Ravikiranalu TV

మాంబట్టు సేజ్ లో నూతన పరిశ్రమకు భూమి పూజలో పాల్గొన్న ఎమ్మెల్యే కిలివేటి సంజీవయ్య.

తడ, రవి కిరణాలు, మార్చి 22:-

తడ మండలం మంబట్టు పారిశ్రామిక వాడలో ఏర్పాటు చేస్తున్న నూతన పరిశ్రమ కు గురువారం స్థానిక ఎమ్మెల్యే తిరుమల తిరుపతి దేవస్థానం పాలక మండల సభ్యులు కిలివేటి సంజీవయ్య భూమి పూజ నిర్వహించారు. అనంతరం ఆయన మాట్లాడుతూ నూతన పరిశ్రమల ద్వారా మరెంతో మందికి ఉపాధి అవకాశాలు కలుగుతాయని  అన్నారు.
 రాష్ట్ర ప్రభుత్వం పరిశ్రమల స్థాపనకు అన్ని సదుపాయాలు కల్పించేందుకు అన్ని చర్యలు తీసుకుంటుందని తెలిపారు.

ఈ కార్యక్రమంలో వైయస్ఆర్ సీపీ నాయకులు కార్యకర్తలు మరియు పలువురు పరిశ్రమ ప్రతినిధులు పాల్గొన్నారు.

 రోడ్డు ప్రమాదంలో గాయపడిన వ్యక్తి మృతి.

సూళ్లూరుపేట మార్చి 21 (రవి కిరణాలు):-

జాతీయ రహదారి పై హోలీ క్రాస్ సర్కిల్ వద్ద 3రోజుల క్రితం పి. ఆర్.అర్ ట్రావెల్స్ బస్సు (అపోలో)  మోటార్ సైకిల్ పై వెళుతున్న వ్యకిని ఢీ కొన్న సంఘటన తెలిసిందే అయితే గాయపడిన వ్యక్తిని  చెన్నై  హాస్పిటల్ ల్లో చికిత్స పొందుతూ గురువారం మృతి చెందాడు. పోలీసుల వివరాల మేరకు మృతి చెందిన వ్యక్తి దొరవారిసత్రం మండలం  అయ్యపాలెం గ్రామానికి చెందిన తుమ్మ వెంకటేష్ సూళ్లూరుపేట సమీపంలో ఉన్న తారకేశ్వర టెక్స్టైల్స్ లో సెక్యూరిటీ గార్డ్ గా విధులు నిర్వహిస్తుండేవాడని విధుల నిమిత్తం తన ఇంటి వద్ద నుండి సోమవారం 20 వ తేదీ న డ్యూటీ కి వెళుతుండగా హోలీ క్రాస్ జంక్షన్ వద్ద  బస్సు  ఢీకొనడంతో తీవ్ర గాయాలు అయ్యాడు గాయపడిన వ్యక్తిని స్థానిక ప్రభుత్వాసుపత్రికి తరలించారు.అక్కడ అతని పరిస్థితి విషమంగా ఉండటంతో చెన్నై జిహెచ్ హాస్పిటల్ కు తరలించారు అక్కడ చికిత్స పొందుతూ గురువారం మృతి చెందాడు. మృతుడికి భార్య ఇద్దరు పిల్లలు ఉన్నారు  సూళ్లూరుపేట ఎస్సై  పి.రవిబాబు కేసు నమోదు చేసి దర్యాప్తు చేస్తున్నారు.

 జనతా కర్ఫ్యూ కు నేటితో మూడేళ్ళు పూర్తి....

22-3-2020 న 14 గంటల పాటు అమలు....

కరోనా కష్టకాలంలో మంత్రి కాకాణి....

సర్వేపల్లి నియోజకవర్గం లో.....

చేపట్టిన సేవలు చిరస్మరణీయం....

          కరోనా వైరస్ వ్యాప్తి చెందుతున్న నేపథ్యంలో భారత దేశంలో జనతా కర్ఫ్యూ అమలు చేసి  నేటికి సరిగ్గా మూడేళ్లు పూర్తయ్యాయి. 2020 సంవత్సరం మార్చి 22వ తేదీన భారత ప్రధాని నరేంద్ర మోడీ పిలుపుమేరకు ఉదయం 7 గంటల నుంచి రాత్రి 9 గంటల వరకు 14 గంటల పాటు ఈ కర్ఫ్యూను పాటించారు. కరోనా నియంత్రణకు క్షేత్రస్థాయిలో పని చేస్తున్న వైద్య సిబ్బంది, పారిశుద్ధ్య సిబ్బందికి మద్దతుగా దేశవ్యాప్తంగా ప్రజలంతా సాయంత్రం 5  గంటలకు  తమ ఇళ్లల్లో నుంచి బయటకు వచ్చి చప్పట్లతో తమ సంఘీభావం తెలిపారు. ఆ మరుసటి రోజు 23 తేదీ నుంచే లాక్ డౌన్ ప్రకటించారు. అత్యవసర సేవలకు మాత్రం మినహాయింపు ఇచ్చారు.  మిగిలిన వారిని ఇళ్లల్లో నుంచి బయటకు రాకుండా,ఇంటికే పరిమితం చేశారు.
కాకాణి సేవలు చిరస్మరణీయం
                ఈ పరిస్థితుల్లో 24వ తేదీ నుంచి సర్వేపల్లి శాసనసభ్యులు కాకాణి గోవర్ధన్ రెడ్డి తన సొంత ఖర్చుతో పనులు లేక ఇళ్లల్లోనే ఉండిపోయిన నియోజకవర్గంలోని పేదలందరికీ నిత్యావసర సరుకుల తో పాటు కూరగాయలను పంపిణీ చేశారు. ఇందుకోసం ఆయన తన సొంత నిధులను ఒక కోటి మూడు లక్షల రూపాయలను వెచ్చించారు. అలాగే "సర్వేపల్లి రైతన్న కానుక" పేరుతో  సర్వేపల్లి నియోజకవర్గం లోని ప్రతి పేద కుటుంబానికి ఉచితంగా బియ్యాన్ని అందజేశారు. సర్వేపల్లి రైతన్న కానుక కు రైతులతో పాటు కాకాణి కుమార్తెలు పూజితా రెడ్డి,సుచిత్రా రెడ్డి లు తమ వంతుగా 14 పుట్ల ధాన్యాన్ని విరాళంగా ఇచ్చారు. నియోజకవర్గంలోని లక్ష కుటుంబాలకు కాకాణి బియ్యంతో పాటు వంట నూనె ప్యాకెట్ లను అందజేశారు.  కరోనా తీవ్రంగా ఉన్న రెడ్ జోన్ల లోనూ కాకాణి పర్యటించి, అక్కడి పేదలకు నిత్యావసర సరుకులు, కూరగాయల తో పాటు బియ్యాన్ని అందజేయడం గమనార్హం. కరోనా కష్టకాలంలో ఆయన నియోజకవర్గంలో చేసిన సేవలు చిరస్మరణీయం.ఈ సేవలతో ఆయన నియోజకవర్గ ప్రజల గుండెల్లో చిరస్థాయిగా నిలిచిపోయారు. అలాగే  ఆయన సేవలు భారతదేశ చరిత్రలో నిలిచి పోయాయి. కరోనా కష్ట సమయంలో కాకాణి చేపట్టిన సేవలను జాతీయ ఆంగ్ల దినపత్రికలు కొనియాడడం విశేషం.

 కోవిడ్ సన్నద్ధతపై ప్రధాని మోదీ కీలక సమీక్ష

న్యూఢిల్లీ: దేశంలో మరోసారి కోవిడ్-19 (Covid) కేసులు పెరుగుతుండటంతో ప్రధానమంత్రి నరేంద్ర మోదీ (Narendra Modi) అధ్యక్షతన బుధవారం నాడు అత్యున్నత స్థాయి సమావేశం జరిగింది..

కోవిడ్ పరిస్థితి, ప్రజారోగ్య సన్నద్ధతపై ఈ సమావేశంలో మోదీ సమీక్షించారు. కేంద్ర హోం మంత్రి అమిత్‌షా, హోం శాఖ కార్యదర్శి అజయ్ భల్లా, కేంద్ర పౌరవిమానయాన శాఖ మంత్రి జ్యోతిరాదిత్య సింధియా, ఆరోగ్య శాఖ మంత్రి మన్షుక్ మాండవీయ, ఆరోగ్య శాఖ కార్యదర్శి రాజేష్ భూషణ్, ఆరోగ్య, కుటుంబ సంక్షేమ శాఖ సహాయ మంత్రి భారతి పవార్, పీఎంఓ కార్యాలయం అధికారులు ఈ సమావేశంలో పాల్గొన్నారు.
కాగా, పలు రాష్ట్రాల్లో కోవిడ్ కేసుల్లో పెరుగుదల కనిపిస్తోంది. బుధవారం ఒక్క రోజు 1,134 కేసులు నమోదైనట్టు కేంద్ర ఆరోగ్య శాఖ వెల్లడించింది. దీంతో యాక్టివ్ కేసుల సంఖ్య 7,000కు చేరుకుంది. మృతుల రేటు 1.19 శాతంగా నమోదైంది..

6 రాష్ట్రలకు అడ్వయిజరీ...

కోవిడ్ కేసుల్లో పెరుగుదల కనిపించడంతో హోం శాఖ గతవారంలో ఆరు రాష్ట్రాలకు అడ్వయిజరీలు జారీ చేసింది. ఇందులో మహారాష్ట్ర, గుజరాత్, తెలంగాణ, తమిళనాడు, కేరళ, కర్ణాటక ఉన్నాయి. స్థానికంగా కరోనా వ్యాప్తి వల్ల కేసులు పెరగే అవకాశాలున్నాయని, రిస్క్ అంచనా వేసి, నిరోధక చర్యలు తీసుకోవాలని ఆరోగ్య శాఖ కార్యదర్శి రాజేష్ భూషణ్ రాష్ట్రాలకు రాసిన లేఖలో సూచించారు. కరోనా లక్షణాలపై నిఘా ఉంచడం, వేగంగా విస్తరించే ఏరియాలను గుర్తించి ముందస్తు చర్చలు తీసుకోవాలని తెలిపారు.

 COVID-19: దేశంలో పెరిగిన కరోనా కేసులు..

COVID-19: దేశంలో కరోనా కేసుల సంఖ్య నెమ్మదిగా పెరుగుతోంది. కొన్నాళ్ల వరకు 1000కి లోపే ఉన్న కేసుల సంఖ్య ప్రస్తుతం వెయ్యిని దాటి నమోదు అవుతున్నాయి..

తాజాగా కేంద్ర ఆరోగ్య మంత్రిత్వ శాఖ గణాంకాల ప్రకారం దేశంలో 1,134 కొత్త కరోనా కేసులు నమోదు అయ్యాయి. ప్రస్తుతం దేశంలో యాక్టివ్ కేసుల సంఖ్య 7,026కు పెరిగాయి. గడిచిన 24 గంటల్లో చత్తీస్ గఢ్, ఢిల్లీ, గుజరాత్, మహారాష్ట్ర, కేరళలో ఒక్కొక్కరు చొప్పున ఐదుగురు మరణించారు..

 ఘనంగా శాలివాహన చక్రవర్తి జయంతి వేడుకలు

పల్నాడు జిల్లా గురజాల నియోజకవర్గం పిడుగురాళ్ల పట్టణ శ్రీ వెంకటేశ్వర సాయి శాలివాహన కుమ్మర్ల సంఘం అధ్యక్షులు నడికుడి వెంకటేశ్వరరావు,ప్రధాన కార్యదర్శి రాజవరపు రాఘవేంద్రరావు,కోశాధికారి శాత్రాసుపల్లి శ్రీనివాసరావు మరియు కమిటీ సభ్యులు పెద్దల ఆధ్వర్యంలో ఈ రోజు ప్రథమాంద్ర పాలకుడు శాలివాహన శఖ పురుషుడు శాలివాహన చక్రవర్తి జయంతి సందర్భంగా పిడుగురాళ్ల పట్టణం మన్నెం పుల్లారెడ్డి హై స్కూల్ ఎదురుగా ప్రధాన రహదారిపై ఉన్న శాలివాహన చక్రవర్తి విగ్రహానికి పూలమాలలు వేసి ఘనంగా నివాళులర్పించడం జరిగింది.ఈ సందర్భంగా పట్టణ అధ్యక్షులు నడికుడి వెంకటేశ్వరరావు,ప్రధాన కార్యదర్శి రాజవరపు రాఘవేంద్రరావు,కోశాధికారి శాత్రాసుపల్లి శ్రీనివాసరావు మరియు కుమ్మర శాలివాహన సంఘం కమిటీ సభ్యులు,నాయకులు మాట్లాడుతూ ప్రథమాంద్ర పాలకుడు శాలివాహన శఖ పురుషుడు శాలివాహన చక్రవర్తి జయంతి అలాగే ఉగాది పండగ ఒకేరోజు రావడం ఎంతో సంతోషంగా ఉందని.రాష్ట్రంలో ఉన్న అన్ని నియోజకవర్గాల్లో మండలాల్లో గ్రామాల్లో ఉన్న కుమ్మర శాలివాహన కుటుంబ సభ్యులందరికి కూడా ఈ ఉగాది శోభకృతు నామ సంవత్సర పర్వదినమున అంతా మంచి జరగాలని.పట్టణంలో కుమ్మర శాలివాహన సోదరులందరూ ఎంతో అన్యోన్యంగా,ఐకమత్యంతో ఏ కార్యక్రమం చేసిన ఘనంగా నిర్వహించుకోవడం జరుగుతుందని.అందులో భాగంగా పట్టణ ప్రధాన రహదారిపై శాలివాహన చక్రవర్తి విగ్రహన్ని ప్రతిష్టించడం జరిగిందని.రానున్న రోజుల్లో ఇప్పుడున్న ప్రభుత్వం మా కులానికి కమ్యూనిటీ హల్ కు 20 సెంట్లు స్థలాన్ని ఇస్తామని హమీ ఇవ్వడం జరిగిందని.అ స్థలం ఇవ్వడమే కాకుండా దాని కట్టుబడి నిమిత్తం 10 లక్షల రూపాయలు మా సంఘానికి అందిస్తామని చెప్పడం జరిగిందని.ఈ విషయంపై త్వరలో ఎమ్మెల్యే కాసు మహేష్ రెడ్డి ని కలిసి ఆ నిధులు మంజూరు చెయ్యాలని కొరతమని.దాని భూమి పూజ కార్యక్రమం కూడా త్వరలో నిర్వహించే విధంగా మా సంఘ నాయకులు అందరూ కలిసి కృషి చేస్తామని తెలిపారు.తదనంతరం పాదాచారులకు పులిహార,బజ్జి,మజ్జిగ ప్యాకెట్లు పంపిణీ కార్యక్రమం చేయడం జరిగింది.ఈ కార్యక్రమంలో పట్టణ కుమ్మర శాలివాహన సంఘం కమిటీ సభ్యులు,నాయకులు,పెద్దలు తదితరులు పాల్గొన్నారు