సిపిసి రద్దు చేస్తానని చెప్పిన జగన్ రెడ్డి,చింతామణి నాటకాన్ని రద్దు చేస్తున్నారు.
                   - అబ్దుల్ అజీజ్, కోటంరెడ్డి శ్రీనివాసులు రెడ్డి...

ఏపీ ప్రభుత్వం విడుదల చేసిన పీఆర్సీ జీవోను రద్దు చేయాలంటూ ఉపాధ్యాయ సంఘాల సమాఖ్య (ఫ్యాప్టో) నేడు కలెక్టరేట్ల ముట్టడికి పిలుపునిచ్చింది... దీంతో రాష్ట్రవ్యాప్తంగా ఉపాధ్యాయ సంఘాలు రోడ్డు మీదకు వచ్చి తమ నిరసన తెలియజేస్తున్నాయి...ఈనేపథ్యంలో నెల్లూరు పార్లమెంటరీ ఇంచార్జి అబ్దుల్ అజీజ్ నెల్లూరు నగర టీడీపీ ఇంచార్జ్ కోటంరెడ్డి శ్రీనివాసులురెడ్డి కలసి ఉద్యోగస్తుల కు మద్దతు తెలుపుతూ వారితో  కలెక్టరేట్ ను ముట్టడించి నిరసనలు తెలిపారు...

 అబ్దుల్ అజీజ్ మాట్లాడుతూ... 

ఎన్నికల ముందు సిపిసి రద్దు చేస్తానని హామీ ఇచ్చిన వైయస్ జగన్మోహన్ రెడ్డి దానిని గాలికి వదిలేశారని అబ్దుల్ అజీజ్ మండిపడ్డారు .ఇచ్చిన హామీ ను పట్టించుకోకుండా చింతామణి నాటకాన్ని రద్దు చేయడం హాస్యాస్పదంగా ఉందని నెల్లూరు పార్లమెంటు ఇన్చార్జి అబ్దుల్ అజీజ్ పేర్కొన్నారు..సీఎం పదవి అంటే చిన్నపిల్లలు ఇష్టం వచ్చినట్లు ఆడుకునే ఆట కాదనీ, కరోనా వంటి విపత్కర పరిస్థితుల్లో ఉద్యోగస్తులను మేనేజ్ చేయడంలో జగన్మోహన్ రెడ్డికి అనుభవం లేదనీ అన్నారు..సిపిఎస్ రద్దు చేస్తామని ఇచ్చిన హామీని వెంటనే రద్దు చేయాలనీ అబ్దుల్ అజీజ్ డిమాండ్ చేశారు  మాట తప్పం మడమ తిప్పం అని చెప్పిన జగన్ మోహన్ రెడ్డి ఇప్పుడు ఏమయ్యాడు అని అబ్దుల్ అజీజ్ ప్రశ్నించారు  ఉద్యోగస్తుల డిమాండ్లను వెంటనే నెరవేర్చాలనీ ఎన్నికల ముందు వైకాపా ప్రభుత్వం ఉద్యోగులకు.ఇచ్చిన హామీలను కూడా నెరవేర్చలని డిమాండ్ చేశారు. స్వచ్ఛందంగా నిరసనలు తెలిపేందుకు వస్తున్నా ఉద్యోగస్తులను పోలీసులు అడ్డుకుని నిర్బంధించడం బాధాకరమని అబ్దుల్ అజీజ్ ఆవేదన వ్యక్తం  తెలుగుదేశం పార్టీ హయాంలో విభజన హామీలను నెరవేర్చి ఉద్యోగస్తులకు అన్నివిధాలా ఆదుకున్నారని ఆయన గుర్తు చేశారు.

కోటంరెడ్డి శ్రీనివాసులురెడ్డి మాట్లాడుతూ

తెలంగాణ నుండి విడిపోయిన తరువాత చంద్రబాబు నాయుడు హయాంలో ఉద్యోగస్తులు అన్నివిధాలా అడ్డుకున్నారని గుర్తు చేశారు ప్రపంచంలో ఎంత గొప్ప వారైనా టీచర్లను గౌరవించాల్సిందే అని అలాంటి ఉపాధ్యాయులను రోడ్డెక్కిన ఘనత వైయస్ జగన్మోహన్ రెడ్డికే దక్కుతుందని విమర్శించారు ఒకపక్క కరోనాతో ఆర్థికంగా ఇబ్బందులు ఎదుర్కొంటున్నా మధ్యతరగతి కుటుంబీకులు ఇంటి అద్దె కట్టలేని స్థితిలో ఉంటే.. అద్దెలు పెంచుతూ వైకాపా ప్రభుత్వం మాత్రం 4శాతం నుండి 14శాతం వరకు అధిక భారాన్ని మోపిందని  మండిపడ్డారు  అశోక్ మిత్ర  రిపోర్ట్ దమ్ముంటే బయటపెట్టాలని కోటంరెడ్డి శ్రీనివాసులు రెడ్డి డిమాండ్ చేశారు.. ఇదంతా సజ్జల రామకృష్ణ రాసిన చెత్త రిపోర్టుగా ఆయన అభివర్ణించారు  ఉద్యోగస్తులు తో పెట్టుకున్న ఏ ప్రభుత్వం బాగు పడక సర్వనాశనం అయిందని ఆరోపించారు  ఉద్యోగస్తులు తమ మెడకు ఉరితాళ్లు వేశారని గగ్గోలు పెడుతుంటే...జగన్ రెడ్డికి ఏదీ పట్టనట్టు చింతామణి డ్రామాను రద్దు చేయడం చాలా హాస్యాస్పదంగా ఉందన్నారు  అసలు చింతామణి నాటకం ఎవరు రద్దు చేయమని అడిగారని ముందు ఉద్యోగస్తుల బాధను అర్థం చేసుకుని వారికి సరైన న్యాయం చేయాలని కోరారు  ఉద్యోగస్తులు దాచుకున్న డబ్బును వారికి ఇవ్వడం కూడా కష్టంగా ఉంది... ప్రభుత్వం వద్ద డబ్బుల్లేక దివాలా తీసిందని ఈ పరిణామాలను చూస్తుంటే అర్థమవుతుందని కోటంరెడ్డి శ్రీనివాసులురెడ్డి ఆరోపించారు

 చెట్లను సంరక్షించడమనేది సంస్కృతిగా మారాలి
                                            డియస్పీ దేవరకొండ ప్రసాద్

   శ్రీ పొట్టి శ్రీరాములు  నెల్లూరు జిల్లా

 కావలి డియస్పీ "దేవరకొండ ప్రసాద్" కు "డిప్యూటీ సూపరిండెంట్ ఆఫ్ పోలీస్" ప్రమోషన్ సందర్భంగా తన కార్యాలయంలో ఆంధ్రప్రదేశ్ కన్జ్యూమర్ రైట్స్ ప్రొటెక్షన్ ఫోరం రాష్ట్ర అధ్యక్షులు కె.తిరుపాలు, రాష్ట్ర సెక్రటరీ టి.శేషయ్య, ఆంధ్రప్రదేశ్ కన్జ్యూమర్ రైట్స్ ప్రొటెక్షన్ ఫోరం రాష్ట్ర స్టీరింగ్ మానిటరింగ్ వర్కింగ్ అధ్యక్షులు డాక్టర్ చేవూరుచిన్న మర్యాదపూర్వకంగా ఆయనకు మామిడి,నిమ్మ మొక్కలు ఆయన చేతులమీదుగా డియస్పీ ప్రాంగణంలో నాటడం జరిగింది   ఈ సందర్భంగా ఆంధ్రప్రదేశ్ కన్జ్యూమర్ రైట్స్ ప్రొటెక్షన్ ఫోరం రాష్ట్ర  అధ్యక్షులు కె.తిరుపాలు మాట్లాడుతూ ప్రస్తుత సమాజంలో  శాంతిభద్రతల పర్యవేక్షణలో పోలీసుల పాత్ర ఎంతో కీలకమని  డియస్పీ దేవరకొండ ప్రసాద్ కావలిలో బాధ్యతలు తీసుకున్న నుండి డివిజన్ లో శాంతిభద్రతల ప్రతిష్టాత్మకంగా అమలు చేశారని అన్నారు  ఈ సందర్భంగా డియస్పీ దేవరకొండ ప్రసాద్ మాట్లాడుతూ చెట్లను సంరక్షించడమనేది సంస్కృతిగా మారాలని రాష్ట్రంలో పచ్చదనాన్ని పెంపొందించేందుకు మొక్కలు నాటి సంరక్షించాలని, ఆంధ్రప్రదేశ్‌ను పచ్చదనంతో కూడిన రాష్ట్రంగా మార్చే బాధ్యతను మనమే తీసుకోవాలని ఆయన అన్నారు  ఆంధ్రప్రదేశ్ కన్జ్యూమర్ రైట్స్ ప్రొటెక్షన్ ఫోరం రాష్ట్ర సెక్రటరీ టి.శేషయ్య మాట్లాడుతూ శాంతి భద్రతల పరిరక్షణలో సంఘవిద్రోహా శక్తులను అణిచివేయడంలో పోలీసులు చేస్తున్న కృషిని గొప్పదన్నారు   పై కార్యక్రమంలో ఆంధ్రప్రదేశ్ కన్జ్యూమర్ రైట్స్ ప్రొటెక్షన్ ఫోరం రాష్ట్ర స్టీరింగ్ మానిటరింగ్ వర్కింగ్ అధ్యక్షులు "డాక్టర్ చేవూరుచిన్న" మాట్లాడుతూ "డియస్పీ దేవరకొండ ప్రసాద్" కరోనా మహమ్మారి విజృంభించి ప్రజలను భయంతో వణికిస్తున్న సమయంలో ఎంతో చాకచక్యంతో ఉన్నతాధికారులతో కలిసి శాంతిభద్రతల అమలుచేస్తూ ప్రజలకు ధైర్యాన్ని కల్పించారు,అదేవిదంగా తిరునాళ్ళను,గ్రామోత్సవాలను కట్టుదిట్టమైన భద్రతతో పర్యవేక్షిస్తూ విజయవంతంగా కార్యక్రమాలను ఘనవిజయంగా జరిగించటలో కృషి చేశారని  అని తెలిపేరు 

 మెగా బ్రదర్స్ సేవాసమితి ఆధ్వర్యంలో అనాధ శవానికి అంత్యక్రియలు

 నెల్లూరు జిల్లా గూడూరు పట్టణంలోని  ఓం శ్రీ సాయి రామ్ చారిటీస్ ఆశ్రమంలో ఆశ్రయం పొందుతున్న గోపాల్ అనే వ్యక్తి మృతి చెందడంతో అతనికి సంబంధించిన వారు ఎవరు  లేకపోవడంతో మెగా బ్రదర్స్ సేవాసమితి ఆధ్వర్యంలో మరణించిన గోపాల్ మృతదేహానికి అంత్యక్రియలు నిర్వహించడం జరిగిందని ఆశ్రమ నిర్వాహకురాలు కళ్యాణి తెలిపారు . గోపాల్  మృతి చెందిన సమాచారాన్ని స్థానిక పోలీసు అధికారులకు మెగాబ్రదర్ సేవా సమితి సభ్యులు తెలియజేసి వారి అనుమతితో అంత్యక్రియలు కార్యక్రమం పూర్తి చేశారు .  గత నెల 22వ తేదీన గూడూరు పట్టణంలోని  అల్లూరు ఆదిశేషారెడ్డి  ప్రభుత్వ స్టేడియంలో గోపాల్ అనే వ్యక్తి  ఒంటరిగా ఉండడాన్ని గుర్తించిన మెగా బ్రదర్స్ సేవాసమితి సభ్యులు స్థానిక పోలీసుల సహకారంతో  గోపాల్ ను పట్టణంలోని ఓం శ్రీ సాయిరాం చారిటీస్ ఆశ్రమంలో చేర్పించారు .  గోపాల్ అనారోగ్యంతో మృతి చెందడంతో ఆశ్రమ నిర్వాహకులు మెగా బ్రదర్స్ సేవా సమితి సభ్యులకు సమాచారం అందించారు . మెగా బ్రదర్స్ సేవా సమితి సభ్యులు ఆశ్రమానికి చేరుకుని గోపాల్ మృతదేహాన్ని అంత్యక్రియలు నిర్వహించారు  . మృతిచెందిన గోపాల్ వివరాలు తెలుసుకునేందుకు మెగా బ్రదర్స్ సేవాసమితి అనేక విధాల  ప్రయత్నించింది మీడియా ద్వారా కూడా ప్రయత్నం చేయగా  గోపాల్ కు చెందిన వారు ఎవరు రాకపోవడంతో అనాధ గా గుర్తించి మెగా బ్రదర్స్ సేవా సమితి ఆధ్వర్యంలో  అంత్యక్రియలు నిర్వహించారు ఈ కార్యక్రమంలో జనసేన పార్టీ జిల్లా ఉపాధ్యక్షుడు తీగల చంద్రశేఖర్ మరియు మెగా బ్రదర్స్ సేవా సమితి సభ్యులు సూర్య, మోహన్ పాల్గొన్నారు .

 అటవీశాఖ అధికారులకు ముఖ్యమంత్రి వైఎస్ జగన్ మోహన్ రెడ్డి అభినందన లు

అమరావతి: ముఖ్యమంత్రి  వైఎస్ జగన్ మోహన్ రెడ్డి  ఆంధ్ర ప్రదేశ్  అటవీ శాఖ  సిబ్బంది కి  అభినందన లు  తెలిపారు.  గురువారం  ఆంధ్ర ప్రదేశ్ అటవీ శాఖ ప్రధాన ముఖ్య సంరక్షణాధికారి ఎన్. ప్రతీప్ కుమార్  ఐ.ఎఫ్.ఎస్ నేతృత్వంలో   1992, 1997, 2004, 2008,2013 

బ్యాచ్ లకు  సంబంధించి న ఐఎఫ్ఎస్  అధికారులకు సకాలంలో  జనవరి నెల లో  పదోన్నతి లభించిన సంధర్భంగా  అధికారులు ముఖ్య మంత్రి  క్యాంపు కార్యాలయంలో  సీయం వైఎస్ జగన్ ను  మర్యాద పూర్వకంగా  కలిశారు.  ఈ సంధర్భంగా పచ్చదనం పెంపు లో  ఆంధ్రప్రదేశ్  అగ్ర గామి  గా నిలిచిన విషయంలో   తమ సిబ్బంది పనితీరు ను  పీసీసీఎఫ్ ఎన్. ప్రతీప్ కుమార్  ముఖ్యమంత్రి వైఎస్ జగన్ మోహన్ రెడ్డి కి వివరించారు. భారత దేశ చిత్ర పటంలో  పచ్చదనం పెంపు లో  ఆంధ్రప్రదేశ్  అగ్ర భాగాన  నిలవడం  పట్ల  సీయం వైఎస్ జగన్  హర్షం వ్యక్తం చేశారు.  ఇండియా  స్టేట్ ఆఫ్ ఫారెస్ట్ రిపోర్ట్ -2021 ప్రతి రెండు సంవత్సరాల కొకసారి వెల్లడిస్తారు.  ఇదే  పనితీరును భవిష్యత్తు లో కూడా పచ్చదనం పెంపు విషయంలో  కొనసాగించాలని  ఆయన సూచించారు. 

. ఇండియా  స్టేట్ ఆఫ్ ఫారెస్ట్ రిపోర్ట్-21 విడుదల చేసిన  జాబితాలో  భారత దేశం లో  అన్ని  రాష్ట్రాలలో  ఆంధ్ర ప్రదేశ్  మొదటి స్థానంలో నిలిచినట్లు  ఇటీవలే  భారత అటవీ మంత్రిత్వ శాఖ అధికారులు  ప్రకటించారు .647 చదరపు కిలోమీటర్ల  మేర  పచ్చదనం  పెరిగినట్లు  ఆ రిపోర్ట్ లో  వెల్లడించారు. 2019 సర్వే రిపోర్ట్  కన్నా   గ్రీన్ కవర్  పెంపు లో  పెరుగుదల  కనిపించడం తో  భారత అటవీ మంత్రిత్వ శాఖ మంత్రి  భూపేందర్ యాదవ్   ఈ విషయాన్ని  స్వయంగా  తెలిపారు. ఆంధ్రప్రదేశ్  మొదటి స్థానంలో  ఉండగా  తెలంగాణా  ద్వితీయ స్థానంలో  ఒడిషా మూడో స్థానంలో  నిలిచింది. పచ్చదనం పెంపు విషయంలో  గతంలో  మొదటి, రెండవ స్థానాలలో  నిలిచిన  ఏపీ  ఈ యేడాది  మొదటి స్థానంలో  నిలవడం గమనార్హం. ఆంధ్రప్రదేశ్ అటవీ శాఖ సిబ్బంది నిరంతరం పనిచేయడం , అంకిత భావం  వల్లనే  ఇది  సాధ్యమైందని  ఆంధ్ర ప్రదేశ్ అటవీ శాఖ ప్రధాన ముఖ్య సంరక్షణాధికారి ఎన్.  ప్రతీప్ కుమార్  తెలిపారు. అదే విధంగా  భవిష్యత్తు లో  కూడా  పచ్చదనం పెంపు విషయంలో  తమ సిబ్బంది  మరింత ఎక్కువ కృషిచేసి ఆంధ్ర ప్రదేశ్ ను  నంబర్ వన్ స్థానంలో  నిలబెడతారని  ఆయన ధీమా వ్యక్తం చేశారు.  అదే విధంగా  ఆలిండియా టైగర్ ఎస్టిమేషన్- 2021..22 ఆంధ్ర ప్రదేశ్ లో  ప్రోగ్రస్ గురించి కూడా  సీయం వైఎస్ జగన్ కు  వివరించారు. దేశవ్యాప్తంగా ప్రతి నాలుగేళ్ల కొకసారి పులుల గణన చేస్తారు.  ఈ సంధర్భంగా  ఐఎఫ్ఎస్ అధికారులకు  సకాలంలో  పదోన్నతులు  కల్పించిన ముఖ్య మంత్రి  వైఎస్ జగన్ మోహన్ రెడ్డికి  అటవీ శాఖ ప్రధాన ముఖ్య సంరక్షణాధికారి ఎన్ ప్రతీప్ కుమార్ కృతజ్ఞతలు తెలిపారు.

 పాఠశాలలకు సెలవులు ఇచ్చే ఆలోచన లేదు: మంత్రి ఆదిమూలపు

కరోనా కేసులు పెరుగుతున్నప్పటికీ.. పాఠశాలలకు సెలవులు ఇచ్చే ఆలోచన లేదని.. మంత్రి ఆదిమూలపు సురేష్ మరోసారి కుండ బద్దలు కొట్టి చెప్పారు. ముఖ్యమంత్రి జగన్‌ మోహన్‌ రెడ్డి తో జరిగిన సమావేశంలో ఉద్యోగులు, ఉపాధ్యాయులు పీఆర్సీకి మొదట అంగీకరించారని గుర్తు చేశారు.

మళ్లీ ఇప్పుడు ఆందోళనలు చేయటం సరికాదని మండిపడ్డారు.

వారికి ఏదైనా ఇబ్బందులు ఉంటే ప్రభుత్వంతో మాట్లాడవచ్చని పేర్కొన్నారు. కోవిడ్ కేసులు పెరుగుతున్నా దాని తీవ్రత అంతలా లేదని వెల్లడించారు. పాఠశాలలకు సెలవులు ఇచ్చే ఆలోచన లేదని… ఎక్కడైనా పిల్లలకు కోవిడ్ వస్తే ఆ పాఠశాల వరకూ మూసివేసి, శానిటైజ్ చేసిన తర్వాత మళ్లీ ప్రారంభిస్తామని.. స్పష్టం చేశారు. కొన్ని యూనివర్శిటీలు పరీక్షలు కూడా నిర్వహిస్తున్నాయని… కోర్టు కూడా పరీక్షలకు అనుమతి ఇచ్చిందని వెల్లడించారు మంత్రి ఆదిమూలపు సురేష్. పాఠశాలలకు సెలవులు ఇస్తారని ఎవరూ అనుకోవద్దని పేర్కొన్నారు.కరోనా జాగ్రత్తలు పాటిస్తూనే విద్యా సంస్థలను నడిపిస్తున్నట్లు పేర్కొన్నారు ఆదిమూలపు సురేష్‌.

 అత్యున్నత పదవిలో ఉంటూ పచ్చి అవాస్తవాలు మాట్లాడటం సీఎస్ కు తగదు

తప్పుడు లెక్కలు చెబుతూ ఉద్యోగుల నెత్తిన టోపీపెట్టే ప్రయత్నం చేయడం దుర్మార్గం ఉద్యమబాట పట్టిన ఉద్యోగుల డిమాండ్లన్నీ న్యాయబద్దమైనవే ఉద్యోగుల ఉద్యమానికి మా సంపూర్ణ మద్దతు ప్రకటిస్తున్నాం  అమరావతిలో మీడియాతో మాజీ మంత్రి, టీడీపీ పొలిట్ బ్యూరో సభ్యులు సోమిరెడ్డి చంద్రమోహన్ రెడ్డి  అత్యున్నతమైన స్థానంలో ఉన్న సీఎస్ రాష్ట్ర ఆదాయంపై అబద్దాలు ఆడుతున్నారు. పరిపాలన విభాగానికి ఎగ్జిక్యూటివ్ హెడ్ గా ఉండి అవాస్తవాలు మాట్లాడటం ఎంత వరకు సమంజసం. ఉద్యోగులు తమ న్యాయమైన డిమాండ్ల కోసం పోరాడుతున్నారు. వారి ప్రశ్నలకు ప్రభుత్వం సమాధానం చెప్పలేని పరిస్థితుల్లో ఉంది. 2021 నవంబర్ నాటికి రాష్ట్ర ఆదాయం రూ.88,618 కోట్లు అని కాగ్ చాలా స్పష్టంగా చెబుతుంటే సి.ఎస్ మాత్రం కేవలం రూ.62 వేల కోట్లే అని అబద్దమాడుతున్నారు. సి.ఎస్ ప్రభుత్వం ఆడమన్నట్లు ఆడుతూ బీద అరుపులు అరుస్తున్నారు. రాష్ట్ర ప్రభుత్వం నవంబర్ నాటికి చేసిన అప్పు అక్షరాల రూ. 49,570 కోట్లు. వచ్చిన ఆదాయం, తెచ్చిన అప్పులు కలుపుకుంటే రాష్ట్ర ఆదాయం రూ. 1,38,118 కోట్లు.ఇంత చేసినా రాష్ట్రంలో అభివృద్ధి మాత్రం శూన్యం. వ్యవసాయం అభివృద్ధి గానీ, రోడ్లు మరమత్తులు గానీ, ఒక్క నీటి పారుదల ప్రాజెక్టు గానీ కట్టిన దాఖలా లేదు. రాబోయే నాలుగు నెలల్లో ఈ ప్రభుత్వానికి మరో రూ 44 వేల కోట్ల ఆదాయం వచ్చే అవకాశం ఉంది.ఈ నాలుగు నెలల్లో ఎంత అప్పు చేస్తారో ఆ దేవుడికే తెలియాలి. 2014-15 లో చంద్రబాబు నాయుడు అధికారం చేపట్టిన మొదటి సంవత్సరం రాష్ట్ర ఆదాయం రూ. 65,695 కోట్లు మాత్రమే. అయినా ఉద్యోగులకు 43 శాతం ఫిట్ మెంట్ ఇచ్చాం.

ఫిట్ మెంట్ ఇవ్వడం ఆలస్యమైందని 2014 ఏప్రిల్ నుంచి అమలు చేశాం. 

తెలంగాణ ఆదాయం 2021 నవంబర్ నాటికి 74,940 కోట్లు.  అంటే ఏపీకి తెలంగాణ కంటే రూ. 13,678 కోట్లు అదనపు ఆదాయం ఉంది.  తెలంగాణ నవంబర్ నాటికి చేసిన అప్పు రూ. 30,194 కోట్లు అయితే ఆంధ్రప్రదేశ్ ప్రభుత్వం చేసిన అప్పు రూ. 49,570 కోట్లు  ఈ ప్రభుత్వంలో నిత్యవసర వస్తువుల ధరలు 35 శాతం పెరిగిపోయాయి. పెట్రోల్,డీజిల్ ధరలు 40 శాతం పెరిగాయి. కర్ణాటక కంటే ఒక్క డీజిల్ పైనే ఏపీ రూ.10 లు అధికంగా వసూలు చేస్తున్నారు. 2018-19 తెలుగుదేశం ప్రభుత్వ హయాంలో రూ. 7 వేల కోట్లు ఉన్న మద్యం ఆదాయాన్ని నేడు రూ.24 వేల కోట్లకు పెంచారు.  రాబోయే రోజుల్లో మద్యంపై రూ.30 వేల కోట్లకు టార్గెట్ పెట్టారు. ఇదేనా మద్యనిషేదం. జగన్ రెడ్డి పాలనలో ఒక పేదవాడు తన స్కూటర్ లో లీటర్ పెట్రోలు పోసుకోలేని పరిస్థితి. కరెంట్ ఛార్జీలు, ఆస్థిపన్ను, చెత్తపన్ను పెంచి తెలంగాణ కంటే ఎక్కువ ఆదాయం రాబట్టి బీద అరుపులు అరిస్తే ఎవరూ నమ్మరు. వ్యవసాయ ఆధారిత రాష్ట్రంలో వ్యవసాయం కుదేలైపోయింది.  2019-20 లో వ్యవసాయరంగానికి బడ్జట్ లో రూ. 18,130 కోట్లు కేటాయించి ఖర్చు చేసింది కేవలం రూ. 6,929 మాత్రమే.  నీటిపారుదల రంగానికి బడ్జట్ కేటాయింపు 11,193 కోట్లు ఖర్చు చేసింది రూ. 3,659 కోట్లు,  రోడ్లు భవనాలకు బడ్జట్ లో కేటాయించింది రూ 3,886 కోట్లు ఖర్చు చేసింది రూ. 1274 కోట్లు. అభివృద్దిని అటకెక్కించి రాష్ట్రాన్ని అదోగతి పాలు చేసి ప్రజలపై పన్నులు వేసి వసూలు చేసుకుంటున్న సంగతి సి.ఎస్ కు తెలియదా? సుప్రీంకోర్టుకు హాజరవడం చాలా బాధవేసిందని సి.ఎస్ మాట్లాడుతున్నారు. వేలాదిమంది ప్రజలు, నాయకులు అక్రమ కేసులతో రోజు కోర్టులు చుట్టూ తిరుగున్నప్పుడు రాని భాద ఇప్పుడెందుకు? ప్రజలు కోర్టుల చుట్టూ తిరగుతుంటే తెలుగువారి ఆత్మగౌరవం దెబ్బతినలేదా? అన్యాయం జరుగుతుంటే ఒక ఎగ్జిక్యూటివ్ హెడ్ గా ఆపాల్సిన భాద్యత సి.ఎస్ కు లేదా? ఈ రాష్ట్రంలో బాధితులపైనే కేసులు పెడుతున్న సంగతి సి.ఎస్ కు తెలియదా? ప్రభుత్వం ప్రజల మాన, ప్రాణాలు, ఆస్తులపై పడి దాడి చేస్తుంటే సి.ఎస్ ఏనాడైనా సమీక్షించారా? సీ.ఎస్,  ఫైనాన్స్ సెక్రటరీ లు బాధ్యతాయుతమైన పదవుల్లో ఉంటూ ప్రజలకు అబద్దాలు మాట్లాడటం సమంజసం కాదు. హైదరాబాద్ లాంటి కాస్మోపాలిటన్ సిటీ ఉండే రాష్ట్రం కంటే ఎక్కువ ఆదాయం ప్రజలపై పన్నులు వేసి రాబట్టి తెలంగాణ ఉద్యోగులకు ఇస్తున్న మాదిరి ఏపీ ఎందుకు చేయలేకుంది?  రాష్ట్రాన్ని అభివృద్ధి చేసి ఆదాయం పెంచితే ప్రతీ ఒక్కరు సంతోషిస్తారు.  ప్రజలపై పన్నుల భారం వేసి ఆదాయం పెంచితే దాన్ని అభివృద్ధి అనరు. రాష్ట్రం నుంచి పరిశ్రమలను తరిమివేశారు. ఇదేనా అభివృద్ది? కేంద్రం పెట్రోలు, డీజీల్ పన్ను తగ్గిస్తే రాష్ట్రానికి తగ్గించే బాధ్యత లేదా? ఇప్పటికైనా ప్రభుత్వం పంతాలకు పోకుండా ఉద్యోగుల న్యాయమైన డిమాండ్లను పరిష్కరించాలి. ఉద్యోగుల సమస్యలపై ముఖ్యమంత్రిని ఒప్పించాల్సిన బాధ్యత సి.ఎస్ పైనే ఉంది. 16 వేల కోట్లు రెవెన్యూ లోటులోను 43 శాతం ఫిట్ మిట్ ఇచ్చిన ఘనత చంద్రబాబు నాయుడుదే ఇప్పుడు యావత్తు తప్పుడు లెక్కులు చెబుతూ ఉద్యోగస్తులకు టోపీ పెట్టాలని చూస్తున్నారు. కరోనా థర్డ్ ఫేజ్ విజృంబిస్తున్న సమయంలో ఉద్యోగస్తులు రోడ్లపై ఉండటం రాష్ట్రానికి మంచిది కాదు.

 నెల్లూరుజిల్లా. సూళ్లూరుపేట:

 పట్టణంలోని ప్రముఖ విద్యా సంస్థలలో ఒకటిగా పేరుగాంచిన ఛాంపియన్ ఇంగ్లీష్ మీడియం స్కూల్ అధినేత ఛాంపియన్ చంద్రా రెడ్డి జన్మదిన సంబరాలను ఘనంగా జరుపుకున్నారు, ఈ సందర్భముగా స్కూల్ ఆవరణం లో రక్తదాన శిబిరాన్ని ఏర్పాటు చేసారు, చంద్రా రెడ్డి అభిమానులు,స్నేహితులు, విద్యార్థులు ,యువతి ,యువకులు  మహిళలు స్వచ్చందంగా ముందుకు వచ్చి రక్తదానం చేశారు, ఈ సందర్భముగా ఛాంపియన్ స్కూల్ సిబ్బంది, స్నేహితులు,అభిమానులు చంద్రా రెడ్డి ని కలిసి జన్మదిన శుభాకాంక్షలు తెలిపి  పూలమాలలు వేసి ,శాలువాలు కప్పి ,కేకులు కట్ చేయించి అందరికి పంచిపెట్టారు,ఈ సందర్భముగా ఛాంపియన్ చంద్రా రెడ్డి మాట్లాడుతూ  రక్తదానం చేసిన ప్రతి ఒక్కరికి కృతజ్ఞతలు తెలిపారు,మన పుట్టిన రోజు వేడుక ద్వారా పదిమందికి సహాయపడేలా ఉండాలని గత ఐదేళ్లుగా  రక్తదాన శిబిరం నిర్వహిస్తున్నట్లు ఆయన తెలియజేసారు.