స్కిల్ డెవలప్మెంట్ సెంటర్ లో నిర్వహిస్తున్న కంట్రోల్ కేంద్రాన్ని తనిఖీ. నగర పాలక సంస్థ కమిషనర్ దినేష్ కుమార్

ఈరోజు అనగా తే 16-06-21 ది బుధవారం నాడు నగర పాలక సంస్థ కమిషనర్ దినేష్ కుమార్ స్థానిక చేపల మార్కెట్ సమీపంలోని స్కిల్ డెవలప్మెంట్ సెంటర్ లో నిర్వహిస్తున్న కంట్రోల్ కేంద్రాన్ని తనిఖీ చేసారు. ఈ సందర్భంగా అక్కడ విధులు నిర్వహిస్తున్న శానిటేషన్ కార్యదర్శులతో సమీక్షించారు. నగరంలో జరుగుతున్న ప్రత్యేక పారిశుద్ధ్య నిర్వహణను కంట్రోల్ కేంద్రం ద్వారా అనునిత్యం పర్యవేక్షించాలని, అపరిష్కృతంగా ఉన్న ప్రజా సమస్యలను తన దృష్టికి తీసుకురావాలని కార్యదర్శులకు కమిషనర్ సూచించారు. అనంతరం స్థానిక ఉమ్మారెడ్డి గుంట, వెంకటేశ్వర పురం ప్రాంతాల్లో జరుగుతున్న పారిశుద్ధ్య నిర్వహణ పనులను కమిషనర్ అధికారులతో కలిసి పర్యవేక్షించారు. ఈ కార్యక్రమంలో నగరపాలక సంస్థ ఆరోగ్య శాఖాధికారి డాక్టర్ వెంకటరమణ పాల్గొన్నారు.