Ravikiranalu TV

బుచ్చిరెడ్డిపాలెం మండలం, కాగులపాడు గ్రామ వైసీపీ సీనియర్ నాయకులు నెల్లూరు గోపాల్ రెడ్డి  సూచనల మేరకు కాగులపాడు పంచాయతీ వైఎస్సార్ కాంగ్రెస్ పార్టీ సర్పంచ్ అభ్యర్థిగా చిల్లకూరు కిరీటి ని, ఎంపీటీసీ అభ్యర్థిగా శ్రీమతి జ్యోతి సృజన ని మాజీ మంత్రివర్యులు, వైసీపీ కోవూరు నియోజకవర్గ ఇన్‌ఛార్జ్ నల్లపరెడ్డి ప్రసన్నకుమార్ రెడ్డి  ప్రకటించారు.

ఈ కార్యక్రమంలో వైసీపీ యువజన విభాగం రాష్ట్ర ప్రధాన కార్యదర్శి నల్లపరెడ్డి రజత్ కుమార్ రెడ్డి , కోవూరు నియోజకవర్గ పరిశీలకులు కొండూరు అనిల్ బాబు , మండల అధ్యక్షులు చెర్లో సతీష్ రెడ్డి , కాగులపాడు వైసీపీ నాయకులు పాల్గొన్నారు..

 ప్రజలను పేరు పేరునా పలకరిస్తూ ప్రచారం.. గత ఎన్నికల అనుభవంతో ఓటర్లను కలుస్తున్న అభ్యర్థి

నెల్లూరు, మేజర్ న్యూస్: నెల్లూరు నగరపాలక సంస్థ ఎన్నికల నేపథ్యంలో 72వ డివిజన్‌లో ఎన్నికల ప్రచారం ఊపందుకుంది. ఈ డివిజన్ నుంచి సీపీఎం అభ్యర్థిగా పోటీ చేస్తున్న గజ్జె పరమేశ్వరి సోమవారం ముమ్మరంగా ఇంటింటి ప్రచారం నిర్వహించారు. డివిజన్‌లోని వివిధ ప్రాంతాల్లో పర్యటిస్తూ స్థానిక ప్రజలను నేరుగా కలుసుకున్నారు. గత కార్పొరేషన్ ఎన్నికల్లో పోటీ చేసిన అనుభవంతో పాటు, స్థానిక ప్రజలతో తనకున్న పరిచయాలను ఆధారంగా చేసుకుని ఆమె ప్రచారాన్ని కొనసాగిస్తున్నారు. ఇంటింటికీ వెళ్లి ఓటర్లను పేరు పేరునా పలకరిస్తూ, వారి యోగక్షేమాలను అడిగి తెలుసుకుంటూ ముందుకు సాగారు.

ప్రజలతో మమేకమవుతూ ప్రచారం 

72వ డివిజన్‌లోని ఇళ్లను సందర్శించిన గజ్జె పరమేశ్వరి స్థానికులతో మమేకమవుతూ ప్రచారం నిర్వహించారు. ప్రజలను నేరుగా కలుసుకుని వారి అభిప్రాయాలను తెలుసుకోవడంపై దృష్టి సారించారు. గత ఎన్నికల్లో తనకు లభించిన అనుభవాన్ని దృష్టిలో ఉంచుకుని, ఈసారి కూడా డివిజన్ ప్రజలను వ్యక్తిగతంగా కలుస్తూ ప్రచారాన్ని కొనసాగిస్తున్నారు. నగరపాలక సంస్థ ఎన్నికలు సమీపిస్తున్న నేపథ్యంలో అభ్యర్థులు తమ ప్రచారాన్ని ముమ్మరం చేస్తున్నారు. ఈ క్రమంలో 72వ డివిజన్‌లో గజ్జె పరమేశ్వరి చేపట్టిన ఇంటింటి ప్రచారం స్థానికంగా చర్చనీయాంశంగా మారింది. రానున్న రోజుల్లో ఆమె ప్రచారం ఏ విధంగా కొనసాగుతుందన్నది ఆసక్తికరంగా మారింది.

జెడ్పీటీసీ, ఎంపీటీసీ, సర్పంచ్ ఎన్నికలపై ప్రత్యేక దృష్టి.. ఎన్నికల సన్నద్ధతపై నేతల సమాలోచనలు

నెల్లూరు, రవి కిరణాలు : నెల్లూరు జిల్లాలో జరగనున్న జిల్లా ప్రజా పరిషత్, మండల పరిషత్, గ్రామ పంచాయతీ సర్పంచ్ ఎన్నికలకు సంబంధించి తెలుగుదేశం పార్టీ నాయకులు కీలక సమావేశం నిర్వహించారు. ఎన్నికల్లో పార్టీ అనుసరించాల్సిన వ్యూహాలు, క్షేత్రస్థాయిలో పార్టీ శ్రేణుల సమన్వయం, ఎన్నికల సన్నద్ధత వంటి అంశాలపై నేతలు చర్చించారు. ఈ సమావేశంలో జోనల్ కోఆర్డినేటర్ దామచర్ల సత్య, టీడీపీ జిల్లా అధ్యక్షుడు, ఎమ్మెల్సీ బీద రవిచంద్ర, జిల్లా ఎన్నికల పరిశీలకుడు డూండీ రాకేష్‌తో పాటు వెంకటగిరి ఎమ్మెల్యే కురుగొండ్ల రామకృష్ణ, గూడూరు ఎమ్మెల్యే పాశం సునీల్ కుమార్, పార్టీ సీనియర్ నేత గంగా ప్రసాద్ పాల్గొన్నారు.

ఎన్నికల సన్నద్ధతపై సమాలోచనలు : జిల్లాలోని స్థానిక సంస్థల ఎన్నికలను దృష్టిలో ఉంచుకుని నియోజకవర్గాలు, మండలాలు, గ్రామాల స్థాయిలో పార్టీ పరిస్థితిపై నేతలు చర్చించినట్లు తెలిసింది. ఎన్నికల ప్రక్రియకు అనుగుణంగా పార్టీ నాయకులు, కార్యకర్తలను సమన్వయం చేసుకుంటూ ముందుకు సాగడం, అభ్యర్థుల ఎంపికలో స్థానిక పరిస్థితులను పరిగణనలోకి తీసుకోవడం వంటి అంశాలకు ప్రాధాన్యం ఇచ్చినట్లు సమాచారం. గ్రామస్థాయి నుంచి పార్టీ శ్రేణులను సమాయత్తం చేయడం, ఎన్నికలకు సంబంధించిన బాధ్యతలను సమర్థవంతంగా నిర్వహించడం, స్థానిక నాయకుల మధ్య సమన్వయాన్ని పెంపొందించడం వంటి అంశాలపై కూడా సమావేశంలో చర్చించినట్లు తెలుస్తోంది.

పలువురు ముఖ్య నేతల హాజరు : ఈ సమావేశంలో డీసీసీబీ చైర్మన్ మెట్టుకూరు ధనుంజయ రెడ్డి, పార్టీ ప్రధాన కార్యదర్శి చేజర్ల వెంకటేశ్వర రెడ్డి, వెంకటగిరి నియోజకవర్గ పరిశీలకుడు కేకే చౌదరి, రాపూరు మండల అధ్యక్షుడు అశోక్ రెడ్డి తదితరులు పాల్గొన్నారు. నెల్లూరు జిల్లాలో స్థానిక సంస్థల ఎన్నికలకు సంబంధించి పార్టీ పరంగా తీసుకోవాల్సిన చర్యలు, నాయకుల సమన్వయం, క్షేత్రస్థాయి సన్నద్ధతపై జరిగిన ఈ సమావేశం ప్రాధాన్యం సంతరించుకుంది. ఎన్నికల కార్యాచరణకు సంబంధించి పార్టీ నాయకత్వం తీసుకునే తదుపరి నిర్ణయాలపై రాజకీయ వర్గాల్లో ఆసక్తి నెలకొంది.

ఈ సందర్భంగా  రెండున్నరేళ్ల కూటమి పాలనలో అభివృద్ధిని గమనించండి… ప్రజల సంక్షేమం కోసం కృషి చేస్తున్న కూటమికి మరో అవకాశం ఇవ్వండి. 21వ డివిజన్‌లో గాజు గ్లాసు గుర్తుపై ఓటు వేసి విజయలక్ష్మి గునుకులను గెలిపించండి అంటూ జనసేన నాయకులు ప్రజలను అభ్యర్థించారు.

ఈ ప్రచార కార్యక్రమంలో జనసేన నాయకులు కిషోర్ గునుకుల, కావలి జనసేన నాయకులు అలహరి సురాధర్ పాల్గొని, స్థానిక ప్రజలు, కుటుంబాలతో మమేకమై కూటమి అభ్యర్థులకు మద్దతుగా ఓటు వేయాలని కోరారు. 

ఈ సందర్భంగా నాయకులు మాట్లాడుతూ, జనసేన అధినేత, రాష్ట్ర ఉప ముఖ్యమంత్రి పవన్ కళ్యాణ్ తీసుకున్న వ్యూహాత్మక నిర్ణయాలతో రాష్ట్రంలో కూటమి ప్రభుత్వం అభివృద్ధి, సంక్షేమానికి ప్రాధాన్యతనిస్తూ ముందుకు సాగుతోందని పేర్కొన్నారు. గత ఐదేళ్ల వైసీపీ పాలనలో నెల్లూరు నగర కార్పొరేషన్‌లో అభివృద్ధికి దూరమైన అనేక ప్రాంతాలు, స్థానిక సమస్యలను దృష్టిలో ఉంచుకుని, రానున్న రోజుల్లో నగరాభివృద్ధికి కూటమి అభ్యర్థులు కృషి చేస్తారని తెలిపారు. నగరంలోని 72 డివిజన్లలో కూటమి అభ్యర్థులను, కూటమి మేయర్ అభ్యర్థి రూప్ కుమార్ ని గెలిపించడం ద్వారా నెల్లూరు నగర అభివృద్ధికి ప్రజలు సహకరించాలని విజ్ఞప్తి చేశారు. ముఖ్యంగా 21వ డివిజన్‌లో జనసేన పార్టీ తరఫున పోటీ చేస్తున్న విజయలక్ష్మి గునుకులను ఆదరించి, గాజు గ్లాసు గుర్తుపై ఓటు వేసి భారీ మెజారిటీతో గెలిపించాలని కోరారు. ఈ కార్యక్రమంలో 21వ డివిజన్ జనసేన అభ్యర్థి విజయలక్ష్మి గునుకుల, జనసేన నాయకులు కిషోర్ గునుకుల, అలహరి సురాధర్, ప్రశాంత్ గౌడ్ మడపర్తి, ప్రశాంత్ గౌడ్, వీరమహిళలు ఆమని, ప్రవల్లిక, సుప్రియ, విజయ, శ్రీలక్ష్మి, కృష్ణవేణి తదితరులతో పాటు జనసేన నాయకులు నాగేంద్ర బాలు, బాలాజీ, కృష్ణమోహన్ రెడ్డి, నరహరి, విశ్వనాథ్, సుమంత్, రాజేష్, పవన్ తదితరులు పాల్గొన్నారు

అభ్యర్థుల ఫిర్యాదుతో స్పందించిన ఎన్నికల పరిశీలకుడు.. స్క్రూటినీ విధానంలో మార్పు

నెల్లూరు, రవి కిరణాలు :  నెల్లూరు నగరపాలక సంస్థ ఎన్నికల నామినేషన్ల పరిశీలన (స్క్రూటినీ) ప్రక్రియలో గందరగోళం నెలకొన్న నేపథ్యంలో ఎన్నికల పరిశీలకుడికి అభ్యర్థులు ఫిర్యాదు చేశారు. అభ్యర్థుల ఆందోళనతో స్పందించిన పరిశీలకుడు వెంటనే జోక్యం చేసుకుని, స్క్రూటినీ విధానంలో మార్పులు చేసినట్లు సమాచారం.

అభ్యర్థుల ఆందోళనతో అధికారుల స్పందన

నామినేషన్ల పరిశీలన సమయంలో అనుసరిస్తున్న విధానంపై కొందరు అభ్యర్థులు అభ్యంతరాలు వ్యక్తం చేసినట్లు తెలిసింది. తమ వాదనలు, అభ్యంతరాలు తెలియజేసేందుకు తగిన అవకాశం కల్పించాలని వారు ఎన్నికల పరిశీలకుడిని కోరారు. ఈ నేపథ్యంలో పరిస్థితిని పరిశీలించిన పరిశీలకుడు స్క్రూటినీ నిర్వహణ విధానంలో మార్పులు చేసినట్లు సమాచారం.

అభ్యర్థులను ఒక్కొక్కరిగా లోపలికి పిలుపు

గతంలో అభ్యర్థులతో పాటు వారి అనుచరులు, మద్దతుదారులను కూడా లోపలికి అనుమతించినట్లు చెబుతున్నారు. అయితే, తాజా మార్పుల ప్రకారం అభ్యర్థులను మాత్రమే ఒక్కొక్కరిగా లోపలికి పిలిచి నామినేషన్ల పరిశీలన చేపట్టినట్లు సమాచారం. ఈ విధానంపై తొలుత కొందరు అభ్యర్థులు ఆందోళన వ్యక్తం చేసినప్పటికీ, ఎన్నికల పరిశీలకుడి జోక్యంతో ప్రక్రియ కొనసాగుతున్నట్లు తెలుస్తోంది. తమ నామినేషన్లకు సంబంధించిన అభ్యంతరాలను తెలియజేసేందుకు తగిన అవకాశం కల్పించాలని అభ్యర్థులు కోరుతున్నారు.

పారదర్శకతపై అభ్యర్థుల దృష్టి

నామినేషన్ల పరిశీలన ప్రక్రియ నిబంధనల ప్రకారం, పారదర్శకంగా జరగాలని అభ్యర్థులు అభిప్రాయపడుతున్నారు. ప్రతి అభ్యర్థికి తన వాదన వినిపించే అవకాశం ఉండాలని కోరుతున్నారు. మొత్తంగా, నెల్లూరు కార్పొరేషన్ ఎన్నికల నామినేషన్ల స్క్రూటినీ విధానంలో చోటుచేసుకున్న మార్పులు స్థానికంగా చర్చనీయాంశంగా మారాయి. అయితే, ఎన్నికల పరిశీలకుడి అధికారిక ప్రకటన, మార్పులకు సంబంధించిన పూర్తి వివరాలు వెల్లడికావాల్సి ఉంది.

ఎమ్మెల్యే కోటంరెడ్డి శ్రీధర్ రెడ్డి సమక్షంలో తెలుగుదేశం పార్టీలో చేరిన 27, 56 డివిజన్లకు చెందిన నాయకులు

నెల్లూరు, రవి కిరణాలు : నెల్లూరు రూరల్ నియోజకవర్గంలో తెలుగుదేశం పార్టీకి మరింత బలం చేకూర్చేలా నూతన చేరికలు జరిగాయి. నెల్లూరు మాగుంట లేఔట్‌లోని రూరల్ ఎమ్మెల్యే కార్యాలయంలో 27, 56వ డివిజన్లకు చెందిన గోకరణం లీలాకుమార్, గోకరణం మునిశేఖర్, వేణుగోపాల్ యాదవ్‌తో పాటు వారి మిత్రబృందం రూరల్ ఎమ్మెల్యే కోటంరెడ్డి శ్రీధర్ రెడ్డి సమక్షంలో తెలుగుదేశం పార్టీలో చేరారు.

ఈ సందర్భంగా పార్టీలో చేరిన వారికి ఎమ్మెల్యే కోటంరెడ్డి శ్రీధర్ రెడ్డి పార్టీ కండువాలు కప్పి సాదరంగా ఆహ్వానించారు. ఈ సందర్భంగా ఆయన మాట్లాడుతూ, తెలుగుదేశం పార్టీలో చేరిన ప్రతి ఒక్కరికీ సముచిత స్థానం కల్పిస్తామని, పార్టీ అభివృద్ధి కోసం కలిసికట్టుగా పనిచేసే వారికి తగిన గుర్తింపు ఉంటుందని పేర్కొన్నారు.

ప్రజలకు అందుబాటులో ఉంటూ వారి సమస్యల పరిష్కారానికి కృషి చేయాలని, పార్టీ సిద్ధాంతాలు, ప్రభుత్వ సంక్షేమ కార్యక్రమాలను ప్రజల్లోకి తీసుకెళ్లాలని సూచించారు. నూతనంగా పార్టీలో చేరిన నాయకులు, కార్యకర్తల సహకారంతో నెల్లూరు రూరల్ నియోజకవర్గంలో పార్టీని మరింత బలోపేతం చేసేందుకు కృషి చేస్తామని తెలిపారు.

ఈ చేరికలతో 27, 56వ డివిజన్లలో పార్టీ కార్యకలాపాలకు మరింత ఊతం లభిస్తుందని టీడీపీ శ్రేణులు ఆశాభావం వ్యక్తం చేశాయి. ఈ కార్యక్రమంలో పార్టీలో చేరిన నాయకులు, వారి మిత్రబృందం తదితరులు పాల్గొన్నారు.

 సర్వేపల్లి, రవి కిరణాలు :  వరుసపెట్టి వైసీపీని వీడుతున్న కీలక నాయకులు, సీనియర్ కార్యకర్తలు.  మనుబోలు మండలం కొమ్మలపూడి మాజీ సర్పంచ్ బందెల వేణుగోపాల్ నాయకత్వంలో 51 కుటుంబాలు వైసీపీని వీడి టీడీపీలో చేరిక.  అల్లీపురంలోని నివాసంలో జరిగిన కార్యక్రమంలో కొమ్మలపూడి నేత మన్నెమాల భాస్కర్ రెడ్డి ఆద్వర్యంలో అందరికీ ఆత్మీయ ఆహ్వానం పలికిన సర్వేపల్లి శాసనసభ్యులు సోమిరెడ్డి చంద్రమోహన్ రెడ్డి. కొమ్మలపూడిలో దాదాపు 90 శాతం మంది టీడీపీకి జైకొట్టడం శుభపరిణామం. ఒక్క కొమ్మలపూడే కాదు..వరకవిపూడి లాంటి గ్రామాల్లోనూ వైసీపీ ఖాళీ అయ్యే పరిస్థితి వచ్చింది. కూటమి ప్రభుత్వంలో జరుగుతున్న అభివృద్ధి, సంక్షేమం చూసి టీడీపీలో చేరుతున్న వైసీపీ శ్రేణులకు సాదర స్వాగతం పలుకుతున్నాం. సీఎం చంద్రబాబు నాయుడు నాయకత్వంలో రాజకీయాలకు అతీతంగా అభివృద్ధి, సంక్షేమం జరుగుతున్నాయి...భూదోపిడీలు లేవు...ప్రజలు స్వేచ్ఛగా బతుకుతున్నారు. వైసీపీ పాలనలో ఇదే కొమ్మలపూడిలో కోట్లాది రూపాయల విలువైన 19 ఎకరాల ప్రభుత్వ భూమిని వైసీపీ నేతలు సొంతం చేసుకున్నారు. రామదాసుకండ్రిగలోనూ ఎకరా రూ.1.50 కోట్లు పలికే 57 ఎకరాల భూమిని రూ.15 లక్షల చొప్పున అల్లుడి పేరుతో తీసేసుకున్నాడు. మరుపూరులో ఆదాయపు పన్ను చెల్లించే కోటీశ్వరుల కుటుంబానికి దాదాపు రూ.40 కోట్ల విలువైన 57 ఎకరాల భూమిని అప్పగించేశాడు. వైసీపీ నేతలు చెప్పినచోటల్లా సంతకాలు చేసిన పలువురు తహసీల్దార్లు, రెవెన్యూ సిబ్బంది సస్పెండ్ అయ్యారు. ఓవైపు అనేక భూకుంభకోణాలకు పాల్పడి, మరోవైపు తోడేరులో 50 మంది బలహీనవర్గాల రైతులు దశాబ్దాలుగా సాగుచేసుకుంటున్న 127 ఎకరాలకు కనీసం పట్టాలు ఇవ్వలేదు. తోడేరు మాత్రమే కాదు,..సర్వేపల్లి వ్యాప్తంగా ప్రతి గ్రామంలో అర్హులైన పేదలందరికీ పట్టాలు మేం మంజూరు చేయిస్తాం. డేగపూడి – బండేపల్లి కాలువకు నేను నిదులు సాధించి పనులు మొదలు పెట్టించాను..వైసీపీ అధికారంలోకి రాగానే కాంట్రాక్టర్లను తరిమేసి ఆ పనులను అడ్డుకున్నారు. పొదలకూరు మండలంలోని సోమశిల దక్షిణ కాలువదీ అదే పరిస్థితి. రైతులకు నీళ్లు రావడం, పేదలు సంతోషంగా బతకడం తోడేరు రెడ్డికి ఇష్టం లేదు. లెక్కకు మించి పాపాలు చేసి ఇప్పుడు ఫలితం అనుభవిస్తున్నాడు. ప్రస్తుతం జరుగుతున్న స్థానిక సంస్థల ఎన్నికల్లో సర్వేపల్లిలోని ఐదు జెడ్పీటీసీలు, ఐదు ఎంపీపీలు కూటమి పార్టీలు కైవసం చేసుకోవడం ఖాయం.