Ravikiranalu TV

 వై ఎస్ ఆర్ సంపూర్ణ పోషణ పంపిణీ సక్రమంగా జరిగేలా మహిళా శిశు సంక్షేమ శాఖ చర్యలు చేపట్టాలి

సుస్థిర అభివృద్ధి లక్ష్యాల సాధన విధులలో నిర్లక్ష్యం వహిస్తే చర్యలు తప్పవు: కలెక్టర్

రవి కిరణాలు,

తిరుపతి, మే15: -

 వైయస్సార్ సంపూర్ణ పోషణ పంపిణీ, గర్భిణీ స్త్రీల గృహ సందర్శన సక్రమంగా అమలు అయ్యేలా మహిళా శిశు సంక్షేమ శాఖ అధికారులు ఎంతో బాధ్యతగా పనిచేసి ప్రజలకు మెరుగైన సేవలు అందించేలా ఉండాలని, లేనిచో చర్యలు తీసుకోవాల్సి ఉంటుందని సంబంధిత అధికారులను హెచ్చరించారు.

సోమవారం మధ్యాహ్నం స్థానిక కలెక్టరేట్ సమావేశ మందిరంలో మహిళా శిశు సంక్షేమ శాఖ సిడిపిఓలు, సూపర్వైజర్లతో కలెక్టర్  సమీక్షిస్తూ విధుల పట్ల నిర్లక్ష్యం వహిస్తే సహించేది లేదని తప్పనిసరిగా క్రమశిక్షణ చర్యలు ఉంటాయని ప్రజాసేవ కొరకే మనం ఉన్నామని గుర్తుంచుకొని అంకితభావంతో పనిచేయాలని అన్నారు. 

అంగన్వాడీ ద్వారా ఆరు సంవత్సరాల లోపు పిల్లలకు అందజేస్తున్న, గర్భిణీల స్త్రీ లకు అందజేస్తున్న,  ఎత్తు తక్కువ బరువు తక్కువ కల పిల్లలు, బుద్ధి మాంద్యం గల పిల్లలకు అందచేస్తున్న వై ఎస్ ఆర్ సంపూర్ణ పోషణ పంపిణీ సక్రమంగా జరిగేలా చర్యలు చేపట్టాలని అన్నారు.  అంగన్వాడీ కార్యకర్తలపై పర్యవేక్షణ, తరచూ సమీక్షలు చేయాలని, సంబంధిత సిడిపిఓ లు, సూపర్వైజర్లు గృహ సందర్శనలు నిర్వహించాలని అన్నారు. ఏఎన్ఎం లు, అంగన్వాడీ కార్యకర్తలు సేకరిస్తున్న సమాచారం ఒకేలా ఉండేలా సమన్వయంతో పనిచేయాలని సూచించారు. ఆర్ సి హెచ్ ఐడీ లు సరిపోయేలా ఉండాలని సూచించారు. పిల్లల ఆధార్ సీడింగ్ వేగవంతం చేయాలని ఆదేశించారు. మహిళా శిశు సంక్షేమ శాఖ సుస్థిర అభివృద్ధి లక్ష్యాల పారామీటర్లలో తక్కువ అంటే 95  శాతం పైననే పురోగతి ఉండాలని తెలిపారు. సిడిపివోలు సూపర్వైజర్లు మహిళా శిశు సంక్షేమ శాఖ అధికారులు మెరుగైన సేవలు ప్రజలకు అందించాల్సిన ఆవశ్యకత ఎంతైనా ఉందని గుర్తు చేశారు. పనితీరు మెరుగుపడకపోతే సంబంధిత అధికారులపై క్రమశిక్షణ చర్యలు ఉంటాయని హెచ్చరించారు.

ఈ సమావేశంలో జిల్లా మహిళా శిశు సంక్షేమ శాఖ అధికారిని జయలక్ష్మి, సిడిపివోలు సూపర్వైజర్లు తదితరులు హాజరయ్యారు.

 నారా లోకేష్ ను కలిసిన వేనాటి రామచంద్రా రెడ్డి. 

రవి కిరణాలు, తిరుపతి జిల్లా సూళ్లూరుపేట:-   తెలుగు దేశం పార్టీ చేపట్టిన యువగళం పాదయాత్ర 100వ రోజుకు చేరిన సందర్భంగా నారా లోకేష్ ను‌ నంద్యాల జిల్లా సంతజూటూరు వద్ద క్యాంప్ లో కలిసి అభినందనలు తెలియజేసిన నెల్లూరు జిల్లా సీనియర్ టీడీపీ నేత,  మాజీ టీటీడీ పాలకమండలి సభ్యులు వేనాటి రామచంద్రారెడ్డి.

 ఇస్రో లో యువికా 2023 శిక్షణ ప్రారంభం.

 దేశ వ్యాప్తంగా 7 ఇస్రో సెంటర్లలో 

353 మంది విద్యార్థులకు శిక్షణ.

రవి కిరణాలు, తిరుపతి జిల్లా (సూళ్లూరుపేట) శ్రీహరి కోట,మే 15:-  

భారత అంతరిక్ష పరిశోధన సంస్థ ప్రతియేటా నిర్వహించే యువికా కార్యక్రమం లో భాగంగా 

యువికా -2023 శిక్షణ కార్యక్రమాన్ని సోమవారం ప్రారంభించింది,భారత దేశం లోని మొత్తం 7 ఇస్రో కేంద్రాలలో 353 మంది విద్యార్థులకు అంతరిక్ష పరిజ్ఞానం పై అవగాహన కల్పిస్తూ శిక్షణ ఇవ్వనున్నారు, ఈ కార్యక్రమాన్ని ఇస్రో ప్రధాన కేంద్రం నుండి ముందుగా చైర్మన్ 

సోమనాధ్  ప్రారంభించడం జరిగింది,షార్ సెంటర్లో షార్ డైరెక్టర్ ఆర్ముగం రాజరాజన్ 

ప్రారంభించారు,శ్రీహరికోటలో ఆంధ్రప్రదేశ్,ఒడిశా ,ఛతీస్ గడ్ ,  పశ్చిమబెంగాల్ ,మధ్యప్రదేశ్ రాష్ట్రాలకు చెందిన 56 మంది విద్యార్థులు రెండు వారల పాటు ఈ నెల 27 వరకు శిక్షణ పొందనున్నారు, 8 వ తరగతి పూర్తి చేసి వివిధ అంశాలలో ప్రతిభ కనపరిచిన విద్యార్థులను ఈ శిక్షణకు ఇస్రో ఎంపిక చేసి ఈ శిక్షణను ఇవ్వడం జరుగుతుంది.విద్యార్థి దశ నుండి అంతరిక్ష పరిశోధనలు పట్ల విద్యార్థులను ఆకర్షితులను చేయడమే ఈ కార్యక్రమం ప్రధాన లక్ష్యం అని అన్నారు.

 నెల్లూరులో డ్రైవర్ పోస్టులకు దరఖాస్తులు

 నెల్లూరు నగరంలో 102 తల్లి బిడ్డ ఎక్స్ ప్రెస్ వాహనంలో పనిచేసేందుకు డ్రైవర్ పోస్టులను భర్తీ చేయనున్నట్లు102,104, 108 వాహనాల జిల్లా మేనేజర్ పవన్ కుమార్ ఒక ప్రకటనలో తెలిపారు.  పదో తరగతి  పాసై...  బ్యాడ్జి, హెవీ డ్రైవింగ్ లైసెన్స్ కలిగి..  నెల్లూరు జిల్లా పరిధిలో  నివాసం ఉన్న వారు అర్హులు.  ఆసక్తి ఉన్నవారు ఈ నెల 18వ తేదీ లోపు దర్గామిట్టలోనే దిశ పోలీస్ స్టేషన్ పక్కన ఉన్న తమ ఆఫీసులో దరఖాస్తులు చేసుకోవాలన్నారు..

 ఆంధ్రప్రదేశ్‌ హైకోర్టుకు రేపట్నుంచి వేసవి సెలవులు ప్రారంభంకానున్నాయి. ఈనెల 15 నుంచి జూన్‌ 12 వరకు వేసవి సెలవులు ఉండనున్నట్లు ప్రకటించారు. అలాగే మూడు పని శనివారాలు, అంటే మే 20, మే 27, జూన్ 3 రిజిస్ట్రీకి సెలవులుగా ప్రకటించారు. హైకోర్టు కార్యకలాపాలు తిరిగి జూన్‌ 13న ప్రారంభమవుతాయి. ఈ సెలవుల్లో అత్యవసర కేసుల విచారణ నిమిత్తం వెకేషన్‌ కోర్టులు ఏర్పాటయ్యాయి. రెండు దశల్లో ఈ వెకేషన్‌ కోర్టులు పనిచేస్తాయి. మొదటి దశ వెకేషన్‌ కోర్టులు మే 16 నుంచి 26 వరకు, రెండో దశ కోర్టులు మే 27 నుంచి జూన్‌ 12 వరకు పనిచేస్తాయి. వీటిల్లో భౌతిక, ఆన్‌లైన్‌ విధానంలో కేసులను విచారిస్తారు. ప్రధాన న్యాయమూర్తి జస్టిస్‌ ప్రశాంత్‌కుమార్‌ మిశ్రా ఆదేశాల మేరకు వీటిని ఏర్పాటుచేశారు.

సర్వోదయ కళాశాల అధ్యాపకురలుకి డాక్టరేట్.... 

నెల్లూరు జిల్లా లోని  శ్రీ సర్వోదయ డిగ్రీ కళాశాలలో బోటనీ లెక్చరర్ గా పనిచేస్తున్న దొంగర సంగీత గారికి బోటనీ విభాగంలో “phytochemical Screening and Antimicrobial Activity of selected Bryophytes in Andhra Pradesh” అనే అంశం పై పరిశోధనకు గాను ఆంధ్ర విశ్వ విద్యాలయం డాక్టరేట్ ప్రధానం చేసింది. ఈమెకు ఆచార్య డి. సంధ్యాదీపికగారు Research Guide గాను, ఆచార్య ఎస్ బి. పడాల్ గారు Co- Guide గా వ్యవహరించారు. 

ఈ పరిశోధన తేమ, నీడ ప్రాంతాలలో పెరిగే బ్రయోఫైట్స్ అనే మొక్కల పైన నిర్వహించటం జరిగింది. ఆంధ్రప్రదేశలో తూర్పు - కనుమలలో పెరిగే కొన్ని బ్రయోఫైటా మొక్కలను ఎంచుకొని పరిశోధించగా ఇవి తీవ్రమైన వాతావరణ పరిస్థితులను, ఒత్తడిని తట్టుకో గలుగుతాయని అలాగే సీనో సెఫాలమ్ కొనికమ్ మరియు మార్కాన్నియు పామేట్ అనే మొక్కలలో ద్వితీయ జీవక్రియలలో రికార్డెన్-C అనే రసాయనంను ఉత్పత్తి చేయటం వలన వ్యతిరేకత చర్యను కలిగి ఉంటాయని పరిశోధనా పరంగా సూక్ష్మజీవులు కనుగొనడం జరిగింది. ఈ అధ్యాయనం సహజజీవ వనరులను వాణిజ్యం కోసం ఉపయోగించడానికి కొత్త మార్గాలను తెరిచింది. ప్రస్తుతకాలంలో హానికరమైన పురుగుల మందులు మరియు శిలీంధ్రనాశకాలు వాడటం వలన పర్యావరణ సమతుల్యత ప్రభావం చూపుతోంది. దీని కారణంగా ప్రజలు ఎన్నో రకాల దీర్ఘకాలిక సంబంధ వ్యాధులతో బాధపడుతున్నారు. బ్రయోఫైటా మొక్కలలో అంటే బాక్టీరియల్, కంటీ ఫంగల్ చర్చ చూపే మూలకాల కారణంగా వీటిని హానికరమైన పురుగు మందులు, శిలీంధ్ర నాగకాలకు ప్రత్యామ్నాయంగా ఉపయోగించటం వలన పర్యావరణము మొక్కలు, జంత రక్షకులుగా ఉపయోగపడతాయని, అదేవిధంగా వ్యాధులకు సంబంధించిన మందుల (జాషధాల ) తయారీలో ఉపయోగించవచ్చని తెలిపారు. ఈ అధ్యాయనం కోల్ట్ ఫార్మాస్యూటికల్స్ మరియు న్యూట్రాస్యూటికల్స్ అభివృద్ధి కి సహాయపడుతోందని తెలిపారు.

ఈ సందర్భంగా డాక్టరేట్ పొందిన సంగీత గారికి  శ్రీ సర్వోదయ డిగ్రీ కళాశాల ఈ ఓ మరియు  

కరస్పాండెంట్ పి వి. హేమచంద్ర రావు గారు, ప్రిన్సిపాల్ వి. రవికుమార్ గారు, వైస్ ప్రిన్సిపాల్ ఎం. పిచ్చయ్య గారు, రిటైర్డ్ ప్రిన్సిపాల్ ఫిజికల్ డైరక్టర్ సురేష్ బాబు గారు, రిటైర్డ్ బోటనీ లెక్చరర్ సురేష్ బాబు గారు, లెక్చరర్స్ కే. సరోజిని గారు, రజనీ కుమారి గారు, రత్నయ్య గారు, శివకుమార్ గారు, మరియు  తదితర అభినందించారు.

 "విభిన్న ప్రతిభావంతుల సంక్షేమానికి రాష్ట్ర ప్రభుత్వం అత్యంత ప్రాధాన్యతనిస్తుంది" - మంత్రి కాకాణి గోవర్ధన్ రెడ్డి. 

SPS నెల్లూరు జిల్లా:

తేది:15-05-2023:-   సర్వేపల్లి నియోజకవర్గం, వెంకటాచలంలో విభిన్న ప్రతిభావంతులకు పరికరాలు అందించేందుకు  వైద్య శిబిరాన్ని తిరుపతి పార్లమెంట్ సభ్యులు మద్దిల గురుమూర్తి గారితో కలిసి ప్రారంభించిన ఆంధ్రప్రదేశ్ రాష్ట్ర వ్యవసాయ మరియు సహకార, మార్కెటింగ్, ఫుడ్ ప్రాసెసింగ్ శాఖా మాత్యులు శ్రీ కాకాణి గోవర్ధన్ రెడ్డి గారు.

గత ప్రభుత్వ హయాంలో వికలాంగులకు వైకల్యం శాతం ఆధారంగా అతి తక్కువ పింఛన్లు ఇచ్చేవారు.ముఖ్యమంత్రిగా జగన్మోహన్ రెడ్డి గారు దివ్యాంగులకు వైకల్య శాతంతో సంబంధం లేకుండా ప్రతి ఒక్కరికి 3000 రూపాయలు పింఛను అందజేస్తున్నారు. నియోజకవర్గంలోని దివ్యాంగులకు అందరికీ అవసరమైన ట్రై సైకిళ్లు, మోటారు వాహనాలు, వినికిడి యంత్రాలు మొదలైన పరికరాలను ఎంపీ గురుమూర్తి ప్రత్యేక చొరవతో కేంద్ర ప్రభుత్వం, అలింకో సంస్థ సహకారంతో అందిస్తుంది. కేంద్ర ప్రభుత్వం సబ్సిడీ, ఎంపీ నిధులతో ఈ పరికరాలను అవసరమైన ప్రతి ఒక్కరికి అందజేస్తాం. వైద్య శిబిరాన్ని ప్రతి ఒక్కరూ వినియోగించుకుని అవసరమైన పరికరాలను పొందాలి.  సర్వేపల్లి నియోజకవర్గంలో దివ్యాంగుల కోసం వైద్య శిబిరాన్ని ఏర్పాటు చేయడానికి ప్రత్యేక చొరవ తీసుకున్న తిరుపతి పార్లమెంట్ సభ్యులు మద్దిల గురుమూర్తి గారికి హృదయపూర్వక ధన్యవాదాలు.