Ravikiranalu TV

 " కాకాణి చేతుల మీదుగా అంగన్వాడి నియామక పత్రాలు"

శ్రీ పొట్టి శ్రీరాములు నెల్లూరు జిల్లా, సర్వేపల్లి నియోజకవర్గం, వెంకటాచలం మండల కేంద్రంలో నూతనంగా ఎంపికైన అంగన్వాడీ వర్కర్లకు, హెల్పర్లకు నియామక పత్రాలు అందించిన వై.యస్.ఆర్. కాంగ్రెస్ పార్టీ జిల్లా అధ్యక్షులు, సర్వేపల్లి శాసనసభ్యులు కాకాణి గోవర్ధన్ రెడ్డి గారు.

 ముఖ్యమంత్రి జగన్మోహన్ రెడ్డి గారు సర్వేపల్లి నియోజకవర్గాన్ని, నెల్లూరు జిల్లాలోనే కొనసాగించడం ద్వారా అన్ని వర్గాలకు ఉపశమనం కలిగింది. అంగన్వాడీ టీచర్లు, హెల్పర్ల ఎంపిక కమిటీ చైర్మన్ గా వ్యవహరించే జిల్లా కలెక్టర్ దగ్గరకు ఇంటర్వ్యూ కి వెళ్లడానికి కూడా, మనం కూతవేటు దూరంలో ఉన్న నెల్లూరు జిల్లాను వదిలి, బాలాజీ జిల్లాలకు వెళ్ళవలసి ఉండేది. సర్వేపల్లి నియోజకవర్గంలో అంగన్వాడీ పిల్లలకు ఇబ్బందులు కలగకుండా, ఖాళీలు ఏర్పడిన చోట ఎప్పటికప్పుడు క్రమం తప్పకుండా, నోటిఫికేషన్ విడుదల చేసి ఖాళీలు భర్తీ చేస్తున్నాం. పసిపిల్లలలోని సృజనాత్మక శక్తిని వెలుగు తీయడానికి అంగన్వాడీ సిబ్బంది ప్రధాన బాధ్యత వహించాలి. జగన్మోహన్ రెడ్డి గారు ప్రత్యేక శ్రద్ధతో అంగన్వాడీ భవనాలు నిర్మించడంతో పాటు, అంగన్వాడీల ద్వారా చిన్న పిల్లలకు, గర్భవతులకు, బాలింతలకు, పౌష్టికాహారాన్ని అందిస్తున్నారు. నూతనంగా ఎంపికైన అంగన్వాడీ వర్కర్లు, హెల్పర్లు పసిపిల్లలకు సేవలందించడంపై ప్రత్యేక దృష్టి సారించాలని కోరుకుంటూ, నా అభినందనలు తెలియజేస్తున్నాను.

 నాయుడుపేట మండల పరిధిలోని తుమ్మూరు ప్రజా పరిషత్ ప్రాథమిక పాఠశాల నందు బుధవారం ఆ పాఠశాల విద్యా కమిటీ చైర్మన్ కె అరుణ ఆధ్వర్యంలో భార్గవి అనేకమంది తల్లిదండ్రులు ఉన్నత పాఠశాల కు 3 4 5 తరగతుల చదువుతున్న మా పిల్లలను మార్చడం సబబు కాదని తీవ్ర ఆవేదన వ్యక్తం చేశారు అలా మార్చిన సో మా పిల్లల భద్రత పూర్తిగా ప్రభుత్వమే బాధ్యత వహించాలని మహిళలు హెచ్చరించారు

 ఎస్సై గోపాల్  యాదవ్, పోలీసు సిబ్బంది తో గూడూరు RTC డిపోలో నెల్లూరు,విజయవాడ  వైపు వెళ్ళు బస్సుల్లో తనికీలు'

రేపు ఉద్యోగుల ఛలో విజయవాడ సభకు పోలీసుల అనుమతి లేదు,కావున బయట ప్రాంతాల నుండి టీచర్లు, ఉద్యోగులు రవాణా మార్గాల్లో భారీగా విజయవాడ చేరుకునే అవకాశం ఉందనే సమాచారం మేరకు పోలీసు ఉన్నతాధికారులు సూచనలు తో గూడూరు పట్టణం లోని RTC బస్టాండ్ ప్రాంతంలో ఎస్సై గోపాల్ యాదవ్ తన సిబ్బందితో ముమ్మర తనికీలు చేపట్టారు, ఉద్యోగులు సమూహముగా విజయవాడ వెళ్లకుండా ఎక్కడిక్కడ అడ్డుకోవాలని జిల్లా వ్యాప్తంగా రవాణా మార్గాల్లో తనికీలు చేపట్టారు

ఈ తనికీల్లో ఎస్సై గోపాల్ యాదవ్ తోపాటు సిబ్బంది మోహన్, అనిల్, మధు తదితరులు పాల్గొన్నారు....

 ధాన్యం కొనుగోలు కేంద్రాలలో రైతులకు మెరుగైన సేవలు:-  ఎ డి ఎ రాజ్ కుమార్.

నెల్లూరు జిల్లా. సూళ్లూరుపేట :  పట్టణంలోని వ్యవసాయ కార్యాలయంలో  రైస్ మిల్లుల యజమానులకు, ధాన్యం కొనుగోలు సిబ్బందికి నేడు ADA రాజ్ కుమార్ సమావేశం ఏర్పాటు చేశారు. ఈ సమావేశంలో సులూరుపేట ఏ డి ఏ రాజ్ కుమార్ మాట్లాడుతూ ధాన్యం కొనుగోలు కేంద్రాల ద్వారా ఎవరైతే రైతులు అమ్ముకుంటారో వారికి ఎటువంటి ఇబ్బందులు కలగకుండా ఆర్ బి కె సిబ్బంది, రైస్ మిల్లుల యజమానులు చూసుకోవాలని సూచించారు. ప్రస్తుతం బి పి టి 52 0 4, ఆర్ ఎన్ ఆర్ 15 0 48 రకాల ధాన్యం అధిక ధరలకు బయట మార్కెట్లో రైతులు అమ్ముకుంటున్నారని, అయితే NLR 34 44 9 రకాల ధాన్యం రైతులు దళారులకు తక్కువ ధరకు అమ్ముతున్నారని కాబట్టి నెల్లూరు జిలకర్లు సాగు చేసిన రైతులు కొనుగోలు కేంద్రాల ద్వారా అమ్ముకోవాలని రైతులకు సూచించారు. కొనుగోలు కేంద్రాలలో గాని, రైస్ మిల్ లో గాని రైతులకు ఎటువంటి సమస్యలు వచ్చినా వెంటనే వ్యవసాయ అధికారులకు సమాచారం ఇవ్వాలని, వ్యవసాయ అధికారులు, రైసుమిల్లు యజమానులు కొనుగోలు లో ఎటువంటి సమస్యలు లేకుండా చూసుకోవాలని తెలిపారు. ఈ సమావేశంలో సివిల్ సప్లై డి టి రాజేంద్ర, సూళ్లూరుపేట ,తడ, దొరవారిసత్రం మండలాల MAO లు కవిత, కాంచన, జ్యోతిర్మయి మరియు VAA లు, తొమ్మిది మంది రైస్ మిల్లుల యజమానులు మరియు రైతులు పాల్గొన్నారు.

 సిటిజన్ సర్వీసెస్ పోర్టల్ 2.0 స్టార్ట్ - ఇంటి గడప వద్దకే పథకాలు - సీఎం జగన్

సిటిజన్ సర్వీసెస్ పోర్టల్ 2.0ప్రారంభం చేశారు.ఏపీ సేవా పేరుతో పోర్టల్ ని ప్రారంభించారు. ఈ సేవల్ని మరింత మెరుగుపరిచేందుకే పోర్టల్ అని సీఎం జగన్ తెలిపారు.

దాంతో వేర్వేరు శాఖలన్నీ ఒకే పోర్టల్ కిందకు వస్తాయి. మారుమూల గ్రామాల్లోనూ సేవల్లో వేగం పెరుగుతుందని సీఎం చెప్పారు. గ్రామ,వార్డు సచివాలయాల్లో సేవలు మరింత వేగంగా జరగనున్నాయి. గ్రామ స్వరాజ్యానికి ఇదే నిదర్శనమని సీఎం జగన్ తెలిపారు. ఇంటి గడప వద్దకే పథకాలను అందిస్తున్నామన్నారు. ఈ మేరకు వాలంటీర్లు, సచివాలయ ఉద్యోగులు గొప్పగా పని చేస్తున్నారని వెల్లడించారు. ఈ సేవల్ని మరింత మెరుగుపరిచేందుకే పోర్టల్ అని జగన్ వివరించారు. గ్రామ, వార్డు సచివాలయాల ద్వారా 3.46కోట్ల మందికి మేలు జరుగుతుందని చెప్పారు. పౌర సేవలు మరింత వేగంగా జరుగుతాయని అన్నారు.

 దేశంలో ఎక్కడి నుంచైనా భూ రిజిస్ట్రేషన్

కేంద్ర ప్రభుత్వం నూతన భూసంస్కరణలను ప్రవేశపెట్టింది. ఒకే దేశం, ఒకే రిజిస్ట్రేషన్ అంశాన్ని ఆర్థిక మంత్రి నిర్మలా సీతారామన్ తన ప్రసంగంలో వెల్లడించారు. నేషనల్ జెనరిక్ డాక్యుమెంట్ రిజిస్ట్రేషన్ సిస్టమ్ (NGDRS)తో దేశంలో ఎక్కడి నుంచైనా భూముల రిజిస్ట్రేషన్ చేసుకోవచ్చని పేర్కొన్నారు. మెరుగైన జీవన సౌలభ్యం, సులభతర వ్యాపారానికి వీలుగా ఈ విధానం తీసుకొస్తున్నట్లు చెప్పారు.

 దొరవారిసత్రం రెగ్యులర్ డిప్యూటీ తహశీల్దార్ గా పెళ్లూరు గోపినాధ్ రెడ్డి 

 నెల్లూరుజిల్లా. దొరవారిసత్రం: దొరవారిసత్రం మండలం రెగ్యులర్ డిప్యూటీ తహశీల్దార్ గా పెళ్లూరు గోపినాధ్ రెడ్డిని నియమిస్తూ జిల్లా కలెక్టర్ కె.వి.ఎన్ చక్రధర్ బాబు ఉత్తర్వులు జారీచేశారు.వెంకటగిరి మండలం స్పెషల్ డిప్యూటీ తహశీల్దార్ గా పనిచేస్తున్న గోపినాధ్ రెడ్డి బదిలీపై దొరవారి సత్రం మండలం రెగ్యులర్ డిప్యూటీ తహసీల్దార్ గా నియమితులయ్యారు.బుధవారం ఆయన బాధ్యతలు స్వీకరించనున్నారు. నాయుడుపేట ఆర్డీఓ  కార్యాలయం తోపాటు సూళ్లూరుపేట నియోజకవర్గంలో  పలు రెవెన్యూ కార్యాలయాల్లో వివిధ హోదాల్లో పని చేసిన పెళ్లూరు గోపినాధ్ రెడ్డి నియోజకవర్గ ప్రజలకు సుపరిచితులు. గోపిరెడ్డిగా పిలవబడే డిప్యూటీ తహశీల్దార్ గోపినాధ్ రెడ్డి సౌమ్యుడు మంచివారనే పేరుంది.