Ravikiranalu TV

మహిళలకు భరోసా వైఎస్సార్‌ ఆసరా   రాష్ట్ర శాసన మండలి సభ్యులు బల్లి కళ్యాణ్ చక్రవర్తి

రెండో విడత ఆసరా పంపిణీ కార్యక్రమంలో పాల్గున్న ఎంపీ గురుమూర్తి, ఎమ్మెల్సీ బల్లి కళ్యాణ్ చక్రవర్తి 

  ఆసరా కార్యక్రమానికి తరిలీవచ్చిన పొదుపు మహిళలు 

సర్వేపల్లి నియోజకవర్గ పరిధిలో ఆసరా 4056 పొదుపు సంఘాలు 30.85 కోట్ల రూపాయలు పంపిణీ 

స్త్రీ నిధి బ్యాంక్ సౌజన్యం తోజగనన్న తోడు ద్వారా 2031 పొదుపు గ్రూప్ లకు 2 కోట్ల 30 లక్షల 10 వేల రూపాయలు 

జగనన్న ఇచ్చిన మాట నిలబెట్టుకున్నారు 

 జగనన్న వెంట అక్క చెల్లెలు 

మహిళల ఆర్థిక స్వావలంబనకు రాష్ట్ర ప్రభుత్వం అధిక ప్రాధాన్యత ఇస్తుందని, ఇందులో భాగం వైఎస్‌ఆర్‌ ఆసరా పథకమని, ఇది మహిళలకు ఎంతో భరోసానిస్తుందని సర్వేపల్లి ఎమ్మెల్యే కాకాణి  గోవర్ధన్ రెడ్డి, రాష్ట్ర శాసన మండలి సభ్యులు బల్లి కళ్యాణ్ చక్రవర్తి, తిరుపతి పార్లమెంట్ సభ్యులు డాక్టర్ గురుమూర్తిలుఅన్నారు.  గురువారం సర్వేపల్లి నియోజకవర్గంలోని మండల కేంద్ర మైన వెంకటాచలం ఎర్రగుంట వద్ద నున్న కమ్యూనిటీ హాల్ నందు వైఎస్సార్  ఆసరాకార్యక్రమాన్ని  జిల్లా వైఎస్ఆర్సీపీ ఆధ్యక్షులు మరియుసర్వేపల్లిశాసనసభ్యులు కాకాణి గోవర్ధన్ రెడ్డి, ఎంపీ గురుమూర్తి గఎమ్మెల్సీ బల్లి కళ్యాణ్ చక్రవర్తి తో కలిసి ప్రారంభించారు. 

 వైఎస్‌ఆర్‌ ఆసరా రెండో విడత చెక్కుల పంపిణీ కార్యక్రమంసర్వేపల్లిశాసనసభ్యులు కాకాణి గోవర్ధన్ రెడ్డిఅధ్యక్షతన జరిగిన కార్యక్రమంలోవై.ఎస్‌.ఆర్‌.ఆసరా రెండవ విడత కింద సర్వేపల్లి నియోజకవర్గ పరిధిలో 4056 సంఘాల్లోని  సభ్యులకు రూ.30.85 కోట్లు చెక్కులు మరియు స్త్రీ నిధి బ్యాంక్ సౌజన్యంతోజగనన్న తోడు ద్వారా 2031 పొదుపు గ్రూప్ లకు 2 కోట్ల 30 లక్షల 10వేలరూపాయలచెక్కులను ఎమ్మెల్యే కాకాణి గోవర్ధన్ రెడ్డి,ఎంపీగురుమూర్తి ,ఎమ్మెల్సీ బల్లి కళ్యాణ్ చక్రవర్తి లు 

స్వయంసహాయకసంఘాలు మహిళలకు అందజేశారు. 

 ఈ సందర్భంగా ఎమ్మెల్సీ కళ్యాణ్ చక్రవర్తి   మాట్లాడుతు మహిళా సాధికారతే లక్ష్యంగా వివిధ సంక్షేమ పథకాలు అమలు చేస్తున్నామన్నారు. ఆసరా పథకం వల్ల మహిళలు ఆర్థికంగాఎదిగికుటుంబాలకుఆసరాగానిలుస్తారన్నారు.గ్రామీణం ప్రతి మహిళను లక్షాధికారి చేసేలా ప్రభుత్వం అనేకపథకాలుఅందిస్తుందని అన్నారు,అనంతరంముఖ్యమంత్రిజగన్‌మోహన్‌రెడ్డి చిత్ర పటానికి పాలాభిషేకం చేశారు.కార్యక్రమంలో ఐకెపి ఎపిడి , ఎంపిడిఓ, తహశీల్దార్‌  జెడ్‌పిటిసి , సర్పంచ్‌ , వైసిపి నాయకులు, మహిళా సంఘ సభ్యులు, రెవెన్యూ అధికారులు సిబ్బంది, మహిళలు పాల్గొన్నారు.

జగనన్న స్వచ్ఛ సంకల్పంతో పట్టణ, గ్రామీణాభివృద్ధి  రాష్ట్ర శాసన మండలి సభ్యులు బల్లి కళ్యాణ్ చక్రవర్తి

 వెంకటచలంలో జగనన్న స్వచ్ఛ సంకల్పం' కార్యక్రమం 

గ్రామీణ, పట్టణ, నగర ప్రజలకు మెరుగైన పారిశుధ్య సేవలు 

పారిశుధ్య సేవలు అందించడమే లక్ష్యంగా జగనన్న స్వచ్ఛ సంకల్పం' 

క్లీన్ గ్రామాలు, క్లీన్ నగరాలు, క్లీన్ ఆంధ్రప్రదేశ్ లక్ష్యంగా ఏపీ సర్కార్ 

 కార్యక్రమంలో పాల్గున్న ఎంపీ గురుమూర్తి, ఎమ్మెల్సీ బల్లి కళ్యాణ్ చక్రవర్తి 

చెత్త సేకరణ వాహనాలను జెండా ఊపి ప్రారంభించిన నేతలు 

ఏపీ సీఎం జగన్ మోహన్ రెడ్డి మరో బృహత్తర కార్యక్రమానికి  అక్టోబర్ 2గాంధీ జయంతిని పురస్కరించుకుని శ్రీకారం చుట్టి గ్రామీణ, పట్టణ, నగర ప్రజలకు మెరుగైన పారిశుధ్యసేవలుఅందించడమే లక్ష్యంగా రూపొందించిన 'క్లీన్‌ఆంద్రప్రదేశ్‌(క్లాప్‌)-జగనన్న స్వచ్ఛ సంకల్పం' కార్యక్రమాన్నిప్రాంభించినట్లు సర్వేపల్లి ఎమ్మెల్యే కాకాణి గోవర్ధన్ రెడ్డి, ఎంపీ గురుమూర్తి, ఎమ్మెల్సీ బల్లి కళ్యాణ్ చక్రవర్తి లు వెల్లడించారు. 

 గురువారం మండల కేంద్రమైన వెంకటచలం  ఎర్రగుంట వద్ద కమ్యూనిటీ హాల్ఆవరణలో'క్లీన్‌ఆంద్రప్రదేశ్‌(క్లాప్‌)-జగనన్న స్వచ్ఛ సంకల్పం' కార్యక్రమాన్ని  సర్వేపల్లి ఎమ్మెల్యే కాకాణి గోవర్ధన్ రెడ్డి,ఎంపీ గురుమూర్తి, ఎమ్మెల్సీ బల్లి కళ్యాణ్ చక్రవర్తిలు ప్రారంభించారు, ముందుగా చెత్త సేకరణ వాహనాలను జెండా ఊపి ప్రారంభించి అనంతరం బహిరంగ సభలో పాల్గున్నారు. 

 ఈ సందర్భంగా ఎమ్మెల్యే కాకాణి గోవర్ధన్ రెడ్డి మాట్లాడుతూ సీఎం వైఎస్‌ జగన్‌ మోహన్ రెడ్డి ఎంతో ప్రతిష్టాత్మకంగాప్రారంభించిన'క్లీన్‌ఆంద్రప్రదేశ్‌(క్లాప్‌)-జగనన్న స్వచ్ఛ సంకల్పం'  ద్వారా క్లీన్ గ్రామాలు, క్లీన్ నగరాలు, క్లీన్ ఆంధ్రప్రదేశ్ లక్ష్యంగా ఏపీ సర్కార్ చేపట్టిన మహాయజ్ఞం  అన్నారు. 

 రాష్ట్ర శాసన మండలి సభ్యులు బల్లి కళ్యాణ్ చక్రవర్తిమాట్లాడుతూఆంధ్రప్రదేశ్ ప్రభుత్వం క్లాప్‌ కార్యక్రమంలో ఏపీని స్వచ్ఛతా రాష్ట్రంగా తీర్చిదిద్దడం ప్రధాన ధ్యేయంగా పెట్టుకుంది. క్లాప్ కార్యక్రమంలో భాగంగా బిన్‌ ఫ్రీ, లిటర్‌ ఫ్రీ, గార్బేజ్‌ ఫ్రీ రాష్ట్రంగా ఏపీని తీర్చిదిద్దే జాతీయస్థాయి స్వచ్ఛ సర్వేక్షణ్‌ పోటీల్లో ఉత్తమ ర్యాంక్‌ సాధించే దిశగా ప్రభుత్వం అడుగులు వేస్తోంది అని తెలిపారు. సీఎం జగన్మోహన్ రెడ్డి ఎంతో ప్రతిష్టాత్మకంగా ప్రారంభించిన జగనన్న స్వచ్ఛ సంకల్పం 100 రోజులపాటుకొనసాగనుంది.మొత్తం4,097చెతసేకరణ వాహనాలను  సీఎం జగన్మోహన్ రెడ్డి విడుదల చేశారు అని తెలిపారు.  ఈ వాహనాలు రాష్ట్రంలోని అన్నిప్రాంతాలకుచేరనున్నాయి అని వెల్లడించారు. 

 ప్రజలు ఆరోగ్యంగా , ఆహ్లాదంగా జీవించటమే క్లాప్ ప్రధాన ఉద్దేశంరాష్ట్ర ప్రజలు ఆరోగ్యకరమైన పరిసరాల్లో, ఆహ్లాదంగా జీవనం సాగించడం ఈ కార్యక్రమం ప్రధాన ఉద్దేశమని సీఎం జగన్ మోహన్ రెడ్డి స్పష్టం చేశారు అనితెలిపారు,ఈకార్యక్రమంలోభాగంగా123కార్పొరేషన్‌లు,మునిసిపాలిటీల్లోని 40 లక్షల గృహాలకు 1.20 కోట్ల డస్ట్‌ బిన్‌లు పంపిణీ చేస్తారు. ఇందుకు రూ.100 కోట్ల నిధులను ఏపీ ప్రభుత్వం వెచ్చిస్తోంది. స్వచ్ఛ ఆంధ్ర ప్రదేశ్ నినాదంతో చెత్త సేకరణ కోసం ప్రత్యేక వాహనాలను ఏర్పాటు చేసిన ఏపీ ప్రభుత్వం రాష్ట్రంలో 13 వేలకు పైగా ఉన్న పంచాయితీలలో సాలిడ్ వేస్ట్ మేనేజ్మెంట్ సిస్టమ్ ను ప్రవేశపెట్టనుంది. పదివేలమందిగ్రామపంచాయతీ కార్మికులు ఈ కార్యక్రమానికిపనిచేయనున్నారు అని తెలియజేశారు. 

 100 రోజులపాటు జగనన్న స్వచ్చ సంకల్పం: ఎంపీ గురుమూర్తి 

 సేకరించిన చెత్తను వెస్ట్ మేనేజ్మెంట్ కేంద్రాలకు తరలించి చెత్త నుంచి సంపద తయారు చేసే కేంద్రాలలో సరైన నిర్వహణ లేక నిరుపయోగంగా మారాయని, ఈ కేంద్రాల నిర్వహణకు నలుగురు చొప్పున సిబ్బందిని నియమించి జీతభత్యాలు ఇచ్చి మరీ చర్యలు చేపట్టనున్నారు. కొత్తగా 4,171 చెత్త నుంచి సంపద తయారు చేసేకేంద్రాలనునిర్మించనున్నారు. చెత్త సేకరణ, రవాణా, శుద్ధీకరణ ద్వారా పరిసరాల పరిశుభ్రతకు అధిక ప్రాధాన్యత జగనన్న స్వచ్ఛ సంకల్పం వంద రోజుల పాటు కొనసాగనుంది అని ఆయన వెల్లడించారు. 

 ఇప్పటికే జాతీయ స్వచ్ఛ సర్వేక్షణ్ కార్యక్రమంలో ఆంధ్రప్రదేశ్ రాష్ట్రంలో తిరుపతి,విశాఖ,విజయవాడలకు అవార్డులు వచ్చాయి. ముందు ముందు జాతీయ స్వచ్ఛ సర్వేక్షన్ లో మరింత మెరుగైన ర్యాంకు సాధించే దిశగా ఏపీ ప్రభుత్వం స్వచ్ఛతకార్యక్రమాన్నినిర్వహించనుంది అని తెలిపారు. ఈ కార్యక్రమంలో తహశీల్దార్, ఎంపీడీఓ, వెలుగు ప్రాజెక్ట్ అధికారులు, వైసీపీ నాయకులు, కార్యకర్తలు, అధికారులు, సిబ్బంది, పొదుపు సంఘాల మహిళలు, గ్రామ ప్రజలు తదితరులు పాల్గొన్నారు.

98.07 శాతానికి చేరిన రికవరీ రేటు

దిల్లీ: దేశంలో కరోనా వ్యాప్తి కొనసాగుతోంది. రోజువారీ కేసులు తగ్గినట్టే తగ్గి మళ్లీ పెరుగుతున్నాయి. తాజాగా 18 వేలకు పైగా కేసులు, 200కు పైగా మరణాలు సంభవించాయి. గురువారం కేంద్ర ఆరోగ్యశాఖ ఈ గణాంకాలను వెల్లడించింది.

బుధవారం 13,01,083 మందికి కొవిడ్ నిర్ధారణ పరీక్షలు నిర్వహించగా.. 18,987 మందికి పాజిటివ్‌గా తేలింది. అంతక్రితం రోజుతో పోల్చితే కేసుల్లో 16 శాతం పెరుగుదల కనిపించింది. నిన్న 19,808 మంది కరోనా నుంచి కోలుకున్నాను. ఇప్పటి వరకు 3.40 కోట్ల మందికిపైగా వైరస్ సోకగా.. వారిలో 3.33 కోట్ల మంది కోలుకున్నారు. రికవరీ రేటు 98.07 శాతానికి చేరింది.

ప్రస్తుతం క్రియాశీల కేసులు రెండు లక్షలకు చేరువలో కొనసాగుతున్నాయి. ఆ కేసుల సంఖ్య 2.06 లక్షలు(0.61 శాతం)గా ఉంది. నిన్న మరో 246 మంది ప్రాణాలు కోల్పోయారు. మొత్తంగా 4,51,435 మంది మహమ్మారి కారణంగా ప్రాణాలు కోల్పోయారు.

భద్రత ఎక్స్ గ్రేషియా చెక్కును అందచేసిన జిల్లా యస్.పి. శ్రీ విజయ రావు,IPS., గారు

  SPS నెల్లూరు : ఇంటికి పెద్ద దిక్కు లేకపోతే ఆ లోటు ఎలా ఉంటుందో తెలుసు.. ధైర్యంగా ఉండండి.. 

ఎటువంటి సమస్య అయినా, నా దృష్టికి తీసుకు రండి. అమరులైన పోలీసు కుటుంబాలు నిర్భయంగా ఉండండి.. మేము ఉన్నాము.  తల్లిగారిని బాగా చూసుకోవాలని మృతుని కుమారునికి సూచన. కష్టపడి చదివి, ఉన్నతస్థాయికి వెళ్ళాలి.. మంచి పేరు తీసుకురావాలి.. యస్.పి. గారు.

ఈ రోజు అనగా తేది.14.10.2021 న SPS నెల్లూరు జిల్లా యస్.పి. శ్రీ విజయ రావు, IPS., గారు  విధి నిర్వహణలో మరణించిన మృతుని కుటుంబానికి భద్రత ఎక్స్ గ్రేషియా చెక్కుని అందించటం జరిగినది. వివరములలోకి వెళ్ళితే ASI-788 శ్రీ N.సుబ్రమణ్యం గారు గూడూరు 1 టౌన్ పి.యస్. నందు విధులు నిర్వహిస్తూ 17.07.2021 వ తేదీ నాడు అనారోగ్యంతో మరిణించినారు. వీరికి రావలసిన భద్రత క్రింద 4,00,000/- ల చెక్కును మృతుని భార్య శ్రీమతి విజయ, కుమారుడు శ్రీ అవినాష్ గార్లకు అందచేయటం జరిగినది. ఈ సందర్బంగా  జిల్లా యస్.పి. గారు మాట్లాడుతూ విధి నిర్వహణలో మరణించిన పోలీస్ కుటుంబాలను అన్ని విధాలుగా ఆదుకుంటామని, మీ నాన్న గారి పేరు నిలబెట్టాలని, వీరికి ఎటువంటి సమస్యలు ఉన్న నేరుగా వచ్చి కలవవచ్చు అని తెలియచేసినారు. ఈ కార్యక్రమంలో యస్.పి. గారితో పాటు అడిషనల్ యస్.పి.(అడ్మిన్) శ్రీమతి పి.వెంకటరత్నం గారు, సెక్షన్  సూపరింటెండెంట్ శ్రీమతి ఖతీజా బేగం, B4 క్లర్క్ శ్రీ మాలకొండయ్య మరియు మృతుని భార్య, కుమారుడు పాల్గొన్నారు.

 అలర్ట్ : మూడు రోజుల పాటు భారీ వర్షాలు

ఏపీకి మరో మూడు రోజుల పాటు భారీ వర్షాలు ఉన్నట్లు వాతావరణ శాఖ తెలిపింది. కృష్ణానగర్, బారిపాడ, మల్కన్ గిరి, హనంకొండ, ఔరంగబాద్, సిల్వాసా ప్రాంతముల గుండా కొనసాగుతున్నది. రాగల 24 గంటలలో మహారాష్ట్ర, తెలంగాణ లలోని మరికొన్ని ప్రాంతముల నుండి మరియు కర్ణాటకలోని కొన్ని ప్రాంతముల నుండి నైరుతి రుతుపవనాలు తిరోగమించే అవకాశాలు ఉన్నాయి.తూర్పుమధ్య బంగాళాఖాతం & దాని పరిసర ప్రాంతాలలో ఏర్పడిన ఉపరితల ఆవర్తనము సగటు సముద్ర మట్టానికి 5.8 km ఎత్తు వరకు విస్తరించి, ఎత్తుకు వెళ్లే కొలది నైరుతి వైపు వంగి కొనసాగుతోంది.

దీని ప్రభావము వలన రాగల 24 గంటలలో అదే ప్రాంతములలో ఒక అల్పపీడనం ఏర్పడే అవకాశం ఉంది. తదుపరి 24 గంటలలో ఈ అల్పపీడనం పశ్చిమ-వాయువ్య దిశగా ప్రయాణించి దక్షిణ ఒడిషా-ఉత్తర ఆంధ్రప్రదేశ్ తీరాలను చేరుకొనే అవకాశం ఉంది. ప్రస్తుతము తూర్పు-పశ్చిమ ఉపరితల ద్రోణి 13°N అక్షాంశము వెంబడి తూర్పుమధ్య బంగాళాఖాతం & దాని పరిసర ప్రాంతాలలో కొనసాగుతున్న ఉపరితల ఆవర్తనం నుండి కర్ణాటక తీరానికి దగ్గరగా తూర్పు మధ్య అరేబియా సముద్రం ప్రాంతములో కొనసాగుతున్న ఉపరితల ఆవర్తనం వరకు సగటు సముద్రమట్టానికి 4.5 km నుండి 5.8 km ఎత్తుల మధ్య కొనసాగుతోంది.వీటి ఫలితంగా ఆంధ్రప్రదేశ్ రాష్ట్రంలో రాగల మూడు రోజుల వరకు వర్షాలు పడనున్నట్లు వాతావరణ శాఖ తెలిపింది. ఉత్తర కోస్తా ఆంధ్ర మరియు యానాం, దక్షిణ కోస్తా ఆంధ్ర, రాయలసీమ ప్రాంతాలకు ఎక్కువ వర్షాలు ఉన్నట్లు స్పష్టం చేసింది వాతావరణ శాఖ.

 విజయదశమి పండుగ కులాలకు మతాలకు సంబంధించిన పండుగ కాదు,విజయదశమి పండుగ మానవత్వానికి సంబంధించిన పండుగ. ధర్మాన్ని స్థాపించడం కోసం అధర్మాన్ని వధించిన రోజును, దుర్గామాత మహిషాసురుని వధించిన రోజును విజయదశమి పండుగగా జరుపుకుంటాం. మన పక్కింటి వాళ్లకు,స్నేహితులకు,రాష్ట్రానికి ఎటువంటి అన్యాయం జరిగినా పట్టిపట్టనట్టుగా వ్యవహరిస్తున్నాము. ఎక్కడ అన్యాయం జరిగినా,ఎక్కడ అధర్మం జరిగినా,ఎక్కడ మోసం జరిగినా, విజయదశమి పండుగ స్ఫూర్తి తో వాటి పై పోరాడాలి.... అబ్దుల్ అజీజ్, నెల్లూరు పార్లమెంట్ టీడీపీ అధ్యక్షులు, నెల్లూరు రూరల్ నియోజకవర్గ ఇన్చార్జి. విజయదశమి పండుగను పురస్కరించుకుని,గురువారం నెల్లూరు పార్లమెంట్ టీడీపీ అధ్యక్షులు, నెల్లూరు రూరల్ నియోజకవర్గ ఇన్చార్జి అబ్దుల్ అజీజ్ గారు నెల్లూరు నగరంలోనీ హరనాథపురం ఆయన నివాసంలో  మీడియా ద్వారా నగర ప్రజలకు సందేశాన్ని ఇచ్చారు.

ఈ సందర్భంగా అబ్దుల్ అజీజ్ గారు మాట్లాడుతూ ముందుగా నెల్లూరు జిల్లా ప్రజలందరికీ విజయదశమి శుభాకాంక్షలు తెలిపారు. ఈ పండుగతో మీ జీవితాల్లో ఉన్న సమస్యలు అన్ని తొలగిపోయి, అందరి జీవితాలు సుఖశాంతులతో నిండాలని ఆ భగవంతుడ్ని ప్రార్ధిస్తున్నాను అన్నారు. ధర్మాన్ని స్థాపించడం కోసం అధర్మాన్ని వధించిన రోజు, దుర్గామాత మహిషాసురుని వధించిన రోజున విజయదశమి గా జరుపుకుంటాం అన్నారు. ఈ పండుగను ప్రాంతాల వారీగా ఒక్కో ప్రాంతంలో ఒక్కో విధంగా పిలుస్తారని, ఒక్కో విధంగా జరుపుకుంటారని అన్నారు.  నార్త్ సైడ్ రాష్ట్రాల్లో రామ్ లీలా గా జరుపుకుంటారని అంటే రావణాసురుడిని రాముడు వధించిన రోజని. దాని ముఖ్య ఉద్దేశం కూడా ధర్మాన్ని స్థాపించడం కోసం అధర్మాన్ని వదించడమేనని అన్నారు. వెస్ట్ సైడ్ రాష్ట్రాల్లో చూస్తే,అధర్మం వైపు ఉన్న కురువంశాన్ని ( లక్ష మందిని ) అర్జునుడు ఓడించడం,  దహించడాన్ని పండుగగా చేసుకుంటారని, అక్కడ కూడా అధర్మం పై ధర్మం గెలవడమే ముఖ్య ఉద్దేశమని అన్నారు. ప్రస్తుత రోజుల్లో మన పక్కింటి వాళ్ళకి, రోడ్ల పైన, మన రాష్ట్రానికి ఏమైనా అన్యాయం జరుగుతుంటే, ఇంట్లో తలుపులు వేసుకుని కూర్చుంటున్నామని, మనకు సంబంధం లేనట్టు ప్రవర్తిస్తున్నామని ఆవేదన వ్యక్తం చేశారు. ఈ పండుగలన్నీ మనకు ఎక్కడ అన్యాయం జరిగినా, ఎక్కడ అధర్మం జరిగినా, ఎక్కడ మోసం జరిగినా, దాని పైన పోరాడటమే నేర్పుతున్నాయని, అన్యాయాన్ని ఎదిరించడం ప్రతీ పౌరుడి, ప్రతి మనిషి యొక్క బాధ్యతనీ అన్నారు. ప్రస్తుతం ఆంధ్ర రాష్ట్రంలో పాలన బాగలేక అందరూ అన్యాయాలకు, అక్రమాలకు గురవుతున్నారని, వాటినీ ప్రశ్నించడం వాటిపై పోరాడడం ప్రతీ ఒక్కరి బాధ్యత కావాలని కోరారు. విజయదశమి పండుగ కులాలకు మతాలకు సంబందించిన పండుగ కాదని, విజయదశమి పండుగ మానవత్వానికి సంబంధించిన పండుగని అన్నారు. పండుగ అంటే కేవలం పిండి వంటలు చేసుకుని తిని, కొత్త బట్టలు వేసుకుని తిరగడం మాత్రమే కాదనీ, ప్రతి పండుగ మనకు ఒక మంచి మార్గాన్ని, మంచి నడవడికను చూపుతాయని అన్నారు. రాష్ట్ర ప్రజలు, పౌరులు, అందరూ దేశంలో ఎక్కడ అన్యాయం జరిగినా విజయదశమి పండుగ స్ఫూర్తితో ఎటువంటి బేధాలు లేకుండా మన వంతు బాధ్యతగా వాటి పై పోరాడాలని పిలుపునిచ్చారు.....

ఈ నెల 30న నిర్వహించే జాబ్ మేళాకు  తరలి రానున్న ప్రఖ్యాత కంపెనీలు

భారీ స్థాయిలో నిర్వహణ

1000 కి పైగా ఉద్యోగ అవకాశాలు

మెట్ట ప్రాంత యువతీ యువకులకు సువర్ణవకాశం

మహిళలకు ప్రత్యేక అవకాశం

నిరుద్యోగ యువతకు పెద్ద ఎత్తున ఉద్యోగ అవకాశాలు కల్పించడమే లక్ష్యంగా పరిశ్రమలు, వాణిజ్య, ఐ.టీ శాఖ మంత్రి మేకపాటి గౌతమ్ రెడ్డి గారు నడుం బిగించారు. ప్రతి సంవత్సరం మాదిరిగా ఈసారి కూడా మరో భారీ జాబ్ మేళా నిర్వహణకు సిద్ధమయ్యారు. టెన్త్, ఇంటర్, ఐటీఐ, పాలిటెక్నిక్, డిగ్రీ, పీజీ, బిటెక్, డిప్లమా ఇన్ మెడికల్, ఫార్మసీ, బీఎస్సీ కెమిస్ట్రీ లాంటి వివిధ చదువులు పూర్తి చేసిన యువతీ యువకుల కోసం  *ఆత్మకూరులో *ఉద్యోగ మేళా ఈనెల 30వ తేదీన నిర్వహించ బడును.*

ప్రభుత్వంలోకి రాగానే యువతకు సుమారు 6 లక్షల ఉద్యోగాలు అందించిన ముఖ్యమంత్రి జగన్మోహన్ రెడ్డి గారి స్ఫూర్తితో పేరున్న అపెక్స్ సొల్యూషన్ లిమిటెడ్, గ్రీన్ టెక్ ఇండస్ట్రీస్, అపాచీ, హీరో, ఇసుజి, రైజింగ్ స్టార్స్ మొబైల్స్, అమర్ రాజా బ్యాటరీస్,  హెట్రో డ్రగ్స్, టాటా స్టీల్, అపోలో ఫార్మసీ, ఎయిర్టెల్ పేమెంట్ బ్యాంక్,  మెడికవర్ హాస్పిటల్, సౌత్ ఇండియా బ్యాంక్, టాటా స్కై, Chola ms general insurance, Noveau Medicament, అమెజాన్, ఫ్లిప్కార్ట్, ఫోన్ పే, లాంటి ప్రఖ్యాత కంపెనీలలో ఉద్యోగాలందించేందుకు మంత్రి మేకపాటి గౌతమ్ రెడ్డి శ్రీకారం చుట్టారు. *ఈ జాబ్ మేళాలో సుమారు వెయ్యికి పైగా యువతీ యువకులకు ఉద్యోగ అవకాశాలు కల్పించబడును. 

ఈ జాబ్ మేళాను ఆత్మకూరు నియోజకవర్గం తోపాటు నెల్లూరు జిల్లాలోని యువతీ యువకులు సద్వినియోగం చేసుకోవాల్సిందిగా కోరడమైనది.