నెల్లూరు జిల్లాలోని జడ్పిటిసి స్థానాల్లో వైఎస్సార్ కాంగ్రెస్ పార్టీ ఘన విజయం

నెల్లూరు జిల్లాలోని  జడ్పిటిసి స్థానాల్లో వైఎస్సార్ కాంగ్రెస్ పార్టీ ఘన విజయం

 రవికిరణాలు నెల్లూరు :

ముఖ్యమంత్రి వైఎస్ జగన్మోహన్ రెడ్డి నాయకత్వంలో నెల్లూరు జిల్లాలోని 46 జడ్పిటిసి స్థానాల్లో వైఎస్సార్ కాంగ్రెస్ పార్టీ ఘన విజయం సాధించిందని వైఎస్ఆర్ కాంగ్రెస్ పార్టీ జిల్లా అధ్యక్షుడు సర్వేపల్లి ఎమ్మెల్యే కాకాని గోవర్ధన్ రెడ్డి పేర్కొన్నారు. నెల్లూరు నగరంలోని వైఎస్ఆర్ కాంగ్రెస్ పార్టీ కార్యాలయంలో ఆదివారం ఏర్పాటు చేసిన విలేకరుల సమావేశంలో ఆయన మాట్లాడారు.

రాష్ట్రవ్యాప్తంగా అన్ని స్థానాల్లో క్లీన్ స్వీప్ చేసామని గర్వ పడకుండా అన్ని సామాజిక వర్గాలకు సమతూకం పాటించి పదవులు అప్పగించామని కాకాని పేర్కొన్నారు.... రాజకీయ పార్టీలో కష్టపడి పనిచేసే ప్రతి ఒక్కరూ పదవి ఆశించడం జన్మ హక్కు అన్నారు...

నెల్లూరు జిల్లాలో మొత్తం 46 మండలాలకు సంబంధించి 44 మండలాల్లో వైయస్సార్ కాంగ్రెస్ పార్టీ అభ్యర్థులు ఇప్పటికే ఎంపీపీగా పదవులు చేపట్టారన్నారు. మిగిలిన రెండు మండలాల్లో వైయస్సార్ కాంగ్రెస్ పార్టీ నేతల్లోనే పదవి కోసం ఎక్కువ మంది ఆశించడం వల్ల ఇరువురు నేతలను సమన్వయం చేసి ఆ రెండు ఎంపీ స్థానాల్లో ఏర్పడిన సమస్యను కూడా పరిష్కరిస్తామని అన్నారు. పార్టీ కోసం నిరంతరం శ్రమిస్తున్న వారు పదవిని ఆశించడంలో తప్పు ఏమీ లేదన్నారు