ఎలక్ట్రానిక్స్ తయారీ, ఎగుమతులను చేరుకోవడానికి కట్టుబడి ఉంది: కేంద్ర సహాయ మంత్రి శ్రీ రాజీవ్ చంద్రశేఖర్

• భారతదేశం 2025-26 నాటికి $300 బిలియన్ల విలువైన ఎలక్ట్రానిక్స్ తయారీ,  ఎగుమతులను చేరుకోవడానికి కట్టుబడి ఉంది: కేంద్ర సహాయ మంత్రి శ్రీ  రాజీవ్ చంద్రశేఖర్

• భారతదేశపు మొట్టమొదటి లిథియం సెల్ తయారీ కర్మాగారాన్ని సందర్శించిన రాజీవ్ చంద్రశేఖర్

• వ్యక్తిగతంగా, భారతదేశపు మొట్టమొదటి లిథియం సెల్ తయారీ కర్మాగారంలో  ఈ రోజు గడపడం – గౌరవ ప్రధాని పుట్టినరోజుకు ఒక రోజు ముందు తిరుపతి లో ఉండడం ఆనందదాయకం  

 

 తిరుపతి, సెప్టెంబర్ 16, 2022:

భారతదేశం 2025-26 నాటికి 300 బిలియన్ డాలర్ల విలువైన ఎలక్ట్రానిక్స్ తయారీ  ఎగుమతుల లక్ష్యాన్ని సాధించగలదని ఉద్ఘాటిస్తూ, కేంద్ర ఎలక్ట్రానిక్స్  ఇన్ఫర్మేషన్ టెక్నాలజీ సహాయ మంత్రి రాజీవ్ చంద్రశేఖర్ ఈ రోజు అందరి భాగస్వామ్యంతో పనిచేయడానికి కట్టుబడి ఉన్నారని అన్నారు. ఈ రంగంలో పెట్టుబడులు పెట్టడానికి ఆసక్తి ఉన్న స్టార్టప్‌లు  వ్యవస్థాపకులకు మద్దతు ఇవ్వడానికి రాష్ట్రాల సమన్వయంతో  లక్ష్యాలను  చేరుకోవడానికి సిద్ధంగా ఉన్నామన్నారు.

తిరుపతిలోని ఎలక్ట్రానిక్స్ మాన్యుఫ్యాక్చరింగ్ క్లస్టర్‌లో మునోత్ ఇండస్ట్రీస్,  భారతదేశపు మొట్టమొదటి లిథియం సెల్ తయారీ కేంద్రం శ్రీ చంద్రశేఖర్ సందర్శించారు.

ఆయన మాట్లాడుతూ “ఈ పుణ్యభూమి అయిన తిరుపతి  - శ్రీవేంకటేశ్వరుని నివాసస్థలం కావడం గౌరవం  విశేషం. అది కూడా మన గౌరవ ప్రధాని గారి పుట్టినరోజుకి ఒకరోజు ముందు నేను ఇక్కడ ఉండడం ఆనందం. నాకు వ్యక్తిగతంగా తిరుపతి EMCలో  భారతదేశపు మొట్టమొదటి లిథియం సెల్ తయారీ కర్మాగారంలో ఉండటం చాలా హర్షనీయం.

 “2025-26 నాటికి 300 బిలియన్ డాలర్ల విలువైన ఎలక్ట్రానిక్ తయారీ  ఎగుమతుల లక్ష్యాన్ని అధిగమించడమే మన  దృష్టి, లక్ష్యం. ఇది 25 లక్షల కోట్ల రూపాయలకు సమానం, 2014లో ప్రధాని మోదీ బాధ్యతలు స్వీకరించినప్పుడు 1.10 లక్షల కోట్లు మాత్రమే, లక్ష్య  గణాంకాలు ఇప్పుడు   ఉన్న దానికంటే 24 రెట్లు ఎక్కువ--” అని ఆయన అన్నారు.

ప్రభుత్వ చురుకైన విధానాలు  బాగా క్రమాంకనం చేయబడిన కార్యక్రమాలు ప్రతి స్టార్టప్‌కు, ప్రతి వ్యవస్థాపకుడికి—దేశపు ఈ కలను సాకారం చేయడానికి తోడ్పడతాయని ఆయన అన్నారు. 

లిథియం-అయాన్ ఫ్యాక్టరీ యొక్క వాణిజ్య ఉత్పత్తి  అధికారిక ప్రారంభోత్సవం వచ్చే నెలలో జరగనుంది. ప్రస్తుతం ప్లాంట్ స్థాపిత సామర్థ్యం 270 Mwh  రోజూ 10Ah సామర్థ్యం గల 20,000 సెల్‌లను ఉత్పత్తి చేయగలదు.

 

భారతదేశాన్ని ఎలక్ట్రానిక్ తయారీకి గ్లోబల్ హబ్‌గా మార్చాలన్న ప్రధాని మోదీ దార్శనికతను సాకారం చేసేందుకు ఎలక్ట్రానిక్స్ మాన్యుఫ్యాక్చరింగ్ క్లస్టర్‌లు దిశానిర్దేశం చేస్తున్నాయని శ్రీ చంద్రశేఖర్ ప్రశంసించారు.

“ఎలక్ట్రానిక్స్ మాన్యుఫ్యాక్చరింగ్ క్లస్టర్లు వేగంగా ఎలక్ట్రానిక్స్ తయారీ, ఆవిష్కరణలు ఉద్యోగాల సృష్టికి కేంద్రాలుగా మారుతున్నాయి. వారు భవిష్యత్తులో పెద్ద పాత్ర పోషిస్తారు.  మన యువతకు ఆసక్తిని కలిగించే ముఖ్యమైన రంగాలుగా ఉన్న డిజైన్ ఆవిష్కరణ,  ఎలక్ట్రానిక్స్ తయారీ రెండింటిలోనూ భారతదేశ నాయకత్వాన్ని  రూపొందిస్తారు, ”అని ఆయన వివరించారు.చెన్నైకి చెందిన మునోత్ ఇండస్ట్రీస్ లిమిటెడ్ రూ. 165 కోట్లతో ఈ అత్యాధునిక సౌకర్యాన్ని ఏర్పాటు చేసింది. ఈ సదుపాయం 2015లో ప్రధాన మంత్రి నరేంద్ర మోడీ ద్వారా టెంపుల్ టౌన్‌లో ఏర్పాటు చేసిన రెండు ఎలక్ట్రానిక్స్ మాన్యుఫ్యాక్చరింగ్ క్లస్టర్‌లలో ఒకటి. 

ఇంకా ఈ కార్యక్రమంలో చైర్మన్ లాల్ చంద్ మునోత్, వైస్ చైర్మన్ జస్వంత్ మునోత్, మేనేజింగ్ డైరెక్టర్ వికాస్ మునోత్, డైరెక్టర్ శశి తదితరులు పాల్గొన్నారు.చంద్రశేఖర్‌ మొక్కలు ఆవరణలో మొక్కలు నాటారు. అనంతరం మంత్రి రెండు EMC లలో ఉన్న డిక్సన్ టెక్నాలజీస్  యునైటెడ్ టెలిలింక్స్ సౌకర్యాలను కూడా మంత్రి  సందర్శించారు.