Ravikiranalu TV

 COVID-19: దేశంలో పెరిగిన కరోనా కేసులు..

COVID-19: దేశంలో కరోనా కేసుల సంఖ్య నెమ్మదిగా పెరుగుతోంది. కొన్నాళ్ల వరకు 1000కి లోపే ఉన్న కేసుల సంఖ్య ప్రస్తుతం వెయ్యిని దాటి నమోదు అవుతున్నాయి..

తాజాగా కేంద్ర ఆరోగ్య మంత్రిత్వ శాఖ గణాంకాల ప్రకారం దేశంలో 1,134 కొత్త కరోనా కేసులు నమోదు అయ్యాయి. ప్రస్తుతం దేశంలో యాక్టివ్ కేసుల సంఖ్య 7,026కు పెరిగాయి. గడిచిన 24 గంటల్లో చత్తీస్ గఢ్, ఢిల్లీ, గుజరాత్, మహారాష్ట్ర, కేరళలో ఒక్కొక్కరు చొప్పున ఐదుగురు మరణించారు..

 ఘనంగా శాలివాహన చక్రవర్తి జయంతి వేడుకలు

పల్నాడు జిల్లా గురజాల నియోజకవర్గం పిడుగురాళ్ల పట్టణ శ్రీ వెంకటేశ్వర సాయి శాలివాహన కుమ్మర్ల సంఘం అధ్యక్షులు నడికుడి వెంకటేశ్వరరావు,ప్రధాన కార్యదర్శి రాజవరపు రాఘవేంద్రరావు,కోశాధికారి శాత్రాసుపల్లి శ్రీనివాసరావు మరియు కమిటీ సభ్యులు పెద్దల ఆధ్వర్యంలో ఈ రోజు ప్రథమాంద్ర పాలకుడు శాలివాహన శఖ పురుషుడు శాలివాహన చక్రవర్తి జయంతి సందర్భంగా పిడుగురాళ్ల పట్టణం మన్నెం పుల్లారెడ్డి హై స్కూల్ ఎదురుగా ప్రధాన రహదారిపై ఉన్న శాలివాహన చక్రవర్తి విగ్రహానికి పూలమాలలు వేసి ఘనంగా నివాళులర్పించడం జరిగింది.ఈ సందర్భంగా పట్టణ అధ్యక్షులు నడికుడి వెంకటేశ్వరరావు,ప్రధాన కార్యదర్శి రాజవరపు రాఘవేంద్రరావు,కోశాధికారి శాత్రాసుపల్లి శ్రీనివాసరావు మరియు కుమ్మర శాలివాహన సంఘం కమిటీ సభ్యులు,నాయకులు మాట్లాడుతూ ప్రథమాంద్ర పాలకుడు శాలివాహన శఖ పురుషుడు శాలివాహన చక్రవర్తి జయంతి అలాగే ఉగాది పండగ ఒకేరోజు రావడం ఎంతో సంతోషంగా ఉందని.రాష్ట్రంలో ఉన్న అన్ని నియోజకవర్గాల్లో మండలాల్లో గ్రామాల్లో ఉన్న కుమ్మర శాలివాహన కుటుంబ సభ్యులందరికి కూడా ఈ ఉగాది శోభకృతు నామ సంవత్సర పర్వదినమున అంతా మంచి జరగాలని.పట్టణంలో కుమ్మర శాలివాహన సోదరులందరూ ఎంతో అన్యోన్యంగా,ఐకమత్యంతో ఏ కార్యక్రమం చేసిన ఘనంగా నిర్వహించుకోవడం జరుగుతుందని.అందులో భాగంగా పట్టణ ప్రధాన రహదారిపై శాలివాహన చక్రవర్తి విగ్రహన్ని ప్రతిష్టించడం జరిగిందని.రానున్న రోజుల్లో ఇప్పుడున్న ప్రభుత్వం మా కులానికి కమ్యూనిటీ హల్ కు 20 సెంట్లు స్థలాన్ని ఇస్తామని హమీ ఇవ్వడం జరిగిందని.అ స్థలం ఇవ్వడమే కాకుండా దాని కట్టుబడి నిమిత్తం 10 లక్షల రూపాయలు మా సంఘానికి అందిస్తామని చెప్పడం జరిగిందని.ఈ విషయంపై త్వరలో ఎమ్మెల్యే కాసు మహేష్ రెడ్డి ని కలిసి ఆ నిధులు మంజూరు చెయ్యాలని కొరతమని.దాని భూమి పూజ కార్యక్రమం కూడా త్వరలో నిర్వహించే విధంగా మా సంఘ నాయకులు అందరూ కలిసి కృషి చేస్తామని తెలిపారు.తదనంతరం పాదాచారులకు పులిహార,బజ్జి,మజ్జిగ ప్యాకెట్లు పంపిణీ కార్యక్రమం చేయడం జరిగింది.ఈ కార్యక్రమంలో పట్టణ కుమ్మర శాలివాహన సంఘం కమిటీ సభ్యులు,నాయకులు,పెద్దలు తదితరులు పాల్గొన్నారు

 నెల్లూరు కలెక్టరేట్లోని తిక్కన ప్రాంగణంలో  శోభకృత్ నామ సంవత్సర ఉగాది వేడుకలను జ్యోతి ప్రజ్వలనతో ప్రారంభించిన జిల్లా కలెక్టర్ శ్రీ కెవిఎన్ చక్రధర్ బాబు, జడ్పీచైర్మన్ శ్రీమతి ఆనం అరుణమ్మ, మేయర్ శ్రీమతి స్రవంతి, పాల్గొన్న జిల్లా స్థాయి అధికారులు, కవులు, కళాకారులు  శోభకృత్ నామ సంవత్సరములో అన్ని శుభాలేనని, అన్నిరంగాల్లోనూ జిల్లా అభివృద్ధిపథంలో పయనిస్తోందని పంచాంగ శ్రవణాన్ని వినిపించిన ప్రముఖ పంచాంగకర్త ఆలూరు శిరోమణి శర్మ ఆకట్టుకున్న చిన్నారుల నృత్య ప్రదర్శనలు, మన సంస్కృతి సంప్రదాయాలకి ప్రతీకగా కన్నులపండువగా ఉగాది వేడుకలు
జిల్లా సమాచార పౌర సంబంధాల అధికారి, నెల్లూరు.

 శ్రీసిటీని సందర్శించిన సింగపూర్ కాన్సుల్ జనరల్

రవి కిరణాలు న్యూస్ తడ శ్రీసిటీ, మార్చి 21, 2023:

చెన్నైలోని సింగపూర్ కాన్సుల్ జనరల్ ఎడ్గార్ పాంగ్ మంగళవారం శ్రీసిటీని సందర్శించారు. స్థానిక బిజినెస్ సెంటర్‌ వద్ద శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి ఆయనకు సాదర స్వాగతం పలికి, పారిశ్రామికవాడ మౌళిక సదుపాయాలు, సుస్థిరత, హరిత హిత చర్యలు, ప్రగతి, ప్రత్యేకతల గురించి వివరించారు.

ఈ పర్యటనపై డాక్టర్ రవీంద్ర సన్నారెడ్డి వ్యాఖ్యానిస్తూ, ఆగ్నేయాసియా దేశాల సంఘం (ఆసియాన్)లో భారతదేశానికి అతిపెద్ద వాణిజ్య మరియు పెట్టుబడి భాగస్వామిగా సింగపూర్ ఎదుగుతున్న నేపథ్యంలో కాన్సుల్ జనరల్ పర్యటన ప్రాముఖ్యతను సంతరించుకుందన్నారు. సింగపూర్ నుండి శ్రీసిటీకి మరిన్ని పెట్టుబడులకు ఈ పర్యటన మార్గం సుగమం చేస్తుందని విశ్వాసాన్ని వ్యక్తం చేశారు.

శ్రీసిటీలో ప్రపంచ స్థాయి మౌళిక సదుపాయాలు, పెట్టుబడిదారుల స్నేహపూర్వక వాతావరణం పట్ల సంతృప్తి వ్యక్తం చేసిన ఎడ్గార్ పాంగ్, మరింత అభివృద్ధి చెందడానికి అవకాశమున్న అద్భుతమైన ప్రాజెక్ట్ శ్రీసిటీ అంటూ ప్రశంసించారు. శ్రీసిటీలో కొన్ని సింగపూర్ కంపెనీలు ఉండటంపై సంతోషం వ్యక్తం చేసిన ఆయన, భారత్‌లో పెట్టుబడులు పెట్టేందుకు ఆసక్తి ఉన్న సింగపూర్ కంపెనీలకు శ్రీసిటీ వ్యాపార సామర్థ్యాన్ని తెలిచేయనున్నట్లు పేర్కొన్నారు.

శ్రీసిటీ అధికారులతో చర్చల సందర్భంగా, కాన్సుల్ జనరల్ పలు అంశాలపై ప్రశ్నలడిగి విషయాలు తెలుసుకున్నారు. వివిధ రంగాలలో అందుబాటులో ఉన్న పెట్టుబడి అవకాశాలు, రాష్ట్ర కేంద్ర ప్రభుత్వాల ఆర్థిక ప్రోత్సాహకాలు, శ్రీసిటీలో వ్యాపారం చేయడం వల్ల కలిగే నిర్దిష్ట ప్రయోజనాలపై ఆయన ప్రత్యేక దృష్టి సారించారు.

ఎంటర్‌ప్రైజ్ సింగపూర్ ప్రాంతీయ డైరెక్టర్ శబరీష్ నాయర్‌తో సహా అధికారుల బృందంతో కాన్సుల్ జనరల్ పర్యటనకు విచ్చేశారు. పర్యటనలో భాగంగా శ్రీసిటీ పరిసరాలు వీక్షించడంతో పాటు ప్యాకేజింగ్ మెటీరియల్‌ను తయారు చేసే సింగపూర్‌కు చెందిన వైటల్ పేపర్‌ పరిశ్రమను సందర్శించారు.

 నియోజకవర్గ ప్రజలకు ఉగాది శుభాకాంక్షలు : ఆత్మకూరు ఎమ్మెల్యే మేకపాటి విక్రమ్ రెడ్డి

ఆత్మకూరు నియోజకవర్గ ప్రజలకు నియోజకవర్గ శాసనసభ్యులు మేకపాటి విక్రమ్ రెడ్డి శోభకృత్ నామ ఉగాది సంవత్సర శుభాకాంక్షలు తెలియచేశారు. ఈ సందర్భంగా ఆయన మాట్లాడుతూ  ఉగాది పండుగ అంటేనే షడ్రుచుల సమ్మేళనం అని అన్నారు. చిరు వేపపూత, మామడి కాత, పులుపులో పులకింతతో పాటు ఆరు రుచలతో ఆనందంగా ఆరంభించే ఈ తెలుగు నూతన సంవత్సరాన్ని అందరూ ఆనందంగా జరుపుకోవాలని ఆకాంక్షించారు.

ఉప్పులో ఉండే గుణం మన జీవితంలో ఉత్సాహానికి, వేపపూతలోని చేదు మన జీవితంలో బాధ కలిగించే అనుభవాల గురించి చింతలోని పులుపు మనం నేర్పుగా వ్యవహరించాల్సిన పరిస్థితులను, మామిడి ముక్కలలోని వగరు వంటి రుచులు కొత్త సవాళ్ల గురించి క చివరగా కారం మనల్ని సహనం కోల్పోయేటట్లు చేసే పరిస్థితులను గుర్తు చేస్తుందన్నారు.

ప్రతి ఒక్కరూ ఆనందాల ఈ తెలుగు నూతన సంవత్సరాదిని ఆనందంగా జరుపుకోవాలని ఆయన అందరికి ఉగాది శుభాకాంక్షలు తెలియచేశారు.

 చెరువులా తలపిస్తున్న సూళ్లూరుపేట

చిన్నపాటి వర్షానికి పట్టణ రోడ్లు జలమయం.

వాహనదారులకు తప్పని తిప్పలు.


తిరుపతి జిల్లా, రవికిరణాలు మార్చి 20,:-

సూళ్లూరుపేట పట్టణం లో సోమవారం మధ్యాహ్నం గంట పాటు ఈదురుగాలుల తో కురిసిన బారి వర్షం కారణముగా రోడ్లన్నీ జలమయం గా మారాయి, గాండ్ల వీధి, సాయినగర్ సెంటర్,హోలీ క్రాస్ సెంటర్ తో పాటు వినాయకుని గుడి సెంటర్లో ,మార్కెట్ సెంటర్లోనూ
రోడ్లన్నీ వర్షపు నీటితో నిండిపోవడం తో వాహనదారులు తీవ్ర ఇబ్బందులు ఎదుర్కొన్నారు. డ్రైనేజీ కాలువలు సరిగా లేనందువలన వర్షపు నీరు డ్రైనేజీ రోడ్లన్నీ జలమయమయ్యాయి.అదేవిధంగా  షార్ రోడ్డు, వై జంక్షన్ నుంచి కోర్టు  బిల్డింగ్ ముందు ఆవరణం మీదుగా కె అర్ పి కాలనీ వరకు  రోడ్డుపై విపరీతమైన నీటి ప్రవాహం సంభవిస్తుంది. దీనికి కారణం సూళ్లూరుపేట పట్టణంలో డ్రైనేజీ వ్యవస్థ సరిగా లేకపోవడం అని పట్టణ పుర ప్రజలు అసహనం వ్యక్తం చేస్తున్నారు. వర్షం కురిసే           ఆసమయం లో పాదాచారులకు, వాహనాలకు విపరీతమైన అసౌకర్యం ఏర్పడుతుంది. ఇకనైనా ప్రజాప్రతినిధులు, పురపాలక సంఘం అధికారులు స్పందించి సూళ్లూరుపేట పట్టణంలో డ్రైనేజీ వ్యవస్థను నిర్మించాలని పురప్రజలు కోరుకొంటున్నారు.