Ravikiranalu TV

 బిపి-షుగర్,వ్యాధిగ్రస్తులకు నెలసరి సరిపడా మందులు పంపిణీ

 రవికిరణాలుప్రతినిధి -దొరవారిసత్రం :-

 అంటూ రహిత వ్యాధులైనమధుమేహం, రక్తపోటు వ్యాధిగ్రస్తులకు పరీక్షలు నిర్వహించి వ్యాధి యొక్క మోతాదును గుర్తించి నెలకు సరిపడా మందులను వైద్య సిబ్బంది అందించారు. దొరవారి సత్రం మండలంలోని వెదురుపట్టు గ్రామపంచాయతీలో గల తుంగమడుగు గ్రామంలో సోమవారం విలేజ్ డాక్టర్ క్లినిక్ ఏర్పాటు చేయడం జరిగింది. ఆ గ్రామంలోని పాత రోగులైన షుగర్ బిపి వారికి పరీక్షలు చేపట్టి, మందులు పంపిణీ చేసి, ఆరోగ్య సూత్రాల్లో భాగంగా దినసరి వ్యాయామం  ( నడక) గ్లూకోస్ మోతాదు తక్కువగా ఉన్న ఆహార పదార్థాలు తీసుకోవాలని వారికి సూచించారు. రెగ్యులర్గా మందులు వాడకం, ఆహార నియమాలు పాటిస్తే ఆరోగ్యవంతులుగా ఉంటారని  తెలియజేశారు. ప్రతి నెలలో ప్రభుత్వం నుండి ఉచిత మందులు పొందడంతో మాకు కొంత ఆర్థిక భారం తగ్గుతుందని సంతృప్తి వ్యక్తం చేశారు. అదేవిధంగా చిరు వ్యాధులకు చికిత్స, నీటి సంబంధం, దోమల ద్వారా సంభవించే వ్యాధులపై కూడా అవగాహన కలిగి, అప్రమత్తంగా ఉండాలని అవగాహన కల్పించారు. ఈ కార్యక్రమంలో హెల్త్ సూపర్వైజర్గోపి కిరణ్,సచివాలయ ఏ ఎన్ ఎం, హెల్త్ అసిస్టెంట్ సుధాకర్, ఆశ కార్యకర్తలుహాజరయ్యారు.

 రొట్టెల పండుగలో సౌకర్యాలను పర్యవేక్షించిన జాయింట్ కలెక్టర్, కమిషనర్

ప్రసిద్ధిగాంచిన నెల్లూరు బారా షహీద్ దర్గా రొట్టెల పండుగకు వివిధ ప్రాంతాలనుంచి వచ్చిన భక్తులకు అందుతున్న సౌకర్యాలను జిల్లా జాయింట్ కలెక్టర్ కూర్మనాథ్, నగర పాలక సంస్థ కమిషనర్ వికాస్ మర్మత్ లు సోమవారం పర్యవేక్షించారు. ఐదు రోజుల పాటు జరగనున్న పండుగకు పెద్ద సంఖ్యలో విచ్చేసిన భక్తులకు దర్గా ప్రాంగణం, రొట్టెలు మార్చుకునే స్వర్ణాల చెరువు తీర ప్రాంతంలో అన్ని వసతులను నగర పాలక సంస్థ ఆధ్వర్యంలో ఏర్పాటు చేశారు. 

స్వర్ణాల తీరంలో రొట్టెలు మార్చుకునే ప్రాంతమంతా అత్యంత  పరిశుభ్రంగా ఉంచాలని, పారిశుద్ధ్య నిర్వహణ పనులను నిరంతరం పర్యవేక్షించాలని ఆదేశించారు. దర్గా ప్రాంగణంలో మంచినీటి కేంద్రాల ద్వారా నిరంతరం సేవలను అందించాలని, మంచినీటి కేంద్రాల సమీపంలో పరిశుభ్రతను పటిష్టంగా అమలు చేయాలని సూచించారు. బారా షహీదుల దర్శనానికి బారికేడ్ల క్యూ లైన్లలో ఉన్న భక్తులకు మంచినీటి వసతి అందించడం, వాతావరణానికి అనుకూలంగా షామియానాల ఏర్పాటు చేసి అన్ని జాగ్రత్తలు పర్యవేక్షించాలని సూచించారు. దర్గా లోపలి ప్రధాన ప్రాంగణాలు, దర్గాకు వచ్చే రోడ్డు వెంబడి ప్రాంతాలు, పార్కింగ్ స్థలాల వద్ద నగర పాలక సంస్థ ఆధ్వర్యంలో ఏర్పాటు చేసిన ఉచిత మంచినీటి కేంద్రాలకు నిరంతరం నీటి సరఫరా జరిగేలా చర్యలు తీసుకోవాలని సూచించారు.  జిల్లా వైద్య ఆరోగ్య శాఖ ఆధ్వర్యంలో నిర్వహిస్తున్న వైద్య శిబిరంతో పాటు ఇతర హాస్పిటల్స్ స్వచ్చంధంగా ఏర్పాటు చేసిన ప్రాథమిక వైద్య శిబిరాల్లో భక్తులకు అవసరమైన మందులు, ప్రథమ చికిత్స, అంబులెన్స్ సౌకర్యం, ఇతర వైద్య సదుపాయాలను అందించేలా అన్ని జాగ్రత్తలు వహించాలని వారు సూచించారు. జనసమ్మర్ధంలో తప్పిపోయిన చిన్నారులు, వృద్ధులు, కుటుంబ సభ్యుల సమాచారాన్ని నిరంతరం కమాండ్ కంట్రోల్ విభాగం ద్వారా ప్రచారం అందించి తప్పిపోయిన వారిని కుటుంబ సభ్యులకు క్షేమంగా అప్పగించాలని ఆదేశించారు. విద్యుత్ సరఫరా నిరంతరం ఉండేలా జాగ్రత్తలు వహించాలని, ట్రాన్స్ ఫార్మర్లు, ఇతర ప్రమాదకర విద్యుత్ ఉపకరణాలు ఉన్న ప్రాంతాలకు భక్తులు రాకుండా పహారాకు ప్రత్యేక సిబ్బందిని నియమించాలని వారు సూచించారు. రొట్టెలు మార్చుకునే స్వర్ణాల తీరం వెంబడి చిన్నారులు నీళ్లలో లోతుగా ఉన్న ప్రాంతాలకు వెళ్లకుండా పటిష్టమైన నిఘా ఉంచాలని ఆదేశించారు. ముఖ్యంగా మహిళా భక్తులకు ఏలాంటి అసౌకర్యాలు కలుగకుండా అన్ని జాగ్రత్త చర్యలు తీసుకోవాలని జాయింట్ కలెక్టర్, కమిషనర్ లు సంబంధిత అధికారులను ఆదేశించారు.  అన్ని విభాగాల అధికారులు, సిబ్బందిని సమన్వయం చేసుకుని రొట్టెల పండుగ నిర్వహణను విజయవంతం చేయాలని జాయింట్ కలెక్టర్, కమిషనర్ ఆకాంక్షించారు. ఈ కార్యక్రమంలో నగర పాలక సంస్థ ఆరోగ్య శాఖాధికారి డాక్టర్ వెంకట రమణ, ఇంజనీరింగ్ విభాగం ఉన్నతాధికారులు, టౌన్ ప్లానింగ్ విభాగం ఉన్నతాధికారులు, ఇతర విభాగాల అధికారులు, సిబ్బంది పాల్గొన్నారు.

పి.ఆర్.ఓ. 

నెల్లూరు నగర పాలక సంస్థ.

 భూ సమస్య పై సూళ్లూరుపేట ఆర్ డి ఓ కి అర్జీ ఇచ్చిన వి. సి. కే పార్టీ నాయకులు.

రవి కిరణాలు తిరుపతి జిల్లా సూళ్లూరుపేట:-

తిరుపతి జిల్లా, ఓజిలి మండలం, కొండవల్లి పాడు . గ్రామదళితులు  సర్వే నెంబర్ 1లోని భూమిని  20సంవత్సరములుగా సాగు చేసుకోని జీవనం చేయుచున్న క్రమంలో గ్రామసర్పంచ్ ప్రభాకర్ రాజు అనే ఆగ్ర కులస్తుడు  బాధ్యత్తారహితంగా,కొంత మంది అగ్రకులస్తులను రెచ్చ గొట్టి దళితులు సాగు చేస్తూన్న భూమిలోని మిరప పంటను కేవలం కక్షపూరితంగా నాశనం చేసి  నష్టపరిచాడు. నిరుపేద దళితులు తాము సాగుచేసుకొనుచున్న పొలము దళితులకు చెందాలని, మరియు మిరపపంట నష్టం చేసినందుకు నష్టపరిహారాన్ని చేకూర్చవలసినదిగా మరియు భవిష్యత్తులో సదరు అగ్రకులస్థులు అకారణంగా ఇలాదాడి చేయకుండా సూళ్ళూరు పేట  రెవిన్యూ డివిజనల్ మేజిస్ట్రేట్ (ఆర్ డి ఓ) ని కోరడం జరిగినది. ఈపిర్యాదు సమర్పణలో, వి సి కె పార్టీ సూళ్లూరుపేట బాధ్యులు, నాయుకులు, బందిల మోహన్, మల్చి.చెంగయ్య, సదరుగ్రామ దళితులు, కత్తిని కోటయ్య,  ఎంట్రపాటి మోహన్, ఏల్చూరి హరి,  కత్తిన వెంకటరమణయ్య, కోనతం శీనయ్య, ఏల్చూరి రమణయ్య, ఏల్చూరి పెంచలయ్యలు పాల్గోన్నారు.

 నేడు మున్సిపల్ కార్యాలయాన్ని ముట్టడిస్తాం సిపిఎం, సిఐటియు .

రవి కిరణాలు తిరుపతి జిల్లా సూళ్లూరుపేట:-

 రాష్ట్ర ప్రభుత్వము మున్సిపల్ కార్మికులకు ఎన్నో హామీలు ఇచ్చింది. కాని అవేమి నెరవేర్చలేదని ఎన్నికల ముందు ఇచ్చిన హామీలు నెరవేర్చాలని  రాష్ట్ర ఫెడరేషన్ (1.8.2023) మంగళవారం రాష్ట్ర వ్యాప్త  ధర్నాలు చేయాలని పిలుపునిచ్చింది.  ఈ సందర్భంగా మున్సిపల్  కార్మికుల గౌ అధ్యక్షులు కె సాంబశివయ్య మాట్లాడుతూ కనీస వేతనాలు ఇవ్వాలని, కాంట్రాక్ట్ కార్మికులను  పర్మినెంట్ చేయాలని, పాత పెన్షను పద్దతి పునరుద్ధరించాలని దళారి వ్యవస్థను తొలగించాలన్నారు. భ.ని.కా జిల్లా అధ్యక్షులు కా ఏ అల్లెయ్య మాట్లాడుతూ 1.5.2023 కార్మికులందరు మున్సిపల్ ఆఫీసు ముట్టడిలో పాల్గొంటున్నానరన్నారు. తదుపరి రాష్ట్ర కమిటి డిమాండ్ల నోటీసును మునిసిపల్ కమిషనర్   నాగేంద్ర  కుమార్ కు అందజేసారు. కార్యక్రమములో  సిఐటియు  మండల అధ్యక్ష కార్యదర్శులు కా. డి.రమణయ్య, కా. లక్ష్మయ్య, ఎస్ కె రియాజ్ మున్సిపల్ కార్మిక నాయకులు  రామయ్య, ఫళణి వెంకటరత్నం శ్రీదేవి  సిఐటియు నాయకులు రాజబాబు విజయ తదితర మున్సిపల్ కార్మికులు పాల్గొన్నారు.

 కడపలో ఉక్కు ప్యాక్టరి స్థాపించాలని సూళ్లూరుపేట ఆర్డీవోకి వినతి పత్రం సమర్పించిన సిపిఎం, సి ఐ టి యు నాయకులు.

రవి కిరణాలు తిరుపతి జిల్లా సూళ్లూరుపేట:-

కడపలో ఉక్కు ఫ్యాక్టరీని కొనసాగించాలని సూళ్లూరుపేట ఆర్డిఓ కి సిపిఎం, సిఐటియు నాయకులు సోమవారం వినతి పత్రాన్ని అందజేశారు. అనంతరం సిపిఎం సూళ్ళూరుపేట కార్యదర్శి కా.బి.పద్మనాభయ్య మాట్లాడుతూ కడప లో ఉక్కు ఫ్యాక్టరీ ఊసేలేదని పార్లమెంటులో ప్రభుత్వము ప్రకటించడము రాయలసీమ ప్రజలను మోసము చేయడమేనని, రాష్ట్ర ప్రభుత్వ నేతలు ఇంతవరకు స్థాపన పేరుతో ఐదుసార్లుశంకు స్థాపన చేసారని, ఈ దాగుడు మూతలు ఆపి వెనుకు బడ్డ రాయలసీమ కడపలో ఫ్యాక్టరీ స్థాపించాలని డిమాండు చేసారు. జిల్లా భ.ని.కా అధ్యక్షులు కా ఏ అల్లెయ్య మాట్లాడుతూ పెద్ద పరిశ్రమలు వస్తేనే నిరుధ్యోగులకు ఉపాది వుంటుందన్నారు. తదుపరి ఆర్డీవో మునిచంద్రకు వినతి పత్రము సమర్పించారు. ఈ కార్యక్రమములో సిఐటియు గౌ అధ్యక్షులు  కా కె.సాంబశివయ్య, అధ్యక్ష కార్యదర్శులు డి రమణయ్య, కె లక్ష్మయ్య, ఎస్ కే రియాజ్, భాస్కర్,  నాయకులు రామయ్య, పళని, రమణయ్య, వెంకటరత్నం, శ్రీదేవి, చెంగమ్మ, రాజబాబు, విజయ తదితరులు పాల్గొన్నారు.

 SPS నెల్లూరు జిల్లా

కవాతును వీక్షించి, దర్బార్ నిర్వహించిన జిల్లా యస్.పి. డా.కె. తిరుమలేశ్వర రెడ్డి,IPS., గారు.

ఆంధ్రప్రదేశ్ రాష్ట్ర గౌరవ డి.జి.పి. గారి ఆదేశాల మేరకు పోలీసు పెరేడ్ గ్రౌండ్ నకు జిల్లా  యస్.పి. గారు ముఖ్య అతిథిగా విచ్చేసి పోలీసు అధికారులు, సిబ్బంది (సివిల్, ఎ.ఆర్. & హోం గార్డ్స్) నిర్వహించిన గౌరవ వందనం స్వీకరించి ఆద్యంతం కవాతును స్వయంగా వీక్షించి, అభినందించిన జిల్లా యస్.పి. గారు. అనంతరం సిబ్బంది సమస్యలను పరిష్కరించడం లక్ష్యంగా "దర్బార్" కార్యక్రమాన్ని నిర్వహించిన జిల్లా యస్.పి. గారు. పోలీసులు క్రమశిక్షణతో ఉంటూ, శారీరిక దారుఢ్యం కలిగి ఉండి, ఎటువంటి విపత్తులను ఎదుర్కునేందుకైన సంసిద్ధంగా ఉండాలి. మీ ఆరోగ్యం బాగుంటునే మీ కుటుంబం కూడా బాగుంటుందని గుర్తుంచుకోవాలి.  పోలీస్ సిబ్బందికి ఉద్యోగ బాధ్యతలతో పాటు వారి సంక్షేమం కోసం అధిక ప్రాధాన్యత ఇవ్వడం జరుగుతుంది. మీ సంక్షేమం కోసం తక్కువ ధరలతో అన్ని సదుపాయాలతో ఏర్పాటు చేసిన పోలీస్ వెల్ఫేర్ క్యాంటీన్ ను కుటుంబ సమేతంగా వెళ్ళి వినియోగించుకోవాలని సూచన. పోలీసు శాఖ ప్రభుత్వం యొక్క ముఖ చిత్రం.. అదేవిధంగా రిసెప్షనిస్ట్ పోలీస్ స్టేషన్ వెన్నెముక. ఫిర్యాదుదారులతో మర్యాదగా, ఓపికగా వ్యవహరించాలి. పరుషంగా మాట్లాడవద్దు. మహిళలు, చిన్నపిల్లలు, వృద్దులు, అణగారిన వర్గాల ఫిర్యదులలో తక్షణం స్పందించాలని ఆదేశాలు. చట్టాలను తెలుసుకోవాలని సూచించి, విధులలో నిర్లక్ష్యం ప్రదర్శిస్తే సహించేది లేదని హెచ్చరికలు.. అనంతరం అధికారులు, సిబ్బందితో ముఖాముఖిగా మాట్లాడి వారి విధుల్లో మరియు ఆరోగ్య, విద్య, తదితర అంశాలలో ఉన్న సమస్యలను అడిగి తెలుసుకుని పరిష్కారం చేసే దిశగా చర్యలు చేపట్టాలని సంబంధిత పోలీసు అధికారులను ఆదేశించారు. ఈ కార్యక్రమంలో జిల్లా యస్.పి. గారితో పాటు అడిషనల్ యస్.పి.(అడ్మిన్) గారు, సంబంధిత అధికారులు, సిబ్బంది పాల్గొన్నారు. 

జిల్లా పోలీసు కార్యాలయం, తేది.28.07.2023.

 ప్రయోగానికి సిద్దంగా పి ఎస్ ఎల్ వి- సి56 ఉపగ్రహం.

 ఈ నెల 30న పీఎస్‌ఎల్‌వీ సీ56 ప్రయోగం.

రవి కిరణాలు తిరుపతి జిల్లా  (సూళ్లూరుపేట) శ్రీహికోట:-

 భారత అంతరిక్ష పరిశోధన సంస్థ(ఇస్రో) ఈనెల 30వ తేదీ ఉదయం 6.30 గంటలకు సతీశ్‌ ధవన్‌ స్పేస్‌ సెంటర్‌(షార్‌)లోని మొదటి ప్రయోగ వేదిక నుంచి పీఎస్‌ఎల్‌వీ సీ56 ప్రయోగాన్ని నిర్వహించనుంది.

ఇప్పటికే నాలుగు దశల అనుసంధానం పనులను పూర్తి చేసి రాకెట్‌ను మొబైల్‌ సర్వీస్‌ టవర్‌ (ఎంఎస్‌టీ)కు తీసుకువచ్చారు. అక్కడ ఏడు ఉపగ్రహాలను రాకెట్‌ శిఖరభాగాన అమర్చి.. హీట్‌షీల్డ్‌ క్లోజ్‌ చేసే ప్రక్రియను బుధవారం పూర్తి చేశారు. 29వ తేదీ ఉదయం 6.30 గంటలకు కౌంట్‌డౌన్‌ను ప్రారంభించనున్నారు. వాతావరణ మార్పులకు అనుగుణంగా ఆ సమయాన్ని కొద్దిగా మార్చే అవకాశం కూడా ఉంది. ఈ ప్రయోగం ద్వారా సింగపూర్‌కు చెందిన 422 కిలోల బరువు కలిగిన ఏడు ఉపగ్రహాలను రోదసిలోకి పంపనున్నారు..

 చిత్తూరు జిల్లా .......

రామకుప్పం మండలం కర్ణలపట్టు అటవీప్రాంతం లో చిరుతపులి మృతి . అటవీ ప్రాంతంలో మృతిచెంది పడిఉన్న చిరుత పులి మృతదేవాహాన్ని చూసి అటవీ అధికారులకు సమాచారం అందించిన పశువుల కాపారులు . చిరుత దుర్వాసన రావడంతో వారం ముందు మృతిచెందినట్టు అనుమానాలు  చిరుత మృతిపై పలు అనుమానాలు  వన్యప్రనుల వేటగాళ్ల దాడిలో మృతిచేందింది అని సమాచారం

 చంద్రయాన్‌-3: చివరి భూకక్ష్య పెంపు విజయవంతం.. ఇక జాబిల్లే తరువాయి..

బెంగళూరు: జాబిల్లిపై పరిశోధనలకుగానూ ప్రయోగించిన 'చంద్రయాన్‌-3 (Chandrayaan-3)' వ్యోమనౌక తన లక్ష్యం దిశగా మరో అడుగు ముందుకేసింది. ఇప్పటివరకు నాలుగో కక్ష్యలో భూమిచుట్టూ తిరిగిన ఈ వ్యౌమనౌకకు సంబంధించిన అయిదో కక్ష్య పెంపు (Orbit Raising Manoeuvre)ను భారత అంతరిక్ష పరిశోధన సంస్థ (ISRO) మంగళవారం విజయవంతంగా నిర్వహించింది.

బెంగళూరులోని 'ఇస్రో టెలీమెట్రీ, ట్రాకింగ్‌ అండ్‌ కమాండ్‌ నెట్‌వర్క్‌ (ISTRAC)' నుంచి ఈ విన్యాసాన్ని చేపట్టింది. దీంతో చంద్రయాన్‌ ఇప్పుడు 127609 కి.మీ x 236 కి.మీ దూరంలోని కక్ష్యలోకి చేరుకునే అవకాశం ఉందని ఇస్రో తెలిపింది.

ఇదిలా ఉండగా.. భూమి చుట్టూ చక్కర్లు కొట్టే విషయంలో చంద్రయాన్‌-3కి సంబంధించి ఇది చివరి కక్ష్య. దీని తర్వాత వ్యోమనౌక చంద్రుడి కక్ష్యలోకి ప్రవేశిస్తుంది. ఈ విన్యాసాన్ని (TransLunar Injection) ఆగస్టు 1న చేపట్టనున్నట్లు ఇస్రో తెలిపింది. జులై 14న ఈ వ్యోమనౌకను ఎల్‌వీఎం3-ఎం4 రాకెట్‌ ద్వారా విజయవంతంగా భూకక్ష్యలో ప్రవేశపెట్టిన సంగతి తెలిసిందే. మరుసటిరోజు తొలిసారిగా దీని కక్ష్యను పెంచారు. ఇప్పటివరకు దశలవారీగా అయిదుసార్లు పెంచి.. చంద్రయాన్‌-3ని జాబిల్లికి చేరువచేస్తున్నారు. అయిదో భూకక్ష్య పూర్తయిన అనంతరం ఈ వ్యోమనౌక చంద్రుడి కక్ష్యలోకి వెళ్తుంది. అంతా సజావుగా సాగితే ఆగస్టు 23న సాయంత్రం చంద్రుడిపై ల్యాండర్‌ అడుగుపెడుతుంది..

 సీఎంతో నెల్లూరు సమస్యలపై   చర్చించిన ఎంపీ ఆదాల

 నెల్లూరు ఎంపీ ఆదాల ప్రభాకర్ రెడ్డి మంగళవారం ఆంధ్రప్రదేశ్ ముఖ్యమంత్రి సీఎం జగన్మోహన్ రెడ్డిని అమరావతిలో కలిశారు నెల్లూరు రింగురోడ్డుతో సహా పెండింగ్లో ఉన్న పలు సమస్యల గురించి ఆయనతో చర్చించినట్లు ఒక ప్రకటనలో తెలిపారు. సీఎం జగన్మోహన్ రెడ్డి తాను ప్రస్తావించిన సమస్యల పట్ల సానుకూలంగా స్పందించారని సంతోషాన్ని వ్యక్తం చేశారు.

 సూర్యాపేట జిల్లా మేళ్లచెరువు మైహోమ్ సిమెంట్ లో ఘోర ప్రమాదం

అనుమతి లేకుండా నూతనంగా నిర్మిస్తున్న యూనిట్-4 ప్లాంట్ వద్ద ప్రమాదం. 500 అడుగుల ఎత్తులో కాంక్రీట్ వర్క్ చేస్తుండగా లిఫ్ట్ కూలి కిందపడిన కాంట్రాక్ట్ కార్మికులు ఐదుగురు మృతి, పలువురికి తీవ్ర గాయాలు. మృతుల సంఖ్య పెరిగే అవకాశo  క్షతగాత్రులు ఉత్తరప్రదేశ్, బీహార్ కు చెందిన వారు. ప్రమాదంపై గోప్యత పాటిస్తున్న మై హోమ్ యాజమాన్యం.

ప్రతి కుటుంబానికి అభివృద్ధి పథకాలు అందించడమే జగనన్న లక్ష్యం- ఎమ్మెల్యే కిలివేటి

రవికిరణాలు ప్రతినిధి -దొరవారిసత్రం న్యూస్:- ప్రతి కుటుంబానికి వారి ఆర్థిక అభివృద్ధి కోసం అమలు చేస్తున్న అభివృద్ధి పథకాలను అందించడమే మన ప్రియతమ ముఖ్యమంత్రి జగన్ మోహన్ రెడ్డి లక్ష్యం అని సూళ్లూరుపేట నియోజకవర్గ ఎమ్మెల్యే టీటీడీ బోర్డు సభ్యులు కిలివేటి సంజీవయ్య అన్నారు ఆయన మంగళవారందొరవారిసత్రం మండలం ఏకొల్లు సచివాలయం పరిధిలోని పాలెంపాడు దొరవారిసత్రం కుప్పారెడ్డిపాళెం మొదలగు గ్రామాలలో శ్రీ చెంగాలమ్మ పరమేశ్వరి ఆలయ ట్రస్ట్ బోర్డు చైర్మన్ దువ్వూరు బాలచంద్రారెడ్డి ఆధ్వర్యంలో ఏర్పాటుచేసిన " గడపగడపకు మన ప్రభుత్వం "  కార్యక్రమంలో పాల్గొనడం జరిగినది ఈ సందర్భంగా ఎమ్మెల్యే గడపగడపకు వెళ్లి వైసీపీ ప్రభుత్వం నాలుగేళ్లలో చేపట్టిన అభివృద్ధి, సంక్షేమాన్ని ప్రజలకు వివరించి... సీఎం జగనన్న అమలు చేస్తున్న ప్రభుత్వ సంక్షేమ పథకాల ద్వారా లబ్ధి పొందిన వారికి సంక్షేమ పథకాల బుక్లెట్లను అందజేసి, వారికి ప్రభుత్వం ద్వారా చేకూరిన లబ్దిని వివరిoచారు కుప్పారెడ్డి పాలెం గ్రామంలోజోరు వానలో సైతం తమ గ్రామానికి విచ్చేసిన ఎమ్మెల్యే కిలివేటి సంజీవయ్య కు దువ్వూరు బాలచంద్రారెడ్డి కి గ్రామస్తులు శాలువాలు కప్పి, హారతులు పట్టి, పూలదండలు వేసి ఆప్యాయంగా స్వాగతం పలికారు వర్షం కురుస్తున్నా కుడా ఎమ్మెల్యే కిలివేటి సంజీవయ్య , శ్రీ చెంగాళమ్మ ఆలయ ట్రస్ట్ బోర్డు ఛైర్మెన్ దువ్వూరు బాలచంద్రారెడ్డి మరియు ప్రజా ప్రతినిధులు, నాయకులు కలిసి వర్షంలోనే ప్రతి గడపకు వెళ్ళి ఆ కుటుంబాల సభ్యులకు బుక్లెట్లను అందిస్తూ మళ్లీ  ఎన్నికల్లో జగనన్నను సంజీవయ్యను ఆశీర్వదించాలని కోరారు ఈ కార్యక్రమంలో తాసిల్దార్ గోపిరెడ్డి ఎంపీడీవో సింగయ్య ఎస్ఐ తిరుమలరావు ఏపిఎం పద్మావతి పలు శాఖ అధికారులు జడ్పిటిసి సభ్యులు రమేష్ మండల శాఖ నాయకులు మునస్వామి నాయుడు సురేష్ రెడ్డి జమ్మలమనేయ్య వైసీపీ పార్టీ నాయకులు కార్యకర్తలు గ్రామస్తులు తదితరులు పాల్గొన్నారు

 SPS నెల్లూరు జిల్లా

నెలవారీ నేర సమీక్షా సమావేశం నిర్వహించిన జిల్లా యస్.పి. శ్రీ డా. కె. తిరుమలేశ్వర రెడ్డి,IPS., గారు

ఉమేష్ చంద్ర కాన్ఫరెన్స్ హాల్ నందు జిల్లా పోలీసు అధికారులతో నెలవారీ నేర సమీక్షా సమావేశం నిర్వహణ. జిల్లాలో చోటు చేసుకున్న గ్రేవ్, నాన్ గ్రేవ్, అస్తి సంబంధిత నేరాలలో విచారణ గురించి సర్కిల్ వారీగా అధికారులతో సమీక్ష. కోర్టు పరిధిలోని అంశాలను పరిగణనలోకి తీసుకుని ఎప్పటికప్పుడు పరిష్కరించాలి. పేకాట, కోడిపందాలు, ట్రిపుల్ రైడింగ్, డ్రంక్ అండ్ డ్రైవ్ వంటి ఎన్ఫోర్స్మెంట్ ను  సమర్థవంతంగా అమలు చేయాలి. దిశ కాల్స్, 112, డయల్ 100 వంటి అత్యసర నెంబర్ల నుండి వచ్చు కాల్స్ కు మరియు NHRC, SHRC ఫిర్యాదులకు అధిక ప్రాధాన్యతతో తక్షణం స్పందించాలి. రౌడీలు, సస్పెక్ట్ లు, పాత నేరస్తుల కదలికలపై నిఘా ఉంచి, తరచుగా కౌన్సిలింగ్ నిర్వహించి, వారిలో పరివర్తనకు గట్టిగా కృషి చేయాలి. విచారణ దశలో వున్న కేసులను సాంకేతిక పరిజ్ఞాన్ని, వృత్తి నైపుణ్యాన్ని ఉపయోగించి వేగవంతంగా దర్యాప్తుచేసి సంబంధిత కోర్టులో ఛార్జ్ షీట్ వేయాలి. యాసిడ్, బాణసంచా మందు గుండు సామాగ్రి తయారీ కేంద్రాలకు, వాటిని నిల్వ ఉంచే గూడములకు తప్పనిసరిగా ప్రభుత్వ అనుమతులు ఉండాలని, పోలీస్ అధికారులు వాటిని సందర్శించి ప్రభుత్వ నియమ నిబంధనలు పాటించే విధంగా చర్యలు తీసుకోవాలన్నారు. అనంతరం జిల్లాలో పెండింగ్ లో ఉన్న  గ్రేవ్ & నాన్ గ్రేవ్ కేసులు, హత్య కేసులు, POCSO& రేప్ కేసులు, డెకాయిటి, రాబరీ, ప్రాపర్టీ, వాహనాలు దొంగతనం, మిస్సింగ్, చీటింగ్ కేసులు, ప్రాపర్టీ కేసులు, రోడ్డు ప్రమాదాలు, 174 Cr.P.C కేసులు, ఎన్‌ఫోర్స్‌మెంట్ వర్క్, డిపిఓ కు సంబంధించి పెండింగ్ రిప్లై ఫైల్స్, పెండింగ్ NBWs, NDPS కేసులలో దర్యాప్తు, రికవరీల గురించి సర్కిల్ వారీగా పోలీస్ అధికారులతో సమీక్ష నిర్వహించి, CD ఫైల్స్ క్షుణ్ణంగా పరిశీలించిన యస్.పి. గారు. పెండింగ్ కేసుల ఛేదింపునకు మరియు పరిష్కారానికి, నేర నియంత్రణకు దోహదం చేసే పలు సూచనలు, మెళకువలపై దిశానిర్దేశం.. ప్రాపర్టీ కేసులు విషయంలో ప్రత్యేక దృష్టి సారించి ప్రత్యేక బృందాలుగా ఏర్పడి ప్రాపర్టీ కేసులను త్వరితగతిన చేదించి, బాధితులు నష్టపోయిన సొమ్మును రికవరీ చేసి వారికి న్యాయం జరిగేటట్లు చర్యలు తీసుకోవాలని అధికారులను ఆదేశించారు. రోడ్డు ప్రమాదాల నివారణకు ప్రత్యేక చర్యలు చేపట్టాలని, వాహన తనిఖీలు చేపట్టి, MV చట్టం ప్రకారం జరిమానాలు విధిస్తూ, రోడ్డు భద్రత నియమాలు పాటించేలా చూడాలి.  ప్రజలకు ఫేక్ లోన్ యాప్స్/సైబర్ నేరాలు/LHMS, దిశ యాప్ లపై అవగాహన కల్పించాలని సూచించారు. గత మాసంలో ప్రతిభ కనబరిచిన అధికారులు, సిబ్బందికి ప్రశంసా పత్రాలను అందించి అభినందించిన యస్.పి. గారు.

జిల్లా పోలీసు కార్యాలయం, తేది.21.07.2023.

 సమగ్ర భూ సర్వే  వేగవంతం చేయండి

 తిరుపతి జిల్లా జాయింట్ కలెక్టర్ బాలాజీ

 తిరుపతి జిల్లాలో జరుగుతున్న  జగనన్న భూ రక్ష- సమగ్ర సర్వే పనులను వేగవంతం చేయాలని అధికారులకు జేసీ బాలాజీ సూచించారు.  మంగళవారం నాడు కోట మండల తాసిల్దార్ కార్యాలయాన్ని ఆకస్మిక తనిఖీ చేశారు.  ఈ సందర్భంగా మండలంలో జరుగుతున్న సమగ్ర భూ సర్వే పనులపై ఆరా తీశారు.  జిల్లాలో మొదటి ఫేజ్ లో  69 గ్రామాల్లో సర్వే పూర్తయింది అన్నారు. సెకండ్ ఫేస్ లో 188 గ్రామాల్లో  రీ సర్వే కొనసాగుతుందని పేర్కొన్నారు.  కోట మండలంలో తిన్నెలపూడి, ఉత్తమ నెల్లూరు,  కర్లపూడిలలో సర్వే జరుగుతుందని పేర్కొన్నారు.  జాయింట్ కలెక్టర్ వెంట తాసిల్దార్ పద్మావతి, డిప్యూటీ తాసిల్దార్ మల్లికార్జునరావు,సర్వేయర్లు,వీఆర్వోలు, ఉన్నారు.

 రొట్టెల పండుగ ఏర్పాట్లను పర్యవేక్షించిన కమిషనర్ వికాస్ మర్మత్, ఐ.ఏ.యస్.,

ఈనెల 29 వ తేదీ నుంచి ప్రారంభమవనున్న నెల్లూరు బారా షహీద్ దర్గా రొట్టెల పండుగను నగర పాలక సంస్థ ఆధ్వర్యంలో ప్రతిష్టాత్మకంగా నిర్వహించేందుకు ఏర్పాట్లు చేస్తున్నట్లు కమిషనర్ వికాస్ మర్మత్ తెలిపారు.

రొట్టెల పండుగ నిర్వహణ ఏర్పాట్లను బారా షహీద్ దర్గాలో కమిషనర్ మంగళవారం పర్యవేక్షించారు. ఈ సందర్భంగా కమిషనర్ మాట్లాడుతూ రానున్న భక్తులను దృష్టిలో ఉంచుకుని నగర పాలక సంస్థ ఆధ్వర్యంలో దర్గా ప్రాంగణంలో అన్ని వసతులు కల్పిస్తున్నామని తెలిపారు. షామియనాలు, కమాండ్ కంట్రోల్ విభాగం, వి.ఐ.పి రిసెప్షన్, సి.సి కెమెరాలు, విద్యుత్ లైటింగ్, పారిశుద్ధ్యం, స్త్రీలకు మరుగుదొడ్లు, పార్కింగ్, మహిళలకు రక్షణ, బారికేడ్ల నిర్మాణం, పోలీసుల పర్యవేక్షణ, స్వర్ణాల చెరువు తీరం వెంబడి భద్రతా చర్యలు వంటి వివిధ అంశాలకు ప్రాధాన్యత కల్పిస్తున్నామని తెలిపారు.  అన్ని ప్రభుత్వ విభాగాలను సమన్వయం చేసుకుని రొట్టెల పండుగను ఘనంగా నిర్వహించేలా ప్రణాళికలు సిద్ధం చేస్తున్నామని కమిషనర్ వెల్లడించారు. పండుగకు విచ్చేసే భక్తులంతా క్రమశిక్షణగా రొట్టెలు మార్చుకునేలా, దర్గాలో మొక్కులు చెల్లించుకునేలా పటిష్ట ఏర్పాట్లను పూర్తి చేస్తామని కమిషనర్ తెలిపారు. 

ఈ కార్యక్రమంలో  కార్పొరేషన్ అధికారులు, సిబ్బంది పాల్గొన్నారు. 

పి.ఆర్.ఓ.

నెల్లూరు నగర పాలక సంస్థ.

 జగన్ రెడ్డి పరిపాలనకు చెక్ పెట్టడం మీ చేతుల్లోనే ఉంది

రవికిరణాలు ప్రతినిధి -దొరవారి సత్రం న్యూస్

 మండుతున్న ధరలను చూస్తున్నారా, ఎప్పుడు లేనంత ధరలు పెరుగుదల  విన్నారా, పేదవాడు సరుకులు కొనలేక, తినలేక పరిస్థితిని చూస్తూనే ఉన్నాం, ఇలాంటి ప్రభుత్వాన్ని ఏం చేయాలి జగన్ రెడ్డి పాలనకు చరమగీతం పాడడంలో మీ చేతుల్లోనే ఉందంటూ ప్రజలనే ప్రశ్నించారు. సోమవారం తెలుగుదేశం పార్టీ తలపెట్టిన భవిష్యత్తుకు గ్యారంటీ బస్సు చైతన్య యాత్ర మండల పరిధిలోని తనియాలి  గ్రామంలో సాగింది. కేంద్ర మాజీ మంత్రి పనబాక లక్ష్మి, తిరుపతి పార్లమెంటరీ అధ్యక్షులు నరసింహ యాదవ్, మాజీ రాష్ట్ర మంత్రి పరసా వెంకటరత్నం, తిరుపతి పార్లమెంటరీ ప్రధాన కార్యదర్శి వేనాటి సతీష్ రెడ్డి, సూళ్లూరుపేట నియోజకవర్గ ఇన్చార్జ్ నెలవల సుబ్రహ్మణ్యం, సారధ్యంలో  చైతన్య యాత్రసాగింది. పనబాక లక్ష్మి  మాట్లాడుతూ గత తెలుగుదేశం పాలను చూశారు కదా! నేటి పాలకుల అరాచకాలు చూస్తూనే ఉన్నారు కదా, ప్రభుత్వాన్ని మార్చకపోతే పతనమైపోక తప్పదు, ఈసారి గట్టి గుణపాఠం చెప్పక తప్పదు అంటూ తనియాలి గ్రామ ప్రజలకు సూచించారు. ఆ గ్రామములోని ప్రజలను సమావేశపరచి పలు సమస్యలను అడిగి తెలుసుకున్నారు. భవిష్యత్తుకు గ్యారెంటీ కావాలంటే చంద్రబాబు ప్రభుత్వమే రావాలని పనబాక సూచించారు. మట్టి మాఫియా అరాచకాలు అధికమయ్యాయి, ఇసుక అక్రమ రవాణా విచ్చలవిడిగా జరుగుతోంది, వాటిని నియంత్రించే అధికారి కనిపించడం లేదు, న్యాయం అడిగితే దోషిగా చూస్తున్నారు, ఇలాంటి ప్రభుత్వానికి చెక్ పెట్టడంలో ఓటర్లే ప్రధాన పాత్ర పోషించాలని ఆమె కోరారు. పరస వెంకటరత్నం వైసీపీ ప్రభుత్వ పాలనకు ముగింపు పలికే రోజులు దగ్గర పడుతున్నాయని అన్నారు. నెలవల సుబ్రహ్మణ్యం మాట్లాడుతూ అందరం యుద్ధం చేసే  రోజులు దగ్గరపడ్డాయి. ప్రజలకు సుభిక్ష పరిపాలన కావాలనుకుంటే అందరం కలిసికట్టుగా పనిచేసే తెలుగుదేశం పార్టీని గెలిపించుకోవాలనిప్రజలను కోరారు. ఈ బస్సు యాత్రకు ముఖ్యఅతిథిగా తిరుపతి పార్లమెంటరీ అధ్యక్షులు నరసింహ యాదవ్ హాజరయ్యారు, అదేవిధంగా నాయుడుపేట, పెళ్లకూరు, దొరవారిసత్రం తెలుగుదేశం పార్టీ మండల అధ్యక్షులు శ్రీనివాసులు నాయుడు ఎస్సీ సెల్ అధ్యక్షులు జకరయ్య మైనార్టీ సూళ్లూరుపేట నియోజకవర్గం అధ్యక్షులు షబ్బీర్ మాజీ ఎంపీటీసీ ఉదయ్ కుమార్ సూళ్లూరుపేట తడ మండలాల పార్టీ అధ్యక్షులు, మండల నాయకులు రవీంద్ర నాయుడు నాగేంద్ర నాయుడు కృష్ణమూర్తి ప్రసాద్ నాయుడు రవి నాయుడు గ్రామస్థాయి నాయకులు హాజరయ్యారు. కాళహస్తి నియోజకవర్గ  మాజీ ఎమ్మెల్యేఎస్ సి వి నాయుడు, తెలుగుదేశం పార్టీ మహిళా అధ్యక్షులు సుగుణ, చక్రాల ఉష  తదితరులు హాజరయ్యారు

 ఈ నెల 21న రాష్ట్ర ముఖ్యమంత్రి జిల్లా పర్యటన ఏర్పాట్లను పరిశీలించిన కలెక్టర్

వెంకటగిరి,తిరుపతి జిల్లా, జూలై17: ఈ నెల 21న రాష్ట్ర ముఖ్యమంత్రి తిరుపతి జిల్లాలోని వెంకటగిరి నుండి 2023-24 సం. కు గాను రాష్ట్ర వ్యాప్తంగా అర్హులైన లబ్ధిదారులకు వరుసగా ఐదవసారి వైఎస్ఆర్ నేతన్న నేస్తం నగదును కంప్యూటర్ బటన్ నొక్కి జమ చేయనున్న నేపథ్యంలో సిఎం పర్యటన ఏర్పాట్లను జిల్లా కలెక్టర్ కె వెంకట రమణ రెడ్డి గూడూరు ఆర్డీఓ కిరణ్ కుమార్ తో కలిసి పరిశీలించి సిఎం పర్యటనకు ఏర్పాట్లు సకాలంలో పగద్భందీగ పూర్తి చేయాలని అన్నారు. 

సోమవారం సాయంత్రం ఈ నెల 21 న రాష్ట్ర ముఖ్యమంత్రి  పర్యటించ నున్న సందర్భంగా జిల్లా కలెక్టర్ పర్యటించి పలు సూచనలు చేశారు. గౌ ముఖ్యమంత్రి పర్యటనకు వచ్చే వాహనాల పార్కింగ్ కొరకు ఊరి బయట ఏర్పాటు చేస్తున్న పార్కింగ్ ప్రదేశాన్ని పరిశీలించి తగు సూచనలు చేశారు. అనంతరం పబ్లిక్ మీటింగ్ ప్రదేశాన్ని పరిశీలించి ఎలాంటి పొరపాట్లకు తావులేకుండా అధికారులు సమన్వయంతో పనిచేయాలని, పోలీస్ అధికారులు బందోబస్తు నిర్వహణ అప్రమత్తంగా ఉండాలని సూచించారు. విశ్వోదయ గ్రౌండ్ హెలిప్యాడ్ ఏర్పాట్లు పరిశీలించి లైన్ అప్, బ్యారికాడింగ్ తదితర ఏర్పాట్లు పక్కాగా ఉండాలని ఆదేశించారు.

అనంతరం తిరుపతి ఎంపీ గురుమూర్తి, రాష్ట్ర కమ్యూనిటీ బోర్డు చైర్మన్ రాంకుమార్ వారితో కలిసి ఇరిగేషన్ శాఖ అతిథి గృహంలో ఏర్పాట్లపై చర్చించారు.

ఈ కార్యక్రమంలో ఎస్డిసి లు శ్రీనివాసులు, తాశిల్డార్ పద్మావతి, ఎంపిడిఓ విజయలక్ష్మి, మునిసిపల్ కమీషనర్ వెంకటరామయ్య ,  ఇరిగేషన్ సి ఇ వెంకట రమణ, ఈ ఈ రాధా కృష్ణ, ఆర్ అండ్ బి అధికారులు,పోలీస్ సిబ్బంది తదితరులు పాల్గొన్నారు.

 వందశాతం తప్పులు లేని ఓటర్ల జాబితానే లక్ష్యంగా పనిచేయండి...

బిఎల్ఓ లు ఇంటింటి సర్వే పటిష్టవంతంగా నిర్వహించేలా చూడండి...

ఒకే ఇంట్లో పది ఓటర్ల కంటే ఎక్కువ ఉంటే పక్కాగా వెరిఫై చేయించాలి...

ఫామ్ 6, 7, 8లను ఎప్పటికప్పుడు ప్రజలకు అందుబాటులో ఉంచాలి....

- షేక్. అబ్దుల్ అజీజ్, నెల్లూరు పార్లమెంట్ టీడీపీ అధ్యక్షులు, నెల్లూరు రూరల్ నియోజకవర్గ ఇన్చార్జి...

ఈ నెల 21 వ తేదీ నుంచి నెల రోజుల పాటు ఆంధ్ర ప్రదేశ్ రాష్ట్ర వ్యాప్తంగా ఓటర్ ల జాబితా సమగ్ర సవరణ కార్యక్రమం జరగనుంది. ఆ అంశం పై ఉమ్మడి నెల్లూరు జిల్లాలోని నియోజకవర్గాల టీడీపీ బూత్ లెవెల్ ఏజెంట్ లను, టీడీపీ నాయకులను ఉద్దేశించి నెల్లూరు పార్లమెంట్ టీడీపీ అధ్యక్షులు నెల్లూరు రూరల్ నియోజకవర్గ ఇన్చార్జి అబ్దుల్ అజీజ్ సోమవారం ప్రకటన విడుదల చేశారు..

జిల్లాలో వందశాతం తప్పులు లేని ఓటర్ల జాబితా నే లక్ష్యం గా పనిచేయాలని ఉమ్మడి నెల్లూరు జిల్లా లోని నియోజకవర్గాల టీడీపీ బూత్ లెవెల్ ఏజెంట్ లకు అబ్దుల్ అజీజ్ ఉద్బోధించారు.

జిల్లాలో తప్పులు లేని ఓటర్ల జాబితా రూపొందడానికి బాధ్యతగా కృషి చేయాలన్నారు. జిల్లాలో రూపొందిస్తున్న ప్రత్యేక ఎలక్టరోల్ పై బిఎల్వోలు ప్రతి ఇంటికి వెళ్లి ఖచ్చితంగా పరిశీలన చేసి పటిష్టవంతంగా జాబితా రూపొందేలా బూత్ లెవెల్ ఏజెంట్ లు కృషి చేయాలని సూచించారు.

ఈ క్రమంలో ఏవైనా విజ్ఞప్తులు, తొలగింపులు ఉంటే అప్పటికప్పుడే వాటిని నమోదు చేసుకొని పరిశీలించి పరిష్కారం అందేలా చూడాలని పిలుపునిచ్చారు.ఒకే ఇంట్లో పదిమంది ఓటర్ల కంటే ఎక్కువ మంది ఉంటే వాటిని పక్కాగా పరిశీలన చేయాలని సూచించారు. 

ఫామ్ 6, 7, 8 లను ఎప్పటికప్పుడు పరిష్కరించాలన్నారు. ఫామ్ 6బి లో ఓటర్ కార్డుకు ఆధార్ లింక్ చేయాలని, జిల్లాలో కొంత శాతం మేర పూర్తి చేశారని, మిగిలినవి కూడా పూర్తి చేయాలన్నారు. ఒకే రకమైన రెండు ఫోటోలు, డూప్లికేట్ ఓటర్లను పక్కాగా తొలగించాలని, ఈ విషయంలో తగు జాగ్రత్తలు తీసుకోవాలన్నారు. 

18-19 వయసు ఉన్న యువత కొత్త ఓటర్లుగా నమోదు చేసుకోవడానికి తగువిధంగా అవగాహన కల్పించాలన్నారు. నియోజకవర్గాల వారీగా జిల్లాలో అర్హులైన ఓటర్లు వందశాతం నమోదు కావాలని... ఇందుకు మండలాలలో ఓటరు చైతన్య కార్యక్రమాలు నిర్వహించాలని సూచించారు.

 కో ఆప్షన్ సభ్యుడిపై బూతు పురాణాలు, చేయి చేసుకున్న ఎస్సై పోపూరి రవిబాబు.

 పోలిసుల అదుపులో కో అప్షన్ సభ్యుడు.

పోలీస్ స్టేషన్ ఎదుట వైఎస్ఆర్సిపి నాయకులు ఉద్రిక్తత.

ఆందోళనకు దిగిన మున్సిపల్ చైర్మన్ శ్రీమంత్ రెడ్డి.

కో అప్షన్ సభ్యుడు సునీల్ రెడ్డి ని విడిచి 

పెట్టడం తో సర్దుమణిగిన వివాదం.

 రవి కిరణాలు తిరుపతి జిల్లా సూళ్లూరుపేట:-

సూళ్లూరుపేట లో అధికార వైసీపీ కి చెందిన మునిసిపల్ కో అప్షన్ సభ్యుడు కళత్తూరు సునీల్ రెడ్డిని స్థానిక పోలీసులు ఆదివారం రౌడీ షీట్ కౌన్సిలింగ్ కోసం పోలీస్ స్టేషన్  కు పిలిపించి అదుపులోకి తీసుకోవడం పై వివాదం చెలరేగింది, సునీల్ రెడ్డి ని విడిచి పెట్టాలంటూ ఒక వర్గానికి చెందిన వైసీపీ నేతలు కార్యకర్తలు పోలీస్ స్టేషన్ ఎదుట  ఆందోళనకు దిగడం తో పరిస్థితి ఉదృక్తముగా మారింది , దాంతో పాటు పట్టణ వైసీపీ  అధ్యక్షుడు కళత్తూరు శేఖర్ రెడ్డి,మునిసిపల్ చైర్మన్ దబ్బల శ్రీమంత్ రెడ్డి  పోలీస్ స్టేషన్ వద్దకు చేరుకొని లోపలకు వెళ్లి సునీల్ రెడ్డిని చుపించాలంటూ,వెంటనే పంపించాలంటూ  శ్రీమంత్ రెడ్డి ,శేఖర్ రెడ్డి అక్కడే బైఠాయించడం తో పరిస్థితి మరింత జటిలంగా  మారింది దీంతో ఇంచార్జి సిఐ నరసింహా రావు సర్ది చెప్పి కళత్తూరు సునీల్ రెడ్డిని పది నిమిషాలలో వదిలిపెట్టడం జరుగుతుందని చెప్పి ఒప్పించి వదిలిపెట్టడం తో  గొడవ సర్దుమణిగింది, బయటకు వచ్చిన కో అప్షన్ సభ్యుడు కళత్తూరు సునీల్ రెడ్డి  మాట్లాడుతూ తనను ఎస్సై రవిబాబు ఉద్దేశపూర్వకంగా అదుపులోకి తీసుకొని కొట్టాడని  తన ఒళ్ళంతా గాయాలు ఉన్నాయని ఆరోపించారు, తన వద్ద నుండి సెల్ ఫోన్,

రెండులక్షల ఎనభై మూడు వేల రూపాయిల నగదును లాకున్నట్లు తెలిపారు.ఇటీవల 

తాను ప్రెస్ మీట్ పెట్టి   ఎస్సై  పై ఆరోపణలు చేసానని అందుకే  ఈ విదంగా కక్ష తీర్చుకోవడానికి ప్రయత్నించారని విమర్శించాడు, శ్రీమంత్ రెడ్డి అద్వర్యం లో కళత్తూరు సునీల్ రెడ్డిని ప్రభుత్వ ఆసుపత్రికి తరలించి పోలీసులు కొట్టిన గాయాలకు చికిర్చ చేయించారు.ఈ సందర్భముగా మునిసిపల్ చైర్మన్ దబ్బల శ్రీమంత్ రెడ్డి ప్రెస్ తో మాట్లాడుతూ అధికార  పార్టీ కార్యకర్తలకు రక్షణ లేకుండా పోయిందని ,తరచూ పోలీసులు దౌర్జన్యం చేయడాన్ని ఆయన ఖండించారు, ఈ విషయం అధిష్టానం దృష్టికి తీసుకు వెళతానని చెప్పారు.

 SPS నెల్లూరు జిల్లా

NCORD సమన్వయ సమావేశం నిర్వహించిన జిల్లా యస్.పి. శ్రీ డా.కె.తిరుమలేశ్వర రెడ్డి,IPS., గారు

వీడియో కాన్ఫరెన్స్ ద్వారా జిల్లా స్థాయి NCORD(Narcotics Coordination Meeting) కమిటీ సమన్వయ సమావేశం నిర్వహణ. పాల్గొన్న జిల్లా కలెక్టర్ గారు, జిల్లా యస్.పి. గారు, కమిటీ సభ్యులు. స్కూల్స్, కళాశాలలు, తదితర పిల్లల భోధనశాలలలో అవగాహన కల్పించాలని, వాటిపై ప్రత్యేక దృష్టి సారించాలని ఆదేశాలు- కలెక్టర్ గారు  అసాంఘిక శక్తుల వల్ల యువత, తల్లిదండ్రులు, పిల్లల యొక్క ఆశయాలను, జీవితాలను నాశనం చేసుకోకుండా తగు చర్యలు తీసుకొని అవగాహన కార్యక్రమాలు చేపట్టాలి. ఆంధ్రప్రదేశ్ రాష్ట్రప్రభుత్వం ఆశయాలకు అనుగుణంగా జిల్లాను మాదక ద్రవ్య రహిత జిల్లా సాధనే లక్ష్యంగా ప్రణాళికబద్ధంగా ప‌టిష్ట‌ ప్ర‌ణాళిక‌లు- యస్.పి. గారు. జిల్లాలో గంజాయి రవాణా చేసినా, విక్రయించినా, సేవిస్తున్న వారిపై నిఘా పెంచి PD ACT కేసులు నమోదు చేస్తాం. గంజాయి మొక్కల రకాలు, వాటి ఫోటోలు, సేవించే వారి లక్షణాలను ఆయా శాఖల అధికారులు కింది స్థాయి సిబ్బందికి, విద్యార్ధులకు, ప్రజలకు అవగాహన కల్పించాలి.  14500 అనే టోల్ ఫ్రీ నంబర్ బస్సులు, విద్యాసంస్థలు, మాల్స్, గోడల పై ప్రదర్శించాలి. హోర్డింగులు, ఫ్లెక్సీల‌ను ఏర్పాటు చేయాలి. తదుపరి అడిషనల్ యస్.పి.(అడ్మిన్) గారు గంజాయి విక్ర‌య, అక్రమ రవాణాను చేధించి కేసుల నమోదు, ముద్దాయిల అరెస్ట్, స్వాధీనం చేసుకున్న వివరాలు, అరికట్టేందుకు చేపడుతున్న ప్రణాళికలను PPT ద్వారా వివరించారు. జిల్లా వ్యాప్తంగా కూడలి ప్రాంతాలలో హోర్డింగ్స్, ఫ్లెక్సీలు ఏర్పాటు మరియు స్కూల్స్, కళాశాలలో 183 డ్రగ్ అబ్యూజ్ ప్రివెన్షన్ కమిటీలు ఏర్పాటు చేసి, 391 విద్యాసంస్థలలో అవగాహన కార్యక్రమాలు ఏర్పాటు చేయడం జరిగింది. అనంతరం NCORD కమిటీ స్టేక్ హోల్డర్స్ మాట్లాడుతూ వారివారి సలహాలు, సూచనలు తెలిపారు.  ఈ సమావేశంలో జిల్లా కలెక్టర్ గారు, జిల్లా యస్.పి. శ్రీ డా.కె.తిరుమలేశ్వర రెడ్డి,IPS., గారు, అడిషనల్ యస్.పి.(అడ్మిన్), DM&HO, జిల్లా SC వెల్ఫేర్, DEO, టెర్రీటోరియల్ ఫారెస్ట్ ఆఫీసర్, సబ్ కలెక్టర్ కందుకూరు, JD అగ్రికల్చర్, జాయింట్ కమీషనర్ కమర్షియల్ ట్యాక్స్, ఇండియన్ కోస్ట్ గార్డ్ కమాండెంట్, RDO, KP పోర్ట్ CEO, ఇంటలిజెన్స్ అధికారులు, జిల్లా SEB అధికారులు మరియు సబ్ డివిజన్, సర్కిల్ పోలీసు అధికారులు పాల్గొన్నారు.

జిల్లా పోలీసు కార్యాలయం, తేది.15.07.2023.

 పిల్లల ఆరోగ్య పరిస్థితిపై ప్రతి మాసం పర్యవేక్షించాలి

 రవికిరణాలు ప్రతినిధి - దొరవారిసత్రం  న్యూస్:-

 ప్రభుత్వ పాఠశాలలో విద్యాభ్యాసం సాగిస్తున్న విద్యార్థుల ఆరోగ్య స్థితిగతులపై డాక్టర్ పళని రాజ్ ఆరా తీశారు. శనివారం వెదురు పట్టు గ్రామంలో జరిగిన విలేజ్ డాక్టర్ క్లినిక్ లో ఆ గ్రామంలోని మధుమేహం, రక్తపోటు రోగగ్రస్తులను పరిశీలించి పలు సూచనలు చేసి, మందులు వాడుకునే విధానం తెలియజేశారు. రోగం తగ్గాలంటే మందులు ఒక్కటే సరిపోవని, మన ఆహార నియమాలు ఆరోగ్య సూత్రాలు పాటించాలని వారికి బోధించారు. అదేవిధంగా గర్భిణీ స్త్రీలకు వారి ఆరోగ్యం పై పలు సూచనలు చేశారు. ప్రతినెలా వైద్యుని పరీక్ష తప్పనిసరి అని  సూచించారు. అనంతరం ప్రాథమిక పాఠశాల విద్యార్థుల్లో ఎదుగుదల, మానసిక పరిపక్వత, ఏవైనా లోపాలు ఉన్నాయనే పరీక్షించారు. ఆరోగ్య సిబ్బంది ప్రతి మాసంలో ప్రభుత్వ పాఠశాలలోని  విద్యార్థుల్లో ఆరోగ్య పరీక్షలు చేపట్టాలని, ఏవైనా లోపాలు గుర్తిస్తే సమాచారం ఇవ్వాలని ఆదేశించారు. వెదురుపట్టు, వెదురుపట్టు రాజుపాలెం అంగన్వాడీ కేంద్రాలను కూడా అతనికి చేసి పిల్లల ఎత్తు బరువులు పరిశీలించారు. కేంద్రంలో తప్పనిసరిగా ఓ ఆర్ ఎస్ ప్యాకెట్లు, ఐరన్ మాత్రలు, ఐరన్ సిరప్ స్టాక్ ఉండాలని నిర్వాహకులకు సూచించారు. ఈ కార్యక్రమంలో సూపర్వైజర్ కిరణ్, ఎం ఎల్ హెచ్ పి  పావని, ఏఎన్ఎం  అమరావతి, హెల్త్ అసిస్టెంట్  సుధాకర్, ఆశ కార్యకర్తలు  సుజాత, ప్రబల కుమారి, అంగన్వాడీ కార్యకర్తలు  ఝాన్సీ, మాధురి పాఠశాల హెచ్ఎం, డీఈఓ శివ  తదితరులు పాల్గొన్నారు.

 జగనన్న సురక్ష లభ్యదారులకు శ్రీరామరక్ష

ఎంపీపీ, కోళివి రెడ్డి, ఎంపీడీవో అమోస్ బాబు,

ఎమ్మెల్యే  సంజీవయ్య సహకారంతో  పంచాయతీలో అభివృద్ధి కార్యక్రమాలు నిర్వహించాము

వైసిపి నేత తిరుమూరు రవి రెడ్డి

కొండూరు పంచాయతీ జగనన్న కాలనీలో సమస్యలు పరిష్కరించాలి గ్రామస్తులు వినతి

రవి కిరణాలు తిరుపతి జిల్లా తడ:-

అర్హుల సంక్షేమమే జగనన్న సురక్ష దేయమని ప్రతి లబ్ధిదారుడికి సంక్షేమ ఫలాలు అందుతున్నాయా లేదా అని ప్రతి గడపకు వెళ్లి సర్వే నిర్వహించి జగనన్న సురక్ష పథకం ద్వారా లబ్ధిదారులు గుర్తించి సంక్షేమ ఫలాలు అందిస్తున్నామని తడ మండల ఎంపీపీ కొళివి రఘు రెడ్డి అన్నారు శనివారం తడ మండల  పరిధిలోని కొండూరు పంచాయతీలో పంచాయతీ సర్పంచ్ వాటంబేటి శ్రీలక్ష్మి అధ్యక్షతన  జగనన్న సురక్ష కార్యక్రమం నిర్వహించారు ఈ కార్యక్రమానికి ముఖ్య అతిథులుగా ఎంపీపీ, ఎంపీడీవో  పాల్గొన్నారు. తడ మండలం ఎంపీడీవో అమోస్ బాబు మాట్లాడుతూ జూలై 1వ తేదీ నుండి జూలై 30వ తేదీ వరకు జగనన్న సురక్ష కార్యక్రమం ప్రతి సచివాలయం పరిధిలో నిర్వహిస్తున్నామని లబ్ధిదారులను గుర్తించి సంక్షేమ ఫలాలు అందిస్తున్నామని మునుపటి క్రితం ఏదైనా సర్టిఫికెట్ కావాలంటే మండలానికి వెళ్ళవలసిన పరిస్థితి ఏర్పడేదని ప్రస్తుతం గ్రామ సచివాలయం పరిధిలోని అన్ని సమస్యలకు పరిష్కారం లభిస్తుందని ప్రభుత్వ పథకాలు సద్వినియోగం చేసుకోవాలని కోరారు. డిప్యూటీ తాసిల్దార్ శరత్ బాబు మాట్లాడుతూ భూ సమస్యల శాశ్వత పరిష్కారం కోసం భూములు రీ సర్వే నిర్వహిస్తున్నామని అదేవిధంగా 18 సంవత్సరాల నిండిన ప్రతి ఒక్కరూ ఓటు హక్కు కోసం నమోదు చేసుకోవాలని రెవెన్యూ సమస్యలు ఏమైనా ఉంటే తెలియజేయాలని తెలిపారు. మండల వైసీపీ నాయకులు తిరుమూరు రవి రెడ్డి మాట్లాడుతూ సూళ్లూరుపేట  శాసనసభ్యులు సంజీవయ్య సహకారంతో కొండూరు పంచాయతీలో అభివృద్ధి కార్యక్రమాలు చేపట్టామని సీసీ రోడ్లు, మంచినీటి కోసం పైపులైన్లు, సచివాలయం భవనం నిర్మాణం, రైతుల కోసం ఎన్నో ఏళ్లగా పెండింగ్ లో ఉన్న పొర్లు కట్ట పనులు పూర్తి చేయగలిగామని ఎమ్మెల్యే సంజీవయ్య కొండూరు పంచాయతీ పై ప్రత్యేక శ్రద్ధ తీసుకుని నిదులు  మంజూరు చేశారని ఆయన తెలిపారు.ఎ పి ఎమ్ రాజారెడ్డి మాట్లాడుతూ రాష్ట్ర ప్రభుత్వం మహిళలు ఆర్థికంగా అభివృద్ధి చెందేందుకు మహిళా సంఘాల ద్వారా రుణాలు మంజూరు చేస్తుందని అదేవిధంగా ఫుడ్ ప్రాసెస్ యూనిట్ నిర్వహించేందుకు ప్రత్యేక రాయితీలతో మహిళలకు రుణాలు మంజూరు చేస్తుందని ఆహార పదార్థాలను ముడి  సరుకులతో తయారుచేసి విక్రయించేందుకు మహిళా సంఘాలకు రుణాలు మంజూరు చేస్తామని ఆసక్తి గలవారు సంప్రదించాలని తెలిపారు. కొండూరు పంచాయతీ జగనన్న కాలనీలో నిర్మాణాలు చేపట్టేందుకు విద్యుత్ స్తంభాలు విద్యుత్ లైన్లు, అడ్డంగా ఉన్నాయని ఈ సమస్యను పరిష్కరిస్తే నిర్మాణాలు చేపడుతామని లబ్ధిదారులు ఎంపీడీవో అమోస్ బాబు ను కోరగా వెంటనే స్పందించి సంబంధిత అధికారులు తెలియజేసి వారం రోజుల్లో సమస్య పరిష్కరిస్తామని జగనన్న సురక్ష కార్యక్రమంలో మండల ఎంపీడీవో లబ్ధిదారులకు హామీ ఇచ్చారు.అనంతరం లబ్ధిదారులకు ఉచితంగా సర్టిఫికెట్లు అందజేశారు.  ఈ కార్యక్రమంలో ఎంపీటీసీ గుణపాటి  జయంతి, ఉప సర్పంచ్ రాణమ్మ, వెంకటయ్య, చంద్రయ్య,పంచాయతీ కార్యదర్శి జయచంద్ర, విఆర్ఓ చలపతి, సచివాలయం సిబ్బంది గ్రామస్తులు పాల్గొన్నారు

14–07–2023

అమరావతి.

వ్యవసాయ, ఉద్యానవనశాఖలపై క్యాంపు కార్యాలయంలో సీఎం శ్రీ వైయస్‌.జగన్‌ సమీక్ష లో పాల్గొన్న రాష్ట్ర వ్యవసాయ, మార్కెటింగ్, సహకార, పుడ్‌ ప్రాసెసింగ్‌ శాఖ మంత్రి కాకాణి గోవర్ధన్‌ రెడ్డి

 ఈ సమీక్ష లో ఏపీ అగ్రిమిషన్‌ వైస్‌ చైర్మన్‌ ఎం వీ యస్‌ నాగిరెడ్డి, వ్యవసాయశాఖ సలహాదారు ఐ తిరుపాల్‌ రెడ్డి, సీఎస్ డాక్టర్ కె ఎస్ జవహర్ రెడ్డి, వ్యవసాయశాఖ స్పెషల్‌ సీఎస్‌ గోపాలకృష్ణ ద్వివేది, మార్కెటింగ్, పుడ్‌ ప్రాసెసింగ్‌ ముఖ్య కార్యదర్శి చిరంజీవి చౌదరి, వ్యవసాయశాఖ స్పెషల్‌ కమిషనర్‌ సి హరికిరణ్, హార్టికల్చర్‌ కమిషనర్‌ ఎస్‌ ఎస్‌ శ్రీధర్, ఏపీ మార్క్‌ఫెడ్‌ ఎండీ రాహుల్‌ పాండే, ఏపీ విత్తనాభివృద్ధి సంస్ధ వీసీ అండ్‌ ఎండీ జి. శేఖర్‌బాబు, ఆర్ధికశాఖ కార్యదర్శి కె వి వి సత్యనారాయణ, ఏపీడీడీసీఎఫ్‌ ఎండీ అహ్మద్‌ బాబు, ఇతర ఉన్నతాధికారులు హాజరయ్యారు.

 నెల్లూరు, తేది.14.7.2023

దేశం నలుమూలల నుంచి బారాషహీద్ దర్గాకు విచ్చేసే భక్తులకు ఎలాంటి ఇబ్బందులు లేకుండా అధికారులందరూ సమన్వయంతో పనిచేసి రొట్టెల పండుగను విజయవంతం చేయాలని నెల్లూరు పార్లమెంటు సభ్యులు శ్రీ ఆదాల ప్రభాకర్ రెడ్డి పిలుపునిచ్చారు. 

 ఈనెల 29 నుంచి జరగనున్న రొట్టెల పండగ ఏర్పాట్ల పై  శుక్రవారం సాయంత్రం కలెక్టరేట్లోని ఎస్ ఆర్ శంకరన్ విసి హాలులో జిల్లా కలెక్టర్ శ్రీ ఎం హరినారాయణన్, ఎస్పీ శ్రీ తిరుమలేశ్వర్ రెడ్డి, మున్సిపల్ కమిషనర్ శ్రీ వికాస్ తో కలిసి ఎంపీ శ్రీ ఆదాల ప్రభాకర్ రెడ్డి అధికారులతో సమన్వయ కమిటీ సమావేశం నిర్వహించారు. 

 ఈ సందర్భంగా ఎంపీ ఆదాల ప్రభాకర్ రెడ్డి మాట్లాడుతూ నెల్లూరు రైల్వే స్టేషన్ నుంచి దర్గా వరకు ఆర్టీసీ బస్సులు నడపాలని, వీఐపీ పాసులను ముందుగానే ఎక్కువగా ముద్రించి ఉంచుకోవాలని, వర్షం వస్తే ఇబ్బంది లేకుండా దర్గా సమీపంలోని కళ్యాణ మండపాలను ముందుగా సిద్ధం చేసుకోవాలని, అల్లరిమూకల నుంచి భక్తులకు ఇబ్బందులు లేకుండా చర్యలు చేపట్టాలని సంబంధిత అధికారులకు సూచించారు. 

జిల్లా కలెక్టర్ శ్రీ ఎం హరినారాయణన్ మాట్లాడుతూ అధికారులందరూ వారికి కేటాయించిన విధులను సమర్థవంతంగా నిర్వహించాలని సూచించారు.  ఏ ఏ శాఖలు ఏ ఏ పనులు చేపడుతున్నారో వివరంగా అడిగి తెలుసుకున్నారు. గత అనుభవాలను దృష్టిలో పెట్టుకుని ముందుగానే అన్ని ఏర్పాట్లు పక్కాగా చేపట్టాలన్నారు. పోలీసు యంత్రాంగం, మున్సిపల్ కార్పొరేషన్ సమన్వయం చాలా ముఖ్యమని, ఈ రెండు శాఖలు అప్రమత్తంగా ఉండాలన్నారు. పార్కింగ్, దారి మళ్లింపు, ప్రత్యామ్నాయ మార్గాలు మొదలైన ట్రాఫిక్ ఆంక్షలు ప్రజలకు స్పష్టంగా తెలియజేస్తూ పత్రికల్లో ప్రకటనలు ముందుగానే జారీ చేయాలన్నారు.

ఎస్పీ తిరుమలేశ్వర్ రెడ్డి మాట్లాడుతూ భక్తుల దర్శనానికి ఇబ్బందులు లేకుండా, విఐపి లకు ప్రత్యేక ప్రవేశ మార్గాలను ఏర్పాటు చేస్తున్నట్లు చెప్పారు. శాంతి భద్రతలకు ఇబ్బందులు లేకుండా గట్టి పోలీసు బందోబస్తు ఏర్పాటు చేస్తూ, నగరంలో ట్రాఫిక్ సమస్య లేకుండా చర్యలు చేపడుతున్నట్లు చెప్పారు. స్వర్ణాల ఘాట్ వద్ద, క్యూలైన్ల వద్ద బారికేడ్లు ఏర్పాటు చేస్తున్నట్లు చెప్పారు. ప్రజలకు స్పష్టంగా అర్థం అయ్యేలా దర్గా ప్రాంగణంలో హోర్డింగులు, మ్యాపులు పెడుతున్నట్లు చెప్పారు. చెరువు వద్ద ఈతగాళ్లు, బోట్లను సిద్ధం చేసినట్లు చెప్పారు. రాత్రింబవళ్లు సీసీ కెమెరాలు పనిచేసేలా, నిరంతరం విద్యుత్ ఉండేలా ముందస్తుగా అన్ని చర్యలు తీసుకుంటున్నట్లు చెప్పారు. 

ఈ సమావేశంలో మున్సిపల్ కమిషనర్ వికాస్, డిఆర్వో వెంకటనారాయణమ్మ, అడిషనల్ ఎస్పీ హిమవతి, ఆర్డిఓ మలోల, జిల్లా మైనార్టీ సంక్షేమ అధికారి నిర్మలా దేవి తదితర జిల్లా అధికారులు, పలువురు ప్రజా ప్రతినిధులు పాల్గొన్నారు. 

ఈ నెల 29నుంచి వచ్చేనెల 2 వరకు

రొట్టెల పండుగ

ఎంపీ ఆదాల

ఈనెల 29 నుంచి ఆగస్టు 2వ తేదీ వరకు బారాషాహీద్ దర్గాలో 5 రోజులపాటు రొట్టెల పండుగ జరుగుతుందని నెల్లూరు ఎంపీ, రూరల్ నియోజకవర్గ ఇన్చార్జ్ ఆదాల ప్రభాకర్ రెడ్డి అధికారికంగా ప్రకటించారు. రాష్ట్ర పండుగగా గుర్తింపు తెచ్చుకున్న రొట్టెల పండుగను ఏ విధంగా నిర్వహించాలనే విషయమై శుక్రవారం దర్గాలో అధికారులు, మైనార్టీ వర్గ నేతలతో ఆయన  ఒక సమీక్ష సమావేశాన్ని నిర్వహించారు. మున్సిపల్ కమిషనర్ వికాస్ మర్మత్ తో సహా అధికారులు తాము నిర్వహించబోయే ఏర్పాట్ల గురించి ఎంపి కి వివరంగా తెలిపారు. మైనార్టీ నేతలు కూడా తమ సలహాలు, సూచనలను అందజేశారు. ఈ సందర్భంగా ఎంపీ ఆదాల ప్రభాకర్ రెడ్డి మాట్లాడుతూ ఈ పండుగ ఏర్పాట్లు మున్సిపల్ కమిషనర్ వికాస్ మర్మత్  ఆధ్వర్యంలో ఇతర అధికారులు పర్యవేక్షిస్తారని తెలిపారు. ఇప్పటికే అధికారులు అన్ని సౌకర్యాలు కల్పించడానికి సమాయత్తం అయ్యారని తెలిపారు. మున్సిపల్ శాఖ దర్గాలో పరిశుభ్రత, మంచినీటి వసతి, మిగతా ఏర్పాట్లు చూస్తుందని, వైద్యశాఖ రెండు శిబిరాలు నిర్వహిస్తుందని పేర్కొన్నారు. పార్కింగ్, బందోబస్తుతోపాటు ఆకతాయిలపై కట్టడి,తదితర  విషయాలపై పోలీస్ శాఖ చర్యలు తీసుకుంటుందని తెలిపారు. ఈనెల 25వ తేదీ నుంచి దర్గాను తగిన ఏర్పాట్లతో అద్భుతంగా తీర్చిదిద్ది, సిద్ధం చేస్తారని తెలిపారు. గతంలో కంటే ఈసారి ఎక్కువమంది భక్తులు వస్తారని భావించి ఏర్పాట్లు చేస్తున్నామని పేర్కొన్నారు. వర్షం వస్తే దగ్గరలోని కళ్యాణ మండపాలను సిద్ధంగా ఉంచాలని మున్సిపల్ అధికారులను కోరారు. ఈ రాష్ట్ర పండుగను విజయవంతం చేసేందుకు అధికారులు, మైనారిటీ యువకులు ముందుకు వచ్చి పని చేయాలని కోరారు. వృద్ధులు, మహిళలకు సహకరించాలని కోరారు. కార్పొరేటర్లు కూడా పండుగ ముగిసేంతవరకు ఇక్కడే ఉండి సేవ చేయాలని పేర్కొన్నారు. మతసామరస్యానికి నెల్లూరు జిల్లా పెట్టింది పేరని గుర్తు చేశారు. ఈ జిల్లాలో వస్తానయ్య, హజరతయ్య పేర్లు మతసామరస్యాన్ని సూచిస్తాయని గుర్తు చేశారు. దీన్ని ఇంకా ఇనుమడించే విధంగా ఏర్పాట్లు చేసి రొట్టెల పండుగను విజయవంతం చేద్దామని పిలుపునిచ్చారు.

ఈ సందర్భంగా మున్సిపల్ కమిషనర్ వికాస్ మర్మత్ మాట్లాడుతూ గత ఏడాది రొట్టెల పండుగకు పది లక్షల మంది వచ్చారని, ఈసారి ఇంకా ఎక్కువ మంది వస్తారని భావిస్తున్నట్లు తెలిపారు. మున్సిపల్ శాఖ నుంచి ఈ పండుగ కోసం 2.8 కోట్ల రూపాయలు ఖర్చు పెట్టనున్నట్లు తెలిపారు.

అంతకుముందు ఎంపీ ఆదాల బారాషాహీద్ ల సమాధులను సందర్శించి చాదర్ను సమర్పించారు. ఈ కార్యక్రమంలో వక్ఫు  బోర్డు చైర్మన్ మీరా, ముస్లిం కార్పొరేటర్లు సత్తార్, మోబీన, నేతలు రియాజ్, సలీం, అబూబకర్, కంతర్ అలీ, ఖాద్రి, షాజహాన్ ముస్లిం మత పెద్దలు అబూబకర్, షాజహాన్, అబ్దుల్ రజాక్, సంధాని భాష,షకీల్ అహ్మద్ ఈద్గా కమిటీ సభ్యులు, తదితరులు పాల్గొన్నారు. అలాగే విజయ డైరీ చైర్మన్ రంగారెడ్డి, కార్పొరేటర్లు వాసంతి, అవినాష్, నూనె మల్లికార్జున యాదవ్, మూలే విజయభాస్కర్ రెడ్డి, ఒరిస్సా శ్రీనివాసరెడ్డి, వైసీపీ నేతలు కోటేశ్వర్ రెడ్డి, రాజేష్, హరిబాబు యాదవ్, యేసు నాయుడు, మల్లు సుధాకర్ రెడ్డి, తదితరులు పాల్గొన్నారు.

 నూతన కమాండ్ కంట్రోల్ సెంటర్ ను పరిశీలించిన కమిషనర్ వికాస్ మర్మత్, ఐ.ఏ.యస్.,

నెల్లూరు నగరపాలక సంస్థ కార్యాలయం ప్రాంగణంలో నిర్మాణం పూర్తి చేసుకుని ప్రారంభానికి సిద్ధంగా ఉన్న కమాండ్ కంట్రోల్ సెంటర్ ను కమిషనర్ వికాస్ మర్మత్ అధికారులతో కలిసి శుక్రవారం పరిశీలించారు. 

 ఈ సందర్భంగా కమిషనర్ మాట్లాడుతూ నూతన కమాండ్ కంట్రోల్ సెంటర్ ఏర్పాటుతో నగర వ్యాప్తంగా మెరుగైన పారిశుధ్య సేవలు అందించడం సాధ్యమవుతుందని, పారిశుధ్య నిర్వహణ పనులను నిరంతరం కమాండ్ కంట్రోల్ సెంటర్ నుంచే పర్యవేక్షించే సాంకేతికతను సెంటర్ లో ఏర్పాటు చేశామని తెలిపారు. అత్యాధునిక సాంకేతిక పరిజ్ఞానంతో నిర్మించిన కమాండ్ కంట్రోల్ సెంటర్ లో నగర వ్యాప్తంగా జరుగుతున్న అభివృద్ది పనుల పర్యవేక్షణతో పాటు, నగరపాలక సంస్థ అన్ని విభాగాల సమీక్ష సమావేశాలు, మునిసిపల్ శాఖ ఉన్నతాధికారులతో వీడియో కాన్ఫరెన్స్ లు, ప్రకృతి విపత్తు నిర్వహణ కేంద్రం సేవలు, స్పందన పరిష్కార వేదిక, నగరపాలక సంస్థ సమగ్ర సమాచార విభాగం వంటి వివిధ విధులను నిర్వహించనున్నామని తెలిపారు. 

ఈ కార్యక్రమంలో ఇంజనీరింగ్ విభాగం అధికారులు సంజయ్, సురేష్, సిబ్బంది పాల్గొన్నారు.

పి.ఆర్.ఓ.

నెల్లూరు నగర పాలక సంస్థ.

SPS నెల్లూరు జిల్లా

పోలీస్ వెల్ఫేర్ డే నిర్వహించిన జిల్లా యస్.పి. శ్రీ డా.కె. తిరుమలేశ్వర రెడ్డి,IPS., గారు.

జిల్లా పోలీసు కార్యాలయంలో పోలీసు సిబ్బంది సమస్యలపై ప్రతి శుక్రవారం నిర్వహించే “పోలీస్ వెల్ఫేర్ డే” నిర్వహణ. 

పోలీసు సిబ్బంది సంక్షేమానికి పెద్దపీట. అంకితభావంతో విధులు నిర్వహిస్తూ పోలీసు శాఖకు మంచి పేరు తీసుకురావాలి. అనధికారికంగా గైర్హాజరు, నిర్లక్ష్యంతో విధులు నిర్వహిస్తూ క్రమశిక్షణను ఉల్లంఘిస్తే సహించేది లేదని హెచ్చరికలు. వృత్తిపరమైన, ఆరోగ్యపరమైన, మహిళా కానిస్టేబుల్స్ సమస్యల అర్జీలపై సత్వరమే పరిశీలించి తగిన చర్యలు తీసుకుంటామని హామీ. VR, డిజర్సన్, సర్వీసుకు సంబంధించి, అనారోగ్యం, బదిలీలు, ప్రమోషన్స్, క్రమశిక్షణ చర్యలకు సంబంధించిన అర్జీలను సిబ్బంది నుండి స్వయంగా స్వీకరించి, నిశితంగా పరిశీలించి, వారితో ముఖాముఖిగా మాట్లాడి, యోగక్షేమాలు తెలుసుకొని సాధ్యమైనంత వరకు సహాయం చేస్తానని తెలిపిన యస్.పి. గారు.  ఈ కార్యక్రమంలో జిల్లా యస్.పి. గారితో పాటు అడిషనల్ యస్.పి.(అడ్మిన్) గారు, సంబంధిత అధికారులు, సిబ్బంది పాల్గొన్నారు. 

జిల్లా పోలీసు కార్యాలయం, తేది.14.07.2023.

 అత్యంత సంక్లిష్టమైన ప్రయోగం చంద్రయాన్ -3 విజయవంతం సంతోషం..

- అబ్దుల్ అజీజ్ నెల్లూరు పార్లమెంట్ టీడీపీ అధ్యక్షులు నెల్లూరు రూరల్ నియోజకవర్గ ఇంఛార్జి...

శ్రీహరి కోట లోని సతీష్ ధావన్ అంతరిక్ష కేంద్రం లో చంద్రయాన్-3 ప్రయోగాన్ని విజయవంతం చేసిన భారత ఇస్రో శాస్త్రవేత్తలకు అబ్దుల్ అజీజ్ అభినందనలు తెలిపారు. ఇస్రో ప్రపంచంలోనే గొప్ప అధ్యయన,ప్రయోగ కేంద్రంగా నిలుస్తున్నదని ఇలాంటి విజయాలు మరెన్నో సాధించాలని ఆకాంక్షించారు. చంద్రయాన్ 3  ప్రయోగం విజయవంతం కావడం పరిశోధన రంగం లో మరో కీలక మైలురాయి అని కొనియాడారు.ఈ సందర్భంగా ఇస్రో చైర్మన్, శాస్త్రవేత్తలు, సాంకేతిక సిబ్బందిని అబ్దుల్ అజీజ్ శుభాకాంక్షలు తెలిపారు.

 ప్రభుత్వం రైతులకు సబ్సిడీ తో ఇచ్చే విత్తనాలను సద్వినియోగం చేసుకోవాలి:- ఏ డి. ఏ  జి. అనిత

రవి కిరణాలు తిరుపతి జిల్లా సూళ్లూరుపేట:-

సూళ్లూరుపేట మండల వ్యవసాయ శాఖ కార్యాలయంలో సూళ్లూరుపేట మండల వ్యవసాయ సలహా  మండలి చైర్మన్ మంద. దేవేంద్రరెడ్డి గారి అధ్యక్షతన మండల వ్యవసాయ సలహా మండలి సమావేశం జరిగినది. ఈ సమావేశంలో దేవేంద్రరెడ్డి మాట్లాడుతూ వైయస్ఆర్ జన్మదినం మరియు రైతు దినోత్సవం అయిన ఈ నెల 08 వ తేదీన సూళ్లూరుపేట ఏ ఎం సి ఆవరణలో  సూళ్లూరుపేట ఎమ్మెల్యే శ్రీ కిలివేటి సంజీవయ్య  ప్రారంభించబడిన నియోజకవర్గ ఇంటిగ్రేటెడ్ అగ్రి ల్యాబ్ ను రైతులు వినియోగించుకొని మట్టి, ఎరువులు మరియు పురుగుమందులు ఉచితంగా పరీక్షలు చేసుకోవచ్చునని, పశువులకు సంబంధించిన పాలు, రక్తం  పరీక్షలు ఉచితంగా చేసుకోవచ్చునని అలాగే ఖరీఫ్ పంటకు నీరు అవసరం అయితే తెలుగుగంగ నీరు అందుబాటులో ఉందని ఈ అవకాశాన్ని రైతులు సద్వినియోగం చేసుకోవాలని ఖరీఫ్ కు తెలుగుగంగ నీరు ఇచ్చిన ఘనత మన సీఎం జగనన్న  కే దక్కుతుందని రైతులు అందరు ఈ ఖరీఫ్ లో వారు సాగు చేసే పంటలను  వి ఏ ఏ ల దగ్గర ఈ పంట నమోదు చేసువాలి అని,పచ్చిరొట్ట విత్తనాలైన జీలుగ, జనుము విత్తనాలు సబ్సిడీ తో వచ్చేవారం పంపిణీ చేస్తామని రైతులు సద్వినియోగం చేసుకోవాలని కోరారు. అనంతరం ఏ డి ఎ గుమ్మడి. అనిత  మాట్లాడుతూ మండలంలో చదువుకున్న ఆసక్తి గల  పాస్ పోర్ట్ కలిగిన యువ రైతులు ఉచితంగా డ్రోన్ పైలట్ ట్రైనింగ్ తీసుకోవచ్చని తెలిపారు. ఈ సమావేశంలో ఎం ఏ ఓ కవితగ , ఏ ఏ బి సభ్యులు పెదపాపు. రామచంద్రయ్య , సోమసుందరం, సర్పంచ్ లు తేరే. కృష్ణయ్య గ, బుంగా. చెంగయ్య , వాటంబేటి. నాగయ్య  తదితరులు పాల్గొన్నారు.

 షరతులు  లేకుండ అర్హులైన ప్రతి పేద విద్యార్థికి అమ్మవడి ఇవ్వాలి - ఎస్. ఎఫ్. ఐ 

రవి కిరణాలు తిరుపతి జిల్లా సూళ్లూరుపేట:-

 షరతులు  లేకుండా ప్రతి పేద విద్యార్థికి అమ్మవడి ఇవ్వాలని ఎస్ ఎఫ్ ఐ జిల్లా అధ్యక్షులు భగత్ రవి, సూళ్లూరుపేట ఎస్ ఎఫ్ ఐ నాయకులు నాగరాజు, సుమన్ లు డిమాండ్ చేశారు. శుక్రవారం ఎస్ ఎఫ్ ఐ ఆధ్వర్యంలో స్థానిక ఆర్టీసి బస్టాండ్ వద్ద వున్న డా"బి .అర్ అంబేద్కర్ విగ్రహం ముందు విద్యార్థులతో రాష్ట్ర ప్రభుత్వం చేస్తున్న అమ్మవడి కోత కు వ్యతిరేకంగా నిరసన వ్యక్తం చేశారు.  అనంతరం ఎస్ ఎఫ్ ఐ జిల్లా అధ్యక్షులు రవి మాట్లాడుతు మొదట్లో చదివే ప్రతి బిడ్డకు అమ్మవడి ఇష్టం అని, చదివించడం ప్రభుత్వ భాద్యత అంటూ చెప్పిన  సీఎం గారు నేడు అనేక షరతులు పెట్టి 1.34 వేల మందికి అమ్మవడి కు ఇవ్వకుండా దూరం చేసారని వారు మండిపడ్డారు. ఎలాంటి షరతులు  లేకుండా అర్హలైన  వారందరికీ అమ్మవడి ఇవ్వాలని వారు డిమాండ్ చేశారు. అమ్మవడి ద్వారా ఎంతో కొంత విద్యార్థుల చదువులు మెరుగుపడుతున్నాయి అని ఇలాంటి సమయంలో కోత పెట్టడం సరికాదని వారు అన్నారు. కోత కోసిన 1.34 వేల మంది విద్యార్థులకు తిరిగి అమ్మవడి ను ఇవ్వాలని లేని పక్షంలో ఎస్ ఎఫ్ ఐ ఆధ్వర్యంలో పెద్ద ఎత్తున పోరాటాలు చేస్తామని వారు హెచ్చరించారు. ఈ కార్యక్రమం లో విద్యార్థులు పాల్గొన్నారు.