Ravikiranalu TV

 చలో విజయవాడ కార్యక్రమానికి  వెళ్లనున్న సూళ్లూరుపేట దళిత నాయకులను ముందస్తు అరెస్టు చేసిన  ఎస్సై పి రవిబాబు .

శ్రీ పొట్టి శ్రీరాములు నెల్లూరు జిల్లా సూళ్లూరుపేట :-

రేపు విజయవాడలో జరగనున్న దళిత బహుజన ఐఖ్య వేదిక సంఘాల పిలుపు మేరకు  చలో విజయవాడ పిలుపు ఇవ్వడంతో సూళ్లూరుపేట పట్టణ మరియు మండలం లో ప్రముఖ దళిత నాయకులను ముందస్తు చర్యలలో భాగంగా సులూరుపేట ఎస్ ఐ వీరబాబు అరెస్టు చేశారు అరెస్టు చేసిన వారిలో  ఏ డి పి ఎస్ రాష్ట్ర అధ్యక్షులు యరబోతు సుబ్రహ్మణ్యం, జిల్లా కార్యవర్గసభ్యులు శ్రీ కదిరి గోపి, చింతల మాధవయ్య , తెరే వాసు వున్నారు. అనంతరం పేట ఎస్ఐ అరెస్టు చేసిన వ్యక్తుల వ్యక్తిగత పూచీకత్తు పై విడుదలచేశారు.

 దళారులు, వైసీపీ నేతల చేతిలో అన్నదాతల నిలువు దోపిడీ

పుట్టికి మద్దతు ధర రూ.16660 అయితే రైతుకు దక్కుతున్నది రూ.12 వేల నుంచి రూ.14 వేల లోపే

ఒక్కో పంటలో రైతులకు వెయ్యి కోట్లకు పైగా నష్టం

అన్నం పెట్టే రైతన్నకు ఇంత అన్యాయం జరుగుతుంటే జిల్లాలోని అధికారులు, ఎమ్మెల్యేలు, మంత్రులు ఏమి చేస్తున్నారని ప్రశ్నించిన టీడీపీ పొలిట్ బ్యూరో సభ్యులు, మాజీ మంత్రివర్యులు సోమిరెడ్డి చంద్రమోహన్ రెడ్డి

సూళ్లూరుపేట నియోజకవర్గంలో పర్యటించి క్షేత్రస్థాయిలో రైతులు ఎదుర్కొంటున్న కష్టాలను తెలుసుకున్న సోమిరెడ్డి, నెలవల సుబ్రహ్మణ్యం, వేనాటి సతీష్ రెడ్డి, ముప్పాళ్ల విజేత తదితరులు

ఆర్బీకేల చుట్టూ తిరిగితిరిగి విసిగివేసారి వచ్చిన కాడికి అమ్ముకుంటున్నామని ఆవేదన వ్యక్తం చేసిన రైతులు

నెల్లూరు జిల్లా వ్యాప్తంగా 6 లక్షలకు పైగా ఎకరాల్లో పంట దిగుబడి  వస్తోంది. సగటున నాలుగు పుట్లు వేసుకుంటే 25 లక్షల పుట్ల వరకు దిగుబడి రానుంది

దళారులు, వైసీపీ నేతలు కలిసి చేస్తున్న దోపిడీ కారణంగా ఈ సీజన్ లోనూ రైతులు వెయ్యి కోట్లకు పైగా నష్టపోతున్నారు

మద్దతు ధర పుట్టికి రూ.16660గా ఉంటే రైతులకు దక్కుతున్నది రూ.12 వేలు, రూ.13 వేలు, రూ.14 వేలే

రైతు భరోసా కేంద్రాల చుట్టూ రైతులు తిరిగితిరిగి వేసారిపోయి నిస్సహాయస్థితిలో దళారులు అడిగిన ధరకు అమ్ముకుంటున్నారు

ఆర్బీకేల్లోనూ తేమ పేరుతో 75 కిలోల బస్తాకు 15 నుంచి 20 కిలోలు అదనంగా దోచుకుంటున్నారని రైతులు ఆవేదన వ్యక్తం చేస్తున్నారు

ఒక్కో పంటకు వెయ్యి కోట్లకు పైగా రైతులు నష్టపోతుంటే జిల్లాలోని అధికారులు, ఎమ్మెల్యేలు, మంత్రులు ఏం చేస్తున్నారు..ఇంత కంటే మీరు వెలగబెట్టేదేముంటుంది

మా ప్రభుత్వ హయాంలో రైతులకు ఇబ్బందులు వస్తే మీలా మేము చూస్తూ ఊరుకోలేదు

బీపీటీలో వచ్చిన విరుగళ్ల కారణంగా రైతులు నష్టపోకుండా ప్రత్యేకంగా జిల్లా రైతుల కోసం బోనస్ అందించాం

నెల్లూరు జిలకర ధాన్యం ధరల విషయంలో వచ్చిన గ్రేడ్ సమస్యను పరిష్కరించి రైతులకు నష్టం లేకుండా చేశాం

2016లో ధాన్యం దిగుబడులు వెల్లువెత్తి ధరలు తగ్గడంతో దేశంలో ఎక్కడైనా అమ్ముకునే అవకాశం కల్పించాం

రాష్ట్రంలోని వైసీపీ ప్రభుత్వం రైతులను, వారి ప్రయోజనాలను పూర్తిగా గాలికొదిలేసింది.

 కేంద్ర ప్రభుత్వ నిధులతో అమలయ్యే పథకాలను కూడా పక్కన పెట్టేశారు

అసెంబ్లీలో వ్యవసాయ శాఖ మంత్రి ప్రవేశపెట్టిన బడ్జెట్ అంతా డూప్

తెలంగాణలో మద్దతు ధరకు ప్రతి గింజా కొనుగోలు చేసి మూడు రోజుల్లోనే రైతులకు చెల్లింపులు చేస్తున్నారు

ఏపీలో మాత్రం ఐదారు  నెలలకు కూడా చెల్లింపులు జరగడం లేదు

ఆర్బీకేల్లో అతికించిన పోస్టర్లలోని అంశాలకు, వాస్తవ పరిస్థితులకు పొంతనే కుదరడం లేదు

రైతులకు అందుబాటులో ఉండాల్సిన ఆర్బీకేలు అనేక చోట్ల మూతపడి కనిపిస్తున్నాయి

అన్నదాతల వద్ద దళారులు తక్కువ ధరకు కొనుగోలు చేసిన ధాన్యాన్ని మాత్రం వైసీపీ నేతల అండతో ఆర్బీకేల ద్వారా మద్దతు ధరకు అమ్ముకుని కోట్లు గడిస్తున్నారు.

రైతులు తిరగబడే పరిస్థితి వచ్చే వరకు మౌనంగా ఉండకుండా జిల్లా కలెక్టర్, సివిల్ సప్లయీస్ అధికారులు స్పందించాలి

మద్దతు ధరకు ధాన్యం కొనుగోళ్లు జరిపి రైతులకు సకాలంలో నగదు అందేలా చర్యలు తీసుకోవాలి.

  పిఎస్ఎల్వి వాహక నౌక ఘన ఇంధన మోటార్ భూ స్థిర పరీక్ష విజయవంతం

శ్రీపొట్టిశ్రీరాములు నెల్లూరు జిల్లా. శ్రీహరికోట (సూళ్లూరుపేట) :-

సతీష్ ధావన్ అంతరిక్ష కేంద్రం షార్ లో నేడు చిన్న శాటిలైట్ లాంచ్ వెహికల్ ఎస్. ఎస్. యల్. వి వాహకనౌకకు ఉపయోగించే ఘన ఇంధన మోటార్ ను నేడు గం"12.10 ని.లకు భూస్థిర పరీక్షను విజయవంతంగా నిర్వహించారు ఇస్రో శాస్త్రవేత్తలు. ఈ ఘన ఇంధన మోటార్ పరీక్ష ఊహించిన విధంగానే నిర్ణీత కాలంలో విజయవంతంగా టెస్ట్ పూర్తిచేశారు. ఈ మోటార్ పరీక్ష ఎస్ ఎస్ ఎల్ సి డి - 1 ప్రయోగాన్ని వేగవంతం చేసే ప్రక్రియకు ఎంతో దోహదపడుతుంది. ఈ పరీక్షకు ఇస్రో చైర్మన్ ఎస్ సోమనాథన్, ఇస్రో డైరెక్టర్ వి ఎస్ ఎస్ సి మరియు డి డి లు, సీనియర్ ఎగ్జిక్యూటివ్ లు పాల్గొన్నారు. ఈ మోటర్ పరీక్ష విజయవంతంగా నిర్వహించిన టీం సభ్యులకు ఇస్రో చైర్మన్ ప్రత్యేక ధన్యవాదాలు తెలిపారు.

 సూళ్లూరుపేట కాళ్ళంగినది లో గుర్తు తెలియని మృతదేహం..

శ్రీపొట్టిశ్రీరాములు నెల్లూరుజిల్లా. సూళ్లూరుపేట:-

శ్రీ చెంగాలమ్మ దేవస్థానం సమీపంలో ఉన్న కాళంగి నదిలో గుర్తుతెలియని సుమారు 45నుండి 50 సంవత్సరాలు గల మగ మృతదేహం నీలల్లో తేలియాడుతూ ఉండగా పోలీసులకు సమాచారం తెలియడంతో పోలీసులు సంఘటనా స్థలానికి చేరుకుని మృతదేహాన్ని వెలికితీసి పరిశీలించగా అతని ముక్కులో నుంచి రక్తం వస్తుండడంతో అనుమానాస్పదంగా ఉండడంతో సూళ్లూరుపేట ఎసై పి రవిబాబు కేసునమోదు చేసి దర్యాప్తు చేస్తున్నట్టు తెలిపారు.

 నెల్లూరు జిల్లా దొరవారిసత్రం మండలం నేలబల్లి  వద్ద వరి ధాన్యం ను సోమవారం నాడు పరిశీలించిన తెలుగుదేశం పార్టీ నాయకులు మాజీ మంత్రివర్యులు సోమిరెడ్డి చంద్రమోహన్ రెడ్డి గారు రైతులకు గిట్టుబాటు ధర కల్పించాలని ఇప్పుడున్న ప్రభుత్వం వైఎస్ఆర్సిపి ప్రభుత్వాన్ని డిమాండ్ చేశారు ఈ కార్యక్రమంలో  చంద్రమోహన్ రెడ్డి గారిని శాలువాతో సత్కరించి తెలుగుదేశం పార్టీ పట్టణ అధ్యక్షులు కందల కృష్ణారెడ్డి మరియు సులూరుపేట నియోజకవర్గ టీడీపీ ఇన్చార్జి ఎంపీ నెలవల సుబ్రమణ్యం గారు మరియు టిడిపి జిల్లా ఉపాధ్యక్షులు గూడూరు రఘునాథ్ రెడ్డి తిరుపతి పార్లమెంటు ప్రధాన కార్యదర్శి వేనాటి సతీష్ రెడ్డి తిరుపతి పార్లమెంటు మహిళా ప్రధాన కార్యదర్శి ముప్పాల విజేత రెడ్డి దొరవారిసత్రం మండలం తెలుగుదేశం పార్టీ ఇంచార్జ్ శ్రీనివాసులు నాయుడు గారు మరియు తెలుగుదేశం పార్టీ నాయకులు పాల్గొన్నారు

జిల్లాలో ఉన్న ఏకైక ప్రభుత్వ రంగ పరిశ్రమను ప్రైవేటు పరం చేయడం తగదు :-  సూళ్ళూరుపేట సిఐటియు మండల కమిటి.
 
 శ్రీపొట్టిశ్రీరాములు నెల్లూరు జిల్లా.సూళ్లూరుపేట:-

నెల్లూరుజిల్లాలోని శ్రీ దామోదరం సంజీవయ్య ధర్మల్ పవర్ స్టేషన్  జిల్లాలో ఉన్న ఏకైక ప్రభుత్వరంగ భారీ పరిశ్రమను ప్రవేటు పరం చేయడం తగదని సిఐటియు నాయకులు నిరసిస్తూ తహసిల్దార్ ఆఫీసు ముందు ధర్నా నిర్వహించారు.  ఈ సందర్భంగా కా సుధాకర్ రావ్ మాట్లాడుతూ  విద్యుత్ కేంద్రాన్ని ప్రైవేటు పరం చేయద్దని, భూములిచ్చిన వారిత్యాగాలను వమ్ము చేయద్దని, పనిచేస్తున్న కార్మికులకు హాని చేయద్దని, ఏకైక భారీ ప్రాజెక్టును కాపాడు కోవలసిన బాధ్యత ప్రజలందరిదని ప్రజలకు పిలుపునిచ్చారు. అనంతరం కా పద్మనాభయ్య మాట్లాడుతూ  జెన్కో బోర్డు సమావేశం కన్సల్టెన్సీ  నియమిస్తూ  తీర్మానించడం దుర్మార్గమని, ఈనిర్ణయాన్నిఉపసంహరించుకోవాలిసిందిగా
విజ్ఞప్తిచేస్తూ సూళ్లూరుపేట తహశిల్ధార్ కె రవికుమార్ కి వినతి పత్రం అందజేసి సంబంధిత అధికారులకు అందజేయవలసిందిగా కోరారు. ఈ కార్యక్రమములో సిఐటియు అధ్యక్షులు కా సాంబశివయ్య, రైతు సంఘం నాయకులు కా అల్లెయ్య, లారీ వర్కర్స్ నాయకులు సత్యం, రాజబాబు, ఆర్టీసి కార్మిక నాయకులు రమణయ్య, భ.ని.కా. నాయకులు చంద్రయ్య , శంకరయ్య తదితరులు పాల్గొన్నారు.