Ravikiranalu TV

తిరుపతి జిల్లా  నాయుడుపేట

మే డే 01-05-2022 రోజున సాయంత్రం  4. గంటలకు నాయుడుపేట సీ ఐ టి యూ కార్యాలయం ప్రారంభోత్సవం,

తిరుపతి జిల్లా నాయుడు పేట లోని కూరగాయల మార్కెట్ వెనుక ఉన్న వేదన పర్తి సుందర రామిరెడ్డి భవన్
( సి ఐ టి యూ కార్యాలయం) ప్రారంభోత్సవం జరుగుతుందని ఇండస్ట్రియల్ కారిడార్ కార్యదర్శి ,
యం మోహన్ రావు తెలిపారు, ఈ సందర్భంగా ఆయన మాట్లాడుతూ, మే డే  రోజున జరిగే ప్రారంభోత్సవానికి, ముఖ్య అతిథులుగా, నెల్లూరు, చిత్తూరు, ప్రకాశం పిడిఎఫ్ ఎమ్మెల్సీ, యుoడపల్లి శ్రీనివాసులు రెడ్డి, సీ ఐ టి యూ రాష్ట్ర అధ్యక్షులు, సిహెచ్ నరసింహారావు, సీ ఐ టి యూ, రాష్ట్ర ఉపాధ్యక్షులు సిహెచ్. నరసింగరావు, సీ ఐ టీ యూ,రాష్ట్ర ఉపాధ్యక్షులు కందారపు మురళి, సీ ఐ టి యూ నెల్లూరు జిల్లా, ప్రధాన కార్యదర్శి, కటారి అజయ్ కుమార్, తిరుపతి, నెల్లూరు, జిల్లాల
సీ ఐ టి యూ నాయకులు, ఈ ప్రారంభోత్సవంలో పాల్గొంటారని ఆయన తెలిపారు, అదే రోజున, సాయంత్రం మూడు గంటలకు, అంబేద్కర్ విగ్రహం వద్దనుండి ప్రదర్శన, అనంతరం సీ ఐ టీ యూ,కార్యాలయం వద్ద జరిగే బహిరంగ సభలో కార్మికులు ఉద్యోగులు, ప్రజలు అధిక సంఖ్యలో పాల్గొని జయప్రదం చేయాలని పిలుపునిచ్చారు, ఈ కార్యక్రమంలో
సీ ఐ టీ యూ మండల కార్యదర్శి నాయకులు ముకుంద, మేనకూరు క్లస్టర్ కన్వీనర్ చాపల వెంకటేశ్వర్లు, భోజన పథకం కార్యదర్శి, విజయమ్మ, సీ ఐ టీ యూ మండల అధ్యక్షుడు మహేష్, వీరస్వామి తదితరులు ఈ కార్యక్రమంలో  పాల్గొన్నారు

తిరుపతి జిల్లా కలెక్టర్ తో సమావేశమైన ఎంపీ గురుమూర్తి

తిరుపతి పార్లమెంట్ నియోజకవర్గంలో గత సంవత్సర కాలంలో తాను తలపెట్టిన పలు అభివృద్ధి కార్యక్రమాలకు సంబందించిన విషయాలపై చర్చించేందుకు తిరుపతి జిల్లా కలెక్టర్ శ్రీ వెంకటరమణ రెడ్డి గారితో ఎంపీ గురుమూర్తి గారు సమావేశమయ్యారు.

సుమారు గంటకు పైగా జరిగిన ఈ సమావేశం లో పలు అంశాలు చర్చకు వచ్చినట్టు ఎంపీ గారు తెలియజేసారు ఇందులో ముఖ్యంగా ఐటీ కాన్సెప్ట్ సిటీ, నేషనల్ ఫోరెన్సిక్ ఇన్స్టిట్యూట్, అంభేద్కర్  నవోదయ విద్యాలయాలకి  భూ కేటాయింపులు చేయాలనీ కలెక్టర్ గారిని కోరినట్టు తెలియజేసారు. అలాగే తిరుపతి విమానాశ్రయానికి కేటాయించిన సంబంధించి పలు సమస్యలు ఉన్నాయని వాటిని యుద్ధ ప్రాతిపదికన పరిష్కరించాలని,  అభివృద్ధి కార్యక్రమాలకి చెందిన సమస్యలు మరియు ప్రజల సమస్యల పరిష్కారానికి అధిక ప్రాధాన్యత ఇవ్వాలని కలెక్టరు గారిని కోరినట్టు ఎంపీ గారు చెప్పారు. అలాగే తన కార్యాలయంలో స్వీకరించిన పలు సమస్యలకి సంబందించిన వినతి పాత్రలను సత్వర పరిష్కారానికి కలెక్టరు గారికి అందజేశారు.

 అమరావతి సచివాలయం రెండో బ్లాక్ లో రాష్ట్ర వ్యవసాయ శాఖ అధికారులతో సమావేశమై వ్యవసాయ శాఖ కార్యక్రమాల ప్రగతిని సమీక్షిస్తున్న రాష్ట్ర వ్యవసాయ మరియు సహకార,  మార్కెటింగ్, ఫుడ్ ప్రాసెసింగ్ శాఖ మంత్రి కాకాణి గోవర్ధన్ రెడ్డి.
పవర్ పాయింట్ ప్రజెంటేషన్ ద్వారా వ్యవసాయ శాఖ కార్యక్రమాలు ముఖ్యంగా రైతు భరోసా కేంద్రాల ద్వారా  రైతులకు అందజేస్తున్న సేవలను మంత్రి కి వివరిస్తున్న రాష్ట్ర వ్యవసాయ శాఖ  కమిషనర్ చేవూరి హరి కిరణ్.
రైతుల సమస్యల పరిష్కారం కొరకు ఏర్పాటు చేసిన ఇంటిగ్రేటెడ్ కాల్ సెంటర్ కి అందే ప్రతి సమస్య ను పరిష్కరించడానికి అధికారులు ప్రత్యేక శ్రద్ద చూపాలని ఆదేశించిన మంత్రి.
రాష్ట్ర వ్యవసాయ శాఖ స్పెషల్ చీఫ్ సెక్రటరీ పూనమ్ మాలకొండయ్య, రాష్ట్ర వ్యవసాయ మిషన్ ఉపాధ్యక్షులు నాగిరెడ్డి, ఏపీ సీడ్స్ కార్పొరేషన్ చైర్ పర్సన్ సుస్మిత  తో పాటు వ్యవసాయ శాఖ అదనపు సంచాలకులు, సంయుక్త సంచాలకులు, సహాయ సంచాలకులు తదితరులు ఈ సమీక్షా సమావేశంలో పాల్గన్నారు.

 విజయవాడ లో మాజీ మంత్రి వర్యులు  బాలినేని శ్రీనివాసు రెడ్డి గారిని మర్యాద పూర్వకంగా తన నివాసంలో కలసిన
ఆంధ్రప్రదేశ్ రాష్ట్ర వ్యవసాయ మరియు సహకార, మార్కెటింగ్, ఫుడ్ ప్రాసెసింగ్ శాఖా మాత్యులు శ్రీ కాకాణి గోవర్ధన్ రెడ్డి గారు,

 గ్రామ పంచాయితీ ల తనిఖీలలో భాగంగా 28-04-2022 బోగోలు మండలం విశ్వనాథరావుపేట సందర్శించి గ్రామ పంచాయతి రికార్డులను తనిఖీ చేయడం జరిగింది.గ్రామంలో పారిశుధ్యాన్ని పరిశీలించి జగనన్న స్వచ్చ సంకల్పం కార్యక్రమాన్ని సక్రమంగా చేపట్టాలని సూచించడం జరిగినది. గ్రామ సచివాలయం రికార్డులను పరిశీలించి ప్రజలకు సకాలంలో పారదర్శకతతో సేవలు అందించాలని సూచించడం జరిగింది.

బోగోలు మండలంలోని  SGV కండ్రిగ పంచాయితీ లోని  చెత్త నుండి సంపద తయారీ కేంద్రాన్నితనిఖీ చేయడం జరిగింది. కేంద్రం నందు ఘన వ్యర్థాల నిర్వహణ సక్రమంగా నిర్వహించడం లేదని గుర్తించి, పంచాయితీ కార్యదర్శి కి తగు సూచనలు జారీ చేయడం జరిగింది.
ప్రతి ఇంటి నుంచి చెత్తను నేరుగా సేకరించి తప్పనిసరిగా చెత్త నుండి సంపద తయారీ కేంద్రం నకు తరలించి , వర్మీ కంపోస్టు తయారు చేయాలని, తద్వారా గ్రామ పంచాయతీ లకు ఆదాయం తీసుకురావాలని ఆదేశించడం జరిగింది.

 శ్రీమతి ఎం. ధనలక్ష్మి, జిల్లా పంచాయతి అధికారి, నెల్లూరు వారు, తన ఛాంబరు నందు కలిగిరి మండలము విస్తరణాధికారి (పం.రాజ్ మరియు గ్రా.అ.) మరియు మండలములోని అందరు పంచాయతీ కార్యదర్శులతో సమావేశము నిర్వహించినారు.  సదరు సమావేశములో గ్రామ పంచాయతీలలో 100 %  ఇంటి పన్నులు వసూలు, పారిశుధ్య నిర్వహణ,  ఎండాకాలంలో గ్రామములోని ప్రజలు నీటి ఎద్దడికి గురికాకుండునట్లు ముందస్తు చర్యలు చేపట్టవలసినదిగాను మరియు ప్రభుత్వము ప్రవేశ పెట్టిన వివిధ పథకములు 100 % ప్రజలకు అందునట్లు తగు చర్యలు చేపట్టవలసినదిగా తగు సూచనలు, సలహాలు  యిచ్చినారు.  అటులనే ప్రతి గ్రామ పంచాయతీలో తప్పని సరిగా SWPC షెడ్డు నిర్మాణములు చేపట్టి గ్రామాలను 100% చెత్త రహిత గ్రామాలుగా తీర్చిదిద్దుటకు సహకరించవలసినదిగా కోరినారు. ఈ సమావేశములో జిల్లా కో-ఆర్డినేటర్, DPRC  శ్రీ కె. శ్రీనివాసులు రెడ్డి గారు, శ్రీ యం. సురేష్ బాబు, విస్తరణాధికారి (పం.రాజ్ మరియు గ్రా.అ.) మరియు పంచాయతీ కార్యదర్శులు పాల్గొన్నారు.

వాకాడులో తల్లీ కూతురు ఉరి వేసుకుని మృతి

 తిరుపతి జిల్లా...వాకాడు మం    వాకాడు గ్రామంలో అశోక్ పిల్లర్ సర్కిల్ వద్ద తల్లి కూతురు ఉరి వేసుకుని మృతి చెందారు...   తల్లి  షాకిరా వయస్సు 55,,కూతురు  మబ్బుల్ వయస్సు 35... సంఘటన స్థలం లో మా చావుకు ఎవరూ కారణం కాదు,మా ఇష్ట పూర్వకంగా చనిపోతున్నాము,మాకు బతకడం ఇష్టము లేదు అని ఒక లేఖ రాసి ఉంది...

 కావలి పట్టణంలోని రెవెన్యూ డివిజనల్ కార్యాలయంలో గురువారం వివిధ శాఖల అధికారులతో జిల్లా  జేసీ హరేంద్ర ప్రసాద్  సమీక్షా సమావేశం నిర్వహించారు.  గ్రామాల్లో చెత్త నుంచి సంపద తయారీ కేంద్రాలను బలోపేతం  చేయాలన్నారు. ఉపాధి హామీ పథకం ద్వారా కూలీలకు అధికంగా పని దినాలు కల్పించాలనీ ఆదేశించారు. వింజమూరు మండలంలో పని దినాలు తక్కువుగా ఉండటంపై అసహనం వ్యక్తం చేశారు   కావలి ఆర్డీవో శీనా నాయక్ ఉన్నారు

 యువతిపై సామూహిక అత్యాచారం హత్య

విజయవాడలో అత్యాచార ఘటన మరువక ముందే గుంటూరు జిల్లా దుగ్గిరాల మండలం తుమ్మపూడిలో యువతిని సామూహికంగా అత్యాచారం చేసి హత్య చేశారు. పోలీసుల కథనం ప్రకారం తుమ్మపూడికి చెందిన వీరంకి తిరుపతమ్మ (35) పొలాలకు నీళ్లు పెట్టే పైపులు అద్దెకిస్తూ బతుకుతోంది. ఆమె భర్త శ్రీనివాసరావు పనుల కోసం తిరుపతి వెళ్లారు. వీరికి ఇద్దరు పిల్లలు. ఈ నేపథ్యంలో బుధవారం సాయంత్రం ఆమె ఇంట్లో మృతిచెంది పడి ఉండటాన్ని గుర్తించారు. తిరుపతమ్మ మృతదేహంపై గోళ్లతో రక్కిన గాయాలు, కొరికిన గాట్లు ఉన్నట్లు గుర్తించారు. దుస్తులు కూడా లేకపోవడంతో సామూహిక అత్యాచారం జరిగినట్లు ప్రాథమికంగా నిర్ధారించారు. క్లూస్ టీమ్ ఆధారాలు సేకరించింది. మృతదేహాన్ని తెనాలి ప్రభుత్వాస్పత్రి మార్చురీకి తరలించారు. ప్రాథమిక ఆధారాలను బట్టి నిందితులను పోలీసులు గుర్తించారు. తిరుపతమ్మకు తెలిసినవారే హత్యకు పాల్పడి ఉంటారని గుర్తించారు. సంఘటనాస్థలంలో నిందితులు తాగిపడేసిన మద్యం బాటిళ్లను గుర్తించి స్వాధీనం చేసుకున్నారు.

నిందితులపై కఠిన చర్యలు తీసుకోవాలి సిపిఎం అత్యాచారానికి పాల్పడి యువతిని హత్య చేసిన నిందితులపై కఠిన చర్యలు తీసుకోవాలని సిపిఎం దుగ్గిరాల మండల కమిటీ కార్యదర్శి జెట్టి బాలరాజు, నాయకులు వి.సాంబశివరావు డిమాండు చేశారు. హత్యకు ముందు తిరుపతమ్మపట్ల అత్యంత పాశవికంగా ప్రవర్తించినట్లు ఆమె శరీరంపై ఉన్న గాయాలను బట్టి అర్థమవుతోందని, ఇటువంటి వారిని క్షమించకూడదని వారు డిమాండు చేశారు. నిందితులకు కఠినశిక్ష పడేలా చేయడం ద్వారా మరోసారి ఇటువంటి ఘటనలు పునరావృతం కాకుండా చూడాలని కోరారు...!!

 ఢిల్లీ: భారత్ లో కొత్తగా3,303 కరోనా కేసులు 39 మరణాలు..

చైనాలో పుట్టిన కరోనా మహమ్మారి ప్రపంచ దేశాలను అతలాకుతలం చేస్తున్న సంగతి తెలిసిందే. అయితే.. మన దేశంలో మాత్రం కరోనా మహమ్మారి విజృంభణ క్రమ క్రమంగా తగ్గుతోంది.
తాజాగా కేంద్ర ఆరోగ్య శాఖ విడుదల చేసిన హెల్త్‌ బులిటెన్‌ ప్రకారం.. గడిచిన 24 గంటల్లో దేశంలో కొత్త కరోనా పాజిటివ్ కేసులు 3303 నమోదయ్యాయి.
దీంతో దేశం లో మొత్తం కరోనా కేసుల సంఖ్య 4,30,68,799 కు చేరింది. గడిచిన 24 గంటల్లో దేశ వ్యాప్తంగా 2563 మంది కరోనా నుంచి కోలు కున్నారు. ఇక దేశం లో కరోనా పాజిటివిటి రేటు 98.06 శాతంగా ఉంది.ఇక దేశంలో తాజాగా 39 మంది కరోనా తో మరణించ గా మృతుల సంఖ్య 5,23,693 కి చేరింది. ఇక దేశ వ్యాప్తంగా ఆ రికవరీ ల సంఖ్య 4,25,28,126 కు చేరింది. ఇప్పటి వరకు దేశ వ్యాప్తంగా 1,88,40,75,453 మందికి కరోనా వ్యాక్సిన్లు చేసింది కేంద్ర ఆరోగ్య శాఖ. ఇక గడిచిన 24 గంటల్లో 19,53,437 మందికి కరోనా వ్యాక్సిన్లు వేసింది ఆరోగ్య శాఖ. ఇక దేశంలో యా క్టివ్ కరోనా కేసుల సంఖ్య 16,980 కు చేరింది.

ఆంధ్రుల అన్నపూర్ణ డొక్కా సీతమ్మ వర్ధంతి నేడు(28-04-2022) .....

అర్థరాత్రి రెండుగంటల సమయంలో వర్షంలోతడిసిన వ్యక్తి "అమ్మా సీతమ్మ తల్లి .. ఆకలేస్తుందమ్మా" అని పిలవగానే ఎంతో ఆప్యాయంగా వంటచేసి అన్నం పెట్టి ,దుప్పటి ,వస్త్రాలు ఇవ్వగలిగిన ఔదార్యవతి డొక్కాసీతమ్మ తల్లి వర్ధంతి ఏప్రియల్ 28.

శ్రీ మతి డొక్కా సీతమ్మ గారు తూర్పు గోదావరి జిల్లాలోని రామచంద్రాపురం తాలుకా , మండపేట గ్రామంలో 1841, అక్టోబరు రెండోవారంలో జన్మించారు. ఈమె తండ్రి అనుపిండి భవానీశంకరం, తల్లి నరసమ్మ గార్లు. సీతమ్మ గారి తండ్రి శంకరం గారిని గ్రామస్తులు 'బువ్వన్న'  గారనే పేరుతో పిలుస్తుండేవారు. దానికి కారణం ఆయన అడిగిన వారందరికీ 'బువ్వ'(అన్నం) పెట్టటమే!

 అటువంటి తండ్రికి కూతురిగా జన్మించిన సీతమ్మ గారు అన్నార్తుల ఆకలిని తీర్చిన మహా ఇల్లాలు. విద్యావాసనలు లేని లేని సాధారణ గృహిణి ఆమె.బాల్యంలో సీతమ్మ గారికి తల్లితండ్రులు కథలు, పాటలు, పద్యాలు అన్నింటినీ నేర్పారు. ఆ రోజుల్లో స్త్రీలు విద్య నేర్చుకునే అవకాశాలు సరిగా లేకపోవడంతో ప్రాచీన సంప్రదాయాలకు తలవంచి పెద్దబాలశిక్ష వంటి గ్రంధాన్ని కూడా పూర్తిగా అధ్యయనం చెయ్యకుండా నే పెళ్ళికి సిద్ధపడాల్సి వచ్చింది. సీతమ్మ గారి బాల్యంలోనే

 అగ్రరాజ్యంఅమెరికావెళ్లేవారికితీపికబురు..
కాన్సులేట్ కీలక ప్రకటన..

 అగ్రరాజ్యం అమెరికా వెళ్లేవారికి గుడ్‌న్యూస్. కరోనా కారణంగా 2020 మార్చి నుంచి నిలిపివేసిన పర్యాటక వీసా(బీ1, బీ2)లకు సంబంధించిన ఇంటర్వ్యూలను తిరిగి ప్రారంభిస్తున్నట్లు యూఎస్ కాన్సులేట్ ప్రకటించింది.
ఈ ఏడాది సెప్టెంబరు నుంచి వీసా ఇంటర్వ్యూలు నిర్వహించనున్నట్లు హైదరాబాద్‌లోని యూఎస్ కాన్సులేట్ ట్వీట్ చేసింది. పర్యాటక వీసా(బీ1, బీ2) కోసం తొలిసారి దరఖాస్తు చేసుకునేవారికి సెప్టెంబర్ నుంచి ఇంటర్వ్యూలు ప్రారంభిస్తున్నట్లు ట్వీట్‌లో పేర్కొంది. దీనికి సంబంధించిన అపాయింట్‌మెంట్ల కోసం త్వరలోనే బుకింగ్స్ ప్రారంభిస్తామని తెలిపింది. రోలింగ్ బేసిస్ ఆధారంగా సాధ్యమైనంత ఎక్కువ అపాయింట్‌మెంట్స్ అందుబాటులో ఉంచనున్నట్లు తెలియజేసింది. ఇంటర్వ్యూ అపాయింట్‌మెంట్‌ స్లాట్లను దశలవారీగా పెంచేందుకు ఏర్పాట్లు సాగుతున్నాయంది. ఈ ఏడాది సుమారు 8లక్షల వీసా దరాఖాస్తుల ప్రాసెసే లక్ష్యంగా యూఎస్ మిషన్ ముందుకు సాగుతుందని ఈ సందర్భంగా కాన్సులేట్ పేర్కొంది.

అమరావతి: ధాన్యం రైతుల దైన్యంపై ముఖ్యమంత్రి వైఎస్ జగన్‌మోహన్‌రెడ్డికి టీడీపీ జాతీయ ప్రధాన కార్యదర్శి నారా లోకేష్ లేఖ రాశారు. మద్దతు ధరతో ఖరీఫ్ ధాన్యం పూర్తిస్థాయిలో కొనుగోలు చేయాలని డిమాండ్ చేశారు.రాజన్న రాజ్యమంటేనే రైతన్న రాజ్యమని ఇచ్చిన భరోసా ఆచరణలో ఎక్కడా కనిపించడంలేదని విమర్శించారు. పొలాల వద్దే రైతుల నుంచి పంటలని మద్దతు ధరకు కొనుగోలు చేస్తామని ఇచ్చిన హామీ ఏమైందని ప్రశ్నించారు. ఈ ఏడాది ఖరీఫ్‌ సీజన్‌లో రైతాంగం నుంచి పూర్తిస్థాయిలో ధాన్యం కొనుగోలు జరపకుండానే రబీ కొనుగోలు కేంద్రాలను ప్రారంభించడం చాలా అన్యాయమన్నారు. ఖరీఫ్ ధాన్యం సగం కూడా కొనకుండానే రబీ కొనుగోలు కేంద్రాలను ఎలా ప్రారంభించారో అర్థం కావడంలేదని లేఖలో తెలిపారు. రబీ ధాన్యాన్ని పూర్తిస్థాయిలో కొంటున్నారంటే అదీ లేదని అన్నారు. రైతాంగం నుంచి 50 లక్షల టన్నుల ధాన్యాన్ని కొనుగోలు చేస్తామనే ప్రభుత్వ ప్రకటనకీ ఆమడదూరంలో కొనుగోళ్లు ఆపేశారని చెప్పారు. గతేడాదితో పోలిస్తే ఈ ఏడాది దాదాపు 7 లక్షల టన్నులకు పైగా ధాన్యం సేకరణ తగ్గిందన్నారు.అరకొర ధాన్యం కొనుగోలు చేసి రైతులకు రూ.1000 కోట్ల వరకూ బకాయిలు పెట్టేశారని చెప్పారు. క్వింటా ధాన్యానికి ప్రభుత్వం ప్రకటించిన మద్దతు ధర ఏ గ్రేడ్ రూ.1,960, సాధారణ రకం రూ.1,940గా నిర్ణయించినా రైతులకు ఆ మేరకు ధర దక్కడంలేదన్నారు. రైతుభరోసా కేంద్రాల ద్వారా కొనుగోలు చేయకపోవడం.. ఒకవేళ కొనుగోలు చేసినా సకాలంలో సొమ్ము ఇవ్వకపోవడంతో తప్పనిసరి పరిస్థితుల్లో మిల్లర్లు, దళారులకు క్వింటా 1300కు రైతులు ధాన్యాన్ని అమ్ముకుంటున్నారని తెలియజేశారు. రైతుభరోసా కేంద్రాలు పెట్టినా, ఈ-క్రాప్ బుకింగ్లో నిర్లక్ష్యంతో 70 శాతం మంది రైతులు ధాన్యం అమ్ముకోలేక తీవ్రంగా నష్టపోతున్నారన్నారు. రైతులకు అవగాహన కల్పించాల్సిన రైతుభరోసా కేంద్రాలు వైసీపీ సేవలో తరిస్తున్నాయని మండిపడ్డారు.పండించిన ధాన్యం కొనుగోలు జరగక, పెట్టుబడులకు తెచ్చిన అప్పులు వడ్డీలు పెరిగి రైతులు దయనీయ స్థితిలో తీవ్ర ఆందోళన చెందుతున్నారన్నారు. ఇప్పటికైనా ప్రభుత్వం ఖరీఫ్‌లో పండిన మొత్తం ధాన్యం పంటని మద్దతు ధరతో కొనుగోలు చేయాలని లేఖలో డిమాండ్ చేశారు. వేలకోట్లకు చేరిన ధాన్యం బకాయిలు తక్షణమే చెల్లించాలన్నారు. ఈ క్రాప్‌ బుకింగ్ గురించి రైతులకు అవగాహన కల్పించి అందరూ నమోదు చేసుకునేలా చేయాలన్నారు. రబీ సీజన్‌లోనైనా మొత్తం ధాన్యం కొనుగోలుకి ఏర్పాట్లు చేయాలని లోకేష్ లేఖలో పేర్కొన్నారు.

 యువత బైక్ ర్యాలీ తో ఆనం కు ఘన స్వాగతం...గొల్లపల్లి సెంటర్ నుండి జయంపు వరకు..బాలాయపల్లి మండల పర్యటన సందర్భంగా పెద్ద యెత్తున.. స్వాగత ర్యాలీ తో.. మాజీ మంత్రి వర్యులు వెంకటగిరి శాసన సభ్యులు శ్రీ ఆనం రామనారాయణ రెడ్డి గారిని స్వాగతిస్తూ.తమ అభిమానాన్ని చాటుకొన్న స్థానిక వైఎ్సార్సీపీ నాయకులు...తేదీ 28 ఏప్రిల్ 2022

 తిరుపతి జిల్లా  నాయుడుపేట

నాయుడుపేట లో శ్రీ శ్రీ పోలేరమ్మ అమ్మవారి జాతర మహోత్సవం

తిరుపతి జిల్లా నాయుడుపేటలో, శ్రీ శ్రీ శ్రీ పోలేరమ్మ అమ్మవారి జాతర మహోత్సవం ఘనంగా నిర్వహించారు నాయుడుపేటలో మునుపెన్నడూ లేని విధంగా జాతర మహోత్సవం ఘనంగా నిర్వహించిన దేవాదాయ శాఖ అధికారులు, వెంకటగిరి కనుపూరు, జాతర మహోత్సవం తలపించేలా నాయుడుపేట శ్రీ శ్రీ శ్రీ పోలేరమ్మ అమ్మవారి జాతర మహోత్సవం శాంతి భద్రతల నడుమ ప్రశాంతంగా జరుగుతుంది, నిన్న రాత్రి జరిగిన ఊరేగింపులో భక్తజనం అధిక సంఖ్యలో పాల్గొని ఊరేగింపు ఘనంగా నిర్వహించారు ఈ కార్యక్రమం ఇంతలా జరిగినందుకు నాయుడుపేట ప్రజలు మరియు చుట్టుపక్కల ప్రజలు అమ్మవారి దర్శనార్థం వచ్చి తమ తమ మొక్కులను తీర్చుకోలేని జాతర నిర్వహించిన తీరును,ప్రతి ఒక్కరు కూడా అభినందించారు, అలాగే నాయుడుపేట ఎస్ ఐ, సీఐ గార్ల ఆధ్వర్యంలో ఎలాంటి అవాంఛనీయ కార్యక్రమాలు జరగకుండా గట్టి బందోబస్తు తో అమ్మవారి కార్యక్రమం నిర్వహిస్తున్నారు ఈ జాతర మహోత్సవం లో, మునుపెన్నడు రాని విధంగా,  అధిక సంఖ్యలో భక్తులు వచ్చి తమ తమ మొక్కులను సంతోషంగా తీర్చుకున్నారు

 తిరుపతి జిల్లా  నాయుడుపేట

తిరుపతి జిల్లా నాయుడుపేటలో అంగరంగ వైభవంగా శ్రీ శ్రీ శ్రీ పోలేరమ్మ అమ్మవారి జాతర మహోత్సవం

తిరుపతి జిల్లా నాయుడుపేటలో గడియారం సెంటర్ వద్ద ఉన్న శ్రీ శ్రీ పోలేరమ్మ అమ్మవారు నాయుడుపేట నగర పురవీధుల్లో ఈరోజు జరగనున్న అమ్మవారి ఊరేగింపు వైభవంగా జరపబడును ఈ కార్యక్రమంలో భాగంగా బేరిపేట లక్ష్మయ్య మాట్లాడుతూ, అమ్మవారు నాయుడు పేట లోని బేరిపేట మహాలక్ష్మమ్మ గుడి దగ్గర నుండి ప్రారంభమై నాయుడుపేట పురవీధుల్లో అంగరంగ వైభవంగా మేళతాళాలతో, బాణాసంచా లా వేడుకలతో అమ్మవారిని నాయుడుపేట లోని గడియారం సెంటర్ వద్ద ఈరోజు రాత్రికి అమ్మవారి నిలుపు కార్యక్రమం జరుగుతుందని తెలియజేశారు ఈ కార్యక్రమంలో నాయుడుపేట ప్రజలు మరియు చుట్టుపక్కల గ్రామాల ప్రజలు అమ్మవారిని దర్శించుకుని అమ్మవారి కృపకు పాత్రులు కాగలరని ఆయన కోరారు

తండ్రి ప్రధమ వర్ధంతి వేడుకల్లో పాల్గొన్న మంత్రి కాకాణి....

                  దివంగత మహానేత.. తోడేరు పెద్దాయన.. రాష్ట్ర వ్యవసాయ శాఖా మంత్రి కాకాణి గోవర్ధన్ రెడ్డి తండ్రి కాకాణి రమణారెడ్డి ప్రథమ వర్ధంతి వేడుకలు  ఆయన స్వగ్రామమైన పొదలకూరు మండలం తోడేరు లో మంగళవారం జరిగాయి. ఈ వేడుకల్లో మంత్రి కాకాణి తన కుటుంబ సభ్యులతో పాటు పాల్గొన్నారు.  ఉదయం శాస్త్రోక్తంగా ప్రత్యేక పూజా కార్యక్రమాలు నిర్వహించారు.అనంతరం ఆయన తండ్రి కాకాణి రమణారెడ్డి ఘాట్ వద్దకు చేరుకొని పూలమాలవేసి నివాళులర్పించారు. కాకాణి రమణారెడ్డి గత ఏడాది మే నెల 7 వ తేదీన దివంగతులయ్యారు. తెలుగు  తిథుల ప్రకారం మంగళవారం  వర్ధంతి కావడంతో ఈ వేడుకలను జరిపారు. మండలంలోని పలువురు ప్రజా ప్రతినిధులు,అధికారులు, కాకాణి అభిమానులు రమణారెడ్డి చిత్రపటానికి పూలమాలలు వేసి నివాళులర్పించారు.

 సూళ్లూరుపేట మున్సిపాలిటీ పరిధి వాలంటీర్లకు సన్మానం మరియు
వైయస్సార్ సున్నా వడ్డీ పథకం చెక్కులు పంపిణి కార్యక్రమాన్ని చేపట్టిన స్థానిక ఎమ్మెల్యే కిలివేటి సంజీవయ్య.

తిరుపతి జిల్లా. సూళ్లూరుపేట  :  పట్టణంలోని స్థానిక రాఘవరెడ్డికల్యాణమండపం లో మున్సిపాలిటీ పరిధిలోని వాలంటీర్లకు సన్మాన కార్యక్రమం మరియు వైయస్ఆర్ సున్నా వడ్డీ చెక్కుల పంపిణీ కార్యక్రమం జరిగింది. ఈకార్యక్రమానికి స్థానిక ఎమ్మెల్యే కిలివేటి సంజీవయ్య
ముఖ్య అతిధిగా పాల్గొన్నారు. అనంతరం ఉత్తమ వాలంటీర్లకు సన్మానం చేసి
పురస్కారాలు అందజేశారు. అనంతరం 646 పొదుపు సంఘాలలోని 6558 మంది పొదుపు మహిళలకు 93 .38 లక్షలు చెక్కును ఎమ్మెల్యే చేతులు మీదుగా అందజేశారు.
 మున్సిపాలిటీ మరియు మెప్మా అద్వర్యం లో సంయుక్తంగా నిర్వహించిన
ఈ కార్యక్రమం లో మునిసిపల్ చైర్మన్ దబ్బల శ్రీమంత్ రెడ్డి,పట్టణ వైసీపీ
అధ్యక్షుడు కళత్తూరు శేఖర్ రెడ్డి, తహశీల్దార్ రవికుమార్,మునిసిపల్ కమిషనర్ నాగిశెట్టి నరేంద్ర కుమార్ , మెప్మా అధ్యక్షురాలు స్వప్న, మునిసిపల్
కౌన్సిలర్లు,వైసీపీ నేతలు పాల్గొన్నారు.

మూడేళ్ల వైసీపీ పాలనలో పలు రంగాల్లోని కార్మికులు రోడ్డున పడ్డారు

కార్మికుల సమస్యలపై తెలుగుదేశం పార్టీ పోరాడుతోంది, అవసరమైతే వారికి అండగా తెలుగుదేశం పార్టీ నిలుస్తుంది

నెల్లూరు నగరంలోని టీడీపీ జిల్లా కార్యాలయంలో మంగళవారం నెల్లూరు కార్పొరేషన్ పరిధిలోని 20వ డివిజన్ కు చెందిన వైసీపీ నాయకులు శివారెడ్డి, కిషోర్, రాజా మిత్రబృందం, కార్మిక నాయకుల అంతా కలిసి టీడీపీ పొలిట్ బ్యూరో సభ్యులు, మాజీ మంత్రివర్యులు సోమిరెడ్డి చంద్రమోహన్ రెడ్డి సమక్షంలో నెల్లూరు పార్లమెంటరీ టీడీపీ అధ్యక్షులు, మాజీ నగర మేయర్ హాజీ షేక్ అబ్దుల్ ఆధ్వర్యంలో తెలుగుదేశం పార్టీలో భారీగా చేరారు 

తెలుగుదేశం పార్టీలో చేరిన వారందరికీ పార్టీ కండువాలు కప్పి సాదరంగా ఆహ్వానం పలికారు


వైసీపీ ప్రభుత్వం అధికారంలోకి వచ్చిన తర్వాత కొన్ని రంగాల్లోని కార్మికులు జీవన ఉపాధి కోల్పోయి నాశనం అయిపోయారు   క్రషర్, రోడ్డు, భవన, బ్రిడ్జి, ఇరిగేషన్, ఆర్ అండ్ బి, పంచాయతీ రాజ్ తదితర రంగాల్లోని కార్మికులకు పనులు లేక తీవ్ర ఇబ్బందులు పడుతున్నారు  ఆయా రంగాలకు  వైసీపీ ప్రభుత్వం నిధులు మంజూరు చేయకపోవడం వల్లే నేడు ఆయా రంగాల్లో పనిచేసే కార్మికుల పరిస్థితి దయనీయంగా మారింది  చివరకు ఆయా రంగాల్లో పనులు లేక కొంత మంది కార్మికులు నిరాశ్రయులుగా మారిపోయారు   వైసీపీ ప్రభుత్వం నిరుద్యోగులకు ప్రభుత్వ ఉద్యోగాలు ఇవ్వదు.. ప్రైవేటు రంగంలో డ్రైవర్లుగా పని చేసేవారికి ఉపాధి అవకాశం లేకుండా చేస్తున్నారు... ఇదెక్కడి న్యాయం

గత టీడీపీ ప్రభుత్వం హయాంలో నారా చంద్రబాబు నాయుడు ముఖ్యమంత్రిగా ఆయా రంగాలకు నిధులు మంజూరు చేసి లక్షలాది కార్మికులకు పని ( జీవన ఉపాధి ) కల్పించి తలెత్తి బ్రతికేలా చేశారు  నేడు వైసీపీ ప్రభుత్వంలో అందుకు విరుద్ధంగా ఆయా రంగాల్లోని కార్మికులు బ్రతుకుతున్నారు   ప్రతి ఒక కార్మికుడు టీఎన్ టీయుసీలో చేరి వారి హక్కులపై పోరాడాలి  టీఎన్ టీయుసీ ( తెలుగు నాడు ట్రేడ్ యూనియన్ కౌన్సిల్ )ని మరింత బలోపేతం చేసి పటిష్ట పరచాలి.

గణిత శాస్త్రవేత్త  శ్రీ  శ్రీనివాస రామానుజన్ అయ్యంగారి సేవలు చిరస్మరణీయం

సామాజిక కార్యకర్త డోన్ పి. మహమ్మద్ రఫి

ఏప్రిల్ 26  ప్రపంచ ప్రఖ్యాత గణిత శాస్త్రవేత్త  శ్రీ శ్రీనివాస రామానుజన్ అయ్యంగారి వర్థంతి  సందర్బంగా

డోన్ పట్టణంలో యన్ యన్ కాలనీలోని యం పి పి యస్  స్కూల్ నందు సామాజిక కార్యకర్త డోన్ పి. మహమ్మద్ రఫి ఆధ్వర్యం లో  స్కూల్ ఇంచార్జ్ హెచ్ యం యస్. అబ్దల్ రహీమ్, కె. కాశీ రామేశ్వరి అద్యక్షతన శ్రీ  శ్రీనివాస రామానుజన్ గారి వర్థంతి  సందర్బంగా ఆయన చిత్ర పటానికి పూలమాల వేసి ఘణంగా నివాళి అర్పించారు.  వారిని స్మరించుకున్నారు.
ఈ కార్యక్రమంలో ఉపాద్యాయురాలు  కె. కాశీ రామేశ్వరి,  విద్యార్థులు పాల్గొన్నారు.
ఈ సందర్బంగా స్కూల్ ఇంచార్జ్ హెచ్ యం యస్. అబ్దల్ రహీమ్, కె. కాశీ రామేశ్వరి, సామాజిక కార్యకర్త డోన్ పి. మహమ్మద్ రఫి లు మాట్లాడుతూ
మన దేశ స్వాతంత్య్ర సమరయోధులను, శాస్త్రవేత్తలను ,మహనీయులను, సమాజానికి సేవలు అందించిన ప్రతి ఒక్కరిని స్మరించుకుంటూ వారి అడుగుజాడల్లో నడవాలని సామాజిక కార్యకర్త డోన్ పి.మహమ్మద్ రఫి  కోరారు
శ్రీ శ్రీనివాస రామానుజం గారు డిసెంబర్ 22, 1887
జన్మించారు. భారతదేశానికి చెందిన గణిత శాస్త్రవేత్త. 20వ శతాబ్దంలో ప్రపంచ ప్రఖ్యాతి గాంచిన గొప్ప గణిత మేధావులలో ఒకరు. ఇతడికి పది సంవత్సరాలవయసులోనే గణితశాస్త్రంతో
అనుభందం ఏర్పడింది. చిన్న వయసులోనే గణితం పట్ల  ప్రతిభ కనపరిచేవాడు. ఆ వయసులోనే ఎస్ ఎల్ లోనీ త్రికోణమితి మీద రాసిన పుస్తకాలను వంటపట్టించుకున్నాడు. పదమూడు సంవత్సరాలు నిండే సరికల్లా ఆ పుస్తకాన్ని ఔపోసన పట్టడమే కాకుండా తన సొంతంగా సిద్ధాంతాలు కూడా రూపొందించడం ప్రారంభించారు. భారత ప్రభుత్వం  సంఖ్యా శాస్త్రంలో ఆయన చేసిన విశేష కృషిని కొనియాడుతూ స్మారక తపాలా బిళ్ళను విడుదల చేసింది. అలాగే రామానుజన్ పుట్టినరోజును జాతీయ గణిత దినోత్సవంగా ప్రకటించారు. శ్రీ శ్రీనివాస రామానుజన్ అయ్యంగార్ ఏప్రిల్ 26, 1920 స్వర్గస్తులైనారు. ఇలాంటి మహానుభావులను ఎల్లవేళల  స్మరించుకుంటు వారి అడుగుజాడలలో నడవాలని సామాజిక కార్యకర్త డోన్ పి. మహమ్మద్ రఫి, స్కూల్ ఇంచార్జ్ హెచ్ యం యస్. అబ్దల్ రహీమ్ కోరారు.
అలాగే సామాజిక కార్యకర్త డోన్ పి. మహమ్మద్ రఫి విద్యార్థులకు  ఆరోగ్యం పై  అవగాహణ కలిపించారు. ఆరోగ్యం పై జాగ్రత్తగా ఉండాలని, చేతులు శుభ్రంగా కడుక్కోవాలని ,తుమ్మినప్పుడు దగ్గినప్పుడు ముక్కు,నోటికి చేతిరుమాలు అడ్డం పెట్టుకోవాలని ,నీళ్ళు శరీరాని తగ్గట్టుగా త్రాగాలని, ముఖ్యంగా పిల్లలు జంక్ ఫుడ్ తినరాదని, తగిన సమయం నిద్రపోవాలని, బహిరంగ ప్రదేశాలలో ఉమ్మి వేయకూడదని, జ్వరం వచ్చిందంటే ప్రభుత్వ వైద్యశాలలో వైద్యనిపుణులను సంప్రదించి చికిత్స చేయించుకోవాలని  తెలిపారు.

నెల్లూరు జిల్లా... బుచ్చి   

బుచ్చి మండలం ఆర్ ఆర్ నగర్ వద్ద జాతీయ రహదారిపై రోడ్డు ప్రమాదం.. నెల్లూరు నుండి బుచ్చిరెడ్డిపాలెం వస్తున్న ఆటోను ముందువైపు ఢీ కొట్టిన కారు.. డ్రైవర్ తో పాటు ఆటోలో ప్రయాణిస్తున్న నలుగురికి తీవ్ర గాయాలు... క్షతగాత్రులను నెల్లూరు ప్రభుత్వ ఆసుపత్రికి తరలించిన 108 సిబ్బంది... ఘటనా స్థలాన్ని పరిశీలించిన ఎస్ఐ వీర ప్రతాప్.....

జాతీయ రహదారి పై బద్దెవోలు  ఆదిశంకరా కాలేజీ మధ్యలో బోల్తా పడ్డ ట్రక్  భారీగా ట్రాఫిక్ జామ్

నిదనాంగా కదులుతున్న వాహనాలు

నిమిషాలలో స్పందించిన గూడూరు రూరల్ ఎస్సై బ్రహ్మనాయుడు,లారీని పక్కకు తొలగించి ట్రాఫిక్ క్రమబద్దీకరణ

ఆదిశంకరా కాలేజీ దాటాక జాతీయ రహదారిపై లారీ బోల్తా కొట్టడంతో కొద్దిసేపు ట్రాఫిక్ జామ్ అయింది..సమాచారం అందుకున్న గూడూరు రూరల్ ఎస్సై బ్రహ్మనాయియుడు తన సిబ్బందితో   నిమిషాల్లో సంఘటన స్థలానికి చేరుకుని ట్రాఫిక్ ని క్రమ బద్దీకరించారు...

 హిందూపురం శాసనసభ్యులు, ప్రముఖ సినీ నటులు, శ్రీ నందమూరి బాలకృష్ణ కి మోకాలి శస్త్రచికిత్స  విజయవం తమైందని హైదరాబాద్ కేర్ ఆసుపత్రి వైద్యులు ప్రకటించారు   మైనర్ సర్జరీ అని, కొన్నిరోజులు ఇంటివద్ద విశ్రాంతి తీసుకొంటే సరిపోతుందని వైద్యులు సూచించారు
 

 కావలి మున్సిపల్ కమిషనర్  శివా రెడ్డి గారికి
పవిత్ర రంజాన్  పండుగ  సందర్భంగా   తుఫాన్ నగర్ ఈద్గా నందు  
కరోనా కారణంగా గత రెండు సంవత్సరాల నుంచి ఈద్ నమాజ్ నిర్వహించ నందున  ఈద్గా పరిసర ప్రాంతంలో
ఈద్ నమాజ్  నిర్వహణకు సౌకర్యాలు కల్పించాలని   మున్సిపల్ కమిషనర్ గారికి వినతి పత్రం ఇవ్వడం జరిగింది
ఈ కార్యక్రమంలో  YSR CP  పట్టణ ప్రధాన కార్యదర్శి  షేక్ నాయబ్ రసూల్  18వ వార్డు ఇంచార్జ్  షేక్ అబ్దుల్లా  వాయిస్ ఆఫ్ ముస్లిం అధ్యక్షులు మొగల్ సలీం బేగ్  జామియా మసీద్   ఆష్  కమిటీ సభ్యులు  షేక్ రషీద్   షేక్  రియాజ్  మన్సూర్  గౌస్ ఖాన్  భాషా  తదితరులు పాల్గొన్నారు