Ravikiranalu TV

34వ వార్డు లో శ్రీకాంత్ చేరిక....దేనికి సంకేతం??

 కావలి రవికిరణాలు 

గడప గడపకు మన ప్రభుత్వం కార్యక్రమంలో భాగంగా ఈ రోజు కావలి పట్టణ 34వ వార్డు లో గౌరవ శాసనసభ్యులు శ్రీ రామిరెడ్డి ప్రతాప్ కుమార్ రెడ్డి గారి సమక్షంలో ప్రముఖ కాపు నాయకుడు శ్రీ గునుకుల శ్రీకాంత్ నాయుడు గారు వైఎస్సార్సీపీ లో చేరారు. పసుపులేటి రత్తమ్మ గారు ఇంట్లో జరిగిన ఈ కార్యక్రమం లో ప్రియతమ శాసనసభ్యులు ప్రతాప్ కుమార్ రెడ్డి గారు శ్రీకాంత్ నాయుడుకి వైఎస్సార్సీపీ కండువా కప్పి పార్టీ లోకి సాదరంగా ఆహ్వానించారు.

మలిశెట్టి కంచుకోట అయిన 34వ వార్డులో ఆయన సామాజిక వర్గానికే చెందిన విద్యావంతుడు ,నిగర్వి, స్నేహశీలి అయిన గునుకుల శ్రీకాంత్ నాయుడు వైఎస్సార్సీపీ లో చేరడం పట్టణంలో ఒకింత చర్చనీయాంశం అయింది.గత కొంత కాలంగా సుప్తావస్థలో వున్న 34వ వార్డు తెలుగుదేశం శ్రేణులకు శ్రీకాంత్ లాంటి సామాజిక స్పృహ వున్న ఒక నాయకుడు వైసీపీలో చేరడంతో మరింత నిస్తేజం అలుముకుంది.వార్డు లో శ్రీకాంత్ వైసీపీలో చేరికతో మలిశెట్టి,సూరిశెట్టి వర్గాలకు భారీ షాక్ అనే చెప్పవచ్చు.

మొదటినుండి 34వ వార్డు లో తెలుగదేశం పార్టీ సానుభూతి పరులుగా వున్న పసుపులేటి, అలహరి,తోట, వూసా, గునుకుల వంటి బలమైన కాపు వర్గాలు అన్ని శ్రీకాంత్ చేరికతో ఏకతాటి పైకి వచ్చి వైసీపీ కి అండగా నిలబడునుండటంతో రాబోయే వార్డు ఎన్నికలో 34వ వార్డు లో వైసీపీ జెండా ఎగరడం ఖాయం అని పలువురు విశ్లేషకులు పరిగణిస్తున్నారు.

ఈ సందర్భంగా శ్రీకాంత్ నాయుడు విలేకర్ల తో మాట్లాడుతూ జగన్ అన్న ప్రవేశ పెట్టిన సంక్షేమ పథకాలు మరియు అభివృధి కార్యక్రమాలకి ఆకర్షితుడై ఏమి ఆశించకుండా వైసీపీలో చేరానని తనకు ఓపిక కాదు ఊపిరి ఉన్నంత వరకు వైసీపీ కోసం పాటుపడతానని రాబోవు 2024 సార్వత్రిక ఎన్నికలలో కావలి నుండి ప్రతాప్ అన్నని అత్యధిక మెజార్టితో ఎమ్మెల్యే గా ఎన్నుకొని జగన్ అన్న కి బహుమతి గా ఇవ్వడంలో తన వంతు పాత్ర పోషిస్తానని తెలిపారు.

కాగ ఈ పరిణామంతో గత కొద్ది రోజులుగా తమ వర్గం లో శ్రీకాంత్ ని చేర్చుకోవాలి అని విశ్వ ప్రయత్నాలు చేసిన పసుపులేటి సుధాకర్ వర్గానికి తీవ్ర 

శృంగభంగం అయినట్టుగా భావిస్తున్నారు.

శ్రీకాంత్ చేరిక లో కర్త క్రియ కర్మ అన్ని తానై నడిపించిన గుర్రం వెంకటేశ్వర్లు (G V)కు పట్టణం లోని పలువురు వైసీపీ నాయకులు ప్రశంసలు అందజేశారు.ఏది ఏమైనా శ్రీకాంత్ లాంటి అకుంఠిత దీక్ష పరుడు, నిబద్ధత తో పని చేసే నాయకుడు తమ పార్టీలో చేరడంతో పట్టణం లోని వైసీపీ శ్రేణులు నూతనోత్సహంతో ఊరకలు వేస్తున్నాయి.

చివరగా శ్రీకాంత్ అభ్యర్ధన మేరకు  ఇటీవలే జన్మించిన తన కుమారునికి ఎమ్మెల్యే ప్రతాప్ కుమార్ రెడ్డి గారు "గునుకుల జితిన్ సాయి కృష్ణ"గా

నామకరణం చేయడం కొసమెరుపు..

ఎన్ని కేసులు పెట్టిన బరాయిస్తా

....... పసుపులేటి

 ప్రభుత్వం అధికారంలో ఉందని ఎమ్మెల్యే తనపై అనుచరులపై ఎన్ని కేసులు బనయించిన ప ఎదుర్కొనే ధైర్యం ఉందని పిఎస్ఆర్ ట్రస్ట్ చైర్మన్ సుధాకర్ అన్నారు. ఆదివారం  ఆయన పార్టీ కార్యాలయంలో విలేకరుల సమావేశంలో మాట్లాడారు. ఈ సందర్భంగా ఆయన మాట్లాడుతూ అధికారం ఉందని తన అనుచరులైన అమాయకులపై కేసులు పెట్టి భయబ్రాంతులకు గురి చేస్తే  భయపడే ప్రసక్తే లేదన్నారు. తాను ఎదిరించి ప్రైవేట్ కేసులు వేసి ఇబ్బంది పెట్టగలనా కానీ ఆ సంస్కారం తన దగ్గర లేదన్నారు. ఎన్ని కేసులు పెట్టిన ప్రజాక్షేత్రంలోనే తేల్చుకుంటామన్నారు.2024 లో తమ ప్రభుత్వం అధికారంలోకి వస్తుందని అప్పుడు తమ బలమేంటో చూపిస్తామని ఎమ్మెల్యే పై ఆగ్రహం వ్యక్తం చేశారు.పోస్టర్లు అంటించింది తానేనని ధైర్యం ఉంటే తనపై కేసులు పెట్టాలని కోరారు. గ్రావెల్ అక్రమంగా తోలుతున్నారని ప్రశ్నిస్తే ఇప్పటికే 7 కేసులు నమోదయ్యాయని అధికార పార్టీకే ఆర్డీవో సహకరించడం దుర్మార్గమన్నారు సహకరించడం అడిగితే

 ప్రతి పేద వాడి గుండెల్లో వైఎస్ జగన్

...........ఎమ్మెల్యే రామిరెడ్డి

రాష్ట్రంలో సంక్షేమ పథకాలు ప్రతి ఇంటికి నేరుగా అందించే ఘనత ఒక జగన్మోహన్ రెడ్డికే సాధ్యమని కావలి ఎమ్మెల్యే రామిరెడ్డి ప్రతాప్ కుమార్ రెడ్డి అన్నారు. ఆదివారం పట్టణంలోని 34 వ వార్డులో 175 వ రోజు గడప గడప మన ప్రభుత్వం కార్యక్రమం జరిగింది. 34వ  వార్డ్ ఇన్చార్జిలు గుర్రం వెంకటేశ్వర్లు పుల్ల శ్రీనివాసులు రెడ్డి ఆధ్వర్యంలో ఈ కార్యక్రమం జరిగింది.ప్రతి గడపలో మహిళలు వచ్చి శాలవాలతో పూలమాలలతో సత్కరించి ఎమ్మెల్యేను ఆశీర్వదించారు. ఈ సందర్భంగా ఎమ్మెల్యే మాట్లాడుతూ కావలిలోప్రతి ఇంటికి జగనన్న ప్రభుత్వం ఎన్నో అభివృద్ధి కార్యక్రమాలను ఏర్పాటు చేసిందని పేర్కొన్నారు. పట్టణంలోని ప్రధాన రహదారి విస్తరణ, కలుగోలమ్మపేటలోని పెద్ద పావని వంతెన, తుమ్మలపెంట రోడ్లు తొందర్లోనే పనులు పూర్తవుతాయని అన్నారు.ప్రతి ఒక్క ఇంటికి సంక్షేమ పదాలు అందాయని ప్రజలంతా ప్రభుత్వంపై సానుకూలంగా ఉన్నారని ఎన్నికలు ఎప్పుడు వచ్చినా మరల జగనన్నను సీఎం గా చేసుకుందామని ఎదురు చూస్తున్నారన్నారు. 175 వ రోజు 34 వార్డులో పెట్టడం ఎంతో ఆనందంగా ఉందన్నారు. ఈ వార్డులో గడపగడప కార్యక్రమానికి వందలాదిగా మహిళలు ఎమ్మెల్యే తో కలిసి నడవడం పలువురిని అబ్బురపరిచింది. ఈ కార్యక్రమంలో మున్సిపల్ కమిషనర్ కిరణ్,పట్టణ అధ్యక్షులు శివకుమార్ రెడ్డి, గంధం ప్రసన్న ఆంజనేయులు, కనపర్తి రాజశేఖర్, కుందుర్తి సోదరులు,కావలి పట్టణ ప్రచార ప్రధాన కార్యదర్శి నెల్లూరు వెంకటేశ్వర అమర సుబ్బరాయుడు గుప్త, పెనుమల్లి అశోక్,వేమిరెడ్డి విజయ్ కుమార్ రెడ్డి వైయస్సార్సీపి నాయకులు  తదితరులు పాల్గొన్నారు.

 ప్రతి కుటుంబానికి లబ్ధి చేకూర్చిన ప్రభుత్వం మాది.....

 వైఎస్ఆర్సిపి జిల్లా అధ్యక్షులు  ప్రభాకర్ రెడ్డి

 పోర్టు  సాధించిన ఘనత ఎమ్మెల్యే

 రాష్ట్రంలో ప్రతి పేదవాడికి సంక్షేమ ప్రాణాలు అందించిన ప్రభుత్వ ఏదైనా ఉందంటే అది ఒక్క వైయస్సార్ కాంగ్రెస్ పార్టీ అని నెల్లూరు జిల్లా వైఎస్ఆర్సిపి పార్టీ అధ్యక్షుడు వేమిరెడ్డి ప్రభాకర్ రెడ్డి అన్నారు. ఆదివారం కావలి పట్టణంలోని 34 వార్డులో 175 వ రోజు జరిగిన గడప గడప మన ప్రభుత్వం కార్యక్రమానికి ముఖ్యఅతిథిగా హాజరయ్యారు.ఈ సందర్భంగా ఆయన మాట్లాడుతూ రాష్ట్రంలో కాకుండా దేశంలోనే ముఖ్యమంత్రి వైఎస్ జగన్మోహన్ రెడ్డి సంక్షేమ ఫలాలు అందించడంలో ముందున్నారని ప్రశంసించారు. పార్టీలకు కులాలకు, మతాలకు అతీతంగా ఇంటి వద్దకే వాలంటీర్ల ద్వారా అందించడం ఎంతో గర్వకారణం అన్నారు. కావలిలో పార్టీ మెరుగ్గా ఉందని మరోసారి ఎమ్మెల్యే అభ్యర్థిగా రామిరెడ్డి ప్రతాప్ కుమార్ రెడ్డి అత్యధిక మెజారిటీతో గెలిపించాలని కోరారు. వచ్చే సార్వత్రిక ఎన్నికలలో నెల్లూరు పార్లమెంట్ అభ్యర్థిగా వైఎస్ఆర్సిపి తరఫున రంగంలో దిగుతున్నట్లు ఆయన చెప్పారు. తమను కూడా ఎంపీ అభ్యర్థిగా అత్యధిక మెజారిటీతో గెలిపిస్తే పార్లమెంట్ కు వెళ్లి మరిన్ని నిధులు తీసుకువచ్చి అభివృద్ధిలో కావలికి ప్రధాన పీఠ వేస్తానని హామీ ఇచ్చారు. ఈ అభిమానం చూస్తుంటే ప్రతాపరెడ్డి అభివృద్ధి బాగా చేశారని మరోసారి అడక్కుండానే ఓట్లు వేసి అత్యధిక మెజార్టీతో గెలిపిస్తారని అర్థమవుతుందని వేమిరెడ్డి అన్నారు.

పోర్టు సాధించిన ఘనత ఎమ్మెల్యేదే......

కావలికి అతి సమీపంలో ఉండే రాయపట్నం పోర్టు సాధించిన ఘనత ఒక కావలి ఎమ్మెల్యే రామిరెడ్డి కె దక్కుతుందన్నారు. ముఖ్యమంత్రి వైఎస్ జగన్ మోహన్ రెడ్డి దగ్గర ప్రజల కోసం పోరాడి తెచ్చా కావలికి తెచ్చారన్నారు. నెల్లూరు జిల్లాలో రెండు పోర్టులు  రావడం ఎంతో విశేషమన్నారు. కృష్ణపట్నం పోర్టు 42 కిలోమీటర్ల దగ్గరలోనే మరో పోర్టు రాయపట్నం రావడం కావలి అభివృద్ధికి ఎంతో దోహదమవుతుందని ఈ పోర్టు వల్ల ఎంతోమంది నిరుద్యోగులకు ఉపాధి దొరుకుతుందని వేమిరెడ్డి అన్నారు. ఈ రామయ్య పట్నం, పోర్ట్ జువ్వల దీన్నే ఫిషింగ్ హార్బర్ వల్ల కావలి కనకపట్నం మరి ఎన్నో తరాలకు ఉపయోగపడుతుందన్నారు.

ఘనంగా తెలుగు భాష దినోత్సవo 

రవికిరణాలు ప్రతినిధి -దొరవారిసత్రం:మండల కేంద్రంలోని బిసి గురుకుల పాఠశాల మరియు ఏ కోళ్లు జిల్లా పరిషత్ ఉన్నత పాఠశాలలో మంగళవారం ఘనంగా తెలుగు భాష దినోత్సవం మరియు క్రీడా దినోత్సవం జరుపుకున్నారు అనంతరం ముందుగా గిడుగు రామ్మూర్తి పంతులు మరియు మేజర్ ధ్యాన్ చందు చిత్రపటానికి పూలమాలలు వేసి ఘనంగా నివాళులర్పించారు ఈ సందర్భంగా బీసీ గురుకుల పాఠశాల ప్రిన్సిపాల్ తిరుపతయ్య మాట్లాడుతూ గిడుగు రామ్మూర్తి పంతులు గారి జయంతిని పరిష్కరించుకొని ఆయన తెలుగు భాషకు చేసిన కృషిని కొనియాడారు వ్యవహారి భాష కోసం గిడుగు రామ్మూర్తి పంతులు చేసిన కృషిని తెలుగు ఉపాధ్యాయుడు మురళీధర్  చక్కగా వివరించడం జరిగినది అలాగే మేజర్ ధ్యాన్చంద్ జయంతిని పురస్కరించుకొని ఆయన భారతదేశానికి క్రీడలకు చేసిన సేవలను వ్యాయామ ఉపాధ్యాయులు చంద్రశేఖర్ సుప్రజ లు కొనియాడారు అనంతరం జరిగిన విద్యార్థులకు నిర్వహించిన క్రీడా పోటీల్లో గెలుపొందిన వారికి బహుమతులు అందజేసినారు ఈ సందర్భంగా తెలుగు భాషా దినోత్సవం పురస్కరించుకొని విద్యార్థిని విద్యార్థులకు వ్యాసరచన పోటీలు సాంస్కృత కార్యక్రమాలు నిర్వహించినారు కార్యక్రమంలో గెలుపొందిన వారికి బహుమతులు అందజేశారు ఈ కార్యక్రమంలో ఏకొల్లు జిల్లా పరిషత్ ఉన్నత పాఠశాల ప్రధాన ఉపాధ్యాయుడు సి. నర్సింగరావు మరియు ఉపాధ్యాయులు  విద్యార్థినీ విద్యార్థులు పాల్గొన్నారు

 సూళ్లూరుపేట ప్రాంతంలో చిన్న పిల్లల కిడ్నాప్ గ్యాంగ్ కలకలం.

బీహార్ ఢిల్లీ ప్రాంతాలకు చెందిన ఖిలాడీ లేడీలు పసిపిల్లలే వారి టార్గెట్ వేసుకొని ఎత్తుకొని వెళ్లే యత్నం గమనించిన స్థానికులు కిలాడీ లేడికి  దేహశుద్ధి.

 రవికిరణాలు తిరుపతి జిల్లా సూళ్లూరుపేట.-

మండల పరిధిలోని కోటపోలూరు గ్రామం తూర్పు హరిజనవాడ వద్ద బీహార్ కు చెందిన ఓ కిలాడీ లేడీ ఐదేళ్ల బాలుడిని అపహరించడానికి ప్రయత్నించింది అయితే బాలుడు చిన్నాయన సాయికుమార్ గమనించి నిందితురాలిని వెంటాడి పట్టుకోగా ఆ కిలాడీ లేడీ బిడ్డని విడిచిపెట్టింది ఇంతలో గ్రామస్తులు ఘటన స్థలానికి చేరుకొని కిలాడీకి దేహ శుద్ధి చేసి పోలీసులకు అప్పగించారు ఆ మహిళ బీహార్ వాసవి వీరు మొత్తం పది మంది గ్యాంగ్ అని గ్రామస్తులు వెల్లడించారు పిల్లలు దొంగల పట్ల అప్రమత్తంగా ఉండాలని పోలీసులు హెచ్చరించారు అదేవిధంగా మరో ప్రాంతమైన మన్నారపోలురు హరిజనవాడ వద్ద మూడేళ్ల బాలికను ఎత్తుకెళ్లడానికి మరో మహిళ ప్రయత్నించింది అక్కడ కూడా స్థానికులు గమనించి ఆమెను పట్టుకోవాలని ప్రయత్నించగా బిడ్డను వదిలేసి పారిపోయింది దీనిపై గ్రామస్తులు స్థానిక పోలీస్ స్టేషన్లకు చేరుకొని తమ ప్రాంతాలలో సంచరిస్తున్న గుర్తు తెలియని వ్యక్తులను పట్టుకొని తమ బిడ్డలకు తమకు రక్షణ కల్పించాలని కోరారు.

 షెడ్యూల్డ్ కులాల యువతకు లెదర్ సెక్టార్ స్కిల్స్ పై శిక్షణ కేంద్రాన్ని ప్రారంభించిన రాష్ట్ర సాంఘిక సంక్షేమ శాఖ మంత్రి మేరుగ నాగార్జున

రవి కిరణాలు తిరుపతి జిల్లా సూళ్లూరుపేట నియోజకవర్గ 

తడ: - 

ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్ మోహన్ రెడ్డి  రాష్ట్రంలోని షెడ్యూల్డ్ వర్గాల అభ్యునతి కొరకై అనేక సంక్షేమ కార్యక్రమాలు అమలు చేస్తున్నారని, ఇందులో భాగంగా షెడ్యూల్డ్ కులాల యువతకు లెదర్ సెక్టార్ స్కిల్స్ పై ప్రత్యేక శిక్షణ కార్యక్రమాలు చేపట్టడం ఎంతో సంతోషకరంగా ఉందని, షెడ్యూల్డ్ కులాల యువతకు నేడు లెదర్ సెక్టార్ స్కిల్స్ పై శిక్షణ కేంద్రాన్ని సూళ్లూరుపేట ఎమ్మెల్యే సంజీవయ్య తో పాటు కలిసి ప్రారంభిస్తూ రాష్ట్ర సాంఘిక సంక్షేమ శాఖ మంత్రి మేరుగ నాగార్జున అన్నారు.

మంగళవారం మధ్యాహ్నం స్థానిక తడ మండలం పులివెంద్ర నందు పిమ్ - ఏ జె ఏ వై స్కీం లో భాగంగా - ఏపి ఎస్సిఎఫ్ సి -లిడ్ క్యాప్ వారి ఆర్థిక సహాయంతో ఆంధ్రప్రదేశ్ రాష్ట్ర నైపుణ్యాభివృద్ధి సంస్థ మరియు లెదర్ సెక్టర్ స్కిల్ కౌన్సిల్ వారి ఆధ్వర్యంలో ఎస్సి యువత అభివృద్ధి కొరకు ఉచిత వసతి మరియు శిక్షణ కార్యక్రమ ట్రైనింగ్ సెంటర్ ను రాష్ట్ర సాంఘిక సంక్షేమశాఖ మంత్రి వర్యులు మేరుగు నాగార్జున గారు మరియు  గౌ. సూళ్లూరుపేట శాసనసభ్యులు కిలివేటి సంజీవయ్య తో పాటు  కలిసి ప్రారంభించారు.

ఈ సందర్భంగా సాంఘిక సంక్షేమశాఖ మంత్రి వర్యులు మాట్లాడుతూ ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్ మోహన్ రెడ్డి గారు  రాష్ట్రం లోని షెడ్యూల్డ్ వర్గాల అభ్యునతి కొరకై అనేక సంక్షేమ కార్యక్రమాలు అమలు చేస్తున్నారని, ఇందులో భాగంగా షెడ్యూల్డ్ కులాల యువతకు లెదర్ సెక్టార్ స్కిల్స్ పై ప్రత్యేక శిక్షణ కార్యక్రమాలు చేపట్టడం జరిగిందని అన్నారు. ఈ కార్యక్రమంలో సుమారు 150 మందికి లెదర్ ప్రొడక్ట్ డెవలపర్ కోర్సు నందు ఉచిత వసతి మరియు శిక్షణను ఇవ్వనున్నారని అన్నారు. ఈ శిక్షణ అనంతరం వారికి ఉపాధి అవకాశాలు కూడా కల్పిస్తున్నామని తెలియచేశారు.

సూళ్లూరుపేట శాసనసభ్యులు కిలివేటి సంజీవయ్య మాట్లాడుతూ తమ సొంత నియోజకవర్గంలో షెడ్యూల్డ్ కులాల యువతకు ప్రత్యేక ట్రైనింగ్ సెంటర్ ను ప్రారంభించడం చాలా సంతోషం అని, ఈ శిక్షణ ను ప్రతి ఒక నిరుద్యోగ యువత సద్వినియోగం చేసుకోవాలనీ, లెదర్ స్కిల్స్ పై సాంకేతిక పరమైన మెళకువలపై మరింత అవగాహన అవసరం అని భవిష్యత్ రోజుల్లో లెదర్, ఫ్యాషన్ టెక్నాలజీ కి మంచి రోజులు ఉన్నాయని అందుకు తగ్గట్టుగా మాంబట్టు సెజ్ నందు సుమారు 200 ఎకరాలలో భారత్ లెదర్  పరిశ్రమ కూడా స్థాపించడం జరిగింది అని, తమ నియోజక వర్గం అభివృద్ధికి అన్ని విధాలా సాయం చేస్తున్న గౌరవ ముఖ్యమంత్రి గారికి కృతజ్ఞతలు తెలియచేశారు.

ఈ కార్యక్రమంలో మాదిగ కార్పొరేషన్ చైర్మన్ శ్రీ కొమ్మురి కనక రావ్ మాట్లాడుతూ రాష్ట్ర ప్రభుత్వం షెడ్యూల్డ్ వర్గాల కొరకు చేపట్టిన ఈ శిక్షణ కార్యక్రమాన్ని యువత సద్వినియోగం చేసుకోవాలని కోరారు.

ఈ కార్యక్రమంలో లిడ్ క్యాప్ వైస్ ఛాన్సలర్ మరియు మేనేజింగ్ డైరక్టర్ శ్రీ టి. డోల శంకర్ మాట్లాడుతూ ఈ శిక్షణ పొందిన ప్రతి ఒక యువత కు ఉపాధి అవకాశాలు ఖచ్చితంగా కల్పిస్తామని తెలిపారు.

ఈ కార్యక్రమంలో స్థానిక ఎంపీపీ రఘు రెడ్డి, ఏపి ఎస్ సి ఎఫ్ సి సంస్థ డైరెక్టర్లు, లిడ్ క్యాప్ సిబ్బంది, రాష్ట నైపణ్యాభివృద్ధి సంస్థ జిల్లా అధికారి శ్యామ్ ప్రసాద్ మరియు ఇతర శాఖ అధికారులు పాల్గొన్నారు.