మిస్సింగ్ కేసు ను ఛేదించిన పోలీసులు*

*💥నెల్లూరు జిల్లాలో మాయమై హైదరాబాద్‌లో ప్రత్యక్షం..* 

 *💥ఆ ఐదుగురి మిస్సింగ్ మిస్టరీలో ట్విస్ట్‌లు* 

 *💥 మిస్సింగ్ కేసు ను ఛేదించిన పోలీసులు*

:ఏపీలో సంచలనంరేపిన ఐదుగురు మిస్సింగ్ మిస్టరీ వీడింది. నెల్లూరు జిల్లా వెంకటగిరి సమీపంలో మాయమైన ఐదుగురు హైదరాబాద్‌లో ప్రత్యక్షమయ్యారు. స్పెషల్ టీమ్‌లను రంగంలోకి దించిన పోలీసులు.. భాగ్యనగరంలో ఇద్దరు మహిళలు, ముగ్గురు చిన్నారుల్ని గుర్తించారు. వారిని హైదరాబాద్ నుంచి వెంకటగిరికి తరలిస్తున్నారు. మూడు రోజులుగా వారు కనిపించకపోవడంతో టెన్షన్ పడిన కుటుంబ సభ్యులు ఊపిరి పీల్చుకున్నారు.. ఈ మిస్సింగ్ మిస్టరీకి తెరపడింది.* 

 *నెల్లూరు జిల్లా వెంకటగిరి మండలం జీకేపల్లికి చెందిన కృష్ణయ్య, సుధాకర్‌ అన్నదమ్ములు. వీరిద్దరు బంధువులైన వారినే పెళ్లి చేసుకున్నారు. కృష్ణయ్యకు భార్య విజయ, ఇద్దరు కుమార్తెలు ఉన్నారు. సుధాకర్‌కు భార్య సుప్రియ, కుమార్తె సురేఖ ఉన్నారు. కృష్ణయ్య చిన్న కూతురు దివ్యశ్రీకి అనారోగ్యంగా ఉండటంతో ఇద్దరు మహిళలు ముగ్గురు పిల్లలతో కలిసి సోమవారం మధ్యాహ్నం గ్రామంలోని పీహెచ్‌సీకి తీసుకు వెళ్లారు.. డాక్టర్లు ఓపీ తేవాలని చెప్పారు. కానీ ఆలస్యం కావడంతో పీహెచ్‌సీలో నెబ్యులైజర్‌ సౌకర్యం లేదని చెప్పారు.. ఆ వెంటనే వారు ప్రైవేట్ ఆస్పత్రికి వెళ్తామని చెప్పారు.* 

 *ఐదుగురు ఆటోలో వెళుతున్నామని అక్కడే ఉన్న గ్రామస్థులతో చెప్పారు. అలా బయటకు వెళ్లిన వీరు.. రాత్రి వరకూ ఇళ్లకు చేరకపోవడంతో కుటుంబ సభ్యులు ఆందోళన చెందారు. కృష్ణయ్య, సుధాకర్‌ బంధువులతో కలిసి స్థానికంగా వెతికారు. ఫలితం లేకపోవడంతో పోలీసులకు ఫిర్యాదు చేశారు. మొత్తం ఆరు బృందాలతో గాలింపు చర్యలు చేపట్టారు. వీరు మొబైల్స్‌ను ఇంట్లోనే పెట్టి వెళ్లారు. మూడు రోజుల తర్వాత వీరి ఆచూకీ హైదరాబాద్‌లో దొరికింది.*