Ravikiranalu TV

 సూళ్లూరుపేట బార్ కౌన్సిల్ ఎన్నికలు ఏకగ్రీవం.

రవి కిరణాలు, సూళ్లూరుపేట, మార్చి 31:-

సూళ్లూరుపేట మున్సిఫ్ మేజిస్ట్రేట్ సివిల్ జడ్జి కోర్టునందు,2023 - 2024 సంవత్సరానికి గాను జనరల్ బాడీ ఎన్నికలు మార్చి 31 న బార్ సమావేశమందిరం లో నిర్వహింపబడ్డాయి. ఈ ఎన్నికలకు ఎన్నికల అధికారగా అడ్వకేట్

పి  రమేష్  బాబు శాంతియుతంగా, నిస్పక్షపాతంగా నిర్వహించడం జరిగింది. ఈ ఎన్నికలలో బార్ అసోసియేషన్ ప్రెసిడెంట్ గా  అడ్వకేట్ ఎమ్ సుదర్శన్ రావ్, వైస్ ప్రెసిడెంట్ గా అడ్వకేట్ కె ధర్మప్రసాద్, సెక్రటరీ గా అడ్వకేట్ జి. క్రాంతికుమార్, జాయింట్ సెక్రటరీగా అడ్వకేట్ సిహెచ్. మురళి, ట్రెషరర్ గా అడ్వకేట్ యస్ ఏ కరీం ఎన్నికయ్యారు.

 సూళ్లూరుపేట అర్.టి.సి  డిపో లో ఎన్.ఎం.యు జనరల్ బాడీ సమావేశం.

రవి కిరణాలు సూళ్లూరుపేట మార్చి 31:-

సూళ్లూరుపేట అర్. టి. సి డిపో లో శుక్రవారం నేషనల్ మజ్దూర్ యూనియన్ జనరల్ బాడీ సమావేశం నిర్వహించారు. ఈ సమావేశం లో  సూళ్లూరుపేట డిపో నేషనల్ మజ్దూర్ యూనియన్ గౌరవ అధ్యక్షులు అల్లూరు అనిల్ రెడ్డి ముఖ్య అతిధిగా పాల్గొనడం జరిగింది , జిల్లా అధ్యక్షుడు ఎస్. జె పెరుమాళ్ అధ్యక్షతన జరిగిన ఈ సమావేశం లో  డిపో, గ్యారేజ్ నూతన కమిటీ, డిపో లో ప్రవేట్ బస్సు ఎక్కవ గా రావటం మీద వ్యతిరేకతవ్యక్తము చేయటం జరిగింది.అలాగే సూళ్లూరుపేట హైదరాబాద్ ,సూళ్లూరుపేట బెంగుళూర్, మరియు చెన్నై విజయవాడ, శ్రీశైలం, కొత్త సర్వీసు లు ప్రారంభించాలని గౌరవాధ్యక్షులు అనిల్ రెడ్డి ని  ద్వారా కోరటం జరిగింది.అలాగే డిపో సమస్యల మీద చర్చించడం జరిగింది. ఈ సమావేశంలో ఉమ్మడి జోనల్ అధ్యక్షులు డి. వి. అర్ కుమార్, జిల్లా కార్యదర్శి బి. ఎస్ బాబు , వర్కింగ్ ప్రెసిడెంట్ ఎం.శేఖర్, ఉపాద్యక్షులు గుణశేఖర్  డిపో లో పనిచేస్తున్న జిల్లా కమిటీ నాయుకులు రమణయ్య ,  డిపో అధ్యక్షులు సుబ్రమణ్యం , డిపో సెక్రటరీ బాస్కర్ గ్యారేజ్ అద్యక్ష, కార్యదర్శులు శశిధర్, కె. ఎస్ మణ్యం , పి. ఎస్ మన్యం ,ఎం. శంకరయ్య ,సుధ ,సురేష్ శ్రీనివాసులు, ఆనంద్ , ఉదయశ్రీ, మరియు డిపోలోని అన్ని స్థాయి నాయకులు మరియు ఉద్యోగులు పాల్గొనడం  జరిగింది . ఈ సర్వసభ్య సమావేశంలో నూతనంగా డిపో అధ్యక్షులు డి.పోలయ్య డిపో కార్యదర్శిA. సుబ్రమణ్యం వర్కింగ్ ప్రెసిడెంట్ ఎం.రాజేష్ ను  ఏకగ్రీవంగా ఎన్ను కోవడం జరిగింది.

ఎలాంటి ఆధారం లేని కుటుంబానికి అమ్మ ఫౌండేషన్ భరోసా 

తూపిలి పాలెం గ్రామం వాకాడు మండలానికి చెందినటువంటి తిరుమంచి రాజేశ్వరి కి  కొద్దిరోజులుగా ఆరోగ్యం బాగాలేదు . తన కుటుంబంలోని పిల్లలకు కూడా బాగాలేదు.ఎలాంటి ఆధారం లేకుండా బాధపడుతున్నటువంటి ఈ కుటుంబానికి అమ్మ ఫౌండేషన్  స్వప్న గారు తన మిత్ర బృందంతోో ప్రతి నెల ఆ కుటుంబాన్ని ఆదుకోవడం జరుగుతుంది.అదేవిధంగా 30-03-2023 వా తేదీన కోట గ్రామానికి చెందినటువంటి

 గోసంగి సునీత  గారు తన భర్త  గోసంగి శ్రీనివాసులు  సంవత్సరికానికి జ్ఞాపకార్ధంగా తిరుమంచి రాజేశ్వరి కుటుంబానికి  బియ్యం బస్తా, నిత్యవసర వస్తువులు, కూరగాయలు, పండ్లు అందజేయడం జరిగింది. ఎలాంటి ఆధారం లేని ఈ కుటుంబానికి అమ్మ ఫౌండేషన్ ఎప్పుడు మీ వెంటే ఉంటుందని ఆ కుటుంబానికి ఎర్రబోతు స్వప్న గారు భరోసా ఇచ్చారు. స్వప్న గారు మాట్లాడుతూ అమ్మ ఫౌండేషన్ లో  నా వెన్నంటు ఉన్నటువంటి నా మిత్ర బృందానికి ధన్యవాదాలు తెలుపుకుంటున్నాను🙏

✍🏼 రవి కిరణాలు TV ✍🏼 మునిరాజ్ 

 వైభవముగా శ్రీ సీతా రాముల కళ్యాణం మహోత్సవం.

జై శ్రీరామ్ అనే నామాలతో నిండిన ఆలయం.

 కళ్యాణాన్ని వీక్షించిన అశేష భక్త జనులు.  

రవి కిరణాలు సూళ్లూరుపేట మార్చి 30:-

సూళ్లూరుపేట లో వెలసి ఉన్న శ్రీ బాలాంజనేయ స్వామి ఆలయం లో  జరుగుతున్న

శ్రీరామ నవమి వసంతోత్సవాలలో భాగంగా గురువారం శ్రీ సీతా రాముల కళ్యాణం 

అంగరంగ వైభవముగా నిర్వహించారు. ఈ కళ్యాణ మహోత్సవం అశేష భక్త జన సందోహము నడుమ ఆలయ అధికారులు నిర్వహించారు. అనంతరం స్వామి వారి కళ్యాణాన్ని భక్తులు కనులారా వీక్షించి తరించారు. ఆలయ ప్రధాన అర్చకులు దీవి లక్ష్మీనారాయణ సారధ్యం లో ఆలయ చైర్మన్ ఐతా శ్రీధర్ పర్యవేక్షణలో ,ట్రస్ట్ బోర్డు సభ్యుల సహకారం తో ఈ వేడుకలను ఘనంగా నిర్వహిస్తున్నారు. సీతా రాముల కళ్యాణం లో భాగంగా 

వేదపండితులు కళ్యాణ సాంప్రదాయాలను పాటిస్తూ స్వామి వారికి ఎదురుకోల ఉత్సవాన్ని 

జరిపించారు.ఈ ఎదురుకోల ఉత్సవం లో వేదపండితులు పూలమాలలు తలపై పెట్టుకుని 

చేసిన నృత్యం అందరి దృష్టిని ఆకర్షించింది,అనంతరం సీతా రాములను ఒకటిగా చేర్చి 

నూతన వస్త్రాలు సమర్పించారు. తదనంతరం స్వామివార్లకు కన్యాదానం చేసి జిలకరా బెల్లం పెట్టి, మాంగళ్యధారణ

చేశారు, అనంతరం తలంబ్రాల వేడుకను జరిపించారు, ఈ వేడుకల్లో ఎమ్మెల్యే కిలివేటి సంజీవయ్య ,చెంగాళమ్మ ఆలయ ట్రస్ట్ చైర్మన్ దువ్వూరు బాలచంద్ర రెడ్డి,పట్టణ వైసీపీ 

అధ్యక్షుడు కళత్తూరు శేఖర్ రెడ్డి,మునిసిపల్ చైర్మన్ దబ్బల శ్రీమంత్ రెడ్డి,శివాలయం చైర్మన్ చెన్నారెడ్డి సుబ్రహ్మణ్యం రెడ్డి, గోగులు తిరుపాల్  తదితరులు పాల్గొన్నారు.

 రాజ్యాధికారం చేజిక్కించుకోవడమే కార్మిక వర్గానికి విముక్తి : కుమార్ రెడ్డి

రవి కిరణాలు,సూళ్లూరుపేట మార్చి 30:-

కార్మిక వర్గం రాజ్యాధికారాన్ని చేజిక్కించుకోవడం ద్వారానే ప్రజలకు విముక్తి లభిస్తుందని ఏఐటియుసి జిల్లా అధ్యక్షులు కె కుమార్ రెడ్డి అన్నారు. గురువారం స్థానిక సిపిఐ కార్యాలయంలో ఏఐటియుసి నియోజకవర్గ ముఖ్యులతో సమావేశమయ్యారు. ఈ సందర్భంగా వారు మాట్లాడుతూ పాలకులు మారుతున్నా కార్మికుల బ్రతుకులు మాత్రం మారడం లేదన్నారు. కేంద్రంలో  అధికారంలోని బిజెపి ప్రభుత్వం కార్పొరేట్ల కొమ్ముకాస్తూ కార్మికుల నడ్డివిరుస్తున్నారని ఆగ్రహం వ్యక్తం చేశారు. ప్రధాని మోదీకి అదానీ, అంబానీలు మాత్రమే దేశపౌరులుగా కన్పిస్తున్నారు తప్ప వేరే ఎవరూ కనిపించడం లేదన్నారు. రోజురోజుకు పెరిగిపోతున్న పెట్రోలియం ధరల మూలంగా రవాణా రంగం కుదేలైపోతున్నదన్నారు. మోదీ దేశ సంపదను లూటీ చేసి అదానీకి అప్పగించడమే పాలనగా భ్రమపడుతున్నాడని అన్నారు. కార్మిక చట్టాలను లేబర్ కోడ్లుగా కుదించడం ద్వారా మోదీ తనకున్న కార్మికవర్గ వ్యతిరేకతను చాటుకున్నాడని ప్రధాని నిరంకుశ వైఖరిని దుయ్యబట్టారు. కార్మిక వర్గం పట్ల కేంద్ర రాష్ట్ర ప్రభుత్వాల నిరంకుశ వైఖరికి కార్మికలోకం తగిన బుద్ధి చెప్పడం ఖాయమని హెచ్చరించారు. ఈ కార్యక్రమంలో సిపిఐ నియోజకవర్గ కార్యదర్శి సుధాకర్ రెడ్డి, ఎఐటియుసి నియోజకవర్ గౌరవాధ్యక్షులు శ్రీనివాసులు అధ్యక్షకార్యదర్శులు రమణయ్య,నాగేంద్రబాబు నియోజకవర్గ సమితి సభ్యులు తదితరులు పాల్గొన్నారు.

జిల్లా స్థాయి పోటీ పరీక్షలో ఉత్తమ ప్రతిభ కనబరిచిన కామిరెడ్డి కార్తీక్ రెడ్డి.

రవి కిరణాలు,సూళ్లూరుపేట, మార్చి 29:-

జాతీయ ఉపకార వేతనానికి

చిన్నమాంబట్టు పాఠశాల  విద్యార్థులు ఎంపికయ్యారు.

 జాతీయ స్థాయిలో జరిగే నేషనల్ మీన్స్ కం మెరిట్ స్కాలర్షిప్- 2023(ఎన్  ఎమ్ ఎస్-2023) పరీక్షల్లో తిరుపతి జిల్లా తడ మండలం చిన్నమాంబట్టు  జిల్లా పరిషత్ ఉన్నత పాఠశాల  విద్యార్థులు అత్యున్నత ప్రతిభ కనబరిచారు. పాఠశాల విద్యా కమిటీ చైర్మన్ కామిరెడ్డి నారాయణరెడ్డి కుమారుడు 

8 వ తరగతి చదువుతున్న  కామిరెడ్డి కార్తీక్ రెడ్డి 115 మార్కులతో జిల్లా స్థాయిలో అత్యధిక  మార్కులు జాబితాలో రెండవ స్థానం సంపాదించారు.మన్నే శ్రావ్య 114 మార్కులతో జిల్లా స్థాయిలో మూడో అత్యధిక మార్కులు ,నల్లపాటి వర్షిత 111 మార్కులు ,కొల్లి పెంచల్ రెడ్డి 107 మార్కులతో ఉత్తమ ప్రతిభ కనబరిచిన విద్యార్థులను పాఠశాల ప్రధానోపాధ్యాయురాలు హెచ్ డి  ఫణి వేణి, ఉపాధ్యాయులు అభినందించారు . ఈ పరీక్షలో ఎంపికైన  విద్యార్థులకు నాలుగు సంవత్సరాలు పాటు ఒక్కొక్కరికి ,ఒక్కొక్క సంవత్సరానికి 12 వేల రూపాయలు స్కాలర్షిప్ అందుతుందని ఉపాధ్యాయులు తెలిపారు .ఈ కార్యక్రమంలో ఉపాధ్యాయులు సుజన, శైలజ,పా మీద, హసీనా, అనురాధ మాధవి, హరిత ,మంజుల, శ్రీనివాసులు మరియు రామమూర్తి విద్యార్థులను అభినందించారు.

 కోటపోలూరులో గ్రామంలో సచివాలయం ప్రారంభించిన ఎమ్మెల్యే కిలివేటి సంజీవయ్య .

 అక్క, చెల్లమ్మలకు మూడవ విడత ఆసరా చెక్కు పంపిణి.

 అనిల్ రెడ్డి అద్వర్యం లో బారి బైక్ ర్యాలీ.

కోటపోలూరు లో పండుగ వాతావరణం.

రవి కిరణాలు, సూళ్లూరుపేట మార్చి 29:-

సూళ్లూరుపేట మండల పరిధిలోని కోటపోలూరు గ్రామంలో బుధవారం గడపగడపకు మన ప్రభుత్వం కార్యక్రమం 100వ రోజున పురస్కరించుకొని సూళ్లూరుపేట మండల అధ్యక్షుడు అల్లూరు అనిల్ రెడ్డి ఆధ్వర్యంలో భారీ బైక్ ర్యాలీ చేశారు. ఈ ర్యాలీ లో ఎమ్మెల్యే కిలివేటి సంజీవయ్య  స్వయంగా బైక్ నడుపుతూ అందరి దృష్టిని ఆకర్షించారు. ఎన్నికల ప్రచారాన్ని తలపిస్తూ ఎమ్మెల్యే 

కార్యకర్తల్లో కొత్త ఉత్సాహాన్ని తెచ్చారు, కోటపోలూరు జాతీయ రహదారి జంక్షన్ నుండి ప్రారంభమైన 

బైక్ ర్యాలీ అందరి దృష్టిని ఆకర్షించింది. కోటపోలూరు వరకు సాగిన బైక్ ర్యాలీ అనంతరం ఎమ్మెల్యే 

కోటపోలూరు గ్రామంలో ఉన్న స్వర్గీయ వైయస్ఆర్ విగ్రహానికి పూలమాల వేసి నివాళి అర్పించారు . అనంతరం 

డాక్టర్ బి ఆర్  అంబెడ్కర్ విగ్రహానికి కూడా పూలమాల వేశారు. అనంతరం 40 లక్షల రూపాయిల తో నూతనంగా నిర్మించిన సచివాలయ భవనాన్ని ఎమ్మెల్యే చేతులు మీదుగా ప్రారంభించారు. 

అనంతరం ఎంపీపీ అల్లూరు అనిల్ రెడ్డి నేతృత్వం లో మూడవ విడత ఆసరా  పంపిణి సమావేశం లో కూడా ఎమ్మెల్యే కిలివేటి సంజీవయ్య పాల్గొని జ్యోతి వెలిగించి కార్యక్రమాన్ని ప్రారంభించారు,ఈ సందర్భముగా సీఎం వై యస్ జగన్ మోహన్ రెడ్డి ఫొటోకు 

పాలాభిషేకం చేశారు, కేకు కట్ చేసి అందరికి పంచిపెట్టారు, ఆసరా చెక్కును లబ్దిదారులకు ఎమ్మెల్యే చేతులు మీదుగా అందజేశారు. ఈ సందర్భముగా అయన మాట్లాడుతూ ఈ రాష్ట్రంలో పేద ప్రజలు జగనన్న పక్షాన నిలిచారు కాబట్టే వైయస్సార్సీపి రాష్ట్రంలో ఘన విజయం సాధించిందని ఆయన  అన్నారు. పాదయాత్రలో జగనన్న ప్రజల కష్టాలను చూసి నేను విన్నాను నేను ఉన్నాను అని చెప్పి నేడు పేద ప్రజల ఆకాంక్షలను నెరవేరుస్తున్నారని ,పేద ప్రజల సంక్షేమం కోసం ఇంతగా పాటుపడుతున్న ముఖ్యమంత్రి జగనన్నకు మహిళలు మరోసారి బ్రహ్మరథం పట్టాలని ఎమ్మెల్యే సంజీవయ్య ప్రజలను విజ్ఞప్తి చేశారు. 

ఈ కార్యక్రమంలో సూళ్లూరుపేట ఆర్డీవో చంద్రముని, తాసిల్దార్ రవికుమార్, ఎంపీడీవో ప్రమీల రాణి తో పాటు చెంగాళమ్మ ఆలయ చైర్మన్ దువ్వూరు బాలచంద్ర రెడ్డి,

తడ ఎంపీపీ రఘు,జెట్టి వేణు యాదవ్,మునిసిపల్ వైస్ ప్రెసిడెంట్లు చిన్ని సత్యనారాయణ,

పోలూరు పద్మ,కౌన్సిలర్ మిజురు రామకృష్ణ రెడ్డి, అల్లూరు రమేష్ రెడ్డి,బద్దెపూడి మోహన్ రెడ్డి,కే మాధవ రెడ్డి,రాజారెడ్డి,కోటపోలూరు సర్పంచ్ కమతం అరుణ కుమారి, ఐత శ్రీధర్, 

అలవల సురేష్  తదితరులు పాల్గొన్నారు.

 ఏప్రిల్‌ ఒకటి నుంచి టోల్‌ బాదుడు

అమరావతి: జాతీయ రహదారులపై ఉన్న టోల్‌ప్లాజాల్లో ఏప్రిల్‌ ఒకటి నుంచి టోల్‌ ఫీజుల బాదుడు మొదలుకానుంది. ప్రతి ఆర్థిక సంవత్సరం ప్రారంభంలోనూ టోల్‌ రుసుములను సమీక్షిస్తారు..

అందులో భాగంగా ఈసారి 5 నుంచి 10 శాతం మేర పెరగనున్నట్లు భారత జాతీయ రహదారుల ప్రాధికార సంస్థ (ఎన్‌హెచ్‌ఏఐ) అధికారులు తెలిపారు. దీంతో రాష్ట్రంలో ఉన్న 58 టోల్‌ ప్లాజాల్లో ఏప్రిల్‌ 1 నుంచి పెరిగిన ఫీజులు అమల్లోకి రానున్నాయి. బీవోటీ కింద గుత్తేదారుల నిర్వహణలో ఉన్న మరో అయిదు టోల్‌ప్లాజాల రుసుమును జులై లేదా ఆగస్టులో సవరిస్తారు..

తితిదేకి రూ.3 కోట్ల జరిమానా

తిరుమల: విదేశీ మారకద్రవ్యానికి సంబంధించిన అంశంపై తితిదే కి ఆర్బీఐ రూ.3 కోట్ల జరిమానా వేసిందని ఛైర్మన్‌ సుబ్బారెడ్డి తెలిపారు..

ఆర్బీఐ  వేసిన జరిమానా చెల్లించినట్లు వెల్లడించారు. భక్తులు హుండీలో వేసిన విదేశీ కరెన్సీని బ్యాంకులో జమచేసే సమయంలో విదేశీ విరాళాల నియంత్రణ చట్టం (ఎఫ్‌సీఆర్‌ఏ) నిబంధనలు ఉల్లంఘించినందుకు జరిమానా విధించినట్లు తెలిపారు. తితిదేకు ఉన్న ఎఫ్‌సీఆర్‌ఏ లైసెన్స్‌ 2018తో ముగిసింది. అయితే, ఇప్పటి వరకు దానిని రెన్యువల్‌ చేయకపోవడంతోనే సమస్య తలెత్తిందని సుబ్బారెడ్డి తెలిపారు. ఇప్పటికే రెండు విడతల్లో రూ.3కోట్ల జరిమానా చెల్లించినందున.. లైసెన్సును రెన్యువల్‌ చేయాలని ఆర్బీఐకి కోరినట్లు చెప్పారు. హుండీ కానుకల ద్వారా రూ.30 కోట్ల విలువైన విదేశీ కరెన్సీ వచ్చిందన్నారు..

 తెలంగాణ కెనడా సంఘం (TCA), టొరంటో లో కనుల విందుగా అంగరంగ వైభవంగా శ్రీ శోభ కృత్ నామ సంవత్సర  ఉగాది 2023 ఉత్సవాలు

తెలంగాణ కెనడా సంఘం (TCA) ఆధ్వర్యంలో 25th మార్చ్ 2023 శనివారం రోజున కెనడాలోని గ్రేటర్
టొరంటో నగరంలో తెలంగాణ వాసులు ఉగాది పండుగ సాంస్కృతిక ఉత్సవాలు SVBF (శృంగేరి విద్యా భారతి ఫౌండేషన్) ఆడిటోరియంలో అంగరంగ వైభవంగా జరుపుకున్నారు. ఈ సంబరాలలో దాదాపు 800 పైగా తెలంగాణ వాసులు పాల్గొన్నారు.

ఈ కార్యక్రమానికి కాన్సుల్ జనరల్ శ్రీమతి అపూర్వ శ్రీ వాస్తవ గారు, కౌన్సిలేట్ జనరల్ ఆఫ్ ఇండియా, టొరంటో ముఖ్యఅతిథిగా విచ్చేశారు. శ్రీమతి మాధురి చాతరాజు గారు, శ్రీమతి మంజు ఆకుల గారు, శ్రీమతి సుజల బూత్కూరి గారు, శ్రీమతి అపర్ణ భరద్వాజ్ పోపూరి గారు మరియు శ్రీమతి రాధిక బెజ్జంకి గారు జ్యోతి ప్రజ్వలన చేయగా శ్రీమతి గుప్తేశ్వరి వాసుపిల్లి గారి గణేష వందనంతో ఉగాది 2023 సంబరాలను ప్రారంభించారు.

తెలంగాణ కెనడా సంఘం మొట్టమొదటిసారిగా వారి అధికారిక తెలుగు పత్రిక “TCA ఉగాది సంచిక” మొదటి సంచికను విడుదల చేశారు. దీనిని శ్రీమతి అపూర్వ శ్రీవాస్తవ గారు ఆవిష్కరించి పాలకమండలి సభ్యులకు అందజేశారు. ఈ సందర్భంగా శ్రీమతి అపూర్వ శ్రీవాస్తవ గారు మాట్లాడుతూ మాతృభాషని ప్రోత్సహిస్తున్న తెలంగాణ కెనడా సంఘం వారికి ప్రత్యేక అభినందనలు మరియు సంచికలో పాల్గొన్న వారికి ధృవీకరణ పత్రాలు కాన్సులేట్ జనరల్ ఆఫ్ ఇండియా తరపున అందజేయబడును అని తెలిపారు. కాన్సులేట్ జనరల్ ఆఫ్ ఇండియా కూడా మాతృభాషలని ప్రోత్సహించుటకై వివిధ కార్యక్రమాలను చేపడుతున్నట్టుగా ఈ సందర్భంలో తెలిపారు. తెలంగాణ కెనడా సంఘం అధ్యక్షులు శ్రీ శ్రీనివాస్ మన్నెం గారు మాట్లాడుతూ ఈ సంచిక ప్రారంభించడానికి గల ముఖ్య ఉద్దేశం మన మాతృభాష యొక్క ప్రాముఖ్యత ఈ తరం నుండి భావితరాలకు అందజేయటం అని తెలిపారు.

ఈ కార్యక్రమంలో తదుపరి ప్రముఖ పూజారి శ్రీ నరసింహ చారి గారు శ్రోతలకు పంచాంగ శ్రవణం చేశారు. ఈ కార్యక్రమానికి వ్యాఖ్యాతలుగా కుమారి ధాత్రి అంబటి మరియు శ్రీమతి స్ఫూర్తి కొప్పు వ్యవహరించారు. ఈ ఉత్సవాల్లో సాంస్కృతిక కార్యక్రమాలకు అనూహ్యమైన స్పందన లభించింది. పలువురు పెద్దలు మరియు చిన్నారులు సాంస్కృతిక ఉత్సవాల్లో పాల్గొని వారి ప్రతిభను చాటారు. మొత్తం 92 మంది 17 వినూత్నమైన ప్రదర్శనలతో మూడు గంటల పాటు ప్రేక్షకులను అలరింపజేశారు.


ఈ కార్యక్రమానికి విచ్చేసినవారందరికీ ఉగాది పచ్చడి మరియు భక్షాలతో కూడిన  రుచికరమైన విందు
భోజనం ఏర్పాటు చేశారు.

ఈ కార్యక్రమంలో కార్యనిర్వాహక మండలి అధ్యక్షుడు శ్రీ శ్రీనివాస్ మన్నెం గారు, కార్యదర్శి శ్రీ శంతన్ నారెళ్ళపల్లి గారు, సంయుక్త కార్యదర్శి శ్రీ రాజేష్ అర్ర గారు, సాంస్కృతిక కార్యదర్శి శ్రీమతి దీపా గజవాడ గారు, కోశాధికారి శ్రీ వేణుగోపాల్ ఏళ్ళ గారు,సంయుక్త కోశాధికారి శ్రీ రాహుల్ బాలనేని గారు, డైరెక్టర్లు - శ్రీ నాగేశ్వరరావు దలువాయి గారు, శ్రీ ప్రవీణ్ కుమార్ శ్యామల గారు,ప్రణీత్ పాలడుగు గారు, శ్రీ శంకర్ భరద్వాజ పోపూరి గారు, శ్రీ భగీరథ దాస్ అర్గుల గారు మరియు యూత్ డైరెక్టర్ కుమారి ధాత్రి అంబటి గారు, ధర్మకర్తల మండలి  చైర్మన్ శ్రీ నవీన్ ఆకుల గారు, బోర్డ్ ఆఫ్ ట్రస్ట్ సభ్యులు - శ్రీమతి ప్రసన్న మేకల గారు మరియు శ్రీమతి మాధురి చాతరాజు గారు, వ్యవస్థాపక సభ్యులు - శ్రీ దేవేందర్ రెడ్డి గుజ్జుల గారు, శ్రీ ప్రకాష్ చిట్యాల గారు, శ్రీ అఖిలేష్ బెజ్జంకి గారు, శ్రీ ప్రభాకర్ కంబాలపల్లి గారు, శ్రీ శ్రీనివాస తిరునగరి గారు, శ్రీ హరి రాహుల్ గారు , శ్రీ సంతోష్ గజవాడ గారు, శ్రీ విజయ్ కుమార్ తిరుమలపురం గారు మరియు పలువురు సంస్థ శ్రేయోభిలాషులు పాల్గొని విజయవంతంగా నిర్వహించారు. సంయుక్త కార్యదర్శి శ్రీ రాజేష్ అర్ర గారు కృతజ్ఞతా వందన సమర్పణతో ఉగాది 2023 వేడుకలు కెనడా టొరంటో లో ఘనంగా ముగిశాయి.

 న్యూ ఢిల్లీలో బాలల పురస్కార్ అవార్డును అందుకున్న ఏకొల్లు సర్పంచ్ బ్లేస్సి .

సుప్రీంకోర్టు ప్రధాన న్యాయమూర్తి చేతుల మీదుగా ప్రశంసా పత్రాలను అందుకున్న సర్పంచ్.

దొరవారి సత్రం, రవికిరణాలు:-

మండలంలోని ఏకొల్లు గ్రామపంచాయతీ సర్పంచ్ ఆవుల బ్లేస్సి కి ఢిల్లీ రాష్ట్ర ప్రభుత్వం బాలల హక్కుల కోసం ఆమె చేసిన సేవలను గుర్తించి న్యూఢిల్లీ సుప్రీంకోర్టు ప్రధాన న్యాయమూర్తి నరసింహ  చేతుల మీదుగా బాలల పురస్కారం అవార్డును మరియు ప్రశంసా పత్రాలను అందుకున్నారు.

అనంతరం సుప్రీంకోర్టు ప్రధాన న్యాయమూర్తి నరసింహ ఏకొల్లు సర్పంచి బ్లేస్సిని ఉద్దేశించి ప్రసంగిస్తూ 110 నామినేషన్లలో ప్రథమ స్థానానికి తెలుగు వారు ఎన్నిక కావడం ఆనందంగా ఉందని, మా తెలుగువారు ఈ ఘనత సాధించడం నాకు చాలా గర్వంగా ఉందని ఆనందం వ్యక్తం చేశారు.

అనంతరం ఏకొల్లు సర్పంచి బ్లేస్సి ప్రసంగిస్తూ నేను ఈ అవార్డును అందుకోవడం తిరుపతి జిల్లా అధికారులైన జిల్లా కలెక్టర్ కే వెంకటరమణారెడ్డి, డి పి ఓ, డిఎల్పిఓ, తహసిల్దార్ పెళ్లూరు గోపిరెడ్డి, ఎంపీడీవో సింగయ్య, సెక్రటరీ ల సహకారంతో మండలంలో ఎన్నో అభివృద్ధి చేసి సాధించామని అందువలన ఈ అవార్డు దక్కిందని ఆనందం వ్యక్తం చేశారు. ఈ కార్యక్రమంలో   సుప్రీంకోర్టు జడ్జిలు, న్యూఢిల్లీ హైకోర్టు జడ్జిలు, ఢిల్లీ చిల్డ్రన్స్ కమిషనర్ పలువురు దేశ ప్రముఖులు పాల్గొన్నారు.

 తితిదేకి ఉచితంగా 10 ఈ-బస్సులను అందించిన ఎంఈఐఎల్
 తిరుమల భక్తుల కోసం 10 ఎలక్ట్రిక్ బస్సులను అందించిన ఎంఈఐఎల్
 సుమారు రూ.18 కోట్ల విలువైన బస్సులను ఉచితంగా అందించిన సంస్థ
 భక్తులకు సురక్షితమైన, కాలుష్యం లేని ప్రయాణాన్ని ఇవ్వనున్న బస్సులు


తిరుమల \ తిరుపతి, మార్చి 27 : తిరుమల తిరుపతి దేవస్థానం (TTD)కి.. ఎంఈఐఎల్ (మేఘా ఇంజినీరింగ్ & ఇన్‌ఫ్రాస్ట్రక్చర్స్ లిమిటెడ్) 10 ఎలక్ట్రిక్ బస్సులను ఉచితంగా అందించింది. అక్టోబర్​ 21, 2022న ఇచ్చిన హామీ మేరకు 10 ఈ-బస్సులను సిద్ధం చేసి.. మార్చి 27వ(సోమవారం) తేదీన తితిదేకి ఇచ్చింది. వేద పండితుల ప్రత్యేక పూజల అనంతరం ఈ భూరి విరాళాన్ని ఒలెక్ట్రా సీఎండీ కె.వీ ప్రదీప్.. తితిదే ఛైర్మన్ వై వి సుబ్బారెడ్డి, ఈవో ధర్మారెడ్డికి అందించారు. అనంతరం సిబ్బందితో కలిసి బస్సులో కొద్ది దూరం ప్రయాణించి.. బస్సుల పనితీరు పట్ల తితిదే సంతృప్తి వ్యక్తం చేసింది.

'మేక్​ ఇన్​ ఇండియా, ఆత్మ నిర్భర్ భారత్' కార్యక్రమాల పేరు మీదుగా తితిదే మార్గదర్శకాలకు అనుగుణంగా ఈ ఎలక్ట్రిక్ బస్సులను ఒలెక్ట్రా గ్రీన్ టెక్ లిమిటెడ్ రూపొందించింది. వీటిని సమయానికి పుణ్యక్షేత్రానికి అందిచడానికి  ఎంఈఐఎల్ కృషి చేసింది. ఈ బస్సులు భక్తులకు కాలుష్య రహిత ప్రయాణాన్ని అందించనున్నాయి. ఇవి వాయు, శబ్ధ కాలుష్యం తగ్గించి.. టీటీడిని క్లీన్ ట్రాన్స్‌పోర్ట్ సిస్టమ్‌గా మార్చనున్నాయని తితిదే ట్రస్ట్ తెలిపింది.

ఎంఈఐఎల్ 10 ఈ-బస్సులను ఉచితంగా అందించిన సందర్భంగా తితిదే ఛైర్మన్ వై వి సుబ్బారెడ్డి హర్షం వ్యక్తం చేశారు. అనంతరం మాట్లాడుతూ.. "తిరుమల కొండపై పర్యావరణాన్ని కాపాడేందుకు తితిదే ప్రత్యేక శ్రద్ధ తీసుకుంటుంది. దానిలో భాగంగానే తిరుమల కొండపై భక్తులకు శబ్ధ, వాయు కాలుష్యం లేని ప్రయాణం అందించేందుకు కృషి చేస్తుంది. దీనిని దృష్టిలో పెట్టుకుని ఎంఈఐఎల్ ముందుకు వచ్చి.. తితిదేకి సుమారు రూ.18 కోట్లు విలువైన..10 ఈ-బస్సులను ఉచితంగా అందించింది. తిరుమల కొండపై పర్యావరణాన్ని కాపాడటానికి ఇవి ఎంతగానో ఉపయోగపడతాయి. వారం.. పదిరోజుల్లో కొండపై భక్తులకు ఈ-బస్సులు సేవలు అందిస్తాయి. ఇదివరకు ఉన్న డీజిల్ బస్సుల స్థానంలో ఈ-బస్సులు తిరుగుతూ ఈ ప్రదేశాన్ని ఉద్గార రహితంగా మారుస్తాయి.'' అని తెలిపారు.  

ఒలెక్ట్రా గ్రీన్‌టెక్ లిమిటెడ్ ఛైర్మన్, మేనేజింగ్ డైరెక్టర్ కేవీ.ప్రదీప్ ఈ బస్సులను తితిదేకి అందించారు. అనంతరం మాట్లాడుతూ .. "ఎంఈఐఎల్ భగవంతుని సేవలో ఎప్పుడూ ముందుంటుంది. దానిలో భాగంగా ఒలెక్ట్రా రూపొందించిన ఈ-బస్సులు తిరుమల కొండపై భక్తులకు పర్యావరణహిత ప్రయాణాన్ని అందిస్తాయి. ఈ-బస్సులు పర్యావరణాన్నిగణనీయంగా, సానుకూలంగా ప్రభావితం చేసి.. భక్తులకు సురక్షితమైన, కాలుష్యం లేని ప్రయాణం అందిస్తాయి. రాకపోకలు మరింత సాఫీగా సాగేందుంకు ఛార్జింగ్ పాయింట్లు కూడా ఏర్పాటు చేశాము. సంస్థ పురోగతి, భవిష్యత్తు ప్రయత్నాల్లో ఆ స్వామివారి ఆశీస్సులు మాపై ఉండాలని కోరుకుంటున్నాము" అని తెలిపారు.