ శాఖ డిప్యూటీ డైరెక్టర్ సదారావు, అధికారులు, సిబ్బంది గిడుగు చిత్రపటానికి పుష్పాంజలి ఘటించి నివాళులర్పించారు.

జిల్లా కలెక్టర్ ఆదేశాల మేరకు కలెక్టరేట్లోని కార్యాలయాలతో పాటు జిల్లా వ్యాప్తంగా అన్ని ప్రభుత్వ కార్యాలయాల్లో తెలుగు భాషా దినోత్సవం వేడుకలను ఘనంగా నిర్వహించారు. 

ఈ కార్యక్రమంలో జిల్లా సమాచార పౌర సంబంధాల అధికారి కె. సదారావు, జిల్లా రవాణా డిప్యూటీ కమిషనర్‌ చందర్‌, కలెక్టరేట్‌ పరిపాలనాధికారి విజయ్‌కుమార్‌, అధికారులు, సిబ్బంది పాల్గొన్నారు.

జిల్లా సమాచార పౌర సంబంధాల అధికారి, నెల్లూరు వారిచే జారీ

 ఇంద్ర వోల్వా బస్సును ఢీ కొట్టిన టిప్పర్ 

* పలువురికి గాయాలు 

నెల్లూరు క్రైమ్ (మేజర్ న్యూస్)

నెల్లూరు నగరంలోని కెవిఆర్ పెట్రోల్ బంక్ వద్ద ఏపీఎస్ఆర్టీసీ వోల్వా బస్సును అతివేగంతో వచ్చిన టిప్పర్ ఢీకొంది. ఈ ఘటన మంగళవారం అర్ధరాత్రి చోటు చేసుకుంది. నెల్లూరు నగరంలో అర్ధరాత్రి దాటాక ఇసుక, గ్రావెల్ టిప్పర్లు, లారీలలో అక్రమ రవాణా విచ్చలవిడిగా జరుగుతుంది. ఈ క్రమంలో పట్టించుకునే అధికారులు లేకపోవడంతో గ్రావెల్ మాఫియా వారి వాహనాలను అతివేగంతో ఢీకొంటున్నాయి. ఆర్టీసీ బస్సును కూడా అతివేగంతో ఢీకొనడంతో డ్రైవర్ తో పాటు 15 మంది ప్రయాణికులు గాయపడ్డారు. వారిని చికిత్స నిమిత్తం రామచంద్ర రెడ్డి ఆసుపత్రికి తరలించారు.  ఈ ఘటనపై సౌత్ ట్రాఫిక్ పోలీసులు కేసు నమోదు చేసి దర్యాప్తు చేస్తున్నారు.

 దుర్గంపై వనభోజనాలు

వైభవంగా జట్ఫట్ బీ బీ గంధమహోత్సవం

ఉదయగిరిమేజర్ న్యూస్.

ఉదయగిరి దుర్గంపై బుధవారం పర్యాటకుల సందడి నెలకొంది. మొహరం మాసంలో వచ్చే చివరి బుదవారం(ఆబర్రాన్యుంబా) రోజున ముస్లిం సోదరులు కుటుంబ సమేతంగా వనభోజనాలకు వెళ్లి పచ్చికబయళ్లు తొక్కితే పాపాలు హరించి పుణ్యం లభిస్తుందని వారి విశ్వాసం. అందులో భాగంగా ఉదయగిరి దుర్గంపై పట్టణంతోపాటు వింజమూరు, పామూరు, నెల్లూరు, బద్వేల్, కావలి, ఆత్మకూరు తదితర ప్రాంతాలకు చెందిన పర్యాటకులు అధికసంఖ్యలో తరలివచ్చి తొట్టి లొద్ది ప్రాంతంలో సేదతీరి సహపంక్తి భోజనాలు చేశారు. అనంతరం దుర్గంపై గల పురాతన కట్టడాలను తిలకించారు. అలాగే దుర్గంపై గల జట్ఫటి బీబీ దర్గాలో గంధమహోత్సవాన్ని వైభవంగా నిర్వహించారు. మేళతాళాలు, పకీరు జరుబులు, బాణసంచా పేలుళ్ల నడుమ గంధాన్ని హక్కుదారుల ఇంటి నుంచి ఊరేగింపుగా దర్గాకు చేర్చారు. చదివింపుల అనంతరం గుడాన్ని భక్తులకు పంచిపెట్టారు. దర్గాలో భక్తులు ప్రత్యేక ప్రార్థనలు నిర్వహించారు.

 ఎస్ఐకి ఘన సన్మానం

ఉదయగిరి మేజర్ న్యూస్.

విధి నిర్వహణలో ఉత్తమ ప్రతిభ కనపర్చి స్వాతంత్య్రం దినోత్సవం సంధర్భంగా రాష్ట్ర మంత్రి పొంగూరు నారాయణ చేతుల మీదుగా ప్రశంసాపత్రం అందుకున్న ఎస్ఐ కర్నాటి ఇంద్రసేనారెడ్డిని బుధవారం స్థానిక పోలీస్టేషన్లో టీడీపీ నియోజకవర్గ లీగల్ సెల్ అధ్యక్షుడు సందిరెడ్డి రామారావు, పలువురు నాయకులు ఘనంగా సన్మానించి మిఠాయిల అందజేశారు. ఈ కార్యక్రమంలో గానుగపెంట ఓబులరెడ్డి తదితరులు పాల్గొన్నారు.

 రోడ్డు ప్రమాదంలో వ్యక్తి మృతి 

రాపూరు మేజర్ న్యూస్:

రాపూరు నుండి చిట్వేల్ వెళ్లే మార్గం లో ఘాట్ రోడ్డు లో రోడ్డు ప్రమాదం వ్యక్తి మృతి

మృతుడు వెంకటాచలం మండలం పొలిచెర్లపాడు గ్రామానికి చెందిన వెంకటరత్నయ్యగా గుర్తింపు

మృతునికి భార్య ముగ్గురు పిల్లలు 

రాపూరు నుండి చిట్వేల్ వెళ్ళు  ఘాట్ రోడ్డు మార్గంలో 5 వ కిలోమీటర్ వద్ద కారు బైక్ ఢీ కొన్న  ప్రమాదం లో ద్విచక్ర వాహనం పై ప్రయాణిస్తున్న వెంకటాచలం మండలం,పొలిచెర్లపాడు గ్రామానికి చెందిన వెంకటరత్నయ్య అనే వ్యక్తి అక్కడిక్కడే మరణించాడు...కారులోని వ్యక్తికి స్వల్ప గాయాలు అయ్యాయి.. సమాచారం అందుకున్న 108 సిబ్బంది క్షతగాత్రులను రాపూరు ప్రభుత్వ ఆసుపత్రికి తరలించారు.విషయం తెలుసుకున్న రాపూరు సి.ఐ టి.విజయ కృష్ణ మరియు  ఇంచార్జి ఎస్.ఐ వెంకటేశ్వర రావు సంఘటన స్థలానికి చేరుకొని కేసు నమోదు దర్యాప్తు చేస్తున్నారు....

 ఏఎస్ పేట ఎస్ఐ గా సైదులు బాధ్యతలు స్వీకరణ 

అనుమసముద్రంపేట మేజర్ న్యూస్ ఏఎస్ పేట మండల నూతన ఎస్ఐ గా ఎ.సైదులు బుధవారం బాధ్యతలు స్వీకరించారు  నెల్లూరు వన్ టౌన్ పోలీస్ స్టేషన్లో  ఎస్ఐగా విధులు నిర్వహిస్తూ ఇటీవల జరిగిన సాధారణ బదిలీల్లో ఏఎస్ పేటకు నియమితులయ్యారు  ఆ మేరకు ఆయన బుధవారం బాధ్యతలు స్వీకరించారు ఇక్కడ విధులు నిర్వహిస్తున్న ప్రసాద్ రెడ్డి విఆర్ కు బదిలీ అయ్యారు  నూతన ఎస్ఐగా బాధ్యతలు స్వీకరించిన సైదులు అనంతరం స్థానికంగా ఉన్న ప్రముఖ పుణ్యక్షేత్రమైన హజ్రత్ సయ్యద్ ఖాజా రహమతుల్లా నాయబ్ రసూల్ వారి దర్గాను దర్శించుకుని ప్రత్యేక ప్రార్థనలు చేసుకున్నారు ఈ సందర్భంగా ఆయన స్థానిక విలేకరులతో మాట్లాడుతూ ప్రముఖ పుణ్యక్షేత్రం ఉన్న ఇక్కడ ఎస్ఐగా రావడం ఎంతో ఆనందంగా ఉందని శాంతి భద్రతల పరిరక్షణకు ప్రజలు పోలీసులకు తమ సహాయ సహకారాలు అందించాలని ముఖ్యంగా దర్గా సెంటర్లో ట్రాఫిక్ పై దృష్టి పెడతానని అలాగే దర్గాకు వచ్చే భక్తుల సౌకర్యార్థం అన్నివేళ పోలీస్ రౌండ్స్ నిర్వహిస్తామన్నారు  మండల ప్రజలు లా అండ్ ఆర్డర్ పరంగా ఎలాంటి సమస్యలున్న తన దృష్టికి తేవాలని చట్టాన్ని ఎవరు ఉల్లంఘించరాదన్నారు నూతన ఎస్ఐ ను స్థానిక పోలీస్ సిబ్బంది ఘన స్వాగతం పలుకుతూ అభినందన శుభాకాంక్షలు తెలిపారు

 దాతల సహకారం మరువలేనిది.

ఉదయగిరి మేజర్ న్యూస్.

ప్రభుత్వ పాఠశాలల అభివృద్ధికి దాతలు అందిస్తున్న చేయూత మరువలేనిదని ఎంఈవో-2 తోట శ్రీనివాసులు పేర్కొన్నారు. బుధవారం మండలంలోని బిజ్జంపల్లి జిల్లా పరిషత్ ఉన్నత పాఠశాలలో స్టేజీ, ముఖద్వారం ఏర్పాటుకు దాతలతో కలిసి భూమి పూజ, శంకుస్థాపన కార్యక్రమాల్లో పాల్గొన్నారు. ఈ సం దర్భంగా ఆయన మాట్లాడుతూ స్టేజీ నిర్మాణానికి మూలె రాజశేఖరరె డ్డి, ముట్టుకుందు ప్రభాకర్ రెడ్డి , ముఖద్వారం నిర్మాణానికి కల్లూరి సిద్ధారెడ్డి జ్ఞాపకార్థం రవీంద్రరెడ్డిలు ముందుకు రావడం అభినందనీయమన్నారు. ఈ సందర్భం గా శుభదిన్ భోజన్ కార్యక్రమంలో భాగంగా మూలె రాజశేఖర్రెడ్డి, ప్రత్యూషల వివాహం సందర్భంగా విద్యార్థులకు అతిథి భోజనం అందించారు. అలాగే మండలంలోని గడ్డంవారిపల్లి జిల్లా పరిషత్ ఉన్నత. గన్నేపల్లి ప్రాథమిక పాఠశాలలో జరుగుతున్న స్వీయమదింపు పరీక్షలను తనిఖీ చేశారు. ఈ కార్యక్రమంలో ప్రధానోపాధ్యాయులు నాయ బ్, మాలకొండయ్య, సర్పంచ్ లక్కు రమణమ్మ, ఎస్ఎంసీ చైర్మన్ కవిత, సభ్యులు, గ్రామ పెద్దలు తదితరులు పాల్గొన్నారు.

 స్వీయ మదింపు పరీక్షలను పరిశీలించిన మండల విద్యాశాఖ అధికారి 

ఉదయగిరి మేజర్ న్యూస్.

మండలం లో బుధవారం ను నుంచి ప్రారంభం మైన స్వీయ ముదింపు పరీక్షలనుఉదయగిరి మండల విద్యాశాఖ అధికారి 1 షేక్ మస్తాన్ వలి మండల పరిషత్ ప్రాథమిక పాఠశాల గన్నేపల్లి, జిల్లా పరిషత్ఉన్నత పాఠశాల గడ్డం వారి పల్లి పాఠశాలలను ఆకస్మిక తనిఖీ చేసి  స్వీయ మదింపు పరీక్షలను పరిశీలించారు. ఈ సందర్భంగా ఆయన మాట్లాడుతూ స్వీయ మదింపు పరీక్షలను ఎటువంటి లోటుపాట్లు లేకుండా సమర్ధవంతంగా నిర్వహించాలని మరియు 1,2 తరగతులు అభ్యసించే విద్యార్థుల ఓఎంఆర్ షీట్లను ఉపాధ్యాయులు భర్తీ చేయవలెనని అదేవిధంగా 3 నుండి 8తరగతులు అభ్యసించే విద్యార్థులు ఓఎంఆర్ షీట్లను  ఎటువంటి లోపాలు లేకుండా జాగ్రత్తగా భర్తీ చేసే విధంగా ఉపాధ్యాయులు తగు సూచనలు సలహాలు ఇవ్వాలని తెలియజేశారు. ఉన్నత పాఠశాల గడ్డం వారి పల్లి నందు మనబడి మన భవిష్యత్తు పనులలో భాగంగా నిర్మించిన నూతన టాయిలెట్లను, FA1పరీక్షలను,స్టడీ అవర్స్  పరిశీలించారు. ఈ కార్యక్రమంలో ప్రధానోపాధ్యాయులు మాలకొండయ్య ,ఉపాధ్యాయిని ఉపాధ్యాయులు  పాల్గొన్నారు.