Ravikiranalu TV

 ఎమ్మెల్యే మేకపాటి ని పరామర్శించిన.. గోపన్నపాలెం సర్పంచ్ గండు వెంకారెడ్డి.

ఉదయగిరి శాసనసభ్యులు మేకపాటి చంద్రశేఖర్ రెడ్డి  బెంగుళూరు లోని హాస్పిటల్ లో చికిత్స పొదుతున్నారన్న విషయం తెలిసిన వెంటనే  గోపన్నపాలెం  సర్పంచ్ గండు వెంకారెడ్డి హాస్పిటల్ కు వెళ్లి ఎమ్మెల్యే ని కలిసి అయన యోగక్షేమాలు అడిగి తెలుసుకొన్నారు. ఎమ్మెల్యే  పూర్తి ఆరోగ్యంగా ఉన్నారని, ప్రజలు ఎలాంటి ఆందోళన చెందవద్దని గండు వెంకారెడ్డి తెలిపారు. వ్యక్తిగత పనిపై బెంగళూరువెళ్ళిన శాసనసభ్యులు మేకపాటి చంద్రశేఖర్ రెడ్డికి సోమవారం రాత్రి గుండెపోటు రావడంతో హుటాహుటిన చికిత్స నిమిత్తం కుటుంబ సభ్యులు బెంగుళూరులోని ఆస్టా వైద్యశాలలో చేర్పించారన్నారు. వైద్యులు పరీక్షించిన అనంతరం మంగళవారం రాత్రి హుటాహుటిన చికిత్స అందించి స్టంట్ ఏర్పాటు చేశారన్నారు. ప్రస్తుతం ఎమ్మెల్యే ఆరోగ్య పరిస్థితి స్థిరంగా ఉందని ఆయన ఆరోగ్య పరిస్థితిపై  ప్రజలు, కార్యకర్తలు, నాయకులు ఎవరు ఆందోళన చెందవద్దని గండు వెంకారెడ్డి తెలిపారు.

 ఐసీఐసీఐ ఫౌండేషన్ మరియు పశుసంవర్ధక శాఖా ఆధ్వర్యంలో పశువులకి, జీవాలకి ఆరోగ్య పరీక్షలు

నెర్ణురు గ్రామంలో ఈరోజు ఐసీఐసీఐ ఫౌండేషన్ మరియు పశుసంవర్ధక శాఖ వారు గేదెలకి, జీవాలకి ఆరోగ్య పరీక్షలు నిర్వహించి ఉచితంగా మందులు పంపిణీ చేయడం జరిగింది. ఈ సందర్భంగా పశు వైద్యులు డాక్టర్ మోహన్ రెడ్డి గారు మాట్లాడుతూ వాన కాలంలో పశువులు గాలికుంటు వ్యాధితో బాధపడుతూ ఉంటాయని, సకాలంలో మందులు వాడి, ఎప్పటికప్పుడు పరిశుభ్రంగా ఉంచుకోవాలని సూచించారు.  ఐసీఐసీఐ ఫౌండేషన్ వారు ఇటువంటి వైద్య సేవలు నిర్వహించడం అభినందించ దగ్గ విషయం అన్నారు. ఫౌండేషన్ జిల్లా అభివృద్ధి అధికారి శ్రీనివాసరావు మాట్లాడుతూ ఈ ప్రాంతంలో నిమ్మ రైతులకి సాగులో మేళ్ళుకువలు, యాజమాన్య పద్ధతులు గురించి శిక్షణా తరగతులు నిర్వహిస్తున్నామని, అందులో భాగంగా ఈ రోజు నిమ్మ రైతులకి ఆదనపు ఆధాయంగా పరిగణించబడే పశువుల కి వైద్య సేవలు, ఆరోగ్య పరీక్షలు నిర్వహించి మందులు పంపిణీ చేయడం జరిగిందని తెలిపారు. ఈ కార్యక్రమంలో కమ్యూనిటీ ఫెసిలిటేటర్లు మస్థానమ్మా, రవి, మస్తానయ్య, గోపాల్, వెటర్నరీ అసిస్టెంట్ సంతోష్, RBK సిబ్బంది, నిమ్మ రైతులు పాల్గొన్నారు.

 గిరిజన గురుకులాల్లో టీచర్ల కోసం జనవరి 6  తేదీ నుంచి బిక్షాటన

 ఈ రోజు నెల్లూరులోని వెన్నెలకంటి రాఘవయ్య భవన్ లో ఏర్పాటు చేసిన విలేకర్ల సమావేశంలో యానాదుల(గిరిజన) సంక్షేమ సంఘం రాష్ట్ర ప్రధాన కార్యదర్శి కెసి పెంచలయ్య, జిల్లా అధ్యక్షులు BL శేఖర్ వెల్లడి మైదాన ప్రాంతంలోని 8 జిల్లాలోని 81గిరిజన గురుకులాల్లో 8,9,10 తరగతులకు టీచర్లు లేరు.486మంది టీచర్లు ఉండాల్సి ఉండగా ఒక్కరంటే ఒక్కరు కూడా లేరు. మరో మూడు నెలల్లో పదో తరగతి పరీక్షలు. ఒక్కంటే ఒక్క గురుకుల పాఠశాలలో కూడా సిలబస్ పూర్తి కాలేదన్నారు. ఈ నేపథ్యంలో గిరిజన గురుకులాల్లో టీచర్ల ను నియమించి గిరిజన పిల్లల భవిష్యత్తును కాపాడాలని పలుమార్లు గిరిజన సంక్షేమ శాఖా మాత్యులు, గిరిజన సంక్షేమ శాఖ అధికారులను ప్రాధేయపడినా ఫలితం లేదని తెలిపారు. ఈ పరిస్థితుల్లో యానాదుల(గిరిజన) సంక్షేమ సంఘం ఆధ్వర్యంలో బిక్షాటన చేసి తద్వారా వచ్చే నగదుతో గిరిజన గురుకులాల్లో టీచర్లను నియమించుకుని పిల్లల భవిష్యత్తు ను కాపాడుకుందామని నిర్ణయించాము. ఇందుకు అందరూ  సహకరించాలని విజ్ఞప్తి చేస్తున్నాము. గుంటూరు జిల్లా తెనాలిలోని బాలికల గురుకుల పాఠశాల 260 మంది పిల్లలు ఉంటే నలుగురే టీచర్లు ఉన్నారు. నెల్లూరు జిల్లా కోట బాలికల పాఠశాలలో 247 మంది పిల్లలు ఉంటే నలుగురే టీచర్లు. ప్రకాశం జిల్లా కరేడులో 200 మంది పిల్లలు ఉంటే నలుగురే టీచర్లు, కడప జిల్లా మైదుకూరు గురుకుల పాఠశాలలో 231 పిల్లలు ఉంటే ఐదుమంది మాత్రమే టీచర్లు ఉన్నారు. 81 గురుకులాల్లోనూ ఇదే పరిస్థితి. ఇక చదువులు ఎలా? అని ప్రశ్నించారు. గతంలో 81 హాస్టల్స్ ను రద్దు చేసి అదే పాత భవనాల్లో గురుకులాలను ఏర్పాటు చేశారు. 80 నుంచి 100  మంది స్థామర్థ్యం గల అక్కడ ప్రస్తుతం  ఒక్కో గురుకుల పాఠశాలలో 250 నుంచి 300 మంది అక్కడే మగ్గుతున్నారని వాపోయారు.  వసతుల్లేవు, చదువుల్లేవు. చదువు,భోజనం, పెట్టే,పడక ఒకే రూమ్ లోనే.  వసతుల్లేకపోయినా మా పిల్లలంతా  భరించారు. గురుకులాలు కదా మంచి చదువు అయినా వస్తుంది భావించారు. అదీ లేకపోవడంతో 17,128 మంది విద్యార్దినీ విద్యార్దుల పరిస్థితి అగమ్యగోచరంగా మారిందన్నారు. ఈ నేపథ్యంలో గిరిజన పిల్లల చదువుల కోసం సాగే బిక్షాటనలో అందరూ పాల్గొని జయప్రదం చేయడంతోపాటు BED, MED చేసిన గిరిజన నిరుద్యోగులు మన పిల్లలకు చదువులు చెప్పేందుకు ముందుకు రావాలని యానాదుల(గిరిజన) సంక్షేమ సంఘం తరపున కోరుతున్నాము. విలేకర్ల సమావేశంలో వర్కింగ్ ప్రెసిడెంట్ ఇండ్ల రవి, ఏకోల్లు సుబ్రమణ్యం, చెంబేటి ఉష, ఏకోల్లు లక్ష్మి, యువజన నాయకులు యల్లంపల్లి రమేష్, కల్లూరు లక్ష్మణ్, తిరివీధి సతీష్, మానికల నాగమణి, పాముల కోటేశ్వరమ్మ, బండి యశోద, బాపనపల్లి పద్మ, రంగయ్య, మేఘన పాల్గొన్నారు.

బూదనం టోల్ ప్లాజా వద్ద  అక్రమంగా తరలిస్తున్న 28 కిలోల గంజాయి పట్టివేత 

 6 మంది ని అదుపులోకి తీసుకున్న ఎస్ ఈ బి అధికారులు 

 గంజాయి వీలు 1.10 లక్షల రూపాయలు 

 జిల్లా ఎస్పీ విజయరావు ఆదేశాలు మేరకు దాడులు 

 చిల్లకూరు మండలంలోని బూదనం టోల్ ప్లాజా వద్ద  అక్రమంగా తరలిస్తున్న 28 కిలోల గంజాయిని బుధవారం ఎస్ ఈ బి అధికారులు పట్టుకున్నారు. ఈ సందర్భంగా ఎస్ ఈ బి జెడి శ్రీలక్ష్మి మాట్లాడుతూజిల్లా యస్.పి. విజయ రావు ఆదేశాల తన ఆధ్వర్యంలో బూదనం టోల్ ప్లాజా వద్ద 28 కిలోల గంజాయిని పట్టుకోవడం జరిగింది అని ఆమె తెలిపారు. గంజాయి విలువ సుమారు 1,10,000 ఉంటుంది అని తెలిపారు, గంజాయి ని తీసుకెళుతున్న ఆరుగురు నిందితులను అరెస్ట్ చేసి కేసు నమోదు చేసినట్లు తెలిపారు, ఈ కార్యక్రమంలో ఎస్ ఈ బి  పోలీసు అధికారులు,సిబ్బంది ఉన్నారు.

వాట్సాప్‌ గ్రూప్స్‌లో చేసే మెసేజ్స్‌పై పూర్తి బాధ్యత గ్రూప్స్‌ అడ్మిన్‌దేనని కేంద్ర ప్రభుత్వం వెల్లడించిన విషయం తెలిసిందే. వాట్సాప్‌ గ్రూప్స్‌ మెసేజ్స్‌ విషయంలో మద్రాసు హైకోర్టు సంచలన తీర్పును ఇచ్చింది. 

 బాంబే హైకోర్డుతో ఏకీభవిస్తూ..! 

 గతంలో బాంబే హైకోర్టు వాట్సాప్‌ గ్రూప్‌ మెసేజ్స్‌ విషయంలో గ్రూప్‌ అడ్మిన్‌ను బాద్యుడిని చేయలేమని ఇచ్చిన తీర్పును మరోకసారి మద్రాస్ హైకోర్టు మధురై బెంచ్ ఆ తీర్పును పునరుద్ఘాటిస్తూ సంచలన తీర్పునిచ్చింది. వాట్సాప్‌ గ్రూప్‌ సభ్యులు పోస్ట్ చేసిన అభ్యంతరకర కంటెంట్‌కు గ్రూప్ అడ్మినిస్ట్రేటర్ బాధ్యులు కాదని వెల్లడించింది. జస్టిస్ జీఆర్ స్వామినాథన్ బాంబే హైకోర్టు కిషోర్ వర్సెస్ స్టేట్ మహారాష్ట్ర తీర్పును మద్రాస్‌ హైకోర్టు ప్రస్తావించింది

 గ్రూప్‌లో మెసేజ్‌ పెట్టినవారే..! 

 వాట్సాప్‌ గ్రూప్స్‌లో అడ్మిన్‌ కాకుండా గ్రూప్ సభ్యులు చేసిన నేరంలో అతను ఎలాంటి పాత్ర పోషించనట్లయితే నిందితుడి జాబితా నుంచి తప్పక తొలగించాలని పేర్కొంది. ఒకవేళ అడ్మిన్ నేరంలో ప్రమేయం ఉన్నట్లు చూపించే సాక్ష్యాలను సేకరించినట్లయితే అతణ్ణి చట్ట ప్రకారం విచారించవచ్చని కోర్టు వెల్లడించింది.

 వ్యక్తిగత ప్రయోజనాల కోసం..! 

 ఆయా వాట్సాప్‌ గ్రూప్స్‌లోని వ్యక్తులు గ్రూప్‌ అడ్మిన్‌పై కక్ష్య సాధింపు చర్యల్లో భాగంగా అడ్మిన్‌ను ఆయా సభ్యుల స్వార్థం కోసం ఇరికించే అవకాశం ఉన్నట్లు మద్రాసు హైకోర్టు అభిప్రాయపడింది. అంతేకాకుండా వాట్సాప్‌ గ్రూప్‌లో అడ్మిన్‌ కేవలం యాడ్‌, రిమూవ్‌ చేసే అధికారాన్నే కల్గి ఉంటారని పేర్కొంది.  గ్రూప్ సభ్యులు పంపే సందేశాలకు అడ్మిన్‌ బాధ్యత వహించలేడని పిటిషన్ పేర్కొంది.

 గతంలో బాంబే కోర్టు కూడా.. 

 వాట్సాప్ గ్రూప్ లో సభ్యులు చేసే పోస్టులకు అడ్మిన్లను బాధ్యులను చేయలేమని బాంబే హైకోర్టు నాగ్ పూర్ బెంచ్ పేర్కొంది. సభ్యులు చేసే తప్పిదాలకు అడ్మిన్లపై క్రిమినల్ నేరం మోపలేమని అభిప్రాయపడింది. 

 కోర్టుకెక్కిన వాట్సాప్‌, ఫేస్‌బుక్‌..! 

 కొద్ది రోజుల క్రితం కేంద్ర ప్రభుత్వం కొత్త ఐటీ చట్టాలను అమలులోకి తెచ్చిన విషయం తెలిసిందే. కొత్త ఐటీ చట్టాలను సవాల్‌ చేస్తూ వాట్సాప్‌, ఫేస్‌బుక్‌ న్యాయస్థానాలకు ఆశ్రయించాయి. ఈ చట్టాలతో తమ ఖాతాదారుల వ్యక్తిగత భద్రతకు సంబంధించిన ప్రైవేటు సమాచారాన్ని ఇవ్వమని ప్రభుత్వం కోరడం రాజ్యంగ స్ఫూర్తికి  విరుద్ధమని పేర్కొన్నాయి. మీ వ్యక్తిగత సమాచారాన్ని గోప్యంగా ఉంచుతామని తాము ఖాతాదారులకు హామీ ఇచ్చామని,. దాన్ని ఉల్లంఘించలేమంటూ అప్పట్లో  న్యాయస్థానాన్ని ఆశ్రయించాయి. 

 లోపాలను సరిదిద్దికుందాం...

పార్టీని మరింత బలోపేతం చేద్దాం...

కార్పొరేషన్ ఎన్నికల్లో గుణపాఠాలు నేర్చుకున్నాం...

జీవితంలో ఎన్నో మోసాలు ఎదుర్కొన్నాం...కొంతమంది పార్టీని నమ్మించి ద్రోహం చేశారు...

- అబ్దుల్ అజీజ్, నెల్లూరు పార్లమెంట్ టీడీపీ అధ్యక్షులు, నెల్లూరు రూరల్ నియోజకవర్గ ఇన్చార్జి...

నెల్లూరు నగరంలోని జిల్లా తెలుగుదేశం పార్టీ కార్యాలయంలో బుధవారం సాయంత్రం నెల్లూరు రూరల్ లోని 28, 36 వ డివిజన్ నాయకులతో, కార్యకర్తలతో నెల్లూరు పార్లమెంట్ టీడీపీ అధ్యక్షులు, నెల్లూరు రూరల్ నియోజకవర్గ ఇన్చార్జి అబ్దుల్ అజీజ్ సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ. కార్పొరేషన్ ఎన్నికలకు సంబంధించి జరిగిన లోపాలను సరిదిద్దుకొనీ తెలుగుదేశం పార్టీని మరింత బలోపేతం చేసేందుకు ప్రతి ఒక్కరు శాయశక్తులా కృషి చేయాలని అన్నారు. కార్పొరేషన్ ఎన్నికలు తమకు గుణపాఠాలను నేర్పించాయన్నారు...కొంతమంది పార్టీ ని నమ్మించి నమ్మకద్రోహం చేశారన్నారు. జీవితంలో ఇలాంటి మోసాలను ఎన్నో ఎదుర్కొన్నామని, వీటి నుంచి పాఠాలు నేర్చుకుంటూ పార్టీని బూత్ స్థాయి నుంచి బలోపేతం చేసేందుకు చేయి చేయి కలిపి సమిష్టిగా కృషి చేయాలి అన్నారు. తెలుగుదేశం పార్టీ తరఫున నిరంతరం పోరాటం చేస్తున్న కార్యకర్తలకు ఏ అవసరం వచ్చినా జిల్లా నాయకులు ఎప్పుడూ అండగా ఉంటుందని హామీ ఇచ్చారు. రాష్ట్ర ప్రభుత్వం గత ఎన్నికలకు ముందు ఇచ్చిన వాగ్దానాలను నెరవేర్చే వరకు పోరాటం చేయాలని అన్నారు. మోసపూరిత వాగ్దానాలతో వైసీపీ అధికారంలోకి వచ్చిందని ప్రభుత్వం అమలు చేస్తున్న ప్రజా వ్యతిరేక విధానాలపై ప్రజల్లో ఎండగట్టాలని పిలుపునిచ్చారు. రాబోవు ఎన్నికల్లో తెలుగుదేశం పార్టీ గెలుపే ద్యేయంగా పని చేయాలని, నారా చంద్ర బాబు నాయుడు గారిని ముఖ్యమంత్రిని చేయాలని పిలుపునిచ్చారు.

అప్పుడప్పుడు కొన్ని సంఘటనలు మనల్ని ఆశ్చర్యంలో ముంచెత్తుతుంటాయి. తాజాగా అలాంటి ఘటనే ఒకటి అసోంలో జరిగింది. అసోంలోని సాచర్ జిల్లాకు చెందిన గంగాపూర్ గ్రామంలో ఓ మేక వింత జీవికి జన్మనిచ్చింది. మనిషిని పోలీన ఆకారంతో ఉన్న ఆ జీవిని చూసేందుకు స్థానిక ప్రజలు ఎగబడుతున్నారు. ఆ జీవి కళ్లు, ముక్కు, నోరు మనిషిని పోలి ఉన్నాయి. అయితే చెవులు మాత్రం మేకలా ఉన్నాయి. ఈ జీవి పుట్టగానే మరణించింది. ఆ జీవిని చూసేందుకు స్థానికులు ఎగబడుతున్నారు.  

 ఈ ఏడాది ఆరంభంలో ఇండోనేసియాకు చెందిన జాలరికి మనిషి మొహంతో ఉన్న షార్క్ పిల్ల దొరికిన సంగతి తెలిసిందే. అబ్దుల్లా అనే జాలరి వలకు ఈ ఏడాది ఫిబ్రవరి 21న ఓ భారీ షార్క్ చిక్కింది. దానిని కోయగా.. దాని లోపల మూడు పిల్లలు ఉన్నాయి. రెండు తల్లిలాగానే ఉండగా.. మూడోది మాత్రం అచ్చం మనిషిలా కనిపించింది. ఈ వార్త అప్పట్లో వైరల్ అయింది.