Ravikiranalu TV

విశ్వరూప మహాసభ బిజెపి పతనానికే..!!

 ఎం.ఎస్.పి జిల్లా ఇంచార్జి మంద పెంచలయ్య మాదిగ.

రవికిరణాలుప్రతినిధి -దొరవారిసత్రం న్యూస్  :-

ఎస్,సి వర్గీకరణ చట్టభద్దత కోసం ఎం ఆర్ పి ఎస్ వ్యవస్థాపకులు మందకృష్ణ మాదిగ నాయకత్వంలో హైదరాబాద్ లో జరప తలపెట్టిన మాదిగల విశ్వరూప మహాసభకు జన సమీకరణ నిమిత్తం ముఖ్య అతిధులుగా ఎం.ఎస్.పి తిరుపతి జిల్లా అధ్యక్షులు తురక అమర్నాథ్ వడ్డెర ఎం.ఎస్.పి జిల్లా నాయకులు నరేష్ వడ్డెర ముఖ్య అతిధులుగా విచ్చేయగా సూళ్లూరుపేట నియోజకవర్గం లోని మహాదేవయ్య నగర్ మాతమ్మ గుడి వద్ద గ్రామ కమిటీ ఎన్నుకోవడం జరిగింది. కమిటీ సభ్యులుగా కయ్యారపు రాజబాబు కయ్యారపు మురళి, ఎం.ఎస్.పి రాష్ట్ర నాయకులు లేబాకం మురళి ఎన్నుకోవడం జరిగింది తదుపరి నూకలపాలెం గ్రామంలో కమిటీ సభ్యులుగా జడ రాజా, గోచి రమణయ్య, గోవిందు గంగయ్య, దూదేపల్లి మాతయ్య, జడ రత్నయ్య గోచి నాగరాజు ఎన్నికైనారు తదుపరి దొరవారిసత్రం మండలంలోని ఏకొల్ల అరుంధతియవాడలో గ్రామ కమిటీ సభ్యులుగా గోవిందు సునీల్ గోవిందు మాతయ్య ఉచ్చురు సుబ్రహ్మణ్యం గోవిందు వాణి కోతిపాక వెన్నెల మాదిగ ఎన్నికైయ్యారు. తదుపరి వేణుంబాకం గ్రామంలో గ్రామ కమిటీలను నియమించటం జరిగింది. ప్రతి గ్రామంలో మాదిగ విద్యార్థి సమైక్య మాదిగ మహిళా సమైక్య మాదిగ ఉద్యోగుల సమైక్య కమిటీలతో పాటు ఎం. ఆర్. పి.యస్ కమిటీలను నిర్మిస్తూ మాదిగల విశ్వరూపాన్ని హైదరాబాద్ లో ముప్పై లక్షల మంది మాదిగలు విశ్వరూపాన్ని ప్రదర్శిస్తూ కాంగ్రెస్ వామ పక్షాలు దేశం లోని ప్రాంతీయ పార్టీలు అన్నీ కూడా జరగబోవు పార్లమెంట్ సమావేశాల్లో గోంతెత్తి మాట్లాడకపోతే ఏ పార్టీలైతే Sc వర్గీకరణ సమస్యపై పార్లమెంట్ లో ప్రస్థావించని పార్టీలను ప్రాంతాల వారీగా ఓడించటానికి విశ్వరూప మహా సభ దిశ దశ నిర్దేశిస్తుందని తెలియజేసారు. ఈ కార్యక్రమం సూళ్లూరుపేట నియోజకవర్గం ఎం.ఎస్.పి ఇంచార్జి కుక్కమల్లి రవి మాదిగ దొరవారిసత్రం మండల ఎం.ఎస్.పి ఇంచార్జి కంటేపల్లి నాగేశ్వర రావు మాదిగ అధ్యక్షణ జరగ్గా ఎం.ఎస్.పి జాతీయ నాయకులు గోవిందు వాసు మాదిగ దొరవారిసత్రం మండలం ప్రధాన కార్యదర్శి గోవిందు సునీల్ నాయుడుపేట మండల ఎం.ఎస్.పి ఇంచార్జి మాచవరం శ్రీనివాసులు మాదిగ తదితరులు పాల్గొన్నారు.

 విద్యార్థుల్లో నులిపురుగుల నివారణకై ఆల్బెండజోల్ మాత్రలు పంపిణీ

రవికిరణాలు ప్రతినిధి -దొరవారిసత్రం న్యూస్ :-

 విద్యార్థుల్లో పలు రోగాలకు కారణమవుతున్న నులి పురుగుల నివారణకై బుధవారం దొరవారిసత్రం మండలంలో "జాతీయ నులిపురుగుల నివారణ దినం" నిర్వహించారు. దొరవారి సత్రం ప్రాథమిక ఆరోగ్య కేంద్రం సిబ్బంది సచివాలయాల పరిధిలో ఉన్న అంగన్వాడి, ప్రాథమిక, ఉన్నత పాఠశాలలతో పాటు, కళాశాలలోని విద్యార్థినీ విద్యార్థులకు ఆల్బెండజోల్ మందులు పంపిణీ చేశారు. ప్రతి కేంద్రంలో మందులు పంపిణీకై ఆశ కార్యకర్తలు, ఏఎన్ఎం, ఎం ఎల్ హెచ్ పి, హెల్త్ అసిస్టెంట్లను ఏర్పాటుచేసి మధ్యాహ్నం భోజనానంతరం పాఠశాలల ఉప ప్రధానోపాధ్యాయుల పర్యవేక్షణలో మందులు మింగించారు. అంగన్వాడి కేంద్రంలోని  పిల్లలకు మాత్రల రూపంలో వేయకుండా, ద్రవ రూపంలో చేసి  పిల్లలకు అందించారు. ప్రతి పాఠశాలలో హ్యాండ్ వాష్డెమో నిర్వహించారు. ఈ కార్యక్రమ పర్యవేక్షకులుగా సి హెచ్ ఓ సంపూర్ణమ్మ, పి హెచ్ ఎన్  పద్మావతి, హెల్త్ విజిటర్ మైధిలి, హెల్త్ సూపర్వైజర్ గోపి కిరణ్ ఏ కార్యక్రమాన్ని పర్యవేక్షించి విజయవంతం గావించారు. పరిశీలనాధికారులుగా  వైద్యాధికారులు వి చైతన్య, కె పళని రాజ్ లు పలు కేంద్రాలను సందర్శించారు. పాఠశాలలోని పిల్లలకు మాత్రను చప్పరించడం ద్వారా, నమిలి మింగడం అనే పద్ధతిలో ఆల్బెండజోల్ మాత్రలు వేశారు. 8 సచివాలయాల పరిధిలోని కేంద్రాల్లో ఉన్న అర్హులైన పిల్లలు 4149 నమోదు కాగా4072 మంది పిల్లలకు మాత్రలు వేశారు దీంతో98.1శాతం నమోదయింది.ఈ కార్యక్రమంలో ఎం జె పి గురుకుల పాఠశాల ప్రిన్సిపాల్ తిరుపతయ్య, కస్తూర్బా కళాశాల  ప్రిన్సిపాల్ పార్వతి ఏఎన్ఎం శ్రావణి,  డోరతి వెంకమ్మ, అమరావతి, రమణమ్మ, వజ్రమ్మ, హెల్త్ అసిస్టెంట్ సుధాకర్, విజయ్ కుమార్, రత్నయ్య, వెంకటయ్యలు పాల్గొన్నారు.

అందరికీ మంచి చేస్తున్న సీఎం జగనన్నను అందరూ మంచి మనసుతో ఆశీర్వదించండి -ఎమ్మెల్యే కిలివేటి 

-హారతులు పట్టి ఘన స్వాగతం పలికిన మహిళలు

రవికిరణాలు ప్రతినిధి దొరవారిసత్రం న్యూస్ :- అందరికీ మంచి చేస్తున్న సీఎం జగనన్నను అందరూ మంచి మనసుతో ఆశీర్వదించండి అంటూ సూళ్లూరుపేట నియోజకవర్గ ఎమ్మెల్యే టీటీడీ బోర్డు సభ్యులు కిలివేటి సంజీవయ్య అన్నారు ఆయన గురువారం దొరవారిసత్రం మండలం పోలిరెడ్డిపాళెం సచివాలయం పరిధిలోని నెమలిమిట్ట అగ్రహారం కృష్ణాపురం అక్కరపాకు పోలిరెడ్డిపాలెం గొల్లపాలెం సూరపుఅగ్రహారం మొదలగు గ్రామాలలో గడప గడప మన ప్రభుత్వం కార్యక్రమంలో పాల్గొన్నారు ఈ కార్యక్రమం చెంగాలమ్మ ఆలయ ట్రస్ట్ బోర్డు చైర్మన్ దువ్వూరు బాలచంద్రారెడ్డి ఆధ్వర్యంలో నిర్వహించడం జరిగినది అనంతరం గడపగడపకు మన ప్రభుత్వం " కార్యక్రమంలో భాగంగా ప్రతి గడపకు వెళ్లి నాలుగేళ్ల వైసీపీ పాలనలో సీఎం జగనన్న అమలు చేస్తున్న ప్రభుత్వ సంక్షేమ పథకాల ద్వారా లబ్ధి పొందిన వారికి బుక్లెట్ అందించి... ప్రభుత్వం ద్వారా వారికి నాలుగేళ్లలో అందిన సంక్షేమాన్ని వివరిస్తూ... ప్రతి గడపలో ప్రజల యోగక్షేమాలు అడిగి తెలుసుకుని, వాలంటీర్లు స్పందిస్తున్నారా... సంక్షేమ పథకాల అమలు తీరు ఎలా ఉంది అంటూ ఎమ్మెల్యే కిలివేటి సంజీవయ్య అడిగి తెలుసుకున్నారు దీనికి గ్రామ ప్రజలు అందరూ ప్రభుత్వం అమలు చేసిన అభివృద్ధి పథకాలు వాలంటీర్ల ద్వారా మాకు అందుతున్నాయని ఎమ్మెల్యే కి తెలియజేశారు తమ గ్రామానికి విచ్చేసిన ఎమ్మెల్యే కిలివేటి సంజీవయ్య ను చెంగాలమ్మ ఆలయ ట్రస్ట్ బోర్డ్ చైర్మన్ దువ్వూరు బాలచంద్రారెడ్డి ని ఆ గ్రామ నాయకులు శాలువాలు కప్పి, మహిళలు హారతులు పట్టి సాగర స్వాగతం పలకగా.... అందరికీ మంచి చేస్తున్న సీఎం జగనన్నను అందరూ మంచి మనసుతో ఆశీర్వదించాలని ఎమ్మెల్యే కిలివేటి సంజీవయ్య ప్రజలను కోరారు ఈ సందర్భంగా ఎమ్మెల్యే మాట్లాడుతూ మన ముఖ్యమంత్రి జగనన్న ఇచ్చిన ప్రతి హామీ నెరవేరుస్తూ... తండ్రికి తగ్గ తనయుడిగా ప్రజలకు సంక్షేమ పాలన అందిస్తున్న సీఎం జగనన్నను చూసి ఓర్వలేని ప్రతిపక్షాలు... రోజుకొక ఆరోపణలు చేస్తూ జగనన్నకు అవినీతి మరక అంటించాలని చూస్తున్నారు కానీ వారు చెప్పేది ఏది ప్రజలు నమ్మే స్థితిలో ప్రజలు లేరని.... ముఖ్యమంత్రి వైయస్ జగన్మోహన్ రెడ్డి  అమలు చేస్తున్న ప్రభుత్వ సంక్షేమ పథకాలను దేశంలోని చాలా రాష్ట్రాలు ఆదర్శంగా తీసుకుని వారి రాష్ట్రాల్లో కూడా అమలు చేసేందుకు చూస్తున్నారు అని, ప్రజలకు ఇంత మంచి చేస్తున్న జగనన్నను మరో మారు ముఖ్యమంత్రిని చేసుకునేందుకు ప్రజల సిద్ధంగా ఉన్నారని 2024 ఎన్నికల్లో 175 స్థానాల్లో వైసిపి గెలవడం ఖాయమని ఇకనైనా ఆరోపణలు మాని ప్రజల పక్షాన పోరాటాలు చేయడం మర్చిపోవద్దు అని ప్రతిపక్షాలకు ఎమ్మెల్యే హెచ్చరించారు ఈ కార్యక్రమంలో జడ్పిటిసి సభ్యులు రమేష్ సర్పంచ్ ప్రభాకర్ రెడ్డి నాయకులు సురేష్ రెడ్డి దొరవారిసత్రం ఎస్సై తిరుమల రావు ఎంపీడీవో సింగయ్య వైయస్సార్ క్రాంతి పథం ఏరియా కోఆర్డినేటర్ మురళి ఏపిఎం పద్మావతి కమ్యూనిటీ కోఆర్డినేటర్ నారాయణ తదితరులు పాల్గొన్నారు

 సమయానికి స్పందిస్తున్న విద్యుత్ సిబ్బంది                               

   కావలి రవికిరణాలు:::.                        

 విద్యుత్ పోయిన వెంటనే సిబ్బందికి తెలియజేస్తే స్పందించి యుద్ధ ప్రాతిపదికన విద్యుత్ సిబ్బంది మరమత్తులు చేస్తున్నారు. పట్టణంలోని 25 వ వార్డులో ట్రాన్స్ఫారం సమస్య వచ్చిందని ప్రజలు ఫిర్యాదు చేసిన వెంటనే సిబ్బంది స్పందించి మరమ్మత్తులు చేపట్టారు.

 చంద్రునికి చెరువుగా చంద్రయాన్ - 3

ఈ మధ్యాహ్నం కు మూడోవంతు ప్రయాణం పూర్తి .

రేపు సాయంత్రానికి చంద్ర కక్షకు చంద్రయాన్-3 

రవి కిరణాలు తిరుపతి జిల్లా (సూళ్లూరుపేట) శ్రీహరికోట:-

శ్రీహరికోట రాకెట్ ప్రయోగ కేంద్రం నుండి జులై 14 వ తేదీ ప్రయోగించిన చంద్రయాన్ - 3 

మిషన్ చంద్రుని వైపుకు ప్రయాణిస్తుంది,జులై 31 వ తేదీ అర్ధరాత్రి వరకు చంద్రయాన్ - 3 

మిషన్ భూమి చుట్టూ ఐదు సార్లు తిరగడం పూర్తి చేసుకుంది,అనంతరం తన ప్రయాణాన్ని 

ఆగస్టు 1 వ తేదీ తెల్లవారుజాము నుండి చంద్రుని వైపుకు మళ్లించింది,భూమికి చంద్రునికి 

మధ్య ప్రయాణిస్తున్న చంద్రయాన్ - 3 మిషన్ ఈ రోజు మధ్యాహ్నం 2 గంటలకు చంద్రుని 

వైపు ప్రయాణాన్ని మూడోవంతు పూర్తి చేసింది ,ప్రస్తుతం లూనార్ ఆర్బిట్ లో ప్రయాణం చేస్తున్న చంద్రయాన్ - 3 మిషన్ రేపు సాయంత్రం 7 గంటలకు చంద్రుని కక్ష వద్దకు చేరుకుంటుంది ,అక్కడ నుండి చంద్రుని చుట్టూ తిరిగే పనిని ప్రారంభిస్తుంది,ఇలా చంద్రుని చుట్టూ ఆరు సార్లు తిరిగిన తరువాత, ఈ నెల 17 వ తేదికి చంద్రుని సమీప కక్షలోకి చేరుకుంటుంది, ఆ తరువాత 23 వ తేదీ చంద్రుని పై చంద్రయాన్ - 3 మిషన్ లోని 

ల్యాండర్ సాఫ్ట్ ల్యాండింగ్ జరుగుతుంది.

 అందరి సహకారంతోనే అవార్డు దక్కింది: - కామిరెడ్డి సత్యనారాయణరెడ్డి  ఎన్ డి సి సి బి చైర్మన్

రవి కిరణాలు తిరుపతి జిల్లా పెళ్ళకూరు.

ముఖ్యమంత్రి వైఎస్ జగన్మోహన్ రెడ్డి, రాష్ట్ర వ్యవసాయ, సహకార శాఖమంత్రి కాకాణి గోవర్ధనరెడ్డిల సహాయ సహకారాలతో పాటు జిల్లాలోని బ్యాంకు అధికారులు, సిబ్బంది, సొసైటి పాలకవర్గం అందరి సహకారంటో అద్వితీయమైన ప్రతిభ కనబరిచి సియం వైఎస్ జగన్మోహన్ రెడ్డి చేతుల మీదుగా రాష్ట్ర స్థాయి అప్కాబ్ పుస్కారం తీసుకోవడం ఆనందం ఉందని ఉమ్మడి నెల్లూరు జిల్లా కేంద్ర సహకార బ్యాంకు చైర్మన్ కామిరెడ్డి సత్యనారాయణ రెడ్డి అన్నారు. సహకార బ్యాంకు అప్కాబ్ 60 సంవంత్సరాలు పూర్తి చేసుకున్న సందర్భంగా విజయవాడలో నిర్వహించిన వజ్రోత్సవ వేడుకల్లో సియం వైఎస్ జగన్మోహన్ రెడ్డి, రాష్ట్ర వ్యవసాయ, సహకార శాఖ మంత్రి కాకణి గోవర్ధన్ రెడ్డి చేతుల మీదుగా సీఈవో శంకర్ బాబుతో కలసి అవార్డుతో పాటు ప్రశంస పత్రం చైర్మన్ కామిరెడ్డి సత్యనారాయణ రెడ్డి అందుకున్నారు. ఈ సందర్బంగా కామిరెడ్డి మాట్లాడుతూ రైతు కుటుంబంలో పుట్టిన తాను ముఖ్యమంత్రి వైఎస్ జగన్మోహన్ రెడ్డి సహకారంతో జిల్లాలోని రైతులకు డీసీసీబీ ద్వారా సేవ చేయడం ఆనందంగా ఉందని అన్నారు. అదేవిదంగా అనేక సంస్కరణను తీసుకొచ్చి బ్యాంకును లాభల బాటులో నడుపుతున్నామని తెలిపారు. కొత్తగా వాహనాలు, గృహ రుణాలతో పాటు రైతు బిడ్డలు విదేశాలకు వెళ్లి చదువుకునేందుకు రుణాలు అందిస్తామని తెలిపారు. ఎన్నో ఏళ్లుగా బ్యాంకు ఉద్యోగుల నియమాకం జరగలేదని, నేడు ఎంతోమందికి ఉద్యోగ అవకాశాలు కల్పించామని, ఉమ్మడి జిల్లాలోని మా బ్యాంకు పరిధిలో గల సంఘాలను లాభల బాటలో నడిపిస్తూ వాణిజ్య బ్యాంకులకు ధీటుగా రుణాలు అందిస్తున్నట్లు చైర్మన్ సత్యనారాయణ రెడ్డి తెలిపారు.

ఓటర్ల వెరిఫికేషన్ దేశం నేతలు 

 కావలి రవికిరణాలు : పట్టణ పరిధిలోని 26 వార్డ్ లోని ఓటర్ల వెరిఫికేషన్ ను అధికారులతో కలిసి తెలుగుదేశం నాయకులు పరిశీలించారు. స్థానిక 92వ బూత్ బి ఎల్ ఓ అధికారితో కలిసి వీధి వీధి తిరిగి ఓటర్ల జాబితాను తనిఖీ చేశారు. ఈ సందర్భంగా తెలుగుదేశం నాయకులు కేశవులు మాట్లాడుతూ ఓటర్ల జాబితా తప్పులుగా నమోదు అయిందని ఆందోళన వ్యక్తం చేశారు.ప్రస్తుతం నివాసం ఉంటున్న కుటుంబాల ఓటర్లను జాబితాలో చేర్చాలని అధికారిని డిమాండ్ చేశారు. ఈ కార్యక్రమంలో తెలుగుదేశం పార్టీ నాయకులు పాల్గొన్నారు.