Ravikiranalu TV

వాకాడు, నెల్లిపూడి గ్రామాలలోని సంపద తయారీ కేంద్రాలను ప్రత్యేక అధికారి శ్రీనివాస రావు పరిశీలించారు.. వెల్నెస్ సెంటర్, గ్రామ సచివాలయం, రైతు భరోసా కేంద్రాలను తనిఖీ చేశారు.. పలు రికార్డులను క్షుణ్ణంగా పరిశీలించారు.. సిబ్బందికి సూచనలిచ్చారు..అనంతరం ఆయన మాట్లాడుతూ..చెత్త నుండి సంపద తయారీ కేంద్రం పురోగతిపై ప్రత్యేక శ్రద్ధ తీసుకుని అభివృద్ధి చేసేలా అధికారులకు సూచించామన్నారు.
 తడి, పొడి చెత్తల నుండి వరి కంపోస్టు తయారు చేయు నిమిత్తం షెడ్డుకు తరలించి పారిశుధ్య కార్మికుల చేత చెత్త సేకరించి గ్రామాలలోని పరిసరాలు పరిశుభ్రంగా ఉంచేందుకు గ్రామంలోని చెత్త నుండి సంపద తయారీ కేంద్రం ఎంతో ఉపయోగకరమన్నారు..ఆయన వెంట ఎంపీడీఓ గోపినాథ్, ఈఓపీఆర్డీ తదితరులు ఉన్నారు.

 నాయుడుపేటలో మొదటిసారి శ్రీ జగన్నాథ రథ యాత్ర ఇస్కాన్ ఆధ్వర్యంలో

తిరుపతి జిల్లా నాయుడుపేటలో ఇస్కాన్ టెంపుల్ వారి, ఆధ్వర్యంలో, శ్రీ జగన్నాథ రథయాత్ర, జూలై 2వ తేదీన, పిచ్చిరెడ్డి తోపు లోని, శ్రీ విజయ గణపతి దేవస్థానం నుండి, రథ యాత్ర మార్గం బయలుదేరి, గాంధీ పార్క్ మీదగా, బ్రాహ్మణ వీధి, బజార్ వీధి, కూరగాయల మార్కెట్ వీధి, ఎల్ ఐ సి ఆర్టీసీ, క్లాక్ టవర్, గాంధీ పార్క్ మీదుగా తిమ్మాజి కండ్రిగ ఇస్కాన్ వెంకటేశ్వర స్వామి టెంపుల్ దగ్గరకు రథయాత్ర చేరును, ఈ జగన్నాథ రథయాత్ర నాయుడుపేటలో తొలిసారిగా జరుపబడును అని, ఇస్కాన్ సుఖదేవ్ నంద స్వామి ప్రింట్ అండ్ ఎలక్ట్రానిక్ మీడియా వారి ఆధ్వర్యంలో తెలియజేశారు, ఈ కార్యక్రమం నాయుడుపేటలో అత్యంత వైభవంగా, మంగళ వాయిద్యాలు, రంగవల్లులు, పండరి, చెక్క భజనలు, మరెన్నో కోలాహల సాంస్కృతిక బృందాల నడుమ ఈ కార్యక్రమం అత్యంత వైభవంగా జరుగుతుందని, ఆయన అన్నారు, ఈ కార్యక్రమానికి ముఖ్య అతిథిగా విచ్చేసిన కామిరెడ్డి రాజారెడ్డి గారు విలేకరులతో మాట్లాడుతూ, ఈ కార్యక్రమాన్ని  అత్యంత వైభవంగా జరిపించాలని, నాయుడుపేట మరియు చుట్టుపక్కల గ్రామాల ప్రజలు ఈ శ్రీ జగన్నాథ రథ యాత్ర ను,ప్రతి ఒక్కరు దర్శించి, ఆ జగన్నాధుని కృపాకటాక్షాలు పొందగలరని కోరారు కేవలం దర్శనభాగ్యం తోనే, మన అన్ని ఇహపరకోరికలను అనుగ్రహించే శ్రీ జగన్నాధుడు కులమత బేధాలు లేకుండా యావత్ జీవ కోటిని
అనుగ్రహించడానికే మన నాయుడుపేట పట్టణ పుర వీధుల్లో కి వస్తున్నారని ఆయన తెలియజేశారు, అత్యంత వైభవంగా జరిగే ఈ కార్యక్రమంలో ప్రతి ఒక్కరూ పాల్గొనాల్సిందిగా, కామిరెడ్డి రాజారెడ్డి గారు కోరారు,

 అమ్మవారి భూముల నిర్మాణ పనులను పరిశీలించిన ఆలయ చైర్మన్ బాలచంద్ర రెడ్డి, మునిసిపల్ చైర్మన్ శ్రీమంత్ రెడ్డి.

తిరుపతి జిల్లా. సూళ్లూరుపేట :-  శ్రీ శ్రీ శ్రీ చెంగాలమ్మ పరమేశ్వరి అమ్మవారి ఆస్తులు సంబంధించి వాటంబేడు వెళ్ళు దారి ప్రక్కనే ఉన్న నెర్రి కాలువకు,సూళ్లూరు  చెరువుకు పక్కన ఆనుకుని సుమారు 5ఎకరాలు భూమిని 1915సంవత్సరంలో కొంత మంది రైతుల చేతులోకివెళ్ళిపోయింది. 5ఎకరాలు భూమికి సంబందించిన సూళ్లూరు వారసులు 27మంది పేర్ల మీద ఈ భూములు ఉన్నట్టుగా ఆలయ చైర్మన్ దువ్వూరు బాలచంద్రా రెడ్డి  గుర్తించారు. అయితే అభూములు వారికి ఉన్నట్టు కూడ వారికే తెలియదని, విషయం వివరించగా ఆ భూములను అమ్మవారికి తిరిగి ఇవ్వవలిసిందిగా ఆలయ చైర్మన్ బాలచంద్రారెడ్డి కోరాగా
27 మంది రైతులకు చెందిన జాయింట్ పట్ట భూమిని అమ్మవారికి తిరిగి రాసి ఇచ్చారని చైర్మన్ తెలిపారు.
ఈ భూమిని  ఆలయ అవసరాలకు అనుగుణంగా భవిషత్
లో నిర్మాణాలు చేపట్టడం జరుగుతుందని, ఇక్కడ చదును చేయడానికి
కొన్నిగ్రామాలకు చెందిన వారు స్వచ్చందంగా ట్రాక్టర్ల తో మట్టిని తోలిస్తున్నారని తెలిపారు.
ఈ కార్యక్రమంలో ఆలయ చైర్మన్ తో పాటు మున్సిపల్ చైర్మన్ శ్రీమంత్ రెడ్డి,పట్టణ అధ్యక్షుడు కళత్తూరు శేఖర్ రెడ్డి,ట్రస్ట్ సభ్యుడు ముప్పాళ్ల చంద్రశేఖర్ రెడ్డి,కౌన్సిలర్ శరత్ గౌడ్,భాస్కర్ రెడ్డి , మల్లికార్జున్ రెడ్డి తదితరులు ఉన్నారు.

కాళ్లంగి నదిలో దిగి వ్యక్తి మృతి.
 
తిరుపతి జిల్లా. సూళ్లూరుపేట :-  పట్టణంలోని  చెంగాళమ్మ ఆలయం సమీపం లో ఉన్న కాళంగి నది కి దక్షిణం వైపు ఒడ్డు స్త్నానం కోసం దిగి వ్యక్తి మృతి చెందిన సంఘటన చోటచేసుకుంది. అగ్నిమాపక సిబ్బంది వివరాల మేరకు  ఇక్కడ తరచూ నీటమునిగి గల్లంతు అవుతున్నవారి సంఖ్య పెరిగిపోతుందని,నేడు కూడా చిల్లకూరు మండలం వలిపేడు గ్రామానికి
చెందిన పోలుబోయిన సుబ్బారాయులు (40 ) అనే వ్యక్తి స్నాననం చేయడానికి నది లోకి
దిగి గల్లంతు కావడం జరిగింది, తరచూ ఇదే చోట నీటమునిగి గల్లంతు కావడం తో ఇక్కడ
డేంజర్ పాయింటుగా మారిందని  నదిలోకి దిగే దక్షిణం వైపు దారిని పూర్తిగా ముళ్ల కంచాలు వేసి మూసివేయాలని సంబంధిత అధికారులను కోరారు. నీట మునిగి గల్లంతైన వ్యక్తి కోసం  గాలింపు చర్యలు చేపట్టగా  ఉదయం 11 గంటల సమయంలో పోలుబోయిన సుబ్బారాయుడు మృతదేహం లభ్యమయింది. మృతదేహాన్ని పోస్టుమార్టం నిమిత్తం స్థానిక ప్రభుత్వ ఆసుపత్రికి తరలించారు.సూళ్లూరుపేట పోలీసులు కేసు నమోదు చేసి దర్యాప్తు చేస్తున్నారు.

 గుర్రంకొండ/అన్నమయ్య జిల్లా. జూన్ 1
వైసీపీ ప్రభుత్వం ప్రతిష్టాత్మకంగా నిర్వహిస్తున్న నాడు నేడు పనులు, పల్లెలకు కొత్త రోడ్ల నిర్మాణం రెండవ విడత కార్యక్రమంలో భాగంగా బుధవారం మండలంలో ముమ్మరంగా పీలేరు ఎమ్మెల్యే చింతల రామచంద్రారెడ్డి శంఖుస్థాపనలు చేశారు. ఈ సందర్భంగా ఎమ్మెల్యే మాట్లాడుతూ గౌరవ ముఖ్యమంత్రి జగన్మోహన్ రెడ్డి, మంత్రి పెద్దిరెడ్డి రామచంద్రారెడ్డి , ఎంపీ మిథున్ రెడ్డి మన పీలేరు నియోజకవర్గంపై ప్రత్యేక శ్రద్ధతో కోరిన వెంటనే భారీ ఎత్తున ప్రభుత్వ పాఠశాలల ఆధునీకరణ కు నాడు నేడు పనులు, గ్రామీణ రోడ్లు మంజూరు చేసారని, రాబోయే రోజుల్లో ఇంకా పెండింగ్ ఉన్న అన్ని పనులు పూర్తి చేయిస్తానని , నియోజకవర్గ ప్రజల సమస్యలను తీర్చేందుకు శక్తి వంచన లేకుండా ప్రయత్నిస్తున్నామని అన్నారు. కార్యక్రమంలో పాల్గొన్న టెలికం జిల్లా కమిటీ మెంబర్ శేషాద్రినాయుడు చెర్లోపల్లిలో ఎమ్మెల్యే కు ఘనంగా స్వాగతం పలికారు. టెలికం అడ్వైజరీ కమిటీ మెంబెర్ గా కొత్తగా ఎన్నికైన శేషాద్రినాయుడు ను ఎమ్మెల్యే సత్కరించారు. మండలంలోని తుమ్మలగొంది, నడిమిఖండ్రిగ , ఎల్లుట్ల, చెర్లోపల్లి, సంగసముద్రం, గుర్రంకొండ, తరిగొండ తదితర ప్రాంతాల్లో శంఖుస్థాపనలు చేశారు. కార్యక్రమంలో ఎంపీడీఓ గంగయ్య, జడ్పీటీసీ ముక్తియర్, మార్కెట్ కమిటీ డైరెక్టర్ సురేష్, ఎల్ వి రమణ, అప్పల్ల, గుణశేఖర్, తదితరులు పాల్గొన్నారు.

ఘనంగా దువ్వూరు గోపాల్ రెడ్డి పుట్టినరోజు వేడుకలు నిర్వహించారు.....                

   దొరవారిసత్రం రవి కిరణాలు న్యూస్:- దొరవారి సత్రం మండల సీనియర్ వైసిపి నాయకులు, వైస్ ఎంపీపీ దువ్వూరు గోపాల్ రెడ్డి పుట్టినరోజు వేడుకలు ఘనంగా నిర్వహించారు. బుధవారం ఉదయం స్థానిక ఎంపీపీ కార్యాలయంలో DBR  యువసేన ఆధ్వర్యంలో జరిగిన వేడుకల్లో తాసిల్దార్ గోపిరెడ్డి, ఎంపీడీవో సింగయ్య ,ఎంఈఓ మస్తానయ్య లతో పాటు పలువురు సీనియర్ నాయకులు మరియు సర్పంచులు మరియు అధికారులు పాల్గొన్నారు.

 సప్త ఖండ అవధాన సాహితీ ఝరి అంగరంగంగా విజయోత్సవ సభ

సప్త ఖండాలలోని వివిధ దేశాల తెలుగు సంఘాల అధ్యక్షులు, ప్రతినిధులతో బ్రహ్మశ్రీ వద్దిపర్తి పద్మాకర్ గారి సప్తఖండ అవధాన సాహితీ ఝరి విజయోత్సవ సభ, ప్రత్యేక సంచిక ఆవిష్కరణ,  జీవన సాఫల్య సాహితీ పురస్కార సభ 29 మే 2022 న  శ్రీ ప్రణవ పీఠం లో అత్యద్భుతంగా జరిగాయి. ప్రణవ పీఠం స్వచ్ఛంద కార్య నిర్వాహకురాలు అమెరికా, టెక్సాస్ నుండి శ్రీమతి కృష్ణ పద్మ తెలియచేసారు. సప్తఖండాల నుండి వివిధ దేశాల సాహిత్య నిపుణులు పాల్గొని సాహిత్య వేదిక అంగరంగంగా అలరించింది. ఏ దేశమేగినా ఎందు కాలిడినా ఏ పీఠమెక్కినా ఎవ్వరేమనినా పొగడరా నీతల్లి భూమి భారతిని నిలుపరా నీ జాతి నిండు గౌరవము అన్న నానుడితో సభ జయప్రదంగా ముగిసింది.

ఈ అవధానంలో ఆస్ట్రేలియా ఖండం నుండి న్యూజిలాండ్ తెలుగు అసోసియేషన్ తరఫున శ్రీ గోవర్ధన్ మల్లెల గారు, దక్షిణ ఆఫ్రికా ఖండం నుండి దక్షిణాఫ్రికా తెలుగు సాహిత్య వేదిక అధ్యక్షులు శ్రీ సీతారామరాజు గారు, ఐరోపా ఖండం నుండి తెలుగు అసోసియేషన్ ఆఫ్ లండన్(టాళ్) వైస్ చైర్మన్ మరియు కోశాధికారి శ్రీ రాజేష్ తోలేటి గారు, ఆసియా ఖండం నుండి సింగపూర్ శ్రీ సాంస్మృతిక  కళాసారథి వ్యవస్థాపక అధ్యక్షులు శ్రీ రత్నకుమార్ కవుటూరి గారు, ఖతార్ దేశం నుండి తెలుగుకళా సమితి అధ్యక్షులు శ్రీ తాతాజీ ఉసిరికల గారు, శ్రీమతి సౌమ్య కంతేటి గారు, మలేషియా తెలుగు అసోసియేషన్ నుండి శ్రీమతి సత్యాదేవి మల్లుల గారు, ఉత్తర అమెరికా ఖండం, అమెరికా నుండి శ్రీ రామచంద్రరావు తల్లాప్రగడ గారు, కెనడా నుండి  తెలుగుతల్లి కెనడా మాస పత్రిక ఎడిటర్ శ్రీమతి లక్ష్మీ రాయవరపు గారు, దక్షిణ అమెరికా ఖండం, పెరూ దేశం నుండి శ్రీ రంగారెడ్డి బద్దం గారు పృచ్ఛకులుగా పాల్గొనగా, ఆస్ట్రేలియా ఖండం నుండి శ్రీ అవధాన శారదామూర్తి శ్రీ తటవర్తి శ్రీ కళ్యాణ చక్రవర్తి గారు అవధాన సంచాలకత్వం చేసారు.  

తెలుగు భాషకి అత్యున్నత వైభవం అయిన ‘అవధాన ప్రక్రియ’ను దేశ విదేశాలకు పరిచయం చెయ్యాలనే  సంకల్పంతో "సప్త ఖండ అవధాన సాహితీ ఝరి" అనే కొత్త ఆలోచనకి శ్రీకారం చుట్టారు శ్రీ వద్దిపర్తి పద్మాకర్ గారు. మూడు భాషలలో సహస్రావధానం చేసిన బ్రహ్మశ్రీ వద్దిపర్తి పద్మాకర్ గారు.  ప్రతి మాసం ఒక్కొక్క ఖండం చొప్పున దాదాపు 20కి పైగా దేశాలు పాల్గొనగా, అంతర్జాలం లో 13 అష్టావధానాలు పూర్తి చేసిన బ్రహ్మశ్రీ వద్దిపర్తి పద్మాకర్ గారు,  మే 29 వ తేదీన అంతర్జాలం వేదికగా సప్తఖండాల నుండి తెలుగు ప్రతినిధులుగా 11 మంది పృచ్ఛకులు పాల్గొనగా 14 వ అష్టావధానం విజయవంతంగా పూర్తి చేసారు.

కళాబ్రహ్మ శిరోమణి డా|| శ్రీ వంశీ రామరాజు గారు, ప్రసిద్ధ తెలుగు సినీ గేయ రచయిత శ్రీ భువన చంద్ర గారు, కొప్పరపు కళాపీఠం వ్యవస్థాపకులు శ్రీ మా శర్మ గారు, ప్రముఖ కవి, సినీ గేయరచయిత శ్రీ వడ్డేపల్లి కృష్ణగారు విశిష్ట అతిథులుగా శ్రీ ప్రణవ పీఠానికి విచ్చేయగా,  ప్రముఖ చలన చిత్ర నటులు శ్రీ తనికెళ్ళ భరణి గారు, శ్రీ వంగూరి ఫౌండేషన్ అధ్యక్షులు శ్రీ చిట్టెన్ రాజు గారు(అమెరికా), శ్రీమతి ఘంటసాల పార్వతి గారు,  పెరుంగో సిస్టమ్స్ వైస్ ప్రెసిడెంట్, శ్రీ స్వామి నారాయణ గారు (కెనెడా) ... తదితరులు జూమ్ ద్వారా సభలో పాల్గొన్నారు.

ఈ విజయోత్సవ సభ లో సప్తఖండ అవధాన సాహితీ ఝరి ప్రత్యేక సంచిక ఆవిష్కరణతో పాటు ఘంటసాల ఇంటర్నేషనల్ ఫౌండేషన్ ట్రస్ట్ వంశీ ఆర్ట్ థియేటర్స్ - ఇంటర్నేషనల్,  ఇండియా; శ్రీ సాంస్కృతిక కళాసారథి, సింగపూర్ వంగూరి ఫౌండేషన్ ఆఫ్ అమెరికా మరియు శుభోదయం గ్రూపువారు సంయుక్తంగా నిర్వహిస్తున్న సద్గురు ఘంటసాల శతజయంతి ఉత్సవాల సందర్భంగా ప్రతిష్ఠాత్మకమైన సద్గురు ఘంటసాల శతజయంతి వంశీ - శుభోదయం అంతర్జాతీయ జీవిత సాఫల్య సాహితీ పురస్కారం- 2022 బ్రహ్మశ్రీ వద్దిపర్తి పద్మాకర్ గారికి ప్రదానోత్సవం వైభవంగా జరిగింది.

ఎంతో రసవత్తరంగా, కన్నుల పండుగగా సాగిన ఈ సభని వీక్షించిన సాహితీ ప్రియులు, చాలా కాలం తరువాత చక్కని కార్యక్రమం తిలకించామని హర్షం వ్యక్తపరిచారు.

బ్రహ్మశ్రీ వద్దిపర్తి పద్మాకర్ గారు పశ్చిమ గోదావరి జిల్లా ఏలూరులో శ్రీ ప్రణవ పీఠం స్థాపించారు. ప్రవచన కర్తగా వారు సుప్రసిద్ధులు. సంగీత, సాహిత్యాలలో సమప్రతిభ, తెలుగు, సంస్కృతం, హిందీ భాషలలో సమ పాండిత్యం కలిగిన వారు. తెలుగు భాషని, సంస్కృతినీ నిలబెట్టడానికి వీరు ఆధ్యాత్మిక యాత్రలని శిష్యులతో చేస్తుంటారు.

ఏడు ఖండాల్లో జరిగిన ఈ 14 అవధానాలతో కలుపుకుని ఇప్పటికి 1244 అష్టావధానాలు, 12 శతావధానాలు, 8 జంట అవధానాలు, తెలుగు, సంస్కృతం, హిందీలో ఏకకాలంలో మహాసహస్రావధానం చేసారు వద్దిపర్తి వారు.  వారి అసాధారణమైన ప్రతిభని వరల్డ్ బుక్ ఆఫ్ రికార్డ్స్,  వండర్ బుక్ ఆఫ్ రికార్డ్స్ , జీనియస్ బుక్ ఆఫ్ రికార్డ్స్ , తెలుగు బుక్ ఆఫ్ రికార్డ్స్ సంస్థలు గుర్తించాయి.  బ్రహ్మశ్రీ వద్దిపర్తి పద్మాకర్ గారి సంకల్పం నిరాటంకంగా సాగాలని, తెలుగుభాష మరింత ఖ్యాతిని గడించాలని ఆశిద్దాం.

మన తెలుగు పతాకాన్ని ప్రపంచం అంతా రెప రెపలాడిద్దాం….