నెల్లూరు రూరల్ లో మహానేత డా.వైయస్ఆర్ కు ఘననివాళులు

 నెల్లూరు రూరల్ లో మహానేత డా.వైయస్ఆర్ కు ఘననివాళులు 

 జిల్లా పార్టీ కార్యాలయం, రూరల్లోని అన్ని డివిజన్లు,  గ్రామీణ ప్రాంతాలలో డాక్టర్ వైఎస్ఆర్ 75వ జన్మదిన వేడుకలు

 అన్ని ప్రాంతాల్లో సేవా కార్యక్రమాలు నిర్వహణ

ప్రజల గుండెల్లో చెరగని ముద్ర వేసుకుని, చిరస్థాయిగా నిలిచిపోయిన దివంగత  మహానేత, ఉమ్మడి ఆంధ్రప్రదేశ్ మాజీ ముఖ్యమంత్రి డాక్టర్ వైయస్ రాజశేఖర్ రెడ్డిగారి 75వ జయంతి వేడుకలు నెల్లూరు రూరల్ నియోజకవర్గంలో  మాజీ ఎంపీ, నెల్లూరు రూరల్ వైఎస్ఆర్ కాంగ్రెస్ పార్టీ ఇంచార్జ్ ఆదాల ప్రభాకర్ రెడ్డి గారి ఆదేశాల మేరకు సోమవారం జిల్లా వైఎస్ఆర్ కాంగ్రెస్ పార్టీ కార్యాలయంలో కార్పొరేటర్లు, పార్టీ నాయకులు, కార్యకర్తలు, రూరల్లోని గ్రామీణ ప్రాంతాల్లో ప్రజా ప్రతినిధులు, వైసీపీ నాయకులు, కార్యకర్తలు, అభిమానులు ఆయా ప్రాంతాల్లో ఉండే దివంగత మహానేత డా. వైయస్ రాజశేఖర్ రెడ్డి విగ్రహాలకు పూలమాలు వేసి ఘనంగా నివాళులు అర్పించారు. ఈ సందర్భంగా  జోహార్ వైయస్ఆర్, జిందాబాద్ వైఎస్ఆర్ కాంగ్రెస్ పార్టీ, జయహో జగనన్న, ఆదాల ప్రభాకర్ రెడ్డి నాయకత్వం వర్ధిల్లాలి అంటూ నినదించారు. రూరల్ నియోజకవర్గంలో అనేక ప్రాంతాల్లో దివంగత మహానేత  వైఎస్ రాజశేఖర్ రెడ్డి 75వ జయంతిని పరిష్కరించుకొని పలు సేవా కార్యక్రమాలను వైయస్ఆర్ కాంగ్రెస్ పార్టీ శ్రేణులు చేపట్టారు.