Ravikiranalu TV

 అధ్యక్షుడు అలపాక శ్రీనివాసులు. వైకాపా పంచాయతీ రాజ్ విభాగం అధ్యక్షులుగా ఆలపాక. 

అభినందించిన పార్టీ అధ్యక్షులు కాకాణి. 

ముత్తుకూరు, డిసెంబర్ 21 (మేజర్ న్యూస్)జిల్లా పంచాయతీ రాజ్ వింగ్, గ్రీవెన్స్ సెల్ విభాగాల జిల్లా అధ్యక్షులుగా పంటపాలెం గ్రామానికి చెందిన పార్టీ సీనియర్ నాయకులు, స్థానిక సర్పంచ్ ఆలపాక శ్రీనివాసులు నియామకం కావడం జరిగింది. ఈ మేరకు శనివారం రాష్ట్ర మాజీ ముఖ్యమంత్రి వైయస్ జగన్మోహన్ రెడ్డి ఆదేశాల మేరకు పార్టీ జిల్లా అధ్యక్షులు కాకాణి గోవర్ధన్ రెడ్డి నియామకం ఉత్తర్వులు జారీ చేశారు. సర్వేపల్లి నియోజకవర్గానికి ఈ పదవి రావడం పట్ల పార్టీ కార్యకర్తలు సంతోషం వ్యక్తం చేశారు. ఈ నేపథ్యంలో జిల్లా అధ్యక్షులు ఆయనకు శుభాకాంక్షలు తెలియజేసి అభినందించారు.

 కార్యక్రమంలో పాల్గొన్న వైయస్సార్ కాంగ్రెస్ పార్టీ నాయకులు. వైయస్ జగన్ వెంటే నడుస్తాం. 

మండల వైకాపా శ్రేణులు స్పష్ఠీకరణ. 

ముత్తుకూరు ,డిసెంబర్ 21 (మేజర్ న్యూస్) వైయస్సార్ కాంగ్రెస్ పార్టీకి సేవ చేస్తూ మాజీ ముఖ్యమంత్రి వైయస్ జగన్మోహన్ రెడ్డి వెంట నడుస్తామని మండల వైయస్సార్ కాంగ్రెస్ పార్టీ కార్యకర్తలు స్పష్టం చేశారు. శనివారం మాజీ సీఎం వైయస్ జగన్ జన్మదిన వేడుకలు కార్యక్రమాన్ని పార్టీ కార్యాలయంలో పార్టీ శ్రేణులు ఘనంగా నిర్వహించారు. పార్టీ అధ్యక్షులు కాకాణి గోవర్ధన్ రెడ్డి ఆదేశాల మేరకు మండల పార్టీ కన్వీనర్ మెట్టా విష్ణువర్ధన్ రెడ్డి సారధ్యంలో కార్యక్రమం జరిగింది. తొలుత వైయస్సార్ విగ్రహానికి పూలమాలలు వేసి ఘనంగా నివాళులు అర్పించారు. మండల ఎంపీపీ గండవరం సుగుణ అధ్యక్షతన జన్మదిన వేడుకలు జరిపి కేక్ కట్ చేశారు. సర్పంచులు ,ఎంపిటిసి సభ్యులు, పార్టీ కార్యకర్తలు హాజరయ్యారు. ఈ సందర్భంగా నాయకులు మాట్లాడారు. కూటమి ప్రభుత్వంలో ప్రజలుఇబ్బందులు పడుతున్నారని విమర్శించారు. కార్యక్రమంలో పార్టీ నాయకులు ఈదురు రాంప్రసాద్ రెడ్డి, బషీర్, చిన్నపరెడ్డి, గండవరం సూరి, సాయి, దేవ రెడ్డి నాగార్జున రెడ్డి, రాజా, షేక్ మౌలాలి, మహిళ విభాగం నాయకురాలు లతారెడ్డి , కార్యకర్తలు ,తదితరులు పాల్గొన్నారు.

 కొండారెడ్డి దంత వైద్యశాలలో ఉచిత వైద్య శిబిరం. డెంటల్ ఎక్సరే పై 50 శాతం రాయితీ జర్నలిస్టులకు 50% రాయితీ డాక్టర్  దివ్య రెడ్డి వెల్లడి 

నెల్లూరు, మేజర్ న్యూస్ : డాక్టర్ కొండారెడ్డి దంత వైద్యశాలలో 54వ వార్షికోత్సవం సందర్భంగా ఉచిత కన్సల్టేషన్, డెంటల్ ఎక్సరే పై 50% రాయితీ , అన్ని రకముల దంత చికిత్సలపై  20% డిస్కౌంట్ కల్పిస్తున్నట్లు డాక్టర్ జి. దివ్య రెడ్డి తెలిపారు.  బుధవారం నెల్లూరు జిల్లా జర్నలిస్ట్ భవన్ లో ఏర్పాటుచేసిన విలేకరుల సమావేశంలో డాక్టర్ దివ్యరెడ్డి మాట్లాడుతూ నగరంలో ప్రముఖ దంత వైద్యశాల అయినటువంటి డాక్టర్ కొండారెడ్డి దంత వైద్యశాల ఏర్పడి 54 సంవత్సరాలు పూర్తయిన సందర్భంగా నెల్లూరు నగరంలోని చిల్డ్రన్స్ పార్క్ రోడ్ లో ప్రారంభించబడిన డాక్టర్ కొండారెడ్డి డెంటల్ స్టూడియోలో  ఉచిత కన్సల్టేషన్ ను డిసెంబర్ 31వ తేదీ వరకు అందుబాటులో ఉంటుందని తెలిపారు.  అదేవిధంగా జర్నలిస్టులకు 50% రాయితీ  కల్పిస్తున్నట్లు పేర్కొన్నారు.  డాక్టర్ కొండారెడ్డి డెంటల్ స్టూడియోలో అన్ని రకములైన అత్యాధునిక దంత వైద్య సేవలను  సామాన్య ప్రజలకు అందుబాటు ధరలకే అందిస్తున్నట్లు తెలిపారు. నెల్లూరు జిల్లా ప్రజలు ఈ వైద్య శిబిరాన్ని వినియోగించుకోవాలని సూచించారు.  ప్రతిరోజు ఉదయం 10 గంటల నుండి రాత్రి 8 గంటల వరకు, ఆదివారం ఉదయం 10 గంటల నుండి మధ్యాహ్నం 2 గంటల వరకు డాక్టర్లు అందుబాటులో ఉంటారని తెలిపారు. ఈ సమావేశంలో డాక్టర్ జి మనోజ్ రెడ్డి తదితరులు పాల్గొన్నారు.

 నిర్నీత గడువులో సమస్యలు పరిస్కారం.

ఉదయగిరి మేజర్ న్యూస్.

ఉదయగిరి,  మండలంలోని పుల్లా యపల్లి గ్రామంలో బుధవారం తహసీల్దారు సుభద్రఆధ్వర్యంలో రెవెన్యూ సదస్సు నిర్వహించారు. ఈ సందర్భంగా పలు సమస్యలపై ప్రజలు, రైతులు వినతులు సమ ర్పించారు. ప్రజలు అందజేసిన ఆర్జీలకు త్వరితగతిన పరిష్కారమార్గం చూపుతామని ఆమె తెలిపారు. ఈ కార్య క్రమంలో రైతు సంఘం నాయకులు కాకు వెంకటయ్య డీటీ హసీనా, వీఆర్వో అనూష, సర్వేయర్లు రమణ, శ్రీకాంత్, సిబ్బంది తదితరులు పాల్గొన్నారు.

 ఘనంగా ఫెషర్స్ డే వేడుక.

ఉదయగిరి మేజర్ న్యూస్.

 స్థానిక మేకపాటి గౌతంరెడ్డి వ్యవసాయ కళాశాల నందు మంగళవారం రాత్రి నూతనంగా చేరిన విద్యార్థులకు స్వాగతం పలుకుతూ సీనియర్ విద్యార్థులు ఫ్రెషర్స్ డే వేడుక  ఘనంగా నిర్వహించారు.

ఈ సందర్భంగా అసోసియేట్ డీన్ డాక్టర్ జి. కృష్ణారెడ్డి  అధ్యక్షత వహించి  నూతనంగా చేరిన విద్యార్థిని విద్యార్థులను ఉద్దేశించి మాట్లాడుతూ ఈ వ్యవసాయ కోర్స్ నందు మీ ఊహలను పునర్మించుకోవడానికి  ఎంతో ఉపయోగపడుతుందని  సీనియర్ విద్యార్థుల నుంచి సలహాలు తీసుకోవాలని, సీనియర్ విద్యార్థులతో  స్నేహంగా మెలగాలని సూచించారు.

 ఈ కార్యక్రమానికి ముఖ్య అతిథిగా యూనివర్సిటీ రిజిస్ట్రార్ డాక్టర్ జి రామచంద్రరావు పాల్గొని మాట్లాడుతూ విద్యాపరంగా, సామాజికపరంగా, మానసికం గాను అభివృద్ధి చెందాలని ఈ వ్యవసాయ కళాశాలలో ఆయా కోర్సులతోపాటు సాంప్రదాయకంగా నడుచుకోవాలని సూచించారు. వ్యవసాయ రంగం గురించి మాట్లాడుతూ భారత దేశానికి వ్యవసాయం వెన్నుముక లాంటిదని, కోవిడ్ సమయంలో అన్ని రంగాలు మూతపడినను వ్యవసాయంలో రైతులు కష్టపడ్డారని ఈ దేశానికి ఆహార అభివృద్ధికి తోడ్పడి ఆ సమయంలో అందరికీ ఆహారాన్ని అందించడంలో ముఖ్య పాత్ర పోషించారని అలాంటి వ్యవసాయ కోర్సులు అభ్యసిస్తున్న మీరు అదృష్టవంతులని  అంతేకాకుండా దేశ భవిష్యత్తును మార్చే శక్తి విద్యార్థు లేనని కొనియాడారు. ఈ కార్యక్రమానికి గౌరవ అతిధులుగా  జి శివన్నారాయణ ప్రాజెక్ట్ డైరెక్టర్, ఆత్మ పి చెన్నారెడ్డి, అసిస్టెంట్ డైరెక్టర్ ఆఫ్ అగ్రికల్చరల్,  కే సుభద్ర,  తహసిల్దార్, ఎన్ వెంకట్రావు, సర్కిల్ ఇన్స్పెక్టర్ ఉపాధ్యాయ సిబ్బంది పాల్గొన్నారు.

చాగణం. చాగణంరాజుపాలెం  పొలం పిలుస్తుంది కార్యక్రమం

సైదాపురం మండలం మేజర్ న్యూస్ :- సైదాపురo మండలంలోని చాగణం. చాగణం రాజుపాలెం  గ్రామంలోపొలం పిలుస్తుంది ప్రోగ్రాం  నిర్వహించడం జరిగింది ముఖ్యంగా పంట భీమా పై అవగాహన కలిగించడం జరిగింది వరి పంటలో ఎకరాకి 168 రూపాయల తో ఇన్సూరెన్స్ చేసుకుంటే 48000 రూపాయలు ఎకరాకి  భీమా వర్తిస్తుంది అని తెలియ చేయటం జరిగింది అలానే మినుము పంట కి 38రూపాయలు చెల్లిస్తే ఎకరం కి 19000 రూపాయల భీమా పెసరకి 36రూపాయలు చెల్లిస్తే 16000 రూపాయల భీమా వర్తిస్తుందని తెలియచేయడం అలానే వరిపంటలో  వచ్చు వివిధ రకాల తెగుళ్ళు గురించి చీడ పీడలు వాటి నివారణ చర్యలు గురించి మిరప లో కింద ముడత  ( తెల్ల నల్లి) నివారణ  ఈ యొక్క మిరప వచ్చే తెగుళ్ళకు మొదట దశలో నీటిలో కరిగే గంధకం (వెటబుల్ సల్ఫేర్ ) 20 లీటర్ల నీటికీ 60గ్రాం  కలిపి పిచికారి చేయాలి వ్యాధి ఉదృత మధ్య నుండి ఎక్కువ ఉంటే  స్పైరొమేసిఫైన్  29.09% స్సీ 20 లీటర్ల నీటికి  20ml లేదా క్లో్రొఫెమాఫీర్  10% SC అనే ముందు 20 లీటర్ల నీటికి   40ml కలిపి పిచికారి చేయాలి దానితోపాటు వేప నూనె 1500పీపీఎం అయితే 40ml  20 లీటర్ల నీళ్లు కి  పిచికారి చేయాలి రైతులతో చర్చించి పలు రకాల పంటలపై సూచనలు సలహాలు ఇవ్వడం జరిగింది ఈ యొక్క కార్యక్రమంలో సైదాపురం మండల వ్యవసాయ అధికారి హైమావతి గ్రామ పెద్దలు రైతులు మరియు ఇతరులు పాల్గొన్నారు

 తెలుగుదేశం పార్టీ శాశ్వత సభ్యత్వం తీసుకున్న చేజర్ల మండల టిడిపి నాయకులు....

చేజర్ల, మేజర్ న్యూస్ 

కార్యకర్తల సంక్షేమమే లక్ష్యంగా జరుగుతున్న తెలుగుదేశం పార్టీ సభ్యత్వ కార్యక్రమంలో భాగంగా బుధవారం ఆంధ్రప్రదేశ్ రాష్ట్ర దేవాదాయ ధర్మాదాయ శాఖ మంత్రి గౌ .శ్రీ ఆనం రామనారాయణరెడ్డి గారి ఆదేశాల మేరకు నియోజకవర్గ టిడిపి సీనియర్ నాయకులు మరియు కిమ్స్ హాస్పిటల్ ఎగ్జిక్యూటివ్ డైరెక్టర్  తాళ్లూరు గిరినాయుడు  గారి ఆధ్వర్యంలో శాస్వత సభ్యత్వం తీసుకున్న ఈ సందర్భంగా గిరినాయుడు మాట్లాడుతూ తెలుగుదేశం పార్టీ శాశ్వత సభ్యత్వం తీసుకున్న చేజర్ల మండల టిడిపి నాయకులు ఉడతా హజరతయ్య, గుత్తా శ్రీధర్ నాయుడు, నల్లబోతు శివకృష్ణ.వారిని అభినందించారు.