ప్రజల్లో ఉండే నమ్మకాన్ని నిలబెట్టుకునే సేవలు అందించాలి, జిల్లా కలెక్టర్ ఆనంద్

 ప్రజల్లో ఉండే నమ్మకాన్ని నిలబెట్టుకునే సేవలు అందించాలి, జిల్లా కలెక్టర్ ఆనంద్

నెల్లూరు, కలెక్టరేట్  

రెవిన్యూ శాఖపై ప్రజల్లో ఉండే నమ్మకాన్ని నిలబెట్టుకునే విధంగా రెవిన్యూ ఫిల్లింగ్ స్టేషన్ ద్వారా వారికి సేవలు అందించాలని

జిల్లా కలెక్టర్ ఓ ఆనంద్ అన్నారు.

బుధవారం ఉదయం పొదలకూరు రోడ్డులోని జిల్లా పరిషత్ కార్యాలయం పక్కన రెవిన్యూ శాఖ ఆధ్వర్యంలో నూతనంగా ఏర్పాటు చేసిన రెవిన్యూ ఫిల్లింగ్ స్టేషన్ ను నెల్లూరు రూరల్ శాసనసభ్యులు కోటంరెడ్డి శ్రీధర్ రెడ్డి తో కలసి జిల్లా కలెక్టర్ ప్రారంభించారు.

ఈ సందర్భంగా జిల్లా కలెక్టర్ మాట్లాడుతూ ప్రభుత్వ శాఖల ద్వారా పెట్రోల్ బంకులు నిర్వహిస్తున్నారంటే, నాణ్యతా పరిమాణాలు సక్రమంగా ఉంటాయని ప్రజలు నమ్ముతారని వారి నమ్మకాన్ని నిలబెట్టుకునే విధంగా సేవలు అందించాలన్నారు. పూర్వపు జిల్లా కలెక్టర్ యం హరి నారాయణన్ ఈ పెట్రోల్ బంకు అనుమతులు, స్థల సేకరణ కొరకు విశేష కృషి చేశారని కొనియాడారు. అదేవిధంగా ఫిల్లింగ్ స్టేషన్ ద్వారా వచ్చే ఆదాయంలో కొంత భాగం రెవిన్యూ అసోసియేషన్ కు అందచేస్తున్నందున, ఆ మొత్తాన్ని ఉద్యోగుల సంక్షేమానికి కృషి చేయవలసిందిగా కోరారు.

నెల్లూరు రూరల్ శాసనసభ్యులు కోటంరెడ్డి శ్రీధర్ రెడ్డి మాట్లాడుతూ జిల్లాలో ఇప్పటికే పోలీసు, సివిల్ సప్లైస్, జైల్ తదితర శాఖల ద్వారా పెట్రోల్ బంకులు నడుస్తున్నాయని, వారితో రెవెన్యూ శాఖ ఆరోగ్యవంతమైన వాతావరణంలో పోటీపడి ప్రజలకు సేవలు అందించాలన్నారు.

ఈ కార్యక్రమంలో ఇన్చార్జి డిఆర్ఓ పద్మావతి, ఆర్డీవో మలోల, ఐఓసీ డివిజనల్ హెడ్ అనిల్ కుమార్, రెవిన్యూ అసోసియేషన్ అధ్యక్షులు పెంచల్ రెడ్డి తదితరులు పాల్గొన్నారు