స్థానిక సంస్థల ఎన్నికలపై క్లారిటీ ఇచ్చిన మంత్రి అనిల్
ఆంధ్రప్రదేశ్‌లో స్థానిక సంస్థల ఎన్నికల వ్యవహారంపై చర్చ హాట్‌హాట్‌గా సాగుతోంది... అయితే, స్థానిక సంస్థల ఎన్నికలు ఇప్పుడు నిర్వహించడం కుదరదని అని స్పష్టం చేశారు మంత్రి అనిల్ కుమార్ యాదవ్.. విజయవాడలో ఇవాళ మీడియాతో మాట్లాడిన ఆయన.. కరోనా కారణంగా ప్రస్తుతం రాష్ట్రంలో స్థానిక సంస్థల ఎన్నికల నిర్వహణ సాధ్యం కాదన్నారు.. ఇంకా, రాష్ట్రంలో కరోనావైరస్‌ నియంత్రణలోకి రాలేదని తెలిపారు.. ఇక, స్థానిక సంస్థల ఎన్నికల నిర్వహణ విషయమై ప్రభుత్వంతో ఎన్నికల సంఘం చర్చించాలని సూచించిన మంత్రి అనిల్.. ఎన్నికల కమిషన్‌ ఏకపక్షంగా నిర్ణయాలు తీసుకోడం కుదరదు అన్నారు.. ఎన్నికల కమిషన్‌, ప్రభుత్వం సమన్వయంతో ముందుకెళ్లినప్పుడే నిర్ణయం తీసుకునేందుకు వీలవుతుందన్నారు... అంతేకాదు.. చంద్రబాబు చెప్పినట్టుగా ఇక్కడ ఏమీ జరగదు అన్నారు మంత్రి అనిల్. కాగా, స్థానిక సంస్థల ఎన్నికలపై అధికార, ప్రతిపక్షాల మధ్య మాటల యుద్ధం కొనసాగుతోన్న సంగతి తెలిసిందే..
Post a Comment