Ravikiranalu TV

 నేడు బందరు పోర్టుకు సీఎం జగన్‌ శంకుస్థాపన

రూ.5,156 కోట్లతో నిర్మాణ పనులకు సీఎం జగన్‌ భూమిపూజ

పోర్టు రాకతో వాణిజ్య కార్యకలాపాల విస్తరణ

ప్రత్యక్షంగా, పరోక్షంగా 25వేల మందికి ఉపాధి

24–30 నెలల్లో పూర్తిచేయాలని లక్ష్యం

విజయవాడ :

కృష్ణా జిల్లాలోని బందరు పోర్టుకు ముచ్చటగా మూడోసారి శంకుస్థాపన జరగనుంది. సీఎం జగన్‌ సోమవారం భూమి పూజ చేస్తారని ప్రభుత్వం  తెలిపింది. ఉదయం 8.30 గంటలకు తాడేపల్లిలోని క్యాంపు కార్యాలయం నుంచి బయలుదేరి బందరు మండల పరిధిలోని తపసిపూడి గ్రామానికి చేరుకుంటారు. పోర్టు నిర్మాణ ప్రదేశంలో భూమి పూజ, పైలాన్‌ను ఆవిష్కరిస్తారు. అక్కడి నుంచి హెలికాప్టర్‌లో జడ్పీ సెంటర్‌లోని భారత్‌ స్కౌట్స్‌ అండ్‌ గైడ్స్‌ మైదానం చేరుకొని అక్కడ నిర్వహించే బహిరంగ సభలో ప్రసంగిస్తారు.

2008లో తొలిసారి

బందరు పోర్టు నిర్మాణానికి 2008 ఏప్రిల్‌ 23న అప్పటి సీఎం వైఎస్‌ రాజశేఖరరెడ్డి చిన కరగ్రహారం పంచాయతీ పరిధిలోని పల్లిపాలెం దగ్గర మొదటి సారి శంకుస్థాపన చేశారు. ఆ తర్వాత నిర్మాణ పనులు ప్రారంభం కాలేదు. అదే పోర్టుకు తెదేపా ప్రభుత్వ హయాంలో 2019 ఫిబ్రవరి 7న మేకవానిపాలెం దగ్గర చంద్రబాబు రెండో సారి శంకుస్థాపన చేశారు. అప్పుడూ వివిధ కారణాలతో పోర్టు నిర్మాణ పనులు మొదలు కాలేదు. తాజాగా సీఎం జగన్‌ చేతుల మీదుగా మూడోసారి శంకుస్థాపన జరగనుంది.

బందరు పోర్టు పనులకు నేడే శుభారంభం

మచిలీపట్నం ప్రజల దశాబ్దాల కలను నెరవేరుస్తూ రూ.5,156 కోట్ల వ్యయంతో చేపడుతున్న పోర్టు నిర్మాణ పనులను సీఎం వైఎస్‌ జగన్‌మోహన్‌రెడ్డి సోమవారం కృష్ణాజిల్లా మచిలీపట్నంలో ప్రారంభించనున్నారు. భూసేకరణ పూర్తిచేసి, అన్ని అనుమతులు సాధించి, న్యాయ వివాదాలు పరిష్కరించి, టెండర్లు ఖరారుచేసి, ఫైనాన్షియల్‌ క్లోజర్‌ పూర్తిచేసి కొబ్బరికాయ కొట్టిన తర్వాత పనులు ఆగకుండా శరవేగంగా జరిగేలా రాష్ట్ర ప్రభుత్వం ప్రణాళికను సిద్ధంచేసింది. పూర్తిగా ప్రభుత్వ వ్యయంతో నిర్మిస్తున్న ఈ పోర్టు రాకతో వాణిజ్య కార్యకలాపాలు విస్తరించి రానున్న కాలంలో కృష్ణాజిల్లా ముఖచిత్రం మారనుంది.

75 ఏళ్లలో ఆరు, ఈ నాలుగేళ్లలో నాలుగు

స్వాతంత్య్రం వచ్చిన 75 ఏళ్లలో రాష్ట్రంలో కేవలం ఆరు పోర్టులు కడితే, ఆంధ్రప్రదేశ్‌ చరిత్రలో నవశకానికి నాంది పలుకుతూ అధికారంలోకి వచ్చిన కేవలం నాలుగేళ్లలోపే మరో నాలుగు పోర్టుల నిర్మాణానికి సీఎం వైఎస్‌ జగన్‌ శ్రీకారం చుట్టారు. ఇప్పటికే రామాయపట్నం, కాకినాడ గేట్‌వే పోర్టుల్లో పనులు శరవేగంగా జరుగుతుండగా, మూలపేట పోర్టు పనులు కూడా ఇటీవలే ప్రారంభమయ్యాయి. ఇక సోమవారం నుంచి ఈ జాబితాలో మచిలీపట్నం పోర్టు కూడా చేరనుంది.

25వేల మంది ఉపాధి

35.12 మిలియన్‌ టన్నుల వార్షిక సామర్థ్యంతో రెండు జనరల్‌ కార్గోకు, ఒకటి బొగ్గుకు, మరొకటి మల్టీపర్పస్‌–కంటైనర్‌తో ఎగుమతి, దిగుమతులకు ఉపయోగపడేలా మొత్తం నాలుగు బెర్తులతో మచిలీపట్నం పోర్టును 24–30 నెలల్లో పూర్తిచేయాలని లక్ష్యంగా పెట్టుకున్నారు. ఈ పోర్టు పనుల పూర్తితో ప్రత్యక్షంగా, పరోక్షంగా 25వేల మందికి ఉపాధి లభించనుంది. వాణిజ్య కార్యకలాపాలు విస్తరించేకొద్దీ 16 బెర్తులతో 116 మిలియన్‌ టన్నుల వార్షిక సామర్థ్యంతో పోర్టును విస్తరించేలా ప్రణాళిక రూపొందించుకున్నారు. ఇక ఈ పోర్టు ద్వారా రాష్ట్రంలోని గుంటూరు, కృష్ణా, ఎన్టీఆర్, తూర్పు, పశ్చిమ గోదావరి జిల్లాలతో పాటు తెలంగాణలోని ఖమ్మం, కరీంనగర్, అదిలాబాద్, నల్గొండ, వరంగల్‌ జిల్లాలకు ఎరువులు, బొగ్గు, వంటనూనె, కంటైనర్ల దిగుమతులు, వ్యవసాయ ఉత్పత్తులు, సిమెంట్, సిమెంట్‌ క్లింకర్, గ్రానైట్, ముడి ఇనుము ఎగుమతులకు వేదికగా మారనుంది. సుమారు రూ.16,000 కోట్ల వ్యయంతో రామాయపట్నం, మచిలీపట్నం, కాకినాడ గేట్‌వే, మూలపేట పోర్టుల నిర్మాణాల ద్వారా ప్రత్యక్షంగా, పరోక్షంగా 75 వేల మందికి ఉపాధి లభించనుంది.

 తొలి ఏడాదే కార్పొరేషన్, పరిపాలనా అనుమతులు

తూర్పు తీరంలో ఆంగ్లేయులతో పాటు డచ్, పోర్చుగీస్‌ వారికి సైతం వ్యాపార కేంద్రంగా మచిలీపట్నం పోర్టు విలసిల్లింది. వైఎస్‌ జగన్‌ ప్రభుత్వం అధికారంలోకి వచ్చిన తొలి ఏడాదే పోర్టు నిర్మాణానికి 2020 ఫిబ్రవరి 4న మచిలీపట్నం పోర్టు డెవలప్‌మెంట్‌ కార్పొరేషన్‌ లిమిటెడ్‌ పేరుతో ప్రత్యేక సంస్థ ఏర్పాటు.. రూ.5,156 కోట్లతో పోర్టు నిర్మాణానికి పరిపాలన అనుమతులు మంజూరు చేశారు. ఈ ఏడాది ఫిబ్రవరి 28న పోర్టు నిర్మాణానికి కీలకమైన పర్యావరణ అనుమతులు, ఏప్రిల్‌ 13న కాలుష్య నియంత్రణ మండలి అనుమతులు, 2023 మార్చిలో 1,923 ఎకరాల భూసేకరణ పూర్తయిన తర్వాత మే 22న పోర్టు నిర్మాణ పనులు ప్రారంభిస్తున్నారు.

మారనున్న సముద్ర తీర ప్రాంత ముఖచిత్రం

ఆగ్నేయాసియాకు ముఖద్వారంగా 974 కి.మీ తీరంతో దేశంలోనే రెండో అతిపెద్ద సముద్ర తీరంగల రాష్ట్రంలో ప్రస్తుతమున్న ఆరు పోర్టులకు అదనంగా ఏపీ మారిటైమ్‌ బోర్డు నాలుగు పోర్టులను అభివృద్ధి చేస్తోంది. ఇప్పటికే ఉన్న విశాఖపట్నం మేజర్‌ పోర్టు, ఐదు నాన్‌ మేజర్‌ పోర్టుల ద్వారా ఏటా 320 మిలియన్‌ టన్నుల వార్షిక సామర్థ్యాన్ని రాష్ట్రం కలిగి ఉంది.  కొత్తగా నిర్మిస్తున్న పోర్టుల ద్వారా 2025–26 నాటికి అదనంగా మరో 110 మిలియన్‌ టన్నుల రవాణా సామర్థ్యం అందుబాటులోకి వస్తుందని ప్రభుత్వం అంచనా వేస్తోంది.  పారిశ్రామికాభివృద్ధి, వాణిజ్య కార్యకలాపాలకు ఊతమిచ్చేలా కొత్తగా నిర్మిస్తున్న మచిలీపట్నం పోర్టు సమీపంలో పోర్టు ఆధారిత పరిశ్రమల ఏర్పాటుకు 4,000 ఎకరాల సాల్ట్‌ భూములను ప్రభుత్వం గుర్తించింది.  తీర ప్రాంతం మరియు పోర్టు పరిసర ప్రాంతాల పారిశ్రామికీకరణ దిశగా అడుగులు వేయడంతో పాటు పోర్టు అనుసంధానిత లాజిస్టిక్స్‌ ఏర్పాటు ద్వారా వ్యవసాయ ఉత్పత్తుల ఎగుమతులకు అవకాశం లభించనుంది. ప్రతీ 50 కి.మీకు ఒక పోర్టు లేదా ఫిషింగ్‌ హార్బరు ఉండేలా మత్స్యకారులకు లబ్ధి చేకూర్చేందుకు ప్రపంచస్థాయి మౌలిక సదుపాయాలతో 10 ఫిషింగ్‌ హార్బర్లు, ఆరు ఫిష్‌ ల్యాండింగ్‌ సెంటర్లను ప్రభుత్వం అభివృద్ధి చేస్తోంది. వీటిద్వారా 2035 నాటికి రాష్ట్ర సముద్ర వాణిజ్య విలువ 20 బిలియన్‌ డాలర్లకు చేర్చాలని ప్రభుత్వం లక్ష్యంగా నిర్దేశించుకుంది.

పోలిరెడ్డిపాలెం  వాలంటీర్లు కు సేవా వజ్ర బహుమతి రవికిరణాలు ప్రతినిధి - దొరవారిసత్రం :- మండల పరిధిలోని పోలిరెడ్డిపాలెం సచివాలయంలో వాలంటీర్లుగా పనిచేస్తున్న నాగమంతల రమేష్ మరియు పేరంశెట్టి సాయి సుధా అను ఇరువులకు శుక్రవారం తిరుపతిలో జరిగిన వాలంటీర్లకు వందనం కార్యక్రమంలో మంత్రి రోజా తిరుపతి జిల్లా కలెక్టర్ వెంకటరమణారెడ్డి వారి చేతుల మీదగా సేవ వజ్రా బహుమతి తీసుకోవడం జరిగినది అంతేకాకుండా ఈ ఇరువురు వాలంటీర్లకు పూలమాలతో శాలువాలు కప్పి ఘనంగా సన్మానించి వీరికి 30 వేల రూపాయలు నగదు ప్రశంసాపత్రం బ్యాడ్జి మొదలగునవి అందించడం జరిగినది ఈ సందర్భంగా మంత్రి రోజా తెలుపుతూ సచివాలయ పరిధిలో వాలంటీర్లకు అప్పజెప్పిన కార్యక్రమాలు పూర్తిస్థాయిలో నెరవేరుస్తూ వారు చేసిన సేవలు గుర్తించి వారికి ఈ బహుమతులు అందించడం జరిగిందని తెలిపారు గ్రామ వార్డు వాలంటీర్ల సేవలను గుర్తించి వారికి ప్రతి ఏడాది సేవా మిత్ర సేవా రత్న సేవా వజ్రం అను బహుమతులను అందించడం ఎంతో ఆనందకరమని తెలిపారు పోలిరెడ్డిపాలెం వాలంటీర్లు ఈ వజ్ర సేవలు అందుకున్నందుకు ఎంపీడీవో సింగయ్య సచివాలయం సిబ్బంది వారికి అభినందనలు తెలియజేశారు

 డెంగ్యూ దినోత్సవ పై అవగాహన ర్యాలీ

 రవికిరణాలు ప్రతినిధి -దొరవారిసత్రం :- మండల కేంద్రంలోని ప్రాథమిక ఆరోగ్య కేంద్రం సిబ్బంది మంగళవారం జాతీయ డెంగ్యూ దినోత్సవం పై ర్యాలీ నిర్వహించారు ఈ సందర్భంగా దొరవారిసత్రం గ్రామంలో వీధుల్లో ర్యాలీ నిర్వహించి డెంగ్యూ జ్వరాలు పై అవగాహన కలిగించారు ఈ కార్యక్రమం డాక్టర్ చైతన్య ఆధ్వర్యంలో నిర్వహించారు సమాజ భాగస్వామ్యంతో డెంగ్యూ వ్యాధిని నివారిద్దాం వృద్ధ నీటిని నిర్మూలించడం వల్ల దోమలను నివారించే మార్గం ప్రజల భాగస్వామ్యంతోనే దోమలను నిర్మూలించేందుకు సాధ్యమవుతుందని అని నినాదాలు ఇస్తూ ర్యాలీని నిర్వహించారు ఇంటి చుట్టూ ఉన్న పరిసరాలను పరిశుభ్రంగా ఉంచుకోవాలి నీటిని నిలువ చేయకూడదు ఇలాంటి వాటిపై ప్రజలకు అవగాహన కలిగించారు డెంగ్యూ వ్యాధి నిర్మూలన పై కరపత్రాలు పంచుతూ వ్యాధిపై అవగాహన కలిగిస్తూ ర్యాలీని నిర్వహించారు ఈ కార్యక్రమంలో డాక్టర్ పద్మావతి వైద్య సిబ్బంది తదితరులు ఉన్నారు

 అక్రమంగా తరలిస్తున్న రేషన్ బియ్యం పట్టివేత

 రవి కిరణాలు ప్రతినిధి -దొరవారిసత్రం :- మండల కేంద్రంలోని నెలబల్లి గ్రామ సమీపాన ఉన్న జాతీయ రహదారిపై ఉన్న చెక్ పోస్ట్ వద్ద మంగళవారం సూళ్లూరుపేటకు చెందిన ముగ్గురు వ్యక్తులు 298 రేషన్ బియ్యం బస్తాలను లారీలు తరుస్తుండగా విజిలెన్స్ ఎన్ఫోర్స్మెంట్ వారు ఈ వాహనాన్ని పట్టుకొని అందులో ఉన్న రేషన్ బియ్యం బస్తాలను లారీని సీజ్ చేసి దొరవారి సత్రం పోలీస్ స్టేషన్ కు అప్పగించారు ఈ సందర్భంగా సి ఎస్ డిటి ఓబులయ్య ఆధ్వర్యంలో బియ్యం లారీని తరలిస్తున్న వ్యక్తులను సీజ్ చేయడం జరిగినది వీటి విలువ సుమారు 5 లక్షల 34 వేల రూపాయలు ఉంటుందని ఈ రేషన్ బియ్యం మన్నార్ పోలూరు నుండి నెల్లూరు వైపు వెళ్తుండగా పట్టుకోవడం జరిగింది అని తెలిపారు సూళ్లూరుపేటకు చెందిన ప్రవీణ్ రెడ్డి గిరి వారి ఆధ్వర్యంలో ఈ రేషన్ బియ్యం తరలింపు జరుగుతున్నదని తెలిపారు

SPS నెల్లూరు జిల్లా

నవాబ్ పేట పోలీసు స్టేషన్ ను ఆకస్మిక తనిఖీ చేసిన జిల్లా యస్.పి. శ్రీ డా.కె. తిరుమలేశ్వర రెడ్డి,IPS., గారు.

నవాబ్ పేట పోలీసు స్టేషన్ పరిసరాలను పరిశీలించి శిధిలావస్థలో ఉన్న వాహనాలను కోర్టు అనుమతితో వేలం వేయాలని ఆదేశాలు. పోలీసు స్టేషన్ మ్యాప్, చార్ట్ ను పరిశీలించి స్టేషన్ పరిధిలో ఉన్న నేర మరియు శాంతి భద్రతల పరిస్థితులను ఆరా తీసిన యస్.పి. గారు.అనంతరం గ్రేవ్ కేసుల CD ఫైల్స్ క్షుణ్ణంగా పరిశీలించి తగిన ఆదేశాలు జారీ చేసిన యస్.పి. గారు. మహిళా సంబంధిత కుటుంబ తగాదాలు, మిస్సింగ్ కేసులలో సత్వరమే స్పందించాలని ఆదేశాలు. దొంగతనం కేసులలో కోల్పోయిన ప్రాపర్టీ రికవరీపై దృష్టి సారించాలి. రౌడీ షీటర్స్, పాత నేరస్తుల కదలికలపై నిరంతరం నిఘా ఉంచాలని ఇవ్వాలని ఆదేశాలు. హత్య, POCSO, SC/ST, వరకట్న వేధింపుల కేసుల దర్యాప్తుపై పలు సూచనలు చేసిన యస్.పి. గారు. పోలీసు స్టేషన్ కు వచ్చే ఫిర్యాదుదారులతో మర్యాదగా నడుచుకోవాలని ఆదేశాలు.. దర్యాప్తు పారదర్శకంగా, వేగవంతంగా పూర్తి చేయాలని ఆదేశాలు. నిందితులకు కోర్టులో కఠిన శిక్షలు పడాలి. పోలీసు స్టేషన్ సిబ్బంది యొక్క యోగ క్షేమాలు అడిగి, ఏమైనా సమస్యలు ఉన్నాయా? వారి యొక్క గ్రీవెన్స్ ను అడిగి, ప్రతి శుక్రవారం జరిగే మెన్ గ్రీవెన్స్ ను సద్వినియోగం చేసుకోవాలని, అప్రమత్తంగా విధులు నిర్వహించాలని సూచించారు. 

జిల్లా పోలీసు కార్యాలయం, తేది.16.05.2023.

 వై ఎస్ ఆర్ సంపూర్ణ పోషణ పంపిణీ సక్రమంగా జరిగేలా మహిళా శిశు సంక్షేమ శాఖ చర్యలు చేపట్టాలి

సుస్థిర అభివృద్ధి లక్ష్యాల సాధన విధులలో నిర్లక్ష్యం వహిస్తే చర్యలు తప్పవు: కలెక్టర్

రవి కిరణాలు,

తిరుపతి, మే15: -

 వైయస్సార్ సంపూర్ణ పోషణ పంపిణీ, గర్భిణీ స్త్రీల గృహ సందర్శన సక్రమంగా అమలు అయ్యేలా మహిళా శిశు సంక్షేమ శాఖ అధికారులు ఎంతో బాధ్యతగా పనిచేసి ప్రజలకు మెరుగైన సేవలు అందించేలా ఉండాలని, లేనిచో చర్యలు తీసుకోవాల్సి ఉంటుందని సంబంధిత అధికారులను హెచ్చరించారు.

సోమవారం మధ్యాహ్నం స్థానిక కలెక్టరేట్ సమావేశ మందిరంలో మహిళా శిశు సంక్షేమ శాఖ సిడిపిఓలు, సూపర్వైజర్లతో కలెక్టర్  సమీక్షిస్తూ విధుల పట్ల నిర్లక్ష్యం వహిస్తే సహించేది లేదని తప్పనిసరిగా క్రమశిక్షణ చర్యలు ఉంటాయని ప్రజాసేవ కొరకే మనం ఉన్నామని గుర్తుంచుకొని అంకితభావంతో పనిచేయాలని అన్నారు. 

అంగన్వాడీ ద్వారా ఆరు సంవత్సరాల లోపు పిల్లలకు అందజేస్తున్న, గర్భిణీల స్త్రీ లకు అందజేస్తున్న,  ఎత్తు తక్కువ బరువు తక్కువ కల పిల్లలు, బుద్ధి మాంద్యం గల పిల్లలకు అందచేస్తున్న వై ఎస్ ఆర్ సంపూర్ణ పోషణ పంపిణీ సక్రమంగా జరిగేలా చర్యలు చేపట్టాలని అన్నారు.  అంగన్వాడీ కార్యకర్తలపై పర్యవేక్షణ, తరచూ సమీక్షలు చేయాలని, సంబంధిత సిడిపిఓ లు, సూపర్వైజర్లు గృహ సందర్శనలు నిర్వహించాలని అన్నారు. ఏఎన్ఎం లు, అంగన్వాడీ కార్యకర్తలు సేకరిస్తున్న సమాచారం ఒకేలా ఉండేలా సమన్వయంతో పనిచేయాలని సూచించారు. ఆర్ సి హెచ్ ఐడీ లు సరిపోయేలా ఉండాలని సూచించారు. పిల్లల ఆధార్ సీడింగ్ వేగవంతం చేయాలని ఆదేశించారు. మహిళా శిశు సంక్షేమ శాఖ సుస్థిర అభివృద్ధి లక్ష్యాల పారామీటర్లలో తక్కువ అంటే 95  శాతం పైననే పురోగతి ఉండాలని తెలిపారు. సిడిపివోలు సూపర్వైజర్లు మహిళా శిశు సంక్షేమ శాఖ అధికారులు మెరుగైన సేవలు ప్రజలకు అందించాల్సిన ఆవశ్యకత ఎంతైనా ఉందని గుర్తు చేశారు. పనితీరు మెరుగుపడకపోతే సంబంధిత అధికారులపై క్రమశిక్షణ చర్యలు ఉంటాయని హెచ్చరించారు.

ఈ సమావేశంలో జిల్లా మహిళా శిశు సంక్షేమ శాఖ అధికారిని జయలక్ష్మి, సిడిపివోలు సూపర్వైజర్లు తదితరులు హాజరయ్యారు.

 నారా లోకేష్ ను కలిసిన వేనాటి రామచంద్రా రెడ్డి. 

రవి కిరణాలు, తిరుపతి జిల్లా సూళ్లూరుపేట:-   తెలుగు దేశం పార్టీ చేపట్టిన యువగళం పాదయాత్ర 100వ రోజుకు చేరిన సందర్భంగా నారా లోకేష్ ను‌ నంద్యాల జిల్లా సంతజూటూరు వద్ద క్యాంప్ లో కలిసి అభినందనలు తెలియజేసిన నెల్లూరు జిల్లా సీనియర్ టీడీపీ నేత,  మాజీ టీటీడీ పాలకమండలి సభ్యులు వేనాటి రామచంద్రారెడ్డి.