Ravikiranalu TV

 నెల్లూరు, జనవరి 11 : నవరత్నాలు- పేదలందరికీ ఇల్లు పథకంలో భాగంగా జిల్లాలో ఏర్పాటుచేసిన జగనన్న లేఅవుట్లలో ఇంకా మొదలు కాని ఇళ్ల నిర్మాణాలను మార్చిలోగా మొదలుపెట్టి త్వరితగతిన పూర్తి చేసేందుకు చర్యలు చేపట్టాలని రాష్ట్ర గృహ నిర్మాణ శాఖ, గ్రామ, వార్డు సచివాలయాల ప్రత్యేక ముఖ్య కార్యదర్శి శ్రీ అజయ్ జైన్ అధికారులను ఆదేశించారు.

  మంగళవారం సాయంత్రం కలెక్టరేట్లోని తిక్కన ప్రాంగణంలో జగనన్న ఇళ్ల నిర్మాణాలు, జగనన్న సంపూర్ణ గృహ హక్కు పథకంపై జిల్లాస్థాయి అధికారులతో సమీక్షా సమావేశం నిర్వహించారు. ఈ సందర్భంగా ఆయన మాట్లాడుతూ జిల్లాకు మంజూరైన 73740 ఇళ్లకు గాను 48 వేల ఇళ్ల నిర్మాణాలను మొదలుపెట్టారని, ఇంకా 18 వేలకు పైగా ఇళ్ల నిర్మాణాలు మొదలు కాలేదన్నారు. లబ్ధిదారులకు డి ఆర్ డి ఎ, మెప్మా ద్వారా అదనంగా మరో 35 వేల రూపాయల రుణాలను ఇప్పించి ఇళ్ల నిర్మాణ పనులను ముందుకు తీసుకెళ్లేలా కృషి చేయాలన్నారు. పట్టా ఇచ్చింది ఇల్లు కట్టుకోవడానికని, స్థలానికి కాదని ఈ విషయాన్ని లబ్ధిదారులకు వివరించి వారు ఇంటి నిర్మాణాన్ని మొదలు పెట్టేలా చర్యలు చేపట్టాలన్నారు. ఎవరైనా లబ్ధిదారులు జియో ట్యాగింగ్ చేసుకోకుండా, ఇంటి నిర్మాణానికి ముందుకు రాకుండా ఉంటారో అలాంటి వారి పట్టాలను రద్దు చేసి ఆ స్థానంలో నిజంగా ఇల్లు లేని లబ్ధిదారులను ఎంపిక చేయాలన్నారు. గతంలో సంవత్సరానికి జిల్లాకు 1000 ఇళ్లు కూడా మంజూరు అయ్యేవి కావని, ప్రస్తుతం 25వేల కోట్ల రూపాయలతో రాష్ట్ర వ్యాప్తంగా 15 లక్షలకు పైగా ఇళ్ల నిర్మాణాలను ప్రభుత్వం ప్రతిష్టాత్మకంగా చేపడుతోందని, ప్రభుత్వం కల్పించిన ఈ గొప్ప అవకాశాన్ని ఇల్లు లేని పేదలు వినియోగించుకొని సొంత ఇంటి కలను నెరవేర్చుకోవాలన్నారు.  ప్రతిఒక్క లబ్ధిదారుడికి అవసరమైన అన్ని సహాయ సహకారాలను ప్రభుత్వం కల్పిస్తుందన్నారు. ప్రభుత్వమే ఇల్లు నిర్మించే విధంగా ఆప్షన్ 3 ఎంచుకున్న లబ్ధిదారుల గృహాలను త్వరితగతిన పూర్తి చేసి అప్పగించాలన్నారు. సొంతంగా నిర్మించుకున్న లబ్ధిదారులకు బిల్లులు ప్రభుత్వం సకాలంలో మంజూరు చేస్తుందన్నారు. సిఎఫ్ఎంఎస్ పోర్టల్ లో లబ్ధిదారుడి ఖాతాకు బిల్లు మొత్తం జమ అయినట్లు చూపిస్తుందని, వాస్తవంగా పరిశీలిస్తే చాలా మంది లబ్ధిదారులకు బిల్లు జమ కాలేదని తన క్షేత్రస్థాయి పరిశీలనలో గుర్తించానని, కావలిలో 186 మందికి ఈ సమస్య ఎదురైందని, రాష్ట్ర వ్యాప్తంగా పరిశీలించి ఈ సమస్య పరిష్కరించేందుకు చర్యలు చేపడతామన్నారు. కోర్టు కేసులు, వర్షాలు, వరదలు, బిల్లులు ఆలస్యం వంటి సమస్యలు ఇప్పుడు లేవని, ప్రభుత్వం కల్పిస్తున్న సహాయ సహకారాలతో లబ్ధిదారులు ఇంటి నిర్మాణ పనులు పూర్తి చేసుకునేందుకు ముందుకు రావాలని పిలుపునిచ్చారు. ప్రత్యేక అధికారులు, మున్సిపల్ కమిషనర్లు ఇళ్ల నిర్మాణాలకు పురోగతిపై ప్రత్యేక దృష్టి సారించాలన్నారు. అలాగే జిల్లాలో ఓటిఎస్ కింద నగదు చెల్లించిన లబ్ధిదారులకు రిజిస్ట్రేషన్ ప్రక్రియను త్వరగా పూర్తి చేయాలని ఆదేశించారు. 

  అంతకుముందు జాయింట్ కలెక్టర్లు శ్రీ హరేంధిర ప్రసాద్, శ్రీ విదేహ్ ఖరె జిల్లాలోని ఇళ్ల నిర్మాణాల దశలవారీ పురోగతి, ఓటిఎస్ పథకం వివరాలను ప్రత్యేక ముఖ్య కార్యదర్శికి వివరించారు. 

  ఈ సమావేశంలో జాయింట్ కలెక్టర్ (అభివృద్ధి) శ్రీ గణేష్ కుమార్, మున్సిపల్ కమిషనర్ దినేష్ కుమార్, జాయింట్ కలెక్టర్ (ఆసరా) శ్రీమతి రోజు మాండ్, డి పి ఓ శ్రీ ధనలక్ష్మి, హౌసింగ్, డి ఆర్ డి ఎ, మెప్మా, డ్వామా పీడీ లు శ్రీ వేణుగోపాల్, శ్రీ సాంబశివా రెడ్డి, శ్రీ రవీంద్ర, తిరుపతయ్య, విద్యుత్ శాఖ ఎస్ఈ శ్రీ విజయ్ కుమార్ రెడ్డి, నెల్లూరు, కావలి, గూడూరు, నాయుడుపేట ఆర్ డి వో లు శ్రీ హుస్సేన్ సాహెబ్, శ్రీ సీనా నాయక్, శ్రీ మురళీకృష్ణ, శ్రీమతి సరోజిని తదితర అధికారులు పాల్గొన్నారు. 

ఎంపీ ఆదాల ను కలిసిన ఎమ్మెల్యే మహీధర్ రెడ్డి

కందుకూరు ఎమ్మెల్యే మహీధర్ రెడ్డి నెల్లూరు ఎంపీ ఆదాల ప్రభాకర్ రెడ్డిని మంగళవారం ఆయన నివాసంలో కలిశారు. మర్యాదపూర్వకంగా కలిసిన మహీధర్ రెడ్డి  నియోజకవర్గ విశేషాలు ఎంపీ తో పంచుకున్నారు.

 నెల్లూరుజిల్లా, తడ 

 తడ మండలం మాంబట్టు గ్రామంలో  ఉన్న అపాచీ ఫుట్ వెర్ కంపెనీ లో కరోనా కలకలం రేపుతుంది.   భయాందోనలో అపాచి కార్మికులు.  సుమారు 15 వేళా మంది కార్మికులు ఉన్న అపాచి కర్మాగారం. సుమారు 100 మందికి కరోన సోకినట్లు సమాచారం. చైనా వారికి కూడా కరోన సోకినట్టు గుసగుసలు. కావున అధికారులు వెంటనే స్పందించాలని కార్మికులు వాపోతున్నారు.  ఇంకా ఎంతమందికి అనే పూర్తి సమాచారం చెప్పలేక పోతున్న అధికారులు. 

 స్థానిక పత్రికలకు అన్ని విధాలుగా సహకరిస్తాం

 కలెక్టర్ సహకారంతో స్థానిక పత్రికలకు యాడ్స్ మంజూరు చేశాం

 ప్రభుత్వ నిబంధనల ప్రకారం ప్రతి ఒక్కరూ పాటించాలి

పీరియడికల్స్ కు స్టేట్ పాస్ పై కలెక్టర్ దృష్టికి తీసుకెళతాం

 సమాచార, పౌర సంబంధాల శాఖ డీడీ వెంకటేశ్వర ప్రసాద్

సమాచార, పౌర సంబంధాల శాఖ ద్వారా స్థానిక పత్రికలకు అన్ని విధాలుగా సహయ, సహకారాలు అందిస్తామని ఆ శాఖ ఉప సంచాలకులు ఎమ్. వెంకటేశ్వర ప్రసాద్ పేర్కొన్నారు. మంగళవారం నగరంలోని రేబాల లక్ష్మీ నర్సారెడ్డి జూనియర్ ఏసీ  మందిరంలో‌ ఆంధ్రప్రదేశ్ ఎడిటర్స్ అండ్ జర్నలిస్ట్ యూనియన్ రాష్ట్ర కన్వీనర్, కో - కన్వీనర్ మేకపాటి మాల్యాద్రి, గట్టుపల్లి శివకుమార్ లు అధ్యక్షతన జరిగిన యూనియన్ రెండవ జిల్లా మహాసభకు ముఖ్య అథిదిగా నెల్లూరు జిల్లా ఉప సంచాలకులు, సీనియర్ సంపాదకులు  వేల్పుల శేష చలపతి లు పాల్గొన్నారు. ఈ సందర్భంగా డిప్యూటీ డైరెక్టర్ మాట్లాడుతూ కోవిడ్ కారణంగా గత ఏడాదిన్నరగా జర్నలిజం తీవ్ర ఒడుదుడుకులు ఎదుర్కొనిందని ఆందోళన వ్యక్తం చేశారు. కలెక్టర్ సహకారంతో దరఖాస్తు చేసుకున్న అన్ని స్థానిక పత్రికలకు యాడ్స్ మంజూరు చేశామని తెలిపారు. ప్రభుత్వం విడుదల చేసిన మార్గదర్శకాలను పాటిస్తూ ప్రతి ఒక్కరూ పత్రికలను నడుపుకోవాలని సూచించారు. మాస, పక్ష, వార దినపత్రికల సంపాదకులకు స్టేట్ బస్ పాస్ మంజూరు చేయాలని పలువురు కోరారని, దీనిని కలెక్టర్ దృష్టికి తీసుకుని వెళతానని వెల్లడించారు. యూనియన్ రాష్ట్ర కన్వీనర్ మేకపాటి  మాల్యాద్రి నాయుడు, సీనియర్ సంపాదకులు వేల్పుల శేషాచల పతి, రాష్ట్ర కో - కన్వీనర్ గట్టుపల్లి శివకుమార్ లు మాట్లాడుతూ స్థానిక పత్రికల సంపాదకులు తీవ్ర ఇబ్బందులు ఎదుర్కొంటూ కూడా పత్రికలు నిర్వహించుకుంటున్నారని తెలిపారు. కానీ ప్రభుత్వాలు మాత్రం కార్పొరేట్ సంస్థల ద్వారా నడుస్తున్న దినపత్రికలకు అగ్రతాంబూలం వేస్తూ, స్థానిక పత్రికలపై  సవతి తల్లి ప్రేమ తగదన్నారు. స్థానిక పత్రికలను ఆదుకోవాలని సమాచార, పౌర సంబంధాల శాఖ ఉప సంచాలకుల ద్వారా ప్రభుత్వాన్ని డిమాండ్ చేశారు. కార్యక్రమం ముందుగా కోవిడ్ ప్రారంభం నుంచి అసువులు బాసిన జర్నలిస్టులకు రెండు నిమిషాలు మౌనం పాటించి, నివాళులు అర్పించారు. 

నూతన జిల్లా కమిటీ ఎన్నిక

జిల్లా మహాసభ అనంతరం నూతన జిల్లా కమిటీని రాష్ట్ర కన్వీనర్‌, కో- కన్వీనర్‌ లు ప్రకటించారు. 

జిల్లా అధ్యక్షులుగా ఉడతా రామకృష్ణ (సదా మీ కోసం పత్రిక సంపాదకులు), ప్రధాన కార్యదర్శిగా పిగిలం నాగేంద్ర (జనహుషార్ సంపాదకులు), వర్కింగ్ ప్రెసిడెంట్ గా వెలసిరి కుమార్ (ధర్మక్షేత్రం సంపాదకులు), కోశాధికారిగా తుమ్మా రమేష్ (చదరంగం సంపాదకులు) నియమితులయ్యారు. 

ఉపాధ్యక్షులుగా సుంకర సుధాకర్, డీ వరప్రసాద్, చీదెళ్ల సరళ, పీ వెంకటరామిరెడ్డి, కే. ఉదయ్ కుమార్ రెడ్డి, చేవూరు చిన్నాలు నియమితులయ్యారు. 

సహాయ కార్యదర్శులుగా వీ. మధుసూదన రావు, షేక్ అలీ, షేక్ రిజ్వాన్, ఎస్. కామేశ్వరరావు, కూచి వెంకట సురేష్, సయ్యద్ సలీమ్, ఆవుల వెంకటేశ్వర్లు నియమితులయ్యారు.

కార్యవర్గ సభ్యులుగా పీ. చక్రధర్, రాశిరాజు శారధ, సీహెచ్ శివ, షేక్ జావీద్, కూరాకు గోపీ, షేక్ జకావుల్లా, మావిళ్ల ఆనంద్ నియమితులయ్యారు. 

గౌరవ సలహాదారులుగా కోట సునీల్ కుమార్, గూండాల ప్రాతాప్ రెడ్డి, చప్పిడి తిరుమలేష్, న్యాయ సలహాదారులుగా మద్దిబోయిన సుందరయ్య యాదవ్ లు ఏకగ్రీవంగా నియమితులయ్యారు. ఈ కార్యక్రమం లో యూనియన్ రాష్ట్ర, జిల్లా  నాయకులు  శరత్ యాదవ్, రమేష్ రెడ్డి,,, ఎస్.డి. జావీద్, చిత్తూరు జిల్లా నాయకులు రాజా రెడ్డి, ఒంగోలు జిల్లా అధ్యక్షురాలు మల్లేశ్వరి, జిల్లా నాయకులు తదితరులు పాల్గొన్నారు.

 కాకాణీ..ఇంకా ఎన్ని వందల కోట్లు దండుకుంటావ్

  నీ అక్రమాలు,  అవినీతికి అదుపు లేదా

దోచుకోవడం..దాచుకోవడం తప్ప ప్రజలకు మంచి చేసే ఉద్దేశం వైసీపీ ప్రభుత్వానికి లేదు

పేదల ద్రోహి జగన్మోహన్ రెడ్డి దిగిపోవాలి..ధరలు దిగిరావాలనే నినాదంతో సర్వేపల్లి నియోజకవర్గం ముత్తుకూరులో మాజీ మంత్రి, టీడీపీ పొలిట్ బ్యూరో సభ్యులు సోమిరెడ్డి చంద్రమోహన్ రెడ్డి ఆధ్వర్యంలో నిరసన  రాష్ట్రంలో భగ్గుమంటున్న నిత్యావసరాల ధరలతో  సామాన్యులు కడుపు నిండని పరిస్థితి  కష్టకాలంలో ధరలు పెంచి దోచేస్తున్న జగన్మోహన్ రెడ్డి.. సంపదను సృష్టించడం మాని అప్పులు చేస్తూ.. పన్నుల పేరుతో దోపిడీ చేస్తున్నారు.  నిత్యావసర వస్తువుల ధరలు ఈ రాక్షస ప్రభుత్వంలో విపరీతంగా పెరిగిపోయాయి. టీడీపీ ప్రభుత్వం హయాంలో సామాన్యులకు అందుబాటులో ఉన్న ధరలు ఇప్పుడు ఆకాశాన్ని అంటుతున్నాయి.  రైతులు, కూలీలు బతికే పరిస్థితి లేదు. పేదలు తమ బిడ్డలను బతికించుకోలేని పరిస్థితి ఇప్పుడు రాష్ట్రంలో ఉంది. .యూరియా బస్తాలు బ్లాక్ మార్కెట్‌లో అధిక ధరలకు కొనుగోలు చేయాల్సిన దుస్థితి. పొటాష్ నుంచి దోమల మందు వరకు అన్నీ ధరలను రెట్టింపు చేసేశారు. దోచుకోవడం.. దాచుకోవడం తప్ప ప్రజలకు ఏమైనా మంచి చేయాలనే ఉద్ధేశం జగన్ మోహన్ రెడ్డికి లేదు. రాష్ట్రంలో పెట్రోల్, డీజిల్ ధరల విషయంలోనూ దోపిడీయే  పొరుగునే ఉన్న కర్ణాటక, తమిళనాడు రాష్ట్రాలతో పోలిస్తే మన రాష్ట్రంలో లీటరుకు 10 నుంచి 15 రూపాయలు అదనంగా వసూలు చేస్తున్నారు. ప్రజలు, ప్రకృతి సంపదను దోచుకోవడమే ఈ పాలకుల పని  రామదాసు కండ్రిగలో 4వేల క్యూబిక్ మీటర్లకు అనుమతులు ఉంటే లక్షల క్యూబిక్ మీటర్ల గ్రావెల్ ఎత్తేస్తున్నారు..

ఈ ఎమ్మెల్యే కాకాణికి ఎన్ని వందల కోట్లు కావాలో అర్థం కావడం లేదు. పోర్టుకు పోవాలంటే గేటు... కాకాని గేట్ పేరుతో కోట్ల రూపాయల దండకాలు సాగిస్తున్నారు. కాకాని గేటు దాటాలంటే లారీకి 1,000 నుంచి 1500 రూపాయలు చెల్లించాల్సిన పరిస్థితి. ఇదెక్కడి ఖర్మో. ...మా వాళ్లను స్టేషన్ కి పిలిచి బూతులు తిడుతూ ఇబ్బందులకు గురి చేస్తే పోలీసులను ఉపేక్షించేది లేదు. వారిపై పోలీసులు చేయి చేసుకుంటే వందల చేతులు లేస్తాయి.. ఆరోజులు దగ్గరలోనే ఉన్నాయి జాగ్రత్త. దొంగ కేసులు ఎన్ని పెట్టుకుంటారో  పెట్టుకోండి..కానీ చెయ్యి  చేసుకోవడానికి మీకెవరిచ్చారు హక్కు. ఎల్లకాలం మిమ్మల్ని ఎమ్మెల్యేలు కాపాడారనే విషయాన్ని గుర్తుంచుకోండి

 రాష్ట్ర ప్రభుత్వం పెంచిన*23 శాతం ఫిట్ మెంట్ పై ఏపిటిఎఫ్ నిరసన

నెల్లూరుజిల్లా. సూళ్లూరుపేట :  రాష్ట్ర ప్రభుత్వం ప్రకటించిన 23 శాతం ఫిట్మెంట్ ఆమోదయోగ్యం కాదని 27 శాతం ఐఆర్ కంటే తక్కువ ఇవ్వడాన్ని ఆంధ్రప్రదేశ్ టీచర్స్ ఫెడరేషన్ ఖండిస్తూ తడ, దొరవారిసత్రం, సులూరుపేట మండల ఉపాధ్యాయులు సులూరుపేట తహసిల్దారు  కార్యాలయం వద్ద మంగళవారం నిరసన ప్రదర్శన నిర్వహించారు. 

ఈ సందర్భంగా నిరసన వ్యక్తం చేస్తున్న ఉపాధ్యాయులు  మాట్లాడుతూ  ఫిట్మెంట్ ను 30 శాతం గా ప్రకటించాలని, పాత హెచ్ ఆర్ ఎ. స్లాబులను  కొనసాగించాలని, సి పీ ఎస్ విధానాన్ని రద్దు చేయాలని,. 3,4, 5 తరగతుల ను ఉన్నత పాఠశాలఅందు విలీనం చేయడాన్ని వేయాలన్నారు. 

ఈ నిరసన కార్యక్రమంలో మూడు మండలాల ఉపాధ్యాయులు పాల్గొన్నారు. కార్యక్రమాన్ని ఎంవీ. శేషయ్య, శ్రీనివాసులు, విజయ్, పివి గోపీనాథ్ రావు, మేరీ షాక్, కోటేశ్వరరావు, ఉస్మాన్ భాష సుధాకర్ రెడ్డి, గిరి తదితర ఉపాధ్యాయులు విజయవంతంగా నిర్వహించారు.

 మధ్య తరగతి ప్రజల సొంతింటి కలను  సాకారం  చేసే లక్ష్యంతో  జగనన్న స్మార్ట్ టౌన్  షిప్స్  పధకాన్ని ప్రారంభిస్తున్నట్లు రాష్ట్ర ముఖ్యమంత్రి శ్రీ వై.ఎస్. జగన్ మోహన్ రెడ్డి పేర్కొన్నారు.

మంగళవారం ఉదయం  ముఖ్యమంత్రి క్యాంపు కార్యాలయం నుండి  వర్చువల్ విధానం ద్వారా  జగనన్న స్మార్ట్ టౌన్  షిప్స్  పధకానికి సంబంధించిన  వెబ్ సైట్ ను  రాష్ట్ర ముఖ్యమంత్రి   శ్రీ వై.ఎస్. జగన్ మోహన్ రెడ్డి ప్రారంభించారు. ఈ సంధర్భంగా ముఖ్యమంత్రి మాట్లాడుతూ,  పేద వాని సొంతింటి కల నెరవేర్చే ఉద్ధేశ్యంతో నవరత్నాల కార్యక్రమంలో రాష్ట్ర వ్యాప్తంగా 30 లక్షల ఇళ్ల పట్టాలు ఇవ్వడం జరిగిందని, తొలి విడతగా 15 లక్షల మందికి  ఇల్లు నిర్మించే కార్యక్రమానికి శ్రీకారం చుట్టామన్నారు.  మధ్య తరగతి ప్రజలకు కూడా సొంతింటి కల సాకారం చేసేందుకు  ఎటువంటి లాభాపేక్ష లేకుండా, మార్కెట్ రేట్ కంటే తక్కువ ధరకు క్లియర్ టైటిల్ తో  నాణ్యతా ప్రమాణాలతో,   మౌలిక సదుపాయాలతో  రాష్ట్ర వ్యాప్తంగా ప్రతి నియోజక వర్గ పరిధిలో  జగనన్న స్మార్ట్ టౌన్  షిప్ ను ఏర్పాటు చేస్తున్నట్లు ముఖ్యమంత్రి తెలిపారు. అందులో భాగంగా  మొదటి దశలో రాష్ట్రంలోని 6  జిల్లాల్లో  అనంతపురం జిల్లా, ధర్మావరం,  గుంటూరు జిల్లా మంగళగిరి మండలం, వైఎస్ ఆర్ కడప జిల్లా  రాయచోటి, పశ్చిమగోదావరి జిల్లా  ఏలూరు, శ్రీ పొట్టి శ్రీరాములు జిల్లా కావలి, ప్రకాశం జిల్లా కందుకూరు లో  ఈ పధకాన్ని ఈ రోజు ప్రారంభిస్తున్నట్లు ముఖ్యమంత్రి శ్రీ జగన్ మోహన్ రెడ్డి  తెలిపారు.  ఏడాది కాలంలో వీటిని అభివృద్ది చేయడం జరుగుతుందన్నారు.  ప్రభుత్వ ఉద్యోగులకు ప్రతి లే అవుట్ నందు 10 శాతం ఫ్లాట్స్, 20 శాతం రిబేట్ తో కేటాయించడం జరుగుతుందని ముఖ్యమంత్రి శ్రీ జగన్మోహన్ రెడ్డి వివరించారు.

కలెక్టరేట్ లోని ఎస్.ఆర్. శంకరన్ కాన్ఫరెన్స్ హాల్ నుండి జాయింట్ కలెక్టర్ రెవెన్యూ శ్రీ హరేందిర ప్రసాద్ పాల్గొని మాట్లాడుతూ, జిల్లాలోని  కావలి నియోజక వర్గ పరిధిలోని జలదంకి మండలం, జమ్మలపాలెం గ్రామంనందు 97.16 ఎకరాల విస్తీర్ణంలో  జగనన్న స్మార్ట్ టౌన్  షిప్స్ ను ఏర్పాటు చేస్తున్నట్లు ముఖ్యమంత్రి శ్రీ జగన్ మోహన్ రెడ్డి గారికి వివరించారు. ఈ జగనన్న స్మార్ట్ టౌన్  షిప్స్ లో మొత్తం 1112 ఫ్లాట్స్ ఏర్పాటు చేస్తున్నట్లు జాయింట్ కలెక్టర్, ముఖ్యమంత్రి గారికి తెలిపారు.   జగనన్న స్మార్ట్ టౌన్  షిప్స్  పట్ల మధ్య తరగతి ప్రజల్లో మంచి స్పందన వస్తున్నదని జాయింట్ కలెక్టర్ శ్రీ హరేంధిర ప్రసాద్, ముఖ్యమంత్రికి వివరించారు. 

ఈ సందర్భంగా నెల్లూరు కు చెందిన శ్రీమతి సాధన మాట్లాడుతూ, మాలాంటి మధ్య తరగతి కుటుంబాలకు సొంతింటి కల సాకారం చేసేందుకు తక్కువ ధరకే   జగనన్న స్మార్ట్ టౌన్  షిప్  పధకం  ద్వారా  ఫ్లాట్స్ కేటాయించడం ఎంతో సంతోషంగా ఉందన్నారు.   ముఖ్యమంత్రి శ్రీ జగన్ మోహన్ రెడ్డి గారికి  మధ్య తరగతి ప్రజలు ఎంతో రుణపడి ఉంటారని శ్రీమతి సాధన తన అభిప్రాయాన్ని వ్యక్తం చేస్తూ,  ముఖ్యమంత్రి గారికి ధన్యవాదాలు తెలిపారు.

ఈ సందర్భంగా జగనన్న స్మార్ట్ టౌన్  షిప్స్   పధకం పై   నెల్లూరు పట్టణాభివృద్ది సంస్థ(నూడా) రూపొందించిన   బ్రోచర్ను విడుదల చేశారు.

అనంతరం జాయింట్ కలెక్టర్ శ్రీ హరేంధిర ప్రసాద్ మీడియాతో మాట్లాడుతూ,  మధ్య తరగతి ప్రజల సొంతింటి కళను  సాకారం   చేసేందుకు రూపొందించిన జగనన్న స్మార్ట్ టౌన్  షిప్స్  పధకాన్ని రాష్ట్ర ముఖ్యమంత్రి శ్రీ వై.ఎస్. జగన్ మోహన్ రెడ్డి గారు ఈ రోజు ప్రారంభించడం జరిగిందని తెలిపారు.  ఈ పధకం క్రింద జిల్లాలోని  కావలి నియోజక వర్గ పరిధిలోని జలదంకి మండలం, జమ్మలపాలెం గ్రామంనందు 97.16 ఎకరాల విస్తీర్ణంలో  1112 ఫ్లాట్స్ తో జగనన్న స్మార్ట్ టౌన్  షిప్ ను ఏర్పాటు చేస్తున్నట్లు తెలిపారు.   ఈ  జగనన్న స్మార్ట్ టౌన్ షిప్  ను అభివృద్ది చేయడానికి టెండర్ ప్రక్రియ కూడా పూర్తి అయిందని,  పూర్తి స్థాయిలో పనులు కూడా త్వరలో చేపట్టడం జరుగుతుందని  జాయింట్ కలెక్టర్ తెలిపారు.   ప్రజలు ఆన్ లైన్ ద్వారా ధరకాస్తు చేసుకోవాలని,  ప్రభుత్వ ఉద్యోగులకు 10 శాతం ఫ్లాట్స్, 20 శాతం రిబేట్ తో కేటాయించడం జరుగుతుందని, మధ్య తరగతి ప్రజలు,   ప్రభుత్వ ఉద్యోగులు ఈ అవకాశాన్ని సద్వినియోగం చేసుకోవాలని  జాయింట్ కలెక్టర్  తెలిపారు. 

నూడా ఛైర్మన్ శ్రీ ముక్కాల ద్వారకానాథ్ మాట్లాడుతూ,  ముఖ్యమంత్రి శ్రీ జగన్ మోహన్ రెడ్డి గారి చేతుల మీదుగా ఈ రోజు 6 జిల్లాల్లో జగనన్న స్మార్ట్ టౌన్  షిప్స్  పధకాన్ని ప్రారంభించడం, అందులో  నెల్లూరు జిల్లా ఉండటం ఎంతో సంతోషంగా ఉందన్నారు. కావలి నియోజక వర్గ పరిధిలోని జమ్మలపాలెం గ్రామంనందు 97.16 ఎకరాల విస్తీర్ణంలో     నిర్మిస్తున్న  జగనన్న స్మార్ట్ టౌన్  షిప్స్  జిల్లాకు తలమానికంగా ఉండేలా  అభివృద్ది చేయడం జరుగుతుందని ఆయన తెలిపారు. 

ఈ కార్యక్రమానికి   నెల్లూరు పార్లమెంట్ సభ్యులు శ్రీ ఆదాల ప్రభాకర్ రెడ్డి, కావలి శాసన సభ్యులు శ్రీ రామిరెడ్డి ప్రతాప్ కుమార్ రెడ్డి, నెల్లూరు నగర మేయర్ శ్రీమతి పొట్లూరి స్రవంతి, నెల్లూరు పట్టణాభివృద్ధి సంస్థ చైర్మన్ శ్రీ ముక్కాల ద్వారకానాధ్,  నెల్లూరు నగర కమీషనర్ శ్రీ దినేష్ కుమార్,   డి.సి.ఎం.ఎస్ చైర్మన్ శ్రీ వీరి చలపతి, ఆఫ్కాఫ్ ఛైర్మన్ శ్రీ   కొండూరు అనిల్ బాబు,  విజయ డైరీ చైర్మన్ శ్రీ కొండ్రెడ్డి  రంగారెడ్డి, నుడా వైస్ ఛైర్మన్ శ్రీ రమేష్ బాబు,  ప్రజా ప్రతినిధులు, అధికారులు తదితరులు పాల్గొన్నారు.