Ravikiranalu TV

 వైసిపి ఎమ్మెల్సీ అభ్యర్థులను  గెలిపించండి

 వైసిపి మండల కన్వీనర్ తంబిరెడ్డి సుబ్రహ్మణ్యం రెడ్డి

 నాయుడుపేట ఎంపిపి  కురుగొండ ధనలక్ష్మి

తిరుపతి జిల్లా నాయుడుపేట మార్చి 06:- (రవి కిరణాలు):-

తూర్పు రాయలసీమ పట్టభద్రుల ఎమ్మెల్సీ వైయస్సార్ కాంగ్రెస్ పార్టీ అభ్యర్థులను గెలిపించాలని కోరుతూ సోమవారం నాయుడుపేట మండలంలోని గొట్టిప్రోలు గ్రామంలో పలువురు వైసీపీ నాయకులు ఎమ్మెల్సీ ఎన్నికల ప్రచారం నిర్వహించారు.సూళ్లూరుపేట శాసనసభ్యులు కిలివేటి సంజీవయ్య సూచనల మేరకు నాయుడుపేట మండల వైసిపి కన్వీనర్ తంబిరెడ్డి సుబ్రహ్మణ్యం రెడ్డి,నాయుడుపేట ఎంపీపీ కురుగొండ ధనలక్ష్మి లు నాయుడుపేట మండలంలోని గొట్టిప్రోలు గ్రామంలోని రెసిడెన్షియల్ స్కూల్,హై స్కూల్,ప్రాథమిక పాఠశాల,ప్రభుత్వ ఆసుపత్రిలలోని పట్టభద్రులు,ఉపాధ్యాయులను కలిసి కరపత్రాలు పంపిణీ చేసి ఈనెల 13వ తేదీన జరుగునున్న ఎమ్మెల్సీ ఎన్నికల్లో  వైసీపీ పట్టభద్రుల ఎమ్మెల్సీ అభ్యర్థి  శ్యామ్ ప్రసాద్ రెడ్డికి,ఉపాధ్యాయ మెరిసే అభ్యర్థి చంద్రశేఖర్ రెడ్డి లకు మొదటి ప్రాధాన్యత ఓటు వేసి గెలిపించాలని కోరారు.ఈ కార్యక్రమం లో పలువురు వైసిపి నాయకులు పాల్గొన్నారు.

 కల్కి భగవాన్ జన్మదినం వేడుకలకు సర్వం సిద్ధం.

 బందోబస్తు ఏర్పాట్లు పరిశీలించిన ఎస్ఐ నాగార్జున రెడ్డి_

తిరుపతి జిల్లా, వరదయ్యపాలెం, మార్చి 06- (రవి కిరణాలు) :-

7 తారీఖున కల్కి భగవాన్ 74వ జన్మదిన వేడుకలను పురస్కరించుకుని, అమ్మ భగవాన్, అయన కుమారుడు, కోడలు దర్శనం ఇస్తున్నట్లు అందుకు వేల సంఖ్యలో భక్తులు తరలిరానున్నట్లు ట్రస్ట్ నిర్వాహకులు తెలిపారు. ఈ తరుణంలో భారీ ఎత్తున ఏర్పాట్లు కు తిరుపతి జిల్లాలోని వరదయ్యపాలెం  మండల  బత్తలవల్లం గ్రామంలోని ఏకం ఆశ్రమం జరుగుతున్నాయి. అందుకు ఏకం ముస్తాబు అవుతుంది దేశ నలుమూలల నుంచి భారీ ఎత్తున భక్తులు, రాజకీయా ప్రముఖులు సినీ నటీనటులు రానున్నట్లు సమాచారం అందుకున్న వరదయ్యపాలెం ఎస్సై నాగార్జున రెడ్డి   ఏకం ఆశ్రమంనూ సందర్శించి జరుగుతున్న ఏర్పాట్లు స్వయంగా పరిశీలించారు. స్టేజి నిర్మాణం భారీ సంఖ్యలో భక్తులు వస్తే అక్కడ ఉండేందుకు అనువైన వసతులు, తాగునీటి ఏర్పాట్లు, జనం ఎక్కువుగా వస్తే  వచ్చిన వారు తొక్కిసలాట జరగకుండా నిలువరించేందుకు బారికెడ్లు ఏర్పాటు, ప్రాంగణమంతా సీసీ కెమెరాలు నిఘాలో పర్యవేక్ష ఇస్తున్నట్లు తెలిపారు. ఈ జన్మదినం రోజు 100 మంది పోలీసు సిబ్బందితో బందోబస్తును ఉన్నత అధికారులు ఏర్పాటు చేసినట్లు ఎస్ఐ తెలిపారు.

 జూన్ 8వ తేదీ నుండి 15వ తేదీ వరకు చెంగాళమ్మ బ్రహ్మోత్సవాలు.

తిరుపతి జిల్లా, సూళ్లూరుపేట, మార్చి 04,(రవి కిరణాలు):-

పట్టణంలో కాళ్ళంగి నది ఒడ్డున వెలసి ఉన్న తెలుగు తమిళ ఆరాధ్య దైవం, భక్తుల కొంగుబంగారం, దక్షిణ ముఖ ఖాళీ, భక్తుల కొంగుబంగారం కోరిన కోర్కెలు తీర్చే కల్పవల్లి శ్రీశ్రీశ్రీ చెంగాళమ్మ పరమేశ్వరి దేవస్థానం నందు ఐదు సంవత్సరాలకు ఒకసారి నిర్వహించే ఈ బ్రహ్మోత్సవాలు 2023 సంవత్సరం జూన్ 8 వ తేదీ నుండి 15 వ తేదీ వరకు   నిర్వహించనున్నట్లు ఆలయ చైర్మన్ దువ్వూరు బాలచంద్రారెడ్డి తెలిపారు.

అనంతరం మీడియా సమావేశంలో మాట్లాడుతూ మార్చి 1 తేదీన అమ్మవారి అనుగ్రహంతో అమ్మవారు బ్రహ్మోత్సవాలకు అనుమతి ఇచ్చారని తెలిపారు. ఈ బ్రహ్మోత్సవాలకి పట్టణ పరిసర ప్రాంతాల్లో ఉన్న ప్రజలందరూ భాగస్వాములు కావాలని కోరారు. సోమవారం ఉదయం ప్రజా ప్రతినిధులు, పట్టణ ప్రజలతో సమావేశం నిర్వహించి వారి సూచనల మేరకు బ్రహ్మోత్సవాలను ఘనంగా నిర్వహించేందుకు అందరు సలహాలు తీసుకొని బ్రహ్మోత్సవాలను ఘనంగా నిర్వహిస్తామని అన్నారు. బ్రహ్మోత్సవాలు అంతర్జాతీయ స్థాయిలో గుర్తింపు తీసుకువచ్చే విధంగా నిర్వహిస్తామని అందుకుగాను అందరి సహాయ సహకారాలు కావాలని కోరారు.

2023 సంవత్సరం బ్రహ్మోత్సవాలు వివరాలు

1.  తేది.26 - 05 - 2023 న   తొలి చాటింపు ( మూగచాటు).

2. తేది.02 .06 .2023 న రెండవ చాటింపు.

3. తేది. 04. 06. 2023 న అగండలము వెలిగించుట.

4. తేది. 08.06.2023 న గురువారము బలిహరణ.

5. తేది. 09.06.2023 న శుక్రవారం సుడిమాను ప్రతిష్ట సుళ్ళు ఉత్సవము (అశ్వ వాహనము, గ్రామోత్సవము).

6. తేది. 10.06.2023 న శనివారము సుళ్ళు ఉత్సవము  (మహిషాసుర మర్దన, బ్రహ్మోత్సవము).

7. తేది.11.06.2023 న ఆదివారము సుళ్ళు ఉత్సవము (నంది వాహనము, గ్రామోత్సవము).

8. తేది.12.06.2023 న సోమవారము తెప్పోత్సవము (గ్రామోత్సవము).

9. తేది. 13.06.2023 న మంగళవారము శయనసేవ (గ్రామోత్సవము).

10. తేది.14.06.2023 న బుధవారము పుష్ప పల్లకి సేవ.

11. తేది.15.06.2023 న గురువారము సుడిమాను దింపుట.

పై కార్యక్రమముల అన్నింటికీ భక్తులందరూ విచ్చేసి అమ్మవారిని దర్శించుకుని, మొక్కులు తీర్చుకొని అమ్మవారి కృప కటాక్షం పొందగలరని పిలుపునిచ్చారు. ఈ కార్యక్రమంలో ఆలయ కార్య నిర్వహణ అధికారి ఆళ్ల శ్రీనివాసరెడ్డి ఆలయ పాలక మండలి సభ్యులు ముప్పాళ్ళ చంద్రశేఖర్ రెడ్డి, ఓలేటి బాల సత్యనారాయణ, కర్లపూడి సురేష్, బండి సునీత, మన్నెముద్దుల పద్మజ మరియు కళత్తూరు రామ్మోహన్ రెడ్డి పాల్గొన్నారు.

 పూణే మెట్రో ప్రాజెక్ట్-3 కు అల్‌స్టోమ్ మెట్రో రైళ్లు
- శ్రీసిటీ ప్లాంట్ లో లాంఛనంగా ఉత్పత్తి ప్రారంభం

రవి కిరణాలు న్యూస్ తడ శ్రీసిటీ, మార్చి 04, 2023:


ప్రయాణ సాధనాల తయారీ రంగంలో అగ్రగామిగా ఉన్న శ్రీసిటీలోని ఆల్‌స్టోమ్ ట్రాన్స్‌పోర్ట్ ఇండియా  లిమిటెడ్, పూణే మెట్రో ప్రాజెక్ట్-3 కోసం మెట్రో రైళ్లు ను సరఫరా చేసేందుకు ఆర్డర్ పొందింది.  దీనికోసం శుక్రవారం శ్రీసిటీ ఫాక్టరీలో లాంచనంగా ఉత్పత్తి ప్రారంభించారు. ఈ ప్రాజెక్ట్ ద్వారా పుణేలో బాలేవాడి మీదగా రాజీవ్ గాంధీ ఇన్ఫోటెక్ పార్క్‌ను శివాజీనగర్ కు కలుపుతుంది. త్వరలో ఆల్‌స్టోమ్ ‘మేడ్ @ శ్రీ సిటీ’ మెట్రో రైళ్ళు ఈ మార్గంలో పరుగులు తీస్తాయి. 23 స్టేషన్లతో కూడిన 23.3 కి.మీ ఈ కారిడార్, కొత్త మెట్రో రైల్ పాలసీ ప్రకారం భారతదేశంలో మొట్ట మొదటి మెట్రో ప్రాజెక్ట్. ఈ ప్రాజెక్ట్ కోసం 3 పెట్టెలతో కూడిన 66 మెట్రో రైళ్లను ఆల్‌స్టోమ్ తయారు చేస్తుంది. ఇప్పటికే పుణేలో 1&2 ప్రాజెక్ట్ లలో భాగంగా మెట్రో రైళ్లు, ఇతర యంత్ర పరికరాలు సరఫరా చేసిన ఆల్స్టాం కు, పూణే నగరంలో ఇది 3వ ప్రాజెక్ట్.

ఈ ప్రాజెక్ట్ డెవలపర్ అయిన పూణే సిటీ మెట్రో రైల్ లిమిటెడ్ (పిఐటిసిఎంఆర్ఎల్) చీఫ్ ఎగ్జిక్యూటివ్ ఆఫీసర్  అలోక్ కపూర్ లాంఛనంగా పూజా కార్యక్రమాన్ని నిర్వహించి, శ్రీసిటీలో మెట్రో రైళ్ల ఉత్పత్తిని ప్రారంభించారు. పూణే మెట్రో లైన్ 3 ప్రాజెక్ట్  ‘మేక్ ఇన్ ఇండియా’ చొరవకు ఆదర్శవంతమైన  ఉదాహరణ అని, ప్రధాని  నరేంద్ర మోదీ ‘ఆత్మనిర్భర్ భారత్’ విధానాన్ని ఇది బలోపేతం చేస్తుందనడంలో మాకు ఎలాంటి సందేహం లేదని అన్నారు. పిఐటిసిఎంఆర్ఎల్ డైరెక్టర్ నేహా పండిట్, పిఐటిసిఎంఆర్ఎల్ బిజినెస్ సిస్టమ్స్ హెడ్ ఎల్.ఎన్.ప్రసాద్, మేనేజింగ్ డైరెక్టర్  అనిల్ కుమార్ సైనీ, ఆల్‌స్టోమ్ ట్రాన్స్‌పోర్ట్ ఇండియా అధికారులు ఈ కార్యక్రమంలో పాల్గొన్నారు.

మరో మైలురాయిని దాటినందుకు ఆల్‌స్టోమ్ బృందానికి శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి అభినందనలు తెలుపుతూ, పూణే ప్రాజెక్ట్ 'మేడ్ ఎట్ శ్రీసిటీ' రైళ్లు త్వరలో అందుబాటులోకి రానుండడం  ఆల్‌స్టోమ్ మరియు శ్రీసిటీకి సంతోషకరమైన సందర్భం అని అన్నారు.

కాగా,  దేశంలోని వివిధ మెట్రో ప్రాజెక్టులకే కాకుండా విదేశాల్లోని ప్రాజెక్టులకు కూడా ఆల్స్టామ్ ప్రధాన చిరునామాగా మారింది. ఈ ప్లాంట్ వార్షిక ఉత్పత్తి సామర్థ్యం 480 రైళ్లను కలిగివుంది. చెన్నై (ఫేజ్ 1&2 మరియు విస్తరణ ప్రాజెక్ట్), కొచ్చి, లక్నో, ముంబై వంటి దేశీయ మెట్రో ప్రాజెక్టులతో పాటు ఆస్ట్రేలియా, కెనడాలకు ఇక్కడి మెట్రో రైళ్ల సరఫరా జరిగాయి.

 విశాఖ సమ్మిట్ లో శ్రీసిటీ స్టాల్ ను సందర్శించిన బుగ్గన

రవి కిరణాలు న్యూస్ తడ శ్రీసిటీ, మార్చి 04, 2023:

ఆంధ్రప్రదేశ్ ఆర్థిక మంత్రి బుగ్గన రాజేంద్రనాథ్ రెడ్డి విశాఖలోని గ్లోబల్ ఇన్వెస్ట్‌మెంట్ సమ్మిట్-2023 లో శ్రీసిటీ స్టాల్ ను సందర్శించారు.  శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి ఆయనకు సాదర స్వాగతం పలికి , శ్రీసిటీ ప్రత్యేకతలు, వివిధ రంగాల్లోని పరిశ్రమలు, వాటి ఉత్పత్తులు తదితర అంశాలను వివరించారు.  వీటిలో అనేక కంపెనీలు దేశీయంగా, అంతర్జాతీయంగా డిమాండ్‌ను ఎలా తీరుస్తున్నాయో , 'మేక్ ఇన్ ఇండియా' చొరవకు కీలకంగా మారి,  ఎగుమతులను భారీగా పెంచడం,  దిగుమతి ప్రత్యామ్నాయంలో గణనీయమైన సహకారం ఎలా అందిస్తాయో ఆయన వివరించారు.

 గ్లోబల్ ఇన్వెస్టర్స్ సమ్మిట్-2023లో శ్రీసిటీ స్టాల్‌ను ప్రారంభించిన నితిన్ గడ్కరీ
- ఇండస్ట్రియల్ & లాజిస్టిక్స్ ఇన్‌ఫ్రాస్ట్రక్చర్‌పై ప్యానెల్ సెషన్‌లో ప్రసంగించిన శ్రీసిటీ ఎండీ

రవి కిరణాలు న్యూస్ తడ శ్రీసిటీ,మార్చి 3, 2023 :

విశాఖపట్నంలో శుక్రవారం ముఖ్యమంత్రి  జగన్ మోహన్ రెడ్డి ప్రారంభించిన గ్లోబల్ ఇన్వెస్టర్స్ సమ్మిట్ (జిఐఎస్)-2023కి కేంద్ర రోడ్డు రవాణా & హైవే శాఖా మంత్రి నితిన్ గడ్కరీతో పాటు ఏపీకి చెందిన పలువురు మంత్రులు, సీనియర్ అధికారులు, ప్రముఖ వ్యాపారవేత్తలు హాజరయ్యారు.

ఈ సందర్భంగా ప్రత్యేక ఆకర్షణగా నిలిచిన శ్రీసిటీ స్టాల్‌ను ఏపీ సీఎం, శ్రీసిటీ ఎండీ డాక్టర్ రవీంద్ర సన్నారెడ్డి, ఇతర ప్రముఖుల సమక్షంలో నితిన్ గడ్కరీ ప్రారంభించారు. స్టాల్ ను తిలకించి వారు శ్రీసిటీ విశిష్టతను ప్రశంసించారు. ఇందులో డిజిటల్ డిస్‌ప్లే బోర్డ్‌లు, స్కేల్-డౌన్ 3D మోడల్‌ల ద్వారా శ్రీసిటీ వ్యాపార నగరం ప్రత్యేకతలు, స్థాన ప్రయోజనాలు, ప్రపంచ స్థాయి మౌళిక సదుపాయాలు, ఇతర అంశాలను హైలైట్ చేశారు. శ్రీసిటీలోని కొన్ని పరిశ్రమలచే ప్రదర్శించబడిన FMCG, వివిధ బ్రాండ్‌ల ఎయిర్ కండిషనర్లు, ఆటోమొబైల్ కాంపోనెంట్‌లు, వీల్ చైర్లు, ఇసుజు కార్లు తదితర "మేడ్ @ శ్రీ సిటీ ఉత్పత్తులు", సమ్మిట్‌కు విచ్చేసిన ప్రతినిధులను విశేషంగా ఆకర్షించాయి.

సదస్సు ప్రారంభం తరువాత, ఇండస్ట్రియల్ & లాజిస్టిక్స్ ఇన్‌ఫ్రాస్ట్రక్చర్‌పై జరిగిన ప్యానెల్ చర్చలో డాక్టర్ రవీంద్ర సన్నారెడ్డి మాట్లాడారు. తన లోతైన విశ్లేషణలు, అభిప్రాయాలను పంచుకుంటూ, స్థిరమైన ఆర్థికాభివృద్ధికి మంచి మౌళిక సదుపాయాలు ప్రధాన పాత్ర పోషిస్తాయని పేర్కొన్నారు. వివిధ రాష్ట్రాలు అందించే అనువైన వ్యాపార వాతావరణాన్ని పెట్టుబడిదారులు పరిశీలిస్తారని ఆయన అన్నారు. ఈ కోవలో జగన్ మోహన్ రెడ్డి డైనమిక్ నాయకత్వం పెట్టుబడిదారులపై పెద్దఎత్తున ప్రభావం చూపిందన్నారు. పెట్టుబడిదారులకు అనుకూలమైన కార్యక్రమాలు, చురుకైన విధానాలు, ప్రధాన నౌకాశ్రయాలతో కూడిన సుదీర్ఘ తీరప్రాంతం, అద్భుతమైన రోడ్డు & రైలు నెట్‌వర్క్‌లు, నాణ్యమైన శక్తి, సాంకేతికంగా నైపుణ్యం కలిగిన మానవశక్తి, గొప్ప ఖనిజ వనరులు మరియు ఇంటిగ్రేటెడ్ ఇండస్ట్రియల్ & బిజినెస్ పార్కులతో ఆంధ్రప్రదేశ్ అగ్రస్థానంలో ఉంటూ ప్రపంచవ్యాప్తంగా ఉన్న పెట్టుబడిదారులను ఆహ్వానిస్తోందని పేర్కొన్నారు.

మల్టీ మోడల్ కనెక్టివిటీని అందజేస్తూ లాజిస్టిక్స్ ధరను తగ్గించాలనే లక్ష్యంతో చేపట్టిన కేంద్ర పిఎం-గతిశక్తి చొరవకు అనుగుణంగా, రాష్ట్ర ప్రభుత్వం AP లాజిస్టిక్స్ పాలసీ 2022-27 ని తీసుకువచ్చినట్లు తెలిపారు. ఈ చొరవ ఆంధ్రప్రదేశ్‌ను లాజిస్టిక్స్ హబ్‌గా, ఆగ్నేయాసియాకు గేట్‌వేగా మారుస్తుందన్న విశ్వాసాన్ని వ్యక్తం చేశారు.

శ్రీసిటీని ఉదాహరణగా పేర్కొంటూ, ‘వర్క్-లైవ్-లెర్న్-ప్లే’ అనే సూత్రాలపై అభివృద్ధి చేసిన దాని ప్రపంచ స్థాయి పారిశ్రామిక మౌళిక సదుపాయాలు ప్రపంచం నలుమూలల నుండి పెట్టుబడులను ఎలా ఆకర్షిస్తుందో ఈ సందర్భంగా డాక్టర్ రవీంద్ర సన్నారెడ్డి వివరించారు.

ఇతర ప్యానెలిస్ట్‌లలో డిపార్ట్‌మెంట్ ఫర్ ప్రమోషన్ ఆఫ్ ఇండస్ట్రీ అండ్ ఇంటర్నల్ ట్రేడ్ (DPIIT) శ్రీమతి సుమితా దావ్రా, GMR గ్రూప్ - ఎయిర్‌పోర్ట్స్ ఛైర్మన్ జిబిఎస్ రాజు, లాజిస్టిక్స్ సెక్టార్ స్కిల్ కౌన్సిల్ సీఈఓ రవికాంత్ యమర్తి, CEO, TVS సప్లై చైన్ సొల్యూషన్స్ సీఓఓ సుకుమార్ కామేశ్వరన్, వెల్స్పన్ వన్ లాజిస్టిక్స్ సీసీఓ అనయ్ శుక్లా వున్నారు.

 టిడిపి ఎమ్మెల్సీ అభ్యర్థి కంచర్ల శ్రీకాంత్ ని గెలిపించండి. పరసా వెంకటరత్నం.

తిరుపతి జిల్లా  చంద్రగిరి మార్చి 03 (రవి కిరణాలు):-

చంద్రగిరి నియోజకవర్గంలో  తెలుగుదేశం పార్టీ తూర్పు రాయలసీమ పట్టభద్రుల టిడిపి ఎమ్మెల్సీ అభ్యర్థి  కంచర్ల శ్రీకాంత్  మొదటి(1) కు ప్రాధాన్యత ఓటు వేసి గెలిపించాలని  చంద్రగిరి నియోజకవర్గ ఎమ్మెల్సీ ఎన్నికల పరిశీలకులు  మాజీ మంత్రి ఆధ్వర్యం లో సూళ్లూరుపేట నియోజకవర్గ టీడీపీ యువ నాయకులు  చింతల సతీష్ చంద్ర  పట్టణంలో గ్రాడ్యుయేట్ ఓటర్లను కలసి ఓట్లు అభ్యర్ధించడమైనది. కార్యక్రమంలో నియోజకవర్గం లోనీ ముఖ్య నాయకులు కార్యకర్తలు తదితరులు పాల్గొన్నారు.