Ravikiranalu TV

ఆంధ్ర విద్యార్థి సంఘం రాష్ట్ర ప్రధాన కార్యదర్శిగా.

వాసిపల్లి శంకర్ రెడ్డి నియామకం

జలదంకి, మేజర్ న్యూస్ :-

ఆంధ్ర విద్యార్థి సంఘం రాష్ట్ర ప్రధాన కార్యదర్శిగా జలదంకి మండలం అన్నవరం పంచాయతీ గడ్డవారిపాలెం గ్రామానికి చెందిన వాసిపల్లి శంకర్ రెడ్డిని నియమించారు. ఇటీవల విశాఖపట్నంలోని అంబేద్కర్ భవన్ లో ఆంధ్ర విద్యార్థి సంఘం (ఏవీఎస్) రాష్ట్ర మహాసభలు జరిగాయి. ఈ రాష్ట్ర మహాసభలకు రాష్ట్ర నలుమూలల నుండి విద్యార్థి నాయకులు పెద్ద ఎత్తున తరలివచ్చారు. రాష్ట్ర మహాసభలకు ముఖ్య అతిథులుగా బ్లైండ్ క్రికెట్ టీం ఫార్మర్ కెప్టెన్ అజయ్ కుమార్ రెడ్డి, ప్రముఖ అనలిస్ట్ కే ఎస్ ప్రసాద్, ఆంధ్ర విద్యార్థి సంఘం అడ్వైజర్ రిటైర్డ్ సీనియర్ సివిల్ జడ్జ్ బాలకృష్ణ లు ముఖ్య అతిథులుగా పాల్గొన్నారు. ఆంధ్ర విద్యార్ధి సంఘం రాష్ట్ర మహాసభల్లో ఆంధ్రప్రదేశ్ రాష్ట్ర నూతన కార్యవర్గాన్ని ఎన్నుకున్నారు. రాష్ట్ర అధ్యక్షుడిగా మల్లవరపు అశోక్ రెడ్డి, రాష్ట్ర ప్రధాన కార్యదర్శిగా వాసుపల్లి శంకర్ రెడ్డి లు నియమాకమయ్యారు. వీరితో పాటు మొత్తం 52 మంది రాష్ట్ర కమిటీ నియామకం జరిగింది. రాష్ట్ర మహాసభల్లో విద్యారంగ సమస్యలు, రాష్ట్ర స్థితి, ఆంధ్రప్రదేశ్ అభివృద్ధిలో విద్యార్థుల పాత్ర, స్వచ్ఛందంగా సమాజంలో సేవ చేస్తున్న యువకులను ప్రోత్సహించడం కోసం మహాసభల్లో  శ్రీ పొట్టి శ్రీరాములు యువసేవ పురస్కార్ అవార్డు ను స్వచ్ఛంద సేవ సమస్థ వింగ్స్ ఆఫ్ ఓల్డ్ స్టూడెంట్ అసోసియేషన్ వ్యవస్థాపకులు సాయి మహంతీర్ కి ఇవ్వడం జరిగింది. ఈ సందర్భంగా నూతనంగా ఎన్నికైన ఆంధ్రప్రదేశ్ రాష్ట్ర ప్రధాన కార్యదర్శి వాసుపల్లి శంకర్ రెడ్డి మాట్లాడుతూ విద్యార్థుల సమస్యల పరిష్కరించడంతో పాటు ఆంధ్రప్రదేశ్ రాష్ట్ర అభివృద్ధిలో విద్యార్థుల పాత్ర ఏమిటి, ఆంధ్రప్రదేశ్ రాష్ట్ర అభివృద్ధిలో ఎలా భాగస్వామ్యం అవ్వాలని, ప్రస్తుత ఆంధ్రప్రదేశ్ రాష్ట్ర స్థితిగతుల పైన, రాష్ట్రంలో పీజీ విద్యార్థులకు గుది బండగా మారిన మారిన జీవో నెంబర్ 77, పెండింగ్ ఎలా ఉన్న ఫ్రీజర్ అయంబర్స్మెంట్, ప్రభుత్వ వసతి గృహాల మౌలిక సదుపాయాలు, గ్రాడ్యుయేట్ కంప్లీట్ ఐపోయేలోపు ఉద్యోగానికి సంబంధించినటువంటి స్కిల్స్ నేర్పించే అంశం తో పాటు, ఆంధ్రప్రదేశ్ రాష్ట్ర యొక్క ప్రాముఖ్యత గురించి ప్రపంచానికి వెలుగెత్తి చాటేలా, రాష్ట్రంలో ఉన్నటువంటి మహా పురుషులను గుర్తు చేసుకుంటూ ఆంధ్రప్రదేశ్ రాష్ట్రంలో ఆంధ్ర విద్యార్థి సంఘం ఒక బలమైన శక్తిగా తయారయ్యే విధంగా రాష్ట్ర మహాసభల్లో చర్చలు జరిగాయని తెలియజేశారు. ఈ కార్యక్రమంలో ఆంధ్ర విద్యార్థి సంఘం ఆంధ్రప్రదేశ్ రాష్ట్ర ఆర్గనైజింగ్ సెక్రటరీ తురకా ప్రసాద్, రాష్ట్ర కార్యదర్శులు శివ, మనోజ్, కార్తీక్, కావ్య, రాష్ట్ర ఉపాధ్యక్షులు అఖిల్, వంశీ, నాగరాజు, శివ, హనుక్ విద్యార్థి నాయకులు పాల్గొన్నారు.

మంచు ముసుగు ఉదయం వేళల్లో మంచు పరదాతో  ప్రజలకు ఇబ్బందులు

జలదంకి, మేజర్ న్యూస్ :-

జలదంకి మండలం మంగళవారం ఎకువాజాము నుంచి  ఉదయం 8 గంటల వరకు మంచు దుప్పట్లోనే ఉంది బారెడు పొద్దెక్కిన మంచు విడకపోవడం విశేషం ఉదయం  9 గంటల తర్వాత పూర్తిగా మంచు తెరలు తొలగి మండలంలో స్పష్టమైన వాతావరణం కనిపించింది. రోజు ఉదయాన్నే ఉన్నప్పటికీ మంగళవారం ఉదయం మాత్రం దట్టమైన మంచు పొగలు మండలాన్ని చుట్టేశాయి . తెల్లవారుజామున ప్రయాణిస్తున్న వాహనాలకు, మంచు పరద కారణంగా రోడ్డు కనిపించక కొంత ఇబ్బందులు పడ్డారు. అలాగే ఉదయం వేళల్లో పొలాలకు వెళ్లే రైతులు, వ్యాయామం కోసం నడక సాగించే ప్రజలకు కూడా ఇబ్బంది కలిగింది. అయితే మంచు పరద కారణంగా ఉదయం 8 గంటల వరకు కూడా సూర్యుడు కనిపించకపోవడం విశేషం.

అందరి సహకారంతో "నక్ష " కార్యక్రమాన్ని విజయవంతం చేద్దాం

నుడా చైర్మన్ శ్రీనివాసులు రెడ్డి

నెల్లూరు కార్పొరేషన్ (మేజర్ న్యూస్):

అధునాతన డ్రోన్ సాంకేతిక విధానం ద్వారా నెల్లూరు నగర పాలక సంస్థ పరిధిలో నిర్వహిస్తున్న సర్వే ద్వారా ఎన్నో ఉపయోగాలు ఉన్నాయని, అధికారులు, ప్రజాప్రతినిధులు అందరి సహకారంతో కార్యక్రమాన్ని దిగ్విజయంగా పూర్తి చేద్దామని నెల్లూరు అర్బన్ డెవలప్మెంట్ అథారిటీ (నుడా) చైర్మన్ కోటంరెడ్డి శ్రీనివాసులురెడ్డి తెలియజేశారు.భారత ప్రభుత్వం నేషనల్ జియోస్పేషియల్ నాలెడ్జ్ - బేస్డ్ ల్యాండ్ సర్వే ఆఫ్ అర్బన్ హాబిటేషన్స్ (NAKSHA) కార్యక్రమం అధికారిక ప్రారంభోత్సవాన్ని నెల్లూరు నగరపాలక సంస్థ కమాండ్ కంట్రోల్ సెంటర్ విభాగంలో మంగళవారం నిర్వహించారు. కార్యక్రమానికి ముఖ్య అతిథిగా చైర్మన్ కోటంరెడ్డి శ్రీనివాసులురెడ్డి హాజరయ్యారు. కమిషనర్ సూర్య తేజ తో కలిసి జ్యోతి ప్రజ్వలన గావించిన అనంతరం డ్రోన్ సర్వే పనితీరును సాంకేతిక విభాగం బృందాన్ని వారు అడిగి తెలుసుకున్నారు. అనంతరం పవర్ పాయింట్ ప్రజెంటేషన్ ద్వారా "నక్ష" కార్యక్రమం అమలుతీరు, దాని ప్రయోజనాలను నిర్వాహకులు ప్రదర్శించారు. ఈ సందర్భంగా నుడా చైర్మన్ మాట్లాడుతూ కేంద్ర ప్రభుత్వం 152 పట్టణ స్థానిక సంస్థలలో (ULB) ఏకకాలంలో "నక్ష" నగర సర్వే ప్రారంభోత్సవ కార్యక్రమాలను ఈరోజు నిర్వహించనున్నారని తెలిపారు. అందులో భాగంగా పైలట్ ప్రాజెక్టు ప్రోగ్రాంగా నెల్లూరు కార్పొరేషన్ పరిధిలో నగర సర్వేను నెల రోజుల పాటు నిర్వహించనున్నారని వివరించారు.అనంతరం

కమిషనర్ సూర్య తేజ మాట్లాడుతూ నక్ష సర్వే ద్వారా పట్టణ భూమి రికార్డులను పూర్తిగా డిజిటలైజ్ చేసి GIS-మ్యాప్ చేస్తారని, నిర్మాణాత్మక, పారదర్శక డేటాను నిర్ధారిస్తారని తెలిపారు. విపత్తు నిర్వహణతో పాటు, పర్యావరణ ప్రణాళిక, స్మార్ట్ సిటీ అభివృద్ధి కోసం సర్వే ఎంతగానో దోహదపడుతుందని వివరించారు.స్పష్టమైన, నవీనీకరించబడిన యాజమాన్య రికార్డుల ద్వారా భూ వివాదాలను తగ్గించడం, చట్టపరమైన ప్రక్రియలను వేగవంతం చేయడం, ఆస్తి హక్కులను మెరుగుపరచడం వంటి ఉపయోగాలు ఉన్నాయని తెలిపారు.కోర్టు కేసులు, చట్టపరమైన డాక్యుమెంటేషన్, చారిత్రక భూమి డేటా విశ్లేషణలో సర్వే వివరాలు సహాయపడతాయని, వేగవంతమైన, సమర్థవంతమైన పట్టణ ప్రణాళిక సాధ్యమవుతుందని పేర్కొన్నారు. ఖచ్చితమైన భూమి డేటాను అందించడంతోపాటు, మెరుగైన జోనింగ్ నిర్మాణం, మౌలిక సదుపాయాల అభివృద్ధి, నగర విస్తరణను కనీస జాప్యాలతో అనుమతిస్తుందని తెలిపారు."నక్ష" సర్వే నిర్వహణ ద్వారా రవాణా ప్రణాళిక, గృహనిర్మాణ ప్రాజెక్టులు, స్థిరమైన పట్టణాభివృద్ధిలో సహాయపడుతుందని,

సమర్థవంతమైన విపత్తు నిర్వహణ ప్రణాళికలో ఉపయుక్తంగా ఉంటుందని కమిషనర్ వెల్లడించారు. పట్టణ స్థానిక సంస్థల (ULB) పన్ను ఆదాయ సేకరణను మెరుగుపరుస్తుందని,పన్ను ఎగవేతను తగ్గిస్తుందని వివరించారు.అదనపు కమిషనర్ వై.ఓ. నందన్ అధ్యక్షతన జరిగిన ఈ కార్యక్రమంలో డిప్యూటీ మేయర్ తహసీన్, కో ఆప్షన్ నెంబర్లు, కార్పొరేటర్లు, ప్రజా ప్రతినిధులు, డిప్యూటీ కమిషనర్ చెన్నుడు, సిటీ ప్లానర్ హిమబిందు, డి.సి.పి పద్మజ, వివిధ మున్సిపాలిటీల కమిషనర్లు, టౌన్ ప్లానింగ్ విభాగం అధికారులు, వార్డ్ ప్లానింగ్ & రెగ్యులైజేషన్ కార్యదర్శులు, సిబ్బంది పాల్గొన్నారు.

అన్ని వర్గాలకు విద్య చేరువైతేనే దేశాభివృద్ధి సాధ్యం

117 జి. ఓ ను రద్దు చేయాలి

స్కూళ్లలో ఉన్న ఉపాధ్యాయుల ఖాళీలను డీఎస్సీ ద్వారా భర్తీ చేయాలి

ఉర్దూ మీడియం స్కూళ్లకు ఉర్దూ టీచర్లను కేటాయించి బలోపేతం చేయాలి

ఆవాజ్ జిల్లా కమిటి ఆధ్వర్యంలో నిర్వహించిన రౌండ్ టేబుల్ సమావేశంలో వక్తల అభిప్రాయాలు

అన్ని వర్గాల ప్రజలకు విద్య అందితేనే దేశ అభివృద్ధి సాధ్యమని ఆవాజ్ జిల్లా కమిటీ ఆధ్వర్యంలో నిర్వహించిన రౌండ్ టేబుల్ సమావేశంలో వక్తలు అభిప్రాయపడ్డారు. మంగళవారం నగరంలోని మినీ బైపాస్ వద్ద ఉన్న భవన నిర్మాణ కార్మిక సంఘం జిల్లా కార్యాలయంలో రౌండ్ టేబుల్ సమావేశం జరిగింది. ఈ సమావేశానికి ఆవాజ్ జిల్లా అధ్యక్షుడు సయ్యద్ రఫీ అధ్యక్షత వహించారు. ఈ సందర్భంగా ఆవాజ్ జిల్లా కార్యదర్శి షేక్ రషీద్ మాట్లాడుతూ 117 జీవోను గత ప్రభుత్వం తీసుకువచ్చిందన్నారు. ఈ జీవో వలన దేశంలో ఎక్కడా లేని విధంగా విద్యా వ్యవస్థను చిన్నభిన్నం చేసిందన్నారు. తద్వారా జిల్లాలో కొన్ని  స్కూళ్లు మూతపడ్డాయని చాలామంది విద్యకు దూరమయ్యారన్నారు. స్కూళ్లలో విద్యార్థులకు తగిన స్థాయిలో ఉపాధ్యాయులు లేకపోవడంతో  విద్యార్థులకు మెరుగైన చదువు అందడం లేదన్నారు. సిఐటియు జిల్లా నాయకులు సతీష్ మాట్లాడుతూ ప్రభుత్వాలు మారిన ప్రతి సారి విద్యా వ్యవస్థను  నాశనం చేస్తున్నాయని తద్వారా పేద బడుగు, బలహీన, వర్గాల పిల్లలు చదువుకు దూరం  అవుతున్నారన్నారు. పేదలను చదువుకు దూరం చేసే  చర్యలను ఖండించాల్సిన అవసరం ఎంతైనా  ఉందన్నారు. ఐద్వా జిల్లా అధ్యక్ష కార్యదర్శులు శివకుమారి, మస్తాన్ బి మాట్లాడుతూ మోడల్ స్కూల్ ల పేరుతో మూడు, నాలుగు కిలోమీటర్ల దూరంలో స్కూలు పెడితే విద్యార్థినులు చదువుకు దూరం అయ్యే అవకాశం ఉందన్నారు. అందువలన ప్రస్తుతం స్థానికంగా ఉన్న స్కూళ్ల ద్వారా మెరుగైన విద్య కు కూటమి ప్రభుత్వం కృషి చేయాలన్నారు. డివైఎఫ్ఐ జిల్లా అధ్యక్షుడు బిపి నరసింహ మాట్లాడుతూ ప్రభుత్వాలు ఎన్ని మారిన ఉపాధ్యాయుల భర్తీ విషయంలో చిన్నచూపు చూస్తున్నారని అందువలన వీలైనంత త్వరగా డీఎస్సీ ఇచ్చి ఉపాధ్యాయులను భర్తీ చేయాలని అప్పుడే విద్యార్థులకు మెరుగైన విద్య అందించే అవకాశాలు ఉందన్నారు. ఎస్ఎఫ్ఐ జిల్లా ఉపాధ్యక్షుడు జీవన్ మాట్లాడుతూ విద్యా వ్యవస్థలో మార్పులు కేంద్రం ఏ విధంగా అయితే చెబుతుందో ఆ విధానాలే రాష్ట్ర ప్రభుత్వాలు అవలంబిస్తున్నాయని ఈ విధానాలు విద్యార్థులకు శాపంగా మారుతున్నాయి అన్నారు. జమాతే ఇస్లామీ హింద్ జిల్లా నాయకులు నవీద్ మాట్లాడుతూ ఉర్దూ భాష దేశంలోనే ప్రాచీన భాష అని  తగినంత ప్రాధాన్యత ఇవ్వడం లేదన్నారు.  ఉర్దూ మీడియం ఉన్న స్కూల్లో ఉపాధ్యాయులను ప్రభుత్వం నియమించాలన్నారు. ఉర్దూ భాషను బలోపేతం చేయాలన్నారు. రిటైర్డ్ ఉపాధ్యాయులు నబీవుల్లా మాట్లాడుతూ అందరూ కలిసి కట్టుగా  117 జీవోను ఖచ్చితంగా రద్దు చేయాల్సిందేనని అన్నారు. మరో రిటైర్డ్ ఎంప్లాయి మునీర్ మాట్లాడుతూ మొట్టమొదటి కేంద్ర విద్యా శాఖ మంత్రి ఏర్పాటు చేసిన విద్యా వ్యవస్థ బలమైనదని  తర్వాత వచ్చిన ప్రభుత్వాలు ఆ బలమైన విద్యా వ్యవస్థను నాశనం చేసేదానికి ఈ కొత్త రకం జీవోలన్నీ తీసుకొచ్చారన్నారు. ఈ కార్యక్రమంలో ఆవాజ్ జిల్లా కమిటీ సభ్యులు షేక్ రియాజ్, షేక్ చాన్ బాషా, షేక్ జానీ బాషా, షేక్ మునీర్ భాష, సయ్యద్ రవూఫ్, షేక్ నాయబ్, నగర నాయకులు సమీవుల్లా, షేక్ సలాం, ఇతర ప్రజా సంఘాల నాయకులు, తదితరులు పాల్గొన్నారు.

వై.ఎస్.యు లో స్వచ్ఛ ఆంధ్ర కార్యక్రమం ప్రారంభం..

వెంకటాచలం, మేజర్ న్యూస్..

విక్రమ సింహపురి విశ్వవిద్యాలయం జాతీయ సేవా పథకం (NSS) ఆధ్వర్యంలో స్వచ్ఛ ఆంధ్ర కార్యక్రమాన్ని ఘనంగా నిర్వహించారు. విశ్వవిద్యాలయ ఉపకులపతి ఆచార్య యస్. విజయభాస్కర రావు మరియు రిజిస్ట్రార్ డాక్టర్ కే. సునీత ఈ కార్యక్రమాన్ని ప్రారంభించారు.ఈ సందర్భంగా ఉపకులపతి మాట్లాడుతూ, విశ్వవిద్యాలయంలో ప్రతి నెల మూడవ శనివారం స్వచ్ఛ ఆంధ్ర కార్యక్రమాన్ని నిర్వహించాలని నిర్ణయించామని, ఈ కార్యక్రమంలో విద్యార్థులు, అధ్యాపకులు చురుకుగా పాల్గొని విశ్వవిద్యాలయ పరిసరాలను శుభ్రంగా ఉంచాలని కోరారు. అంతేకాకుండా, విద్యార్థులు యూనివర్సిటీ సమీప గ్రామాలకు వెళ్లి పరిశుభ్రతపై అవగాహన కల్పించాలనే లక్ష్యాన్ని ఉంచుకున్నట్లు తెలిపారు.రిజిస్ట్రార్ డాక్టర్ కే. సునీత మాట్లాడుతూ, పరిసరాల పరిశుభ్రత వలన ఆరోగ్యవంతమైన వాతావరణం ఏర్పడుతుందని, ఇప్పటికే NSS విద్యార్థులు విశ్వవిద్యాలయాన్ని శుభ్రంగా ఉంచడంలో ముందుండి వ్యవహరిస్తున్నారని అన్నారు.ఈ కార్యక్రమంలో భాగంగా క్యాంటీన్, కిచెన్ గార్డెన్, కళాశాల భవనాల పరిసరాలను శుభ్రపరిచారు. వ్యర్థాలను తొలగించడంతో పాటు, పిచ్చిమొక్కలను తొలగించి విశ్వవిద్యాలయ పరిసరాలను పరిశుభ్రంగా మార్చారు.ఈ కార్యక్రమాన్ని NSS ప్రోగ్రామ్ ఆఫీసర్ డాక్టర్ బి.వి. సుబ్బారెడ్డి పర్యవేక్షించగా, అధ్యాపకులు డాక్టర్ విజేత, శంకర్ ప్రసూన, సుచరిత విమల, గోవిందు, ఓబులపతి, అలాగే NSS సిబ్బంది వెంకట్, దొరబాబు తదితరులు పాల్గొన్నారు.

స్వచ్ఛ ఆంధ్ర వంటి కార్యక్రమాలు విద్యార్థుల్లో సామాజిక బాధ్యతను పెంపొందించడంలో, అలాగే పరిసరాలను పరిశుభ్రంగా ఉంచడంలో ఎంతో ఉపయోగపడతాయని నిర్వాహకులు తెలిపారు.

విద్యార్థులను అభినందించిన  ఉపాధ్యాయులు. 

కృష్ణపట్నం హైస్కూల్ విద్యార్థులకు ఎన్ ఎం ఎస్ ఎస్ ఉపకార వేతనాలు. 

ఎంపికైన ముగ్గురు విద్యార్థినిలకు అభినందనలు.

ముత్తుకూరు ,ఫిబ్రవరి 15 (మేజర్ న్యూస్) కృష్ణపట్నం జడ్పీ హైస్కూల్ చెందిన విద్యార్థినిలకు నేషనల్ మీన్స్ కమ్ మెరిట్( ఎన్ ఎం ఎస్ ఎస్) ఉపకార వేతనాలకు ఎంపిక కావడం జరిగింది. గత సంవత్సరం డిసెంబర్ నెలలో ఈ స్కూలుకు చెందిన 12 మంది విద్యార్థులు ఈ పరీక్షకు హాజరయ్యారు. వీరిలో 8వ తరగతి కి చెందినటువంటి మిశ్రిత ,పూజిత, విష్ణు ప్రియలు ఈ పరీక్షల్లో పాసైనారు. ఈ సందర్భంగా శనివారం హైస్కూల్లో విద్యార్థులను అభినందించే కార్యక్రమాన్ని ఉపాధ్యాయులు నిర్వహించారు. స్కూల్ హెడ్మాస్టర్ సరళ, శిక్షణ కల్పించిన ఉపాధ్యాయులు సంయుక్తంగా ప్రశంసించారు. నేషనల్ మీన్స్ కమ్ మెరిట్ కు కృష్ణపట్నం స్కూలు విద్యార్థులు ఎంపిక కావడం చాలా సంతోషకరమని హెడ్మాస్టర్ తెలిపారు. ఇదివరకే మహేశ్వరి అనే విద్యార్థిని కూడా ఎంపిక అయిన విషయాన్ని తెలియజేశారు. ఈ కార్యక్రమంలో ఉపాధ్యాయులు విద్యా కమిటీ పాలకవర్గం ,తదితరులు పాల్గొన్నారు.