Ravikiranalu TV

 తిరుపతి పట్టణానికి  త్రాగునీటి సరఫరాకు సంబంధించిన కండలేరు పూడిక తీత పనులను త్వరితగతిన పూర్తి చేసి నీరు విడుదలకు చర్యలు చేపట్టాలి : జిల్లా కలెక్టర్ ఎస్ వెంకటేశ్వర్ 

రవి కిరణాలు,తిరుపతి, జులై 6 : -

తిరుపతి పట్టణానికి  త్రాగునీటి సరఫరాకు సంబంధించిన కండలేరు జలాశయ పూడిక తీత పనులను త్వరితగతిన పూర్తి చేసి ఈ నెల 21 నాటికి నీరు విడుదలకు ప్రణాళికా బద్ధంగా సమన్వయంతో చర్యలు చేపట్టాలని కలెక్టర్ డా.ఎస్. వెంకటేశ్వర్ సంబంధిత ఇరిగేషన్, తిరుపతి మునిసిపల్ అధికారులను ఆదేశించారు.

శనివారం మధ్యాహ్నం  స్థానిక కలెక్టరేట్ లోని సమావేశ మందిరం నందు నగరపాలక సంస్థ మునిసిపల్ కమిషనర్ అదితి సింగ్ తో కలిసి తిరుపతి పట్టణంలోని ప్రజలకు త్రాగు నీటిని సరఫరా కొరకు నీటి పారుదల శాఖ అధికారులతో సమీక్ష నిర్వహించారు. ఈ సందర్భంగా ఎస్ఈ ఇరిగేషన్ విజయకుమార్, మునిసిపల్  అధికారులతో సమీక్షిస్తూ  కండలేరు జలాశయం నుండి నీటిని పట్టణ ప్రజలకు త్రాగు నీటి కొరకు విడుదల కొరకు జలాశయంలో పూడిక తీత టెండర్లు ఈ నెల 9 నాటికి చేపట్టి తదనంతర ప్రక్రియ ప్రణాళికా బద్ధంగా చేపట్టి ఈ నెల జూలై 21 నాటికి తిరుపతి మునిసిపాలిటీకి నీరు అందించేలా చర్యలు తీసుకోవాలని, అలాగే రోజుకు 250 క్యూసెక్కుల నీటిని ఒక నెలపాటు విడుదల చేయాలని కలెక్టర్ తెలిపారు.

ఈ కార్యక్రమంలో ఎస్ ఈ పబ్లిక్ హెల్త్  మోహన్, నెల్లూరు తెలుగు గంగ ప్రాజెక్టు ఎస్ ఈ రమణారెడ్డి, నెల్లూరు కండలేరు ప్రాజెక్టు ఈ ఈ విజయ్ కుమార్ రెడ్డి, వెంకటగిరి తెలుగంగ ప్రాజెక్ట్ ఈ ఈ  రాధాకృష్ణమూర్తి  తదితరులు పాల్గొన్నారు.

 నూతన ఇసుక విధానం 2024 కార్యక్రమాన్ని ఈ నెల 8 న సోమవారం నుండి అత్యంత పారదర్శకంగా ఇసుక వినియోగదారులకు అందుబాటులో ఉండేలా చర్యలు చేపట్టాలి: జిల్లా కలెక్టర్ డా. ఎస్. వెంకటేశ్వర్

రవి కిరణాలు,తిరుపతి, జూలై06: -

కొత్త ఇసుక విధానం 2024 కార్యక్రమాన్ని ఈ నెల 8 న సోమవారం నుండి ప్రారంభించాలని తద్వారా ప్రజలకు అత్యంత పారదర్శకంగా, నామ మాత్రపు ధర నిర్ణయించి అందుబాటులోకి తేవడం ఈ కార్యక్రమం ముఖ్య ఉద్దేశ్యం అని తెలుపుతూ రాష్ట్ర ప్రభుత్వ ప్రధాన కార్యదర్శి నీరబ్ కుమార్ ప్రసాద్ అన్ని జిల్లాల కలెక్టర్లతో  సమీక్షించగా తిరుపతి కలెక్టరేట్ నుండి జిల్లా కలెక్టర్ డా. ఎస్. వెంకటేశ్వర్ జిల్లా ఎస్పీ హర్షవర్ధన్ రాజు మరియు సంబంధిత అధికారులతో కలిసి హాజరై సూచిస్తూ వినియోగదారులకు ఇసుకను జిల్లా కమిటీ నిర్దేశిత ధరలకు పారదర్శకంగా అందుబాటులో ఉంచాలని పేర్కొన్నారు.

ఈ సందర్భంగా రాష్ట్ర ప్రధాన కార్యదర్శి మాట్లాడుతూ ఎన్టీఆర్ భరోసా సామాజిక భద్రత పెన్షన్లు ఈ జూలై నెల 1 నాడు విజయవంతంగా అత్యధిక శత శాతం దగ్గరగా పంపిణీ చేయడం ఎంతో సంతోషంగా ఉందని కలెక్టర్లు అందరినీ అభినందించారు. కొత్త ఇసుక విధానం 2024 ఈ నెల 8 న సోమవారం నుండి ప్రారంభించాలని సూచించారు. జిల్లా స్థాయి ఇసుక కమిటీ (డిస్ట్రిక్ట్ లెవెల్ శ్యాండ్ కమిటీ) ఏర్పాటుతో ప్రజలకు ఇసుక అందుబాటులో ఉంచి జిల్లా కమిటీ నిర్దేశిత నామ మాత్రపు ధరలకు సరఫరా చేసేలా ఉండాలని సూచించారు. జిల్లా యంత్రాంగం గుర్తించిన ఇసుక స్టాక్ పాయింట్లలో రాబోయే మూడు నెలలకు అవసరమయ్యే ఇసుక స్టాక్ డంప్ చేసి ప్రజలకు అందుబాటులో ఉంచి సరఫరా చేసేలా చర్యలు చేపట్టాలని సూచించారు. పర్యావరణం, సుప్రీం కోర్టు జడ్జిమెంట్, ఎన్జీటి ఉత్తర్వుల మేరకు మాత్రమే చర్యలు ఉండాలని సూచించారు. స్టాక్ పాయింట్ నిర్వహణలో అక్రమ రవాణాకు తావు లేకుండా అప్రమత్తంగా ఉంటూ జిల్లా కలెక్టర్లు వారి జిల్లా గనుల శాఖ అధికారి కి పక్కాగా సూచనలు ఇచ్చి జిల్లా స్థాయి ఇసుక కమిటీ లోని ఎస్పీ, సెబ్ తదితర అధికారులు పూర్తి స్థాయిలో అప్రమత్తంగా ఉంటూ ఎలాంటి ఇసుక అక్రమ రవాణా జరగకుండా ఎప్పటికప్పుడు చెకింగ్, పర్యవేక్షణ ఉండాలని సూచించారు. ఇసుక వినియోగదారులకు గనుల శాఖ వెబ్సైట్ నందు స్టాక్ యార్డ్ నందు ఇసుక అందుబాటుపై చెక్ చేసుకున్న అనంతరం వారు స్వంతంగా వాహనాన్ని తీసుకుని స్టాక్ పాయింట్ కు వెళ్లి కలెక్టర్ అధ్యక్షతన డిఎల్ఏసి నిర్దేశించిన రేట్ మేరకు స్టాక్ పాయింట్, ర్యాంప్ తదితర నిర్వహణ చార్జీలకు సంబంధించిన నామ మాత్రపు నిర్దేశిత ధరను డిజిటల్ పేమెంట్ ద్వారా మాత్రమే చెల్లించాల్సి ఉంటుందని, సదరు స్టాక్ పాయింట్ ఇంఛార్జి వి ఆర్ ఓ / విఆర్ఎ రసీదు ఇస్తూ ముందు వచ్చిన వారికి ముందుగా అనే విధంగా ఇసుకను సదరు వినియోగదారుడు తెచ్చుకున్న వాహనం నందు ఇసుకను లోడ్ చేయించాల్సి ఉంటుందని, దానికి అనుగుణంగా పర్మిట్ మాన్యువల్ గా ఇచ్చిన మేరకు ఇసుకను సదరు వినియోగదారుడు ఉద్దేశించిన పనికి వినియోగించాలని, బ్లాక్ మార్కెట్ నకు ఇసుక తరలించకుండా జిల్లా కలెక్టర్లు తగిన మెకానిజం ఏర్పాటు చేయాలని సూచించారు. 

సిఎస్ విసి అనంతరం కలెక్టర్ ఆధ్వర్యంలో జిల్లా కమిటీ ఏర్పాటుతో సమావేశం నిర్వహించి మాట్లాడుతూ ప్రభుత్వ ఆదేశాల మేరకు ఇసుక ధర నిర్ధారించడం జరిగిందనీ తెలిపారు. కన్వీనర్ జిల్లా గనుల శాఖ అధికారి ఇందుకు సంబంధించి పలు అంశాలు వివరించారు. కలెక్టర్ సమీక్షిస్తూ జిల్లాలో నాలుగు స్టాక్ పాయింట్లు ఉన్నాయని అందులో శ్రీకాళహస్తి డివిజన్ నందు  సుబ్బరాయుడు కండ్రిగ నందు రెండు స్టాక్ పాయింట్ల వద్ద ఒక మెట్రిక్ టన్నుకు రూ. 200 గా నిర్ధారించడం జరిగిందనీ,  పిచ్చాటురు మండలం నందు ఏ కే బీడు నందు రూ. 200 మెట్రిక్ టన్నుగా, సూళ్లూరుపేట డివిజన్ దొరవారి సత్రం మండలము మామిల్ల పాడు వద్ద  మెట్రిక్ టన్ను ధర రూ.465, గూడూరు డివిజన్ వెంకటగిరి మండలము  మొదలగుంట స్టాక్ పాయింట్ వద్ద ధర రూ. 590 మెట్రిక్ టన్నుకు, ఒక మనిషికి ఒక రోజుకి ఆధార్ కార్డు మేరకు 20 మెట్రిక్ టన్నులు మాత్రమే ఇవ్వబడుతుందని, ఉదయం 6 నుండి సాయంత్రం 6 గం.ల వరకు మాత్రమే ఇసుక ఇవ్వాల్సి ఉంటుందని, ఎట్టి పరిస్థితుల్లో యంత్రాలు వాడరాదని తెలిపారు. రాత్రి పోలీస్, రెవెన్యూ అధికారులు స్టాక్ పాయింట్ల వద్ద విధులు నిర్వర్తించాలని, ఎంట్రీ, ఎక్జిట్ లలో సీసీ కెమెరాలు ఏర్పాటు ఉండాలని తెలిపారు.  పంచాయితీ పరిధిలో స్ట్రీమ్స్ నందు ఇసుక తీత, లోడింగ్ వంటి వాటిలో ఎటువంటి యంత్రాలు వాడకుండా గ్రామ ప్రజల అవసరాల నిమిత్తం ఇసుకను వినియోగించు కోవచ్చని తెలిపారు.

ఈ సమావేశంలో జిల్లా రెవెన్యూ అధికారి పెంచల కిషోర్, అదనపు ఎస్పీ వెంకట్రావు, సెబ్ అదనపు ఎస్పీ రాజేంద్ర, జిల్లా గనుల శాఖ అధికారి ప్రకాష్ కుమార్, ఈఈ పొల్యూషన్ కంట్రోల్ బోర్డు అశోక్ కుమార్, ఇంఛార్జి డిపిఓ సుశీల దేవి, డిప్యూటీ సిఈఓ ఆదిశేషరెడ్డి, ఎస్ ఈ ఇరిగేషన్ విజయ్ కుమార్, జిల్లా రవాణా అధికారి ఆదినారాయణ,  ఆర్డబ్ల్యుఎస్ ఎస్ఈ విజయ కుమార్ పాల్గొన్నారు.

 స్కూళ్ళు ,కాలేజీల ప్రక్కన ఉన్న బంకుల లో తనిఖీలు నిర్వహించిన సీఐ మధుబాబు.

 గంజాయి, గుట్కాలు విక్రయిస్తే  కఠిన చర్యలు తప్పవు ఎస్సై రహీం రెడ్డి. 

రవి కిరణాలు తిరుపతి జిల్లా సూళ్లూరుపేట:-

సూళ్లూరుపేట పట్టణంలో ఉన్న కాలేజీలు, పాఠశాలల ముందు ఉన్న దుకాణాలలో శనివారం సూళ్లూరుపేట సీఐ మధుబాబు ఎస్ఐ రహీం రెడ్డి ఆధ్వర్యంలో తనిఖీలు నిర్వహించారు. ఈ తనిఖీలలో భాగంగా బంకులలో గంజాయి కానీ గుట్కాలు కానీ విక్రయించకూడదని దుకాణదారులకు హెచ్చరికలు జారీ చేశారు ఒకవేళ ఎవరైనా సరే అనుమానస్పదంగా గంజాయి గుట్కాలు  విక్రయిస్తున్నట్లయితే వెంటనే పోలీసు వారికి సమాచారం ఇవ్వాలని తెలిపారు. ఉన్నతాధికారుల ఆదేశాల మేరకు ఈ తనిఖీలు చేపడు తున్నట్లు తెలిపారు.

 సత్యవేడు శాసనసభ్యులు గారూ వాస్తవాలు వక్రీకరించకండి - ఎంపీ గురుమూర్తి

రవి కిరణాలు తిరుపతి:-

సత్యవేడు నియోజకవర్గానికి ఒక్క రూపాయి నిధులు కేటాయించలేదు అని ఆరోపించడం సత్యదూరం అని ఎంపీ గురుమూర్తి అన్నారు. గ్రామీణ నియోజకవర్గం అయిన సత్యవేడు నియోజకవర్గానికి ఎంపీ నిధుల మంజూరులో అధిక ప్రాధాన్యత ఇచ్చామని అడిగిన ప్రతి పనికి నిధులు మంజూరు చేశామని చాలా వరకు నిధులు ఆయన సిపారసు మేరకే మంజూరు చేశామని కానీ పనులు పూర్తి చేయడంలో ఆయన నిర్లక్ష్యం వహించి విఫలమయ్యారని తదుపరి పనులు మంజూరు చేసిన వారితో సమన్వయము చేసి చాలా వరకు పనులు పూర్తి చేశామని తెలియజేశారు.

ఆలా పూర్తయిన పనుల్లో సీసీ రోడ్లు, బస్సు షెల్టర్లు తోపాటుగా రూ.2 కోట్ల 8లక్షల 60 వేల రూపాయల నిధులతో 33 పనులు పూర్తయ్యాయని దాని తోపాటుగా రూ.38 లక్షల నిధులతో 3 పనులు పురోగతిలో ఉన్నాయని రూ.80 లక్షల 70 వేల రూపాయలతో 17 పనులు అనుమతుల కోసం వేచి ఉన్నాయని నాగలాపురం నుంచి చినపాండూరు రోడ్డు నిర్మాణం కొరకు రూ 1 కోటి 20 లక్షలతో పనులు మంజూరయ్యాయని ఆయన తెలిపారు. ఉప ఎన్నికలో కానీ ఇప్పుడు జరిగిన సార్వత్రిక ఎన్నికలో కానీ సత్యవేడు నియోజకవర్గం ప్రజలు నన్ను అక్కున చేర్చుకొని మంచి మెజారిటీ అందించారని ఇక మీదట కూడా సత్యవేడు నియోజకవర్గం అభివృద్ధికి కృషి చేస్తామని ఎల్లవేళల అందరికి అందుబాటులో ఉండి సమస్యల పరిష్కారానికి కృషి చేస్తామని తెలియజేశారు.

 మంత్రి నారాయణ క్యాంపు కార్యాలయంలో ముగిసిన ఎమ్మెల్యేల భేటీ

హాజరైన మంత్రి ఆనం రామనారాయణరెడ్డి, ఎమ్మెల్యేలు సోమిరెడ్డి చంద్రమోహన్ రెడ్డి, కోటంరెడ్డి శ్రీధర్ రెడ్డి, కాకర్ల సురేష్, నెలవల విజయశ్రీ, పాశం సునీల్ కుమార్, ఇంటూరి నాగేశ్వరరావు, కావ్య కృష్ణారెడ్డి.

మంత్రి ఆనం రామనారాయణరెడ్డి కామెంట్స్

 జిల్లా అభివృద్ధికి మంత్రులు, ఎంపీలు, ఎమ్మెల్యేలు అందరూ సమన్వయంతో కృషి చేస్తాం

 నియోజకవర్గాల్లోని సమస్యలపై  ఎమ్మెల్యేలతో చర్చించి, చేపట్టాల్సిన అభివృద్ధి కార్యక్రమాలపై ఒక అవగాహనకు వచ్చాం. 

 ఒక మంచి వాతావరణంలో అందరం కలిసి జిల్లా అభివృద్ధికి ముందుకెళ్తున్నాం

 ప్రజల ఆకాంక్షలు నెరవేర్చడమే లక్ష్యంగా రాష్ట్ర ప్రభుత్వం పాలన మొదలుపెట్టింది. 

 జిల్లాలో పరిశ్రమల ఏర్పాటుకు ఉన్న అవకాశాలు, ఇదివరకే ఉన్న పరిశ్రమల్లో కల్పించాల్సిన మౌలిక వసతులపై ఎమ్మెల్యేలు, జిల్లా కలెక్టర్ ఆనంద్, జాయింట్ కలెక్టర్ సేదు మాధవన్ తో చర్చించాం

 నెల్లూరు జిల్లా అభివృద్ధే ప్రధాన లక్ష్యంగా ముఖ్యమంత్రి శ్రీ నారా చంద్రబాబు నాయుడు దృష్టికి తీసుకెళ్లి నిధులు మంజూరు చేయించేందుకు కృషి చేస్తాం. 

 శనివారం నగరంలోని మున్సిపల్ కార్యాలయం ఆవరణలోని కమాండ్ కంట్రోల్ సెంటర్ లో జిల్లా కలెక్టర్ ఓ ఆనంద్

సఫాయి కర్మచారీల ( వ్యర్ధాలను తొలగించేవారు ) జీవన స్థితిగతులను మెరుగుపరచడంతోపాటు, వారి ఆరోగ్య భద్రతకు ప్రాధాన్యత నివ్వాలని సఫాయి కర్మచారి జాతీయ కమీషన్ సభ్యులు డాక్టర్ పి పి వావ పేర్కొన్నారు. 

శనివారం నగరంలోని మున్సిపల్ కార్యాలయం ఆవరణలోని కమాండ్ కంట్రోల్ సెంటర్ లో జిల్లా కలెక్టర్ ఓ ఆనంద్, ఇతర జిల్లా అధికారులతో సఫాయి కర్మచారుల అభివృద్ధి కి అమలు చేస్తున్న సంక్షేమ కార్యక్రమాలపై సఫాయి కర్మచారి జాతీయ కమీషన్ సభ్యులు డాక్టర్ పి పి వావ సమీక్షించారు.

నెల్లూరు నగర పాలక సంస్థ పరిధిలో పలు విభాగాల్లో పనిచేస్తున్న సఫాయి కార్మికులు, వారి సంక్షేమం కోసం అమలు చేస్తున్న కార్యక్రమాల గురించి నెల్లూరు నగర పాలక సంస్థ కమిషనర్ వికాస్ మర్మత్ వివరించారు.

ఈ సందర్భంగా సఫాయి కర్మచారి జాతీయ కమీషన్ సభ్యులు డాక్టర్ పి పి వావ మాట్లాడుతూ ప్రజల ఆరోగ్యం కోసం నిరంతరం పాటుపడే సఫాయి కర్మచారుల ఆర్థిక పురోభివృద్ధికి అందరం కలసి కృషి చేయాలన్నారు. కేంద్ర, రాష్ట్ర ప్రభుత్వాలు అమలు చేస్తున్న సంక్షేమ కార్యక్రమాలలో సఫాయి కర్మచారులకు ప్రత్యేక ప్రాధాన్యత నివ్వాలన్నారు. వారి ఆరోగ్య భద్రత కు అత్యంత ప్రాధాన్యతనిచ్చి హెల్త్ కార్డుల మంజూరు, హెల్త్ ఇన్సూరెన్స్ పధకాలు అమలు చేయడం వంటి చర్యలు చేపట్టాలన్నారు. పారిశుద్ధ్య పనులు చేస్తూ  ప్రమాదవశాత్తు మరణిస్తే బాధితులకు పరిహారాన్ని 10 లక్షల నుంచి 30 లక్షల వరకు చెల్లించాలన్నారు. బ్యాంకులు రుణాల మంజూరులో సెక్యూరిటీ కొరకు సఫాయి కర్మచారులను ఒత్తిడి చేయరాదన్నారు. సఫాయి కర్మచారుల అభివృద్ధి కి నెల్లూరు నగరపాలక సంస్థ విశేష కృషి చేస్తున్నదని, ఇందుకుగాను నగర పాలక సంస్థ కమిషనర్ వికాస్ మర్మత్ ను ప్రత్యేకంగా అభినందిస్తున్నామన్నారు.

జిల్లా కలెక్టర్ ఓ ఆనంద్ మాట్లాడుతూ సఫాయి కర్మచారుల సంక్షేమానికి కేంద్ర రాష్ట్ర ప్రభుత్వాలు అమలు చేస్తున్న కార్యక్రమాలు నెల్లూరు నగరంలో సక్రమంగా అమలు జరుగుతున్నాయని, జిల్లాలోని అన్ని పంచాయతీలలో ఇదే విధమైన చర్యలు చేపట్టేందుకు కృషి చేస్తామన్నారు.

ఈ సమావేశంలో జాయింట్ కలెక్టర్ సేథు మాధవన్, కందుకూరు సబ్ కలెక్టర్ విద్యాధరి,  ఇన్చార్జి డిఆర్ఓ పద్మావతి,  అన్ని శాఖల అధికారులు పాల్గొన్నారు

 నాణ్యమైన చికిత్సను అందించేలా వైద్యులు నిరంతరం అందుబాటులో ఉండాలి..

సర్వేపల్లి ఎమ్మెల్యే సోమిరెడ్డి చంద్రమోహన్ రెడ్డి..

 పొదలకూరు మేజర్ న్యూస్..

సామాజిక ఆరోగ్య కేంద్రాన్ని ఎమ్మెల్యే తనిఖీ చేశారు ఈ సందర్భంగా ఆయన వైద్య అధికారులతో మాట్లాడుతూ రోగులకు ఎలాంటి అసౌకర్యం కలగకుండా నాణ్యమైన చికిత్సను అందించేలా వైద్యులు నిరంతరం అందుబాటులో ఉండాలని సూచించారు.అనంతరం ఆయన మాట్లాడుతూ పొదలకూరు చుట్టూ ఉన్న ఐదు మండలాల ప్రజలు డయాలసిస్ కు దూర ప్రాంతాలకు వెళ్లాల్సి వస్తుందని అందుకు రోగులకు ఖర్చు కూడా అధికం అవుతుందని అందుకు తగ్గట్టుగా పొదలకూరులో డయాలసిస్ సెంటర్ ఏర్పాటుకు వైద్య ఆరోగ్య శాఖ మంత్రితో మాట్లాడి వీలైనంత త్వరగా ఏర్పాటు చేస్తామన్నారు..డయాలసిస్ సెంటర్ కు అదనంగా భవనాలు కావాలని వాటిని ఇంజినీరింగ్ అధికారులతో సమీక్ష చేసి భవనాలు నిర్మాణాన్నికి చర్యలు తీసుకొని అధునాతనమైన సాంకేతిక పరికరాలను  అందుబాటులోకి తెచ్చి  ఎలాంటి అత్యవసర పరిస్థితుల్లోనూ సుదూర ప్రాంతాలకు  వెళ్లే అవసరం లేకుండా అవసరమైన అన్ని వసతుల తో కూడిన చికిత్సలు అందే విధంగా చర్యలు తీసుకుంటామని తెలిపారు.అలాగే మహ్మదాపురంలో  విద్యాశాల భవనం సంగంలో అసంపూర్తిగా వదిలేశారని..కాంట్రాక్టర్లకు నిధులు ఇవ్వక అర్దరాంతంగా పనులు నిలిచిపోయాయని అధికారులతో మాట్లాడి వాటి నిర్మాణానికి చర్యలు తీసుకుంటామన్నారు..సర్వేపల్లి నియోజవర్గాల్లో హెల్త్ పరంగా ఏమేమి కావాలో వాటి పై ఆరోగ్య శాఖ మంత్రి వద్ద సమీక్ష చేసి సమస్యలను పరిష్కరిస్తామన్నారు.. ఈ కార్యక్రమంలో మండల అధ్యక్షుడు మస్తాన్ బాబు, పట్టణ అధ్యక్షుడు మల్లికార్జున్ నాయుడు, వెంకటేశ్వర్లు నాయుడు, రత్నం నాయుడు, బోగోల భాస్కర్ రెడ్డి, ఆదాల సుగుణమ్మ, పెంపులూరు అరుణ, ఆదాల మురళి రెడ్డి, మళ్లీ యాదవ్, సుధీర్, జమీర్ భాష, తదితరులు పాల్గొన్నారు.