Ravikiranalu TV

 మాజీ మంత్రి ఆనం రామనారాయణ రెడ్డి మరోసారి సంచలన వ్యాఖ్యలు చేసారు. పోలీస్ శాఖను టార్గెట్ గా చేసుకుని రామనారాయణ రెడ్డి చేసిన వ్యాఖ్యలు వ్యవస్థలో లోపాల్ని ఎత్తిచూపిస్తున్నట్టుగా ఉంది. బుధవారం నెల్లూరు జిల్లాలో ఓ సమావేశంలో పాల్గొన్న మాజీ మంత్రి ఆనం రామనారాయణ రెడ్డి.. పోలీసుల తీరుపై విమర్శలు చేసారు. గతంలో పోలిస్తే ఏపీలో నక్సలిజం, టెర్రరిజం తగ్గిందిని.. లోకల్ మాఫియా మాత్రం పేట్రేగి పోతుందని ఆయన అన్నారు. ప్రజలకు గుదిబండలా తయారైన ఈ లోకల్ మాఫియాను నియంత్రించాల్సిన అవసరం పోలీసులపై ఉందని ఆనం వ్యాఖ్యానించారు.

 పలు ప్రాంతాల్లో లోకల్ మాఫియాతో పోలీసులతో కుమ్మక్కైయారంటూ వార్తలు వస్తున్నాయని.. దీంతో ప్రజల్లో పోలీసులపై నమ్మకం కోల్పోయే పరిస్థితి తలెత్తిందని రామనారాయణ రెడ్డి అన్నారు. ఇప్పటివరకు పోలీస్ స్టేషన్ కు వస్తే సామాన్యులకు న్యాయం జరుగుతుందన్న నమ్మకం, భరోసా ఉండగా.. ఇటీవలి జరిగిన కొన్ని చర్యలు పోలీసుల పై నమ్మకం కోల్పోయేలా ఉందని అన్నారు. లోకల్ మాఫియాను నియంత్రించాల్సిన పోలీసుశాఖ.. వారితో చేతులు కలపడం కరెక్ట్ కాదని రామనారాయణరెడ్డి అన్నారు. పోలీసు శాఖ మాఫియా కలిస్తే రాష్ట్రంలో సామాన్యుడికి భద్రత ఉంటుందా అంటూ రామనారాయణ రెడ్డి ఆందోళన వ్యక్తం చేసారు.

 10 రోజుల పాటు తెరుచుకోనున్న తిరుమల శ్రీవారి వైకుంఠ ద్వారాలు

తిరుమల శ్రీవేంకటేశ్వరస్వామి ఆలయం వైకుంఠ ద్వారాలు 10 రోజుల పాటు తెరుచుకోబోతున్నాయి. జనవరి 13 నుంచి 22వ తేదీ వరకు వైకుంఠ ద్వారాలను తెరుస్తున్నామని టీటీడీ అదనపు ఈవో ధర్మారెడ్డి తెలిపారు. భక్తులకు 10 రోజుల పాటు వైకుంఠ ద్వార ప్రవేశం కల్పిస్తామని చెప్పారు.

ప్రతి ఏడాది వైకుంఠ ద్వార దర్శనం చేసుకోవడానికి పెద్ద సంఖ్యలో భక్తులు తరలి వస్తుంటారు. ఏకాదశి, ద్వాదశి రెండు రోజులు మాత్రమే ఈ ద్వారాన్ని తెరిచి ఉంచుతారు. అయితే ఎక్కువ మంది ఈ ద్వారం గుండా దర్శనం చేసుకునేందుకు వీలుగా వైకుంఠ ద్వారాన్ని 10 రోజుల పాటు తెరిచి ఉంచాలని టీటీడీ నిర్ణయం తీసుకుంది.

ఇదే సమయంలో తిరుపతి వాసులకు టీటీడీ గుడ్ న్యూస్ చెప్పింది. జనవరి 12 నుంచి 21 వరకు రోజుకు 5 వేల ఆఫ్ లైన్ టికెట్లను తిరుపతివాసులకు కేటాయించామని తెలిపింది. 10 రోజులకు గాను మొత్తం 50 వేల సర్వదర్శనం టోకెన్లను తిరుపతి ప్రజలకు జారీ చేస్తామని ధర్మారెడ్డి చెప్పారు.

ఇక, జనవరి 11వ తేదీ ఉదయం నుంచి 12వ తేదీ ఉదయం వరకు తిరుమలలో గదులను కేటాయించబోమని తెలిపారు. వైకుంఠ ఏకాదశినాడు ఉదయం 9 గంటలకు స్వర్ణ రథోత్సవ సేవను నిర్వహిస్తామని, ద్వాదశినాడు ఉదయం 5 గంటలకు చక్రస్నానం నిర్వహిస్తామని తెలియజేశారు.

 నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి గారి ఆదేశాల మేరకు రూరల్ నియోజకవర్గం ములుముడి ముస్లిం పాలెంలో గౌ" పార్లమెంటు సభ్యులు శ్రీ ఆదాల ప్రభాకర్ రెడ్డి గారి ఎమ్.పి. నిధులతో RO ప్లాంట్ ను ప్రారంభించిన ములుముడి గ్రామ ఎంపీటీసీ శ్రీమతి తాటిపర్తి ఝాన్సి మరియు నెల్లూరు రూరల్ ఎమ్మెల్యే కార్యాలయ ఇంచార్జ్ కోటంరెడ్డి గిరిధర్ రెడ్డి. 

 ఇటువంటి గొప్ప కార్యక్రమానికి నిధులను సమకూర్చి సహకరించిన గౌ "పార్లమెంటు సభ్యులు శ్రీ ఆదాల ప్రభాకర్ రెడ్డి గారికి ప్రత్యేక కృతజ్ఞతలు తెలియజేసిన నెల్లూరు రూరల్ ఎమ్మెల్యే కార్యాలయ ఇంచార్జ్ కోటంరెడ్డి గిరిధర్ రెడ్డి. 

పై కార్యక్రమంలో ములుముడి గ్రామ సర్పంచ్ కుండా కరుణాకర్, ఉపసర్పంచ్ షేక్ మన్సూర్, నెల్లూరు రూరల్ మండల ప్రజాపరిషత్ కో ఆప్షన్ సభ్యులు షేక్ మీరామోహిద్దీన్, జిల్లా ప్రజా పరిషత్ కో ఆప్షన్ సభ్యులు షేక్ అల్లాభక్షు మరియు స్థానిక వైసీపీ నాయకులు అట్ల నరసయ్య, రాంగోపాల్, కప్పల రమణయ్య, షేక్ సలాం, ఆరీఫ్, మురళి, సి. మురళి రెడ్డి, రవీంద్ర రెడ్డి, శ్రీనివాసులు రెడ్డి, భాస్కర్ తదితరులు పాల్గొన్నారు.

 విజయవాడలో రీజినల్ క్వాలిటీ కంట్రోల్ లాబొరేటరీ ని ప్రారంభించిన పేర్నాటి దంపతులు

తక్కువ సమయంలోనే లాబొరేటరీ పుననిర్మాణం 

సహకరించిన సియం వై.యస్ జగన్ మోహన్ రెడ్డి కి కృతజ్ఞతలు:పేర్నాటి 

లాబోరేటరీ ద్వారా నాణ్యమైన విత్తనాలను గుర్తింపు 

రైతులకు నకిలీ విత్తనాల బెడద నుండి విముక్తి 

పేర్నాటి దంపతులు వెల్లడి 

  రైతులకు నాణ్యమైన విత్తనాలు అందించేందుకు గురువారం విజయవాడ ప్రసాదంపాడులోని ఆంధ్రప్రదేశ్ రాష్ట్ర విత్తనాభివృద్ధి సంస్థ ప్రధాన కార్యాలయంలో ఏర్పాటు చేసిన రీజినల్ క్వాలిటీ కంట్రోల్ లాబొరేటరీని  ఆంధ్రప్రదేశ్ రాష్ట్ర విత్తనాభివృద్ధి సంస్థ చైర్ పర్సన్ పేర్నాటి హేమ సుష్మిత ,వై.ఎస్.ఆర్ కాంగ్రెస్ పార్టీ రాష్ట్ర కార్యదర్శి పేర్నాటి శ్యామ్ ప్రసాద్ రెడ్డి దంపతులు ప్రారంభించారు. 

 ఈ సందర్భంగా  పేర్నాటి దంపతులు మాట్లాడుతూ తక్కువ సమయంలోనే లాబొరేటరీని పునర్నిర్మించి  ప్రారంభించడం చాలా సంతోషంగా ఉందన్నారు, లాబొరేటరీని పున నిర్మించేందుకు సహకరించిన రాష్ట్ర ముఖ్యమంత్రి వై.యస్ జగన్ మోహన్ రెడ్డికి కృతజ్ఞతలు తెలియ జేస్తున్నాం అన్నారు.

 లాబోరేటరీ ద్వారా నాణ్యమైన విత్తనాలను గుర్తించి, రైతులకు నకిలీ విత్తనాల బెడద నుంచి విముక్తి కలుగుతుంది అని వారు చెప్పారు. రైతులకు లాబోరేటరీ ఎంతగానో  ఉపయోగపడుతుందని తెలిపారు. తమ లక్ష్యం రైతు సంక్షేమం అని,రైతు బాగుంటే దేశం సుభిక్షంగా ఉంటుంది అని తెలిపారు.

 రైతులు రాత్రి పగలు కష్టపడి పనిచేసి ధాన్యం పడించడం వలన ప్రతి ఒక్కరికీ నోటిలో నాలుగువేళ్ళు పోతున్నాయి అని, అలాంటి రైతులకు నాణ్యమైన విత్తనాలు అందించే బాధ్యత తమపై ఉంది అన్నారు.నకిలీ విత్తనాలు సరఫరా ఎవరూ చేసిన తగు చర్యలు తీసుకుంటామని వారు హెచ్చరించారు. ఈ కార్యక్రమంలోరాష్ట్ర విత్తనాభివృద్ధి సంస్థ అధికారులు, సిబ్బంది, వైసీపీ నేతలు పాదర్తి రాధా కృష్ణా రెడ్డి, దువ్వూరు సాయి కృష్ణా రెడ్డి,చిల్లకూరు వెంకు రెడ్డి, మాజీ జడ్పీటీసీ ఉప్పల ప్రసాద్ గౌడ్,ఇన్నమాల వెంకట్రాది, ఉప్పల రఘు తదితరులు పాల్గొన్నారు.

 టాలీవుడ్‌లో మళ్లీ మహమ్మారి కలకలం.. కుర్ర హీరోకు కరోనా పాజిటివ్

కరోనా మహామ్మారి ఎవరిని వదలడం లేదు.. సామాన్యుల నుంచి సినిమా తారల వరకు అందరూ కరోనా బారిన పడుతున్నారు. కమల్ హాసన్, కరీనా కపూర్, అర్జున్, వడివేలు ఇలా ఈ మధ్య వరుసగా సెలబ్రెటీలు కరోనా బారిన పడుతున్నారు. కొత్త వేరియంట్ భయపెడుతున్న ఈ నేపథ్యంలో కరోనా కూడా విజ్రంభించడం ప్రజలను మరింత భయబ్రాంతులకు గురిచేస్తుంది. ఓమైక్రాన్  కేసులు పెరుగుతున్న తరుణంలో సెలబ్రెటీలు కరోనా బారిన పడటం ఆందోళన కలిగిస్తుంది. తాజాగా యంగ్ హీరో మంచు మనోజ్ కరోనా బారిన పడ్డారు. ఈ విషయాన్ని మనోజ్ స్వయంగా ప్రకటించారు. ఈ మేరకు ఆయన ఓ ట్వీట్ చేశారు.

నాకు కరోనా పాజిటివ్ గా నిర్ధారణ అయ్యింది. నన్ను గత వారం రోజులుగా కలిసిన వారందరూ.. దయచేసి కరోనా టెస్ట్ చేయించుకోండి. అలాగే తగిన జాగ్రత్తలు తీసుకోండి. నా గురించి ఆందోళన చెందవద్దు.. నేను క్షేమంగా ఉన్నాను. మీ ప్రేమ, ఆశీర్వాదాలు నాతోనే ఉన్నాయి. నాకు చికిత్స అందిస్తున్న డాక్టర్లు, నర్స్ లకు ధన్యవాదాలు”.. అంటూ ట్విట్టర్ లో రాసుకొచ్చాడు మనోజ్. ఇక కరోనా వ్యాపించకుండా ప్రజలు అప్రమత్తంగా ఉండాలని.. ప్రభుత్వం, అధికారులు సూచిస్తున్నారు.

 కోట మండల జనసేన పార్టీ అధ్యక్షులు గా కోట గ్రామానికి చెందిన దామవరపు బాల సుబ్రహ్మణ్యం  నియమిస్తూ బుధవారం జన సేన పార్టీ అధిష్ఠానం ఉత్తర్వులు జారీచేశారు. బాల సుబ్రహ్మణ్యం జనసేన పార్టీ ఆవిర్భావం నుండి పార్టీ కోసం అహర్నిశలు శ్రమిస్తున్న నేపథ్యంలో ఆయన సేవలను గుర్తించిన జిల్లా అధ్యక్షులు మనుక్రాంత్ రెడ్డి, జిల్లా ఉపాధ్యక్షులు తీగల చంద్రశేఖర్, జిల్లా ప్రధాన కార్యదర్శి గునుకుల కిషోర్ లు అధిష్టానం దృష్టికి తీసుకెళ్లారు. దింతో నెల్లూరు జిల్లా వ్యాప్తంగా జనసేన మండల అధ్యక్షులు ఎంపిక నేపథ్యంలో కోట మండల జనసేన అధ్యక్షుడు గా బాల సుబ్రహ్మణ్యం ను ఎంపిక చేశారు. 

  ఈ సందర్భంగా బాల సుబ్రహ్మణ్యం మాట్లాడుతూ జనసేన పార్టీ అధిష్టానం తనపై ఉన్న నమ్మకం ఉంచి కోట మండల అధ్యక్ష పదవి ఇవ్వడం తనపై మరింత బాధ్యత పెరిగింది అని తెలిపారు. జనసేన ఒక్క గొప్ప పార్టీ అని సామాన్యులకు సైతం సముచిత స్థానం కల్పించడం గొప్ప విషయం అన్నారు.దళిత కులానికి చెందిన తనకు మండల అధ్యక్షునిగా బాధ్యతలు అప్పగించిన జనసేన అధినేత కొణిదెల పవన్ కళ్యాణ్ కి జీవితాంతం ఋణపడి ఉంటానన్నారు. 

  జనసేన సిద్ధాంతాలను, ఆశయాలను ప్రజల్లోకి తీసుకెళ్లి    పార్టీ బలోపేతానికి చేస్తూ, 2024 లో రాష్ట్ర ముఖ్యమంత్రి గా పవన్ కళ్యాణ్ ను చూడాలి అనే లక్ష్యంగా పని చేస్తానని వెల్లడించారు, ముఖ్యమంత్రి యువతలో చైతన్యం తీసుకొని వచ్చి జన సేన పార్టీని బలోపేతం చేసి ప్రజా పక్షం పోరాటాలు చేస్తాను ని చెప్పారు. 

 తన సేవలు గుర్తించి తనకు అన్ని వేళల్లో అండగా ఉన్న జిల్లా అధ్యక్షులు మనుక్రాంత్ రెడ్డి, జిల్లా ఉపాధ్యక్షులు తీగల చంద్రశేఖర్, జిల్లా ప్రధానకార్యదర్శి గునుకుల కిషోర్ లకు ఈ సందర్బంగా ప్రత్యేకంగా కృతజ్ఞతలు  తెలుపుతూ అదేవిధంగా తనకు అన్ని విధాలా జన సేన నేత అల్లం బాబు కి కూడా కృతజ్ఞతలు తెలిపారు. జనసేన పార్టీ నాయకులు, కార్యకర్తలతో   కలిసి ఐక్యమత్యంగా ఉంటూ పార్టీ అభివృద్ధికి కృషి చేస్తానని తెలిపారు.అనంతరం పలువురు బాల సుబ్రహ్మణ్యం కు అభినందలు తెలియజేశారు.

 "రైతులతో కలిసి కాకాణి పర్యటన"

శ్రీ పొట్టి శ్రీరాములు నెల్లూరు జిల్లా, సర్వేపల్లి నియోజకవర్గం, పొదలకూరు మండలంలో కనుపూరు కాలువ మరమ్మత్తు పనులను రైతులు, నీటి పారుదల శాఖ అధికారులతో కలిసి పరిశీలించిన వై.యస్.ఆర్.కాంగ్రెస్ పార్టీ జిల్లా అధ్యక్షులు, సర్వేపల్లి శాసనసభ్యులు కాకాణి గోవర్ధన్ రెడ్డి గారు.

రైతులకు ఎరువులు పంపిణీ చేసిన ఎమ్మెల్యే కాకాణి.

రైతులకు ట్రాక్టర్లు, వ్యవసాయ పరికరాలు, పనిముట్లు పంపిణీ చేసిన ఎమ్మెల్యే కాకాణి.

 భారీ వర్షాలతో సంభవించిన వరదల వల్ల గండిపడిన సాగునీటి కాలువలు, చెరువులకు యుద్ధప్రాతిపదికన మరమ్మత్తులు పూర్తి చేశాం. సర్వేపల్లి నియోజకవర్గ రైతాంగానికి సజావుగా, సాఫీగా సాగునీరు అందించేందుకు అన్ని చర్యలు చేపడుతున్నాం. వరద తాకిడికి దెబ్బతిన్న ప్రాంతాలను సందర్శించడానికి నెల్లూరు విచ్చేసిన ముఖ్యమంత్రి జగన్మోహన్ రెడ్డిగారు రైతాంగ సమస్యల పట్ల స్పందించి, తక్షణమే అవసరమైన మరమ్మత్తులు చేపట్టవలసిందిగా జిల్లా కలెక్టర్ గారికి, అధికారులకు ఆదేశాలు జారీ చేశారు. సర్వేపల్లి నియోజకవర్గంలో నీటిపారుదల శాఖ అధికారులు తయారుచేసిన అంచనాల ప్రకారం మరమ్మతులకు 48 కోట్ల రూపాయలు మంజూరు చేసిన జిల్లా కలెక్టర్ గారికి నా ధన్యవాదాలు. తెలుగుదేశం పాలనలో అధికారం వెలగబెట్టిన వారు మంజూరైన పనులను చేయకుండానే బిల్లులు స్వాహా చేశారు. ప్రతిపక్షంలో శాసనసభ్యునిగా ఆనాడు రైతులతో కలిసి తెలుగుదేశం నాయకులు రైతుల పేరిట చేపట్టిన దోపిడీని బట్టబయలు చేశాం. వరదల కారణంగా దెబ్బతిన్న కాలువలను, చెరువులను చూసి, సాగునీరు అందదేమోనని రైతులు తీవ్ర ఆందోళన చెందారు. వరదలలో రైతులతో కలిసి చెరువులు, కాలువలు సందర్శించి, ధైర్యంగా ఉండాలని, ప్రతి సెంటు పొలానికి నీరు అందిస్తానని మాటిచ్చాం. సర్వేపల్లి నియోజకవర్గ రైతాంగానికి మాటిచ్చిన విధంగా ఎటువంటి ఇబ్బందులు కలగకుండా ప్రతి సెంటు పొలానికి సాగునీరు అందిస్తాం. రైతాంగానికి అవసరమైన ఎరువులను అందుబాటులోకి తెచ్చి, ఇబ్బందులు కలగకుండా పంపిణీ చేస్తాం. రైతులు కోరుకున్న విధంగా వారి అవసరాల మేరకు వ్యవసాయ పరికరాలు, పనిముట్లు, యాంత్రీకరణ సామాగ్రి అందిస్తున్నాం. రైతాంగానికి సాగు నీరందించడానికి రేయింబవళ్లు శ్రమించి, త్వరితగతిన మరమ్మత్తులు పూర్తి చేసిన నీటి పారుదల శాఖ అధికారులకు, సిబ్బందికి నా హృదయపూర్వక అభినందనలు. సర్వేపల్లి నియోజకవర్గ రైతాంగానికి నిరంతరం అందుబాటులో ఉంటూ, చిన్న సమస్య కూడా రానీకుండా చర్యలు చేపడుతాం.