ప్రజలపై భారలు వైసీపీ నాయకుల జోబీలోకి సోమ్మలు
పెట్రోల్ ధరలు తగ్గించాలంటూ టీడీపీ నాయకులు నిరసన *
నిరసనలో పాల్గొన్న ఓ కార్ డ్రైవర్ పెట్రోల్ డీజిల్ గ్యాస్ నిత్యావసర సరుకుల వై రేట్లు పెంచిన ఘనత మీదే సీఎం జగన్ రెడ్డి అంటూ ఓటు వేసినందుకు మా చెప్పుతో మేమే కొట్టుకుంటున్నాము అంటూ ఆవేదన..
వెంకటగిరి నియోజకవర్గం రాపూరు మండలంలో తెలుగుదేశం పార్టీ జాతీయ అధ్యక్షుడు శ్రీ నారా చంద్రబాబునాయుడు గారు ఆదేశాల మేరకు.
వెంకటగిరి మాజీ ఎమ్మెల్యే కురుగొండ్ల రామకృష్ణ సూచనల మేరకు
వ్యాట్ తగ్గించాలంటూ రాపూరు పట్టణంలో నిరసనలు
*రాపూరు *
ఇంధన ధరలు తగ్గించాలంటూ రాపూరు మండలంలో రాపూరు పట్టణంలో టీడీపీ నాయకులు మండల అధ్యక్షులు దందోలు వెంకనటేశ్వర్లు రెడ్డి, పట్టణ అధ్యక్షులు sk ముక్తర్, తిరుపతి పార్లమెంట్ వెంకటగిరి నియోజకవర్గ అధికార ప్రతినిధి నువ్వుల శివరామకృష్ణ పట్టణంలోని షాజీ మందిర్ నుండి పెట్రోల్ బంకువరకు ర్యాలీ నిర్వహించరు.
అనంతరం పెట్రోల్ బంకు వద్ద నిరసనచేపట్టారు.
టీడీపీ మండల, అధ్యక్షులు దందోలు వెంకటేశ్వర్లు రెడ్డి, పట్టణ అధ్యక్షులు sk ముక్తార్, తిరుపతి పార్లమెంట్ నియోజకవర్గ అధికార ప్రతినిధి నువ్వుల శివరామకృష్ణ ఆధ్వర్యంలో ఈ నిరసన కార్యక్రమం జరిగింది.
మధ్యాహ్నం 12 గంటలకు పట్టణం లోని రోడ్డు కూడలి వద్దగల పెట్రోల్ బంక్ వద్ద గట్టిగా హారన్లు మోగించి పార్టీ శ్రేణులు నిరసన తెలిపారు.
ఈ సందర్భంగా వారు మాట్లాడుతూ వైసీపీ అధికారంలోకి వస్తే.. పెట్రోల్, డీజిల్పై వ్యాట్ను పూర్తిగా రద్దుచేస్తానన్న సీ.ఎం జగన్..రెడ్డి 36 రూపాయలు వసూలు చేస్తూ
మాట తప్పను మడమ తిప్పను అని వాగ్దానం ఇచ్చారు.
మాట తప్పిన జగన్ రెడ్డి దుయ్యబట్టారు. రోడ్ల అభివృద్ధి సెస్ పేరిట లీటర్కు అదనంగా మరో రూపాయి వసూలు చేయడాన్ని తప్పుపట్టారు. కేంద్రం పన్ను తగ్గించడంతో దేశవ్యాప్తంగా 23 రాష్ట్రాలు వ్యాట్ని తగ్గించాయని గుర్తుచేశారు.
అధికారంలోకి వస్తే..పెట్రోల్, డీజిల్ పై వ్యాట్ పూర్తిగా రద్దు చేస్తామని పాదయాత్రలో జగన్ ఇచ్చిన హామీని నిలబెట్టుకోవాలని వారు డిమాండ్ చేశారు.
పెట్రోల్ పై లీటర్ కు రూ.16, డీజిల్ పై రూ.17 తగ్గించాలన్నారు. అనేక రాష్ట్రాలు పన్నులు తగ్గించినా.. వైసీపీ ప్రభుత్వం మెుండిగా వ్యవహరిస్తోందని మండిపడ్డారు.
అధిక పెట్రోల్ డీజిల్ ధరల కారణంగా ట్రాక్టర్, నూర్పిడి ఖర్చులు పెరిగి వ్యవసాయం దెబ్బతినటంతో పాటు ఉద్యోగులు, కార్మికులు, చిరు వ్యాపారులు తీవ్రంగా నష్టపోతారన్నారు. లారీల యజమానాలు, కార్మికులు ఆర్థికంగా దెబ్బతినడమే కాక..రవాణ ఖర్చులు పెరిగి నిత్యావసర వస్తువుల ధరలు స్థిరాస్థాయికి చేరతాయని ఆందోళన వ్యక్తం చేశారు. జగన్ సీ.ఎం అయ్యాక దేశంలోనే అధికంగా పెట్రోలు రూ.110.98 చేరటంతో పాటు కరోనా కష్టాల్లో ఉన్న కుటుంబాలపై పెట్రోల్ భారం పిడుగుపాటుగా మారిందని ఆక్షేపించారు.
ఈ నిరసన కార్యక్రమం లో ఎటువంటి అవాంఛనీయ సంఘటనలు జరగకుండా si క్రాంతి కుమార్ asi వెంకటేశ్వర్లు రావు asi రవి తమ సిబ్బందితో ఈ కార్యక్రమాన్ని పర్యవేక్షించారు.
ఈ కార్యక్రమం లో మండల అధ్యక్షులు దందోలు వెంకటేశ్వర్లు రెడ్డి , పట్టణ అధ్యక్షులు sk ముక్తార్ తిరుపతి పార్లమెంట్ వెంకటగిరి నియోజకవర్గ అధికార ప్రతినిధి నువ్వుల శివరామకృష్ణ,మాజీ యైస్ ఎంపీపీ పచ్చిగళ్ళ రత్నం, అహ్మద్, కాజా మోదిన్, రవీందర్ రెడ్డి, టిడిపి నాయకులు కార్యకర్తలు పాల్గొన్నారు .
తెలుగుదేశంపార్టీ నగర ప్రధాన కార్యదర్శి శ్రీమతి రోజా రాణి గారు రూరల్ నియోజకవర్గం 30వ డివిజన్, శ్రామిక నగర్ లోని వారి నివాసంలో రూరల్ ఎమ్మెల్యే కోటంరెడ్డి శ్రీధర్ రెడ్డి సమక్షంలో వైయస్సార్ కాంగ్రెస్ పార్టీలో చేరారు.
పార్టీలో కొత్తగా చేరినవాళ్ళు, మొదటి నుండి పార్టీకోసం కష్టం చేసిన వారు అందరూ కలిసికట్టుగా రూరల్ నియోజకవర్గంలో వైయస్సార్ కాంగ్రెస్ పార్టీ బలోపేతానికి కృషి చేస్తూ, ముఖ్యమంత్రి వై.యస్.జగన్మోహన్ రెడ్డి గారు ప్రవేశపెట్టిన సంక్షేమ పధకాలని ప్రతీ గడపకూ చేరేలా పని చేయాలి. రూరల్ ఎమ్మెల్యే కోటంరెడ్డి శ్రీధర్ రెడ్డి.
నెల్లూరు రూరల్ నియోజకవర్గంలో సేవా కార్యక్రమాలతో పాటు రాజకీయ కార్యక్రమాలను ముందుకు తీసుకెళ్లి , శ్రీమతి రోజారాణి గారికి రూరల్ నియోజకవర్గంలో ఉజ్వల భవిషత్తు కల్పిస్తాం. రూరల్ ఎమ్మెల్యే కోటంరెడ్డి శ్రీధర్ రెడ్డి.
30వ డివిజన్ వైఎస్ఆర్ కాంగ్రెస్ పార్టీ అభ్యర్థి కూకాటి ప్రసాద్ గారి గెలుపు కోసం పనిచేస్తానన్న శ్రీమతి రోజారాణి గారికి ప్రత్యేక ధన్యవాదాలు తెలియ చేసిన నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి.
పై కార్యక్రమంలో 30వ డివిజన్ వై.ఎస్.ఆర్. కాంగ్రెస్ పార్టీ అభ్యర్థి కూకాటి ప్రసాద్, కూకాటి హరి, మన్నేపల్లి రఘు, యానాదయ్య, నారాయణ రెడ్డి, జనార్దన్, కరీమా, ఆనంద రావు, విగ్నేష్, ఖాదర్ బాషా, జమీర్, సురేష్, పెంచలయ్య, కట్టల రమణయ్య, మరియు వైసీపీ నాయకులు, కార్యకర్తలు తదితరులు పాల్గొన్నారు.
నెల్లూరు జిల్లా...చిల్లకూరు మం
రేషన్ బియ్యం అక్రమంగా తరలిస్తున్న ముఠాను అరెస్ట్ చేసిన చిల్లకూరు యస్.ఐ సుధాకర్ రెడ్డి
ఇద్దరు నిందితులు తో పాటు వాహనం 76బస్తాలు రేషన్ బియ్యం స్వాధీనం
అక్రమంగా రేషన్ బియ్యం తరలిస్తున్న ముఠా పై నిఘా ఉంచిన చిల్లకూరు SI L.సుధాకర్ రెడ్డి బూదనం టోల్ ప్లాజా కి సమీపములో నాయిడుపేట నుండి వెంకటచలంకు ఎటువంటి బిల్లులు లేకుండా అక్రమంగా తరలిస్తున్న రేషన్ బియ్యం 76 బస్తాలు (3,204 కేజీలు)ను, మరియు బియ్యం తరలిస్తున్న Mahendra Bolero Tuck నెంబర్ AP.26.YM T/R.1853, ను స్వాదీన పరచుకొని బియ్యం తరలిస్తున్న నాయుడుపేట కు చెందిన గజ్జల వంశీ మరియు వెంకటగిరి కి చెందిన ఇరగా కుమార్, లను అరెస్టు చేసి కేసు నమోదు చెయ్యడం జరిగిందని చిల్లకూరు ఎస్సై ఎల్.సుధాకర్ రెడ్డి తెలియచేశారు...ఈ తనికీల్లో సిబ్బంది పాల్గొన్నారు...
రేపు వాయుగుండంగా మారే అవకాశం
11న తమిళనాడు తీరానికి.. 4 రోజులు దక్షిణ కోస్తాలో భారీవర్షాలు
నెల్లూరు, చిత్తూరు జిల్లాలపై ఎక్కువ ప్రభావం
అమరావతి: ఆగ్నేయ మధ్య బంగాళాఖాతం, దాన్ని ఆనుకుని ఉన్న దక్షిణ అండమాన్లో ఏర్పడిన ఉపరితల ఆవర్తనం బలపడి మంగళవారం అల్పపీడనంగా మారనుంది.
చెన్నైకి 400 కిలోమీటర్ల దూరంలో ఏర్పడే ఈ అల్పపీడనం మరో 24 గంటల్లో వాయుగుండంగా మారి పశ్చిమ వాయవ్య దిశగా కదులుతూ గురువారం తెల్లవారుజామున ఉత్తర తమిళనాడు తీరానికి చేరుకునే అవకాశం ఉందని వాతావరణశాఖ అధికారులు తెలిపారు.
దీనిప్రభావం వచ్చే నాలుగు రోజులు దక్షిణకోస్తా, ఉత్తర తమిళనాడులపై తీవ్రంగా ఉండే అవకాశం ఉందన్నారు.
తీరం వెంబడి గంటకు 40 నుంచి 60 కిలోమీటర్ల వేగంతో గాలులు వీస్తాయని, 11, 12 తేదీల్లో నెల్లూరు, చిత్తూరు జిల్లాల్లో పలుచోట్ల భారీ నుంచి అతి భారీ వర్షాలు కురుస్తాయని తెలిపారు.
కృష్ణా, గుంటూరు, ప్రకాశం, రాయలసీమ జిల్లాల్లోనూ భారీ వర్షాలు కురుస్తాయన్నారు.
సముద్రం అలజడిగా ఉంటుందని, మత్స్యకారులు వేటకు వెళ్లకూడదని రాష్ట్ర విపత్తుల నిర్వహణశాఖ కమిషనర్ కె.కన్నబాబు తెలిపారు.
భారీవర్షాలు కురిసే అవకాశం ఉన్న నేపథ్యంలో ప్రజలు అప్రమత్తంగా ఉండాలని కోరారు. రైతులు వ్యవసాయ పనుల్లో తగిన జాగ్రత్తలు తీసుకోవాలని సూచించారు.
చెత్తంతా కొట్టుకుపోగా నిజమైన హీరోలు టీడీపీ తరపున బరిలో నిలిచారు
వైసీపీ ప్రభుత్వంలో జరుగుతున్న దోపిడీ, అవినీతి, అరాచకాలు, అక్రమాలే ప్రచారాస్త్రాలు
నెల్లూరులోని జిల్లా తెలుగుదేశం పార్టీ కార్యాలయంలో నగరపాలక సంస్థ ఎన్నికలకు సంబంధించిన అభ్యర్థులు, క్లస్టర్ ఇన్చార్జిలు, యూనిట్ ఇన్చార్జిలు, డివిజన్ ఇన్చార్జిల సమావేశంలో పొలిట్ బ్యూరో సభ్యులు, మాజీ మంత్రివర్యులు సోమిరెడ్డి చంద్రమోహన్ రెడ్డి
సమావేశంలో పాల్గొన్న టీడీపీ రాష్ట్ర అధ్యక్షులు కింజారపు అచ్చెన్నాయుడు, శాసనమండలి మాజీ చైర్మన్ ఎంఏ షరీఫ్, మాజీ మంత్రివర్యులు నిమ్మకాయల చినరాజప్ప, నక్కా ఆనందబాబు, టీడీపీ జాతీయ ప్రధాన కార్యదర్శి బీద రవిచంద్ర, నెల్లూరు పార్లమెంటు నియోజకవర్గ పరిశీలకులు బీసీ జనార్దన్ రెడ్డి, అబ్దుల్ అజీజ్, కోటంరెడ్డి శ్రీనివాసులు రెడ్డి, తాళ్లపాక అనూరాధ, చేజర్ల వెంకటేశ్వర్లు రెడ్డి తదితరులు
మోసగాళ్లు, చెత్తంతా కొ్ట్టుకుపోగా నిజమైన హీరోలు తెలుగుదేశం పార్టీ తరపున బరిలో నిలిచారు నమ్మి తెలుగుదేశం పార్టీ టికెట్ ఇస్తే కొందరు డబ్బులకు అమ్ముడుపోయారు ఆంజనేయస్వామి పేరు పెట్టుకున్న జిల్లా పరిశ్రమల శాఖ అధికారి మారుతీ ప్రసాద్ దుర్మార్గంగా వ్యవహరించి అకారణంగా మూడు డివిజన్లలో టీడీపీ అభ్యర్థులను డిస్ క్వాలిఫై చేశారు. జనం డబ్బుతో నెలకు లక్షలు లక్షలు జీతాలు తీసుకుంటూ, కారు సౌకర్యం కూడా పొందుతూ, కుటుంబాన్ని పోషించుకుంటూ నీచాతినీచమైన పనులకు దిగజారిపోయారు. తెలుగుదేశం పార్టీ ప్రభుత్వ హయాంలో నెల్లూరు నగరాన్ని సుందరంగా తీర్చిదిద్దాం. ఒక్క చాన్స్ పేరుతో అధికారంలోకి వచ్చిన వైసీపీ అన్ని వర్గాల ప్రజలను కష్టాల ఊబిలోకి నెట్టింది మద్యం నుంచి పెట్రోలు వరకు తక్కువ ధరలకు కొనుగోలు చేసేందుకు పొరుగు రాష్ట్రాలకు పోవాల్సిన పరిస్థితి ఏర్పడింది. గంజాయి, మత్తు పదార్ధాల కోసం మాత్రం దేశమంతా ఏపీ వైపు చూసే పరిస్థితి తెచ్చారు. వ్యవసాయ శాఖను మూతేశారు. రోడ్డు భవనాల శాఖతో పాటు అనేఖ శాఖలది అదే పరిస్థితి..ఆరోగ్య శ్రీ పథకాన్ని కూడా పడుకోబెట్టేస్తున్నారు టీడీపీ ప్రభుత్వ హయాంలో వ్యవసాయంతో పాటు వివిధ రంగాల్లో ఏపీ దేశంలోనే అగ్రగామిగా నిలిస్తే ఈ రోజు అప్పులు చేయడంలో ముందు ఉంది రైతులు కష్టపడి పండించిన ధాన్యాన్ని అమ్ముకోలేని దుస్థితి. తరతరాలుగా వడ్ల కొలతకు ప్రామాణికంగా వస్తున్న పుట్టికి అర్థం మార్చేసి 850 కిలోలకు బదులుగా వెయ్యి నుంచి 1200 కిలోలు దోచుకున్న చరిత్ర ఈ ప్రభుత్వానిది, పాలకులది చివరకు ఇల్లు కట్టుకోవాలన్నా, లేఅవుట్ వేయాలన్నా ఎమ్మెల్యే పీఏ అనుమతి పొందాల్సిన పరిస్థితి. మన బతుకు మనం బతకడానికి కూడా ఎమ్మెల్యేల దగ్గర లైసెన్స్ తీసుకోవాల్సిన దౌర్బాగ్య పరిస్థితి ఈ రోజు రాష్ట్రంలో నెలకొంది ఎన్నికల ప్రచారంలో ప్రజలకు ఎలాంటి అబద్ధాలు చెప్పాల్సిన అవసరం లేదు..ఈ ప్రభుత్వంలో జరుగుతున్న అవినీతి, అరాచకాలు, అక్రమాలను వివరించండి..వారు పడుతున్న బాధలను గుర్తు చేయండి చాలు ప్రతి టీడీపీ అభ్యర్థి ఘన విజయం సాధించాలని మనస్ఫూర్తిగా కోరుకుంటున్నా
పెదకాకాని గ్రామ పంచాయతీ ఎన్నికల్లో అధికార దుర్వినియోగానికి పాల్పడుతున్న ఆళ్ల బ్రదర్స్ - ధూళిపాళ్ళ నరేంద్ర కుమార్, తెనాలి శ్రావణ్ కుమార్
పెదకాకాని గ్రామంలో జరుగుతున్న పంచాయతీ ఎన్నికలు ప్రజాస్వామ్య పద్దతిలో జరిగే విధంగా చూడాలని పొన్నూరు మాజీ శాసనసభ్యులు శ్రీ ధూళిపాళ్ళ నరేంద్రకుమార్ మరియు తాడికొండ మాజీ శాసనసభ్యులు తెనాలి శ్రావణ్ కుమార్ గార్లు జిల్లా ఎన్నికల అధికారి అయిన జిల్లా కలెక్టర్ గారిని కలిసి తమ రిప్రజెంటేషన్ అందజేశారు.
పెదకాకాని గ్రామము యంపీ ఆళ్ల అయోధ్య రామిరెడ్డి గారు మరియు వారి సోదరుడైన మంగళగిరి ఎమ్మెల్యే ఆళ్ల రామకృష్ణారెడ్డి గార్ల స్వగ్రామం అయినందున గతంలో జరిగిన ఎన్నికల్లో తమ వర్గ ఓటమిని జీర్ణించుకోలేక, సర్పంచ్ అకాల మరణం వలన మరలా జరుగుతున్న పంచాయతీ ఎన్నికల్లో, ఏవిధంగా నైనా పంచాయతీని హస్తగతం చేసుకోవాలనే దురుద్ధేశంతో యంపీ ఆళ్ల అయోధ్య రామిరెడ్డి గారు మరియు వారి సోదరుడైన మంగళగిరి ఎమ్మెల్యే ఆళ్ల రామకృష్ణారెడ్డి గారు వారి అధికార బలంతో తన నియోజకవర్గమైన మంగళగిరి లో పనిచేసే పోలీసు అధికారులకు మరియు ఇతర శాఖ అధికారులకు ఎన్నిక నిర్వహణ బాధ్యతలు అప్పగించి వారిని ప్రలోభపెట్టి ఎన్నికలలో విజయం సాధించుటకు ప్రయత్నం చేస్తున్నారు అని, మరియు వారి ఆగడాలను ప్రశ్నించే స్టానికులను బెదిరింపులకు గురిచేసే విధంగా స్థానికేతరులు అయిన రౌడిసీటర్లను మరియు వారికి అనుకూలంగా ఉన్న చుట్టూ ప్రక్కల గ్రామాలలోని స్థానికేతరులను గ్రామంలో దించి దొంగ ఓట్లు వెయ్యటానికి మార్గాలను సుగమనం చేస్తున్నారు అని కావున దీనిపైన ప్రత్యక దృష్టి పెట్టి ఎన్నికలలో ఎటువంటి అసాంఘిక చర్యలు జరగకుండా మరియు ఎన్నికల విధుల్లో మంగళగిరి నియోజకవర్గానికి సంబంధించిన అధికారులను నియమించవద్దు అని ఎన్నికలు ప్రశాంతంగా జరిగే విధంగా చూడాలని ఎన్నికల అధికారి అయిన జిల్లా కలెక్టర్ గారు తగిన చర్యలు తీసుకోవలసినదిగా తమ ప్రతిపాదనలో కోరియున్నారు.
