Ravikiranalu TV

జగనన్నకు చెబుతాం.  మాధవసేవ కన్నా మానవసేవే మిన్న:ఎమ్మెల్యే వెలగపల్లి.

రీసర్వే ద్వారా భూ సమస్యలకు శాశ్వత పరిష్కారం: జాయింట్ కలెక్టర్ డీకే బాలాజీ.

జగనన్నకు చెబుదాం ప్రజా సమస్యల పరిష్కార వేదిక:ఆర్డిఓ కిరణ్ కుమార్.

చిట్టమూరు రవి కిరణాలు న్యూస్:

రాష్ట్ర ప్రభుత్వం నూతన జీవో ద్వారా తీసుకువచ్చిన జగనన్నకు చెబుతాం కార్యక్రమాన్ని తిరుపతి జిల్లాలో మొట్టమొదటిసారిగా చిట్టమూరులో  నిర్వహించారు. శుక్రవారం మండల పరిషత్ కార్యాలయ ఆవరణంలో ఎంపీడీవో షాలేట్ అధ్యక్షతన నిర్వహించిన కార్యక్రమానికి ముఖ్యఅతిథిగా స్థానిక శాసనసభ్యులు వెలగపల్లి వరప్రసాద్ రావు,జాయింట్ కలెక్టర్ డీకే బాలాజీ,గూడూరు ఆర్డీవో కిరణ్ కుమార్,జిల్లా,డివిజన్,మండల స్థాయి అధికారులు పలువురు పాల్గొన్నారు.ఈ సందర్భంగా ఎమ్మెల్యే వెలగపల్లి మాట్లాడుతూ మాధవ సేవ కంటే మానవసేవ మిన్నగా అధికారం కట్టబెట్టిన ప్రజలకు నాయకులు,అధికారులు అందుబాటులో ఉండి సేవలందించాలన్నారు.రాష్ట్ర ముఖ్యమంత్రి జగన్మోహన్ రెడ్డి సంక్షేమం,అభివృద్ధితో పేదలకు అందుబాటులో ప్రజా రంజక పాలన కొనసాగిస్తూ, సేవలందిస్తున్నారు.ఇప్పటికీ సంక్షేమంతో పాటు మెరుగైన వసతుల రూపకల్పనకు ప్రభుత్వం పలు కార్యక్రమాలు చేపట్టామన్న ఎమ్మెల్యే గడపగడపకు మన ప్రభుత్వం కార్యక్రమాన్ని పూర్తి చేసుకున్నామన్నారు.త్వరలో పేదలకు అందుబాటులో ప్రతిష్టాత్మక సురక్ష కార్యక్రమాన్ని నిర్వహించనున్నట్లు కూడా తెలిపారు.తిరుపతి జిల్లా జాయింట్ కలెక్టర్ డీకే బాలాజీ మాట్లాడుతూ అనాదిగా భూసమస్యలు ఎదుర్కొంటున్న వారు రీసర్వే ద్వారా భూ సమస్యలకు శాశ్వత పరిష్కారానికి ప్రభుత్వం చక్కటి అవకాశాన్ని కల్పించిందన్న ఆయన ఈ అవకాశాన్ని అందరూ సద్వినియోగం చేసుకోవాలని సవివరంగా వివరించారు.ప్రజా సమస్యల పరిష్కారానికి జగనన్నకు చెబుతాం చక్కటి పరిష్కార వేదికని గూడూరు ఆర్డీవో కిరణ్ కుమార్ తెలిపారు. భూ సమస్యలపై ప్రజల నుండి వచ్చిన వినతులను నిశితంగా పరిశీలించి,వివరాలు అడిగి తెలుసుకుని,సమస్యల పరిష్కారానికి సావధానంగా గూడూరు ఆర్డిఓ కిరణ్ కుమార్ జవాబిచ్చారు.ప్రజా సమస్యల పరిష్కారానికి ముందుండి పని చేస్తున్న ఆర్డీవో ప్రతి అర్జీదారుడు వద్దకు వెళ్లి సమస్యలు అడిగి తెలుసుకుని పరిష్కారానికి కృషి చేస్తానని హామీ ఇచ్చారు.అనంతరం సమస్యలపై అర్జీలు స్వీకరించి,రసీదులు పంపిణీ చేశారు. ఈ కార్యక్రమంలో తహసిల్దార్ విజయలక్ష్మి, వైకాపా నాయకులు,అన్ని శాఖల అధికారులు,అర్జీదారులు పలువురు పాల్గొన్నారు.

 మూడవ రైల్వే లైన్ కి గ్రావెల్ తోలింది ఎవరు............

పసుపులేటి సుధాకర్ కి ఛాలెంజ్ విసిరిన ఎమ్మెల్యే ప్రతాప్ రెడ్డి 

 కావలి రవికిరణాలు :::::

*కావలిలో మరో రాజకీయ దత్తపుత్రుడుపై ఘాటైన వ్యాఖ్యలు చేసిన కావలి ఎమ్మెల్యే ప్రతాప్ కుమార్ రెడ్డిఆగ్రహం వ్యక్తం చేశారు. శుక్రవారం విలేకరుల సమావేశంలో మాట్లాడుతూ 

చేతనైతే సాయం చేస్తా

అవసరమైతే సహాయపడతా

అంతే తప్ప నీలాగా దొంగ సొమ్ముకి నేను ఆరాటపడను ఇది రాసిపెట్టుకోవాలి ఎమ్మెల్యే రామిరెడ్డి అన్నారు. విజయవాడ నుంచి చెన్నైకు వేస్తున్న మూడవ రైల్వే లైన్ కు గ్రావెల్ తోలిందెవరో కనుక్కొని మాట్లాడాలని, బిట్రగుంటలో  వేసిన లేఔట్ కు గ్రావెల్  ఎక్కడి నుంచి వచ్చిందో చెప్పు ప్రజల ముందు చెప్పాలని దొంగలను బయట పెడితే పరిగెడుతూ మాపై ఆరోపణ చేయడం ఎంతవరకు సమంజసం అన్నారు. గ్రావెల్ దొంగతనాలు మొదలుపెట్టింది తెలుగుదేశం పార్టీ నాయకులని అది తెలుసుకొని మాట్లాడాలని చోటానేతలకు సూచించారు. నేను మగాడినోకాదో గత ఎన్నికల్లో నువ్వు చూశావు కదా పసుపులేటి సుధాకర్

అంతలోపే మర్చిపోతే ఎలా అని గుర్తు చేసుకోవాలని పసుపులేటి పై  ఆగ్రహం వ్యక్తం చేశారు.నేను మగాడిని కాబట్టే కావలిలో రెండు సార్లు ఎమ్మెల్యే గా గెలిచాను,మూడోసారి గెలవడానికి రెడీగా ఉన్నానని దమ్ముంటే బరిలో దిగాలని తాడోపేడో  తేల్చుకుందాం రా అని ఎమ్మెల్యే సవాల్ విసిరారు. నువ్వు మగాడివైతే చంద్రబాబు నాయుడు చేసిన 118 కోట్ల అవినీతిపై మాట్లాడు టికెట్ కాదు ముందు కావాల్సింది ప్రశ్నించు తేల్చుకొని ప్రజల కోసం ముందుకు రా అన్నారు.ఎన్నికల సమయాల్లోనే నీకు కావలి నియోజకవర్గం,పేద ప్రజలు గుర్తుకొస్తున్నారా పసుపులేటి అంటూ ఊసరవెల్లి  వేషాలు మానుకొని ప్రజల పక్షాన నిలబడాలి అన్నారు.

అవినీతి చేయడం నా ఇంటా వంటా చరిత్రలో లేదన్నారు.

నీ అబద్ధపు,తప్పుడు ప్రచారాలు ఎవ్వరూ నమ్మే  పరిస్థితిలో లేరని ఇప్పటికైనా కళ్ళు తెరిచి కావలి ప్రజల మనోభావాలను దెబ్బతీయకుండా ఉండాలని హితావు పలికారు.ఎప్పుడో సంవత్సరానికి ఒకసారి పండగలు, పబ్బాలు వచ్చినట్టు వచ్చి ఇక్కడ ఏదోదో మాట్లాడితే ఊరుకునే ప్రసక్తే లేదని పసుపులేటి పై నిప్పులు చెరిగారు.గత ప్రభుత్వ హయాంలో భారీగా గ్రావెల్ మాఫియా జరిగి,ఊహకి అందని విధంగా గుంతలు ఏర్పడితే,నీ పనికిమాలిన

డ్రోన్ కెమెరాలు పెట్టి వీడియోలు తీసి ఇప్పటి ప్రభుత్వ హయాంలో జరిగిందని తప్పుడు ఆరోపణలు చేయడం కరెక్ట్ కాదన్నారు.అభివృద్ధి కార్యక్రమాలు చేయాలి అంటే గ్రావెల్ ఎంత అవసరమో నిన్నటిదాకా నాదే కావలి టీడీపీ టికెట్ అని మాట్లాడిన ఆ కాంట్రాక్టర్ ని అడిగి తెలుసుకొని మాట్లాడాలని సుధాకర్ కు సూచించారు. ఈ కార్యక్రమంలో వైఎస్ఆర్సిపి పార్టీ అధ్యక్షులు శివకుమార్ రెడ్డి, కనమర్లపూడి వెంకట్ నారాయణ, రాజశేఖర్, వడ్లమూడి వెంకటేశ్వర్లు,సుధీర్ నాయుడు, ప్రభాకర్ నాయుడు, తదితరులు పాల్గొన్నారు.

మనం ఆరోగ్యంగా ఉండాలంటే మన పరిసరాలు బాగుండాలి -ఉప మలేరియా అధికారి సూచన

రవికిరణాలు ప్రతినిధి -దొరవారిసత్రం:

మనం- మన కుటుంబ సభ్యులు ఆరోగ్యంగా ఉండాలంటే మనం నివాసముంటున్న పరిసరాలు బాగుండాలని సూళ్లూరుపేట సబ్ యూనిట్ ఉప మలేరియా అధికారి రమేష్ బాబు గ్రామస్తులకు సూచించారు. ఆయన శుక్రవారం ఫ్రైడే- డ్రై డే కార్యక్రమంలో భాగంగా దొరవారి సత్రం మండలంలోని గొల్లపాలెం గ్రామంలో కార్యక్రమాన్ని పర్యవేక్షించారు. ఈ సందర్భంగా ఆరోగ్య కార్యకర్త రత్నయ్య, ఆశా కార్యకర్త స్వాతిలతో కలిసి గృహ సందర్శన చేపట్టారు. గృహాల్లో నీటి నిల్వలు, మురికి నీటి కుంటలు , వృధాగా పడేవేసిన పాత టైర్లలో దోమల లార్వాలు  పరిశీలించారు. ఈ సందర్భంగా గృహ యజమానులకు దోమలతో సంభవిస్తున్న పలు రకాల జ్వరాలు మనకు శోకకుండా ఉండాలంటే మన పరిసరాల్లోని నీటి నిల్వలలో దోమల లార్వాలు ఉత్పత్తి చెందకుండా, ప్రాథమిక స్థాయిలోనే  వాటిని అరికట్టాలని, వారంలో ఒక రోజైనా నీటి పాత్రలోనే నిల్వ ఉన్న నీటిని  పారబోసి, పాత్రను ఎండబెట్టి నీటిని నింపు వాడుకోవాలని  సూచించారు. ప్రధానంగా దోమల లార్వాలు పాత టైర్లు, వాడి పారేసిన కొబ్బరి బోండాలు, ప్లాస్టిక్ కాళీ డబ్బాలు ఇంటి పరిసరాల్లో లేకుండా ముందు జాగ్రత్తగా పడాలని వివరించారు. చలి జ్వరముతో కూడిన  లక్షణాలు కనిపిస్తే ప్రాథమిక ఆరోగ్య కేంద్రానికి వెళ్లి చికిత్స పొందాలని తెలియపరిచారు. ఈ దినం ఏ కొల్లు, నెల బల్లి, కొత్తపల్లి, వేణుంబాకం,, పూల తోట, పోలిరెడ్డి పాలెం, ఉచ్చూరు,  తనియాలి, సచివాలయాల పరిధిలో ఫ్రైడే ఫ్రైడే సందర్భంగా ఆరోగ్య సిబ్బంది ఆశా కార్యకర్తలు లార్వా సర్వే చేపట్టారు

 ఇంటర్మీడియట్ విద్యార్థులకు పాఠ్య పుస్తకాలు పంపిణీ.

శ్రీసిటీ ప్రతినిధులు ఉద్దూరు రాజగోపాల్,సురేంద్ర కుమార్ చేతుల మీదుగా పంపిణీ.

చిట్టమూరు రవి కిరణాలు న్యూస్;

చిట్టమూరు మండలం అరవపాలెంలోని శ్రీ సన్నారెడ్డి బాలకృష్ణారెడ్డి ఉన్నత పాఠశాలకు చెందిన ఇంటర్మీడియట్ విద్యార్థులకు శ్రీ సిటీ అధినేత రవిసన్నారెడ్డి చేయూత అందించారు. ఇంటర్మీడియట్ మొదటి, రెండవ సంవత్సరం చదువుతున్న 16 మంది విద్యార్థులకు 16వేల రూపాయల విలువైన పాఠ్యపుస్తకాలను శుక్రవారం చిట్టమూరు మాజీ మండల అధ్యక్షులు,శ్రీ సిటీ ప్రతినిధి ఉద్దూరు రాజగోపాల్,శ్రీసిటీ సిఎస్ఆర్ సీనియర్ మేనేజర్ సురేంద్ర కుమార్ చేతుల మీదుగా పంపిణీ చేశారు.ఈ సందర్భంగా వారు మాట్లాడుతూ ఇంటర్మీడియట్ ఫలితాల్లో అత్యధిక మార్కులతో మంచి ఉత్తీర్ణత శాతం సాధించాలన్నారు. ఏటికేడు విద్యార్థుల చేరికలు పెంపొందించుకునేలా ఉపాధ్యాయుల పనితీరుండాలని కోరారు. ఆరవపాలెం పాఠశాల అభివృద్ధికి లక్షలాది రూపాయల నిధులు వెచ్చిస్తూ, విద్యార్థులకు ప్రోత్సాహకాలు అందిస్తున్న రవి సన్నారెడ్డికి పలువురు కృతజ్ఞతలు తెలియజేశారు. ఈ కార్యక్రమంలో స్థానిక ప్రధానోపాధ్యాయురాలు ఏ ప్రభావతి,ఉపాధ్యాయులు, విద్యార్థులు పలువురు పాల్గొన్నారు.

 తెలుగుదేశం పార్టీని అధికారంలో తీసుకురావడమే లక్ష్యం.

డాక్టర్ పాశిం సునీల్ కుమార్ నాయకత్వంలో కంకణ బద్ధులై పని చేస్తాం:ఎల్లసిరి నాగార్జున.

చిట్టమూరు  రవి కిరణాలు న్యూస్;

తెలుగుదేశం పార్టీ గూడూరు నియోజకవర్గ ఇన్చార్జ్,మాజీ శాసనసభ్యులు డాక్టర్ పాశిం సునీల్ కుమార్ నాయకత్వంలో బాధ్యతగా పనిచేసి, తెలుగుదేశం పార్టీని అధికారంలోకి తీసుకురావడమే లక్ష్యంగా పనిచేస్తామని ఆ పార్టీ గూడూరు నియోజకవర్గ ఎస్సీ సెల్ అధికార ప్రతినిధి ఎల్లసిరి నాగార్జున తెలిపారు.శుక్రవారం గూడూరులో తనకు పదవి కట్టబెట్టిన గూడూరు మాజీ శాసనసభ్యులు పాసిం సునీల్ కుమార్ ను మహాజనసైన్యం వ్యవస్థాపక జాతీయ అధ్యక్షులు చేవూరు సురేంద్ర తో కలసి పూలమాలలు, శాలువాలతో సన్మానించి సత్కరించి,కృతజ్ఞతలు తెలియజేశారు.తనపై నమ్మకంతో పదవి కట్టబెట్టిన సునీలన్న నాయకత్వంలో పార్టీ పటిష్టతకు,తెలుగుదేశం పార్టీ విజయానికి,బడుగు,బలహీన వర్గాలకు అందుబాటులో ఉండి, ప్రజా సమస్యల పరిష్కారానికి ప్రణాళికబద్ధంగా, క్రియాశీలకంగా,కష్టపడి పని చేస్తానని ఒక ప్రకటనలో తెలియజేశారు.ఈ కార్యక్రమంలో నియోజికవర్గ ఎస్సీ సెల్ అధ్యక్షులు ఏసుపాక పెంచలయ్య ,ఎంజేయస్ రాష్ట్ర కార్యదర్శి కత్తి లక్ష్మణ్,విద్యార్థి నాయకులు అనిల్,యశ్వంత్, పార్టీ నాయకులు పాల్గొన్నారు.

34వ వార్డు లో శ్రీకాంత్ చేరిక....దేనికి సంకేతం??

 కావలి రవికిరణాలు 

గడప గడపకు మన ప్రభుత్వం కార్యక్రమంలో భాగంగా ఈ రోజు కావలి పట్టణ 34వ వార్డు లో గౌరవ శాసనసభ్యులు శ్రీ రామిరెడ్డి ప్రతాప్ కుమార్ రెడ్డి గారి సమక్షంలో ప్రముఖ కాపు నాయకుడు శ్రీ గునుకుల శ్రీకాంత్ నాయుడు గారు వైఎస్సార్సీపీ లో చేరారు. పసుపులేటి రత్తమ్మ గారు ఇంట్లో జరిగిన ఈ కార్యక్రమం లో ప్రియతమ శాసనసభ్యులు ప్రతాప్ కుమార్ రెడ్డి గారు శ్రీకాంత్ నాయుడుకి వైఎస్సార్సీపీ కండువా కప్పి పార్టీ లోకి సాదరంగా ఆహ్వానించారు.

మలిశెట్టి కంచుకోట అయిన 34వ వార్డులో ఆయన సామాజిక వర్గానికే చెందిన విద్యావంతుడు ,నిగర్వి, స్నేహశీలి అయిన గునుకుల శ్రీకాంత్ నాయుడు వైఎస్సార్సీపీ లో చేరడం పట్టణంలో ఒకింత చర్చనీయాంశం అయింది.గత కొంత కాలంగా సుప్తావస్థలో వున్న 34వ వార్డు తెలుగుదేశం శ్రేణులకు శ్రీకాంత్ లాంటి సామాజిక స్పృహ వున్న ఒక నాయకుడు వైసీపీలో చేరడంతో మరింత నిస్తేజం అలుముకుంది.వార్డు లో శ్రీకాంత్ వైసీపీలో చేరికతో మలిశెట్టి,సూరిశెట్టి వర్గాలకు భారీ షాక్ అనే చెప్పవచ్చు.

మొదటినుండి 34వ వార్డు లో తెలుగదేశం పార్టీ సానుభూతి పరులుగా వున్న పసుపులేటి, అలహరి,తోట, వూసా, గునుకుల వంటి బలమైన కాపు వర్గాలు అన్ని శ్రీకాంత్ చేరికతో ఏకతాటి పైకి వచ్చి వైసీపీ కి అండగా నిలబడునుండటంతో రాబోయే వార్డు ఎన్నికలో 34వ వార్డు లో వైసీపీ జెండా ఎగరడం ఖాయం అని పలువురు విశ్లేషకులు పరిగణిస్తున్నారు.

ఈ సందర్భంగా శ్రీకాంత్ నాయుడు విలేకర్ల తో మాట్లాడుతూ జగన్ అన్న ప్రవేశ పెట్టిన సంక్షేమ పథకాలు మరియు అభివృధి కార్యక్రమాలకి ఆకర్షితుడై ఏమి ఆశించకుండా వైసీపీలో చేరానని తనకు ఓపిక కాదు ఊపిరి ఉన్నంత వరకు వైసీపీ కోసం పాటుపడతానని రాబోవు 2024 సార్వత్రిక ఎన్నికలలో కావలి నుండి ప్రతాప్ అన్నని అత్యధిక మెజార్టితో ఎమ్మెల్యే గా ఎన్నుకొని జగన్ అన్న కి బహుమతి గా ఇవ్వడంలో తన వంతు పాత్ర పోషిస్తానని తెలిపారు.

కాగ ఈ పరిణామంతో గత కొద్ది రోజులుగా తమ వర్గం లో శ్రీకాంత్ ని చేర్చుకోవాలి అని విశ్వ ప్రయత్నాలు చేసిన పసుపులేటి సుధాకర్ వర్గానికి తీవ్ర 

శృంగభంగం అయినట్టుగా భావిస్తున్నారు.

శ్రీకాంత్ చేరిక లో కర్త క్రియ కర్మ అన్ని తానై నడిపించిన గుర్రం వెంకటేశ్వర్లు (G V)కు పట్టణం లోని పలువురు వైసీపీ నాయకులు ప్రశంసలు అందజేశారు.ఏది ఏమైనా శ్రీకాంత్ లాంటి అకుంఠిత దీక్ష పరుడు, నిబద్ధత తో పని చేసే నాయకుడు తమ పార్టీలో చేరడంతో పట్టణం లోని వైసీపీ శ్రేణులు నూతనోత్సహంతో ఊరకలు వేస్తున్నాయి.

చివరగా శ్రీకాంత్ అభ్యర్ధన మేరకు  ఇటీవలే జన్మించిన తన కుమారునికి ఎమ్మెల్యే ప్రతాప్ కుమార్ రెడ్డి గారు "గునుకుల జితిన్ సాయి కృష్ణ"గా

నామకరణం చేయడం కొసమెరుపు..

ఎన్ని కేసులు పెట్టిన బరాయిస్తా

....... పసుపులేటి

 ప్రభుత్వం అధికారంలో ఉందని ఎమ్మెల్యే తనపై అనుచరులపై ఎన్ని కేసులు బనయించిన ప ఎదుర్కొనే ధైర్యం ఉందని పిఎస్ఆర్ ట్రస్ట్ చైర్మన్ సుధాకర్ అన్నారు. ఆదివారం  ఆయన పార్టీ కార్యాలయంలో విలేకరుల సమావేశంలో మాట్లాడారు. ఈ సందర్భంగా ఆయన మాట్లాడుతూ అధికారం ఉందని తన అనుచరులైన అమాయకులపై కేసులు పెట్టి భయబ్రాంతులకు గురి చేస్తే  భయపడే ప్రసక్తే లేదన్నారు. తాను ఎదిరించి ప్రైవేట్ కేసులు వేసి ఇబ్బంది పెట్టగలనా కానీ ఆ సంస్కారం తన దగ్గర లేదన్నారు. ఎన్ని కేసులు పెట్టిన ప్రజాక్షేత్రంలోనే తేల్చుకుంటామన్నారు.2024 లో తమ ప్రభుత్వం అధికారంలోకి వస్తుందని అప్పుడు తమ బలమేంటో చూపిస్తామని ఎమ్మెల్యే పై ఆగ్రహం వ్యక్తం చేశారు.పోస్టర్లు అంటించింది తానేనని ధైర్యం ఉంటే తనపై కేసులు పెట్టాలని కోరారు. గ్రావెల్ అక్రమంగా తోలుతున్నారని ప్రశ్నిస్తే ఇప్పటికే 7 కేసులు నమోదయ్యాయని అధికార పార్టీకే ఆర్డీవో సహకరించడం దుర్మార్గమన్నారు సహకరించడం అడిగితే