Ravikiranalu TV

నాయుడుపేట కె ఎమ్ ఆర్ ఫంక్షన్ హాల్ లో రాష్ట్ర స్థాయి ప్లీనరీ సమావేశం నిర్వహించిన గౌరవ ఎమ్మెల్యే కిలివేటి సంజీవయ్య

తిరుపతి జిల్లా సూళ్లూరుపేట నియోజకవర్గం నాయుడుపేట లో గౌరవ ముఖ్యమంత్రి వైయస్ జగన్మోహన్ రెడ్డి ఆదేశాల మేరకు సూళ్లూరుపేట నియోజకవర్గం శాసనసభ్యులు మరియు టీటీడీ బోర్డు మెంబర్  శ్రీ కిలివేటి సంజీవయ్య ఈరోజు నాయుడు పేట లోని కె ఎమ్ ఆర్ ఫంక్షన్ హాల్ లో రాష్ట్ర స్థాయి ప్లీనరీ సమావేశం భారీ ఎత్తున నిర్వహించారు, ఈ కార్యక్రమానికి ముఖ్యఅతిథిగా డిప్యూటీ సీఎం నారాయణస్వామి గారు మరియు చెవిరెడ్డి భాస్కర్ రెడ్డి గారు ఎంపీ గురుమూర్తి గారు  మరియు సూళ్లూరుపేట నియోజకవర్గం వైయస్సార్ పార్టీ సీనియర్ నాయకులు నాయుడుపేట మున్సిపల్ చైర్ పర్సన్ కటకం దీపిక, వైస్ చైర్మన్ కృష్ణారెడ్డి, ఎంపీపీ కురుగొండ్ల ధనలక్ష్మి, ఏఎంసీ చైర్మన్ రాధా కిషోర్, కామిరెడ్డి సత్యనారాయణ రెడ్డి, కామిరెడ్డి రాజారెడ్డి, కలికి మాధవ రెడ్డి, కట్టా సుధాకర్ రెడ్డి, 786 రఫీ, గోనుపల్లి గురుమూర్తి ,కాకు, జగదీశ్ రెడ్డి, పోట్లపూడి రాజేష్,లాయర్ కుమార్, మరియు నాయుడుపేట సీనియర్ నాయకులు అందరూ కలిసి ఈ కార్యక్రమాన్ని నాయుడుపేటలో ఘనంగా నిర్వహించారు,

అమరావతి: పోలీసుల దౌర్జన్యాన్ని అడ్డుకునేందుకు వచ్చిన చిత్తూరు మాజీ మేయర్‌ కఠారి హేమలత కాళ్ల పైనుంచి పోలీసు జీపు వెళ్లడాన్ని తెదేపా అధినేత చంద్రబాబు తీవ్రంగా ఖండించారు.ఎవరి అండ చూసుకుని పోలీసులు ఇలా రాక్షసంగా రెచ్చిపోతున్నారని మండిపడ్డారు. వైకాపా కార్యకర్తల్లా మారి తప్పులు చేస్తున్న పోలీసులను వదిలే ప్రసక్తే లేదని ఆయన హెచ్చరించారు. ఈ ఘటనపై పార్టీ తరఫున న్యాయపోరాటం చేస్తామన్నారు.తాము అధికారంలోకి వచ్చాక గాడి తప్పిన ప్రతి అధికారిపైనా చర్యలు తీసుకుంటామని చంద్రబాబు హెచ్చరించారు. సీఎం జగన్‌ దయాదాక్షిణ్యాల కోసం కొందరు పోలీసులు ఇంతలా దిగజారి పోయారంటే ఆశ్చర్యంగా ఉందన్నారు. చిత్తూరులో మేయర్‌ దంపతుల హత్య కేసులో సాక్షులను వేధించి అక్రమ కేసులు పెట్టడంలో అర్థమేంటని ప్రశ్నించారు. నేరస్థులను కాపాడుతున్నారా? అని చంద్రబాబు నిలదీశారు.

 సీఎం క్యాంప్‌ కార్యాలయంలో ముఖ్యమంత్రి  వైఎస్‌ జగన్‌ను కలిసి తమ ప్లాంట్‌ ప్రారంభోత్సవానికి ఆహ్వానించిన ఏటీసీ టైర్స్‌ డైరెక్టర్‌ తోషియో ఫుజివారా, కంపెనీ ప్రతినిధులు

విశాఖపట్నం అచ్యుతాపురం వద్ద ఏపీఐఐసీ కేటాయించిన భూమిలో నూతన ప్లాంట్‌ను ఏర్పాటుచేసిన ఏటీసీ టైర్స్‌ ఏపీ ప్రేవేట్‌ లిమిటెడ్, ఈ ఏడాది ఆగష్టు నెలలో నూతన ప్లాంట్‌ను ప్రారంభించేందుకు సన్నాహాలు

ఏటీసీ – ది యోకోహామా రబ్బర్‌ కో. లిమిటెడ్, జపాన్‌కు పూర్తిగా అనుబంధ సంస్ధ

ఏటీసీ, ఏటీసీ అనుబంధ కంపెనీలు సంయుక్తంగా అలయెన్స్‌ టైర్‌ గ్రూప్‌ (ఏటీజీ)గా ఏర్పడ్డాయి. ఆఫ్‌ హైవే టైర్ల (ఓహెచ్‌టీ) వ్యాపారంలో ప్రపంచంలో ఏటీజీ ప్రముఖ పేరు. 6 ఖండాల్లోని 120 దేశాలలో ఏటీజీ వ్యాపారాలు

ఏటీసీ భారతదేశంలో రెండు తయారీ ప్లాంట్లను కలిగి ఉంది. ఇందులో ఒకటి తిరునెల్వేలి (తమిళనాడు), మరొకటి దహేజ్‌ (గుజరాత్‌)

అచ్యుతాపురం వద్ద రూ. 1,750 కోట్లతో ప్లాంట్‌ ఏర్పాటు, ప్రారంభంలో రోజుకు 135 మెట్రిక్‌ టన్నుల ప్రొడక్షన్‌ కెపాసిటీ, 2 వేల మందికి ఉద్యోగావకాశాలు

వయనాడ్‌: కేరళలోని వయనాడ్‌లో ఉన్న కాంగ్రెస్‌ ఎంపీ రాహుల్‌ గాంధీ కార్యాలయంపై స్టూడెంట్‌ ఫెడరేషన్‌ ఆఫ్ ఇండియా(ఎస్‌ఎఫ్‌ఐ) కార్యకర్తలు దాడులు చేశారు.కేరళలోని అటవీ ప్రాంతాల్లో ఏకో సెన్సెటివ్‌ జోన్‌ ఏర్పాటు విషయంలో స్పందించట్లేదని ఆరోపిస్తూ కార్యాలయంలోకి చొరబడి సామగ్రిని ధ్వంసం చేశారు. అయితే, ఈ ఘటనపై కాంగ్రెస్‌ నేతలు తీవ్ర ఆగ్రహం వ్యక్తం చేశారు. రాహుల్‌ గాంధీ కార్యాలయంపై దాడిని చేయించింది కేరళలోని అధికార పార్టీ సీపీఎంకు చెందిన విద్యార్థి విభాగం కార్యకర్తలే అని ఆరోపించారు. వారిని కావాలనే రెచ్చగొట్టి దాడికి ఉసిగొల్పారని చెప్పారు. దాడికి సంబంధించిన వీడియోను కాంగ్రెస్ నేత, కేరళ ప్రతిపక్ష నాయకుడు వీడీ సతీషన్ ట్విటర్‌లో షేర్‌ చేశారు. ''వయనాడ్‌లోని రాహుల్ గాంధీ కార్యాలయంపై ఎస్ఎఫ్ఐ కార్యకర్తలు దాడికి పాల్పడ్డారు. ఇది చట్టవ్యతిరేకమైన చర్య, ఈ దాడిని తీవ్రంగా వ్యతిరేకిస్తున్నా'' అని ట్వీట్ చేశారు. రాహుల్ గాంధీకి వ్యతిరేకంగా దాదాపు 100 మంది ఎస్‌ఎఫ్‌ఐ కార్యకర్తలు నిరసన ప్రదర్శనలు చేశారని పోలీసులు తెలిపారు. ఈ దాడిలో పాల్గొన్న 8 మందిని అదుపులోకి తీసుకున్నామని వెల్లడించారు.

దాడిని ఖండించిన కేరళ సీఎం

రాహుల్‌ గాంధీ కార్యాలయంపై దాడి ఘటనపై కేరళ రాష్ట్ర ముఖ్యమంత్రి పినరయి విజయన్‌ స్పందించారు. ''రాహుల్‌ గాంధీ కార్యాలయంపై దాడిని తీవ్రంగా ఖండిస్తున్నాను. ప్రజాస్వామ్య పద్ధతిలో నిరసనలు చేయవచ్చు. కానీ, ఈ ఘటన ప్రజాస్వామ్యానికి వ్యతిరేకమైనది. ఈ దాడిలో ప్రమేయం ఉన్న వారిపై కఠిన చర్యలు తీసుకుంటాం'' అని ఆయన తెలిపారు.

ఎకో-సెన్సిటివ్ జోన్‌ ఏంటీ?

దేశంలోని అన్ని రక్షిత అటవీప్రాంతాల చుట్టూ కనీసం ఒక కిలోమీటరు మేర భూభాగం ఎకో - సెన్సిటివ్‌ జోన్‌గా ఉండాలని ఈ ఏడాది మొదట్లో సుప్రీంకోర్టు పేర్కొంది. ఈ కిలోమీటరు ప్రాంతంలో ఎలాంటి శాశ్వత నిర్మాణాలు చేపట్టకూడదని స్పష్టం చేసింది. జాతీయ వన్యప్రాణి సంరక్షణ కేంద్రాలు, నేషనల్‌ పార్కుల్లో ఎలాంటి మైనింగ్‌ కార్యక్రమాలు చేపట్టకూడదని, ఇందుకు అనుమతులే ఇవ్వకూడదని తెలిపింది. ఒకవేళ ఇప్పటికే ఎక్కడైనా ఎకో - సెన్సిటివ్‌ జోన్‌గా కిలోమీటరుకు మించి ప్రకటించి ఉన్నా, ఏదైనా చట్టబద్ధమైన సంస్థ కిలోమీటరుకు మించిన ప్రాంతాన్ని ఎకో - సెన్సిటివ్‌ జోన్‌గా గుర్తించి ఉన్నా ఆ సరిహద్దే చెల్లుబాటవుతుందని పేర్కొంది.

అమరావతి: ప్రజల్ని తప్పుదోవ పట్టించేలా ప్రతిపక్ష తెదేపా బులిటెన్‌ ఇవ్వటం శోచనీయమని ఏపీ ఆర్థిక మంత్రి బుగ్గన రాజేంద్రనాథ్‌రెడ్డి పేర్కొన్నారు.
ఆర్థిక అంశాల్లో అనుభవజ్ఞుడైన యనమల ప్రజలకు తప్పుడు సమాచారం ఎలా ఇస్తారని ప్రశ్నించారు. గత ప్రభుత్వంతో పోలిస్తే ప్రస్తుత ప్రభుత్వ ఆర్థిక క్రమశిక్షణ బాగుందని కాగ్‌ చెప్పిందన్నారు. దేశంలోనే ఆర్థిక నిర్వహణ చేస్తున్న రాష్ట్రాల్లో ఏపీ అగ్రభాగాన ఉందని స్పష్టం చేశారు. ప్రస్తుత ఏడాదికి 2.10 శాతం మాత్రమే ద్రవ్యలోటు ఉందని తెలిపారు. ఏపీ ప్రతిష్టను దిగజార్చేలా, బ్యాంకులు రుణాలు ఇవ్వకూడదనే తెదేపా దుష్ప్రచారం చేస్తోందని బుగ్గన మండిపడ్డారు.గత ప్రభుత్వ హయాంలో 19.50శాతం మేర అప్పులు పెరిగితే వైకాపా ప్రభుత్వ హయాంలో 15.5శాతం మాత్రమే అప్పులు పెరిగాయని పేర్కొన్నారు. ప్రతి దానికీ ఏపీని శ్రీలంకతో పోలుస్తున్నారని ఆగ్రహం వ్యక్తం చేశారు. డీబీటీ కింద రూ.1.40లక్షల కోట్లు పేదలకు చేర్చామని స్పష్టం చేశారు. నాన్‌ డీబీటీ ద్వారా రూ.44వేల కోట్లు లబ్ధిదారులకు చేరిందన్నారు. నెట్‌ బారోయింగ్‌ సీలింగ్‌ విషయంలో రుణ పరిమితిని పెంచుకోడానికే కేంద్రానికి విజ్ఞప్తి చేశామని తెలిపారు. ఎగుమతులు, పరిశ్రమలు, పథకాలు, పన్నుల వసూళ్లలో గతంతో పోలిస్తే ఏపీ అత్యున్నత స్థానంలో ఉందన్నారు. ఉద్యోగుల ప్రయోజనాలు, రిటైర్మెంట్‌ బెనిఫిట్స్‌ ఇచ్చే విషయంలో ఆలస్యమైన మాట వాస్తవమన్న బుగ్గన జీతాల విషయంలో జాప్యం జరగలేదని తెలిపారు.

అమరావతి: జనసేన పార్టీ అధ్యక్షులు పవన్ కళ్యాణ్ పార్టీ కార్యాలయంలో తెలంగాణ, ఆంధ్ర ప్రదేశ్ ప్రాంత నాయకులతో వరుస సమావేశాలు నిర్వహించారు.యువకులు, వీర మహిళలు, కార్యకర్తలతో ముఖాముఖిగా మాట్లాడారు. తెలంగాణలో రాజకీయ, సామాజిక పరిస్థితులు, ప్రజా సమస్యలను వారి నుంచి తెలుసుకున్నారు.
ప్రజాపక్షాన ఉంటూ.. పార్టీ పక్షాన నిర్వర్తించాల్సిన బాధ్యతలపై దిశానిర్దేశం చేశారు. నాయకులు, కార్యకర్తలు పరస్పర అవగాహనతో, సమన్వయంతో పనిచేయాలని సూచించారు. రాబోయే ఎన్నికలకు సమాయత్తం కావాలని స్పష్టం చేశారు. ఎన్నికల సన్నద్ధతకు అవసరమైన రాజకీయ శిక్షణ శిబిరాలు నిర్వహించాలని నిర్ణయం తీసుకున్నారు. అనంతరం విశాఖపట్నం జిల్లాకు చెందిన పార్టీ రాష్ట్ర కార్యవర్గ సభ్యులు, నియోజకవర్గాల ఇంచార్జులతో భేటీ అయ్యారు. ఉమ్మడి విశాఖ జిల్లాలో చేపట్టాల్సిన కార్యక్రమాలు, డివిజన్ స్థాయి సమావేశాలపై పవన్ స్పష్టత ఇచ్చారు.

అమరావతి: ఆంధ్రప్రదేశ్‌ ముఖ్యమంత్రి వైఎస్‌ జగన్‌ పారిస్‌ పర్యటనకు సీబీఐ కోర్టు అనుమతి ఇచ్చింది. ఈ నెల 28 నుంచి 10 రోజుల పాటు పారిస్‌ వెళ్లేందుకు సీఎం జగన్‌కు న్యాయస్థానం అనుమతించింది. జగన్‌ విదేశీ పర్యటనతో కేసుల విచారణలో జాప్యం అవుతుందని సీబీఐ చేసిన అభ్యంతరాలను సీబీఐ న్యాయస్థానం తోసిపుచ్చింది. పర్యటన వివరాలను సీబీఐకి, కోర్టుకు సమర్పించి పారిస్‌ వెళ్లాల్సిందిగా జగన్‌ను సీబీఐ కోర్టు ఆదేశించింది.

సీఎం జగన్‌ పెద్ద కుమార్తె హర్షరెడ్డి పారిస్‌లో మాస్టర్స్‌ డిగ్రీ చేస్తున్నారు. పారిస్‌లోని ఇన్సీడ్‌ బిజినెస్‌ స్కూల్లో చదువుతున్న హర్షరెడ్డి జులై 2న కాన్వొకేషన్‌ తీసుకోనున్నారు. కుమార్తె కాన్వొకేషన్‌ కార్యక్రమానికి హాజరయ్యేందుకు అనుమతివ్వాలని సీఎం జగన్‌ సీబీఐ కోర్టును కోరారు. కుమార్తె కళాశాల స్నాతకోత్సవానికి హాజరయ్యేందుకు వీలుగా.. దేశం విడిచి వెళ్లరాదన్న బెయిల్‌ షరతును సడలించాలని న్యాయస్థానాన్ని కోరారు. ఈనెల 28 నుంచి వారం పాటు వెళ్లేలా అనుమతి ఇవ్వాలని జగన్‌ కోర్టును కోరారు. దీనిపై కౌంటర్‌ దాఖలు చేసిన సీబీఐ అధికారులు.. జగన్‌ పారిస్‌ పర్యటనపై అభ్యంతరం వ్యక్తం చేశారు. పారిస్‌ వెళ్లేందుకు జగన్‌కు అనుమతి ఇవ్వొద్దని సీబీఐ అధికారులు కోర్టును కోరారు. వివిధ కారణాలు చెప్పి జగన్‌ విదేశాలకు వెళ్తున్నారని కోర్టు దృష్టికి తీసుకొచ్చారు. జగన్‌ పారిస్ వెళ్తే కేసుల విచారణలో జాప్యం జరుగుతుందని న్యాయస్థానం దృష్టికి తీసుకెళ్లారు. రెండు వైపుల వాదనలు విన్న న్యాయస్థానం తాజాగా పారిస్‌ పర్యటనకు జగన్‌కు అనుమతి ఇచ్చింది.

కొండలు కరుగుతున్నా కాకాణికి కనిపించడం లేదా?

జన్మనిచ్చిన మండలానికి కాకాణి  ప్రత్యేకంగా ఏమి చేశాడో చెప్పాలి

అమాయకుడైన దళితుడిని మర్మాంగాలు కొట్టి చంపి ఆత్మహత్యగా చిత్రీకరిస్తారా

నారాయణ కుటుంబానికి న్యాయం జరిగేవరకు పోరాడుతాం

పొదలకూరు మండలం ప్రభగిరిపట్నంలో నిర్వహించిన బాదుడే బాదుడు కార్యక్రమంలో టీడీపీ పొలిట్ బ్యూరో సభ్యులు, మాజీ మంత్రివర్యులు సోమిరెడ్డి చంద్రమోహన్ రెడ్డి


కంఠంలో ప్రాణముండగా కొండను కాదు కదా బండను కూడా తాకనీయబోనని బీరాలు పలికిన కాకాణి గోవర్ధన్ రెడ్డికి ప్రభగిరిపట్నం కొండలు కరగడం కనిపించడం లేదా  మైనింగ్ తో  ప్రభగిరి పట్నం కొండలు కరిగిపోయాయి.. కాకాణి కంఠంలో ప్రాణం మాత్రం అలాగే ఉంది  నేను మంత్రిగా ఉన్న సమయంలోనూ లీజు ఉన్నప్పటికీ గ్రామస్తుల వినతి, గ్రామ ప్రయోజనాలను దృష్టిలో ఉంచుకుని మైనింగ్ ను  ఆపాం వైసీపీ ప్రభుత్వం వచ్చాక ప్రజలు వ్యతిరేకిస్తున్నప్పటికీ గ్రామ సమీపంలోనే మైనింగ్ చేపట్టి కొండలు కరగదీస్తున్నారు రాష్ట్రంలో జగన్ రెడ్డి ప్రభుత్వ తీరుతో సేద్యం గిట్టుబాటు కాక కౌలు రైతులు ఆత్మహత్యలు చేసుకుంటున్నారు మద్దతు ధరలు లేక రైతులు క్రాప్ హాలిడే ప్రకటించుకునే పరిస్థితి తెచ్చారు..కళ్ల ముందే పుష్కలంగా నీళ్లు ఉన్నప్పటికీ పంట పెట్టడానికి రైతులు జంకుతున్నారు

ఓడినా, గెలిచినా నేను ప్రజల మనిషినే  దశాబ్దాలుగా ఎవ్వరూ చేయని,  సోమశిల దక్షిణ కాలువ పనులు, కండలేరు ఎడమ కాలువకు లిఫ్ట్ నేనే సాకారం చేశాను కనీసం ప్రతిపక్ష ఎమ్మెల్యేగా కాకాణి అసెంబ్లీలో ఏనాడు ప్రజా సమస్యలపై పోరాడింది లేదు జన్మనిచ్చిన పొదలకూరు మండలానికి కాకాణి గోవర్ధన్ రెడ్డి ప్రత్యేకం ఏమి చేశాడో ప్రజలకు చెప్పాలి


మద్దతు ధర లేక జిల్లాలో రైతులు 3 వేల కోట్లు నష్టపోతే, ఏ  ఒక్క ఎమ్మెల్యే, మంత్రికి నోరు మెదిపే దమ్ములేకుండాపోయింది.. మర్మాంగాల మీద కొట్టడంతోనే ఉదయగిరి నారాయణ చనిపోయినట్టు పోస్టుమార్టంలో తేలినట్టు తెలిసింది అమాయకుడైన దళితుడిని చంపి ఆత్మహత్యగా చిత్రీకరించి దానిని మళ్లీ సమర్ధించుకునేందుకు పొదలకూరు సీఐ ప్రెస్ మీట్ నిర్వహించడం హాస్యాస్పదం

నారాయణ కుటుంబానికి న్యాయం జరిగే వరకు పోరాడుతాం  సీఎం జగన్ రెడ్డి తన పాలనతో ఆర్థికంగా, రాజకీయంగా రాష్ట్రం పతనమయ్యే పరిస్థితులు తెచ్చారు రాష్ట్రాన్ని మళ్లీ గాడిలో పెట్టాలంటే చంద్రబాబు నాయుడుతోనే సాధ్యమవుతుంది  వైసీపీ ప్రభుత్వ అరాచకాలను ఎదుర్కొని రాష్ట్రాన్ని కాపాడుకోవడానికి ప్రతి ఒక్కరూ చైతన్యవంతులు కావాలని కోరుతున్నా.. 

కార్యక్రమంలో పాల్గొన్న పొదలకూరు, టీపీ గూడూరు మండల అధ్యక్షులు తలచీరు మస్తాన్ బాబు, సురేష్ రెడ్డి, సీనియర్ నాయకులు  మల్లిఖార్జున్ నాయుడు, కోడూరు భాస్కర్ రెడ్డి, అక్కెం సుధాకర్ రెడ్డి, బక్కయ్య నాయుడు, ఆదాల సుగుణ, కృష్ణయాదవ్, కాకు పెంచలయ్య, తిరుపతి, బొమ్మ పెంచలయ్య, గోగుల దయాకర్, చక్రపాణి తదితరులు

 రైతులకు బంగారు భవిష్యత్తు పవనన్న సీఎం అయితేనే సాధ్యం
రైతాంగ అభివృద్ధికి పవన్ కళ్యాణ్ గారు పక్కా ప్రణాళిక రూపొందించారు
జనసేన పార్టీ షణ్ముఖ వ్యూహంలో ఇది ఓ భాగం
పవనన్న ప్రభుత్వంలో పంటల ధరల స్థిరీకరణకు 500 కోట్ల రూపాయలతో నిధిని ఏర్పాటు చేస్తాం
పంటలు పండే ప్రాంతాల్లో ఫుడ్ ప్రాసెసింగ్ యూనిట్లను ఏర్పాటు చేస్తాం
పంట కాలువలను ఆధునీకరిస్తాం
పవనన్న ప్రజాబాటలో కేతంరెడ్డి వినోద్ రెడ్డి

నెల్లూరు సిటీ నియోజకవర్గంలో జనసేన పార్టీ నాయకులు కేతంరెడ్డి వినోద్ రెడ్డి ఆధ్వర్యంలో జరుగుతున్న పవనన్న ప్రజాబాట కార్యక్రమం 39వ రోజున మైపాడు రోడ్డు సత్యనారాయణపురంలోని పలు విధుల్లో జరిగింది. ప్రతి ఇంటికి వెళ్లి ప్రతి కుటుంబాన్ని పలుకరించి సమస్యల అధ్యయనం చేసిన కేతంరెడ్డి ఆ సమస్యల పరిష్కారానికి తమవంతు పోరాటం చేస్తామని ప్రజలకు భరోసా కల్పించారు.

ఈ సందర్భంగా కేతంరెడ్డి వినోద్ రెడ్డి రాష్ట్రంలో ఆత్మహత్య చేసుకున్న కౌలు రైతుల కుటుంబాలకు ఆర్థిక సాయం చేస్తున్న నాయకులు ఒక్క పవన్ కళ్యాణ్ గారే అని అన్నారు. అధికారంలోకి రాకముందే రైతులకు అండగా నిలిచిన పవన్ కళ్యాణ్ గారిని ముఖ్యమంత్రిగా గెలిపిస్తే రైతుల దశ తిరుగుతుందని కేతంరెడ్డి అన్నారు. పవనన్న ప్రభుత్వంలో రైతులకు బంగారు భవిష్యత్తు ఎలా ఇస్తామో జనసేన పార్టీ షణ్ముఖ వ్యూహంలో రూపొందించాం అని చెప్పారు. పంటల ధరల స్థిరీకరణకు 500 కోట్ల రూపాయలతో విధిని ఏర్పాటు చేస్తామన్నారు. టమాటా, మామిడి, పండ్లు, కూరగాయల ధరలు పడిపోయి రైతులు నష్టపోయే సందర్భంలో రైతులకు అండగా ఉంటామన్నారు. మద్దతు ధర ఎటువంటి పరిస్థితుల్లోనూ తగ్గకుండా కాపాడుతామన్నారు. అవసరమైన సమయంలో ధరల స్థిరీకరణకు కేటాయించిన నిధుల నుండి రైతులను ఆదుకుంటామని తెలిపారు. ఫుడ్ ప్రాసెసింగ్ యూనిట్ల స్థాపనకు ప్రైవేటు రంగాన్ని ప్రోత్సహిస్తామన్నారు. ముఖ్యంగా టమాటా, మామిడి, పసుపు వంటి పంటల కాలంలో ధర ఒక్కసారిగా పడిపోవడం మనం చూస్తూనే ఉన్నామన్నారు. ఇటువంటి దుస్థితి నుండి రైతులను కాపాడడానికి పంట పండే ప్రాంతాలవారీగా ఫుడ్ ప్రాసెసింగ్ యూనిట్లు స్థాపనే ధ్యేయంగా పని చేస్తామన్నారు. పంట దిగుబడి అనంతరం అవసరమయ్యే సాంకేతికతను రైతులకు అందిస్తామన్నారు. పంటల కటింగ్, ప్యాకింగ్, రవాణా, స్టోరేజీ, కోల్డ్ స్టోరేజ్ ప్లాంట్లు వంటి సదుపాయాలను ఏర్పాటు చేస్తామన్నారు. వ్యవసాయానికి మూలాధారమైన పంట కాలువలను ఆధునీకరణ ఇస్తామన్నారు. ఇంతటి మేలు రైతాంగానికి కలుగాలంటే ప్రతి ఒక్కరూ మనస్ఫూర్తిగా ఆశీర్వదించి పవన్ కళ్యాణ్ గారిని ముఖ్యమంత్రిగా చేసుకుందాం అని ప్రజల్ని కేతంరెడ్డి వినోద్ రెడ్డి కోరారు.

 థామస్ కప్ విజేత స్టార్ షట్లర్ కిడాంబి శ్రీకాంత్ ను అభినందించిన సీఎం శ్రీ జగన్ మెహన్ రెడ్డి

ఇటీవల జరిగిన ప్రపంచ ప్రఖ్యాతగాంచిన థామస్ కప్ బాడ్మింటన్ విజేత అయిన భారత బాడ్మింటన్ జట్టు కెప్టెన్ స్టార్ షట్లర్ కిడాంబి శ్రీకాంత్ ను ఆంధ్రప్రదేశ్ ముఖ్యమంత్రి శ్రీ జగన్ మోహన్ రెడ్డి ఘనంగా సన్మానించారు. ఈ సందర్భముగా రాష్ట్రములో బాడ్మింటన్ క్రీడ విస్తరణ, క్రీడాకారుల అభివృద్ధి కొరకు తీసుకుంటున్న చర్యలు గూర్చి ముఖ్యమంత్రి గారికి ఆంధ్రప్రదేశ్ బాడ్మింటన్ అసోసియేషన్ అధ్యక్షుడు ముక్కాల ద్వారకానాథ్ వివరించడం జరిగింది. ముఖ్యమంత్రి శ్రీ జగన్ మోహన్ రెడ్డి గారు దీనికి సానుకూలంగా స్పందించి బాడ్మింటన్ క్రీడ అభివృద్ధికి ప్రభుత్వ పరంగా కృషిచేస్తామని తెలిపారు. థామస్ కప్ విజేత టీమ్ కెప్టెన్ కిదాంబి శ్రీకాంత్ ను మరియు ఆంధ్రప్రదేశ్ బాడ్మింటన్ అసోసియేషన్ ను ప్రత్యేకంగా అభినందించారు. ఈ కార్యక్రమములో క్రీడాశాఖ మంత్రి శ్రీమతి RK రోజా, శాప్ చైర్మన్ శ్రీ బైరెడ్డి సిద్దార్థ రెడ్డి మరియు తల్లిదండ్రులు పాల్గొన్నారు.

 శ్రీసిటీని సందర్శించిన విక్రమ సింహపురి యూనివర్సిటీ వీసీ - CSR కార్యక్రమాలు, విస్తృత ఉద్యోగ అవకాశాల పట్ల సంతృప్తి

రవి కిరణాలు న్యూస్ తడ (శ్రీసిటీ) :

నెల్లూరులోని విక్రమ సింహపురి యూనివర్సిటీ వైస్-ఛాన్సలర్ ప్రొఫెసర్ జి.ఎం.సుందరవల్లి, రిజిస్ట్రార్ డాక్టర్ ఎల్.విజయకృష్ణారెడ్డి మరో ముగ్గురు అధ్యాపకులతో కలిసి శుక్రవారం శ్రీసిటీని సందర్శించారు. శ్రీసిటీ మేనేజింగ్ డైరెక్టర్ రవీంద్ర సన్నారెడ్డి వారికి సాదర స్వాగతం పలికి, ఈ ప్రాంత ముఖచిత్రాన్ని మార్చే విధంగా శ్రీసిటీ ఎలాంటి ప్రభావశీల పాత్ర పోషించిందనే దానిపై పవర్పాయింట్ ప్రెసెంటేషన్ ద్వారా వివరించారు.

శ్రీసిటీ ప్రస్థానం, వేగవంతమైన మార్పుల గురించి వివరిస్తూ, శ్రీసిటీలో ఇప్పటివరకు సుమారు 50 వేల మందికి జీవనోపాధిని కల్పించామని, వారిలో 50 శాతం మంది మహిళలు ఉన్నారని తెలిపారు. యువతకు శిక్షణ ఇవ్వడానికి, తాము చురుకైన నైపుణ్య శిక్షణా కార్యక్రమాలను చేపట్టడం జరిగిందన్నారు. ఇది తమ అతిపెద్ద  విజయాలలో ఒకటి అని తెలుపడానికి గర్వపడుతున్నాము అన్నారు.

ఈ ప్రాంతంలోని విద్య, ఉపాధి, సామాజిక ఆర్థిక అభివృద్ధిలో  శ్రీసిటీ ప్రభావం ఎక్కువగా వుందని ఆయన చెప్పారు. తమ కార్పొరేట్ సోషల్ రెస్పాన్సిబిలిటీ (CSR) కార్యక్రమం ద్వారా నాణ్యమైన విద్య, మెరుగైన ఆరోగ్య సేవలు, సామాజిక మౌళిక సదుపాయాలు, జీవనోపాధి ఎంపికలు మొదలైనవి మెరుగుపరచడంపై ప్రత్యేక దృష్టి సారించి, ఈ ప్రాంత సమగ్ర అభివృద్ధి లక్ష్యంగా పెట్టుకున్నామన్నారు.

తమ సందర్శనకు ఆహ్వానం చెప్పినందుకు శ్రీసిటీ ఎండీకి ప్రొఫెసర్ సుందరవల్లి కృతజ్ఞతలు తెలిపారు. శ్రీసిటీ CSR కార్యకలాపాలతో ఈ ప్రాంతవాసులకు ముఖ్యంగా మహిళలకు సమృద్ధిగా ఉద్యోగాలు కల్పించడం పట్ల ఆమె శ్రీసిటీ యాజమాన్యాన్ని అభినందించారు.

పారిశ్రమికవాడ ప్రగతి, CSR కార్యక్రమాల గురించి క్షుణ్ణంగా తెలుసుకోవడం యూనివర్సిటీ అధికారుల సందర్శన ఉద్దేశ్యం కాగా, పై అంశాలపై వారు నిశితంగా దృష్టి సారించారు. అలాగే యూనివర్సిటీలో ప్రవేశపెడుతున్న ఫుడ్ టెక్నాలజీ, మైక్రో బయాలజీ, బయో టెక్నాలజీ మొదలైన కొత్త కోర్సుల వివరాలను తెలియచేసి, దీనికి సంబంధించి పరిశ్రమవర్గాల నుంచి తగు సహకారం కోరారు. ఇంకా ఉపాధి అవకాశాలు, నైపుణ్య శిక్షణ, పరిశ్రమ ఇంటర్న్‌షిప్‌లు మొదలైన వాటితో సహా అనేక విషయాల గురించి శ్రీసిటీ అధికారులతో చర్చించి తమ సందేహాలను నివృత్తి చేసుకున్నారు. అన్ని విధాలా తగిన సహకారం అందిస్తామంటూ ఈ సందర్భంగా శ్రీసిటీ ఎండీ హామీ ఇచ్చారు. చర్చల అనంతరం వీసీ బృందం శ్రీసిటీ పరిసరాలు చుట్టిచూడడంతో పాటు ఎవర్టన్ టీ పరిశ్రమను సందర్శించారు.

 ఉపాధి హామీ పథకం పై సమీక్షా సమావేశాలు నిర్వహించిన ఎంపీపీ కురుగొండ్ల ధనలక్ష్మి

తిరుపతి జిల్లా సూళ్లూరుపేట నియోజకవర్గం,నాయుడుపేట మండల ప్రజా పరిషత్ కార్యాలయంలో ఉపాధి హామీ పథకం పై సమీక్ష సమావేశం ఎంపీపీ కురుగొండ్ల ధనలక్ష్మి అధ్యక్షతన నిర్వహించడం జరిగింది, ఈ సమావేశం కార్యక్రమంలో ఎంపీడీవో శివప్రసాద్, సర్పంచులు, సెక్రటరీలు మరియు ఫీల్డ్ అసిస్టెంట్లు తదితరులు ఈ కార్యక్రమంలో పాల్గొన్నారు,

 డాక్యుమెంట్ మిస్సింగ్...
తిరుపతి జిల్లా :-
 సూళ్లూరుపేట :- సూళ్లూరుపేట లో ప్రయాణిస్తూ ఉండగా డాక్యుమెంట్ మిస్ ఐనది. డాక్యుమెంట్ నెంబర్2179/2007 రిజిస్ట్రేషన్ లింకు డాక్యుమెంట్ ఆఫ్ ప్లాట్ నెంబర్  23 కేశవరెడ్డి పళ్లెం, ముని కృష్ణమ నాయుడు డాక్యుమెంట్  మిస్ అయినట్లు ప్రకటన చేశారు.  A, సమంత  w/o T, హరీష్ బాబు సూళ్లూరుపేట లో డాక్యుమెంట్ పోయినట్టు ప్రకటన చేశారు. ఈ డాక్యుమెంట్ ఇచ్చిన వారికి బహుమతి ఇవ్వబడును.     ఫోన్ నెంబర్   8754494109,  9618621727

 శ్రీసిటీని సందర్శించిన ఢిల్లీ పరిశ్రమల శాఖ ఉన్నతాధికారులు
- శ్రీసిటీ ప్రత్యేకతలపై అధ్యయనం
- దేశంలోనే ఉత్తమ మోడల్ గా ప్రశంస

రవి కిరణాలు న్యూస్ తడ (శ్రీసిటీ) :

గవర్నమెంట్ ఆఫ్ నేషనల్ క్యాపిటల్ టెరిటరీ ఆఫ్ ఢిల్లీ (GNCTD) పరిశ్రమల శాఖ కార్యదర్శి, కమీషనర్ శ్రీమతి నిహారిక రాయ్, IAS, ఢిల్లీ స్టేట్ ఇండస్ట్రియల్ అండ్ ఇన్‌ఫ్రాస్ట్రక్చర్ డెవలప్‌మెంట్ కార్పొరేషన్ లిమిటెడ్ (DSIIDC) మేనేజింగ్ డైరెక్టర్ సంజీవ్ కుమార్ మిట్టల్, IAS,  మరో ఇద్దరు అధికారులు గురువారం శ్రీసిటీని సందర్శించారు. శ్రీసిటీ ప్రెసిడెంట్ (ఆపరేషన్స్) సతీష్ కామత్ వారికి సాదర స్వాగతం పలికారు. శ్రీసిటీ ప్రపంచ స్థాయి మౌళిక సదుపాయాలు, ప్రగతి, ప్రత్యేకతలు, వాణిజ్య అవకాశాలు, ప్రభుత్వ ప్రోత్సాహకాలు మరియు 'సులభతర వ్యాపారం'కి దోహదపడే అంశాల గురించి ఆయన వారికి వివరించారు.

శ్రీసిటీ అభివృద్ధి ప్రారంభ దశలలో ఎదుర్కొన్న కొన్ని సవాళ్లు, వాటి పరిష్కారాల మార్గాల గురించి వివరించిన శ్రీసిటీ మేనేజింగ్ డైరెక్టర్ రవీంద్ర సన్నారెడ్డి, ఏదైనా భారీ ప్రాజెక్ట్‌లను అభివృద్ధి చేయడంలో తమ ఆలోచనలను అందించడానికి తాము సంతోషిస్తామన్నారు. ఈ సందర్శన గురించి వ్యాఖ్యానిస్తూ, ఇతర రాష్ట్రాల ఉన్నతాధికారులు తమ ప్రాజెక్ట్ అమలు మోడల్‌ను ప్రస్తావించడం, అధ్యయనం చేయడం గౌరవంగా భావిస్తున్నామని పేర్కొన్నారు.

భారీ ఇండస్ట్రియల్ పార్క్‌ని రూపొందించడంలో శ్రీసిటీ యాజమాన్య కృషిని నిహారిక రాయ్ అభినందించారు.  శ్రీసిటీలోని అత్యున్నత సదుపాయాలు, వ్యాపార అనుకూల వాతావరణం పట్ల సంతోషం వ్యక్తం చేశారు. దేశంలోనే ఒక ముఖ్యమైన పారిశ్రామిక మౌళిక వసతుల అభివృద్ధి ప్రాజెక్టుకు శ్రీసిటీ చక్కటి ఉదాహరణగా ఆమె ప్రశంసించారు.

కాగా, శ్రీసిటీ ప్రపంచశ్రేణి మౌళిక సదుపాయాలను ప్రత్యక్షంగా పరిశీలించడం మరియు శ్రీసిటీ సెజ్ లోని ఎలక్ట్రానిక్ మాన్యుఫ్యాక్చరింగ్ క్లస్టర్ అభివృద్ధిని పరిశోధించడం ఢిల్లీ అధికారుల పర్యటన ఉద్దేశం. శ్రీసిటీ ఎండీ, ఇతర  అధికారులతో సమావేశమైన వీరు, వివిధ అంశాలపై విస్తృతంగా చర్చించి తమ సందేహాలను నివృత్తి చేసుకున్నారు. పర్యటనలో భాగంగా శ్రీసిటీ పరిసరాలను చుట్టిచూడడంతో పాటు భారత్ ఎఫ్ఐహెచ్ (ఫాక్స్‌కాన్), CETC పరిశ్రమలను సందర్శించారు.

తిరుపతి జిల్లా నాయుడుపేట పట్టణంలోని శ్రీ కాళహస్తి బైపాస్ రోడ్డు వద్ద, హంస బయో డీజిల్ ఫిల్లింగ్ స్టేషన్ ప్రారంభానికి ముఖ్యఅతిథిగా వచ్చిన తిరుమల తిరుపతి దేవస్థానం పాలకమండలి సభ్యులు, మరియు సూళ్లూరుపేట నియోజకవర్గం శాసనసభ్యులు శ్రీ, కిలివేటి సంజీవయ్య గారి ఆధ్వర్యంలో ప్రారంభోత్సవ కార్యక్రమం జరిగింది ,ఈ కార్యక్రమానికి వైయస్సార్ సిపి పార్టీ నాయకులు,కార్యకర్తలు, శ్రేయోభిలాషుల, తదితరులు పాల్గొన్నారు, అనంతరం నాయుడుపేట వైఎస్ఆర్సిపి సేవాదళ్ ప్రెసిడెంట్
హంస పృథ్వి చంద్ మాట్లాడుతూ ఇంత ప్రేమాభిమానాల తో ప్రారంభోత్సవానికి  వచ్చిన వారందరికీ ముందుగా ధన్యవాదాలు తెలియజేసిన పృథ్వి, అలాగే అందరూ కలిసి నా వ్యాపార అభివృద్ధికి నాయుడుపేట మరియు చుట్టుపక్కల ప్రాంతాల ప్రజలు సహకరించాలని, హంస పృథ్వి చంద్ కోరారు