Ravikiranalu TV

 మున్సిపల్ కార్మికులకు ప్రభుత్వ వైద్య సౌకర్యం కల్పించాలి. సిఐటియు అనుబంధ సంస్థ నాయకులు.

రవి కిరణాలు, తిరుపతి జిల్లా, సూళ్లూరుపేట:-

 సిఐటియు అనుబంధ సంస్థ సూళ్ళూరుపేట మున్సిపల్ ఎంప్లాయిస్ అండ్ వర్కర్స్ యూనియన్ సూళ్ళూరుపేట నాయకులు, కార్మికులు సోమవారం ఆర్డీఓ గారికి వారి దీర్ఘకాలిక సమస్యలపై వినతి పత్రము సమర్పించారు. ఈ సందర్భంగా యూనియన్ గౌరవ అధ్యక్షులు కా. సాంబశివయ్య మాట్లాడుతూ వైద్య సౌకర్యము (ఈయస్ఐ) కొరకు కార్మికులు గత కొన్ని నెలలుగా సభ్యత్వ రుసుము చెల్లిస్తున్నారని  కాని  ప్రభుత్వము వైధ్య సౌకర్యము, ప్రసూతి ఖర్చులు, లీవులు తదితర అందుబాటులో లేకుండా చేసి కార్మిక హక్కులను హరిస్తుందన్నారు. సర్వీసు అందుబాటులో లేని కారణంగా ఇంతవరకు వసూలు చేసిన రుసుము వాపస్ చేయాలని డిమాండు చేసారు.  సంవత్సరాలు తరబడి పనిచేస్తున్న కార్మికులను పర్మనెంటు చేయాలని డిమాండు చేసారు. తిరుపతి జిల్లా మున్సిపల్ కార్మికుల కార్యదర్శి కా. గోపి మాట్లాడుతూ ప్రావిడెంట్ ఫండ్ లో వున్న వ్యత్యాసాలను ఆఫీసులోనే సరిచేయలన్నారు.  అలాగే గుర్తింపు కార్డులు జారీచేయాలని, ముఖ హాజరును నిరాకరిస్తున్నామన్నారు. ఈ కార్యక్రమములో సిపిఎం మండల కమిటి కార్యదర్శి కా. పద్మనాభయ్య మున్సిపల్ వర్కర్స్ నాయకులు రామయ్య పళని చంగయ్య రమణయ్య వెంకటరత్నం తదితరులు పాల్గొన్నారు.

 ఏ పి జె ఏ సి తిరుపతి జిల్లా చైర్మన్ గా పెళ్ళూరు గోపీనాథ్ రెడ్డి.
 
రవి కిరణాలు, తిరుపతి జిల్లా, దొరవారిసత్రం:-
 
 ఏ పి జె ఏ సి తిరుపతి జిల్లా చైర్మన్ గా  దొరవారిసత్రం  తహశీల్దార్  పెళ్లూరు గోపినాధ్ రెడ్డి ఏకగ్రీవంగా ఎన్నికయ్యారు. ఆదివారం కర్నూలు లో జరిగిన ఏ పి జె ఏ సి 3వ మహాసభలు నిర్వహించారు. ఈ సందర్బంగా నూతన కమిటీలను ఎన్నుకున్నారు. ఈ నేపథ్యంలో తిరుపతి జిల్లా రెవిన్యూ అసోసియేషన్ ప్రధాన కార్యదర్శి గా పనిచేస్తున్న పెళ్లూరు గోపినాథ్ రెడ్డి ఏపి జె ఏ సి తిరుపతి జిల్లా చైర్మన్ గా ఏకగ్రీవంగా ఎన్నికయ్యారు.చిట్టమూరు  మండలం తీరప్రాంతమైన బురదగాలి  కొత్తపాలెం గ్రామంలోని రైతు కుటుంబంలో జన్మించిన గోపిరెడ్డి ఉమ్మడి నెల్లూరు జిల్లాలోని వివిధ కళాశాలల్లో విద్యార్థి నాయకుడుగా,ఓ జాతీయ పార్టీ లో వివిధ హోదాల్లో పనిచేశారు.2002 లో రెవిన్యూ శాఖలో  ఉద్యోగంలో చేరి బాధ్యతలు నిర్వహిస్తున్నారు.సూళ్లూరుపేట నియోజకవర్గంలో వివిధ రెవెన్యూ కార్యాలయాల్లో వివిధ హోదాల్లో పనిచేసిన గోపినాధ్ రెడ్డి నియోజకవర్గ ప్రజలకు సుపరిచితులు,గోపిరెడ్డి గా పిలువబడే  ఆయన సౌమ్యులు,మంచి వారనే పేరుంది.గతంలో పెళ్ళూరు  గోపీనాథ్ రెడ్డి సూళ్లూరుపేట తాలూకా ప్రభుత్వ ఉద్యోగుల సంఘం అధ్యక్షులుగా,ఉమ్మడి నెల్లూరు జిల్లా లో చిట్టామురు మండలం వి.అర్.ఓ సంఘం అధ్యక్షులుగా,చిట్టామురు,కోట, వాకడు మండల వి.అర్.ఓ ల సంఘం అధ్యక్షులుగా,నెల్లూరు జిల్లా వి.అర్.ఓ ల సంఘం అధ్యక్షులు గా నాయుడుపేట తాలూక  ఏ పీ ఎన్ జి ఓస్ కార్యదర్శిగా,నాయుడుపేట డివిజన్ రెవెన్యూ అసోసియేషన్ అధ్యక్షులుగా,తిరుపతి జిల్లా రెవిన్యూ సర్వీసెస్ అషోషియేషన్, కన్వీనర్,ప్రధాన కార్యదర్శిగా పనిచేస్తున్న పెళ్ళూరు గోపీనాథ్ రెడ్డి  నేడు ఏపి జె ఏ సి తిరుపతి జిల్లా చైర్మన్ గా ఏకగ్రీవంగా ఎన్నికయ్యారు.ఈ సందర్భంగా గోపీనాథ్ రెడ్డి మాట్లాడుతూఏ పి జె ఏ సి తిరుపతి జిల్లా చైర్మన్ గా తాను ఏకగ్రీవంగా ఎన్నికయ్యేందుకు సహకరించిన ఏ పి జె ఏ సి అమరావతి చైర్మన్ బొప్పరజు వెంకటేశ్వర్లు,తిరుపతి జిల్లాలోని అన్ని ప్రభుత్వశాఖ ఉద్యోగులకు కృతజ్ఞతలు తెలియజేశారు. పెళ్లూరు.గోపీనాథ్ నియామకం పట్ల తిరుపతి జిల్లాలోని అన్ని ప్రభుత్వశాఖల ఉద్యోగులు, ప్రజాప్రతినిధులు,స్నేహితులు హర్షం  వ్యక్తం చేశారు.ఈ సందర్బంగా బాణ సంచా కాల్చి,కేకులు కట్ చేసి పంచిపెట్టారు.

 అభిమానుల నడుమ మునిసిపల్ చైర్మన్ శ్రీమంత్ రెడ్డి 35వ జన్మదిన వేడుకల సంబరాలు..

పట్టణంలో పలు వార్డులో అభిమానులు అన్నదానం కార్యక్రమలు..

రవి కిరణాలు, తిరుపతి జిల్లా సూళ్లూరుపేట:-
 
సూళ్లూరుపేట మున్సిపల్ చైర్మన్ దబ్బల శ్రీమంత్ రెడ్డి 35 వ  జన్మదిన వేడుకలు కీ"శే" దబ్బల రాజారెడ్డి  నివాసం నందు ఆదివారం ఘణంగా నిర్వహించారు. ఈ వేడుక కు  ముఖ్యఅతిధిగా శ్రీ శ్రీ శ్రీ చెంగలమ్మ పరమేశ్వరి అమ్మవారి దేవస్థానం చైర్మన్ దువ్వూరు బాలచంద్ర రెడ్డి విచ్చేసి కేక్ కట్ చేసి జన్మదిన శుభాకాంక్షలు తెలిపారు. సూళ్లూరుపేట పట్టణ అధ్యక్షులు కలత్తూరు శేఖర్ రెడ్డి,తడ మండలం, సూళ్లూరుపేట పట్టణం వైస్సార్సీపీ నాయకులు, భారీ సంఖ్యలో కార్యకర్తలు, అభిమానులు, అధికారులు,సచివాలయం ఉద్యోగులు,ప్రముఖులు,పట్టణ ప్రజలు,శాలువాలు, పూలబుకెలు అందించి జన్మదిన శుభాకాంక్షలు తెలిపారు.అనంతరం పలు వార్డు లలో అభిమానలు నిర్వహించిన అన్నదానం కార్యక్రమంలో బాలచంద్ర రెడ్డి, శ్రీమంత్ రెడ్డి పాల్గొన్నారు.బాపూజీ కాలనీ షార్ వైజంక్షన్ నందు రాజ్ కుమార్ గౌడ్, సురేష్ రాయల్స్,తరువాత సూళ్లూరు నాగరాజ పురం లో సంతోష్, కార్తీక్, శ్రవణ్, బజారు వీధి నందు శ్రవణ్ మ్యాడీ, ఇరువురు బాణచ్చలు, తీన్మార్ బ్యాండ్ ఆట పాటలతో,స్వాగతం పలికి భారీ కేక్ కట్చెసి,అందరికి పంచిపెట్టి,పలువురుకు అన్నదానం చేసారు. పందలగుంట ఎస్టి కాలనీ పాఠశాల నందు యం డి నిషాంత్ సుల్తాన ఏ పి వక్ఫ్ బోర్డు డైరెక్టర్, మెప్మా టి యల్ ఎఫ్ ప్రెసిడెంట్ స్వప్న ఆధ్వర్యంలో కేక్ కట్ చేసి విద్యార్థులు, చిన్నారులకూ పంచిపెట్టి, పుస్తకాలు పెన్సిల్లు,అందజేశారు.

 దోహదపడతాయని పేర్కొన్నారు.

రవికిరణలు న్యూస్ తడ:

మారథాన్ అనంతరం జరిగిన సమావేశంలో నాలుగు వయో విభాగాల్లో ఒక్కో విభాగంలో మొదటి ముగ్గురు విజేతలకు ఎం.బాలసుబ్రహ్మణ్యం, ప్రొఫెసర్ నిర్మలరావు, ప్రొఫెసర్ జి.కన్నబిరాన్ బహుమతులు అందజేశారు. పాల్గొన్న వారందరికీ డిజిటల్ సర్టిఫికెట్లు అందజేశారు. ఈ కార్యక్రమంలో శ్రీసిటీ వైస్ ప్రెసిడెంట్ (కస్టమర్ రిలేషన్స్) సి.రమేష్ కుమార్, శ్రీసిటీ డీఎస్పీ జగదీష్ నాయక్, సీఐ శ్రీనివాసులు తదితరులు పాల్గొన్నారు.

 చెంగాళ్ళమ్మ ఆయయంలో చండీయాగం.

అమ్మణ్డీ దర్శించుకున్న తిరుపతి జిల్లా కలెక్టర్ కె. వెంకట రమణా రెడ్డి దంపతులు.

రవి కిరణాలు, తిరుపతి జిల్లా, సూళ్లూరుపేట:-

 కాళ్ళంగి నది ఒడ్డున వెలసి ఉన్న భక్తుల కొంగు బంగారం, కోరిన కోర్కెలు తీర్చే కల్పవల్లి, దక్షిణ ముఖ ఖాళీ శ్రీ చెంగాళమ్మ పరమేశ్వరి దేవస్థానము నందు  పౌర్ణమి సందర్భంగా ఆలయ చైర్మన్ దువ్వూరు బాలచంద్రా రెడ్డి సమక్షంలో కార్యనిర్వహణాధికారి ఆళ్ళ శ్రీనివాస రెడ్డి పర్యవేక్షణలో  108 క్షిర కలశము ప్రతిష్టించి పూజలు నిర్వహించి తదుపరి  శ్రీ అమ్మవారికి క్షిరాభిషేకం నిర్వహించి అనంతరం మహాచండియాగం నిర్వహించారు. ఉభయకర్తలుగా సూళ్లూరుపేట చెందిన చెరుకుపల్లి రామ్ కుమార్ శ్రీమతి శ్రీలక్ష్మి దంపతులు  వ్యవహరించారు.

చెంగాళ్ళమ్మ సేవలో జిల్లా కలెక్టర్ దంపతులు..

 శ్రీ అమ్మవారిని  తిరుపతి జిల్లా, కలెక్టర్  కె.వెంకటరమణ రెడ్డి ,IAS కుటుంభ సమేతముగా దర్శించుకొని పూజలు నిర్వహించుట జరిగినది. వారిని చైర్మన్, మరియు కార్యనిర్వహణాధికారి ఆలయ మర్యాదలతో స్వాగతం పలికి ప్రత్యేక పూజలు నిర్వహించి అనంతరం అమ్మవారి ప్రసాదములు అందజేసి వేదపండితులచే ఆశీర్వచనము చేయుట జరిగినది. ఈ కార్యక్రమంలో ధర్మకర్తల మండలి సభ్యులు ముప్పాళ చంద్రశేఖర్ రెడ్డి, వంకా దినేష్ కుమార్, ఓలేటి బాల సత్యనారాయణ, మన్నెముద్దు పద్మజ, బండి సునీత, పెనుబెటి మారెమ్మ, మాజీ ధర్మకర్తల మండలి సభ్యులు ముంగుర అమరావతి, మున్సిపల్ ఛైర్మన్, దబ్బల శ్రీమంత్ రెడ్డి, తహశీల్దార్ కె.రవి కుమార్ తదితరులు పాల్గొన్నారు.

 చెంగాళ్ళమ్మ తల్లిని దర్శించుకున్న మున్సిపల్ చైర్మన్ దంపతులు.

రవి కిరణాలు, తిరుపతి జిల్లా, సూళ్లూరుపేట:-

సూళ్లూరుపేట మున్సిపల్ చైర్మన్ దబ్బల శ్రీమంత్ రెడ్డి తన 35వ జన్మదినం సందర్భంగా ఆదివారం సూళ్లూరుపేటలోని కాల్లంగి నది ఒడ్డున వెలసి ఉన్న భక్తులకు బంగారం కోరిన కోర్కెలు తీర్చే కల్పవల్లి దక్షిణముఖ కాళీ శ్రీ చెంగాలమ్మ పరమేశ్వరి అమ్మవారిని కుటుంబ సమేతంగా విచ్చేసి దర్శించుకున్నారు.
శ్రీమంత్ రెడ్డి ఆయన సతీమణి హారిక రెడ్డి ముందుగా అమ్మవారిని దర్శించుకుని మొక్కులు తీర్చుకున్నారు. అనంతరం వేద పండితులు ఆశీర్వచనం పలికారు. ఆలయ చైర్మన్ దువ్వూరు బాలచంద్రారెడ్డి, ఈవో ఆళ్ల శ్రీనివాసులురెడ్డి వీరిని ఆలయ మర్యాదలతో సత్కరించారు, అనంతరం అమ్మవారి తీర్థ ప్రసాదాలు అందజేశారు. ఈ కార్యక్రమంలో ఆలయ పాలక మండల సభ్యులు ముప్పాళ్ళ చంద్రశేఖర్ రెడ్డి, ఓలేటి బాల సత్యనారాయణ, వంక దినేష్ తదితరులు పాల్గొన్నారు.

 తేది: 04-02-2023

నిఘా పెట్టిన వైసీపీ నాయకులను ప్రజలే తరిమి తరిమి కొడతారు
-పవనన్న ప్రజాబాటలో జనసేన పార్టీ నేత కేతంరెడ్డి వినోద్ రెడ్డి

నెల్లూరు సిటీ నియోజకవర్గంలో జనసేన పార్టీ నాయకులు కేతంరెడ్డి వినోద్ రెడ్డి ఆధ్వర్యంలో నిర్విరామంగా, నిరాటంకంగా జరుగుతున్న పవనన్న ప్రజాబాట కార్యక్రమం 264వ రోజున 54వ డివిజన్ వెంకటేశ్వరపురం జనార్ధన్ రెడ్డి కాలనీ ప్రాంతంలో జరగింది. ఇక్కడ ప్రతి ఇంటికీ వెళ్ళిన కేతంరెడ్డి ప్రజల సమస్యలను అధ్యయనం చేసి అండగా నిలబడతామని భరోసా కల్పించారు.

ఈ సందర్భంగా కేతంరెడ్డి వినోద్ రెడ్డి మాట్లాడుతూ ఫోన్ ట్యాపింగ్ తో ఎమ్మెల్యేలు, ప్రతిపక్ష నాయకులపై నిఘా పెట్టిన వైసీపీ ప్రభుత్వం, ఫేస్ రికగ్నిషన్ వంటి మొబైల్ యాప్ లతో ప్రభుత్వ ఉద్యోగుల మీద నిఘా పెట్టిందని, వాలంటీర్లతో ప్రజలందరి మీద నిఘా పెట్టిందని అన్నారు. ఈ రకంగా ప్రజల వ్యక్తిగత భద్రతకు భంగం కలిగిస్తూ స్వేచ్ఛను హరిస్తోందని అన్నారు. ప్రభుత్వానికి ఉన్న వందలాది పనికిమాలిన సలహాదారుల్లో ఎవరి సలహాలో ఇవి కాని ఈ ప్రభుత్వం పై ప్రజల తీవ్ర వ్యతిరేకతకు ఈ నిఘానే నాందిగా మారిందని అన్నారు. ఆ వ్యతిరేకతను ఎమ్మెల్యేల తిరుగుబాటు రూపంలో, ప్రభుత్వ ఉద్యోగులను హౌస్ అరెస్ట్ చేయడం వంటి చర్యల రూపంలో మనం ఇప్పుడు ప్రత్యక్షంగా చూస్తున్నామని అన్నారు. వాలంటీర్లతో ఈ ప్రభుత్వం తమ మీద నిఘాను ఎలా పెట్టి తమను వేధింపులకు గురి చేస్తుందో ఇప్పుడిప్పుడే ప్రతి ఒక్కరికీ అర్థం అవుతోందని, తమ భద్రతకి భంగం కలిగిస్తున్న వైసీపీ నాయకులను ప్రజలందరూ తరిమి తరిమి కొట్టే రోజులు ఎంతో దూరంలో లేవని కేతంరెడ్డి వినోద్ రెడ్డి అన్నారు.