Ravikiranalu TV

 నేడు  శ్రీ చెంగాళమ్మ పరమేశ్వరి దేవస్థానము హుండీలు లెక్కింపు.

రవి కిరణాలు తిరుపతి జిల్లా సూళ్లూరుపేట:-

తెలుగు, తమిళ ఆరాధ్య దైవం శ్రీ చెంగాళ్ళమ్మ దేవస్థానం నందు నేడు తేది.16-09-2023 ఉదయం10:00 గం’’లకు  దేవదాయశాఖ అధికారుల పర్యవేక్షణలో హుండీల లెక్కింపు కార్యక్రమము జరుగును.కావున ఆసక్తి గల భక్తులు హుండీ లెక్కింపు కార్యక్రమములో  డ్రెస్స్ కోడ్ (పంచే, బన్నియన్) పాటించుచూ పాల్గొనవలసినదిగా ఆలయ చైర్మన్ దువ్వూరు బాలచంద్రారెడ్డి మరియు ఆలయ ఈఓ ఆళ్ళ శ్రీనివాసరెడ్డి కోరారు.

 వినాయక చవితి ఉత్సవాలను ఘనంగా నిర్వహించేందుకు జిల్లాస్థాయి అధికారుల సమీక్ష సమావేశం  జిల్లా పరిషత్ సమావేశ మందిరంలో జరిగింది. నెల్లూరు నగరం రూరల్ నియోజకవర్గం వినాయక చవితి ఉత్సవాలు, గణేష్ నిమజ్జన వేడుకలను అత్యంత వైభవంగా నిర్వహించేందుకు జిల్లాస్థాయి ఉన్నత అధికారుల సమీక్ష సమావేశానికి నెల్లూరు పార్లమెంట్ సభ్యులు, రూరల్ ఇంచార్జి ఆదాల ప్రభాకర్ రెడ్డి గారు ముఖ్యఅతిథిగా హాజరయ్యారు. వినాయక చవితి ఉత్సవాలను  ఘనంగా నిర్వహించడం కాకుండా ఎటువంటి అవాంఛనీయ   సంఘటనలు చోటు చేసుకోకుండా తగు చర్యలు తీసుకోవాలని సమీక్ష సమావేశంలో పాల్గొన్న జిల్లా కలెక్టర్ ఎం హరి నారాయణ్ గారు,జిల్లా ఎస్పీ తిరుమలేశ్వర్ రెడ్డి గారు నెల్లూరు నగర కమిషనర్ వికాస్ మర్మత్, ఏ ఎస్ పి, నెల్లూరు ఆర్డీవో తదితరులతో ఎంపీ ఆదాల ప్రభాకర్ రెడ్డి గారు  సమక్షించారు. సమావేశానికి హాజరైన వివిద గణేష్ ఉత్సవాల కమిటీల సభ్యులతో వారివారి అభిప్రాయాలను, సూచనలను సమావేశంలో పరిగణలోకి తీసుకోవడం జరిగింది. గణేష్ నిమజ్జనం ఉత్సవాలను  స్వర్ణాల చెరువు ఘాట్ వద్ద, పెన్నా నది తీరమున నిర్వహించేందుకు అవసరమైన చర్యలతోపాటు, కట్టుదిట్టమైన ఏర్పాట్లను తీసుకోవాలని, అందుకు అవసరమైన చర్యలు చేపట్టాలని జిల్లా అధికారులతో ఎంపీ ఆదాల ప్రభాకర్ రెడ్డి గారు సూచించారు. గణేష్ నిమజ్జనం సందర్భంగా వివిధ ప్రాంతాల నుంచి ఊరేగింపుగా వచ్చే వినాయకుని ప్రతిమలకు ఎక్కడ ఇబ్బంది తలెత్తకుండా  ట్రాఫిక్ సమస్యలు రాకుండా  ముందుగానే ప్రజలలో అవగాహన చర్యలు చేపట్టి  వినాయక ఉత్సవాలను ఘనంగా నిర్వహించాలని ఎంపీ ఆదాల ప్రభాకర్ రెడ్డి అధికారులను కోరారు. ఈ కార్యక్రమంలో  డిసిసిబి  మాజీ అధ్యక్షులు ఆనం విజయకుమార్ రెడ్డిగారు, నెల్లూరు విజయ డైరీ చైర్మన్  కొండ్రెడ్డి రంగారెడ్డిగారు వివిధ జిల్లా స్థాయి అధికారులు పాల్గొన్నారు.

జగనన్నకు చెబుతాం.  మాధవసేవ కన్నా మానవసేవే మిన్న:ఎమ్మెల్యే వెలగపల్లి.

రీసర్వే ద్వారా భూ సమస్యలకు శాశ్వత పరిష్కారం: జాయింట్ కలెక్టర్ డీకే బాలాజీ.

జగనన్నకు చెబుదాం ప్రజా సమస్యల పరిష్కార వేదిక:ఆర్డిఓ కిరణ్ కుమార్.

చిట్టమూరు రవి కిరణాలు న్యూస్:

రాష్ట్ర ప్రభుత్వం నూతన జీవో ద్వారా తీసుకువచ్చిన జగనన్నకు చెబుతాం కార్యక్రమాన్ని తిరుపతి జిల్లాలో మొట్టమొదటిసారిగా చిట్టమూరులో  నిర్వహించారు. శుక్రవారం మండల పరిషత్ కార్యాలయ ఆవరణంలో ఎంపీడీవో షాలేట్ అధ్యక్షతన నిర్వహించిన కార్యక్రమానికి ముఖ్యఅతిథిగా స్థానిక శాసనసభ్యులు వెలగపల్లి వరప్రసాద్ రావు,జాయింట్ కలెక్టర్ డీకే బాలాజీ,గూడూరు ఆర్డీవో కిరణ్ కుమార్,జిల్లా,డివిజన్,మండల స్థాయి అధికారులు పలువురు పాల్గొన్నారు.ఈ సందర్భంగా ఎమ్మెల్యే వెలగపల్లి మాట్లాడుతూ మాధవ సేవ కంటే మానవసేవ మిన్నగా అధికారం కట్టబెట్టిన ప్రజలకు నాయకులు,అధికారులు అందుబాటులో ఉండి సేవలందించాలన్నారు.రాష్ట్ర ముఖ్యమంత్రి జగన్మోహన్ రెడ్డి సంక్షేమం,అభివృద్ధితో పేదలకు అందుబాటులో ప్రజా రంజక పాలన కొనసాగిస్తూ, సేవలందిస్తున్నారు.ఇప్పటికీ సంక్షేమంతో పాటు మెరుగైన వసతుల రూపకల్పనకు ప్రభుత్వం పలు కార్యక్రమాలు చేపట్టామన్న ఎమ్మెల్యే గడపగడపకు మన ప్రభుత్వం కార్యక్రమాన్ని పూర్తి చేసుకున్నామన్నారు.త్వరలో పేదలకు అందుబాటులో ప్రతిష్టాత్మక సురక్ష కార్యక్రమాన్ని నిర్వహించనున్నట్లు కూడా తెలిపారు.తిరుపతి జిల్లా జాయింట్ కలెక్టర్ డీకే బాలాజీ మాట్లాడుతూ అనాదిగా భూసమస్యలు ఎదుర్కొంటున్న వారు రీసర్వే ద్వారా భూ సమస్యలకు శాశ్వత పరిష్కారానికి ప్రభుత్వం చక్కటి అవకాశాన్ని కల్పించిందన్న ఆయన ఈ అవకాశాన్ని అందరూ సద్వినియోగం చేసుకోవాలని సవివరంగా వివరించారు.ప్రజా సమస్యల పరిష్కారానికి జగనన్నకు చెబుతాం చక్కటి పరిష్కార వేదికని గూడూరు ఆర్డీవో కిరణ్ కుమార్ తెలిపారు. భూ సమస్యలపై ప్రజల నుండి వచ్చిన వినతులను నిశితంగా పరిశీలించి,వివరాలు అడిగి తెలుసుకుని,సమస్యల పరిష్కారానికి సావధానంగా గూడూరు ఆర్డిఓ కిరణ్ కుమార్ జవాబిచ్చారు.ప్రజా సమస్యల పరిష్కారానికి ముందుండి పని చేస్తున్న ఆర్డీవో ప్రతి అర్జీదారుడు వద్దకు వెళ్లి సమస్యలు అడిగి తెలుసుకుని పరిష్కారానికి కృషి చేస్తానని హామీ ఇచ్చారు.అనంతరం సమస్యలపై అర్జీలు స్వీకరించి,రసీదులు పంపిణీ చేశారు. ఈ కార్యక్రమంలో తహసిల్దార్ విజయలక్ష్మి, వైకాపా నాయకులు,అన్ని శాఖల అధికారులు,అర్జీదారులు పలువురు పాల్గొన్నారు.

 మూడవ రైల్వే లైన్ కి గ్రావెల్ తోలింది ఎవరు............

పసుపులేటి సుధాకర్ కి ఛాలెంజ్ విసిరిన ఎమ్మెల్యే ప్రతాప్ రెడ్డి 

 కావలి రవికిరణాలు :::::

*కావలిలో మరో రాజకీయ దత్తపుత్రుడుపై ఘాటైన వ్యాఖ్యలు చేసిన కావలి ఎమ్మెల్యే ప్రతాప్ కుమార్ రెడ్డిఆగ్రహం వ్యక్తం చేశారు. శుక్రవారం విలేకరుల సమావేశంలో మాట్లాడుతూ 

చేతనైతే సాయం చేస్తా

అవసరమైతే సహాయపడతా

అంతే తప్ప నీలాగా దొంగ సొమ్ముకి నేను ఆరాటపడను ఇది రాసిపెట్టుకోవాలి ఎమ్మెల్యే రామిరెడ్డి అన్నారు. విజయవాడ నుంచి చెన్నైకు వేస్తున్న మూడవ రైల్వే లైన్ కు గ్రావెల్ తోలిందెవరో కనుక్కొని మాట్లాడాలని, బిట్రగుంటలో  వేసిన లేఔట్ కు గ్రావెల్  ఎక్కడి నుంచి వచ్చిందో చెప్పు ప్రజల ముందు చెప్పాలని దొంగలను బయట పెడితే పరిగెడుతూ మాపై ఆరోపణ చేయడం ఎంతవరకు సమంజసం అన్నారు. గ్రావెల్ దొంగతనాలు మొదలుపెట్టింది తెలుగుదేశం పార్టీ నాయకులని అది తెలుసుకొని మాట్లాడాలని చోటానేతలకు సూచించారు. నేను మగాడినోకాదో గత ఎన్నికల్లో నువ్వు చూశావు కదా పసుపులేటి సుధాకర్

అంతలోపే మర్చిపోతే ఎలా అని గుర్తు చేసుకోవాలని పసుపులేటి పై  ఆగ్రహం వ్యక్తం చేశారు.నేను మగాడిని కాబట్టే కావలిలో రెండు సార్లు ఎమ్మెల్యే గా గెలిచాను,మూడోసారి గెలవడానికి రెడీగా ఉన్నానని దమ్ముంటే బరిలో దిగాలని తాడోపేడో  తేల్చుకుందాం రా అని ఎమ్మెల్యే సవాల్ విసిరారు. నువ్వు మగాడివైతే చంద్రబాబు నాయుడు చేసిన 118 కోట్ల అవినీతిపై మాట్లాడు టికెట్ కాదు ముందు కావాల్సింది ప్రశ్నించు తేల్చుకొని ప్రజల కోసం ముందుకు రా అన్నారు.ఎన్నికల సమయాల్లోనే నీకు కావలి నియోజకవర్గం,పేద ప్రజలు గుర్తుకొస్తున్నారా పసుపులేటి అంటూ ఊసరవెల్లి  వేషాలు మానుకొని ప్రజల పక్షాన నిలబడాలి అన్నారు.

అవినీతి చేయడం నా ఇంటా వంటా చరిత్రలో లేదన్నారు.

నీ అబద్ధపు,తప్పుడు ప్రచారాలు ఎవ్వరూ నమ్మే  పరిస్థితిలో లేరని ఇప్పటికైనా కళ్ళు తెరిచి కావలి ప్రజల మనోభావాలను దెబ్బతీయకుండా ఉండాలని హితావు పలికారు.ఎప్పుడో సంవత్సరానికి ఒకసారి పండగలు, పబ్బాలు వచ్చినట్టు వచ్చి ఇక్కడ ఏదోదో మాట్లాడితే ఊరుకునే ప్రసక్తే లేదని పసుపులేటి పై నిప్పులు చెరిగారు.గత ప్రభుత్వ హయాంలో భారీగా గ్రావెల్ మాఫియా జరిగి,ఊహకి అందని విధంగా గుంతలు ఏర్పడితే,నీ పనికిమాలిన

డ్రోన్ కెమెరాలు పెట్టి వీడియోలు తీసి ఇప్పటి ప్రభుత్వ హయాంలో జరిగిందని తప్పుడు ఆరోపణలు చేయడం కరెక్ట్ కాదన్నారు.అభివృద్ధి కార్యక్రమాలు చేయాలి అంటే గ్రావెల్ ఎంత అవసరమో నిన్నటిదాకా నాదే కావలి టీడీపీ టికెట్ అని మాట్లాడిన ఆ కాంట్రాక్టర్ ని అడిగి తెలుసుకొని మాట్లాడాలని సుధాకర్ కు సూచించారు. ఈ కార్యక్రమంలో వైఎస్ఆర్సిపి పార్టీ అధ్యక్షులు శివకుమార్ రెడ్డి, కనమర్లపూడి వెంకట్ నారాయణ, రాజశేఖర్, వడ్లమూడి వెంకటేశ్వర్లు,సుధీర్ నాయుడు, ప్రభాకర్ నాయుడు, తదితరులు పాల్గొన్నారు.

మనం ఆరోగ్యంగా ఉండాలంటే మన పరిసరాలు బాగుండాలి -ఉప మలేరియా అధికారి సూచన

రవికిరణాలు ప్రతినిధి -దొరవారిసత్రం:

మనం- మన కుటుంబ సభ్యులు ఆరోగ్యంగా ఉండాలంటే మనం నివాసముంటున్న పరిసరాలు బాగుండాలని సూళ్లూరుపేట సబ్ యూనిట్ ఉప మలేరియా అధికారి రమేష్ బాబు గ్రామస్తులకు సూచించారు. ఆయన శుక్రవారం ఫ్రైడే- డ్రై డే కార్యక్రమంలో భాగంగా దొరవారి సత్రం మండలంలోని గొల్లపాలెం గ్రామంలో కార్యక్రమాన్ని పర్యవేక్షించారు. ఈ సందర్భంగా ఆరోగ్య కార్యకర్త రత్నయ్య, ఆశా కార్యకర్త స్వాతిలతో కలిసి గృహ సందర్శన చేపట్టారు. గృహాల్లో నీటి నిల్వలు, మురికి నీటి కుంటలు , వృధాగా పడేవేసిన పాత టైర్లలో దోమల లార్వాలు  పరిశీలించారు. ఈ సందర్భంగా గృహ యజమానులకు దోమలతో సంభవిస్తున్న పలు రకాల జ్వరాలు మనకు శోకకుండా ఉండాలంటే మన పరిసరాల్లోని నీటి నిల్వలలో దోమల లార్వాలు ఉత్పత్తి చెందకుండా, ప్రాథమిక స్థాయిలోనే  వాటిని అరికట్టాలని, వారంలో ఒక రోజైనా నీటి పాత్రలోనే నిల్వ ఉన్న నీటిని  పారబోసి, పాత్రను ఎండబెట్టి నీటిని నింపు వాడుకోవాలని  సూచించారు. ప్రధానంగా దోమల లార్వాలు పాత టైర్లు, వాడి పారేసిన కొబ్బరి బోండాలు, ప్లాస్టిక్ కాళీ డబ్బాలు ఇంటి పరిసరాల్లో లేకుండా ముందు జాగ్రత్తగా పడాలని వివరించారు. చలి జ్వరముతో కూడిన  లక్షణాలు కనిపిస్తే ప్రాథమిక ఆరోగ్య కేంద్రానికి వెళ్లి చికిత్స పొందాలని తెలియపరిచారు. ఈ దినం ఏ కొల్లు, నెల బల్లి, కొత్తపల్లి, వేణుంబాకం,, పూల తోట, పోలిరెడ్డి పాలెం, ఉచ్చూరు,  తనియాలి, సచివాలయాల పరిధిలో ఫ్రైడే ఫ్రైడే సందర్భంగా ఆరోగ్య సిబ్బంది ఆశా కార్యకర్తలు లార్వా సర్వే చేపట్టారు

 ఇంటర్మీడియట్ విద్యార్థులకు పాఠ్య పుస్తకాలు పంపిణీ.

శ్రీసిటీ ప్రతినిధులు ఉద్దూరు రాజగోపాల్,సురేంద్ర కుమార్ చేతుల మీదుగా పంపిణీ.

చిట్టమూరు రవి కిరణాలు న్యూస్;

చిట్టమూరు మండలం అరవపాలెంలోని శ్రీ సన్నారెడ్డి బాలకృష్ణారెడ్డి ఉన్నత పాఠశాలకు చెందిన ఇంటర్మీడియట్ విద్యార్థులకు శ్రీ సిటీ అధినేత రవిసన్నారెడ్డి చేయూత అందించారు. ఇంటర్మీడియట్ మొదటి, రెండవ సంవత్సరం చదువుతున్న 16 మంది విద్యార్థులకు 16వేల రూపాయల విలువైన పాఠ్యపుస్తకాలను శుక్రవారం చిట్టమూరు మాజీ మండల అధ్యక్షులు,శ్రీ సిటీ ప్రతినిధి ఉద్దూరు రాజగోపాల్,శ్రీసిటీ సిఎస్ఆర్ సీనియర్ మేనేజర్ సురేంద్ర కుమార్ చేతుల మీదుగా పంపిణీ చేశారు.ఈ సందర్భంగా వారు మాట్లాడుతూ ఇంటర్మీడియట్ ఫలితాల్లో అత్యధిక మార్కులతో మంచి ఉత్తీర్ణత శాతం సాధించాలన్నారు. ఏటికేడు విద్యార్థుల చేరికలు పెంపొందించుకునేలా ఉపాధ్యాయుల పనితీరుండాలని కోరారు. ఆరవపాలెం పాఠశాల అభివృద్ధికి లక్షలాది రూపాయల నిధులు వెచ్చిస్తూ, విద్యార్థులకు ప్రోత్సాహకాలు అందిస్తున్న రవి సన్నారెడ్డికి పలువురు కృతజ్ఞతలు తెలియజేశారు. ఈ కార్యక్రమంలో స్థానిక ప్రధానోపాధ్యాయురాలు ఏ ప్రభావతి,ఉపాధ్యాయులు, విద్యార్థులు పలువురు పాల్గొన్నారు.

 తెలుగుదేశం పార్టీని అధికారంలో తీసుకురావడమే లక్ష్యం.

డాక్టర్ పాశిం సునీల్ కుమార్ నాయకత్వంలో కంకణ బద్ధులై పని చేస్తాం:ఎల్లసిరి నాగార్జున.

చిట్టమూరు  రవి కిరణాలు న్యూస్;

తెలుగుదేశం పార్టీ గూడూరు నియోజకవర్గ ఇన్చార్జ్,మాజీ శాసనసభ్యులు డాక్టర్ పాశిం సునీల్ కుమార్ నాయకత్వంలో బాధ్యతగా పనిచేసి, తెలుగుదేశం పార్టీని అధికారంలోకి తీసుకురావడమే లక్ష్యంగా పనిచేస్తామని ఆ పార్టీ గూడూరు నియోజకవర్గ ఎస్సీ సెల్ అధికార ప్రతినిధి ఎల్లసిరి నాగార్జున తెలిపారు.శుక్రవారం గూడూరులో తనకు పదవి కట్టబెట్టిన గూడూరు మాజీ శాసనసభ్యులు పాసిం సునీల్ కుమార్ ను మహాజనసైన్యం వ్యవస్థాపక జాతీయ అధ్యక్షులు చేవూరు సురేంద్ర తో కలసి పూలమాలలు, శాలువాలతో సన్మానించి సత్కరించి,కృతజ్ఞతలు తెలియజేశారు.తనపై నమ్మకంతో పదవి కట్టబెట్టిన సునీలన్న నాయకత్వంలో పార్టీ పటిష్టతకు,తెలుగుదేశం పార్టీ విజయానికి,బడుగు,బలహీన వర్గాలకు అందుబాటులో ఉండి, ప్రజా సమస్యల పరిష్కారానికి ప్రణాళికబద్ధంగా, క్రియాశీలకంగా,కష్టపడి పని చేస్తానని ఒక ప్రకటనలో తెలియజేశారు.ఈ కార్యక్రమంలో నియోజికవర్గ ఎస్సీ సెల్ అధ్యక్షులు ఏసుపాక పెంచలయ్య ,ఎంజేయస్ రాష్ట్ర కార్యదర్శి కత్తి లక్ష్మణ్,విద్యార్థి నాయకులు అనిల్,యశ్వంత్, పార్టీ నాయకులు పాల్గొన్నారు.