Ravikiranalu TV

 అమ్మణ్ణి భక్తులతో సమావేశం.
తిరునాళ్ళు వైభవముగా చేస్తాం.

అందరు చేయి చేయి కలపండి
ఎమ్మెల్యే కిలివేటి భక్తులకు విజ్ఞప్తి.

తిరుపతి జిల్లా సూళ్లూరుపేట ఫిబ్రవరి 06.(రవి కిరణాలు):-

సూళ్లూరుపేట లో వెలసి ఉన్న శ్రీ చెంగాళమ్మ పరమేశ్వరి ఆలయం తిరునాళ్ళు అంగరంగ వైభవముగా నిర్వహించడం కోసం సోమవారం ఆలయ ఆవరణం లో సమావేశం నిర్వహించారు, ఆలయ చైర్మన్ దువ్వూరు బాలచంద్ర రెడ్డి అధ్యక్షతన జరిగిన ఈ
సమావేశం లో ఎమ్మెల్యే కిలివేటి సంజీవయ్య పాల్గొన్నారు, ముందుగా అమ్మణ్ణి తిరునాళ్ళు
వైభవముగా నిర్వహించడం కోసం పట్టణ వాసులు భక్తులు నుండి సూచనలు సలహాలు తీసుకున్నారు, ఈ సందర్భముగా ఎమ్మెల్యే సంజీవయ్య మాట్లాడుతూ భక్తుల భాగస్వామ్యం తో
అమ్మణ్ణి తిరునాళ్ళు అంగరంగ వైభవముగా నిర్వహించడానికి అందరు సహకరించాలని
ఆయన కోరారు .

ఎమ్మెల్సీ ఎన్నికల సందర్భంగా అధికారులతో సమీక్ష సమావేశం నిర్వహించిన సూళ్లూరుపేట ఆర్డీవో

తిరుపతి జిల్లా సూళ్లూరుపేట ఫిబ్రవరి 06. (రవి కిరణాలు):-

 ప్రకాశం - నెల్లూరు-చిత్తూరు పట్టభద్రుల నియోజకవర్గము మరియు ఉపాధ్యాయ నియోజక వర్గము నందు తేదీ:13.03.2023 న జరగబోవు ఎన్నికల కు సంబంధించి  రెవెన్యు డివిజినల్ అధికారి  ఎంపీడీవో కార్యాలయం నందు వున్న  మీటింగ్ హాల్  నందు ఆరు మండలాల తహసిల్దార్లు , పోలీసు, మునిసిపల్ కమిషనర్లు, ఎంపీడీవో, సెక్టార్ అధికారులు, రూట్ అధికారులు తో సోమవారం సమావేశము నిర్వహించారు . సెక్టార్, రూట్ అధికారులు వారు తనిఖి చేసిన పోలింగ్ కేంద్రములలో  మౌలిక వసతులు, రాంపు, ఇతర వివరములు  అడిగి తెలుసుకున్నారు. ఎన్నికల ప్రత్యేక అధికారి గా సూళ్ళురుపేట లో నియమిచిన చంద్ర మౌళి డి.డి.సోషల్ వెల్ ఫేర్  మాట్లాడుతూ ప్రస్తుతం జరుగుతున్న ఎమ్మెల్సీ వోట్లు లో ప్రాధాన్యత క్రమము లో వేయాలని, తప్పుగా వేసిన ఓట్లు చల్లనవిగా పరిగణిస్తారని తెలియజేసారు.

 శ్రీకాళహస్తీశ్వర దేవస్థానం నిత్యాన్నదానంకు రూ. 50016/-  విరాళం

 తిరుపతి జిల్లా,శ్రీకాళహస్తి మార్చి 06:- (రవి కిరణాలు):-

శ్రీకాళహస్తీశ్వర దేవస్థానం నందు నిత్యాన్నదాన పథకముకు  సూళ్లూరుపేట కు చెందిన కె.రఘురామయ్య  కుటుంబ సభ్యులతో కలిసి రూ.50,016/- (యాభై వేల పదహారు రూపాయలు) నగదును విరాళంగా శ్రీకాళహస్తీశ్వర స్వామి దేవస్థానం ఆలయ చైర్మన్ అంజూరు తారక శ్రీనివాసరావు  అందజేశారు. వారికి ఆలయ ఛైర్మన్  ప్రత్యేక దర్శనం ఏర్పాట్లు చేయించి స్వామి-అమ్మవార్ల శేష వస్త్రాలతో సత్కరించి తీర్థ ప్రసాదాలు అందజేశారు.ఈ కార్యక్రమంలో ఆలయ అధికారులు అసిస్టెంట్ కమిషనర్ మల్లికార్జున ప్రసాద్, ఏపిఆర్ఓ సుధాకర్ విరాళం కౌంటర్ అధికారులు దేవస్థానం  ఆలయ అధికారులు తదితరులు పాల్గొన్నారు.

టిడిపి బలపరిచిన ఎమ్మెల్సీ అభ్యర్థి కంచర్ల శ్రీకాంత్ ను అత్యధిక మెజారిటీతో గెలిపించండి :- నెలవల

తిరుపతి జిల్లా దొరవారిసత్రం మార్చి 06:- (రవి కిరణాలు):-

 దొరవారిసత్రం టిడిపి  మండల అధ్యక్షులు మరియు రెస్టారెంట్ ఇంచార్జ్ వేమసాని శ్రీనివాసులు నాయుడు  ఆధ్వర్యంలో సోమవారం మండల హెడ్ క్వార్టర్ నందుగల బిసి గురుకుల పాఠశాల నందు మరియు ప్రభుత్వ కార్యాలయంలో, మావిళ్ళపాడు ఆదర్శ పాఠశాల నందు మాజీ పార్లమెంటు సభ్యులు సూళ్లూరుపేట నియోజకవర్గం తెలుగుదేశం పార్టీ ఇంచార్జ్ నెలవల సుబ్రహ్మణ్యం, జిల్లా ప్రధాన కార్యదర్శి వేనాటి సతీష్ రెడ్డి, మాజీ జడ్పీటీసీ సభ్యులు రాష్ట్ర మహిళా ప్రధాన కార్యదర్శి ముప్పాళ్ళ విజేత రెడ్డి,  తూర్పు రాయలసీమ పట్టభద్రుల శాసనమండలి ఎన్నికల ప్రచారం నిర్వహించారు.
ఈ సందర్భంగా ప్రతి ఒక్కరిని మొదటి ప్రాధాన్యత ఓటు డాక్టర్ కంచర్ల శ్రీకాంత్ కు వేసి గెలిపించాలని కోరారు.

ఈ సందర్భంగా నెలవల సుబ్రహ్మణ్యం  మాట్లాడుతూ

పట్టభద్రులైన విద్యావంతులు రాష్ట్రంలో ప్రజాస్వామ్యాన్ని పరిరక్షించాలని కోరారు.
నియంత్రత పాలనైన ఈ రాష్ట్ర ప్రభుత్వానికి మీ ఓటుతో బుద్ధి చెప్పాలని అన్నారు.

ఈ కార్యక్రమంలో మండల ఎస్సీ సెల్ అధ్యక్షులు గోను జకరయ్య ప్రధాన కార్యదర్శి పల్లంపర్తి మనోహర్ రెడ్డి నాగేందర్ నాయుడు రవి నాయుడు గోపాల్ రెడ్డి సుబ్బారెడ్డి సురేందర్ రెడ్డి శ్రీనివాసులు రెడ్డి కృష్ణమూర్తి మరియు తదితరులు పాల్గొన్నారు.

 వైసిపి ఎమ్మెల్సీ అభ్యర్థులను  గెలిపించండి

 వైసిపి మండల కన్వీనర్ తంబిరెడ్డి సుబ్రహ్మణ్యం రెడ్డి

 నాయుడుపేట ఎంపిపి  కురుగొండ ధనలక్ష్మి

తిరుపతి జిల్లా నాయుడుపేట మార్చి 06:- (రవి కిరణాలు):-

తూర్పు రాయలసీమ పట్టభద్రుల ఎమ్మెల్సీ వైయస్సార్ కాంగ్రెస్ పార్టీ అభ్యర్థులను గెలిపించాలని కోరుతూ సోమవారం నాయుడుపేట మండలంలోని గొట్టిప్రోలు గ్రామంలో పలువురు వైసీపీ నాయకులు ఎమ్మెల్సీ ఎన్నికల ప్రచారం నిర్వహించారు.సూళ్లూరుపేట శాసనసభ్యులు కిలివేటి సంజీవయ్య సూచనల మేరకు నాయుడుపేట మండల వైసిపి కన్వీనర్ తంబిరెడ్డి సుబ్రహ్మణ్యం రెడ్డి,నాయుడుపేట ఎంపీపీ కురుగొండ ధనలక్ష్మి లు నాయుడుపేట మండలంలోని గొట్టిప్రోలు గ్రామంలోని రెసిడెన్షియల్ స్కూల్,హై స్కూల్,ప్రాథమిక పాఠశాల,ప్రభుత్వ ఆసుపత్రిలలోని పట్టభద్రులు,ఉపాధ్యాయులను కలిసి కరపత్రాలు పంపిణీ చేసి ఈనెల 13వ తేదీన జరుగునున్న ఎమ్మెల్సీ ఎన్నికల్లో  వైసీపీ పట్టభద్రుల ఎమ్మెల్సీ అభ్యర్థి  శ్యామ్ ప్రసాద్ రెడ్డికి,ఉపాధ్యాయ మెరిసే అభ్యర్థి చంద్రశేఖర్ రెడ్డి లకు మొదటి ప్రాధాన్యత ఓటు వేసి గెలిపించాలని కోరారు.ఈ కార్యక్రమం లో పలువురు వైసిపి నాయకులు పాల్గొన్నారు.

 కల్కి భగవాన్ జన్మదినం వేడుకలకు సర్వం సిద్ధం.

 బందోబస్తు ఏర్పాట్లు పరిశీలించిన ఎస్ఐ నాగార్జున రెడ్డి_

తిరుపతి జిల్లా, వరదయ్యపాలెం, మార్చి 06- (రవి కిరణాలు) :-

7 తారీఖున కల్కి భగవాన్ 74వ జన్మదిన వేడుకలను పురస్కరించుకుని, అమ్మ భగవాన్, అయన కుమారుడు, కోడలు దర్శనం ఇస్తున్నట్లు అందుకు వేల సంఖ్యలో భక్తులు తరలిరానున్నట్లు ట్రస్ట్ నిర్వాహకులు తెలిపారు. ఈ తరుణంలో భారీ ఎత్తున ఏర్పాట్లు కు తిరుపతి జిల్లాలోని వరదయ్యపాలెం  మండల  బత్తలవల్లం గ్రామంలోని ఏకం ఆశ్రమం జరుగుతున్నాయి. అందుకు ఏకం ముస్తాబు అవుతుంది దేశ నలుమూలల నుంచి భారీ ఎత్తున భక్తులు, రాజకీయా ప్రముఖులు సినీ నటీనటులు రానున్నట్లు సమాచారం అందుకున్న వరదయ్యపాలెం ఎస్సై నాగార్జున రెడ్డి   ఏకం ఆశ్రమంనూ సందర్శించి జరుగుతున్న ఏర్పాట్లు స్వయంగా పరిశీలించారు. స్టేజి నిర్మాణం భారీ సంఖ్యలో భక్తులు వస్తే అక్కడ ఉండేందుకు అనువైన వసతులు, తాగునీటి ఏర్పాట్లు, జనం ఎక్కువుగా వస్తే  వచ్చిన వారు తొక్కిసలాట జరగకుండా నిలువరించేందుకు బారికెడ్లు ఏర్పాటు, ప్రాంగణమంతా సీసీ కెమెరాలు నిఘాలో పర్యవేక్ష ఇస్తున్నట్లు తెలిపారు. ఈ జన్మదినం రోజు 100 మంది పోలీసు సిబ్బందితో బందోబస్తును ఉన్నత అధికారులు ఏర్పాటు చేసినట్లు ఎస్ఐ తెలిపారు.

 జూన్ 8వ తేదీ నుండి 15వ తేదీ వరకు చెంగాళమ్మ బ్రహ్మోత్సవాలు.

తిరుపతి జిల్లా, సూళ్లూరుపేట, మార్చి 04,(రవి కిరణాలు):-

పట్టణంలో కాళ్ళంగి నది ఒడ్డున వెలసి ఉన్న తెలుగు తమిళ ఆరాధ్య దైవం, భక్తుల కొంగుబంగారం, దక్షిణ ముఖ ఖాళీ, భక్తుల కొంగుబంగారం కోరిన కోర్కెలు తీర్చే కల్పవల్లి శ్రీశ్రీశ్రీ చెంగాళమ్మ పరమేశ్వరి దేవస్థానం నందు ఐదు సంవత్సరాలకు ఒకసారి నిర్వహించే ఈ బ్రహ్మోత్సవాలు 2023 సంవత్సరం జూన్ 8 వ తేదీ నుండి 15 వ తేదీ వరకు   నిర్వహించనున్నట్లు ఆలయ చైర్మన్ దువ్వూరు బాలచంద్రారెడ్డి తెలిపారు.

అనంతరం మీడియా సమావేశంలో మాట్లాడుతూ మార్చి 1 తేదీన అమ్మవారి అనుగ్రహంతో అమ్మవారు బ్రహ్మోత్సవాలకు అనుమతి ఇచ్చారని తెలిపారు. ఈ బ్రహ్మోత్సవాలకి పట్టణ పరిసర ప్రాంతాల్లో ఉన్న ప్రజలందరూ భాగస్వాములు కావాలని కోరారు. సోమవారం ఉదయం ప్రజా ప్రతినిధులు, పట్టణ ప్రజలతో సమావేశం నిర్వహించి వారి సూచనల మేరకు బ్రహ్మోత్సవాలను ఘనంగా నిర్వహించేందుకు అందరు సలహాలు తీసుకొని బ్రహ్మోత్సవాలను ఘనంగా నిర్వహిస్తామని అన్నారు. బ్రహ్మోత్సవాలు అంతర్జాతీయ స్థాయిలో గుర్తింపు తీసుకువచ్చే విధంగా నిర్వహిస్తామని అందుకుగాను అందరి సహాయ సహకారాలు కావాలని కోరారు.

2023 సంవత్సరం బ్రహ్మోత్సవాలు వివరాలు

1.  తేది.26 - 05 - 2023 న   తొలి చాటింపు ( మూగచాటు).

2. తేది.02 .06 .2023 న రెండవ చాటింపు.

3. తేది. 04. 06. 2023 న అగండలము వెలిగించుట.

4. తేది. 08.06.2023 న గురువారము బలిహరణ.

5. తేది. 09.06.2023 న శుక్రవారం సుడిమాను ప్రతిష్ట సుళ్ళు ఉత్సవము (అశ్వ వాహనము, గ్రామోత్సవము).

6. తేది. 10.06.2023 న శనివారము సుళ్ళు ఉత్సవము  (మహిషాసుర మర్దన, బ్రహ్మోత్సవము).

7. తేది.11.06.2023 న ఆదివారము సుళ్ళు ఉత్సవము (నంది వాహనము, గ్రామోత్సవము).

8. తేది.12.06.2023 న సోమవారము తెప్పోత్సవము (గ్రామోత్సవము).

9. తేది. 13.06.2023 న మంగళవారము శయనసేవ (గ్రామోత్సవము).

10. తేది.14.06.2023 న బుధవారము పుష్ప పల్లకి సేవ.

11. తేది.15.06.2023 న గురువారము సుడిమాను దింపుట.

పై కార్యక్రమముల అన్నింటికీ భక్తులందరూ విచ్చేసి అమ్మవారిని దర్శించుకుని, మొక్కులు తీర్చుకొని అమ్మవారి కృప కటాక్షం పొందగలరని పిలుపునిచ్చారు. ఈ కార్యక్రమంలో ఆలయ కార్య నిర్వహణ అధికారి ఆళ్ల శ్రీనివాసరెడ్డి ఆలయ పాలక మండలి సభ్యులు ముప్పాళ్ళ చంద్రశేఖర్ రెడ్డి, ఓలేటి బాల సత్యనారాయణ, కర్లపూడి సురేష్, బండి సునీత, మన్నెముద్దుల పద్మజ మరియు కళత్తూరు రామ్మోహన్ రెడ్డి పాల్గొన్నారు.