సర్వేపల్లి లో అక్రమ మైనింగ్ మాఫియా
ఎమ్మెల్యే కాకాని ఏం సమాధానం చెబుతారు
అక్రమ మైనింగ్ పై కేసు నమోదు చేసి మీ నిజాయితీ నిరూపించుకోవాలి
కాకాని గట్టిగా మాట్లాడినంత మాత్రాన నిజాలు కావు
టిడిపి నేత అబ్దుల్ అజీజ్ ధ్వజం
సర్వేపల్లి నియోజకవర్గం లో మైనింగ్ మాఫియా ఆగడాలు రోజురోజుకు పెట్రేగి పోతున్నాయని టిడిపి నెల్లూరు పార్లమెంట్ అధ్యక్షుడు అబ్దుల్ అజీజ్ తీవ్రస్థాయిలో ధ్వజమెత్తారు. వెంకటాచలం పోలీస్ స్టేషన్లో సోమవారం ఆయన మాట్లాడుతూ ఒక్క సర్వేపల్లి నియోజకవర్గంలో మాత్రమే పదేపదే అక్రమ మైనింగ్ జరుగుతోందని విమర్శించారు. స్థానిక ఎమ్మెల్యే కాకాని కి తెలియకుండా ఏమీ జరగదని ఆయన కనుసన్నల్లోనే ఈ దందా జరుగుతుందని విమర్శించారు..
సర్వేపల్లి నియోజకవర్గ పరిధిలోని ఈదగాలి, సర్వేపల్లి, కంటేపల్లి, కసుమూరు తదితర ప్రాంతాల్లో మైనింగ్ జరుగుతుందని వందలాది ట్రాక్టర్లు మట్టి , గ్రావెల్ తరలిపోతోంది అని విమర్శించారు. కంటే పల్లి లో మట్టి తవ్వకాలను అడ్డుకునేందుకు స్థానికులను టిడిపి నేతలను అరెస్టు చేసి స్టేషన్ లో ఉంచటం దుర్మార్గమన్నారు వారిని వెంటనే విడుదల చేయాలని డిమాండ్ చేశారు..
సర్వేపల్లి ఎమ్మెల్యే కాకాని గోవర్ధన్ రెడ్డి గట్టిగా మాట్లాడితే అబద్ధం నిజం అయిపోదన్నారు. నిషిద్ద భూముల్లోని మట్టి తవ్వకాలు ఎలా చేస్తారని ఆయన ప్రశ్నించారు.. సర్వేపల్లి ఎమ్మెల్యే కాకాని గోవర్ధన్ రెడ్డి కి ఏ మాత్రం నిజాయితీ ఉన్న వెంకటాచలం కి వచ్చి అక్రమ తవ్వకాలు చేస్తున్న వారిపై కేసు నమోదు చేయాలని డిమాండ్ చేశారు. అక్రమ మైనింగ్ చేస్తున్న వారు ఏ పార్టీకి సంబంధించిన వారైనా కఠిన చర్యలు తీసుకోవాలన్నారు
Post a Comment