Ravikiranalu TV

 చెంగాళమ్మ ఆలయంలో ముగిసిన కుంభాభిషేక మహోత్సవాలు.

తిరుపతి జిల్లా, సూళ్లూరుపేట, ఫిబ్రవరి 24 (రవి కిరణాలు):-

పట్టణంలోని కాళ్ళంగి నది ఒడ్డున వెలసి ఉన్న తెలుగు తమిళ ఆరాధ్య దైవం శ్రీ చెంగాలమ్మ పరమేశ్వరి ఆలయంలో మూడు రోజుల నుండి జరుగుతున్న కుంబాభిషేకం మహోత్సవంలో భాగంగా శుక్రవారంతో  ముగిశాయి. ముందుగా అమ్మవారికి ప్రత్యేక పూజలు ,అభిషేకాలు, కుంకుమార్చన పూజలు నిర్వహించారు. అనంతరం యాగశాల మండపంలో స్వర్ణ విమాన గోపురంపై ప్రతిష్టించే శిఖర కళశాలకు  సుగంధ ద్రవ్యాలతో వేద పండితులచే అభిషేకాలు చేసి కలిశాలకు ప్రత్యేక పూజలు నిర్వహించి అనంతరం స్వర్ణ విమాన గోపురం పై ప్రతిష్టించారు. ఈ కార్యక్రమానికి ఉభయ దాతలుగా రాజ్యసభ సభ్యులు వేమిరెడ్డి ప్రభాకర్ రెడ్డి - ప్రశాంతి రెడ్డి దంపతులు వ్యవహరించారు. వీరితోపాటు స్థానిక ఎమ్మెల్యే కిలివేటి సంజీవయ్య , శ్రీ సిటీ ఎండి రవి సన్నారెడ్డి, ఆలయ చైర్మన్ దువ్వూరు బాలచంద్రారెడ్డి దంపతులు, ఆలయ ఈవో ఆళ్ళ శ్రీనివాసులు రెడ్డి దంపతులు వ్యవహరించారు. అనంతరం కలిశాలలో ఉన్న తీర్థాన్ని అభిషేకం చేసి ఆలయానికి విచ్చేసిన భక్తులపై పులకించారు. అనంతరం ఆలయంలో భక్తులకు అన్నదాన కార్యక్రమం నిర్వహించారు. ఈ కార్యక్రమంలో ఆలయ ట్రస్ట్ బోర్డ్ సభ్యులు ముప్పాళ్ళ చంద్రశేఖర్ రెడ్డి, కర్లపూడి సురేష్, వంకా దినేష్, బండి సునీత, ఓలేటి బాల సత్యనారాయణ, మన్నెముద్దుల పద్మజ, నాయుడు కుప్పం నాగమణి మరియు వైఎస్ఆర్సిపి నాయకులు కట్టా సుధాకర్ రెడ్డి, కళత్తూరు రామ్మోహన్ రెడ్డి, కళత్తూరు శేఖర్ రెడ్డి, తదితరులు పాల్గొన్నారు.

 చెంగాళ్లమ్మ తల్లిని దర్శించుకున్న ఉప ముఖ్యమంత్రి నారాయణ స్వామి.

తిరుపతి జిల్లా సూళ్లూరుపేట ఫిబ్రవరి 24 (రవి కిరణాలు):-

కాళ్ళంగి నది ఒడ్డున వెలసి అన్న భక్తుల కొంగు బంగారం కోరిన కోర్కెలు తీర్చే కల్పవల్లి దక్షిణం ఖాళీ శ్రీ చెంగాలమ్మ తల్లిని శుక్రవారం రాష్ట్ర ఉప ముఖ్యమంత్రి నారాయణస్వామి దర్శించుకున్నారు వీరికి ఎమ్మెల్యే కి సంజీవయ్య, ఆలయ చైర్మన్ దువ్వూరు బాలచంద్రారెడ్డి, ఆలయ ఈవో ఆళ్ళ శ్రీనివాసరెడ్డి స్వాగతం పలికి ప్రత్యేక పూజలు నిర్వహించారు. అనంతరం ఆలయ మర్యాదలతో సన్మానించి ప్రసాదాలు అందజేశారు. ఈ కార్యక్రమంలో ఆలయ పాలకమండలి సభ్యులు, వైఎస్ఆర్సిపి నాయకులు కార్యకర్తలు అభిమానులు పాల్గొన్నారు.

నా కుమారుడు మాగుంట రాఘవరెడ్డి ఎటువంటి తప్పు చేయలేదు.
-మాగుంట శ్రీనివాసులురెడ్డి

నా కుమారుడు మాగుంట రాఘవరెడ్డి ఎటువంటి తప్పు చేయలేదని ఒంగోలు పార్లమెంట్ సభ్యులు శ్రీ మాగుంట శ్రీనివాసులురెడ్డి గారు అన్నారు.
ఒంగోలులోని మాగుంట కార్యాలయంలో శుక్రవారం ఉదయం జరిగిన విలేకరుల సమావేశంలో మాగుంట మాట్లాడుతూ మా నాన్న గారు స్థాపించిన వ్యాపారం 70 సంవత్సరాల వ్యాపారం.ఇటువంటి వ్యాపారాలు పది రాష్ట్రాల్లో చేస్తూఉన్నాము. అలాగే నాకు ఈ వ్యాపారంలో 50 సంవత్సరాల అనుభవం ఉంది.
మాగుంట కుటుంబం ఏ రాష్ట్రంలో కూడా తప్పు చేయలేదు.
నా కుమారుడు రాఘవరెడ్డిని కోర్టులో కలిసినప్పుడు,నాన్న పెదనాన్న సుబ్బరామిరెడ్డి గారి పేరు ఎప్పుడూ అప్రతిష్టపాలు చేయను.మీకు తలవంపులు వచ్చే పని కూడా చేయను అని నా కుమారుడు అన్నాడు.అందుకే నాకు నా కుమారుడు మీద నమ్మకం ఉంది.నా కుమారుడు రాఘవరెడ్డి ఎక్కడా తప్పు చేయలేదు.
అందుకే నేను ధైర్యంగా ఉన్నాను.దయచేసి మీరు ధైర్యంగా ఉండండని అటువంటి భరోసాతో గట్టిగా చెబుతున్నప్పుడు అనిపించింది,భగవంతుడా ఇటువంటి బిడ్డను నాకు ప్రసాదించినందుకు నీకు జన్మజన్మలకి రుణపడి ఉండాలని గర్వంగా కూడా ఎప్పుడూ ఉంటుంది.
నేను రాజకీయాలలోకి వచ్చి 32 సంవత్సరాలు.సుబ్బారామరెడ్డి గారు నాకు రాజకీయ జీవితం ప్రసాదించిన తర్వాత,ఎటువంటి తప్పులు రాజకీయంలో కూడా చేయకుండా సజావుగా సాగిపోతున్న మాగుంట కుటుంబం ఇది.
అందుకే మాగుంట కుటుంబ శ్రేయోభిలాషులు,ప్రకాశం జిల్లా ప్రజలందరికి మాగుంట కుటుంబం ఎప్పుడూ తప్పు చేయలేదు కనుక వారిని కుటుంబాన్ని ఆశీర్వదించండి.త్వరితగతిన ఈ సమస్యలన్నీ తీరిపోయేలా భగవంతుడ్ని ప్రార్ధించండని మాగుంట జిల్లా ప్రజలను కోరారు.

 "నూతన గవర్నర్ కు మంత్రి కాకాణి అభినందనలు"

రాజ్ భవన్:

తేది:24-02-2023
ఆంధ్రప్రదేశ్ రాష్ట్ర గవర్నర్ గా నూతనంగా నియమితులైన సయ్యద్ అబ్దుల్ నజీర్ గారు, రాజ్ భవన్ లో ప్రమాణ స్వీకారం చేసిన అనంతరం అభినందనలు తెలియజేసిన ఆంధ్రప్రదేశ్ రాష్ట్ర వ్యవసాయ మరియు సహకార, మార్కెటింగ్, ఫుడ్ ప్రాసెసింగ్ శాఖా మాత్యులు శ్రీ కాకాణి గోవర్ధన్ రెడ్డి గారు.

 శ్రీసిటీని సందర్శించిన ఎస్టోనియన్ వ్యాపార ప్రతినిధుల బృందం
- భారత్ లో మొబైల్ హెల్త్‌కేర్ యూనిట్ల తయారీ పరిశ్రమపై అధ్యయనం

రవి కిరణాలు న్యూస్ తడ శ్రీసిటీ, ఫిబ్రవరి 23, 2023:

సెమెట్రాన్/ఎంఎంహెచ్ గ్రూప్ ఎక్స్‌పోర్ట్స్ విభాగాధిపతి, ఎస్టోనియా మాజీ రక్షణ మంత్రి మార్గస్ త్సాక్నా నేతృత్వంలోని ఎస్టోనియన్ వ్యాపార ప్రతినిధుల బృందం, భారతీయ జాయింట్ వెంచర్ పార్ట్‌నర్స్ 'ఏపిరాన్ హెల్త్' సీనియర్ ఎగ్జిక్యూటివ్‌లతో కలిసి గురువారం శ్రీసిటీని సందర్శించింది. శ్రీసిటీ మేనేజింగ్ డైరెక్టర్ డాక్టర్ రవీంద్ర సన్నారెడ్డి వారికి సాదర స్వాగతం పలికి, శ్రీసిటీ భారీ పారిశ్రామిక నగరం మౌళిక సదుపాయాలు, ప్రత్యేకతలు, పరిశ్రమల ఏర్పాటు ప్రయోజనాలను వివరించారు.  

ఎస్టోనియాకు చెందిన సెమెట్రాన్ లిమిటెడ్ ఉన్నతాధికారులు మరియు ఏపిరాన్ హెల్త్‌కేర్ ప్రతినిధుల శ్రీసిటీ సందర్శన పట్ల రవీంద్ర సన్నారెడ్డి సంతోషం వ్యక్తం చేశారు. ఆయన మాట్లాడుతూ, ఇక్కడ వ్యాపార అనుకూల వాతావరణం, ప్రపంచ స్థాయి మౌలిక సదుపాయాలు, ప్రతిభ కలిగిన మానవ వనరులు, ప్రభుత్వ సహకారం ఖచ్చితంగా వారిని ఆకట్టుకుంటుందన్నారు. అలాగే ఎస్టోనియా మరియు ఉత్తర ఐరోపాలోని ఇతర దేశాల నుండి పెట్టుబడులకు మార్గం సుగమం చేస్తుందని పేర్కొన్నారు.

ఇండస్ట్రియల్ పార్క్ గురించి ప్రత్యక్షంగా తెలుసుకోవడం, దాని వ్యాపార సామర్థ్యాన్ని అంచనా వేయడం మరియు ప్లాంట్ ఏర్పాటు చేసే అవకాశాలను అన్వేషించడం వారి సందర్శన ఉద్దేశం.  దేశీయ మరియు ఎగుమతి ప్రయోజనాల కోసం, ముఖ్యంగా ఆసియా, యూరోపియన్ యూనియన్ మరియు ఆఫ్రికా కోసం 'మేక్ ఇన్ ఇండియా' కింద మొబైల్ హెల్త్‌కేర్ యూనిట్లను భారతదేశంలో తయారు చేయాలని కంపెనీ ప్రతిపాదిస్తోంది. తదనుగుణంగా అనువైన పారిశ్రామిక  ప్రదేశం కొరకు అన్వేషిస్తున్నది.

వ్యాపార ప్రతినిధులు శ్రీసిటీ ఎండీతో చర్చల సందర్భంగా ఎంతో ఆసక్తిని కనబరిచి, శ్రీసిటీలోని వివిధ అంశాలపై ప్రశ్నలడిగి తమ సందేహాలు నివృత్తి చేసుకున్నారు. అనంతరం వీరు పారిశ్రామికవాడను సందర్శించారు.
కాగా, సెమెట్రాన్/ఎంఎంహెచ్ సంస్థ ఎస్టోనియాలోని ప్రముఖ ఇన్వెస్టర్ గ్రూప్. ఆ దేశం యొక్క డిఫెన్స్ అండ్ సెక్యూరిటీ ఇండస్ట్రీ ఇన్నోవేషన్ క్లస్టర్‌లో సభ్యులు. ఎంటర్‌ప్రైజ్ ఎస్టోనియా ద్వారా యూరోపియన్ రీజినల్ డెవలప్‌మెంట్ ఫండ్ ద్వారా ఈ క్లస్టర్ కు నిధులు అందుతోంది. ఇది NATOలోని సభ్య దేశాలకు వేగవంతమైన విస్తరణ మొబైల్ మాడ్యులర్ ఫీల్డ్ హాస్పిటల్ యూనిట్లు, ఇతర అనుబంధ ఉత్పత్తులను తయారీ సరఫరా చేస్తుంది. ఏపిరాన్ హెల్త్‌కేర్ అనేది హెల్త్-టెక్ విభాగంలో ప్రారంభించబడ్డ ఒక అంకుర  సంస్థ.  జనాభాలోని అన్ని వర్గాలకు సరసమైన, అందుబాటులో ఉండే మొబైల్ మెడికేర్ మరియు టెలిమెడిసిన్ పరిష్కారాలను అందిస్తుంది. ఇది భారతీయ, గ్లోబల్ మార్కెట్లకు అనుగుణంగా కొత్త-యుగం వైద్య వినూత్న సాంకేతికతలను అందించాలని పనిచేస్తోంది.

టిడిపిలో చేరిన కన్నా లక్ష్మీనారాయణ

 అమరావతి మంగళగిరి

మంగళగిరి టిడిపి పార్టీ కార్యాలయానికి భారీ ర్యాలీతో చేరుకున్న కన్నా లక్ష్మీనారాయణ చంద్రబాబు నాయుడు సమక్షంలో టిడిపిలో చేరారు. ఆయనకు చంద్రబాబు పార్టీ కండువా కప్పి పార్టీలోకి ఆహ్వానించారు. గతంలో బిజెపి రాష్ట్ర అధ్యక్షుడిగా పనిచేసిన ఆయన ఇటీవల ఆ పార్టీకి రాజీనామా చేశారు. ఈ సందర్భంగా చంద్రబాబు నాయుడు మాట్లాడుతూ రాష్ట్ర రాజకీయాల్లో కన్నా లక్ష్మీనారాయణది ప్రత్యేక స్థానమని, విద్యార్థి దశ నుంచే కన్నా రాజకీయాల్లో ఉన్నారని, మంత్రిగా మరియు బిజెపి రాష్ట్ర అధ్యక్షుడిగా కన్నా లక్ష్మీనారాయణను చూశానని, పదేళ్లపాటు ముగ్గురు సీఎంల వద్ద కన్నా పనిచేశారని, కన్నాను ఓడించడం తనకు కూడా సాధ్యం కాలేదని, టిడిపిలో కన్నా చేరడం శుభపరిణామమని పేర్కొన్నారు. సిద్ధాంతపరంగా పనిచేయడంలో కన్నా లక్ష్మీనారాయణ ఒక గొప్ప నాయకుడని చంద్రబాబు నాయుడు కొనియాడారు.

 రెండవ రోజు  వైభవంగా చెంగాలమ్మ ఆలయంలో  మహా కుంభాభిషేక వేడుకలు.

ఆలయం అంతా పచ్చని తోరణాలు.

వేడుకల్లో పాల్గొన్న రాజ్యసభ సభ్యులు వేమిరెడ్డి దంపతులు, ఎమ్మెల్యే కిలివేటి.

 కుంకుమార్చనలో అధిక సంఖ్యలో  పాల్గొన్న భక్తులు.

 తిరుపతి జిల్లా, సూళ్లూరుపేట. ఫిబ్రవరి 23 (రవి కిరణాలు):-

సూళ్లూరుపేట పట్టణంలో వెలసి ఉన్న తెలుగు తమిళ ఆరాధ్య దైవం శ్రీ చెంగాలమ్మ ఆలయంలో నూతన స్వర్ణ విమాన గోపుర ప్రతిష్ట రెండవ రోజు మహా కుంభాభిషేక వేడుకల్లో భాగంగా ఆలయ చైర్మన్ దూరు బాలచంద్రారెడ్డి, ఆలయ ఈవో ఆళ్ల శ్రీనివాసరెడ్డి ఆధ్వర్యంలో వేడుకలను వైభవంగా నిర్వహించారు. ఈ కుంభాభిషేక వేడుకల్లో ఉభయ దాతలు రాజ్యసభ సభ్యులు వేమిరెడ్డి ప్రభాకర్ రెడ్డి - ప్రశాంతి రెడ్డి దంపతులు స్థానిక ఎమ్మెల్యే కిలివేటి సంజీవయ్య, ఆలయ చైర్మన్ దువ్వూరు బాలచంద్రారెడ్డి దంపతులు, ఆలయ ఈవో ఆళ్ల శ్రీనివాసరెడ్డి దంపతులు పాల్గొన్నారు. ముందుగా అమ్మవారికి ప్రత్యేక పూజలు నిర్వహించి ఆలయంలో ఏర్పాటు చేసినటువంటి
 యాగశాల లో పూజలు నిర్వహించారు.
ఆలయమంతా అరటి మానులు,మామిడాకులు తో పచ్చని తోరణాలు కట్టడంతో ఆలయంలో పండుగ వాతావరణం ఏర్పడింది. ఈ పూజల్లో ముందుగా యాగశాలలో పూజలు చేసిన అనంతరం లక్షకుంకుమార్చన పూజల్లో పాల్గొన్నారు.అనంతరం 16 శిఖర కలిశాలకు సుగంధ ద్రవ్యాలతో అభిషేకాలు చేశారు.

 ఈ వేడుకల్లో ఆలయ ట్రస్ట్ సభ్యులు ముప్పాళ్ల చంద్రశేఖర్ రెడ్డి,వంకా దినేష్,కర్లపూడి సురేష్,బండి సునీత,ఓలేటి బాలసత్యనారాయణ,మన్నెముద్దు పద్మజ,నాయుడు కుప్పం నాగమణి,తదితరులు పాల్గొన్నారు.