Ravikiranalu TV

మహిళలకి 33 శాతం రిజర్వేషన్లు ఇవ్వాల్సిందే..

వాడవాడలా మహిళా దినోత్సవ వేడుకలు ఘనంగా జరుగుతున్నాయి. చట్టసభల్లో, అన్నిచోట్ల మహిళలకి 33 శాతం రిజర్వేషన్లు ఇవ్వాల్సిందే అన్నారు జనసేన అధినేత పవన్ కళ్యాణ్..

చట్టసభల్లో మహిళలకు 33 శాతం రిజర్వేషన్ కల్పించాలి. మహిళా రిజర్వేషన్ల అంశాన్ని మా పార్టీ ఎన్నికల ప్రణాళికలో పొందుపరిచింది. మహిళల రిజర్వేషన్లు సాధించే విషయంలో నా రాజకీయ ప్రయత్నం చిత్తశుద్ధితో కొనసాగుతుంది.
స్త్రీ సంపూర్ణ సాధికారిత సాధించడానికి, వారు స్వేచ్ఛగా జీవించడానికి మన సమాజం, ప్రభుత్వాలు ప్రత్యేక దృష్టి సారించాల్సి ఉంది. మహిళలపై అఘాయిత్యాలు జరగని సమాజం ఆవిష్కృతం కావడానికి పకడ్బందీ చర్యలు చేపట్టాలని పవన్ కళ్యాణ్ డిమాండ్ చేశారు. మహిళా దినోత్సవం వేళ మహిళా మణులందరికీ ఆయన శుభాకాంక్షలు తెలిపారు.
సృష్టిలో సగభాగం మహిళ, ప్రతీ మనిషి జీవితంలో కీలకపాత్ర పోషించే ఆడపడుచులందరికీ అంతర్జాతీయ మహిళా దినోత్సవం సందర్భంగా శుభాకాంక్షలు తెలియజేస్తూ, సంపూర్ణ స్త్రీ సాధికారత సాధించాలని ఆకాంక్షిస్తున్నాం అని ట్వీట్ చేశారు పవన్.

బిజెపి ఎమ్మెల్సీ అభ్యర్థి సన్నారెడ్డి దయాకర్ రెడ్డిని గెలిపించండి ...

రవికిరణాల న్యూస్... తిరుపతి జిల్లా... దొరవారి సత్రం మండలం...
 

భారతీయ జనతా పార్టీ ఎమ్మెల్సీ అభ్యర్థి సన్నారెడ్డి దయాకర్ రెడ్డిని తిరుపతి జిల్లా బిజెపి కార్యదర్శి ఆశ  చెంచుకృష్ణయ్య  కోరారు. మంగళవారం దొరవారిసత్రం మండలంలో  స్థానిక బిజెపి నాయకులతో కలిసి  ప్రచారం నిర్వహించారు.మండలంలోని ఏకోల్లు,పూలతోట,కల్లూరు, కొత్తపల్లి సచివాలయాలకు వెళ్ళి అధికారులను మొదటి ప్రాదాన్యత ఓటు బిజెపిఅభ్యర్థి సన్నారెడ్డి దయాకర్ రెడ్డికి వేసి గెలిపించాలని  అభ్యర్థించారు. వడ్డికండ్రిగ,కొత్తపల్లి గ్రామలలో ప్రచారం నిర్వహించి సన్నారెడ్డి దయాకర్ రెడ్డి కు మొదటి ప్రధాన్యత ఓటు వెయ్యాలని కోరారు.ఆయన వెంట దొరవారిసత్రం మండల బిజెపి సీనియర్ నాయకులు ఓరింగం ఈశ్వరయ్య,మండల అధ్యక్షుడు చింతకాని వెంకటరమణయ్య నాయుడు,జిల్లా ఓబిసి మోర్చా కార్యదర్శి వల్లిపి.విద్యాసాగర్,జిల్లా బిజెవైమ్ కార్యదర్శి నరేష్,మండల బిజెపి ప్రధాన కార్యదర్శి వేలూరు చంద్రశేఖర్ తదితరులు పాల్గొన్నారు.

 చెంగాళ్ళమ్మ ఆలయంలో చండీయాగం.

సూళ్లూరుపేట, ఫిబ్రవరి 07, (రవి కిరణాలు):-

  కాళ్ళంగి నది ఒడ్డున వెలసి ఉన్న తెలుగు,తమిళ ఆరాధ్య దైవం శ్రీ చెంగాళమ్మ పరమేశ్వరి దేవస్థానము నందు మంగళవారం పౌర్ణమి సందర్భంగా ఆలయంలో చండీయాగం నిర్వహించారు. ఈ చండీయాగం ఆలయ కార్యనిర్వాహణాధికారి ఆళ్ళ శ్రీనివాస రెడ్డి  పర్యవేక్షణలో నిర్వహించారు. ఉభయకర్తలుగా చెన్నైకి చెందిన  పెళ్ళూరు శ్రీనివాసులు రెడ్డి, ప్రసన్నశ్రీ  దంపతులు  వ్యవహరించారు.ఈ కార్యక్రమములో ధర్మకర్తల మండలి సభ్యులు ముప్పాళ్ల  చంద్ర శేఖర్ రెడ్డి  పాల్గొన్నారు.

దొరవారిసత్రం మండలంలో బిజెపి ఎమ్మెల్సీ ఎన్నికలు ప్రచారం.

 మండల నాయకులతో కలిసి ప్రచారం నిర్వహించిన బిజెపి జిల్లా కార్యదర్శి అడ్వకేట్ ఆశ చెంచుకృష్ణయ్య.

రవి కిరణాలు న్యూస్...
 తిరుపతి జిల్లా.. దొరవారి సత్రం:- భారతీయ జనతా పార్టీ ఎమ్మెల్సీ అభ్యర్థి సన్నారెడ్డి దయాకర్ రెడ్డి మద్దతుగా దొరవారిసత్రం మండలంలో భారతీయ జనతా పార్టీ తిరుపతి జిల్లా కార్యదర్శి అడ్వకేట్ ఆశ చెంచుకృష్ణయ్య మండల‌ బిజెపి నాయకులతో కలిసి ప్రచారం నిర్వహించారు. మండలంలోని ఏకోల్లు,పూలతోట,కల్లూరు, కొత్తపల్లి సచివాలయాలకు వెళ్ళి అధికారులను మొదటి ప్రాదాన్యత ఓటు వెయ్యాలి అని అభ్యర్థించారు. తరువాత గ్రాడ్యుయేట్ ఓటర్లను వడ్డికండ్రిగ,కొత్తపల్లి గ్రామలలో స్వయంగా కలిసి బ్యాలెట్ నమూనా 3 వ సంఖ్య లో సన్నారెడ్డి దయాకర్ రెడ్డి కు మొదటి ప్రధాన్యత ఓటు వెయ్యాలని కోరారు. ఆయన వెంట దొరవారిసత్రం మండల బిజెపి సీనియర్ నాయకులు ఓరింగం ఈశ్వరయ్య, మండల అధ్యక్షుడు చింతకాని వెంకటరమణయ్య నాయుడు, జిల్లా ఓబిసి మోర్చా కార్యదర్శి వల్లిపి.విద్యాసాగర్, జిల్లా బిజెవైమ్ కార్యదర్శి నరేష్, మండల బిజెపి ప్రధాన కార్యదర్శి వేలూరు చంద్రశేఖర్ తదితరులు పాల్గొన్నారు.

 అమ్మణ్ణి భక్తులతో సమావేశం.
తిరునాళ్ళు వైభవముగా చేస్తాం.

అందరు చేయి చేయి కలపండి
ఎమ్మెల్యే కిలివేటి భక్తులకు విజ్ఞప్తి.

తిరుపతి జిల్లా సూళ్లూరుపేట ఫిబ్రవరి 06.(రవి కిరణాలు):-

సూళ్లూరుపేట లో వెలసి ఉన్న శ్రీ చెంగాళమ్మ పరమేశ్వరి ఆలయం తిరునాళ్ళు అంగరంగ వైభవముగా నిర్వహించడం కోసం సోమవారం ఆలయ ఆవరణం లో సమావేశం నిర్వహించారు, ఆలయ చైర్మన్ దువ్వూరు బాలచంద్ర రెడ్డి అధ్యక్షతన జరిగిన ఈ
సమావేశం లో ఎమ్మెల్యే కిలివేటి సంజీవయ్య పాల్గొన్నారు, ముందుగా అమ్మణ్ణి తిరునాళ్ళు
వైభవముగా నిర్వహించడం కోసం పట్టణ వాసులు భక్తులు నుండి సూచనలు సలహాలు తీసుకున్నారు, ఈ సందర్భముగా ఎమ్మెల్యే సంజీవయ్య మాట్లాడుతూ భక్తుల భాగస్వామ్యం తో
అమ్మణ్ణి తిరునాళ్ళు అంగరంగ వైభవముగా నిర్వహించడానికి అందరు సహకరించాలని
ఆయన కోరారు .

ఎమ్మెల్సీ ఎన్నికల సందర్భంగా అధికారులతో సమీక్ష సమావేశం నిర్వహించిన సూళ్లూరుపేట ఆర్డీవో

తిరుపతి జిల్లా సూళ్లూరుపేట ఫిబ్రవరి 06. (రవి కిరణాలు):-

 ప్రకాశం - నెల్లూరు-చిత్తూరు పట్టభద్రుల నియోజకవర్గము మరియు ఉపాధ్యాయ నియోజక వర్గము నందు తేదీ:13.03.2023 న జరగబోవు ఎన్నికల కు సంబంధించి  రెవెన్యు డివిజినల్ అధికారి  ఎంపీడీవో కార్యాలయం నందు వున్న  మీటింగ్ హాల్  నందు ఆరు మండలాల తహసిల్దార్లు , పోలీసు, మునిసిపల్ కమిషనర్లు, ఎంపీడీవో, సెక్టార్ అధికారులు, రూట్ అధికారులు తో సోమవారం సమావేశము నిర్వహించారు . సెక్టార్, రూట్ అధికారులు వారు తనిఖి చేసిన పోలింగ్ కేంద్రములలో  మౌలిక వసతులు, రాంపు, ఇతర వివరములు  అడిగి తెలుసుకున్నారు. ఎన్నికల ప్రత్యేక అధికారి గా సూళ్ళురుపేట లో నియమిచిన చంద్ర మౌళి డి.డి.సోషల్ వెల్ ఫేర్  మాట్లాడుతూ ప్రస్తుతం జరుగుతున్న ఎమ్మెల్సీ వోట్లు లో ప్రాధాన్యత క్రమము లో వేయాలని, తప్పుగా వేసిన ఓట్లు చల్లనవిగా పరిగణిస్తారని తెలియజేసారు.

 శ్రీకాళహస్తీశ్వర దేవస్థానం నిత్యాన్నదానంకు రూ. 50016/-  విరాళం

 తిరుపతి జిల్లా,శ్రీకాళహస్తి మార్చి 06:- (రవి కిరణాలు):-

శ్రీకాళహస్తీశ్వర దేవస్థానం నందు నిత్యాన్నదాన పథకముకు  సూళ్లూరుపేట కు చెందిన కె.రఘురామయ్య  కుటుంబ సభ్యులతో కలిసి రూ.50,016/- (యాభై వేల పదహారు రూపాయలు) నగదును విరాళంగా శ్రీకాళహస్తీశ్వర స్వామి దేవస్థానం ఆలయ చైర్మన్ అంజూరు తారక శ్రీనివాసరావు  అందజేశారు. వారికి ఆలయ ఛైర్మన్  ప్రత్యేక దర్శనం ఏర్పాట్లు చేయించి స్వామి-అమ్మవార్ల శేష వస్త్రాలతో సత్కరించి తీర్థ ప్రసాదాలు అందజేశారు.ఈ కార్యక్రమంలో ఆలయ అధికారులు అసిస్టెంట్ కమిషనర్ మల్లికార్జున ప్రసాద్, ఏపిఆర్ఓ సుధాకర్ విరాళం కౌంటర్ అధికారులు దేవస్థానం  ఆలయ అధికారులు తదితరులు పాల్గొన్నారు.