Ravikiranalu TV

పోర్టు దేశంలోనే పేరు తెచ్చుకోవాలి

నెల్లూరు ఎంపీ ఆదాల ప్రభాకర్ రెడ్డి పిలుపు

ముత్తుకూరు, డిసెంబర్‌ 29, (రవికిరణాలు) : కృష్ణపట్నం పోర్టు యాజమాన్యం దేశంలోనే మంచి పేరు తెచ్చుకోవాలని నెల్లూరు ఎంపీ ఆదాల ప్రభాకర్ రెడ్డి పిలుపునిచ్చారు. ఆదివారం కృష్ణపట్నం పోర్టును ముగ్గురు ఎంపీలు సందర్శించారు.ఈ సందర్భంగా ఎంపి మాట్లాడుతూ కృష్ణపట్నం పోర్టు తో మొదటి నుంచి తనకు ఎంతో అనుబంధం ఉందని గుర్తు చేశారు.ఇక్కడ అభివృద్ధి అంతా అడుగడుగునా చూశానని తెలిపారు. కృష్ణపట్నం పోర్టు చేసిన అభివృద్ధిని చూస్తే సంతోషం కలుగుతుందని తెలిపారు. కృష్ణపట్నం పోర్టు యాజమాన్యం వృత్తి నైపుణ్యత కోసం ఎన్నో కోర్సులను ఏర్పాటు చేసి, ఎందరికో ఉపాధి కల్పించిందని ప్రశంసించారు.
అలాగే రక్షణ విషయంలోనూ ఎంతో క్రమశిక్షణ కలిగి మంచి ప్రమాణాలు పాటిస్తుందని కితాబునిచ్చారు. కోర్టు ద్వారా చుట్టుపక్కల ప్రాంతాలు ఎంతో అభివృద్ధి చెందాయని ప్రశంసించారు. ఉద్యోగ నియామకాల్లో కూడా ఎక్కడా ఎటువంటి వివాదాలు లేవని, అది యాజమాన్యం తీసుకున్న జాగర్తలు, చేసినటువంటి కృషి అని కొనియాడారు. అలాగే కృష్ణపట్నం పోర్టు వల్ల స్థానికులు ఎంతో మందికి ఉద్యోగాలు లభించాయని, ఎన్నో
కుటుంబాల్లో ఆనందం నిండిందని తెలిపారు. మున్ముందు ఈ పోర్టు ఇంకా ఎంతో అభివృద్ధి చెందాలని ఆశాభావం వ్యక్తం చేశారు. ఈ కార్యక్రమంలో తిరుపతి ఎంపి బల్లి దుర్గాప్రసాద్, అనంతపురం ఎంపీ తలారి రంగయ్య లు కూడా పాల్గొని పోర్టు కార్యకలాపాలను ప్రశంసిస్టు మాట్లాడారు. అంతకుముందు ముగ్గురు ఎంపీలకు పోర్టు సీఈవో అనిల్ ఎండ్లూరి, ఎండి రాజేంద్ర ప్రసాద్, పిఆర్ ఓ వేణుగోపాల్, పోర్టు రక్షణ సిబ్బంది స్వాగతం పలికారు. ఆ తర్వాత ఓపెన్ టాప్ జీపులో ఎంపీలు ముగ్గురు రక్షణ సిబ్బంది కవాతును పరిశీలించారు. ఆ తర్వాత గౌరవ వందనం స్వీకరించారు. ఈ కార్యక్రమంలో మహిళా రక్షణ సిబ్బంది, డాగ్ స్క్వాడ్ కూడా
పాల్గొన్నాయి. ముగ్గురు ఎంపీలు కలిసి పో ర్టు ఏర్పాటు చేసిన ఛాయాచిత్ర ప్రదర్శనను తిలకించారు. పోర్టులో రక్షణ ఏర్పాట్ల గురించి ఎండి రాజేంద్ర ప్రసాద్ వివరించారు. పోర్టును సందర్శించిన ప్రముఖుల ఛాయాచిత్రాలను కూడా వారికి చూపించారు.ముగ్గురు ఎంపీలు, విజయ డైరీ చైర్మన్ రంగా రెడ్డి మొక్కలు నాటారు. ఈ కార్యక్రమంలో విజయ డైరీ ఛైర్మన్ రంగారెడ్డి, స్వర్ణ వెంకయ్య, సుధాకర్ రెడ్డి, అబూబకర్, పాముల హరి, నరసింహారావు, డాక్టర్ సునీల్ తదితరులు పాల్గొన్నారు. అనంతరం పోర్టు సందర్శన సాగింది. పోర్టు సీఈఓ అనిల్ ఎండ్లూరి పొర్టులొని సాంకేతికత,పరిశుభ్రత,మొక్కల పెంపకం,కమాండ్ కంట్రోల్ రూమ్ లను
చూపించి వివరించారు.

ఎరువులు వినియోగం, సస్యరక్షణ పై అవగాహన సదస్సు

వెడిచర్ల, డిసెంబర్ 29,(రవికిరణాలు) : ఆదివారం వెడిచర్ల గ్రామంలో ఎరువులు వినియోగం, సస్యరక్షణ చర్యలు పైన అవగాహన కార్యక్రమం నిర్వహించబడినది. ఈ కార్యక్రమంలో గ్రామ వ్యవసాయ సహాయకులు కె.శివ మాట్లాడుతూ వరిలో రైతులు పై పాటుగా కాంప్లెక్స్ ఎరువుల వాడకాన్ని తగ్గించాలని లేని యెడల నత్రజని శాతం అధికమై పంట అగ్గితెగులు,పాముపొడ, బాక్టీరియా ఎండు తెగుళ్లకు అలాగే తెల్ల తెగులు, దోమ వంటి పురుగులకు నిలయమవుతుందని తద్వారా రైతుకు సాగు ఖర్చు పెరగడమే కాకుండా పండించే పంట కూడా విషతుల్యం అవుతుందని, కాబట్టి రైతులందరూ భూసార పరీక్ష విశ్లేషణ పత్రాల ఆధారంగా ఎరువులు వాడాలని ఆయన సూచించారు.అనంతరం రైతులకు వరిలో ఆయా దశలలో వాడవలసిన ఎరువుల, పురుగుమందుల మోతాదులు, అలాగే పురుగు మందులు స్ప్రే చేసే సమయంలో తీసుకోవాల్సిన జాగ్రత్తలను ఆయన చార్టులు ద్వారా వివరించారు. ఈ కార్యక్రమంలో స్థానిక వైసిపి నాయకులు బాబు రెడ్డి, గ్రామ రైతులు పాల్గొన్నారు..

స్థానిక సమస్యలను వెంటనే పరిష్కరించాలి - మంత్రి పి.అనీల్‌

నెల్లూరు, డిసెంబర్‌ 29, (రవికిరణాలు) : నెల్లూరు నగరంలోని 5వ డివిజన్ బోడిగాడితోట, సత్యనారాయణపురం, వైకుంటపురం ప్రాంతాలలో రాష్ట్ర జలవనరుల శాఖ మంత్రి డాక్టర్ పి.అనిల్ కుమార్ అధికారులతో కలిసి పర్యటించి స్థానిక సమస్యలను అడిగి తెలుసుకొని, వెంటనే సమస్యలను పరిష్కరించాలని అధికారులకు సూచించారు. ఈ కార్యక్రమంలో వై.ఎస్.ఆర్.సి.పి నాయకులు ముక్కాల ద్వారకనాథ్, ఓబిలి రవిచంద్ర, ఎ.శోభన్ బాబు, లెక్కల వెంకారెడ్డి, సానా నారాయణరెడ్డి, సానా శ్రీహరిరెడ్డి, సిద్ధు రమణా రెడ్డి, కాశిరెడ్డి, వెంకటేశ్వర్లు రెడ్డి, సునీల్, సంక్రాంతి కళ్యాణ్, పోలంరెడ్డి వెంకటేశ్వర్లు రెడ్డి, దార్ల వెంకటేశ్వర్లు, ఎర్రంరెడ్డి మాధవరెడ్డి, వంగాల శ్రీనివాసులు రెడ్డి, తదితరులు పాల్గొన్నారు.

మాంసం మాఫియా... రోజుల తరబడి నిల్వ..

చైన్నై నుంచి లివర్,కందనకాయ దిగుమతి చేస్తున్న దుకాణదారులు

అధికారులు తనిఖీ శూన్యం

పొదలకూరు,డిసెంబర్ 29,(రవికిరణాలు) : దుకాణాలలో మాంసం విక్రయదారులు అత్యాశకు పోయి నాణ్యతలేని నిల్వ ఉంచిన మాంసాన్ని అంటగడుతున్నారు. అదేవిధంగా చెన్నై నుంచి నిల్వ ఉంచిన లివర్,కందనకాయ వంటివి దుకాణాదారులు దిగుమతి చేసుకుంటున్నారు. అలాగే కొన్ని దుకాణాలలో రోగాలతో మృత్యువాత పడుతున్న కోడిమాంసాన్ని నిల్వ చేసి మరి విక్రయిస్తున్నారు. ఎలాంటి అనుమానం రాకుండా ఈ తంతు నిర్వహిస్తున్నారు. దీనితో ప్రజలు రోగాల బారిన పడుతున్నారు.ఈ విధంగా ఉంటే తనిఖీ చేయాల్సిన అధికారులు వాటి వైపు కన్నెత్తి చూసిన దాఖలాలు లేవు.ఇకనైనా అధికారులు మేల్కోని మాంసం మాఫియాకి అడ్డుకట్ట వేయాలని ప్రజలు కోరుకుంటున్నారు

సీమాంధ్ర బిసి సంక్షేమ సంఘం నాయకులకు గుర్తింపు కార్డులు పంపిణీ

నెల్లూరు, డిసెంబర్‌ 29, (రవికిరణాలు) : సీమాంధ్ర బిసి సంక్షేమ సంఘం రాష్ట్ర కార్యవర్గం, జిల్లా కార్యావర్గంలోని నాయకులకు రాష్ట్ర జలవనరుల శాఖా మంత్రి పి.అనీల్‌ కుమార్‌ యాదవ్‌ చేతుల మీదుగా సంఘం యెుక్క గుర్తింపు కార్డులను ఇవ్వడం జరిగినది. మంత్రి నివాసం వద్ద రాష్ట్ర ఉపాధ్యక్షులు కె.వెంకటేశ్వరరావు, రాష్ట్ర ప్రదాన కార్యదర్శి కె.శ్రీనివాసులు, రాష్ట్ర కార్యదర్శి జి.చంద్రశేఖర్‌, మహిళా విభాగం రాష్ట్ర ప్రధాన కార్యదర్శి డి.పద్మజ, జిల్లా అధ్యక్షులు కె.శ్రీదేవి, జిల్లా ఉపాధ్యక్షులు కె.వెంకటేశ్వర్లు, సిహెచ్‌ హనుమంతురావు, టి.శివశంకర్‌, ఎన్‌.మోహన్‌రెడ్డి జిల్లా కార్యదర్శులు కె.జయరామరాజు, పి.విజయకుమార్‌ తదితరులకు గుర్తింపు కార్డులు యివ్వడం జరిగింది. ఈ సందర్భంగా రాష్ట్ర అద్యక్షులు వుల్లిపాయల శంకరయ్య మాట్లాడుతూ గుర్తింపు కార్డుల ద్వారా ప్రబుత్వ అధికారులను ప్రజాప్రతినిధులను కలిసి బిసి ప్రజల సమస్యలు పరిష్కరించవలసినదిగా తెలిపారు. రాష్ట్రంలో బిసి హామీలను 80శాతం నెరవేర్చే విధంగా జగన్‌మోహన్‌ రెడ్డి ప్రభుత్వం చేయడం హర్షణీయమని అన్నారు. రాష్ట్రం అన్ని ప్రాంతాల అబివృద్దికి రాష్ట్ర ముఖ్యమంత్రి వైఎస్‌ జగన్‌మోహన్‌రెడ్డి చేస్తున్న నిర్ణయాలను కొన్ని పార్టీలు రాజకీయం చేయడం తగదన్నారు. ప్రాంత విభేదాలు లేకుండా అన్ని ప్రాంతాల అబివృద్దికి కృషి చేయడం అబినందనీయమని అన్నారు. రాయలసీమ, ఉత్తరాంధ్ర జిల్లా అభివృద్దికి మంచి నిర్ణయాలు తీసుకుంటున్న రాష్ట్ర ముఖ్యమంత్రిని అవ్యదా భావించరాదని రాజధాని ప్రాంత ప్రజలకు తెలియజేస్తున్నామని అన్నారు. ప్రస్తుతం రాష్ట్రం సస్యశ్యామలంగా వుంది ఓర్వలేని కొంతమంది ప్రజాప్రతినిధులు ప్రజలను తప్పుదోవ పట్టిస్తూ ధర్నాలు, దీక్షలు చేయించుట మంచిదికాదని సమస్యను నేరుగా మంత్రికి వివరిస్తే రైతులకు ఎలాంటి హానీ జరగదని రాజదాని రైతులు వారి బాధలను ముఖ్యమంత్రికి వివరిస్తే తప్పనిసరిగా రాజధాని ప్రాంత రైతులకు న్యాయం జరుగుతుందని తెలిపారు. నవరత్నాలలోని హామీలు ప్రతి పేదకుటుంబానికి బాసటగా వుందన్నారు. ఈ కార్యక్రమంలో సిహెచ్‌ మునిరాజా, కె.దయాకర్‌
యాదవ్‌, జె.చలపతి, వి.శంకర్‌, పి.వంశీ, ఎమ్‌.గురుమోహన్‌, వి.శివకుమార్‌, పి.కృష్ణమ్మ, ఎన్‌.వి.కృష్ణయ్య, బి.రమేష్‌యాదవ్‌, తదితరులు పాల్గొన్నారు.

ఫ్లెమింగో ఫెస్టివల్ ఏర్పాట్లును పరిశీలించిన జిల్లా కలెక్టర్, ఎమ్మెల్యే కిలివేటి

సూళ్లూరుపేట,డిసెంబర్ 29, (రవికిరణాలు) : సూళ్లూరుపేట పట్టణ పరిధిలోని జూనియర్ కళాశాల నందు జనవరి 3,4,5 జరగనున్న ఫ్లెమింగో ఫెస్టివల్ ఏర్పాట్లను ఆదివారం జిల్లా కలెక్టర్ శేషగిరి బాబు,సూళ్లూరుపేట ఎమ్మెల్యే కిలివేటి సంజీవయ్య కలిసి సంయుక్తంగా పరిశీలించారు. జూనియర్ కాళాశాలలో జరుగుతున్న పనులు పరిశీలించారు. అనంతరం బీవీ పాలెం, నేలపట్టు ప్రాంతాలలో కూడా ఏర్పాట్లను పరిశీలించారు.ఈ కార్యక్రమంలో సూళ్లూరుపేట పట్టణ అధ్యక్షుడు కళత్తూరు శేఖర్ రెడ్డి,రూరల్ అధ్యక్షుడు అనిల్ రెడ్డి, చెంగాళమ్మ ఆలయ ట్రస్ట్ చైర్మన్ బాలచంద్ర రెడ్డి, మున్సిపల్ కమిషనర్ నరేంద్ర కుమార్, తదితరులు పాల్గొన్నారు.

శ్రీ వేదగిరి లక్ష్మీ నరసింహస్వామి దేవస్థానం ట్రస్ట్ బోర్డు సభ్యుల ప్రమాణస్వీకారం

నెల్లూరు, డిసెంబర్‌ 29, (రవికిరణాలు) : ఆదివారం నరసింహకొండలోని శ్రీశ్రీశ్రీ వేదగిరి లక్ష్మీ నరసింహస్వామి దేవస్థాన నూతన పాలక మండలి ప్రమాణ స్వీకార మహాత్సవంలో జలవనరుల శాఖామంత్రి పోలు బోయిన అనిల్ కుమార్ యాదవ్, నెల్లూరు రూరల్ నియోజకవర్గ శాసనసభ్యులు కోటంరెడ్డి శ్రీధర్ రెడ్డి తో కలిసి కావలి మాజీ శాసనసభ్యులు, వైయస్ఆర్సిపి నాయుకులు బీద మస్తాన్ రావు కార్యక్రమంలో పాల్గొన్నారు.బీద మస్తాన్ రావు మాట్లాడుతూ నూతన దేవస్థాన చైర్మన్ గా ఎన్నుకున్న పి.శ్రీనివాసులు రెడ్డిని వారి బృందాన్ని అభినందిస్తూ దేవస్థాన అభివృద్ధికి పట్టుదలతో కృషి చేయాలంటూ తన వంతు సహకారం అందిస్తానని బీద
మస్తాన్ రావు తెలిపారు.రాష్ట్రంలో జరుగుతున్న ఎన్నో అభివృద్ధి కార్యక్రమాలలో భాగంగా దేవాదాయ శాఖలో కూడా పూర్తి స్థాయిలో అభివృద్ధి కార్యక్రమాలను భక్తి శ్రద్ధలతో ఉండలని తెలిపారు.ఈ కార్యక్రమంలో ఎన్‌డిసిసిబి ఛైర్మన్ ఆనం విజయ్ కుమార్ రెడ్డి, కోటంరెడ్డి గిరిధర్ రెడ్డి, నెల్లూరు మునిసిపల్ కార్పొరేషన్ కౌన్సిలర్స్, తదితర వైఎస్సార్సీపీ నాయకులు, అభిమానులు, భక్తులు పాల్గొన్నారు.

కలసికట్టుగా పనిచేస్తాం -మంత్రి అనిల్ కుమార్

ప్రజల కోసం పనిచేసే వ్యక్తి ముఖ్యమంత్రి -బీదా మస్తాన్ రావు.
నెల్లూరు, డిసెంబర్‌ 28, (రవికిరణాలు) : జిల్లాలోని వైఎస్సార్ కాంగ్రెస్ పార్టీలో ప్రతి ఒక్కరం కలసికట్టుగా , ఏక తాటిపై నడుస్తామని ఇరిగేషన్ మంత్రి పి అనిల్‌కుమార్ పేర్కొన్నారు. రూరల్ ఎమ్మెల్యే కోటంరెడ్డి శ్రీధర్ రెడ్డి ఆధ్వర్యంలో ఇటీవల వైఎస్సార్సీపీలో చేరిన బీదా మస్తాన్‌రావుకు ఆత్మీయ స్వాగత సన్మాన కార్యక్రమాన్ని శనివారం రూరల్ కార్యాలయంలో నిర్వహించారు.ఈ కార్యక్రమానికి విచ్చేసిన మంత్రి అనిల్‌కుమార్ మాట్లాడుతూ బేషాజాలు లేకుండా అందరం కలసి కట్టుగా ఉంటాము. వైఎస్సార్‌సీపీలో రావడం చాలా సంతోషంగా ఉంది. ఆయనకు మంచి స్థానం ఉంటుంది. రూరల్ ఎమ్మెల్యే శ్రీధర్ రెడ్డి ఎటువంటి కార్యక్రమాలైనా వినూత్నంగా చేస్తారని కొనియాడారు. రానున్న ఎన్నికల్లో కార్పోరేషన్ ను వైఎస్సార్సీపీ కైవసం చేసుకుంటుందని పేర్కొన్నారు. కార్యకర్తలకు అండగా ఉండేది. సహాయ సహకారాలు అందించేంది ఎమ్మెల్యే శ్రీధర్ రెడ్డి అని కొనియాడారు. నెల్లూరు రూరల్లో నియోజవర్గంలో మొత్తం వైఎస్సార్సీపీలో చేరారన్నారు.ఎమ్మెల్యే శ్రీధర్ రెడ్డి మాట్లాడుతూ ముఖ్యమంత్రి వైఎస్ జగన్ మోహన్ రెడ్డి ఆశీస్సులతో మంత్రి అనిల్ కుమార్ అతి చిన్నవయస్సులోనే ఇరిగేషన్ మంత్రిగా అయ్యారు. అనిల్‌కుమార్ వ్యక్తిత్వమే అనిల్ కు మంచి పేరు తెస్తుంది. కార్పోరేషన్ ఎన్నికల్లో ఎంపిలు వేమిరెడ్డి ప్రభాకర్ రెడ్డి, ఆదాల ప్రభాకర్‌ రెడ్డి, బీదా మస్తాన్ రావులు కార్పోరేషను దత్తత తీసుకుని విజయం అందించాలని కోరారు.మాజీ ఎమ్మెల్యే, వైఎస్సార్సీపీ నాయకులు బీదా మస్తాన్‌రావు మాట్లాడుతూ గత 20 సంవత్సరాలు తెలుగుదేశం పార్టీలో ఉన్నాను. కాని ఆపార్టీకి రాజీనామా చేసి, ప్రజల అశీస్సులతో గెలుపొందిన యువ ముఖ్యమంత్రి వైఎస్ జగన్మోహన్ రెడ్డి నాయకత్వంలో పనిచేయాలని, తమ చిరకాల మిత్రుడు. ఎంపి వేణుంబాకా విజయసాయిరెడ్డి కోరిక మేరకు ముఖ్యమంత్రి వైఎజగన్‌మోహన్‌ రెడ్డి ఓకే చెప్పారన్నారు. జిల్లాలోని అందరు పెద్దలు కూడా తన రాకను ఎక్కడా వ్యతిరేఖించలేదని, ప్రతి ఒక్కరూ స్వాగతించారన్నారు. తాను పార్టీలో నిజాయితీగా, ఎటువంటి స్వార్ధం లేకుండా పనిచేస్తానన్నారు. ముఖ్యమంత్రి వైఎస్ జగన్మో హన్ రెడి బడుగు బలహీన వర్గాలకు ఎంతో ప్రాధాన్యత ఇస్తున్నారు. 'తనవంతుగా పార్టీ బలోపేతానికి కృషి చేస్తానన్నారు. పేదవాళ్లకు ఇంగ్లీషు మీడియంను ప్రవేశపెట్టి ముఖ్యమంత్రి ఎంతో మేలు చేశారు. నవరత్నాలను ఎంతో పవిత్రంగా భావిస్తూ అమలు చేస్తున్నారన్నారు. ఆరు నెలల్లోనే 30 శాతం వరకు అమలు చేసిన ఘనత వైఎస్ జగన్ మోహన్ రెడ్డి గారికే దక్కుతుందన్నారు. తాను తెలుగుదేశం పార్టీలో ఉన్న సమయంలో అమరావతిలో ఒక్క సెంటు కూడా భూమి కొనలేదు. అంత నిజాయితీగా పనిచేశాను. అంతకంటే నిజాయితీగా ఇక్కడ పనిచేస్తాను. జిల్లా నాయకత్వానికి ఎటువంటి మచ్చ రాకుండా పనిచేస్తాను. రూరల్ ఎమ్మెల్యే కోటంరెడ్డి శ్రీధర్ రెడ్డి తనకు సన్మానించడం . ఆయన తనపై ప్రేమాభిమానాలు చూపడం పూర్వజన్మసుక్రతమన్నారు. ఈ కార్యక్రమంలో రూపకుమార్ యాదవ్, రాటి వెంకటేశ్వరరావు డివిజన్ కార్డులు తదితరులు పాల్గొన్నారు.

ఇకపై అభివృద్ధిపైనే ప్రభుత్వ ప్రధాన దృష్టి..: మంత్రి మేకపాటి గౌతమ్ రెడ్డి

సచివాలయాల ప్రారంభం నేపథ్యంలో ఐటీ శాఖ సంసిద్ధంగా ఉండాలి

• కొత్త సంవత్సరంలో సరికొత్త ఇండస్ట్రియల్ పాలసీ : గౌతమ్ రెడ్డి

• గ్రామీణ ప్రాంతంలో హ్యాండిక్రాఫ్ట్స్ క్లస్టర్లు తీసుకురావాలి

• పరిశ్రమలు, ఐ.టీ, జౌళి శాఖలపై మంత్రి మేకపాటి సమీక్ష

• ప్రతి వారానికోసారి శాఖాధిపతులతో రివ్యూ మీటింగ్, టెలికాన్ఫరెన్స్

• నిజాయతీగా పనిచేయడమే తెలుసు..కఠినంగా ఉండడం నా శైలికి భిన్నం

అమరావతి, డిసెంబర్, 28 ; కొత్త సంవత్సరంలో సరికొత్త ఇండస్ట్రియల్ పాలసీ తీసుకువస్తున్నట్లు పరిశ్రమలు, ఐ.టీ, జౌళి శాఖ మంత్రి మేకపాటి గౌతమ్ రెడ్డి వెల్లడించారు. సంక్షేమం ప్రతి ఇంటికి చేరడంలో నిమగ్నమైన ప్రభుత్వం ..ఇకపై అభివృద్ధిపై ప్రధానంగా దృష్టి పెట్టనుందని మంత్రి మేకపాటి స్పష్టం చేశారు. విజయవాడలోని ఏపీటీఎస్ కార్యాలయంలో శనివారం పరిశ్రమలు, ఐ.టీ, జౌళి శాఖలపై సంయుక్తంగా మంత్రి మేకపాటి గౌతమ్ రెడ్డి సమీక్ష నిర్వహించారు. ప్రభుత్వ ప్రాధాన్యాతలకు అనుగుణంగా పని చేసేలా ఐ.టీ, పరిశ్రమలు, జౌళి శాఖలు సిద్ధంగా ఉండాలని మంత్రి తెలిపారు. తన శాఖలలో ఏ ఫైళ్లు పెండింగ్ ఉండకుండా ప్రత్యేక శ్రద్ధ పెట్టాలన్నారు. ఎక్కడా జాప్యం జరగకుండా అధికారులు సమన్వయంతో పని చేయాలని మంత్రి సూచించారు. ఒకవేళ శాఖలలో సాంకేతికపరమైన ఇబ్బందులుంటే ముఖ్యమంత్రి దృష్టికి తీసుకెళ్లి వాటిని పరిష్కరిస్తామని మంత్రి స్పష్టం చేశారు. ఆంధ్రప్రదేశ్ టెక్నాలజీ సర్వీసెస్ కార్యాలయంలోని ఏపీసీఎస్ఓసీ పనితీరును మంత్రి పరిశీలించారు. సైబర్ సెక్యూరిటీ ఆపరేషన్ల పనితీరును ఆసక్తిగా తెలుసుకున్నారు.

కొత్త సంవత్సరంలో సరికొత్త ఇండస్ట్రియల్ పాలసీ : గౌతమ్ రెడ్డి

కొత్త ఏడాదికి కొత్త పారిశ్రామిక విధానం అందుబాటులోకి తేవాలని మంత్రి మేకపాటి గౌతమ్ రెడ్డి పరిశ్రమల శాఖ ముఖ్య కార్యదర్శి రజత్ భార్గవను ఆదేశించారు. లోగో, బ్రాండింగ్ లపై మంత్రి చర్చించారు. ఎలక్ట్రానిక్ వెహికిల్స్ పాలసీకి బదులుగా ఆల్టర్ నేటివ్ టెక్నాలజీ పాలసీని సిద్ధం చేస్తున్నట్లు రజత్ భార్గవ మంత్రికి వివరించారు. 5 ట్రిలియన్ల భారతదేశ ఆర్థిక వ్యవస్థలో ఆంధ్రప్రదేశ్ వాటా గురించి ప్రత్యేక శ్రద్ధ పెట్టాలని, ప్రత్యేకించి విశాఖ కేంద్రంగా వ్యాపారం, ఆదాయం పెంచే మార్గాలపై దృష్టి పెట్టలాని పరిశ్రమల శాఖ డైరెక్టర్ సుబ్రహ్మణ్యంతో మంత్రి అన్నారు. ఏపీఐఐసీ ల్యాండ్ బ్యాంక్ ను పూర్తిగా ఆన్ లైన్ చేయాలన్నారు మంత్రి మేకపాటి గౌతమ్ రెడ్డి. పెట్టుబడిదారులు స్వయంగా ఎక్కడ ఎంత భూమి కావాలో ఎంచుకునే స్థాయిలో ఏపీఐఐసీ ల్యాండ్ బ్యాంక్ డిజిటైలేజేషన్ జరగాలన్నారు. పరిశ్రమల స్థాపనకు అవసరమైన భూ కేటాయింపులు సత్వరమే పూర్తయ్యేలా చూడాలన్నారు. ఏ విధమైన ఇబ్బందులొచ్చినా ఎప్పుడైనా తనను సంప్రదించవచ్చని మంత్రి స్పష్టం చేశారు.

సచివాలయాల ప్రారంభం నేపథ్యంలో ఐటీ శాఖ సంసిద్ధంగా ఉండాలి : మంత్రి గౌతమ్ రెడ్డి

ప్రజలకు పారదర్శక పాలన అందించాలన్న ముఖ్యమంత్రి సంకల్పాన్ని నెరవేర్చడంలో ఐ.టీ శాఖదే కీలక భూమిక అని మంత్రి మేకపాటి అన్నారు. త్వరలోనే గ్రామ సచివాలయాల ద్వారా పాలన ప్రారంభం కానున్న నేపథ్యంలో ఐ.టీ శాఖ సిద్ధంగా ఉండాలన్నారు మంత్రి గౌతమ్ రెడ్డి. సచివాలయాల పాలనకు అత్యంత కీలకమైన సాంకేతికపరమైన వసతుల కల్పనలో ఐ.టీ శాఖ సంసిద్ధతపై మంత్రి ..ఐ.టీ శాఖ ముఖ్య కార్యదర్శి కోన శశిధర్ ను అడిగి తెలుసుకున్నారు. విశాఖను ఐ.టీ హబ్ గా మార్చే విధంగా వేసే ప్రతి అడుగు ముందుకు వేయాలన్నారు.

వారానికోసారి శాఖాధిపతులతో రివ్యూ మీటింగ్, టెలికాన్ఫరెన్స్

ఇకపై ప్రతి వారం శాఖాధిపతులతో తాను సమీక్ష నిర్వహించదలచుకున్నట్లు మంత్రి మేకపాటి అధికారులకు స్పష్టం చేశారు. రాబోయే రోజుల్లో అభివృద్ధిపైనే ప్రభుత్వం ప్రధానంగా దృష్టిపెట్టనున్న నేపథ్యంలో శాఖాధిపతులు , అధికారులు అప్రమత్తంగా ఉండాలన్నారు. అవసరమైతే టెలికాన్ఫరెన్స్ కూడా నిర్వహిస్తానన్నారు. సమీక్షకు ముందే చర్చించిన విషయాలు, పూర్తి వివరాలతో సిద్ధంగా ఉండాలని మంత్రి ఆదేశించారు. సమీక్షలకు సంబంధిత శాఖల అధికారులు తప్పక హాజరవ్వాలన్నారు. నిజాయతీగా పనిచేయడం మాత్రమే తనకు తెలుసని, కఠినంగా వ్యవహరించడం తన శైలి కాదని మంత్రి అన్నారు. కానీ, శ్రుతిమించితే ముఖ్యమంత్రి దృష్టికి తీసుకువెళ్లి సంబంధిత అధికారులపై చర్యలు తీసుకోవడానికి వెనుకాడనని మంత్రి సునిశితంగా హెచ్చరించారు. ఒకవేళ శాఖలలో సాంకేతికపరేమైన ఇబ్బందులుంటే ముఖ్యమంత్రి దృష్టికి తీసుకెళ్లి పరిష్కరిస్తామని మంత్రి స్పష్టం చేశారు. గతంలో ముఖ్యమంత్రి ప్రకటించిన చెరకు రైతుల బకాయిల చెల్లింపు అంశంపై ఫుడ్ ప్రాసెసింగ్ అండ్ సుగర్స్ కార్యదర్శి కాంతిలాల్ దండేతో మంత్రి గౌతమ్ రెడ్డి ఆరా తీశారు. గ్రామీణ మహిళలు, కళాకారుల హస్తకళలను ప్రోత్సహించే వీలుగా క్లస్టర్లు ఏర్పాటు చేయాలని మంత్రి మేకపాటి అభిప్రాయపడ్డారు. ఏటికొప్పాక, కొండపల్లి బొమ్మలు, ఉదయగిరిలో స్పూన్లు, బొబ్బిలిలో వీణల వంటి హ్యాండిక్రాఫ్ట్స్ ని ప్రోత్సహించేందుకు అవసరమైన చర్యలు చేపట్టాలన్నారు. కళాకారులు ఆదాయం కన్నా గుర్తింపునే కోరుకుంటారన్నారు. వారి ఉత్పత్తులకు తగిన గుర్తింపు, ఆదాయం, నాణ్యత పెంపుకు అనుగుణంగా ఏపీఐఐసీతో కలిసి క్లస్టర్ల ఏర్పాటు చేసే దిశగా చర్యలు చేపట్టాలన్నారు. తద్వారా చుట్టుపక్కల గ్రామల మహిళలకు ఉపాధి అవకాశాలు పెరుగుతాయన్నారు.

మంత్రి మేకపాటి గౌతమ్ రెడ్డి అధ్యక్షతన జరిగిన సమీక్షా సమావేశానికి పరిశ్రమల శాఖ ముఖ్య కార్యదర్శి రజత్ భార్గవ, పెట్టుబడులు, మౌలిక సదుపాయాల కల్పన శాఖ ముఖ్యకార్యదర్శి కరికాల వలవన్, పరిశ్రమల శాఖ డైరెక్టర్ సుబ్రహ్మణ్యం, ఐ.టీ శాఖ ముఖ్య కార్యదర్శి కోన శశిధర్,ఐ.టీ & సీ శాఖ ప్రత్యేక కార్యదర్శి బి.సుందర్, ఫుడ్ ప్రాసెసింగ్ అండ్ సుగర్స్ కార్యదర్శి కాంతిలాల్ దండే, ఏపీటీఎస్ ఎండీ నందకిశోర్, ఐ.టీ శాఖ సలహాదారు (టెక్నికల్) జె.విద్యాసాగర్ రెడ్డి, జౌళి శాఖ ఉన్నతాధికారులు, ఏపీఐఐసీ అధికారులు హాజరయ్యారు.

నెల్లూరు ఎంపీ ఆదాలను కలిసిన బీదా మస్తాన్రావు

నెల్లూరు, డిసెంబర్‌ 28, (రవికిరణాలు) : వైసీపీలో కొత్తగా చేరిన మాజీ ఎమ్మెల్యే బీదా మస్తాన్ రావు శనివారం సాయంత్రం నెల్లూరు ఎంపీ ఆదాల ప్రభాకర్ రెడ్డిని కలిశారు .పార్టీలో చేరిన తర్వాత మర్యాద పూర్వకంగా కలిసిన ఆయన ఎంపీ తో కాసేపు ఉల్లాసంగా గడిపారు. జిల్లా విశేషాలను కాసేపు మాట్లాడుకున్నారు. ఆయనతోపాటు ఏఎంసీ మాజీ చైర్మన్ దేవరాల సుబ్రహ్మణ్యం తదితరులు పాల్గొన్నారు అనంతరం జిల్లా కేంద్ర సహకార బ్యాంకు చైర్మన్గా బాధ్యతలు స్వీకరించిన ఆనం విజయకుమార్రెడ్డి నెల్లూరు ఎంపీ ఆదాల ప్రభాకర్ రెడ్డిని కలిశారు. ఆయన కూడా కాసేపు ఆయనతో మాటామంతీ జరిపారు.

ఎంపీ ఆదాల వినతులకు కలెక్టర్ సానుకూలత

నెల్లూరు, డిసెంబర్‌ 28, (రవికిరణాలు) : నెల్లూరు ఎంపీ ఆదాల ప్రభాకర్ రెడ్డి శనివారం సాయంత్రం జిల్లా కలెక్టర్ శేషగిరి బాబును క్యాంప్ ఆఫీస్ లొ కలిశారు.కొంత మంది రైతుల సమస్యలను ఆయన దృష్టికి తీసుకు వెళ్లారు. దీనిపై స్పందించిన జిల్లా కలెక్టర్ సానుకూలత వ్యక్తం చేశారు .వీలైనంత త్వరగా వాటిని పరిష్కరిస్తారని హామీ ఇచ్చారు. ఈ కార్యక్రమంలో జిల్లా కేంద్ర సహకార బ్యాంకు చైర్మన్ ఆనం విజయకుమార్రెడ్డి, విజయ డైరీ చైర్మన్ రంగారెడ్డి ఆయనతోపాటు హాజరయ్యారు. తమ సమస్యలను జిల్లా కలెక్టర్ దృష్టికి తీసుకెళ్లినా ఎంపీ ఆదాల ప్రభాకర్ రెడ్డి సహృదయానికి వారికి కృతజ్ఞతలు తెలిపారు

ప్రముఖ క్యాన్సర్ స్పెషలిస్ట్ డాక్టర్ రాజా సుందరం సలహాలు

నెల్లూరు, డిసెంబర్‌ 28, (రవికిరణాలు) : శనివారం నెల్లూరులోని గ్లోబల్‌ హాస్పిటల్‌ ఇన్పర్మేషన్‌ సెంటర్‌నకు ప్రముఖ క్యాన్సర్‌ వ్యాధుల శస్త్ర చికిత్సా వైద్య నిపుణులు ప్రొఫెసర్‌ డాక్టర్‌.ఎస్‌.రాజాసుందరం విచ్చేయడం జరిగింది. భార్గవ్‌ హెల్త్‌ ఫౌండేషన్‌ ఆధ్వర్యంలో ఉమెన్స్‌ హెల్త్‌ ఫెస్టివల్‌ కార్యక్రమానికి ముఖ్యఅతిధిగా పాల్గొని తదనంతరం ఇన్ఫర్మేషన్‌ సెంటర్‌లో పాత్రికేయ సమావేశాన్ని నిర్వహించారు. ఈ సందర్బంగా ఆయన మాట్లాడుతూ ప్రస్తుత కాలంలో క్యాన్సర్‌ వ్యాధి అనేది పెరిగిపోతూ వుందని దానికి తగు జాగ్రత్తలు తీసుకోక తప్పదని హెచ్చరించారు. రొమ్ము క్యాన్సర్‌, గర్భాశయ క్యాన్సర్‌, బ్రెయిన్‌ క్యాన్సర్‌, పేగు క్యాన్సర్‌లు ముందస్తుగానే గుర్తించినట్లయితే వాటి నుండి బయటపడవచ్చునని చెప్పారు. ఈ క్యాన్సర్లకు కారణాలు అనువంశికత ద్వారా వచ్చేవి కొన్ని అయితే ప్రస్తుత ఆహరపు అలవాట్లు కూడా ఒక కారణమని పేర్కొన్నారు. రొమ్ము క్యాన్సర్‌లో మెమోగ్రాము యెుక్క ప్రాధాన్యత గురించి వివరించారు. తాను గ్లోబల్‌ హాస్పిటల్‌ చెన్నైలో క్యాన్సర్‌ వ్యాధి డిపార్ట్‌మెంట్‌కు డైరెక్టరుగా ఉన్నానని అన్ని రకాల క్యాన్సర్లకు సంబంధించిన పూర్తి స్థాయి ట్రీట్‌మెంట్‌ తమ హాస్పిటల్‌లో లభ్యమవుతుందని ఎక్కడా తిరగవలసిన అవసరం రాదు అని చెప్పారు. అనుభవజ్ఞులైన డాక్టర్లు అత్యాధునిక వైద్య పరికరాలు తమ వద్ద ఉన్నాయని, ఎలాంటి క్యాన్సర్‌ అయినా మేము
తగిన వైద్యం అందించగలమని పేర్కొన్నారు. ఈ సందర్భంగా గ్లోబల్‌ హాస్పిటల్‌ వైస్‌ ప్రెసిడెంట్‌ వి.భాస్కర్‌రెడ్డి మాట్లాడుతూ అడియార్‌ క్యాన్సర్‌ ఇన్‌స్టిట్యూయ్‌ తరహాలోనే తమ హాస్పిటల్‌ క్యాన్సర్‌ విభాగము పని చేస్తుందని అన్ని రకాల వర్గాల ప్రజలకు అందుబాటులోనే వుంటుందని తమ యెుక్క క్యాన్సర్‌ ఇనిస్టిట్యూట్‌ సేవలు ప్రజలు వినియోగించుకోవాలని కోరారు.

కారు రూ.10 కోట్లు నెంబర్‌ రూ.60 కోట్లు

దుబాయ్‌ రోడ్‌ అండ్‌ ట్రాన్స్‌పోర్ట్‌ అథారిటీ సైతం 'డీ5' అనే ఫ్యాన్సీ నెంబరు కోసం వేలం వేసింది.నేములో ఏముంది? కారు నెంబరులో ఏముంది? అంటే బల్విందర్‌ సింగ్‌ సాహ్నీ ఒప్పుకోడు. నెంబరులోనే అంతా ఉంది అంటాడు. అది నా దగ్గరుంటే అన్నీ కలిసొస్తాయి అంటాడు. అందుకే తనకిష్టమైన లక్కీ నెంబర్‌ కోసం ఏకంగా రూ.60 కోట్లు వెచ్చించాడు. భారత్‌లోనే కాదు.. ప్రపంచంలో చాలా దేశాల్లో రవాణాశాఖలు ప్రత్యేకమైన నెంబర్ల కేటాయింపు కోసం బిడ్డింగ్‌ వేస్తుంటాయి. వేలం నిర్వహిస్తాయి.అక్కడ స్థిరపడ్డ భారతీయ వ్యాపారవేత్త బల్విందర్‌ ఆ నెంబర్‌ చేజిక్కించుకోవడానికి రూ.60 కోట్ల భారీ మొత్తం కోట్‌ చేశాడు. ఇది ప్రపంచంలోనే అత్యధిక రికార్డు. డీ5 తన అదృష్ట సంఖ్య అనీ.. దాన్ని రోల్స్‌ రాయిస్‌ ఫాంటమ్‌కి వాడబోతున్నానని చెప్పాడు బల్విందర్‌. ఆయన గతంలో మరో ఫ్యాన్సీ నెంబర్‌ కోసం రూ.45 కోట్లు ఖర్చు చేశాడు. అతగాడి గ్యారేజీలో ఏకంగా వందకుపైగా కార్లున్నాయి. తొంభయో దశకంలో అరబ్‌ దేశాల్లోకి వెళ్లి స్థిరాస్తి వ్యాపారం మొదలుపెట్టిన బల్విందర్‌ ఆర్‌ఎస్‌జీ ఇంటర్నేషనల్‌ అనే సంస్థకు అధిపతి. అపర కుబేరుడు.

చుక్కల భూములకు పరిష్కారం చూపండి

నెల్లూరు ఎంపీ ఆదాల ప్రభాకర్ రెడ్డి
నెల్లూరు, డిసెంబర్‌ 28, (రవికిరణాలు) : డిమాండ్ జిల్లాలోని చుక్కల భూముల సమస్య పరిష్కారం చూపమని నెల్లూరు ఎంపీ ఆదాల ప్రభాకర్ రెడ్డి కోరారు. పేదలందరికీ ఇల్లు- రెవెన్యూ రికార్డుల నవీకరణ సమీక్ష సమావేశం కొత్త జడ్పీ సమావేశ మందిరంలో శనివారం జరిగింది. ఈ కార్యక్రమంలో ఉప ముఖ్య మంత్రి పిల్లి సుభాష్ చంద్రబోస్, జల వనరుల శాఖ మంత్రి అనిల్ కుమార్ యాదవ్, గృహ నిర్మాణ శాఖ మంత్రి చెరుకువాడ శ్రీరంగనాథ రాజులతోపాటు ఎంపీలు బల్లి దుర్గాప్రసాద్ వేమిరెడ్డి ప్రభాకర్ రెడ్డి జిల్లాకు చెందిన ఏడుగురు ఎమ్మెల్యేలు, అధికారులు పాల్గొన్నారు. ఈ కార్యక్రమంలో ఎంపీ తన ప్రసంగాన్ని కొనసాగిస్తూ ఏడాదికిపైగా చుక్కల భూముల గురించి అడుగుతూనే ఉన్నామని అయినా ఫలితం లేకపోయిందని ఆవేదన వ్యక్తం చేశారు. జిల్లా అధికారులు మారుతూనే ఉన్న సమస్య మాత్రం అక్కడే ఉండి పోయిందని తెలిపారు. ఈ సమస్యకు త్వరితగతిన పరిష్కారాన్ని చూపాలని కోరారు. దీనికి జిల్లా కలెక్టర్ శేషగిరి బాబు స్పందించి త్వరలో పరిష్కరిస్తామని హామీ ఇచ్చారు.

ఆత్మీయ సత్కారం...ఆతిథ్యం

నెల్లూరు, డిసెంబర్‌ 28, (రవికిరణాలు) : మాజీ నెల్లూరు పార్లమెంటు సభ్యులు, వై.ఎస్.ఆర్ కాంగ్రెస్ పార్టీ సీనియర్ నాయకులు, పెద్దలు మేకపాటి రాజమోహన్ రెడ్డిని వారి నివాసంలో ఆంధ్రప్రదేశ్ డిప్యూటీ సి.ఎం. రెవిన్యూ శాఖ మంత్రి పిల్లి సుభాష్ చంద్రబోస్, హౌసింగ్ శాఖ మంత్రి రంగనాథ రాజు మర్యాదపూర్వకంగా కలిసి పుష్పగుచ్చాన్ని అందజేశారు.

ముంపు గ్రామస్థులను మళ్లీ ముంచొద్దు

నెల్లూరు, డిసెంబర్‌ 28, (రవికిరణాలు) : కండలేరు ముంపు పునరావాస కేంద్రాన్ని నవరత్నాల కొరకు ఆక్రమించడం దారుణమని బిజెపి రాష్ట్ర కార్యవర్గ సభ్యులు మిడతల రమేష్‌ అన్నారు. ఈ సందర్భంగా ఆయన మాట్లాడుతూ కండలేరు జలాశయ ముంపు గ్రామాలైన రేగడపల్లి, దాచూరు గ్రామాల ప్రజలకు పునరావాస కేంద్రాన్ని పొదలకూరు మండలం చాటగుట్ల వద్ద ప్రభుత్వం ఏర్పాటు చేసిందన్నారు. ముంపు పునరావాస కేంధ్రాల ఛైర్మన్‌ జిల్లా కలెక్టర్‌ ఆదేసాల మేరకు 50 ఎకరాలలో ఆర్‌ అండ్‌ ఆర్‌ నిధులతో 490 ప్లాట్లు, రోడ్లను 2017లో ప్రభుత్వం ఏర్పాటు చేసిందని, దాచూరు, రేగడపల్లి, రత్నాపురం ముంపు వాసులు తమకు నెల్లూరు నగరంలో ఇంటి ప్లాట్లు కేటాయించమని హైకోర్టులో డబ్ల్యూపి2741/12, 8578/2014 కేసులు వేస్తే చాట్లగుట్లలో ప్లాట్లు కేటాయిస్తూ జిల్లా యంత్రాంగం కోర్టులో కౌంటర్‌ దాఖలు చేసింది. హైకోర్టు ఈ ముంపువాసులకు చాటగుట్ల పునరావాస కేంద్రం పై ఆశలు పెంచుకున్నారు. నేడు వైఎస్సార్సిపి నవరత్నాల పథకాల్లో భాగంగా పునరావాస కేంద్రాన్ని రాజకీయ లబ్ది కొరకు స్థానికులకు ఇళ్ళ ప్లాట్లు కొరకు పనులు జెసిబిలతో వేగవంతంగా చేస్తున్నారు. కండలేరు జలాశయం కొరకు గ్రామాలను కోల్పోయిన వారికి ప్రాధాన్యతనిచ్చి, పునరావస చట్టాలను, హైకోర్టు ఉత్తర్వులను గౌరవించి చాటగుట్ల పునరావాస కేంద్రాన్ని యధాతదంగా కొనసాగించాలని బిజెపి విజ్ఞప్తి చేస్తుందన్నారు. కలెక్ట్రర్‌ శ్రీధర్‌ను అన్యులు ఈ పునరావాస కేంద్రలో ప్లాట్లు కోరగా పునరావాస కేంద్రాన్ని ముంపుప్రజలకు మాత్రమే కేటాయించాలని, రాపూరు, పొదలకూరు తహశిల్దార్లకు స్పష్టమైన ఆదేశాలు యివ్వడం జరిగిందన్నారు. కలెక్టర్లు, ప్రభుత్వాలు మారినపుడల్లా ముంపుప్రజలను ఇబ్బంది పెట్టొద్దని అధికారులను కోరారు. ఈ కార్యక్రమంలో ఓజిలి సుధాకర్‌, వెంకట రమణ,
మువ్వల రాంబాబు, కేశవలు పాల్గొన్నారు.

ఇళ్ళ స్థలాల ఎంపికలో అక్రమాలు

అధికారపార్టీ వత్తిడితో రోజుకొక లిస్టు మారుస్తున్న తహసీల్దార్

గిరిజనులుకు తీరని అన్యాయం,గ్రామ సభలో పిర్యాదు చేసిన చర్యలు లేవు - చేజర్ల

కోవూరు, డిసెంబర్‌ 28, (రవికిరణాలు) : ముఖ్యమంత్రి వైయెస్ జగన్మోహన్ రెడ్డి మాత్రం ప్రభుత్వ పథకాల ఎంపికలో మేము కులం చూడం,మతం చూడం,ప్రాంతం చూడం, పార్టీ చూడం అంటారు ఇక్కడేమో అధికారపార్టీ చెప్పినోళ్ళనే ఇళ్ల స్థలాలకు ఎంపిక చేస్తున్నారని జిల్లా తెలుగుదేశం పార్టీ ప్రధానకార్యదర్శి చేజర్ల వెంకటేశ్వర రెడ్డి అన్నారు.శనివారం కోవూరు తెలుగుదేశం పార్టీ కార్యాలయములో ఏర్పాటు చేసిన పత్రికా విలేఖరుల సమావేశంలో వెంకటేశ్వర రెడ్డి మాట్లాడుతూ రాష్ట్రంలో అర్హత కలిగిన ప్రతి ఒక్కరికి ఉగాది నాటికి ఇళ్ల స్థలాలు ఇస్తామని ముఖ్యమంత్రి చెప్పటంతో నిజంగానే అర్హులకు ఇస్తారేమో అని ఆశపడి పేదవారు పెద్ద ఎత్తున అర్జీలు పెట్టుకున్నారని కానీ కోవూరు మండలంలో అధికారపార్టీ నాయకుల వత్తిడికి తలవొగ్గి తహసీల్దార్ అర్హులకు ముఖ్యంగా గిరిజనులకు అన్యాయం చేస్తూ అర్హుల జాబితాను రోజు,రోజుకు మారుస్తున్నారని, మండలంలో మొత్తం ఇళ్ల స్థలాలు కోసం 12,321 దరఖాస్తులు వచ్చాయని వాటిలో 5549 మందిని అర్హులుగా గుర్తించామని స్వయంగా తహసిల్దార్ గారే ప్రకటించి మరలా అధికారపార్టీ నాయకుల వత్తిడితో ఆ జాభితా మార్చి కేవలం 2487 మందే అర్హులుగా నిర్ణయించారని దీనిని కూడా రోజు రోజుకు మారుస్తున్నారని, అదేవిధముగా కోవూరు గ్రామ పరిధిలో 5549 దరఖాస్తులు వచ్చాయని వారిలో 2750 మంది అర్హులు గా గుర్తించిమని చెప్పి మరలా గ్రామ సభ జరిగే నాటికి 984 మందే అర్హులుగా ప్రకటించారని,ఈ జాబితాలో అనర్హులు చాలా మంది ఉన్నారని,అదేవిధంగా చాలామంది అర్హుల పేర్లు ఈ జాబితాలో లేవని అక్టోబరు 18 వ తేదీ జరిగిన గ్రామ సభలో తెలుగుదేశం పార్టీ పిర్యాదు చేసిందని, ఆరోజు జాబితాలో అక్రమాలు జరిగింది వాస్తవమేనని అధికారులు అంగీకరించి,అనర్హులను తొలగించి అర్హులకు న్యాయం చేస్తామని హామీ ఇచ్చారని,అయితే ఇప్పటి వరకు దాని పై చర్య తీసుకోకుండా అధికార పార్టీ నాయకులు చెప్పినట్లుగా రోజుకొక లిస్టు తయారు చేస్తున్నారని, కోవూరు పడుగుపాడు పంచాయతీ పరిధిలో ఎక్కువ అక్రమాలు జరిగాయని,కనీసం తలదాసుకోవడానికి కూడా అవకాశం లేని గిరిజనులను ఎంపిక చేయకుండా అధికారపక్షం వత్తిడితో సొంత ఇల్లు కలిగిన వారిని కూడా ఎంపిక చేసారని,అందరికి న్యాయం చేయ వలసిన తహసీల్దార్ ఏక పక్షముగా వ్యవహరిస్తున్నారని ఇప్పటికయినా కోవూరు తహసీల్దార్ స్పందించి అర్హులు అందరికి న్యాయం చేయాలని,లేని ఎడల ఈ విషయాన్ని జిల్లా కలెక్టర్ దృష్టికి తీసుకుపోవడముతో పాటు, అర్హులకు న్యాయం జరిగే వరకు తెలుగుదేశం పార్టీ పోరాటం చేస్తుందని అన్నారు. ఈ సమావేశంలో తెలుగుదేశం పార్టీ నాయకులు ఏలూరు కృష్ణయ్య, పెనుమల్లి శ్రీహరిరెడ్డి, శివుని రమణారెడ్డి, కలువాయి చెన్నకృష్ణారెడ్డి, ఉయ్యురు వేణు, పాశం
పరందామయ్య, బుధవరపు శివకుమార్, గుంజి పద్మనాభం, సాయి రోశయ్య, దువ్వూరు రంగారెడ్డి, ఇందుపూరు మురళీకృష్ణ రెడ్డి, కె నారాయణ రెడ్డి, గరికిపాటి అనిల్ తదితరులు పాల్గొన్నారు

హైవే మొబైల్స్ పనితీరును సమీక్షించిన జిల్లా యస్పి

హైవే రోడ్డు ప్రమాదాలు గణనీయంగా తగ్గించాలి
రోడ్డు ప్రమాదం సంభవించిన వెంటనే “గోల్డెన్ అవర్” స్పందన మెరుపు వేగంతో ఉండాలి
నైట్ పెట్రోలింగ్ లో విజిబిలిటీ కోసం మొబైల్స్ తప్పనిసరిగా ట్రాఫిక్ లైట్ లు ఉపయోగించాలి
నెల్లూరు, డిసెంబర్‌ 27, (రవికిరణాలు) : శుక్రవారం జిల్లా యస్పి భాస్కర్ భూషణ్ జిల్లాలోని ఆంధ్ర తమిళనాడు బోర్డర్ పెద పన్నంగాడు నుండి ప్రకాశం బోర్డర్ చేవూరు చెరువు వరకు గల నేషనల్ హైవే మీద 24 గంటలూ పెట్రోలింగ్ నిర్వహిస్తున్న 10 హైవే మొబైల్స్, ఒక ఇంటర్ సెప్టర్ వెహికల్ డ్రైవర్స్ యొక్క పనితీరుపై సమీక్ష నిర్వహించారు. ఈ సందర్భంగా జిల్లా యస్పి హైవే మొబైల్స్ పార్టీలతో మాట్లాడుతూ విధినిర్వహణలో ఎలాంటి అలసత్వం వహించినా కఠిన చర్యలు తీసుకుంటామని, హెల్ఫ్ లైన్ ల ద్వారా అందే కాల్స్ కు మెరుపు వేగంతో స్పందించి రోడ్డు ప్రమాదాలలో గాయపడిన వారిని రక్షించాలని, హైవేల మీద, డాబా హోటల్స్ వద్ద
ఎట్టి పరిస్థితులలో వాహనాలు రోడ్డు మీద పార్కింగ్ చేయరాదని, అలా పార్కింగ్ చేయబడిన వాహనాలను ఆ పరిధిలోని యస్.ఐ ల సహకారంతో వెంటనే సీజ్ చేయాలని, హైవే పరిధికి లోబడి మాత్రమే విధులు ఎల్లవేళలా నిర్వహించాలని, లోకల్ పోలీసు అధికారులు చెప్పారని హైవే వదిలి ఎట్టి పరిస్థితులలో వెళ్లకూడదని హెచ్చరించారు. హైవే మీద రోడ్డు ప్రమాదాల నివారణతో పాటు కిడ్నాప్ లు, దొంగతనాలు మరియు ఇతర నేరాలు జరిగినపుడు మొబైల్ పార్టీలు అన్నీ కూడా కంట్రోల్ రూం ఆదేశాలను అనుసరించి సమన్వయంతో పనిచేయాలని, అందరూ కాల్ సైన్ కు సత్వరం స్పందించాలని, వారి వారి పరిధిలలో మొబైల్ విజిబులిటీ
గణనీయంగా పెంచాలని, అన్నీ మొబైల్స్ కదలికలను ఎప్పటికప్పుడు జిపిఎస్‌ ద్వారా ఆకస్మిక తనిఖీలు నిర్వహిస్తామని, విధులలో నిర్లక్ష్యం వహించనా, నిజాయితీని విస్మరించినా వారిపై కఠిన చర్యలు తీసుకుంటామని జిల్లా యస్పి ఈ సందర్భంగా తెలియజేశారు. ఈ కార్యక్రమంలో జిల్లా యస్పితో పాటు డియస్పి(ఏ.ఆర్) వై.రవీంద్ర రెడ్డి, ఆర్‌ఐ-వెల్ఫేర్ చంద్ర మోహన్, ఎమ్‌టిఓ గోపి సిబ్బంది పాల్గొన్నారు.

కందుకూరులో అభివృద్ధి పనులకు ఎంపీ ఆదాల శంకుస్థాపన

కందుకూరు, డిసెంబర్‌ 27, (రవికిరణాలు) : కందుకూరు పట్టణంలో శుక్రవారం పలు అభివృద్ధి పనులకు నెల్లూరు ఎంపీ ఆదాల ప్రభాకర్ రెడ్డి శంకుస్థాపన చేశారు. ఎనిమిదో వార్డులో ఆది ఆంధ్ర కాలనీలో 44లక్షల రూపాయల వ్యయంతో నిర్మించే అంతర్గత,ప్రధాన సీసీ కాలువ నిర్మాణానికి శంకుస్థాపన చేశారు. బృందావనంలో 66 లక్షల రూపాయలతో నిర్మించే సిసి రోడ్లు కాల్వల నిర్మాణానికి శంకుస్థాపన చేశారు. అంతకుముందు వైయస్ రాజశేఖర రెడ్డి విగ్రహానికి స్థానిక ఎమ్మెల్యే తో కలిసి పూలమాలలు వేసి శ్రద్ధాంజలి ఘటించారు. ఈ రెండు ప్రాంతాల్లోనూ స్థానికుల సమస్యలు తెలుసుకొని వాటి పరిష్కారానికి హామీ ఇచ్చారు. ఆ తర్వాత ఎమ్మార్వో కార్యాలయంలో పలువురు మహిళలకు ఇంటి నివేశన స్థలాల పట్టాలు ఇచ్చారు. ఈ కార్యక్రమాల్లో విజయ డైరీ ఛైర్మన్ రంగారెడ్డి, స్వర్ణ వెంకయ్య, సుధాకర్ రెడ్డి, తదితరులు పాల్గొన్నారు.

ఆంధ్రుల రాజధాని అమరావతి కావాలి...

నెల్లూరు, డిసెంబర్‌ 27, (రవికిరణాలు) : ఆంధ్రప్రదేశ్ రాష్ట్ర రాజధానిగా అమరావతినే కొనసాగించాలని డిమాండ్ చేస్తూ, పరిపాలన వికేంద్రీకరణ అంటూ మూడు రాజధానుల పేరిట ముఖ్యమంత్రి వై.ఎస్ జగన్మోహన్ రెడ్డి చేస్తున్న ప్రకటనలను ఖండిస్తూ జిల్లా టిడిపి అధ్యక్షులు, ఎమ్మెల్సీ బీదా రవిచంద్ర ఆధ్వర్యంలో ఆంధ్రుల రాజధాని అమరావతి పరిరక్షణ కోసం అఖిలపక్ష రౌండ్ టేబుల్ సమావేశం ఏర్పాటు చేయడం జరిగింది. నెల్లూరు నగరంలోని స్థానిక ఐఎమ్‌ఏ హాల్ (మాగుంట లే అవుట్) నందు శుక్రవారం నిర్వహించిన రౌండ్ టేబుల్ సమావేశంలో రాజకీయ పార్టీల నేతలు, విద్యార్థి, యువజన, ఉపాధ్యాయ, లెక్చరర్స్,వాణిజ్య సంఘాల నేతలు, కళాకారులు, బార్, వాకర్స్ ,బులియన్, ప్రైవేట్ స్కూల్స్ అసోసియేషన్స్ నేతలు, స్వచ్ఛంద సంస్థల నిర్వాహకులతో పాటు పలువురు మేధావులు, సామాజికవేత్త లు పాల్గొని మూడు రాజధానుల పేరిట ముఖ్యమంత్రి తీసుకున్న నిర్ణయాన్ని ఖండిస్తూ, భవిష్యత్తులో ఆంధ్రులు ఎదుర్కోబోయే దుష్పరిణామాలను తమదైన శైలిలో వినిపించారు. ఈ సందర్భంగా మాజీ మంత్రి సోమిరెడ్డి మాట్లాడుతూ 16 వేల కోట్ల లోటు బడ్జెట్ తో ప్రారంభమైన ఆంధ్ర ప్రదేశ్ లో చంద్రబాబు నాయుడు కృషితో, అమరావతి రైతుల త్యాగాలతో రాజధాని ప్రారంభం అయింది.ఆరు నెలల వైయస్ జగన్మోహన్ రెడ్డి పాలనతో రాష్ట్ర అభివృద్ధి స్తంభించిపోయింది.జిఎన్‌ రావు కమిటీ రిపోర్టు అస్తవ్యస్తంగా ఉంది, అదొక తలతిక్క రిపోర్ట్.
ఆంధ్రప్రదేశ్ లో నాలుగు జిల్లాలకొకటి చొప్పున 3 కోర్టుల ఏర్పాటు చేస్తామన్న జగన్ నిర్ణయం హాస్యాస్పదం. దేశంలో 732 జిల్లాలకు 25 కోర్టులు, 15 బెంచీలు మాత్రమే ఉన్నాయి. అంటే జగన్ ఉద్దేశ ప్రకారం దేశంలో 175 హైకోర్టులు పెట్టాలా? అమరావతి రాజధాని అభివృద్ధి మొదలయి, కేంద్రం నిధులు విడుదల చేశాక కూడా జిఎన్‌ రావు కమిటీ ఎలా వేస్తారు? అమరావతి అభివృద్ధి తో చంద్రబాబు నాయుడుకి పేరు ప్రఖ్యాతులు దక్కుతుందన్న అసూయ తోనే మూడు రాజధానుల పేరిట జగన్ నాటకం ఆడుతున్నారు.జగన్ తలక్రిందులుగా తపస్సు చేసినా కర్నూలులో హైకోర్టు ఏర్పాటుకు సుప్రీంకోర్టు అనుమతించదు.మూడు రాజధానులను కేబినెట్ లో ఆమోదించక ముందే విశాఖను రాజధానిగా విజయసాయి రెడ్డి ప్రకటించే హక్కు ఎవరిచ్చారు? అని ప్రశ్నించారు. తదనంతరం బీదా రవిచంద్ర మాట్లాడుతూ మూడు రాజధానుల పేరిట ముఖ్యమంత్రి ప్రకటిస్తున్న నిర్ణయాలు తుగ్లక్ చర్యలను తలపిస్తున్నాయి.
అమరావతి చారిత్రాత్మక రాజధాని, బౌద్ధుల పుణ్య క్షేత్రంగా, శాతవాహనుల రాజధానిగా కీర్తి ప్రతిష్టలు అమరావతి సొంతం. చంద్రబాబు నాయుడు పై ద్వేషంతో రాజధాని అమరావతి అభివృద్ధిని వైయస్ జగన్మోహన్ రెడ్డి అడ్డుకుంటున్నారు. 1956 - 2019వరకు రాయలసీమ నుండి ప్రాతినిధ్యం వహించిన ముఖ్యమంత్రులు ఎవరూ సీమ లో కనీసం తాగునీటి సమస్యను పరిష్కరించ లేకపోయారు. పులివెందులకు సైతం నీరు ఇచ్చిన ఘనత చంద్రబాబు నాయుడుకే దక్కుతుందన్నారు. కమిటీల నిర్ణయాల మేరకు రాజధానులు, హైకోర్టులు మార్చడం ఎక్కడైనా చూశామా ! జిఎన్‌ రావు కమిటీ రాష్ట్ర ప్రజలలో గందరగోళాన్ని, రాజధాని రైతులలో భయాందోళనలను సృష్టిస్తోంది. ఆంధ్రప్రదేశ్ లోని 13 జిల్లాల ప్రజల ఏకైక నినాదం
ఆంధ్రుల రాజధాని అమరావతి కావాల ముఖ్యమంత్రి ఏకపక్షంగా తీసుకుంటున్న అనాలోచిత నిర్ణయాలు ఆంధ్రుల పాలిట శాపాలుగా మారుతున్నాయని ఆవేదన వ్యక్తం చేశారు. అనంతరం తెలుగుదేశం పార్టీ నెల్లూరు నగర ఇంచార్జ్ ముంగమూరు శ్రీధర కృష్ణారెడ్డి, రాష్ట్ర తెదేపా ఉపాధ్యక్షురాలు తాళ్ళపాక అనురాధ, మాజీ మేయర్ అబ్దుల్ అజీజ్, మాజీ నగర టిడిపి అధ్యక్షులు కోటంరెడ్డి శ్రీనివాసులురెడ్డి, సీపీఐ రామరాజు, ఎస్సీ సెల్ నాయకులు జెన్ని. రమణయ్య, టిడిపి జిల్లా అధికార ప్రతినిధి హరిబాబు యాదవ్, కప్పిర.శ్రీనివాసులు, టిఎన్‌ఎస్‌ఎప్‌ జిల్లా అధ్యక్షులు కాకర్ల తిరుమల నాయుడు,లాయర్ నన్నే సాహెబ్, కృష్ణా యాదవ్, అమ్రుల్లా, గురు ప్రసాద్, కంచి మల్లికార్జున్ రెడ్డి, ఏవైవిఎస్‌ అంజయ్య, ఏఐఎస్‌ఎఫ్‌ మస్తాన్, లీలామోహన్, అంబేద్కర్ స్టూడెంట్స్ నేత అర్జున్ బాలకృష్ణ, రసూల్, హజరత్, సాయి కిషోర్, వాసిరెడ్డి చంద్రనాగ్ తదితరులు రాజధాని అమరావతి అంశంపై తమ అభిప్రాయాలను, రాజధాని మార్పుతో జరగబోయే నష్టాలను వివరించారు.

పేటలో చెంగాళమ్మ పరమేశ్వరి ఆలయ ఛైర్మన్‌గా బాలచంద్రా రెడ్డి

సూళ్లూరుపేట,డిసెంబర్ 27, (రవికిరణాలు) : సూళ్లూరుపేటలో వెలసి ఉన్న శ్రీ చెంగాళమ్మ పరమేశ్వరి ఆలయం నూతన పాలక మండలి ప్రమాణ స్వీకారం ఘనంగా నిర్వహించారు. ఈ సందర్భంగా సూళ్లూరుపేట ఎమ్మెల్యే కిలివేటి సంజీవయ్య పాల్గొని పాలక మండలి ఛైర్మన్ మరియు సభ్యులను శాలువతో సత్కరించి శుభాకాంక్షలు తెలియజేశారు. శ్రీ చెంగాళమ్మ పరమేశ్వరి దేవస్థానం చైర్మన్ గా దువ్వూరు బాలచంద్ర రెడ్డి ,ఆలయ ట్రస్ట్ సభ్యులుగా
గోగుల తిరుపాల్ ,కర్లపూడి మదన్ మోహన్, ముంగరం అమరావతి, మద్దూరు శారదా, తాటిపత్తి వాణి, పొన్నా నాగమ్మ ,కామిరెడ్డి రేవతి,కీసరపల్లి నరేంద్ర ప్రమాణస్వీకారం చేసారు.నూతన పాలకమండలి చేత ఈఓ ఆళ్ళ శ్రీనివాసులు రెడ్డి ప్రమాణ స్వీకారం చేయించారు. ప్రమాణ స్వీకారం అనంతరం నూతన పాలక మండలికి ఈఓ చేతులు మీదుగా ఆలయ గౌరవాన్ని అందజేశారు. చెంగాలమ్మ చైర్మన్ దువ్వూరు బాలచంద్రా రెడ్డి మాట్లాడుతూ నన్ను ఎవరైనా కలవడానికి ఆలయంలోకి వస్తే దయచేసి రాజకీయం మాట్లాడవద్దు అని తెలియచేసారు. ప్రమాణస్వీకారోత్సవంలో సూళ్లూరుపేట నియోజక వర్గ నాయకులు ప్రజలు తదితరులు పాల్గొన్నారు.

ఎన్ఆర్‌సి, సిఏఏ బిల్లుకు వ్యతిరేకంగా జేఏసీ ఏర్పాటు

నెల్లూరు, డిసెంబర్‌ 27, (రవికిరణాలు) : ప్రస్తుత పరిస్థితులలో రాజ్యాంగ పరిరక్షణ కొరకు నెల్లూరు జిల్లాలో పార్టీలకు మతాలకు, కులాలకు అతీతంగా ఒక జాయింట్ యాక్షన్ కమిటీని ఏర్పాటు చేసుకొని రాజ్యాంగ పరిరక్షణ కొరకు పాటుపడాలని నిర్ణయించడం జరిగిందని భారత రాజ్యాంగ పరిరక్షణ జాయింట్ యాక్షన్ కమిటి తెలియజేసింది. ఈ సందర్భంగా శుక్రవారం స్థానిక ప్రెస్‌క్లబ్‌ నందు ఏర్పాటు చేసిన విలేకర్ల సమావేశంలో జెఏసి అధ్యక్షులు మౌలానా మహమ్మద్ ఇలియాజ్ మాట్లాడుతూ భారత రాజ్యాంగంలో వున్న అధికరణ 14, అధికరణ 21 విరుద్ధంగా పాలకులు తీసుకుంటున్న నిర్ణయాలు పక్షపాతంతో వున్నాయని భారతదేశ
ప్రజలను విచక్షణకు గురౌతున్నారని, హింసకు దారితీస్తున్నారని చెప్పారు. అధికరణ 14, 21 ప్రకారం సమానత్వ హక్కు వుందని దాన్ని కాలరాయడానికి ప్రభుత్వం చేస్తున్న చర్యలు ఎంతో హేయమైనవని తెలిపారు. అందుకని ప్రతి ఒక్కరు రాజ్యాంగాన్ని కాపాడుకోవడానికి ముందుకు రావాలని పిలుపునిచ్చారు. సోదరభావం, సామరస్యంతో మెలగాలి సి.ఏ.ఏ., ఎన్.పి.ఆర్. ఎన్.ఆర్.సి. ని ముక్తకంఠంతో భారతదేశ ప్రజలందరు ఖండించాలని పిలుపునిచ్చారు. తదనంతరం నవీద్‌బాయి మాట్లాడుతూ గాంధి చూపించిన దారిలో మేము నిరసన వ్యక్తము చేస్తామన్నారు. మా నిరసన సి.ఏ.ఏ. ఎన్.పి.ఆర్. ఎన్.ఆర్.సి. ని వాపసు తీసుకోవాలని
డిమాండు చేసారు. ఈ యొక్క చట్టాలతో భారతదేశంలో వున్న ప్రతి ఒక్క పౌరుడికి నష్టం కలుగుతుందని వాపోయారు.ఈ కార్యక్రమంలో వైస్ ప్రెసిడెంట్ కరిముల్లాబాయి, నవీద్ బాయి కరీంబాయి, జాకీర్ బాయి, షఫిబాయి, హయాదాబాయి, మౌలాన సుహేబ్, తదిదరులు పాల్గొన్నారు.

ఇరిగేషన్ పనులకు జగన్ లక్ష కోట్లు కేటాయింపు

నెల్లూరు ఎంపీ ఆదాల ప్రభాకర్ రెడ్డి

నెల్లూరు, డిసెంబర్‌ 27, (రవికిరణాలు) : రాష్ట్రంలోని ఇరిగేషన్ పనులకు ముఖ్యమంత్రి జగన్మోహన్ రెడ్డి లక్ష కోట్ల రూపాయలు కేటాయించారని నెల్లూరు ఎంపీ ఆదాల ప్రభాకర్ రెడ్డి తెలిపారు. నీటి పారుదల ద్వారా రైతుల జీవితాన్ని బాగు చేయాలని ఆయన లక్ష్యంగా పెట్టుకున్నారని పేర్కొన్నారు. కందుకూరు నియోజకవర్గంలోని ఓలేటి వారి పాలెం గ్రామంలో ఈ-పాస్బుక్ పుస్తకాల పంపిణీ కార్యక్రమం జరిగింది.స్థానిక ఎమ్మెల్యే మానుగుంట మహీధర్ రెడ్డితో కలిసి ఆయన ఈ కార్యక్రమంలో పాల్గొన్నారు. ఈ సందర్భంగా మాట్లాడుతూ జగన్మోహన్ రెడ్డి ఎన్నికల్లో ఇచ్చిన వాగ్దానాలను నిలుపుకున్నారని తెలిపారు ఆరు నెలల్లో నవరత్నాల
రూపంలో వాగ్దానాలను అమలు చేశారని పేర్కొన్నారు. ఎంత ఆర్థిక భారం ఎదురైనప్పటికీ దాన్ని లెక్కచేయలేదని గుర్తు చేశారు.ఇక ముందు మరింత అభివృద్ధి జరుగుతుందని ఆశాభావం వ్యక్తం చేశారు. గ్రామాల్లో పరిపాలనను పటిష్టం చేయడానికి గ్రామ సచివాలయలను ఏర్పాటు చేశారని తెలిపారు. గతంలో కనివిని ఎరుగని విధంగా నాలుగు లక్షల ఉద్యోగాలను భర్తీ చేశారని కొనియాడారు గతంలో వైఎస్ రాజశేఖర్ రెడ్డి చేసిన దానికంటే కూడా జగన్ ఇంకా ముందుకు వెళుతున్నారని ప్రశంసించారు పాలనలో అవినీతికి తావులేకుండా కార్యక్రమాలు చేపడుతున్నారని తెలిపారు స్థానిక ఎమ్మెల్యే మహేందర్ రెడ్డి నిక్కచ్చి మనిషి అని, మంత్రిగానూ పేరు తెచ్చుకున్నారని ప్రశంసించారు. ఆయన మరిన్ని సార్లు ఎమ్మెల్యేగా ఎన్నికై ఈ ప్రాంత అభివృద్ధికి దోహదం చేయాలని ఆశాభావం వ్యక్తం చేశారు. ఈ కార్యక్రమంలో స్థానిక రైతులకు ఈ పాస్ పుస్తకాలు పంపిణీ జరిగింది. ఈ కార్యక్రమానికి తహసిల్దార్ అధ్యక్షత వహించారు. ఈ కార్యక్రమంలో విజయ డైరీ ఛైర్మన్ రంగారెడ్డి, స్వర్ణ వెంకయ్య, పాముల హరి, సుధాకర్ రెడ్డి, డాక్టర్ సునీల్, నరసింహారావు, తదితరులు పాల్గొన్నారు.

పేద కళాకారుల సహాయార్థం.. సాంస్కృతిక కార్యక్రమాలు

నెల్లూరు, డిసెంబర్‌ 27, (రవికిరణాలు) : నెల్లూరు నగరంలోని స్థానిక 25 కళా సంఘాల కార్యాలయం నందు పేద కళాకారుల సహాయార్థం.. సాంస్కృతిక కార్యక్రమాలు గోడ పత్రికావిష్కరణ కార్యక్రమాన్ని నిర్వహించారు. ఈ సందర్భంగా ఏర్పాటు చేసిన విలేకరుల సమావేశంలో 25 కళా సంఘాల అధ్యక్షులు అమరావతి కృష్ణారెడ్డి మాట్లాడుతూ నగరంలోని పురమందిరం మందు నెల్లూరు జిల్లా సినీ ఆర్కెస్ట్రా, ఈవెంట్ మేనేజ్మెంట్ అసోసియేషన్ ఆధ్వర్యంలో పేద కళాకారులకు సహాయం అందజేయడం జరుగుతుందని తెలిపారు. ఈ కార్యక్రమంలో పలు కార్యక్రమాలు నిర్వహిస్తారని నెల్లూరు పట్టణ ప్రజలు పేద కళాకారులకు సహాయం చేసే ఈ కార్యక్రమాన్ని ప్రతి ఒక్కరు విజయవంతం చేయాలని కోరారు. ఈ కార్యక్రమంలో హరిబాబు, హరి ప్రసాద్ రెడ్డి,భాస్కర్, సూర్య రాజా, రవితేజ, కోసూరు రత్నం, కేధార్‌, రాజా, శేషం తదితరులు పాల్గొన్నారు.

వార్డు సభల ద్వారానే లబ్ధిదారుల తుది ఎంపిక

- కమిషనర్ పివివిస్ మూర్తి

నెల్లూరు, డిసెంబర్‌ 27, (రవికిరణాలు) : రాష్ట్ర ప్రభుత్వం ప్రతిష్టాత్మకంగా చేపట్టిన వివిధ సంక్షేమ పధకాలకు అర్హులను గుర్తించడం గ్రామ/వార్డు సభల ద్వారానే సాధ్యమవుతుందని నగర పాలక సంస్థ కమిషనర్ పివివిస్ మూర్తి పేర్కొన్నారు. స్థానిక 42, 48 డివిజన్లలో శుక్రవారం జరిగిన వార్డు సభల్లో ఆయన పాల్గొని ప్రజలనుంచి అర్జీలు స్వీకరించారు. ఈ సందర్భంగా కమిషనర్ మాట్లాడుతూ వార్డు వలంటీర్ల ద్వారా నవశకం సర్వేలో సేకరించిన సమాచారంలో ఆరోగ్యశ్రీ పధకం అర్హులు/అనర్హుల జాబితాలను అన్ని సచివాలయాల్లో ప్రదర్శిస్తున్నామని తెలిపారు. ప్రభుత్వం వద్ద ఉన్న వివరాల్లో మార్పులు, చేర్పులు ఉంటే వార్డు సభలో తెలిపితే
సవరిస్తామని కమిషనర్ స్పష్టం చేసారు. బహిరంగంగా ప్రజల సమాచార వివరాలు పొందుపరిచినపుడే అర్హులైన లబ్ధిదారుల తుది జాబితా సిద్ధమవుతుందని ఆయన అభిప్రాయపడ్డారు.

నెల్లూరు ఎంపీ ఆదాలచే హైలెవెల్ బ్రిడ్జి ప్రారంభం

నెల్లూరు, డిసెంబర్‌ 27, (రవికిరణాలు) : నెల్లూరు పార్లమెంట్ నియోజకవర్గంలోని గుడ్లూరు మండలం గుండ్లపాలెంలో శుక్రవారం నెల్లూరు ఎంపీ ఆదాల ప్రభాకర్ రెడ్డి, హైలెవెల్ బ్రిడ్జి రోడ్డును ప్రారంభించారు. 309.33 లక్షల వ్యయంతో నిర్మించిన ఈ హైలెవెల్ బ్రిడ్జి రోడ్డు నిర్మాణం ఈ ప్రాంతవాసులకు అనుకూలంగా మారింది. ఈ కార్యక్రమంలో కందుకూరు ఎమ్మెల్యే మానుగుంట మహీధర్ రెడ్డి, విజయ డైరీ చైర్మన్ రంగారెడ్డి, స్వర్ణ వెంకయ్య, సుధాకర్ రెడ్డి, డాక్టర్ సునీల్, పాముల హరి, నరసింహారావు, తదితరులు పాల్గొన్నారు. స్థానిక రైతులు ఈ కార్యక్రమానికి అధిక సంఖ్యలో హాజరయ్యారు.

ఫ్లెక్సీల పేరుతో డబ్బు వృధా చేయవద్దు - రూరల్‌ ఎమ్మెల్యే

నెల్లూరు, డిసెంబర్‌ 27, (రవికిరణాలు) : నూతన సంవత్సరంలో తనకు శుభాకాంక్షలు చెప్పే పేరుతో ఎలాంటి ఆడంబరాలకు పోకుండా ఫ్లెక్సీలకు, బొకేలకు చేసే ఖర్చును సేవా కార్యక్రమాలకు వినియోగించాలని నెల్లూరు రూరల్ శాసనసభ్యులు రెడ్డి పిలుపునిచ్చారు. ఆయన తన కార్యాలయంలో ఏర్పాటు చేసిన మీడియా సమావేశంలో మాట్లాడుతూ తాను గత ఏడాది నూతన సంవత్సర వేడుకలకు ప్రతిపక్ష ఎమ్మెల్యేగా ఏ సంప్రదాయాలు పాటించానో ఇప్పుడు అధికార పార్టీ ఎమ్మెల్యేగా కూడా అదే సంప్రదాయాలను పాటిస్తానని అని చెప్పారు. ముఖ్యంగా తన నియోజకవర్గమైననెల్లూరు రూరల్ లో వైసీపీ అభిమానులు ఫ్లెక్సీల పేరుతో
డబ్బు వృధా వద్దని సూచిస్తూ వారంతానూతన సంవత్సరం సందర్భంగా సేవా కార్యక్రమాలు జిల్లా అంతా నిర్వహించాలని ఆయన పేర్కొన్నారు.పేదలు, నిరుపేదలను ఆదుకునేందుకు వారి శక్తి మేర చేయూత ఇవ్వాలని ఆయన కోరారు. ఫ్లెక్సీలు,పూల బొకేల వల్ల ఎటువంటి ప్రయోజనం ఉండదన్నారు. వైసిపి అభిమానులుగా ఉన్న ప్రతి ఒక్కరూ తన సూచనలను పాటిస్తారని ఆశిస్తున్నానని ఈ సందర్భంగా ఆయన తెలిపారు. సమావేశంలో రూరల్ నియోజకవర్గ కార్యాలయం ఇన్చార్జ్ కోటంరెడ్డి గిరిధర్ రెడ్డి, వైసిపి నాయకులు తాటి వెంకటేశ్వర్లు, శివాచారి తదితరులు పాల్గొన్నారు.

అనూష మృతిపై ఉధృతమవుతున్న ఆందోళనలు

ఉదయగిరి, డిసెంబర్‌ 26, (రవికిరణాలు) : నెల్లూరు జిల్లా ఉదయగిరి మండలం కొండాయపాలెం పంచాయతీలోని వెంకట్రావుపల్లె గ్రామంలో తోకల అనూష అనుమాన స్పద మృతికి కారణమైన వెంకట(రెడ్డి)ని ఏడు రోజులు గడుస్తున్నా నిందితుడిని ఎందుకు అదుపులోకి తీసుకుని విచారించలేదని గురువారం యం ఆర్ పి యస్ నాయకుల ఆధ్వర్యంలో ప్రజా సంఘాలు కలసి స్థానిక బస్టాండ్ సెంటర్ నుంచి మేకపాటి ఇంజనీరింగ్ కళాశాల వరకు ర్యాలీ నిర్వహించారు.ఉదయగిరికి ఆయా సహాఖల మంత్రుల రాకతో ఎలాంటి అవాంఛనీయ ఘటనలు జరగకుండా పోలీసులు గట్టు దట్టమైన బందోబస్తీ నిర్వహించారు. జిల్లా జాయింట్ కలెక్టర్ వినోద్ కుమార్ అక్కడికి చెరుకోగా ఆయన కారుకు అడ్డంగా నిలబడి మృతురాలు అనూష కి న్యాయం చేయాలని, నిందితుడిని అరెస్ట్ చేసి తగిన శిక్ష విధించాలని నినాదాలతో డిమాండ్ చేశారు.దీంతో స్పందించిన జాయింట్ కలెక్టర్ మాట్లాడుతూ మీ విషయం ఇప్పుడే నా దృష్టికి వచ్చిందని,కలెక్టర్ తో మాట్లాడి మీకు న్యాయం చేస్తానని హామీ ఇవ్వడంతో విషయం సద్దుమణిగింది.అదే రీతిలో బాధిత కుటుంబానికి అండగా నిలిచిన యం ఆర్ పి యస్,ప్రజా సంఘాల నాయకులతో కావలి డి యస్ పి ప్రసాద్ మాట్లాడి నిందితుడి పై కేసు నమోదు చేసి అనూష కేసు లో నిజా నిజాలు నిగ్గు తేల్చి నిందితుడికి కఠినమైన శిక్ష విధిస్తామని హామీ ఇచ్చారు.దీంతో యం ఆర్ పి యస్ నాయకులతో పాటు ప్రజా సంఘాల నాయకులు ఆందోళనను విరమించుకున్నారు.ఐతే సబ్ కలెక్టర్,డి యస్ పి భాదితులకు చెప్పిన మాట ప్రకారం న్యాయం చేస్తారా? వేచి చూడాల్సిందే

సమస్యలకు సత్వర పరిష్కారం

నెల్లూరు, డిసెంబర్‌ 26, (రవికిరణాలు) : నెల్లూరు రూరల్ నియోజకవర్గ పరిధిలోని 12వ డివిజన్, వావిలేటిపాడులో నేడు నెల్లూరు రూరల్ ఎమ్మెల్యే కార్యాలయం ఇన్ ఛార్జ్ కోటంరెడ్డి గిరిధర్ రెడ్డి అడిషినల్ కమీషనర్ వార్డు సచివాలయాన్ని ప్రారంభించారు.ఈ సందర్భంగా రూరల్ ఎమ్మెల్యే కార్యాలయం ఇన్ ఛార్జ్ కోటంరెడ్డి గిరిధర్ రెడ్డి మాట్లాడుతూ, సమస్యల పరిష్కారానికి పదేపదే కార్యాలయాల చుట్టూ తిరిగే పరిస్థితి ఉండేదని, ఇకమీదట ఈ పరిస్థితి ప్రజలకు ఉండబోదన్నారు. సమస్యలకు సత్వరమే ఈ గ్రామ, వార్డు సచివాలయాల ద్వారా పరిష్కారం దొరుతుందని అన్నారు. గ్రామ సచివాలయాల ద్వారా దేశ చరిత్రలోనే సరికొత్త అధ్యాయానికి
నాంది పలికిన ఏకైక ముఖ్యమంత్రి వై.యస్. జగన్ మోహన్ రెడ్డిని, దేశంలో ఏముఖ్యమంత్రి చేయని విధంగా వై.యస్. జగన్ మోహన్ రెడ్డి సంక్షేమపధకాలను అమలు చేస్తున్నారని, పాదయాత్రలో ఇచ్చిన హామీలలో ఇప్పటికే 95% హామీలు నెరవేర్చారన్నారు. ప్రభుత్వానికి మరియు ప్రజలకు మధ్య వారధిలా వాలంటీర్లు పనిచేయాలన్నారు. ప్రభుత్వానికి మంచి పేరు వచ్చే విధంగా వాలంటీర్లు పనిచేయాలని అన్నారు.

భీమునివారిపాలెం పడవలరేవును సందర్శించిన జిల్లా యస్పి

ఫ్లెమింగో ఫెస్టివల్ దృష్ట్యా పర్యాటకుల భద్రత అంశాలపై అధికారులతో సమీక్ష
బోటింగ్ నకు ఉపయోగించే పడవలకు ఫిట్ నెస్ సర్టిఫికేట్లు ఉండాలి
భీమునివారిపాలెం, డిసెంబర్‌ 26, (రవికిరణాలు) : జనవరి మొదటి వారం 3,4, 5 వ తేదీలలో జరగనున్న ఫ్లెమింగో ఫెస్టివల్ ఉత్సవాలు సందర్భంగా జిల్లా యస్పి భాస్కర్ భూషణ్ గురువారం సాయంత్రం భీమునివారిపాలెం పడవల రేవును సందర్శించారు.బోటు ప్రమాదాలు నివారించేందుకు గూడూరు డియస్పి, జెడి ఫిషరీస్,సూళ్ళూరుపేట ఎమ్‌ఆర్‌ఓ, టూరిజం మేనేజర్, గ్రామ సర్పంచ్ తో కలిసి ప్లెమింగో ఫెస్టివల్ సందర్భంగా బోటింగ్ నకు ఉపయోగించే పడవల ఫిట్ నెస్ బోటు డ్రైవర్స్ లైసెన్స్ మొదలగు అంశాల గురించి చర్చించారు. ఈ సందర్భంగా జెడి ఫిషరీస్ పి.శ్రీహరి 10 నుండి 15 మంది కెపాసిటీ గల మొత్తం 25 బోట్లను పర్యాటకుల కోసం మరో 5 బోట్లను అత్యవసర పరిస్థితులలో భద్రత కోసం, ఇంకా గజ ఈతగాళ్ళను, లైఫ్ జాకెట్ లను ఏర్పాటు చేయడం జరిగిందని జిల్లా యస్పి కి తెలపగా, అయితే అన్ని బోట్లకు ఫిట్ నెస్ సర్టిఫికేట్ లు కలిగి ఉండాలని, దానితో పాటు డ్రైవర్స్ అందరూ లైసెన్స్ పొందినవారు అయి ఉండాలని, నీటి ప్రమాదాలు నివారించేందుకు అన్ని చర్యలు తీసుకోవాలని యస్పి ఆదేశాలు జారీ చేసారు. ఈ కార్యక్రమంలో గూడూరు డియస్పి బి.భవాని హర్ష, జెడి ఫిషెరీస్ శ్రీహరి, ఇంచార్ట్ సిఐ సూళ్లూరుపేట వేణుగోపాల్ రెడ్డి, టూరిజం మేనేజర్ ఆమర్నాధ్ రెడ్డి, ఎమ్‌ఆర్‌ఓ నగరాజ లక్ష్మీ, ఎస్సై జ.వేణు, సర్పంచ్ రత్తయ్య ఇతర అధికారులు
పాల్గొన్నారు.

జగన్ హయాంలో జిల్లా సస్యశ్యామలం

నెల్లూరు ఎంపీ ఆదాల ప్రభాకర్ రెడ్డి

సంగం, డిసెంబర్‌ 26, (రవికిరణాలు) : జగన్ హయాంలో ప్రాజెక్టులు పూర్తి చేసుకుని జిల్లా సస్యశ్యామలం అవుతుందని నెల్లూరు ఎంపీ ఆదాల ప్రభాకర్ రెడ్డి తెలిపారు. సంగం బ్యారేజీ పనులను జిల్లా మంత్రులు అనిల్ కుమార్ యాదవ్, గౌతంరెడ్డి లతో కలిసి గురువారం పరిశీలించారు. అనంతరం ఆయన మాట్లాడుతూ సీఎం జగన్మోహన్ రెడ్డి హయాంలో జిల్లాలో ప్రాజెక్టులు పూర్తవుతాయని ఆశాభావం వ్యక్తం చేశారు. సీఎం జగన్ విజయం సాధించాక ప్రజల్లో నమ్మకం పెరిగిందని పేర్కొన్నారు. ప్రాజెక్టు పూర్తయితే బిల్లులు వస్తాయని కాంట్రాక్టర్ నమ్ముతున్నారని తెలిపారు. అందుకే పనులను వేగవంతంగా పూర్తి చేస్తున్నారని తెలిపారు. సంగం బ్యారేజీ సెప్టెంబర్ లోగా పూర్తి చేస్తే అది జిల్లాకు ఎంతో ఉపయోగమే కాకుండా ప్రభుత్వం పై గౌరవం పెరుగుతుందని పేర్కొన్నారు. 2500 కోట్లతో ఇరిగేషన్ మంత్రి అనిల్ కుమార్ యాదవ్ పనులు చేపట్టే విషయంలో పూర్తి స్వేచ్ఛని ఇచ్చారని తెలిపారు. ఈ కార్యక్రమంలో మాజీ ఎంపీ మేకపాటి రాజమోహన్ రెడ్డి, విజయ డైరీ చైర్మన్ రంగారెడ్డి, రూప్ కుమార్ యాదవ్, సుధాకర్ రెడ్డి, తదితరులు పాల్గొన్నారు.

మంత్రులు తలచుకుంటే ఉదయగిరి రూపురేఖలు మారిపోతాయి

నెల్లూరు ఎంపీ ఆదాల ప్రభాకర్ రెడ్డి

ఉదయగిరి, డిసెంబర్‌ 26, (రవికిరణాలు) : నెల్లూరు జిల్లాకు చెందిన మంత్రులు అనిల్ కుమార్ యాదవ్ గౌతమ్ రెడ్డి తలుచుకుంటే ఉదయగిరి ప్రాంత రూపురేఖలు మారిపోతాయని నెల్లూరు ఎంపీ ఆదాల ప్రభాకర్ రెడ్డి తెలిపారు. ఉదయగిరిలో డిఆర్ డిఎ ఆధ్వర్యంలో నిర్వహించిన పొదుపు మహిళలకు చెక్కుల పంపిణీ కార్యక్రమంలో ఆయన మాట్లాడారు. ఇదే ప్రాంతానికి చెందిన మంత్రి గౌతమ్ రెడ్డి ఈ ప్రాంతానికి పరిశ్రమలను తేవాలని కోరారు. అలాగే అనిల్ కుమార్ యాదవ్ ఈ ప్రాంతంలో సాగునీటి ప్రాజెక్టులను పూర్తి చేసి రైతుల ఇబ్బందులను తీర్చాలని కోరారు. ఉదయగిరి దుర్గం అభివృద్ధి గురించి తాను పార్లమెంట్లో ప్రస్తావించానని ఈ
సందర్భంగా గుర్తు చేశారు. ఈ ప్రాంత అభివృద్ధి కోసం స్థానిక ఎమ్మెల్యే చంద్రశేఖర్ రెడ్డి కి తాను చేదోడువాదోడుగా ఉంటానని హామీ ఇచ్చారు. ఎమ్మెల్యే అడిగిన విధంగా పది లక్షలు తన నిధుల నుంచి కేటాయిస్తానని చెప్పారు. వైయస్ బతికున్న రోజుల్లో చంద్రశేఖర్ రెడ్డి ఎక్కడ కనిపించినా ఉదయగిరి ప్రాంతం గురించి అడిగే వారిని గుర్తు చేశారు ఆయన బతికి ఉంటే ఈ ప్రాంతంలోని ప్రాజెక్టులు ఎప్పుడో పూర్తి అయ్యెవని, రైతుల కరువుకాటకాలు తీరే వని పేర్కొన్నారు. ఇప్పుడు జగన్ హయాం వచ్చింది కనుక మంచి రోజులు వచ్చాయని తెలిపారు. ఈ సభకు మహిళలు అధిక సంఖ్యలో వచ్చారని, గతంలో ఇలా ఉండేది కాదని చెప్పారు మహిళల్లో చైతన్యం పెరిగిందని, జగన్ మోహన్ రెడ్డి కూడా మహిళలకు సమాన ప్రాతినిధ్యం ఇచ్చారని తెలిపారు పిల్లలను బడికి పంపేందుకు గాను అమ్మ ఒడి కింద ఆర్థిక సహాయం అందజేసి, కుటుంబాలకు ఎంతో చేయిస్తున్నారని చెప్పారు ఏ దేశమైనా బాగుపడింది అంటే మహిళల వల్లనేనని వారు పురుషులతో సమానంగా పోటీ పడినప్పుడే సమాజం బాగుంటుంది అని తెలిపారు. అంతకుముందు ఉదయగిరి పట్టణంలో అంతర్గత రోడ్లు, సైడ్ కాలువ నిర్మాణానికి మంత్రులు, ఎంపీ ఆదాల ప్రభాకర్ రెడ్డి ఎమ్మెల్యే చంద్ర శేఖర్ రెడ్డి శంకుస్థాపన చేశారు అంతకుముందు ఆనకట్ట నుంచి రోడ్ షో జరిగింది. ఈ కార్యక్రమంలో మంత్రులు అనిల్ కుమార్ యాదవ్, గౌతమ్ రెడ్డి, మాజీ ఎంపీ మేకపాటి రాజమోహన్ రెడ్డి, స్థానిక ఎమ్మెల్యే మేకపాటి చంద్రశేఖర్ రెడ్డి, విజయ డైరీ చైర్మన్ రంగారెడ్డి, కోటేశ్వర్ రెడ్డి, పాముల హరి, అల్లూరు రాజు, చేజర్ల సుబ్బారెడ్డి, వెంకటేశ్వర్ రెడ్డి, నిజాముద్దీన్, తదితరులు పాల్గొన్నారు. ఉదయగిరి ప్రాంత పొదుపు మహిళలకు 102 కోట్ల రూపాయల చెక్కులను పంపిణీ చేశారు.

రాష్ట్రంలో ప్రభుత్వ, సేవ రంగాలను నిర్వీర్యం చేస్తున్న సీఎం - మాజీ మంత్రి సోమిరెడ్డి

నెల్లూరు, డిసెంబర్‌ 26, (రవికిరణాలు) : రాష్ట్రంలో ఒక్కో రంగాన్ని నిర్వీర్యం చేస్తూ వస్తున్న సీఎం జగన్మోహన్ రెడ్డి కన్ను ఇప్పుడు ప్రభుత్వ పవర్ ప్రాజెక్టులపై పడిందని మాజీ మంత్రి, తెలుగుదేశం పార్టీ పొలిట్ బ్యూరో సభ్యుడు సోమిరెడ్డి చంద్రమోహన్ రెడ్డి ఆరోపించారు. ఈ మేరకు ఆయన బుధవారం సాయంత్రం నెల్లూరు టిడిపి కార్యాలయంలో జిల్లా పార్టీ అధ్యక్షుడు బీద రవిచంద్ర యాదవ్ తోకలిసి విలేకరుల సమావేశంలో మాట్లాడారు. పీపీఏలపై సమీక్ష పేరుతో సంప్రదాయ విద్యుత్ వనరులైన సోలార్, విండ్ పవర్ రంగాల్లో గందరగోళం సృష్టించారని, ఆ తర్మాత థర్మల్ పవర్ ను కూడా బ్రష్టుపట్టించే ప్రయత్నం చేస్తున్నారని ఆయన ఆరోపించారు.1986కి ముందు రాయలసీమ జిల్లాల్లో విద్యుత్ సరఫరా సమస్య తీవ్రంగా ఉండేదని, లోఓల్టేజీ కారణంగా ట్యూబ్ లైట్లు వెలగని పరిస్థితి నెలకొని ఉండేదన్నారు.
రాయలసీమలో ఓల్టేజీ సమస్యను సమూలంగా పరిష్కరించేందుకు 1986లో ఉగాది పర్వదినం నాడు ఎన్టీ రామారావు 1650 మెగావాట్ల సామర్థ్యంతో రాయలసీమ థర్మల్ పవర్ ప్లాంట్ (ఆర్టిపిపి)కి శ్రీకారంచుట్టడం జరిగిందన్నారు. ఆర్టీపీపీలో విద్యుత్ ఉత్పత్తి ఖర్చుతో కూడిన వ్యవహారమైనప్పటికీ ప్రజా ప్రయోజనాలను దృష్టిలో ఉంచుకుని ముందుకెళ్లారని చెప్పారు.
ఆ తర్వాత చంద్రబాబు నాయుడు, వైఎస్ రాజశేఖర్ రెడ్డి ఈ ప్రాజెక్టుపై ప్రత్యేక శ్రద్ధపెట్టి
కొనసాగించారని వెల్లడించారు.రాయలసీమలో ఒక ప్రధాన ప్రాజెక్టు అయిన ఆర్టీపీపీని ఇప్పుడు ఎన్‌టిసిపికి అప్పగించేందుకు రాష్ట్ర ప్రభుత్వం ప్రయత్నం చేస్తుందని విమర్శించారు.
మరోవైపు నెల్లూరు జిల్లాలోని నేలటూరులో ఉన్న ఏపీ జెన్ కో పవర్ ప్రాజెక్టును కూడా ప్రైవేటు పరం చేసే ప్రయత్నాల్లో ఉన్నట్లు అనుమానం కలుగుతుందన్నారు.తక్కువ మానవశక్తితో ఎక్కువ విద్యుత్ ఉత్పత్తి సామర్ధ్యం కలిగిన ప్రాజెక్టుల్లో నేలటూరు ప్రాజెక్టు ఎన్టీపీసీ కంటే ముందుందన్నారు. . ఈ ప్రాజెక్టును ఆ పక్కనే ఉన్న సెంబ్ కార్ప్, లేక అదానీ కంపెనీకో అంటగట్టేలా వైసీపీ ప్రభుత్వం చర్యలు చేపడుతున్నట్లు ఉందని ఆయన దుయ్యబట్టారు.
ఆర్టీపీపీ కానీ, ఏపీ జెన్ కో ప్రాజెక్టు కానీ వ్యాపార సంస్థలు కావని అవి సేవా దక్ఫథంతో పని చేసే ప్రభుత్వ రంగ సంస్థలన్నారు. ఆనాడు నార్ల తాతారావు, పార్ధసారధిలను సలహాదారులుగా పెట్టుకుని విద్యుత్ వ్యవస్థను నడిపించారని చంద్రమోహన్ రెడ్డి చెప్పారు. ప్రస్తుతం విజయవాడలోని వీటీపీఎస్ దేశంలోని నెం 1 స్థానంలో ఉందని, ఆర్టీపీపీ కూడా అనేక అవార్డులు అందుకుంటుందన్నారు. తమిళనాడు ప్రభుత్వం సుదూర ప్రాంతాల నుంచి ట్రాన్స్ మిషన్ నష్టాలను భరిస్తూ కూడా విద్యుత్ కొనుగోలు చేస్తున్నారని సోమిరెడ్డి గుర్తు చేశారు. సామాన్య ప్రజలతో పాటు, రైతులు, పరిశ్రమలకు విద్యుత్ కీలక ఆధారం, అటువంటి విద్యుత్ రంగాన్ని
లాభనష్టాల పేరుతో ఏపీ ప్రభుత్వం విడిపించుకునే ప్రయత్నం చేయడం దురదృష్టకరమని ఆయన వ్యాఖ్యానించారు.రైతులతో పాట వివిధ రంగాలకు సబ్సిడీపై, ఉచితంగా పంపిణీ చేస్తున్న విద్యుత్ సంబంధించిన మొత్తాన్ని ఎప్పటికప్పుడు జెన్ కో సంస్థకు ప్రభుత్వం రీయింబర్స్ చేస్తే ఆ సంస్థ లాభాల్లో ఉంటుందని స్వయంగా సమస్త ఉద్యోగస్తులే చెప్పడం శుభపరిణామం.అలా చేయకుండా ప్రైవేటు పరం చేయడం వెనుక ఉన్న ఉద్దేశమేమిటో ప్రజలకు సమాధానం చెప్పాల్సిన అవసరం ఎంతైనా ఉందన్నారు. రాష్ట్ర ప్రభుత్వం చేతిలోని ప్రాజెక్టును ఎన్టీపీసీకి దారాధత్తం చేసే ప్రయత్నంలో ఉన్నారని ఆయన ఆరోపించారు. ప్రస్తుతం కేంద్ర ప్రభుత్వం ఎయిర్ ఇండియా, రైల్వేస్ వంటి భారీ సంస్థలనే ప్రైవేటు పరం చేసే ఆలోచనలో ఉందన్న అనుమానం కలుగుతుందన్నారు. భవిష్యత్తులో ఎన్టీపీసీని కూడా ప్రైవేటు పరం చేయదని నమ్మకమేంటని చంద్రమోహన్ రెడ్డి ప్రశ్నించారు. ఇప్పటికైనా ప్రభుత్వం ఏక పక్ష నిర్ణయాలకు స్వస్తి చెప్పాల ఆయన హితవు పలికారు. ఈ సమావేశంలో జిల్లా తెలుగుదేశం పార్టీ అధ్యక్షుడు, ఎమ్మెల్సీ బీదా రవిచంద్ర యాదవ్, మాజీ కార్పొరేటర్ లో పెట్టు
సత్య నాగేశ్వరరావు యాదవ్, రామ్ మూర్తి యాదవ్, పొత్తూరు శైలజ, వెంకటాచలం మండలం పార్టీ అధ్యక్షుడు నాగేంద్ర ప్రసాద్ యాదవ్, జన్ని రమణయ్య, మైథిలి మనోహర్ రెడ్డి తదితరులు పాల్గొన్నారు.

డెంగ్యూ జ్వరాలకు ఆరోగ్యశ్రీ ద్వారా చికిత్స అందించాలి

- జనసేన పార్టీ నెల్లూరు నగర ఎమ్మెల్యే అభ్యర్థి కేతంరెడ్డి వినోద్ రెడ్డి

నెల్లూరు, డిసెంబర్‌ 26, (రవికిరణాలు) : డెంగ్యూ జ్వరాలు బారినపడి ప్రాణాలతో పోరాడుతున్న నిరుపేదలకు ప్రభుత్వం ఆరోగ్యశ్రీ ద్వారా చికిత్స అందించి ఆదుకోవాలని జనసేన పార్టీ నెల్లూరు నగర ఎమ్మెల్యే అభ్యర్థి కేతంరెడ్డి వినోద్ రెడ్డి ప్రభుత్వాన్ని కోరారు. నెల్లూరు నగరంలోని బొడిగాడి తోట ప్రాంతంలో డెంగ్యూ జ్వరాలు నివారణ కోసం జనసైనికులతో కలిసి ఆయన మందులను పంపిణీ చేశారు ఈ సందర్భంగా కేతంరెడ్డి మాట్లాడుతూ.. పేద మధ్యతరగతి ప్రజలకు నాణ్యమైన ఉచిత వైద్యం కరువైందని ధనార్జనే ధ్యేయంగా పని చేస్తున్నటువంటి ప్రైవేట్ ఆస్పత్రులకు వెళ్లాలంటేనే ప్రజలు బెంబేలెత్తిపోతున్నారని ఆయన
అన్నారు..ప్రభుత్వాసుపత్రిలో నాణ్యమైన వైద్యం దొరకక ప్రైవేట్ ఆస్పత్రిలో ఖరీదైన వైద్యాన్ని కొనలేక సతమతమవుతూ అనారోగ్యంతో ప్రాణాలు విడుస్తున్న సంఘటనలు రోజురోజుకూ అధికమవుతున్నాయి ఆయన ఆవేదన వ్యక్తం చేశారు. డెంగ్యూ జ్వరాల పట్ల ప్రజల్లో అవగాహన కార్యక్రమాలు నివారణ చర్యలు చేపట్టాల్సిన బాధ్యత ప్రభుత్వ యంత్రాంగంపై ఉందని ప్రజల ప్రాణాలకు రక్షణ కల్పించడమే ప్రభుత్వం యొక్క ప్రధాన బాధ్యత అని ఆయన గుర్తు చేశారు.అనంతరం బోడిగాడితోట ప్రాంతంలోని నిరుపేదలకు ఇంటింటికి వెళ్లి డెంగ్యూ నివారణ మందులను పంపిణీ చేశారు దాదాపుగా 250 కుటుంబాలకు చెందిన వెయ్యి మంది వెయ్యి
మందికి ఈ మందులను పంపిణీ చేశారు. ఈ కార్యక్రమంలో జనసేన పార్టీ నాయకులు కాకు మురళి రెడ్డి,మోషే,మైఖేల్, రేవంత్,కార్తిక్,వెంకట్,చందు,బాషా,కిరణ్ మహిళా నాయకులు షేక్ ఆలియా,శిరీషా రెడ్డి తదితరులు పాల్గొన్నారు.

న్యూ ఇయర్ సెలబ్రేషన్స్‌లో నిబంధనలను అతిక్రమిస్తే చర్యలు తప్పవు - సి.ఐ అన్వర్ బాషా

వెంకటగిరి, డిసెంబర్‌ 26, (రవికిరణాలు) : వెంకటగిరి పట్టణ పరిధిలో పోలీస్ స్టేషన్ లో సి.ఐ అన్వర్ బాషా గురువారం ఉదయం అన్వర్ బాషా విలేకరుల సమావేశం నిర్వహించారు.ఈ సందర్భంగా సి.ఐ అన్వర్ బాషా మాట్లాడుతూ న్యూ ఇయర్ సెలబ్రేషన్స్ లో ఇతరులకు ఇబ్బంది కలుగజేస్తే అటువంటి వారిపై కఠిన చర్యలు తీసుకుంటామని హెచ్చరించారు. అలాగే న్యూ ఇయర్ సెలబ్రేషన్స్ వారి కుటుంబ సభ్యులతో కలిసి ఆనందంగా జరుపుకోవాలని అన్నారు. ముఖ్యంగా యువత ద్వి చక్ర వాహనం పై ఫిట్ లు చేయటం, అలాగే మైనర్ పిల్లలు ద్విచక్ర వాహనం నడిపితే అటువంటి వారిపై కూడా చర్యలు తీసుకుంటామని అన్నారు. డిసెంబర్ 31 తేదీ రాత్రి 8 గం,, లను ప్రత్యేక సిబ్బంది ద్వారా అన్ని గమనిస్తూ ఉంటామని అన్నారు. అలాగే వెంకటగిరి సర్కిల్ పరిధిలో ఉన్న ప్రజలందరికీ ముందుగా న్యూ ఇయర్ శుభాకాంక్షలు తెలిపారు. అలాగే ఎర్రచందనం, ఇసుక రవాణా అక్రమంగా తరలిస్తుంటే మాకు సమాచారం తెలపాలని కోరారు. ఈ సమావేశంలో ఎస్సై అనూష పాల్గొన్నారు

విద్యుత్ స్తంభంపైన వ్యక్తి మృతి

కోట, డిసెంబర్‌ 26, (రవికిరణాలు) : కోట మండలం నెల్లూరు పల్లి కొత్తపాలెం గ్రామంలో విద్యుత్ స్తంభంపై మస్తాన్ అనే వ్యక్తి విద్యుత్ షాక్ తో మృతి చెందాడు. స్థానికుల సమాచారం మేరకు అతను కరెంట్ పని చేసే అబ్బాయి అని స్థానిక కరెంట్ ఆఫీస్ కు ఫోన్ చేసి ఎల్.సి తీసుకున్నాడని సమాచారం.ఏది ఏమైనా అధికారుల విచారణలో నిజ నిజాలు తెలియాల్సి ఉంది.

రాకాసి అల ఎగిసిపడి లక్షల మందిని బలితీసుకున్న ఆ చేదు జ్ఞాపకానికి 15 ఏళ్లు

అది 2004, డిసెంబర్ 26 ప్రకృతి ప్రకోపానికి ప్రపంచం చిగురుటాకులా వణికిపోయిన రోజు. మానవ చరిత్రలోనే అతిపెద్ద ప్రకృతి విలయాల్లో ఒకటిగా నిలిచిన సునామీ 14 దేశాల్లో 2,30,000 మందికి పైగా ప్రాణాలను బలి తీసుకుంది. హిరోషిమాపై అమెరికా ప్రయోగించిన అణు బాంబు కంటే 23,000 రెట్లు అధికమైన శక్తి ఈ సునామీ వల్ల విడుదలైందని యూఎస్‌ జియోలాజికల్‌ సర్వే అప్పట్లో తేల్చింది. ఈ భూకంపం తీవ్రతను తొలుత 8.8 గా లెక్కించినా 2005లో 9.0కి సవరించారు. కానీ యూఎస్ జియోలాజికల్ సర్వే మాత్రం 9.1గా అంచనా వేసింది. కానీ, 2006లో జరిపిన పరిశోధనల ప్రకారం దాని పరిమాణం 9.1నుంచి 9.3 ఉంటుందని తేల్చారు. కాలిఫోర్నియా ఇన్‌స్టిట్యూట్ ఆఫ్ టెక్నాలజీ మాత్రం దీని పరిమాణం ఉజ్జాయింపుగా 9.2 ఉంటుందని అంచనా వేశాడు.ఇండోనేషియాకు ఆగ్నేయంగా ఉన్న సుమత్రా దీవుల్లో సంభవించిన భూకంపం ధాటికి ఆచె తీర ప్రాంతంలో రాకాసి అలలు 100 అడుగుల ఎత్తుకు ఎగిసిపడి అందరినీ భయకంపితుల్ని చేశాయి. కేవలం ఆచెలో లక్షా 60 వేల మందికి పైగా ప్రాణాలను కోల్పోయారు. స్థానిక కాలమానం ప్రకారం డిసెంబర్‌ 26న సుమిత్రా ద్వీపం వద్ద సముద్ర గర్భంలో రిక్టర్ స్కేల్‌పై 9.0 తీవ్రతతో భూకంపం సంభవించింది. సముద్ర గర్భంలో ఇండియా ప్లేట్, బర్మా ప్లేట్‌ల మధ్య ఘర్షణ ఏర్పడటంతో 1000 కిలోమీటర్ల పొడవు, పది మీటర్ల లోతు మేర చీలిక ఏర్పడింది. దీంతో సముద్రంలో ఒక్కసారిగా నీరు ఉప్పొంగాయి. గంటల వ్యవధిలోనే తీరం వైపు శక్తిమంతమైన రాకాసి అలలు దూసుకొచ్చాయి.హిందూ మహా సముద్రంలోని 14 దేశాల తీర ప్రాంతాలను ఈ అలలు కకావికలం చేశాయి. సునామీ అలలు 5వేల కిలోమీటర్లు ప్రయాణించి ఆఫ్రికా తీరానికి సైతం తీవ్ర నష్టాన్ని కలగించాయి. చాలాచోట్ల సుమారు 30 మీటర్ల ఎత్తులో అలలు తీరంపై విరుచుకుపడ్డాయి. ఈ ప్రకృతి విపత్తు కారణంగా భారత్‌‌లో సుమారు 10వేల మందికి పైగా మరణించారు. ప్రపంచవ్యాప్తంగా 18 లక్షల మంది
నిరాశ్రయులు కాగా.. 50వేల మంది గల్లంతయ్యారు. క్రిస్మస్ మర్నాడు సంభవించిన ఈ సునామీ ధాటికి అండమాన్ నికోబార్ దీవుల్లో 4000 మంది, తమిళనాడులో 4500 మంది మృతి చెందారు. కడలూరు, నాగపట్టణంలోని తీర ప్రాంతంలోని చర్చిలకు క్రిస్మస్ ప్రార్థనల కోసం వచ్చిన వందలాది మంది రాకాసి అలకు బలయ్యారు.నాటి చేదు గుర్తులను తలుచుకుంటూ సునామీ కారణంగా మరణించినవారి కుటుంబసభ్యులు ఏటా డిసెంబరు 26న సముద్రుడికి పూజలు చేస్తారు. పువ్వులతో, పాలతో అభిషేకం చేసి, ఎప్పుడూ శాంతంగా ఉండి మానవాళికి రక్షణగా ఉండాలంటూ సముద్రుడిని వేడుకుంటారు. 2004 డిసెంబర్‌ 26 న సంభవించిన సునామీ కారణంగా ఆంధ్రప్రదేశ్‌ తీరప్రాంతంలో తొమ్మిది జిల్లాలు ప్రభావితమయ్యాయి.

కేశినేని నాని గృహ నిర్బంధం

విజయవాడ: విజయవాడ ఎంపీ కేశినేని నానిని పోలీసులు గృహనిర్బంధం చేశారు. అమరావతిలోనే ఏపీ రాజధానిని కొనసాగించాలంటూ ప్రకాశం బ్యారేజీపై నిరసన కార్యక్రమానికి రాజధాని పరిరక్షణ సమితి పిలుపునిచ్చింది. అయితే, మంత్రివర్గ సమావేశం దృష్ట్యా దీనికి పోలీసులు అనుమతి నిరాకరించారు. ప్రకాశం బ్యారేజీ వద్ద నిర్వహించ తలపెట్టిన నిరసనకు వెళ్తారనే ఉద్దేశంతో తెదేపా ఎంపీ నానిని విజయవాడలోని ఆయన నివాసంలోనే నిర్బంధించారు. ఆయన ఇంటి వద్ద పోలీసులు భారీగా మోహరించారు.

అమరావతి రాజధాని కోసం పార్టీలకతీతంగా అందరూ ఉద్యమించాలి- చేజర్ల

కోవూరు, డిసెంబర్‌ 25, (రవికిరణాలు) : నెల్లూరుకు 250 కి.మీ.దూరంలో ఉన్న అమరావతిని కాదని 625 కి.మీ.దూరంలో ఉన్న విశాఖపట్నంలో రాజధాని పెట్టడము వలన, నెల్లూరు నుండి సరైన రవాణా సౌకర్యాలు లేని నెల్లూరికి 330కిమీ దూరంలో ఉన్న కర్నూలు లో హైకోర్టు ఏర్పాటు చేయడము వలన నెల్లూరు జిల్లాకు ఏ విధంగా మేలు జరుగుతుందో జిల్లాకు చెందిన మంత్రులు,అధికారపార్టీ శాసనసభ్యులు చెప్పాలని జిల్లా తెలుగుదేశం పార్టీ ప్రధానకార్యదర్శి చేజర్ల వెంకటేశ్వర రెడ్డి అన్నారు.బుధవారం కోవూరు తెలుగుదేశం పార్టీ కార్యాలయములో ఏర్పాటు చేసిన పత్రికా విలేఖరుల సమావేశంలో ఆయన మాట్లాడుతూ అమరావతి రాష్ట్రానికి నడి బొడ్డున ఉన్నందున, అందరికీ అందుబాటులో ఉంటుందనే ఉద్దేశంతో అమరావతి ని రాజధానిగా మేము అంగీకరిస్తున్నామని ప్రతిపక్ష నాయకుడిగా అసంబ్లీలో చెప్పాడముతో పాటు, ఎన్నికల ప్రచార సమయంలో వైస్సార్సీపీ అధికారంలోకి వస్తే రాజధానిని మారుస్తారని తెలుగుదేశం పార్టీ దుష్ప్రచారం చేస్తుందని,మేము అధికారంలోకి వచ్చినా అమరావతినే రాజధానిగా కొనసాగిస్తామని చెప్పిన వైఎస్ జగన్మోహన్ రెడ్డి తన ఏడు నెలల పాలనా వైఫల్యాల నుండి ప్రజల దృష్టి మరల్చడము కోసం,ప్రాంతీయ విభేదాలు సృష్టించి రాజకీయ లబ్ది పొందాలనే ఉద్దేశ్యంతో మూడు రాజధానులు వినాధాన్ని ముందుకు తెచ్చారని,అదేవిధంగా తనకు తన బంధువులకు విశాఖ చుట్టుపక్కల ఉన్న భూముల విలువ పెంచుకునేందుకు విశాఖపట్నం ను రాజధానిగా చేయటానికి ప్రయత్నాలు చేస్తున్నారని,నెల్లూరుకి అందుబాటులో ఉన్న అమరావతిని కాదని దూరంగా ఉన్న విశాఖపట్నం ను రాజధాని చేయడము వలన జిల్లాకు తీరని అన్యాయం జరుగుతుందని,ఉమ్మడి రాష్ట్ర రాజధానిగా ఉన్న హైదరాబాద్ నెల్లూరుకు 445 కి మీ దూరంలో ఉంటే ఇప్పుడు విశాఖపట్నం రాజధాని చేస్తే 625 దూరం ఎల్లవలసి ఉంటుందని ఏవిధంగా చూసినా విశాఖపట్నం రాజధాని చేయడము నెల్లూరు జిల్లాకు నష్టమే నని, జిల్లాకు అన్నివిధాల నష్టం జరిగే నిర్ణయాన్ని ముఖ్యమంత్రి తీసుకుంటే ఆ నిర్ణయాన్ని వ్యతిరీకించవలసిన జిల్లా మంత్రులు ,శాసనసభ్యులు సమర్దించి జిల్లాకు తీరని అన్యాయం చేస్తున్నారని కావున జిల్లాలో ఉన్న అన్ని రాజకేయ పార్టీలు,ప్రజాసంఘాలు, విద్యార్థి
సంఘాల పార్టీలకు అతీతంగా ఏకమై అందరికి అందుబాటులో ఉండే అమరావతి రాజధాని కోసం ఉద్యమించాలని కోరారు.ఈ సమావేశంలో తెలుగుదేశం పార్టీ నాయకులు ఏలూరు కృష్ణయ్య, శివుని రమణారెడ్డి, కావలి ఓంకార్, ఇందుపురు మురళీ కృష్ణా రెడ్డి, ఉయ్యురు వేణు, పాశం పరందామయ్య, కలికి సత్యనారాయణ రెడ్డి, పూల వెంకటేశ్వర్లు, మన్నెపల్లి నాగేంద్ర తదితరులు పాల్గొన్నారు.

శారదాపీఠం ఉత్తరాధికారిని కలిసిన నెల్లూరు ఎంపీ ఆదాల

నెల్లూరు, డిసెంబర్‌ 25, (రవికిరణాలు) : నెల్లూరు ఎంపీ ఆదాల ప్రభాకర్ రెడ్డి బుధవారం సాయంత్రం శారదా పీఠం ఉత్తరాధికారి స్వాత్మా నాందేందర సరస్వతి స్వామి వారిని ఎంపీ వేమిరెడ్డి ప్రభాకర్ రెడ్డి ఇంట్లో కలిశారు. నెల్లూరు ఎంపీ ఆదాల ప్రభాకర్ రెడ్డి స్వామి వారిని దర్శించడం పట్ల సంతోషాన్ని వ్యక్తం చేశారు. 'స్వయంగా కలవటం ఆనందాన్ని కలిగించిందని' తన సంతోషాన్ని వ్యక్తం చేశారు. ఈ సందర్భంగా స్వామి వారు ఫిబ్రవరిలో జరిగే వార్షికోత్సవానికి రావాలని ఎంపీని ఆహ్వానించారు దీనికి ఆదాల ప్రభాకర్ రెడ్డి తప్పకుండా వస్తానని తెలిపారు. ఈ సందర్భంగా స్వామివారు ఆదాల ప్రభాకర్ రెడ్డికి శాలువా కప్పి ప్రసాదాన్ని, ఆహ్వాన పత్రాన్ని అందజేశారు. రాజ్యసభ సభ్యులు వేమిరెడ్డి ప్రభాకర్ రెడ్డి, విజయ డైరీ చైర్మన్ రంగారెడ్డి, కోటేశ్వర్ రెడ్డి, సుధాకర్ రెడ్డి ఆయనను కలిసిన వారిలో ఉన్నారు.

రూ.450కోట్లతో నెల్లూరు నగర అభివృద్ధి

- రాష్ట్ర జలవనరుల శాఖ మంత్రి డా|| పి.అనీల్ కుమార్
నెల్లూరు, డిసెంబర్‌ 25, (రవికిరణాలు) : నెల్లూరు నగరంలోని 15వ డివిజన్ లక్ష్మీనగర్ నందు రూ.11.20 లక్షలతో నిర్మిస్తున్న సిసి రోడ్డు, డ్రైనేజీ పనులకు రాష్ట్ర జలవనరుల శాఖ మంత్రి డా|| పి.అనీల్ కుమార్ శంకుస్థాపన చేశారు.ఈ సందర్భంగా మంత్రి అనీల్ కుమార్ మాట్లాడుతూ బాలాజీనగర్ లక్కీబోర్డు సెంటర్ ప్రాంతంలో 30 ఏళ్ళ నుంచి కాలువ మీద దాదాపు 15 ఇళ్ళు ఉండి 100 మీటర్ల వరకు రోడ్డు చిన్నదై పోవడంతో 2, 3 వేల కుటుంబాలకు ఆ ప్రాంతం నుంచి రాకపోకలకు ఇబ్బందులు ఏర్పడిందన్నారు. ఈ ప్రాంతంలో అనేకమార్లు పర్యటించానని, ప్రతిసారి రోడ్డు వెడల్పు చేయమని స్థానికులు చెప్తుండడం జరుగుతోందన్నారు. ఈ ప్రాంతంలో కాలువపై ఇళ్ళు నిర్మించుకొని నివసిస్తున్న 15 కుటుంబాలకు ఇళ్ళ స్థలాలు కేటాయించి, ప్రభుత్వం ఇచ్చే సబ్సిడీ రుణాలు ఇప్పించడం జరిగిందని, వెంటనే ఆ రోడ్డుకు శంకుస్థాపన చేయడం జరిగిందన్నారు. ఎక్కడైనా 10, 15 కుటుంబాలు కాలువలపై నివసిస్తున్నవారి ఇళ్ళను తొలగించాల్సినప్పుడు వారికి ప్రత్యామ్నాయం చూపిస్తే వారికి, ప్రజలకు గాని ఎటువంటి ఇబ్బందులు ఉండవన్నారు. గత ఐదేళ్ళుగా ఈ ప్రాంతంలో పర్యటించినప్పుడు స్థానిక నాయకులు రోడ్డు వెడల్పు చేయాలని కోరారని, ప్రస్తుతం బాధితులకు ప్రత్యామ్నాయం చూపించి, వెంటనే రోడ్డుకు శంకుస్థాపన చేసి, డ్రెయిన్లు కూడ నిర్మించాలని చెప్పడం జరిగిందన్నారు. అలాగే నెల్లూరు నగరంలో ఎక్కడైనా చిన్న చిన్న ఇబ్బందులు ఉన్నా వాటన్నింటిని పరిష్కరించే కార్యక్రమాలు చేపడుతున్నామన్నారు. నెల్లూరు నగరానికి సంబంధించి దాదాపు 120 కోట్ల రూపాయల పనులకు టెండర్లు పిలవడం జరిగిందని, 2 ఫ్లెఓవర్లకు కూడ అంచనాలు వేసి కేంద్ర ప్రభుత్వ అనుమతికి పంపడం జరిగిందని, మరో 2, 3 నెలల్లో 450 కోట్ల రూపాయల పనులు జరగబోతుందన్నారు. ఏదో ఎన్నికల ఆరు నెలల ముందు పనులు చేయడం లాంటి కార్యక్రమాలు కాకుండ, ప్రభుత్వం ఏర్పడిన ఆరు నెలల్లోనే అభివృద్ధి కార్యక్రమాలు చేపడుతున్నామని, గత ప్రభుత్వం హడ్కో నుంచి 180 కోట్ల రూపాయలు అప్పు తెచ్చామని చెప్పారో వాటిని కూడ ఈ ప్రభుత్వమే భరించి, మొత్తం దాదాపు 600 కోట్ల రూపాయల అభివృద్ధి చేపడుతున్నామన్నారు. అంతేకాకుండ ఓ ప్రణాళికాబద్ధంగా మొక్కలు నాటే కార్యక్రమం కూడ చేపట్టామన్నారు. ఎప్పుడూ లేని విధంగా నెల్లూరు నగర కార్పొరేషన్ పాఠశాలలకు ఈ ఏడాది 15 నుంచి 20 కోట్ల రూపాయల వరకు ఖర్చు చేయబోతున్నామన్నారు. బాలాజీనగర్ నందు గల వేణుగోపాలస్వామి దేవస్థాన స్థలం 3 ఎకరాలు, రంగనాథస్వామి దేవస్థాన స్థలం ఇరుకళల పరమేశ్వరి గుడి వద్ద ఉందో వాటిని నక్షత్ర వనంగా తీర్చిదిద్ది, దేవస్థాన ఆస్తులను కాపాడే విధంగా చర్యలు తీసుకుంటున్నామన్నారు. ప్రజలకు క్రిస్మస్ శుభాకాంక్షలు - ముందుగా ప్రజలందరికీ క్రిస్మస్ శుభాకాంక్షలు తెలియజేస్తున్నానని, అలాగే ముఖ్యమంత్రి వైఎస్.జగన్మోహన్ రెడ్డి, ప్రజలకు ఆ ఏసుప్రభువు ఆశీస్సులు ఉండాలని కోరుకుంటున్నానన్నారు. ఈ కార్యక్రమంలో వైఎస్ఆర్ సిపి నాయకులు గణేశం వెంకటేశ్వర్లురెడ్డి, కర్తం ప్రతాప్ రెడ్డి, లోకిరెడ్డి వెంకటేశ్వర్లురెడ్డి, శివప్రసాద్ రెడ్డి, శరత్ రెడ్డి, ఎస్ కె.సుభాన్, నాగూరు నాగార్జునరెడ్డి, ఫయాజ్, కిషోర్, రఫి, కీచు, ద్వారకనాథ్ రెడ్డి, వినయ్, ఆసిఫ్,
రామచంద్రారెడ్డి, వేనాటి శ్రీకాంత్ రెడ్డి, ఊటుకూరు నాగార్జున, మల్లు సుధాకర్ రెడ్డి, తదితరులు పాల్గొన్నారు.

ప్రపంచ శాంతిని కోరేదే క్రిస్మస్

నెల్లూరు ఎంపీ ఆదాల ప్రభాకర్ రెడ్డి సందేశం

నెల్లూరు, డిసెంబర్‌ 25, (రవికిరణాలు) : క్రిస్మస్ ప్రపంచవ్యాప్త పండుగని నెల్లూరు ఎంపీ ఆదాల ప్రభాకర్ రెడ్డి తెలిపారు క్రిస్మస్ పండుగ సందర్భంగా వైసిపి సీనియర్ నేత స్వర్ణ వెంకయ్య క్రిస్మస్ సందర్భంగా బుధవారం వెంగళ్రావు నగర్లో భారీ ఎత్తున ఉత్సవాన్ని ఏర్పాటు చేశారు ఈ కార్యక్రమానికి నెల్లూరు ఎంపీ ఆదాల ప్రభాకర్ రెడ్డిని విశిష్ట అతిథిగా ఆహ్వానించారు ఈ సందర్భంగా ఆదాల ప్రభాకర్ రెడ్డి తన ప్రసంగాన్ని కొనసాగిస్తూ క్రిస్మస్ సందర్భంగా క్రైస్తవులు ప్రపంచమంతా శాంతి నిండాలని కోరుకుంటారని తెలిపారు క్రైస్తవం అంటే శాంతికి ప్రతిరూపం అని కొనియాడారు శాంతి దూతగా ఏసుప్రభు కరుణాకటాక్షాలు అందరిపై ప్రసరించాలని
అభిలషించారు. క్రైస్తవులకు క్రిస్మస్ శుభాకాంక్షలు తెలిపారు. క్రైస్తవుల శాంతి ప్రార్థనలు ఫలించి సమాజం మొత్తం సుఖశాంతులతో నిండి పోవాలని అభిలషించారు. స్వర్ణ వెంకయ్య తన ఆర్థిక స్థోమతకు మించి గత కొన్ని దశాబ్దాలుగా ఈ కార్యక్రమాన్ని నిర్వహిస్తున్నారని ఇది ప్రశంసనీయమని పేర్కొన్నారు. ఈ కార్యక్రమాన్ని మరింత కాలం కొనసాగించేందుకు దేవుడు ఆయనకు ఆయురారోగ్యాలు చేకూర్చాలని ఆశీర్వదించారు. ఈ కార్యక్రమంలో కొన్ని వందల మందికి దుప్పట్ల పంపిణీ కార్యక్రమాన్ని నెల్లూరు ఎంపీ ఆదాల ప్రభాకర్ రెడ్డి చేతుల మీదుగా ప్రారంభించారు. ఆహుతులు అందరు కూడా పేదలకు దుప్పట్లు పంపిణీ చేశారు. ఈ
కార్యక్రమానికి విచ్చేసిన ఆహుతులకు వెంకయ్య ఘన సన్మానం చేసి జ్ఞాపికలను ప్రదానం చేశారు. ఈ సందర్భంగా విజయ డైరీ చైర్మన్ రంగారెడ్డి క్రిస్మస్ శుభాకాంక్షలు తెలిపారు. ప్రపంచవ్యాప్తంగా జరిగే ఈ పండుగ తో సుఖసంతోషాలు వెల్లివిరుస్తాయని, అది సమాజానికి ఎంతో మేలు చేస్తుందని పేర్కొన్నారు .ఈ కార్యక్రమ నిర్వాహకులు స్వర్ణ వెంకయ్య మాట్లాడుతూ జిల్లాలో అభిమాన ధనుడు నెల్లూరు ఎంపీ ఆదాల ప్రభాకర్ రెడ్డి అని ప్రశంసించారు. గత ఎంపీలకు భిన్నంగా ఆయన పార్లమెంటులో ఎన్నో విషయాలు ప్రస్తావించి సమస్యల పరిష్కారం కోసం ప్రయత్నిస్తున్నారని కొనియాడారు. ఈ సందర్భంగా వెంగళ్ రావు నగర్ లో తాను చేసిన ప్రగతిని ఆయన వివరించారు. అంతకుముందు నెల్లూరు ఎంపీ ఆదాల ప్రభాకర్ రెడ్డి క్రిస్మస్ కేక్ను కట్ చేసి స్వర్ణ వెంకయ్యకు తినిపించారు. ఈ కార్యక్రమంలో నెల్లూరు రూరల్ ఇన్చార్జి గిరిధర్ రెడ్డి వై.వి రామిరెడ్డి, కోటేశ్వర్ రెడ్డి, సుధాకర్ రెడ్డి, రమేష్ రెడ్డి, అబూబకర్, మధు, పాముల హరి, ఝాన్సీ, నరసింహారావు, డాక్టర్ సునీల్, బుర్ర వెంకటేశ్వర గౌడ్, మేఘన సింగ్, అల్లా బక్షు, హజరత్ నాయుడు, పాల కీర్తి, రవి, స్వర్ణ, నాని, తదితరులు పాల్గొన్నారు. ఈ కార్యక్రమానికి వందల సంఖ్యలో విచ్చేసిన పేదలకు అన్నదానం జరిగింది. ఈ కార్యక్రమాన్ని కొన్ని దశాబ్దాలుగా నిర్వహించడం స్వర్ణ వెంకయ్యకే చెల్లిందని వక్తలు కొనియాడారు. అంతకుముందు మైనార్టీ నేత అబుబకర్ తనయుడు సయీద్ నవాజ్ జన్మదినాన్ని పురస్కరించుకొని ఆదాల ప్రభాకర్ రెడ్డి ఆ చిరంజీవికి కేక్ తినిపించారు. ఈ కార్యక్రమానికి ఉదయగిరి నర్సింలు గౌడ్ అధ్యక్షత వహించారు.

ప్రతి ఒక్కరినీ ప్రేమించి..

శత్రువులనైనా క్షమించే ఆదర్శ జీవనమే క్రీస్తు తత్వం : మంత్రి మేకపాటి గౌతమ్ రెడ్డి

అమరావతి, డిసెంబర్, 24, (రవికిరణాలు) : క్రిస్మస్‌ పర్వదినం సందర్భంగా తెలుగు ప్రజలకు...పరిశ్రమలు, వాణిజ్యం, ఐ.టీ, జౌళి శాఖ మంత్రి మేకపాటి గౌతమ్ రెడ్డి శుభాకాంక్షలు తెలిపారు. క్రిస్మస్‌ పండుగను అందరూ ఘనంగా జరుపుకోవాలని ఆకాంక్షించారు. సాటి మనుషుల పట్ల ప్రేమ, సమస్త జీవులపై కరుణ కలిగిన యేసు ప్రభువు జీవనశైలిని, బోధనలను పాటించడమే క్రిస్ మస్ పండుగకు అసలైన అర్థమన్నారు. శాంతియుత జీవనం, శత్రువునైనా క్షమించే గుణం ప్రస్తుత సమాజానికి అవసరమని ఆయన అభిప్రాయం వ్యక్తం చేశారు. మానవాళికి జీసస్ తన జీవితం ద్వారా ఇచ్చిన మహోన్నత సందేశాలని పాటించడం ద్వారా సమసమాజం సాధ్యపడుతుందన్నారు. క్రీస్తు బోధనలు ఎప్పటికీ మనుషులందరినీ సన్మార్గంలో నడిపిస్తాయన్నారు మంత్రి మేకపాటి గౌతమ్ రెడ్డి.

కల్తీ విక్రయాలు జరిపితే కఠిన చర్యలు

- పాల ఉత్పత్తుల గోడౌన్ సీజ్

- ఆరోగ్యశాఖాధికారి డాక్టర్ వెంకట రమణ

నెల్లూరు, డిసెంబర్‌ 24, (రవికిరణాలు) : ప్రజల ఆరోగ్యాన్ని దెబ్బతీసే హానికారకమైన కల్తీ ఆహార ఉత్పత్తుల విక్రయదారులపై కఠిన చర్యలు తీసుకుంటామని నగర పాలక సంస్థ ఆరోగ్యశాఖాధికారి డాక్టర్ వెంకట రమణ హెచ్చరించారు. డాక్టర్ ఆధ్వర్యంలో స్థానిక నజీర్ తోట మసీదు వీధిలోని జాహ్నవి మిల్క్ ప్రోడక్ట్స్ గోడౌన్ లో పాల ఉత్పత్తులను కల్తీ చేస్తున్న మాఫియాపై కార్పొరేషన్ సిబ్బంది మంగళవారం దాడులు నిర్వహించారు. దాడుల్లో 200 లీటర్ల కల్తీ పాలు, పాల పౌడర్, 600 కేజీల కల్తీ నెయ్యి నిల్వలను, తయారీకి ఉపయోగించే మెషినరీని గుర్తించారు. కార్పొరేషన్ సిబ్బంది దాడులను గ్రహించిన తయారీదారులు గోడౌన్ వదిలి
పారిపోయారు. ఈ సందర్భంగా డాక్టర్ వెంకట రమణ మాట్లాడుతూ అత్యంత అపరిశుభ్ర వాతావరణంలో కల్తీ ఉత్పత్తులను తయారు చేస్తున్న గోడౌన్ ను సీజ్ చేశామని, తయారీదారులను గుర్తించి కఠిన చర్యలు తీసుకుంటామని తెలిపారు. కల్తీ ఉత్పత్తుల పట్ల ప్రజలు అవగాహన పెంచుకోవాలని, సమీప ప్రాంతాల్లోని అనుమానిత ఆహార తయారీ కేంద్రాలపై తమకు సమాచారం ఇవ్వాలని ఆయన కోరారు.

దేవాలయాలలో కలశాలను దొంగిలించే ఘరానా ముఠా అరెస్టు

తోటపల్లి గూడూరు, డిసెంబర్‌ 24, (రవికిరణాలు) : డిసెంబర్ నెలలో కొత్తపాలెం ఈదూరు గ్రామాలలోని దేవాలయాలలో ద్వజస్థంభానికి కలిగి వుండిన కలశాలను ఎవరో గుర్తు తెలియని దొంగలు వాటిని దొంగిలించినట్లుగా తోటపల్లి గూడూరు పోలీసుస్టేషన్లో ఫిర్యాదులు ఇచ్చారు. ఈ దొంగతనాలను అరికట్టడానికి నెల్లూరు జిల్లా ఎస్పి భాస్కర్ భూషణ్ ఆదేశాల మేరకు డిఎస్పి రాఘవరెడ్డి పర్యవేక్షణలో కృష్ణపట్నం సిఐ ఖాజావళి వారి సిబ్బందితో మూడు చోట్ల వాహనాలు తనిఖీ చేస్తుండగా మంగళవారం రాబడిన సమాచారం ప్రకారం తోటపల్లి గూడూరు ఎస్సై సిబ్బంది రావూరి వారి కండ్రిగ గ్రామంలో వాహన తనికీ చేయుచుండగా ఏపి16ఏజెడ్‌6199 నెంబర్ ప్లేట్ కలిగిన కారు పోలీసు వారిని చూసి ముందుగానే తమ వాహనాన్ని ఆపుకొని కారు దిగి పారిపోతుండగా ఎస్సై సిబ్బంది, పెద్దమనుషుల సమక్షంలో వారిని పట్టుకొని విచారించి
వాహనాన్ని తనిఖీ చేయగా ఆ వాహనంలో దేవాలయాలకు సంబందించిన 3 కలశాలు వున్నాయి. వాటి గురించి ఆరాతీయగా అవి కొత్తపాలెం దేవాలయానికి సంబంధించిన కలశాలు అని ఇంకా యెక్కడెక్కడ దొంగిలించారు ఇంకా ఎంతమంది వున్నారు అని ఆరా తీయగా ఈ దొంగలకు సంబందించి మొత్తం 9 మంది ఒక టీమ్ గా ఏర్పాటు అయ్యి ఎక్కడెక్కడ దొంగతనం చేయొచ్చు అని ముందుగా ప్రణాళిక సిద్ధం చేసుకొని ఈ నేరాలకి పాల్పడుతున్నట్లు మొదటగా సుమారు 1 నెలల క్రితం ప్రకాశం జిల్లాలోని ఉప్పమాగులూరు గ్రామం సమీపంలో ఒక దేవాలయంలో కలశాన్ని దొంగిలించి దుడ్డు రమేశ్ అనే ముద్దాయి వద్ద దాచిపెట్టినట్లు,తరువాత డిసెంబర్ నెల రెండవ వారంలో తోటపల్లిగూడూరు మండలంలోని ఈడూరు గ్రామంలో విష్ణు ఆలయంలో ఒక కలశం దొంగతనం చేసి శీలం వెంకటేశ్వర్లు అనే ముద్దాయి వద్ద దాచిపెట్టినట్లు, కొత్తపాలెం
గ్రామంలోని శ్రీ ఆంజనేయస్వామి వారి దేవాలయంలో 3 కలశాలు దొంగతనం చేసి వట్టికాళ్ళ మాధవరావు తన కార్లోనే వుంచుకున్నట్లు మంగళవారం తెల్లవారుజామున తోటపల్లిగూడూరు మండలంలోని దేవల్లమిట్ట గ్రామంలో వున్న జ్వాలాముఖి అమ్మవారి ఆలయంలో చోరీ చేయుటకు అందరూ కలిసి కుట్ర పన్ని వస్తుండగా పోలీసులకు 7గురు పట్టుబడ్డారు. ఈ క్రమంలో మిగతా ఇద్దరు ముద్దాయిలను వారి ఇళ్ల వద్ద అరెస్టు చేసి వారి వద్దనున్న రెండు కలశాలూ, మొత్తం 5 కలశాలు (విలువ రూ.2లక్షల) దొంగతనానికి ఉపయోగించిన ఏపి16ఏజెడ్‌6199 నెంబర్ కలిగిన కారు (విలువ 10లక్షలు)ను స్వాధీనపరచుకున్నాము. ఈ కేసుని చేధించడంలో పాల్గొన్న పోలీసు సిబ్బంది మొత్తానికి నెల్లూరు జిల్లా ఎస్పి భాస్కర్ భూషణ్ రూరల్ డిఎసిపి రాఘవరెడ్డి అభినందనలు తెలియపరిచారు.

Breaking News

MKRdezign

Contact Form