Ravikiranalu TV

 శ్రీసిటీని సందర్శించిన అరుణాచల్ ప్రదేశ్ 'ఏక్ భారత్ శ్రేష్ట్ భారత్' విద్యార్థులు

రవి కిరణాలు న్యూస్ తడ శ్రీసిటీ, మార్చి 01, 2023:

కేంద్ర విద్యా మంత్రిత్వ శాఖ చొరవతో 'ఏక్ భారత్ శ్రేష్ట్ భారత్' యువసంఘం కార్యక్రమంలో భాగంగా అరుణాచల్ ప్రదేశ్ కు చెందిన ఎన్ ఐ టి, ఇతర విద్యాసంస్థల నుంచి 28 మంది విద్యార్థులు, అధ్యాపకులు బుధవారం శ్రీసిటీని సందర్శించారు. ఐదు రోజుల ఆంద్రప్రదేశ్ పర్యటనలో భాగంగా చివరి రోజు ఇక్కడకు వచ్చిన విద్యార్థులకు శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి వారికి సాదర స్వాగతం పలికి, శ్రీసిటీ పారిశ్రామిక ప్రగతి, ప్రత్యేకతలను వివరించారు.

విద్యార్థులతో ముఖాముఖి చర్చల్లో పాల్గొన్న ఆయన, దేశ సమైక్యతను చాటిచెబుతూ దేశంలోని విభిన్న ప్రాంతాలు, సంస్కృతులు, సాంప్రదాయాలను విద్యార్థులకు పరిచయం చేసే ఈ కార్యక్రమానికి శ్రీసిటీని ఎంపిక చేయడం తాము గౌరవప్రదంగా భావిస్తున్నాం అన్నారు. ఏక్ భారత్ శ్రేష్ట్ భారత్ స్ఫూర్తికి శ్రీసిటీ చక్కని ఉదాహరణగా అభివర్ణించారు. భారత్ తో సహా 28 దేశాలకు చెందిన పరిశ్రమలు ఏర్పాటుతో దేశ విదేశాలకు చెందిన ప్రజలు ప్రశాంత జీవనం సాగిస్తున్న ఈ ప్రాంతం వివిధ భాషలు సంస్కృతులకు నిలయంగా మారిందన్నారు. భవిష్యత్తులో దేశంలో విభిన్న ప్రాంతాలలో ఉద్యోగాలు, వ్యాపారాలు నిర్వహించేందుకు విద్యార్థులకు ఈ కార్యక్రమం అత్యంత ఉపయోగకరంగా ఉంటుందన్నారు.   

ముఖాముఖిలో ఎంతో ఆసక్తితో శ్రీసిటీ గురించి పలు అంశాలను తెలుసుకున్న విద్యార్థులు, అనంతరం శ్రీసిటీ పరిసరాలను తిలకించారు. ఎన్ హెచ్ కె స్ప్రింగ్స్, ఎంఎండి హెవీ మెషిన్స్, హంటర్ డగ్లస్ పరిశ్రమలను సందర్శించి, అక్కడ ఉత్పత్తులు, పని వాతావరణాన్ని పరిశీలించారు.

ప్రపంచ శ్రేణి సదుపాయాలు, 200 కు పైగా పరిశ్రమలు, చక్కని వాతావరణం తమనెంతగానో ఆకట్టుకుందని ఈ సందర్భంగా విద్యార్థులు తమ అభిప్రాయాన్ని వ్యక్తం చేశారు. తమ అధ్యయనానికి, భవిష్యత్ ప్రణాళికలకు ఈ పర్యటన ఎంతో ఉపయోగకరమన్న వారు, తమకు ఆతిధ్యమిచ్చిన శ్రీసిటీ యాజమాన్యానికి కృతఙ్ఞతలు తెలిపారు.

కాగా, "ఏక్ భారత్ శ్రేష్ఠ భారత్" అనేది భారత ప్రభుత్వంచే ప్రారంభించబడిన నూతన పథకం. దేశంలోని వివిధ ప్రాంతాలలో ఉన్న సాంస్కృతిక సంబంధాల ద్వారా ఐక్యతను పెంపొందించడం, వివిధ ప్రాంతాల్లో నివసిస్తున్న ప్రజల మధ్య సంబంధాలను మెరుగుపరచడం ఈ పథకం లక్ష్యం. ఇందులో అంతర్భాగమైన యువసంఘం కార్యక్రమం ద్వారా దేశంలోని ఉన్నత విద్యాసంస్థల విద్యార్థులను ఒక రాష్ట్రం నుంచి మరో రాష్ట్రానికి పంపి ఆయా ప్రాంతాలలో పర్యాటకం, సంప్రదాయాలు, సుస్థిర అభివృద్ధి, టెక్నాలజీ, ప్రజల మధ్య అనుసందానం వంటి ఐదు ప్రధాన అంశాలలో అవగాహన కల్పిస్తారు. పరిశ్రమలు, పలు ప్రముఖ సంస్థల ప్రతినిధులతో ముఖాముఖి నిర్వహించి వారిని ఉత్తేజితులను చేస్తారు. ఆంధ్రప్రదేశ్ నుంచి తిరుపతి ఐఐటీ ని ఈ కార్యక్రమానికి నోడెల్ ఇన్స్టిట్యూట్ గా గుర్తించారు.

 శ్రీసిటీని సందర్శించిన శ్రీలంక డిప్యూటీ హైకమిషనర్
- పారిశ్రామిక ప్రగతిపై ప్రశంస
- శ్రీసిటీ తరహాలో శ్రీలంకలో పారిశ్రామికవాడ ఏర్పాటుకు ఆహ్వానం

రవి కిరణాలు న్యూస్ తడ శ్రీసిటీ, మార్చి 01, 2023:

చెన్నైలోని  శ్రీలంక డిప్యూటీ హైకమిషనర్ డాక్టర్ డి.వెంకటేశ్వరన్ బుధవారం శ్రీసిటీని సందర్శించారు. శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి ఆయనకు సాదర స్వాగతం పలికి, పారిశ్రామిక ప్రగతి, ప్రత్యేకతలు, శ్రీలంకతో శ్రీసిటీ వ్యాపార అనుబంధం తదితర అంశాల గురించి వివరించారు.

శ్రీసిటీ మౌళిక సదుపాయాలు, వ్యాపారానుకూల వాతావరణాన్ని వెంకటేశ్వరన్ ప్రశంసించారు. మేక్ ఇన్ ఇండియా తరహాలో మేక్ ఇన్ శ్రీలంక అభివృద్ధికి తమ ప్రభుత్వం ముందుకు వెళుతోందన్న ఆయన, శ్రీలంకలో పెట్టుబడి అవకాశాలు, ఇతర ప్రయోజనాలను వివరించారు. ఏండ్ల తరబడి భారత్ తో తమకున్న బలమైన అనుబంధాన్ని ప్రస్తావించిన ఆయన, ఇరుదేశాల వ్యాపార బంధం మరింత పటిష్టం చేయడానికి పరస్పర సహకారం అవసరమన్నారు. శ్రీలంకలో శ్రీసిటీ మోడల్ ఇండస్ట్రియల్ సిటీని ఏర్పాటు చేయాలంటూ శ్రీసిటీ ఎండీ కి ఆహ్వానం పలికారు.

శ్రీసిటీ సందర్శనకు విచ్చేసినందుకు శ్రీలంక డిప్యూటీ హైకమిషనర్ కు కృతజ్ఞతలు తెలిపిన రవీంద్ర సన్నారెడ్డి, శ్రీసిటీ గురించి తెలుసుకోవడానికి శ్రద్ధ చూపడం తాము గౌరవప్రదంగా భావిస్తున్నాము అన్నారు. ఈ పర్యటన ఫలితంగా ఇరు దేశాల వ్యాపార బంధం మరింత పటిష్టమవుతుందన్న ఆశాభావం వ్యక్తం చేశారు.

తమ పర్యటనలో భాగంగా శ్రీలంక డిప్యూటీ హైకమిషనర్ బృందం శ్రీసిటీ పరిసరాలను తిలకించడంతో పాటు ఇక్కడ ఏర్పాటైన శ్రీలంక దేశానికి చెందిన ఎవెర్టన్  టీ పరిశ్రమను సందర్శించారు.

 సిలిండర్ పేలి ఐదుగురికి గాయాలు .

గాయపడిన వారు పానీపూరి వ్యాపారి కుటుంబం.

ప్రమాదంలో గాయ పడిన భార్యా భర్తలు, ముగ్గురు పిల్లలు.

ఇద్దరి పరిస్థితి విషమం చెన్నై కి తరలింపు

తిరుపతి జిల్లా సూళ్లూరుపేట అక్టోబర్ 1 (రవికిరణాలు):-

సూళ్లూరుపేట పట్టణం లోని మహాదేవయ్య నగర్ లో కాపురం ఉంటున్న ఉత్తరప్రదేశ్ కు
చెందిన పానీపూరి వ్యాపారి బాహిద్ ఇంటి లో సిలిండర్ పేలిన దుర్ఘటనలో ఐదుగురు
గాయపడ్డారు. బాహిద్ ఇంటిలో పెద్ద సిలిండర్ నుండి చిన్న సిలిండర్ లోకి
గ్యాస్ నింపుతుండగా సిలిండర్ పేలి ప్రమాదం జరిగింది. సిలిండర్ పేలడం తో ఇంటిలో
అగ్నిప్రమాదం సంభవించింది దీనితో ఇంటిలో ఉన్న బాహిద్ తో పాటు అతని భార్య రూబీ,
కొడుకు నౌషాద్, కుమార్తెలు నగ్మా,ఆష్మా గాయపడ్డారు. విషయం తెలుసుకున్న పోలీసులు హుటా హుటిన అక్కడికి చేరుకొని గాయపడిన వారిని ప్రథమ చికిత్స నిమిత్తం  స్థానిక ప్రభుత్వ ఆసుపత్రికి తరలించారు. వీరిలో తల్లి రూబీ కి ,కుమార్తె నగ్మా కు
తీవ్ర గాయాలు కావడం తో మెరుగైన చికిర్చ కోసం చెన్నై కి తరలించారు. వీరి స్వస్థలం ఉత్తప్రదేశ్ లోని  జాలోన్ జిల్లా పరిధి లో ఉన్న  రెండర్ మండలం, బరోలి గ్రామం కి చెందిన
వారు. పోలీసులు కేసు నమోదు చేసి దర్యాప్తు చేస్తున్నారు.

 ఈ నెల 13 న ఎం.ఎల్.సి. ఎన్నికల పోలింగ్.

పోలింగ్  కేంద్రాలలో పి.ఓ., ఎ.పి.ఓ. లు కీలకం.

పి.ఓ. హ్యాండ్ బుక్ లో ప్రతి లైన్ ను చదివి అర్థం చేసుకోవాలి.

రెండు సార్లు ఇవ్వన్నున్న శిక్షణలో సందేహాలు నివృత్తి చేసుకోవాలి: జిల్లా కలెక్టర్  

తిరుపతి, మార్చి 01 (రవి కిరణాలు): -  

 మార్చి 13 న జరగనున్న ఎం.ఎల్.సి ఎన్నికల పోలింగ్ లో పి.ఓ.లకే కీలక బాద్యతలు ఉంటాయని పి.ఓ. హ్యాండ్ బుక్ ను చదివి అర్థం చేసుకొని శిక్షణా సమయంలో సందేహాలను నివృత్తి చేసుకోవాలని జిల్లా కలెక్టర్ కె.వెంకటరమణా రెడ్డి అన్నారు. బుధవారం ఉదయం స్థానిక శ్రీ పద్మావతీ మహిళా విశ్వ విద్యాలయ ద్రుతి ఆడిటోరియంలో పోలింగ్ ప్రిసైడింగ్, సహాయ ప్రిసైడింగ్ అధికారులకు ఇచ్చిన శిక్షణా కార్యక్రమంలో జిల్లా కలెక్టర్ మరియు జిల్లా ఎన్నికల అధికారి కె.వెంకటరమణా రెడ్డి పాల్గొని ఎన్నికల విధులలో నిర్వహించాల్సిన అంశాలపై సూచనలు చేశారు.

    జిల్లా కలెక్టర్ మాట్లాడుతూ ఈ నెల 13 న ప్రకాశం – నెల్లూరు- చిత్తూరు ఎం.ఎల్.సి. ఎన్నికలకు సంబంధించి ఉపాధ్యాయ, పట్టభద్రుల నియోజకవర్గాలకు పోలింగ్ జరగనున్నదని, పోలింగ్ సమయం ఉదయం 8 గంటల నుండి సాయంత్రం 4 గంటల వరకు నిర్వహించాలని అన్నారు. పి.ఓ.లకు , ఎ.పి.ఓ.లకు నేటి శిక్షణతో పాటు మరో శిక్షణ ఈ నెల 9 న నిర్వహించనున్నామని అందులో ప్రధానంగా బ్యాలెట్ బాక్సులను ఎలా ఓపెన్ చేయడం, పోలింగ్ ముగింపు తర్వాత సీల్ వేయడం వంటివి పవర్ పాయింట్ ప్రజంటేషన్ అనoతరం  డమ్మీ మాడల్ బ్యాలెట్ బాక్సుల వాడకం విధానం  స్వయంగా ప్రతి ఒక్కరు చూసి నేర్చుకోవాలని అన్నారు. పోలింగ్ ముందు రోజు  ఈ నెల 12 న జిల్లాలోని  ప్రతి  రెవెన్యూ డివిజన్ కేంద్రంలో పోలింగ్ సామగ్రి పంపిణీ వుంటుందని, సూచించిన సమయానికి ఆలస్యం లేకుండా చేరుకోవాల్సి వుటుందని అన్నారు. పి.ఓ.లు పోలింగ్ సామగ్రిని చెక్ లిస్టు మేరకు సరిచూసుకుని, ప్రధానంగా బ్యాలెట్ బాక్సు లు, ఓటర్ జాబితా సదరు పోలింగ్ కేంద్రానికి సరిపోయే విధంగా సరిచూసుకుని,  కేటాయించిన  రూట్ బస్సులలో సాయంత్రం లోపు చేరుకోవాలని అన్నారు. ప్రతి మండలంలో 2 నుండి 6 వరకు పోలింగ్ కేంద్రాలు ఉంటాయని ,  పోలింగ్ కేంద్రాల్లో వసతులు పరిశీలించి ఏదైనా  అవసరమనిపిస్తే స్థానిక తహసిల్దార్ సహాయం తీసుకోవాలని,  100 మీటర్ల మార్కింగ్ ఏర్పాటు చూసుకోవాలని పోలింగ్ రోజు ఇతరులు ఎవ్వరు ఆ పరిధిలో లేకుండా చూడాలని అన్నారు. పోలింగ్ రోజు ఉదయం  7 గంటల కల్లా పోలింగ్ కేంద్రం లో వసతులు, ఏజంట్ల పాసులు పంపిణీ, సీటింగ్ ఏర్పాట్లు పూర్తి కావాలని 8  గంటలకు పోలింగ్ ప్రారంభం అయ్యేలా చూడాలని అన్నారు. పోలింగ్ బూత్ లో ఓటు వేసే ప్రక్రియ ఎవరికీ కనబడకుండా క్యాబిన్ ఏర్పాటు ఉండాలని, వెబ్ కెమరాలు కూడా ఆ విధంగా అమర్చాల్సి ఉంటుందని అన్నారు. అనివార్య కారణాల వల్ల పి.ఓ. హాజరు కాలేకున్నా ఎ.పి.ఓ. నే  పి.ఓ. గా వ్యవహరిస్తారని సహాయకులుగా ఓ.పి.ఓ. లు ఇద్దరు ఉంటారని అన్నారు.  పోలింగ్  స్లిప్పు, ఎన్నికల కమీషన్ సూచించిన ఏదేని గుర్తింపు కార్డు కలిగిన ఓటర్ కు బ్యాలెట్ అందించేటప్పుడు సరైన విధంగా బ్యాలెట్ మీరే మొదట నిలువు మడత, ఆపిదప అడ్డంగా మడతతో అందించి, ఓటరు  పెన్నుతో  అంకెలు వ్రాసిన అనంతరం బ్యాలెట్ ను అదే విధంగా మడత పెట్టి బ్యాలెట్ బాక్సులో వేయాలని సూచించాలని, ఎవరైనా బ్యాలెట్ ను బయటకు తీసుకుని వెళితే అక్కడే ఉన్న ఎస్.హెచ్.ఓ. కు డిక్లరేషన్ అందించి  పి.ఓ. కేసు నమోదు చేయించాలని  అన్నారు. పోలింగ్ ముగింపు అనంతరం ఏజెంట్ల సమక్షంలో బ్యాలెట్ బాక్సులను సీల్ చేసి సంతకాలు తీసుకుని డివిజన్  కేంద్రంలో ఏర్పాటు చేసిన రిసెప్షన్ సెంటర్ స్ట్రాంగ్ రూమ్ కు చేర్చాల్సి ఉంటుందని, పోలింగ్ ప్రక్రియ లో ఎప్పటికప్పుడు నింపిన  పి.ఓ. డైరీ, ఇతర ప్రొఫార్మాలను పూరించి అందించాల్సి ఉంటుందని అన్నారు. చిన్న పొరపాటుకు కూడా తావు లేకుండా ప్రశాంత వాతావరణంలో ఎన్నికల నిర్వహణ జరగాలని అన్నారు.

    అసిస్టెంట్ రిటర్నింగ్ ఆఫీసర్ మరియు జిల్లా రెవెన్యూ అధికారి శ్రీనివాసరావు, జి.ఎం.ఎస్.ఎస్. స్పెషల్ డిప్యూటి కలెక్టర్ కోదండరామిరెడ్డి , తిరుపతి, శ్రీకాళహస్తి ఆర్ డి ఓ లు కనకనరసా రెడ్డి, రామారావు పోలింగ్ పక్రియ  ,అనుసరించాల్సిన విధానం పవర్ పాయింట్ ప్రజెంటేషన్  ద్వారా వివరించి, పి.ఓ., ఎపిఒ లకు డమ్మీ బ్యాలెట్ పేపర్, డమ్మీ బ్యాలెట్ బాక్సుల వాడకం పై శిక్షణ ఇచ్చి అవగాహన కల్పించారు.

    ఈ శిక్షణా కార్యక్రమంలో నగరపాలక కమిషనర్ అనుపమ అంజలి, డిప్యూటి కమిషనర్ చంద్రమౌలీశ్వర రెడ్డి, తహసిల్దార్లు మరియు ఎ ఇ ఆర్ ఓ లు వెంకటరమణ , జరీన , విధులు కేటాయించిన పి.ఓ.లు, ఎ.పి.లు , తహసిల్దార్లు, ఎం.పి.డి.ఓ.లు ఎన్నికల డిటి లు  జీవన్ , రామచంద్ర , జానీ  సిబ్బంది పాల్గొన్నారు.

    జిల్లాలో పోలింగ్ స్టేషన్లు, ఓటర్ల సంఖ్య ఎన్నికల కమీషన్ సూచించిన తేది 23.02.2023 రోల్ :
తిరుపతి జిల్లా పట్టభద్రుల వివరాలు :

గూడూరు డివిజన్, పోలింగ్ కేంద్రాలు 11, ఓటర్లు 18,761
సూళ్ళురుపేట డివిజన్, పోలింగ్ కేంద్రాలు 11, ఓటర్లు 15,238
శ్రీకాళహస్తి డివిజన్, పోలింగ్ కేంద్రాలు 11, ఓటర్లు 15,043
తిరుపతి డివిజన్, పోలింగ్ కేంద్రాలు 29, ఓటర్లు 37,899
మొత్తం పట్టభద్రుల ఓటర్లు: 86,941

తిరుపతి జిల్లా ఉపాధ్యాయ వివరాలు :

గూడూరు డివిజన్, పోలింగ్ కేంద్రాలు 8, ఓటర్లు 1345
సూళ్ళురుపేట డివిజన్, పోలింగ్ కేంద్రాలు  9, ఓటర్లు 893
శ్రీకాళహస్తి డివిజన్, పోలింగ్ కేంద్రాలు 8, ఓటర్లు  811
తిరుపతి డివిజన్, పోలింగ్ కేంద్రాలు 12, ఓటర్లు 3083
మొత్తం ఉపాధ్యాయ  ఓటర్లు:6132

 ఎమ్మెల్సీ అభ్యర్థుల విజయానికి సహకరించండి ఎమ్మెల్యే కిలివేటి సంజీవయ్య.

తిరుపతి జిల్లా సూళ్లూరుపేట మార్చి 1 (రవి కిరణాలు):-

పట్టభద్రుల ఉపాధ్యాయ ఎమ్మెల్సీ అభ్యర్థుల విజయానికి ప్రతి ఒక్కరు సహకరించాలని సూళ్లూరుపేట ఎమ్మెల్యే కిలివేటి సంజీవయ్య కోరారు ఎమ్మెల్సీ ఎన్నికలు దగ్గర పడటంతో సూళ్లూరుపేట నాయుడుపేట పట్టణంలోని పలు పాఠశాలల్లో ఉపాధ్యాయులు పట్టభద్రులతో ఆయన మాట్లాడారు ముఖ్యమంత్రి వైఎస్ జగన్మోహన్ రెడ్డి బలపరిచిన వైకాపా అభ్యర్థులకు మొదటి ప్రాధాన్యత ఓటు వేసి భారీ విజయాన్ని చేకూర్చాలని కోరారు. ఈ కార్యక్రమంలో సూళ్లూరుపేట, నాయుడుపేట వైఎస్ఆర్సిపి నాయకులు కార్యకర్తలు పాల్గొన్నారు.

 రెండు మోటారు సైకిళ్లు ఢీ
నలుగురికి గాయాలు.

తిరుపతి జిల్లా, సూళ్లూరుపేట నియోజకవర్గం, తడ (రవి కిరణాలు) :-

నియోజకవర్గ పరిధిలోని తడ మండలం కాదలూరు జాతీయ రహదారి కూడలి సమీపంలో బుధవారం రెండు మోటార్ సైకిళ్ళు ఢీకొన్నాయి ఈ ప్రమాదంలో మోటార్ సైకిల్ లో ప్రయాణిస్తున్న నలుగురు గాయపడ్డారు గాయపడిన వారిని 108 సిబ్బంది చికిత్స నిమిత్తం సూళ్లూరుపేట ప్రభుత్వాసులకు తరలించారు అనంతరం తడ పోలీసులకు సమాచారం అందించారు వెంటనే పోలీస్ సిబ్బంది సంఘటన స్థలానికి చేరుకొని వివరాలు సేకరించి అనంతరం ప్రభుత్వ హాస్పిటల్ కి వెళ్లి క్షతగాత్రులను వివరాలు అడిగి తెలుసుకుని కేసు నమోదు చేసినట్లు తడ ఎస్సై జేపీ శ్రీనివాసులు రెడ్డి తెలిపారు.

ఎన్ఐపిఇఅర్ (నైపర్) తొలి సమావేశంలో పాల్గొన్న తిరుపతి ఎంపీ మద్దిల గురుమూర్తి

రవి కిరణాలు న్యూస్:-

 ఢిల్లీలో భారత ప్రభుత్వంలోని రసాయనాలు మరియు ఎరువుల మంత్రిత్వ మరియు ఫార్మాస్యూటికల్స్ శాఖ ఆధ్వర్యంలో ఏర్పాటు చేయబడిన నేషనల్ ఇన్‌స్టిట్యూట్ ఆఫ్ ఫార్మాస్యూటికల్ ఎడ్యుకేషన్ అండ్ రీసెర్చ్ (నైపర్) ఆదర్వంలో ఔషధ శాస్త్రాలలో అధునాతన అధ్యయనాలు, పరిశోధనలకు సంబందించి బుధవారం పలు చర్చలు జరిగాయి. భారతీయ ఔషధ ప్రమాణాలు మెరుగుపరచడమే అజెండాగా జరిగిన ఈ తొలి సమావేశంలో తిరుపతి ఎంపీ మద్దిల గురుమూర్తి పాల్గొన్నారు. ఈ జాతీయ సంస్థకు తిరుపతి ఎంపీ మద్దిల గురుమూర్తి కౌన్సిల్ మెంబర్ గా  ఎన్నుకోబడిన విషయం అందరికీ విధితమే.