Ravikiranalu TV

 డ్రగ్ డీలర్ల తాట తీస్తాం..యువత జాగ్రత్త: సీపీ అవినాష్ మొహంతి వార్నింగ్.

 మన్యం వీరుడు అల్లూరి సీతారామరాజు దేశభక్తి ఎనలేనిది. అల్లూరి సీతారామరాజు జయంతి సందర్భంగా పుష్పాంజలి ఘటించిన జిల్లా కలెక్టర్ డా.ఎస్

 మన్యం వీరుడు అల్లూరి సీతారామరాజు దేశభక్తి ఎనలేనిది... అల్లూరి సీతారామరాజు జయంతి సందర్భంగా పుష్పాంజలి ఘటించిన జిల్లా కలెక్టర్ డా.ఎస్. వెంకటేశ్వర్, ఎమ్మెల్యే ఆరని శ్రీనివాసులు

రవి కిరణాలు, తిరుపతి జూలై04:-

 మన్యం వీరుడు అల్లూరి సీతారామరాజు గారి దేశభక్తి ఎనలేనిదని వారి జయంతి జరుపుకోవడం ఎంతో సంతోషంగా ఉందని కలెక్టర్  డా. ఎస్. వెంకటేశ్వర్, స్థానిక ఎమ్మెల్యే ఆరని శ్రీనివాసులు పేర్కొన్నారు.

గురువారం ఉదయం స్థానిక కలెక్టరేట్ సమావేశ మందిరంలో రాష్ట్ర ప్రభుత్వ ఆదేశాల మేరకు మన్యం వీరుడు అల్లూరి సీతారామరాజు జయంతి మహోత్సవ సందర్భంగా వెనుకబడిన తరగతుల సంక్షేమ శాఖ వారి ఆధ్వర్యంలో ఏర్పాటు చేసిన కార్యక్రమంలో జిల్లా కలెక్టర్ డా. ఎస్. వెంకటేశ్వర్, స్థానిక ఎమ్మెల్యే ఆరని శ్రీనివాసులు, జెసి ధ్యాన చంద్ర, తిరుపతి మునిసిపల్ కమిషనర్ అదితి సింగ్, అధికారులతో కలిసి పాల్గొని జ్యోతి ప్రజ్వలన చేసి, పుష్పాంజలి ఘటించారు. మన్యం వీరుడు అల్లూరి సీతారామరాజు మహనీయుని దేశభక్తి ఎనలేనిదని, వారి గొప్పదనాన్ని అల్లూరి సీతారామరాజు జయంతి సందర్భంగా పలువురు పుష్పాంజలి ఘటించి స్మరించుకున్నారు.

ఈ కార్యక్రమంలో జిల్లా రెవెన్యూ అధికారి పెంచల కిషోర్, జిల్లా వెనుకబడిన తరగతుల సంక్షేమ శాఖ ఇంఛార్జి అధికారి చంద్ర శేఖర్, జిల్లా సమాచార పౌర సంబంధాల శాఖ అధికారి బాల కొండయ్య తదితరులు పాల్గొన్నారు.

 తిరుపతి జిల్లా నూతన కలెక్టర్ గా బాధ్యతలు స్వీకరించిన డా. ఎస్. వెంకటేశ్వర్

అధికారులు, ప్రజా ప్రతినిధులు అందరి సమన్వయంతో జిల్లాలో ప్రభుత్వ ప్రాధాన్యత అంశాలను సంక్షేమం, అభివృద్ధి ఫలాలను ప్రజలకు అందేలా కృషి చేస్తాను: కలెక్టర్ మరియు జిల్లా మెజిస్ట్రేట్ డా. ఎస్. వెంకటేశ్వర్

రవి కిరణాలు,తిరుపతి, జూలై04:-

 తిరుపతి జిల్లా కలెక్టర్ గా డా. ఎస్. వెంకటేశ్వర్ గురువారం ఉదయం స్థానిక కలెక్టరేట్ ఛాంబర్ నందు బాధ్యతలు స్వీకరించారు.

ఈ సందర్భంగా కలెక్టర్ మాట్లాడుతూ నూతనంగా ఏర్పడిన తిరుపతి జిల్లాలో గతంలో కలెక్టర్లు అనేక సమస్యలను పరిష్కరించి ఉంటారని, తిరుపతి నూతన జిల్లా ఏడు నియోజకవర్గాలతో పారిశ్రామిక గ్రామీణ పట్టణ వాతావరణం కలిగిన జిల్లా అని, తిరుపతి జిల్లాలో సంక్షేమం మరియు అభివృద్ధికి సమానంగా ప్రాధాన్యతనిస్తూ జిల్లాను అందరి సహకారంతో సమన్వయంతో ప్రగతి పథంలో నడిపిస్తానని తెలిపారు. ప్రభుత్వ సంక్షేమ పథకాలను ప్రజలకు సంతృప్త స్థాయిలో అందేలా సమర్థవంతంగా చర్యలు తీసుకుంటానని తెలిపారు. తిరుమల ఏడుకొండల స్వామి వారు కొలువై ఉన్న తిరుపతి జిల్లాలో పని చేయడం అదృష్టంగా భావిస్తున్నానని, ప్రభుత్వ ప్రాధాన్యత అంశాలపై ఎప్పటికప్పుడు సమీక్షిస్తూ అమలు చేసి, పరిశ్రమలు నెలకొల్పడానికి, పరిశ్రమల అభివృద్ధికి ఎక్కువగా అవకాశాలు ఉన్న జిల్లాగా పారిశ్రామిక అభివృద్ధికి తన వంతు కృషి చేస్తానని, ఏదైనా సమస్యలు ఉంటే పరిష్కారానికి చర్యలు తీసుకుంటానని తెలిపారు. మన తిరుపతి జిల్లాలో ఒకటో తారీకుననే 98 శాతం పైగా ఎన్టీఆర్ భరోసా పెన్షన్లను లబ్ధిదారులకు వారి ముంగిటకు సచివాలయ సిబ్బంది ప్రణాళికా బద్ధంగా పనిచేసి చక్కగా అందచేశారని తెలిపారు. ఖరీఫ్ సీజన్ నేపథ్యంలో జిల్లాలో వ్యవసాయ పనులు ప్రారంభం అయ్యాయని, జిల్లాలో డెంగ్యూ జ్వరాల నివారణ చర్యలపై దృష్టి పెడతామని అన్నారు.  ప్రజలకు అందుబాటులో ఉంటూ ప్రజా సమస్యల పరిష్కారానికి అన్ని విధాలా చర్యలు తీసుకుంటామని, అధికారులు జిల్లా, రెవెన్యూ డివిజన్, మండల స్థాయిలో అధికారులు ప్రజలకు అందుబాటులో ఉంటూ వారి సమస్యలను పరిష్కారం చేయాలని, ప్రజా సమస్యల పరిష్కార వేదిక (PGRS) కార్యక్రమాన్ని ప్రజలు వారి సమస్యల పరిష్కారానికి వినియోగించుకోవాలని తెలిపారు. జిల్లాలోని అధికారులు, ప్రజా ప్రతినిధులను సమన్వయం చేసుకుని జిల్లాను ప్రగతి పథంలో నడిపేందుకు అన్ని విధాలా కృషి చేస్తానని ఈ సందర్భంగా కలెక్టర్ తెలిపారు.

ఈ సందర్భంగా జాయింట్ కలెక్టర్ ధ్యాన చంద్ర,తిరుపతి మునిసిపల్ కార్పొరేషన్ కమిషనర్ అదితి సింగ్, డిఆర్ఓ పెంచల కిషోర్, జిల్లా అధికారులు, కలెక్టరేట్ సిబ్బంది, ఆర్డీఓ లు తదితరులు కలెక్టర్ గారికి శుభాకాంక్షలు తెలిపారు.

 నెల్లూరు సెంట్రల్ జైల్లో ఉన్న మాజీ ఎమ్మెల్యే పిన్నెల్లి రామకృష్ణ రెడ్డిని పరామర్శించడానికి వచ్చిన మాజీ ముఖ్యమంత్రి వై ఎస్ జగన్ మోహన్ రెడ్డి

నెల్లూరు సెంట్రల్ జైల్లో మాజీ ముఖ్యమంత్రి వై ఎస్ జగన్ మోహన్ రెడ్డి , మాజీ ఎమ్మెల్యే పిన్నెల్లి రామకృష్ణ రెడ్డిని పరామర్శించారు. అనంతరం ఆయన మీడియాతో మాట్లాడుతూ చంద్రబాబుకు గట్టుగా జవాబు చెప్పే రోజులు తొందర్లోనే దగ్గర్లోనే ఉన్నాయి, రాష్ట్రాన్ని రావణకాష్టంగా మారుస్తునారు అని అన్నారు. పిన్నెల్లిపై 307 కింద అక్రమ కేసులు పెట్టి జైల్లో నిర్భందించారు. టీడీపీ నేతలే దాడులు చేసి మా కార్యకర్తలపై కేసులు పెడుతున్నారు అన్నారు. బాబుకు తప్పులన్నీ శిశుపాలుడి పాపాల మాదిరిగా పండుతాయి అని పేర్కొన్నారు.

 మోడీతో చంద్రబాబు భేటీ-విన్నపాల చిట్టా ఇదే

చంద్రబాబు ధోరణి మార్చుకోవాలి: వైఎస్ జగన్

AP: పిన్నెల్లి రామకృష్ణారెడ్డి మీద తప్పుడు కేసులు పెట్టి అన్యాయంగా అరెస్టు చేశారని YS జగన్ మండిపడ్డారు. నెల్లూరు జైలులో ఆయనను పరామర్శించిన తర్వాత మీడియాతో మాట్లాడుతూ.. ‘చంద్రబాబుకు ఓటేయలేదనే కారణంతో రాష్ట్రంలో ఆస్తులను ధ్వంసం చేస్తున్నారు. పైగా బాధితులపైనే దొంగ కేసులు పెడుతున్నారు. ఇంత దారుణంగా రాష్ట్రంలో పాలన సాగిస్తున్నారు. CBN ధోరణి మార్చుకోవాలి. లేదంటే ప్రజలే బుద్ధి చెబుతారు’ అని హెచ్చరించారు.

రాష్ట్ర ప్రభుత్వ అభివృద్ధి, సంక్షేమ కార్యక్రమాలను ప్రజలకు చేరువ చేయుటలో తన వంతు కృషి చేస్తానని నూతన జిల్లా కలెక్టర్ ఓ. ఆనంద్ తెలిపారు.

గురువారం ఉదయం నెల్లూరు జిల్లా నూతన కలెక్టర్ గా ఓ. ఆనంద్ పదవీ భాధ్యతలు స్వీకరించారు. వేద పండితులు మంత్రోత్సారణలు మధ్య వారి ఆశీర్వాదం అందుకున్నారు.

తోలుత జాయింట్ కలెక్టర్ సేథు మాధవన్, కందుకూరు సబ్ కలెక్టర్ విద్యాధరి, ఇంచార్జి డి ఆర్ ఓ పద్మావతి నూతన కలెక్టర్ ఆనంద్ కు స్వాగతం పలికారు.

అనంతరం మీడియాతో మాట్లాడుతూ, సర్వీస్ లో మొదటి పోస్టింగ్ సబ్ కలెక్టర్ గా ఉమ్మడి నెల్లూరు జిల్లా గూడూరు లో పని చేశానని, ప్రస్తుతం కలెక్టర్ గా జిల్లా కు రావడం సంతోషం గా ఉందన్నారు. ప్రభుత్వ అభివృద్ధి, సంక్షేమ కార్యక్రమాలను ప్రజలకు అందించుటలో కృషి చేస్తానన్నారు. అదేవిధంగా ప్రజా సమస్యల సత్వర పరిష్కారానికి కృషి చేస్తానన్నారు.