Ravikiranalu TV

 తిరుపతి జిల్లా దొరవారిసత్రం మండలం రవి కిరణాలు టీవీ........

 ప్రతి వాలెంట్రీ ఒక సైనికుడిలా పని చేయాలి          

దొరవారి సత్రం .. 

దొరవారిసత్రం మండలం పరిధిలోని ఎండిఓ ఆఫీస్ నందు వాలెంటర్ల్లు అభినందన కార్యక్రమాన్ని ఎమ్మెల్యే మరియు టి టి డి పాలక మండల సభ్యులు కిలివేటి  సంజీవయ్య  ముఖ్యఅతిథిగా పాల్గొన్నారు. ఈ సందర్భంగా గా కిలివేటి సంజీవయ్య మాట్లాడుతూ ఒక వాలంట్రీ ఒక సైనికుడు తన విధులను నిర్వహించాలి. ఈ వాలంటరీ వ్యవస్థ ప్రతి ఇంటికి మరియు ప్రతి గడపకు వెళ్లి వాళ్ల సమస్యలను తెలుసుకొని వెంటనే పూర్తి చేయాలి. మరి ఇలాంటి సమస్యలను ను ఎలాంటి అవకతవకలు లేకుండా పూర్తి చేయాలి. ఈ సంవత్సరం సేవా రత్న అవార్డు వచ్చిన వాళ్లు ప్రతి ఒక్కరూ మరికొంచెం కలిసి గా పని చేయాలని పూర్తిగా కోరుకుంటున్నాను. ఈ కార్యక్రమంలో ఎమ్మెల్యే కిలివేటి సంజీవయ్య గారు మరియు చెంగాలమ్మ ట్రస్ట్ బోర్డు చైర్మన్ దువ్వూరు బాలచంద్రారెడ్డి గారు మరియు దువ్వూరు గోపాల్ రెడ్డి గారు, ఎమ్మార్వో గోపీనాథ్ రెడ్డి గారు, తదితరులు ముఖ్య అతిథులుగా పాల్గొన్నారు.

 సూళ్లూరుపేట నియోజకవర్గం పెళ్లకూరు మండలంలో పలు అభివృద్ధి ప్రారంభోత్సవ కార్యక్రమాలలో స్థానిక శాసనసభ్యులు కిలివేటి సంజీవయ్య గారితో కలిసి పాల్గొన్న తిరుపతి పార్లమెంట్ సభ్యులు మద్దిల గురుమూర్తి

మొదటగా చెంబేడు గ్రామంలో 3 లక్షల రూపాయల వ్యయంతో ఎస్.సీ కాలనీకి నిర్మింప తలపెట్టిన సి.సి రోడ్డు కి భూమి పూజ చేయడం జరిగింది. అలాగే చెంబేడు గ్రామంలో నూతనంగా నిర్మించిన సచివాలయ భవనం ప్రారంభోత్సవంలో పాల్గొన్నారు.

పెళ్లకూరు, పునబాక గ్రామాలలోని లోని నూతన సచివాలయ భవనం, రైతుభరోసా కేంద్రాల ప్రారంభోత్సవ కార్యక్రమంలో పాల్గొన్నారు ఈ ప్రారంభోత్సవ కార్యక్రమాన్ని అర్చకులతో సంప్రదాయబద్ధంగా ప్రారంభించారు. రైతుభరోసా కేంద్రం ద్వారా రైతు మిత్ర గ్రూపు లబ్దిదారులకు ప్రభుత్వ సబ్సిడీలో ట్రాక్టర్ల తాళాలను అందజేశారు.

తదుపరి చెంబేడు, పునబాక గ్రామాల ప్రజలు పలు సమస్యల పరిష్కారం కోసం ఎంపీ గురుమూర్తి గారికి వినతి పత్రాలు అందజేశారు. వారి సమస్యలు సానుకూలంగా విన్న ఎంపీ గారు త్వరలో పరిష్కరిస్తామని తెలియజేసారు.

తదుపరి పెళ్లకూరు మండల కేంద్రంలోని చాగణం లలితమ్మ, భాస్కర్ రావు మెమోరియల్ ట్రస్ట్ ఆవరణంలోని వికాస్ కళ్యాణ మండపంలో వాలంటీర్లకు సన్మాన కార్యక్రమం లో పాల్గొని వాలంటీర్లకు సన్మానం చేసారు.

సూళ్లూరుపేట శాసనసభ్యులు శ్రీ కిలివేటి సంజీవయ్య గారు మాట్లాడుతూ గ్రామ స్వరాజ్య స్థాపనకు నేడు జగన్మోహన్ రెడ్డి గారు నడుం బిగించారని గ్రామ సచివాలయాలు ఏర్పాటు చేసి వాలంటరీ వ్యవస్థ ద్వారా ప్రజల సమస్యలు తీరుస్తూ ప్రభుత్వ పథకాలు వారి ముంగిటకే అందిస్తూ విప్లవాత్మక మార్పులు తీసుకొచ్చారాని శ్రీ సంజీవయ్య చెప్పారు అలాగే వాలంటీర్లు చేస్తున్న సేవల గూర్చి ఎంత చెప్పినా తక్కువే అని వారికి నేడు వారికి సన్మానం చేయడం చాలా సంతోషంగా ఉందని తెలియజేసారు. పార్టీలకు అతీతంగా పని చేయాలనీ అందరూ ముఖ్యమంత్రి జగన్మోహనరెడ్డి గారికి అండగా ఉండాలని కోరారు.

ఎంపీ గురుమూర్తి గారు ప్రసంగిస్తూ ప్రభుత్వం ఏ పథకం ప్రవేశ పెట్టినా మరుసటి దినం నుంచే ప్రజలలోకి తీసుకెళ్ళేది వాలంటీర్లేనని వారు ప్రభుత్వానికి రెండు కళ్ళు లాంటి వారని,  కరోనా సమయంలో వాలంటీర్లు ప్రాణాలకు తెగించి తమ పరిధిలోని ప్రజలకు సేవలందించారని, నేడు సమస్యల పరిష్కారం కోసం ప్రభుత్వానికి ప్రజలకి నడుమ ఒక వారధిలా వాలంటీర్లు పనిచేస్తున్నారని, ప్రభుత్వ పథకాలను ప్రజలకి వివరిస్తూ అర్హులని గుర్తించి వారు ఆ పథకాలు లబ్దిపొందేలా కృషి చేస్తున్నారని వారి సేవలు గర్హనీయమని ఎంపీ గురుమూర్తి గారు కొనియాడారు.

కార్యక్రమంలో సూళ్లూరుపేట ఏమైల్యే శ్రీ కిలివేటి సంజీవయ్య గారితో కలిసి తిరుపతి ఎంపీ మద్దిల గురుమూర్తి గారు, ఎన్.డి.సి.సి.బి చైర్మన్ శ్రీ కామిరెడ్డి సత్యనారాయణ రెడ్డి గారు, మస్తాన్ రెడ్డి, చైతన్య రెడ్డి, ఎంపీపీ పి.శేఖర్ రెడ్డి గారు, జడ్పీటీసీ ఎన్ ప్రిస్కిల్లా గారు, లింగం నాయుడు గారు, ఆర్.డి.ఓ రోజ్మాండ్ గారు, ఇతర ప్రభుత్వ అధికారులు, స్థానిక ప్రజా ప్రతినిధులు, వైఎస్సార్ పార్టీ నాయకులు, కార్యకర్తలు పాల్గొన్నారు.

 చల్లా లా గ్రూప్ అధికారుల శ్రీ సిటీ సందర్శన

 వెనుకబడిన ప్రాంతంలో పుష్కలంగా ఉద్యోగ అవకాశాలను సృష్టించినందుకు అభినందన

రవి కిరణాలు న్యూస్ తడ (శ్రీసిటీ) :   చల్లా లా గ్రూప్ (వర్జీనియా, USA) చీఫ్ ఆపరేటింగ్ ఆఫీసర్ శేఖర్ చల్లా మరియు మేనేజింగ్ అటార్నీ లక్ష్మి చల్లా గురువారం శ్రీసిటీని సందర్శించారు.  శ్రీసిటీ వ్యవస్థాపక మేనేజింగ్ డైరెక్టర్ రవీంద్ర సన్నారెడ్డి వారికి ఘనస్వాగతం పలికి,  శ్రీసిటీ యొక్క ప్రత్యేకతలు మరియు పారిశ్రామిక పురోగతి గురించి వివరించారు.

సందర్శనకు అనుమతించినందుకు రవీంద్ర సన్నారెడ్డికి కృతజ్ఞతలు తెలుపుతూ, శ్రీసిటీ, అద్భుతమైన మౌలిక సదుపాయాలతో రాష్ట్రంలోనే అత్యంత ప్రముఖ  పారిశ్రామిక పార్కుగా అవతరించిందని శేఖర్ చల్లా కొనియాడారు.  దేశంలోనే  ప్రముఖ  వ్యాపార నగరంగా శ్రీసిటీని  అభివృద్ధి చేసినందుకు రవీంద్ర సన్నారెడ్డిని  అభినందిస్తూ, త్వరలో ఇది దేశంలోనే అతిపెద్ద పారిశ్రామిక కేంద్రంగా ఆవిర్భవిస్తుందని ఆయన అన్నారు. పుష్కలమైన ఉద్యోగ అవకాశాలను సృష్ఠిస్తున్న శ్రీసిటీ మరియు ఇక్కడి పరిశ్రమల   కృషిని అభినందిస్తూ, అధిక శాతం స్థానిక ప్రజలకు, ముఖ్యంగా వెనుకబడిన ప్రాంతంలోని మహిళలకు జీవనోపాధిని కల్పించగలగడం పట్ల లక్ష్మి చల్లా సంతోషం వ్యక్తం చేశారు.

 వారి సందర్శన గురించి శ్రీ రవీంద్ర సన్నారెడ్డి వ్యాఖ్యానిస్తూ, "వారి రాక  మాకు  చాలా ముఖ్యమైనదిగా భావిస్తున్నాము. మరియు వారి సలహాలు  మరియు సూచనలు మాకు చాలా విలువైనవని అన్నారు.

 అతిధులు  శ్రీసిటీలోని వివిధ అంశాల గురించి తెలుసుకోవటానికి ఆసక్తిని కనబరిచారు. వారు ఇండస్ట్రియల్ పార్క్ లో పర్యటించి  అక్కడ ముమ్మరంగా సాగుతున్న పనులను వీక్షించారు.

చల్లా లా గ్రూప్ (వర్జీనియా, USA ) చట్టపరమైన వ్యూహాలు మరియు పరిష్కారాలను అందించటంలో సుదీర్ఘ అనుభవమున్న సంస్థ.  అమెరికాలోని రిచ్‌మండ్, వర్జీనియా, ఉత్తర కరోలినా మరియు దక్షిణ భారతదేశంలోని కార్యాలయాల ద్వారా  ప్రపంచ వ్యాప్తంగా ఉన్న తమ క్లయింట్ సంస్థలకు  సేవలను అందిస్తారు.  ఉద్యోగుల అంతర్జాతీయ బదిలీలు, U.S.లో వ్యాపార కేంద్రాలను  ఏర్పాటు చేయడం మరియు ఉపాధి ఆధారిత వలస సమస్యలు వంటి వివిధ అంశాలపై   చల్లా లా గ్రూప్ అటార్నీలు వివిధ కంపెనీలకు సహాయం అందిస్తారు.

ఏ.ఆర్.డి. స్వచ్ఛంద సేవా సంస్థ ,యాక్షన్ ఎయిడ్ అసోసియేషన్ సంయుక్త  సహకారంతో ఆర్.వి. దియా ట్రస్ట్  ఆర్థిక సహాయంతో కోట, చిల్లకూరు, సైదాపురం మరియు గూడూరు మండలం లోని 15 గ్రామాల్లోని ఒంటరి మహిళలు, వృద్ధులు, దివ్యాంగులు, బాలింతలు మరియు గర్భవతులైన 820 కుటుంబాల వారికి పౌష్టికాహార కిట్లను అందజేయడంతో పాటు పాఠశాల విద్యార్థులకు స్కూల్ బ్యాగులు 840 మంది పిల్లలకు అందజేయడం జరిగింది. ఏ.ఆర్.డి. సంస్థ డైరెక్టర్ షేక్.బషీర్ గారు మాట్లాడుతూ నిరుపేద కుటుంబాల వారికి పౌష్టికాహారం అందజేస్తే మంచి ఆరోగ్యాన్ని కలిగి ఉంటారని, అలాగే ఈ కుటుంబాల పిల్లల చదువును ప్రోత్సహించడంలో భాగంగా స్కూలు బ్యాగులను అందజేయడం జరిగిందని తెలియజేశారు.
అలాగే మన పరిసరాల్లో లభించే పండ్లు కూరగాయలను ఆహారంగా తీసుకుని మంచి ఆరోగ్యం కలిగి ఉండి మన పిల్లలను బడికి పంపించి బాగా చదివించాలని తెలిపారు.
ఈ కార్యక్రమములో ఏ.అర్. డి. డైరక్టర్ షేక్.బషీర్ మరియు సిబ్బంది, సిద్దవరం గ్రామ అంగన్వాడీ సిబ్బంది, ప్రాథమిక పాఠశాల ప్రధానోపాధ్యాయులు, తలిదండ్రుల కమిటీ అధ్యక్షురలు పాల్గొన్నారు

రాజనేని రామానాయుడు చారిటబుల్ ట్రస్ట్ అధ్వర్యంలో గురువారం చిట్టమూరు మండలం ఎల్లూరు  గ్రామానికి చెందిన డమ్మాయి వెంకయ్య అనే వికలాంగునికి ట్రస్ట్ వ్యవస్థాపకులు రాజనేని శ్రీనివాసులు నాయుడు చేతుల మీదుగా ట్రై సైకిల్ ని చిల్లకూరు మండలం చేడిమాల గ్రామంలో అందజేశారు.ఈ సందర్బంగా ఆయనమాట్లాడుతూ...పేదలకు విద్య,వైద్యంతోపాటు ఆర్ధిక సాయం అందించేందుకు రాజనేని రామానాయుడు చారిటబుల్ ట్రస్ట్ ఎల్లవేళలా ముందుంటుందని ఆయన తెలియజేశారు.పేదలకు సేవచేయడం తమ అదృష్టంగా భావిస్తున్నామన్నారు.ఇంకా ఎవరైనా వికలాంగులు ఉంటే ట్రై సైకిల్స్ కోసం తమ ట్రస్టును సంప్రదించాలన్నారు.ఈ కార్యక్రమంలో ట్రస్ట్ సభ్యులు బాబు తదితరులు పాల్గొన్నారు.

 నెల్లూరు జిల్లా కావలిలో వ్యవసాయ. సహకార. మార్కెటింగ్. ఫుడ్ ప్రాసెసింగ్ శాఖామాత్యులు కాకాణి గోవర్ధన్ రెడ్డి , నెల్లూరు కి విచ్చేసిన శుభసందర్భంగా
భారీ ర్యాలి నిర్వహించిన కావాలి ఎమ్మెల్యే రామిరెడ్డి ప్రతాప్ కూమార్ రెడ్డి

 నెల్లూరు, ఏప్రిల్ 17 : రాష్ట్ర వ్యవసాయ, సహకార, మార్కెటింగ్, ఫుడ్ ప్రాసెసింగ్ మంత్రిగా బాధ్యతలు చేపట్టి తొలిసారిగా జిల్లాకు విచ్చేసిన శ్రీ కాకాణి గోవర్ధన రెడ్డికి వైకాపా నేతలు, కార్యకర్తలు, అభిమానులు దారిపొడవునా పూల వర్షం కురిపిస్తూ ఘనంగా స్వాగతం పలికారు.
 ఆదివారం మధ్యాహ్నం విజయవాడ నుంచి నెల్లూరు బయల్దేరిన మంత్రి కాన్వాయ్ మధ్యాహ్నం నాలుగు గంటలకు కావలికి చేరుకుంది. కావలి పట్టణంలోని పెండెం వారి సెంటర్లో  ఎమ్మెల్యే శ్రీ రామిరెడ్డి ప్రతాప్ కుమార్ రెడ్డి ఆధ్వర్యంలో వైకాపా నేతలు, అభిమానులు మంత్రి శ్రీ కాకాణి గోవర్ధన రెడ్డికి అపూర్వ స్వాగతం పలికారు. అడుగడుగునా పూల వర్షం కురిపిస్తూ భారీ గజమాలతో మంత్రిని సత్కరించారు. అనంతరం కావలి ఎమ్మెల్యే శ్రీ రామిరెడ్డి ప్రతాప్ కుమార్ రెడ్డి నివాసానికి వెళ్లిన కాకాణి అక్కడి కార్యకర్తలు, నేతలతో ముచ్చటించారు.
 అనంతరం నెల్లూరుకు బయల్దేరిన మంత్రి శ్రీ కాకాణి గోవర్ధన్ రెడ్డి కాన్వాయ్ సాయంత్రం 5:30 గంటలకు కావలి టోల్ప్లాజాకు చేరుకోగా అక్కడ మంత్రి రాక కోసం మధ్యాహ్నం నుంచి వేచి ఉన్న  వైకాపా కార్యకర్తలు, అభిమానులు ఘన స్వాగతం పలికారు. ప్రతి ఒక్కరిని ఆప్యాయంగా పలకరిస్తూ కాకాని భారీ కాన్వాయ్ తో నెల్లూరుకు చేరుకోగా ఆత్మకూరు బస్టాండ్ సమీపంలో ఆర్యవైశ్య నాయకులు, వైకాపా కార్యకర్తలు కాకాణి కి అపూర్వ స్వాగతం పలికి అభినందనలు తెలిపారు. అనంతరం ఆత్మకూరు బస్టాండ్ సమీపంలోని అమరజీవి శ్రీ పొట్టి శ్రీరాములు విగ్రహానికి పూలమాలలు వేసిన మంత్రి ఘనంగా నివాళులర్పించారు. అక్కడినుంచి విజయ మహల్ గేట్ సమీపంలోని మహాత్మ జ్యోతిరావు పూలే దంపతుల విగ్రహాలకు పూలమాలలు వేసిన మంత్రి శ్రీ కాకాని గోవర్ధన్ రెడ్డి నగరంలోని వైసిపి కార్యాలయానికి ర్యాలీగా చేరుకున్నారు. వైసీపీ కార్యాలయంలో జిల్లా నలుమూలల నుంచి విచ్చేసిన వైకాపా నేతలు, కార్యకర్తలు, అభిమానులు ఆత్మీయ స్వాగతం పలికి తమ నేతకు శుభాకాంక్షలు తెలిపారు.