Ravikiranalu TV

ముఖ్యమంత్రి పర్యటనలో చిన్నపాటి పొరపాట్లకు తావివ్వరాదు: జిల్లా కలెక్టర్
 
తిరుపతి, సెప్టెంబర్ 26:  ముఖ్యమంత్రి వై ఎస్ జగన్ మోహన్ రెడ్డి ఈ నెల 27,28 లలో జిల్లా పర్యటనలో చిన్న పొరపాట్లకు కూడా తావివ్వరాదని, అధికారులు కేటాయించిన విధులు అప్రమత్తంగా నిర్వహించి పర్యటన విజయవంతం చేయాలని జిల్లా కలెక్టర్ కె.వెంకటరమణా రెడ్డి అధికారులను ఆదేశించారు. సోమవారం సాయంత్రం కలెక్టర్ చాంబర్ నందు విధులు కేటాయించిన అధికారులతో జేసి డి కే బాలాజీ తో కలసి జిల్లా కలెక్టర్ సమీక్ష నిర్వహించారు. కలెక్టర్ మాట్లాడుతూ అధికారులు తమకు కేటాయించిన విధుల్లో అప్రమత్తంగా వుండాలని, తిరుపతి రెవెన్యూ డివిజనల్ అధికారి పర్యటన పూర్తి సమన్వయం,   విమానాశ్రయం నుండి అలిపిరి వరకు శానిటేషన్ ప్రక్రియ మునిసిపల్ కార్పోరేషన్ , గంగమ్మ గుడి వద్ద నగరపాలక సంస్థ డి.సి., తుడా సెక్రటరీ , అలిపిరివద్ద ఆర్టిసి విధ్యుత్ బస్సుల ప్రారంభం ఆర్ ఎం .ఆర్టిసి పర్యవేక్షణ వుండాలని సూచించారు. మెడికల్ అంబులెన్స్ లు , ఫైర్ సేఫ్టీ , కోవిడ్ ప్రోటోకోల్ , పోలీస్ భద్రతా ఏర్పాట్లు , విధ్యుత్ అంతరాయం వంటివి లేకుండా చూడాలని సూచించారు.
ఈ సమీక్షలో జిల్లా రెవెన్యూ అధికారి శ్రీనివాస రావు. అర్దిఒ కనకనరసా రెడ్డి, స్పెషల్  డిప్యూటి కలెక్టర్ శ్రీనివాసులు ,  జిల్లా అధికారులు పాల్గొన్నారు.

 రవి కిరణాలు టీవీ వాకాడు ఏఎంసీ ఆవరణలో 'నేదురుమల్లి' వర్గంతో సమావేశమైన శ్యాంప్రసాద్ రెడ్డి
 జగన్ ఆశీస్సులతో ఎమ్మెల్సీ అభ్యర్థిగా బరిలో ఉన్నా..
సీఎం జగన్మోహన్ రెడ్డికి ఋణపడి ఉంటా..

          నిరుద్యోగుల సమస్యలు పరిష్కరించేందుకు మండలిలో గళమెత్తుతా..!

 మీ అందరి సహకారం, ఆత్మీయత మరువలేనిది.. గతంలో నమోదు చేసుకున్న ఓట్లు రద్దయ్యాయి.. నవంబర్ 7 లోపు దరఖాస్తు చేసుకోండి..        2019 సం..మునుపు డిగ్రీ చేసిన ప్రతి ఒక్కరూ , రిటైర్డ్ ఉద్యోగులు ఓటు నమోదు చేసుకోండి..!
           'వాకాడు' లో శ్యాంప్రసాద్ రెడ్డికి భారీ మెజారిటీ ఖాయం: భక్తవత్సలరెడ్డి భరోసా..

 'రాష్ట్ర ముఖ్యమంత్రి వైయస్ జగన్మోహన్ రెడ్డి ఆశీస్సులతో పట్టభద్రుల ఎమ్మెల్సీ అభ్యర్థిగా బరిలో ఉన్నా.. నా గెలుపుకు సహకరించండి.. శాసనమండలిలో నిరుద్యోగుల సమస్యలపై గళమెత్తుతా.. వాకాడు మండలానికి పలు పరిశ్రమలను తీసుకొచ్చి ఉద్యోగావకాశాలు కల్పిస్తా..' అని వైసీపీ రాష్ట్ర కార్యదర్శి పేర్నాటి శ్యాంప్రసాద్ రెడ్డి అన్నారు. వాకాడు ఏఎంసీ కార్యాలయ ఆవరణలో సోమవారం మండల పరిధిలోని నేదురుమల్లి వర్గం, వైసీపీ నాయకులు, కార్యకర్తలను మర్యాదపూర్వకంగా కలుసుకున్నారు.

 ఈ సందర్భంగా పేర్నాటి శ్యాంప్రసాద్ రెడ్డి మాట్లాడుతూ.. రాష్ట్ర ముఖ్యమంత్రి వైయస్ జగన్మోహన్ రెడ్డి ఆశీస్సులతో తూర్పు రాయలసీమ (ఉమ్మడి ప్రకాశం-నెల్లూరు-చిత్తూరు జిల్లాల) పట్టభద్రుల ఎమ్మెల్సీ అభ్యర్థిగా పోటీచేస్తున్నానన్నారు. తన పేరును ఖరారు చేసినందుకు జగన్ ఋణపడి ఉంటానన్నారు. ప్రకాశం జిల్లాలోని మంత్రులు, ఎంపీలు, ఎమ్మెల్యే, రీజనల్ కో-ఆర్డినేటర్లను కలిసి తన గెలుపుకు సహకరించాల్సిందిగా కోరానన్నారు. నెల్లూరులో ఆదివారం వ్యవసాయ శాఖ మంత్రి కాకాణి గోవర్ధన్ రెడ్డి, ఎంపీ వేమిరెడ్డి ప్రభాకర్ రెడ్డిల అధ్యక్షతన ఎమ్మెల్యే, ఎంపీ, ఎమ్మెల్సీలతో సమన్వయ సమావేశం జరిగిందన్నారు. అందరూ ఆత్మీయంగా ఆదరిస్తూ, గెలుపుకు సహకరిస్తామని హామీ ఇవ్వడం శుభ సూచకమన్నారు.
 ఇలా పలువురు ప్రముఖులను కలుస్తూ గెలుపుకు సహకారం కోరుతున్నానని, ఈ క్రమంలో భాగంగా సోమవారం వాకాడు మండలానికి చెందిన సూళ్లూరుపేట నియోజకవర్గ ఎన్నికల పరిశీలకుడు కొడవలూరు భక్తవత్సలరెడ్డి అధ్యక్షతన వైసీపీ ముఖ్యనాయకులతో కలిసానన్నారు. వాకాడు మండలంలో వైసీపీకి భారీ మెజారిటీ వచ్చేలా కృషి చేస్తానని భక్తవత్సలరెడ్డి మాట ఇవ్వడం సంతోషకరమన్నారు.
 2019 సంవత్సరం అక్టోబర్ 1 నాటికి మూడు సంవత్సరాల డిగ్రీని పూర్తి చేసిన వారి కోసం,  ఓటు నమోదు ప్రక్రియ అక్టోబర్ 1 నుండి నవంబర్ 7 వరకు కొనసాగుతుందన్నారు. ఆయుర్వేదం డిగ్రీ, డాక్టర్లు, ఇంజినీర్లు, ఎలాంటి డిగ్రీ అర్హత ఉన్నా, రిటైర్డ్ ఉద్యోగులైనా ఓటు నమోదు చేసుకునేందుకు అర్హులన్నారు. గతంలో ఉన్న ఓట్లు రద్దు చేసినందున, వారందరూ తప్పనిసరిగా ఓటుకు దరఖాస్తు చేసుకోవాలని విజ్ఞప్తి చేసారు. ఎమ్మెల్సీగా తన విజయానికి అందరూ సహకరించాలని కోరారు. నిరుద్యోగ సమస్యలను శాసన మండల దృష్టికి తీసుకెళ్లి నిరుద్యోగ పట్టబద్రులకు ఉపాధి అవకాశాలు కల్పిస్తానన్నారు.

 అనంతరం వాకాడు సొసైటీ చైర్మన్ కొడవలూరు భక్తవత్సలరెడ్డి మాట్లాడుతూ.. వాకాడు మండలం వైయస్ఆర్ కాంగ్రెస్ పార్టీకి కంచుకోట అని అన్నారు. మండలంలోని వైసీపీ నాయకులందరూ సమిష్టిగా పని చేసి, శ్యాంప్రసాద్ రెడ్డికి భారీ మెజార్టీ వచ్చేందుకు పనిచేయాలన్నారు. గూడూరు నియోజకవర్గంలోనే వాకాడు మండలంలో వైసీపీకి భారీ మెజార్టీ ఖాయమని భరోసా ఇచ్చారు.
 ఈ కార్యక్రమంలో.. వాకాడు మాజీ ఎంపిపి దువ్వూరు మధుసూదన్ రెడ్డి, వాకాడు వ్యవసాయ సలహా మండలి చైర్మన్ దువ్వూరు అజిత్ కుమార్ రెడ్డి, ఏనుగు సుధాకర్ నాయుడు, సన్నారెడ్డి చంద్రభూషణ్ రెడ్డి, దువ్వూరు విజయ భాస్కర్ రెడ్డి, మారంరెడ్డి కిరణ్ రెడ్డి, పాదర్తి రాధాకృష్ణా రెడ్డి, ఉప్పల ప్రసాద్ గౌడ్, దువ్వూరు సాయికృష్ణా రెడ్డి, ఇన్నమాల వెంకటాద్రి, వైసీపీ నాయకులు, కార్యకర్తలు పాల్గొన్నారు.

దొరవారిసత్రం మండలం తిరుపతి జిల్లా. రవికిరణాలు టీవీ... దొరవారిసత్రం మండల పరిధిలోని వెదురు పొట్టు గ్రామపంచాయతీ వెదురు పొట్టు రాజుపాలెం గ్రామంలో ఇంటి స్థలం పట్టాల పంపిణీ కార్యక్రమం జరిగింది. ఈ కార్యక్రమంలో గ్రామ సర్పంచ్ మధు సుధన్ రెడ్డి, దొరవరిసత్రం మండల రెవెన్యూ అధికారి గోపిరెడ్డి,విలేజ్ అధికారి వినయ్ గారు మరియు ఉపసర్పంచ్ D. అరుణ గారు పాల్గొన్నారు. తహసీల్దరూ గోపిరెడ్డి గారు మరియు సర్పంచ్ మదూసుధన్ రెడ్డి గారు చేతుల మీదుగా p. అంకమ్మ, k. ధనలక్షి,B. మంగమ్మ, s. రమ్య,t. గురవమ్మ లకు ఇంటి స్థలం పట్టాలు పంపిణి చేయడం జరిగింది...

 అమ్మ దయ అందరిపైనా ఉండాలి

- దేవీ చౌక్ వద్ద శ్రీ దేవి శరన్నవరాత్రి మహోత్సవాలు ప్రారంభించిన ఎంపీ భరత్

రాజమహేంద్రవరం, సెప్టెంబరు 26: జగన్మాత ఆ చల్లని తల్లి విజయదుర్గమ్మ కరుణా కటాక్షాలు అందరిపైనా ఉండాలని అమ్మవారిని ప్రార్థించినట్టు రాజమండ్రి ఎంపీ మార్గాని భరత్ రామ్ తెలిపారు. సోమవారం ఆయన సతీ సమేతంగా నగరంలోని వివిధ ప్రధాన జంక్షన్ల వద్ద ఏర్పాటు చేసిన శ్రీ దేవీ శరన్నవరాత్రి ప్రారంభోత్సవాలకు వెళ్ళారు. తొలుత రాజమండ్రి నగరంలో అత్యంత మహిమాన్వితురాలిగా వినుతికెక్కిన దేవీ చౌక్ వద్ద శ్రీ దేవి శరన్నవరాత్రి మహోత్సవాలను ఎంపీ భరత్ ప్రారంభించారు. అమ్మవారికి ఎంపీ భరత్ దంపతులు విశేషార్చనలు నిర్వహించారు. ఈ సందర్భంగా ఎంపీ దంపతులకు పండితులు వేదాశీస్సులు అందజేశారు. ఉత్సవ కమిటీ ఎంపీ భరత్ రామ్ దంపతులను సత్కరించి, జ్ఞాపిక అందజేశారు. అటు తరువాత కోటిపల్లి బస్టాండు పెట్రోల్ బంక్ పక్కన శ్రీ కనకదుర్గా టాక్సీ ఓనర్స్, డ్రైవర్స్ సంఘం ఆధ్వర్యంలో ఏర్పాటు చేసిన మండపం, మంగళవారపు పేట సబ్ రిజిస్ట్రార్ కార్యాలయం వద్ద, నగరంలోని పనస చెట్టు సెంటర్ దానవాయి బాబు గుడి వద్ద, జేఎన్ రోడ్డు శ్రీ స్వర్ణ దుర్గ నవరాత్రి మహోత్సవాలలో, క్వారీ సెంటర్ వద్ద (47 వ డివిజన్) నవ చండీ పూర్వక పంచమి శరన్నవరాత్రి ఉత్సవాలు, రాజమండ్రి రూరల్ కాతేరు శాంతినగర్ వద్ద, నగరంలోని గోదావరి గట్టు శ్రీ మార్కండేయ స్వామి వారి ఆలయం వద్ద పురోహితుల ఆధ్వర్యంలో నిర్వహించే దేవీ నవరాత్రి మహోత్సవాలు ప్రారంభోత్సవానికి ఎంపీ భరత్ ముఖ్య అతిథిగా హాజరయ్యారు. ఈ సందర్భంగా ఎంపీ మాట్లాడుతూ రాష్ట్రం అన్ని రంగాలలో దినదినాభివృద్ధి చెందేలా అందుకు అవసరమైన శక్తిని, ఆరోగ్యాన్ని ముఖ్యమంత్రి జగనన్నకు ప్రసాదించమని కోరినట్టు చెప్పారు. అలాగే దేశం, ప్రపంచం సుభిక్షంగా ఉండాలని, అందుకు ఆ తల్లి కరుణా కటాక్షాలు సర్వ జీవులపైనా పరిపూర్ణంగా ఉండాలని అమ్మలగన్న అమ్మ ఆ దుర్గమ్మను నిండు మనసుతో కొలిచినట్టు ఎంపీ భరత్ తెలిపారు. ఈ కార్యక్రమాలలో రుడా ఛైర్పర్సన్ మేడపాటి షర్మిలారెడ్డి, పార్టీ నగర శాఖ అధ్యక్షుడు నందెపు శ్రీనివాస్ తదితరులు పాల్గొన్నారు.

 ఆగి ఉన్న లారీ ను వెనుక నుండి ఢీకొన్న కంటైనర్

కాకినాడ జిల్లా

పిఠాపురం ఎక్సైజ్ పోలీస్ స్టేషన్ దగ్గర్లో లారీ యాక్సిడెంట్  కాకినాడ నుండి వైజాగ్ వైపు వెళ్తూ ఆగి ఉన్న మార్కెట్ లారీను మరో రొయ్యల కంటైనర్ లారీ డీ  స్వల్పగాయలతో బయటపడ్డ డ్రైవర్.

 అట్టహాసంతో ప్రారంభమైన అమ్మవారికి 1008 కలిశాల అభిషేక కార్యక్రమం

.. కన్యకా పరమేశ్వరి అమ్మవారి దేవస్థానం వరకు ప్రదర్శన

.. వెండి రథానికి సాగిన సంప్రోక్షణ

.. నుడా చైర్మన్ ముక్కాల ద్వారకానాధ్, ఆలయ కమిటీ ఆధ్వర్యంలో పెద్ద ఎత్తున ఏర్పాట్లు

దసరా నవరాత్రోత్సవాలు మొదటి రోజే నెల్లూరు నగరంలో అత్యంత వైభవంగా సాగుతున్నాయి. నెల్లూరు స్టోన్ హౌస్ పేటలోని శ్రీ వాసవి మాత కన్యకా పరమేశ్వరి అమ్మవారి శరన్నవరాత్రి మహోత్సవంలో భాగంగా నెల్లూర్ లోని శ్రీ రంగనాధుని దేవస్థానం నుండి పవిత్ర పెన్నా జలాలతో 1008 కలశములతో స్టోన్ హౌస్ పేటలో వేంచేసియున్న శ్రీ వాసవి కన్యకా పరమేశ్వరి అమ్మవారికి అభిషేకించేందుకు ప్రదర్శన ప్రారంభమైంది

 అంగరంగ వైభవంగా మేళతాళాలతో ఊరేగింపుగా రంగని సన్నిధి నుండి వాసవిమాత దేవస్థానం వరకు ఈ ప్రదర్శన సాగింది. నూతనంగా అమ్మవారి కోసం తీసుకువచ్చిన వెండి రథానికి పెన్నా నది తీరాన సంప్రోక్షణ కార్యక్రమం వైభవంగా ముగిసింది. నుడా చైర్మెన్ ముక్కాల ద్వారకా నాధ్ ఆలయ కమిటీ పాలకవర్గ సభ్యులు ఎప్పటికప్పుడు ఏర్పాట్లను దగ్గరుండి పర్యవేక్షిస్తున్నారు.

ఆంధ్రప్రదేశ్ పంచాయతీరాజ్ వ్యవస్థ లో మార్పులు, పరిణామాలపై  తన పి హెచ్ డి పరిశోధనలో భాగంగా సోమవారం కాకుటూరులోని విక్రమ సింహపురి విశ్వవిద్యాలయంలో తన పరిశోధన నివేదికలోని అంశాలను యూనివర్సిటీ ప్రొఫెసర్ల సమక్షంలో వివరిస్తున్న రాష్ట్ర వ్యవసాయ శాఖ మంత్రి శ్రీ కాకాణి గోవర్ధన్ రెడ్డి గారు