చెంగాళమ్మ పరమేశ్వరి అమ్మవారిని దర్శించుకున్న ఎమ్మెల్యే కిలివేటి సంజీవయ్య దంపతులు.

శ్రీ చెంగాళమ్మ పరమేశ్వరి అమ్మవారిని దర్శించుకున్న ఎమ్మెల్యే కిలివేటి సంజీవయ్య దంపతులు.

తిరుపతి జిల్లా,సూళ్లూరుపేట:-

 

సూళ్లూరుపేట  శాసనసభ్యులు  కిలివేటి సంజీవయ్య, ఆయన సతీమణి సుభాషిణి, కుమార్తె సౌజన్య లు ఆదివారం శ్రీ చెంగాళమ్మ పరమేశ్వరి అమ్మవారిని దర్శించుకున్నారు.

 ఎమ్మెల్యే సంజీవయ్య  పెద్ద కుమార్తె సౌజన్య వివాహ పత్రికను అమ్మవారి పాదాల చెంత ఉంచి ప్రత్యేక పూజలు చేశారు.ఆలయం వద్ద ఎమ్మెల్యే సంజీవయ్యకు ఆలయ చైర్మన్ దువ్వూరు బాలచంద్రారెడ్డి, మున్సిపల్  చైర్మన్ శ్రీమంత్ రెడ్డి ఘన స్వాగతం పలికారు. ఆలయ ఈవో శ్రీనివాస్ రెడ్డి పర్యవేక్షణలో ఆలయ పండితులు మంగళ వాయిద్యాల నడుమ నూతన శుభలేఖ తాంబూలాన్ని ఎమ్మెల్యే కిలివేటి సంజీవయ్య దంపతులు  కుటుంబ సమేతంగా అమ్మ వారికి అందజేశారు.అమ్మవారి దర్శనం అనంతరం చైర్మన్ దువ్వూరు బాలచంద్రారెడ్డి ఎమ్మెల్యే సంజీవయ్య కు అమ్మవారి తీర్థప్రసాదాలు అందజేశారు. ఈకార్యక్రమంలో వైయస్ఆర్ సీపీ నాయకలు, కార్యకర్తలు పాల్గొన్నారు.